“NLD အစိုးရ ၃ နှစ်တာအတွင်း ရဲတပ်ဖွဲ့နဲ့ တရားရေးရဲ့ လာဘ်စားမှုတွေက အရင်အတုိုင်းပဲ၊ ဘာမှ မထူးခြားဘူး”
By နန့်အိသူ/ရန်ကုန်ခေတ်သစ်
NLD အစုိုးရ၏ ရွေးကောက်ပွဲဝင် ကတိက၀တ် ၃ ခုတွင် တရားဥပဒေစုိုးမုိုးရေး ကတိက၀တ် တစ်ခု အပါအ၀င်ဖြစ်သည်။ ၂၀၁၆ ခုနှစ် မတ်လတွင် စတင်အာဏာရယူသော NLD အစုိုးရ သည် ၂၀၁၉ ခုနှစ် မတ်လတွင် အစုိုးရသက်တမ်း ၃ နှစ်ပြည့်သွားပြီဖြစ်ရာ ၃ နှစ်တာ ကာလအတွင်း တရားဥပဒေစုိုးမုိုးရေး ရည်မှန်းချက် အောင်မြင်မှု ရှိ၊ မရှိကို ရန်ကုန်ခေတ်သစ် က ပုဂ္ဂလိက လွတ်လပ်သော ဥပဒေပညာရှင်များကို ဆက်သွယ်မေးမြန်း ထားပါသည်။
တရားလွှတ်တော်ရှေ့နေဦးကြီးမြင့်
ဥက္ကဋ္ဌ၊ ပြည်ထောင်စုရှေ့နေများနှင့် ဥပဒေအထောက်အကူပြုအဖွဲ့
NLD သုံးနှစ်တာ ကာလအတွင်း ထင်ထင်ရှားရှားတိုးတက်မှုကတော့ အဂတိလိုက်စားမှု တိုက်ဖျက်ရေးကော်မရှင်က တော်တော် အလုပ်လုပ်နိုင်ခဲ့တယ်။ အဲဒါ ကို သွားတွေ့ရတယ်။ အဲဒီအတွက်လည်း အများကြီးဝမ်းသာတယ်။ တိုးတက်မှုတွေ ရှိပါတယ်။ သို့သော်လည်း မြန်မာပြည်ဟာ နှစ် ၃၀ လောက် စစ်အာဏာရှင်လက်ထက်မှာ သူလည်းစား ၊ ကိုယ်လည်း စား လွှတ်ထားလိုက်တဲ့အကြောင်းမို့ တိုးတက်မှုကတော့ တဖြည်းဖြည်းပဲ တိုးတက်တာပေါ့။ ကိုယ်လိုချင်သလောက် တိုးတက်မှုတော့ မရသေးဘူး။ အဲဒါက တစ်ချက်ပေ့ါ။
နောက် တရားစီရင်ရေးနဲ့ ပတ်သက်လာရင်တော့ ရဲတပ်ဖွဲ့ ၊ တရားရေး အခန်းကဏ္ဍက လာဘ်စားမှု တွေကတော့ အရင်အတုိုင်းပဲ ။ ဘာမှ မထူးခြားဘူး။ ဒါပေမဲ့ ဗြောင်ပေါ်တင် တောင်းတဲ့အား လျော့သွားပြီးတော့ ဒီလိုပဲ တစ်ယောက်နဲ့ တစ်ယောက် နားလည်မှု ယူပြီး တော့ တောင်းတာတော့ ဆက်လက်ပြီး ရှင်သန်နေတုန်းပဲ ဆိုတာကို သွားတွေ့ရတယ်။ နောက်တစ်ခါ တရားရုံးတွေရဲ့ ဆုံးဖြတ်ချက်တွေ ၊ ရဲတပ်ဖွဲ့ရဲ့ အမှုတည်ဆောက်ပုံတွေ ၊ ဥပဒေက အကြုံပေးတာတွေလည်း အားပျော့နေတယ်။ ဥပဒေပိုင်းနဲ့ ပတ်သက်လို့ သူတို့ကိုယ်တိုင် ၊ အထူးသဖြင့် ရဲတပ်ဖွဲ့ပေါ့ ၊ သူတို့ရဲ့ လာဘ်စားမှုတွေ အလွန်ကြီးပြီးတော့ ရဲတပ်ဖွဲ့က အမှုတွေကောင်းကောင်းမတည်ဆောက်နိုင်တာကို သွားတွေ့ရတယ်။
