ဆပ်ပြာမှုန့်မလိုတဲ့ စက်ရုပ်ငါးအ၀တ်လျှော်စက်

ဆပ်ပြာမှုန့်အစား စက်ရုပ်ငါးတွေ အသုံးပြုပြီး အ၀တ်လျှော်နိုင်မယ့် စက်တစ်မျိုးကို ကိုရီးယား ဒီဇိုင်နာတစ်ဦးက တီထွင်ခဲ့ပါတယ်။ လျှော်မယ့် အ၀တ်အစားက အညစ်အကြေးတွေကို ရှာဖွေဖို့ စက်ရုပ်ငါးတွေမှာ အသေးစား ကင်မရာတစ်လုံး တပ်ဆင်ပေးထားပြီး အ၀တ်အစားထဲက အညစ်ကြေးမှုန်တွေကို စက်ရုပ်ငါးတွေ စုပ်ထုတ်ကြမှာဖြစ်ပါတယ်။ အဲဒီအ၀တ်လျှော်စက်ကို Pecera လို့ ခေါ်ပါတယ်။

ဒီစက်ကို ဖန်တီးဖို့ အတွေးရခဲ့တာကတော့ ငါးဆရာဝန်တွေကြောင့်ပါပဲ။ ငါးဆရာဝန်ဆိုတာ ခြေထောက်က ဆဲလ်သေတွေကို ကိုက်ပြီးဖယ်ရှားပေးတဲ့ငါးတွေကို ပြောတာပါ။ တီထွင်သူ ချန်ယွတ်ဂျွန်းက Pecera စက်တွေကို သာမန်အ၀တ်လျှော်စက် ဈေးနှုန်းနီးပါး ရောင်းချနိုင်ဖို့

ကြိုးပမ်းသွားမယ်လို့ ပြောခဲ့ပြီး Peceraစက် အသုံးပြုမှု တွင်ကျယ်လာရင် ဆပ်ပြာမှုန့်ကြောင့် ဖြစ်ရတဲ့ ရေဓာတ်ညစ်ညမ်းမှုကို ထိန်းသိမ်းနိုင်လိမ့်မယ်လို့ ရှင်းပြသွားပါတယ်။ Pecera စက်ဟာ ၂၀၁၄ခုနှစ် ကမ္ဘာ့ဒီဇိုင်းသစ် တီထွင်ဖန်တီးမှု ပြိုင်ပွဲ ၀င်ရောက်ယှဉ်ပြိုင်ဖို့ ဆွီဒင်အခြေစိုက် Electrolux ကုမ္ပဏီက ရွေးချယ်ထားတဲ့ ဖန်တီးမှု ၁၀၀ထဲမှာ တစ်ခုအပါအ၀င်ဖြစ်ပါတယ်။

@z (ရိုးရာလေး)

Ref:https://m.facebook.com/yoyarlaydotcom/photos/pb.171647766211817.-2207520000.1409537302./748637781846143/?type=1&source=54&ref=stream