အမှန်ကတော့ ကျနော်အနေနဲ့ ပြောရရင် အဂတိလိုက်စားမှုနဲ့ ပတ်သက်ပြီး တော်တော်ကို မကျေနပ်သေးဘူး။ သို့သော် နှစ် ၃၀ လောက် ပျက်လာတဲ့ အပျက်ကြီးကို ဒီ NLD အစိုးရက ၃ နှစ်လောက်နဲ့ ထိန်းဖို့ဆိုတာက ဒီလောက်နဲ့ ဆိုရင် အတော်တိုးတက်တာပဲ ။ဒါကို သွားတွေ့ရတယ်။ နှစ် ၃၀ လေ။ မင်း လည်း လုပ်ချင်တာ လုပ် ၊ ငါလည်း လုပ်ချင်တာ လုပ် ၊ စားချင် သလောက် စား၊ အကန့်အသတ်မရှိ ၊ အခွန်မဆောင်ဘဲ လာဘ်စားပြီး ချမ်းသာနေတဲ့ ဗိုလ်ချုပ်ကြီးတွေဟာ ၅၄ ဦး ရှိတယ်။ ဘီလီယံ ၅၄ ဦး ၊ ကျန်တဲ့ အသေးလေးတွေကလည်း နည်းတာတွေ မဟုတ်ဘူး။ ချမ်းသာတာ စစ်ဗိုလ်တွေ ၊နောက် ခရိုနီတွေ စည်းမဲ့ကမ်းမဲ့ ချမ်းသာတာ။ နိုင်ငံတော်က အခွန်မရဘူး အဲဒါတွေ ။အဲဒီတော့ အဲဒီလိုမျိုး ဖြစ်နေတော့ ကိုယ်အစိုးရအတွင်းကလူတွေကို ဗဟိုအစိုးရ လက်ထက်တုန်းက လုံးဝကို အရေးမယူခဲ့ဘူး ။ အခုကိုယ်အထဲမှာ ပြန်ပြီး အရေးယူတာဟာ တော်တော်တိုးတက်လာတယ်လို့ ကျနော်တို့က ထင်မြင်ယူဆတယ်။
အခုမှ လူတွေက ပွင့်ပွင့်လင်းလင်း ပြောရဲဆိုရဲဖြစ်လာတော့ လူတွေကပွင့်ပွင့်လင်းလင်း ပြောလာကြတယ်။ အခု စက်ကိရိယာ ဖုန်းတွေကလည်း ခေတ်မီလာတော့ ဒါတွေက တိုးတက် လာတာ ၊ သတင်းတွေများလာတာ သိပ်ပြီး အထူးအဆန်းလို မယူဆဘူး။ ဘာကြောင့်လဲဆိုတော့ အခုမှ ပြောရဲတာ။ အဲ့အပေါ် အရေးယူတဲ့အခါ ရဲတပ်ဖွဲ့ က ကျွမ်းကျင်တဲ့သူတွေက ရဲတပ်ဖွဲ့ကို အုပ်ချုပ်တာ မဟုတ်ဘူး။ စစ်တိုက်ကျွမ်းတဲ့ သူက ရဲတပ်ဖွဲ့ကို လာအုပ်ချုပ်တာ အခါကျတော့ စစ်တိုက်တဲ့နေရာ ကျွမ်းကျင်သော်လည်း ဒီရဲတပ်ဖွဲ့မှာ မကျွမ်းကျင်ဘူး။ အဲဒါမို့ တိုင်းပြည်မှာ ရဲတပ်ဖွဲ့ နဲ့ ပတ်သက်လာရင် မှုခင်းစစ်ဆေး တဲ့အခါဖြစ်စေ ၊ စုံစမ်းထောက်လှမ်းတဲ့ အခါ ဖြစ်စေ ၊ ကြိုတင်ပြီး တရားခံ ဖမ်းဆီးတဲ့ အခါဖြစ်စေ ၊ ရဲတပ်ဖွဲ့က နိုင်ငံတကာအဆင့်နဲ့ ဆိုရင် သုံးစားလို မရလောက်အောင် အရမ်းနိမ့်နေတာ သွားတွေ့ရတယ်။ အဲ့တာကို ကျနော်တို့က ရဲတပ်ဖွဲ့ကြီးက အရမ်းညံ့နေတဲ့အခါကျတော့ အဲဒီညံ့နေတာကြီးက အခုလည်း ဆက်ညံ့ ၊ နောက်လည်း ဆက်ညံ့နေဦးမှာပဲ ။ ဘာကြောင့်လဲဆိုတော့ စစ်တပ်အောက် ရဲရောက်နေမှာတော့ ဆက်လည်း ညံ့နေအုံးမှာပဲ။ အဲဒါကြောင့်မို့ ဒီလို ဗရမ်းပတာ တရားဥပဒေ စိုးမိုး ၊ တရားဥပဒေတွေမှ သွားထိခိုက်နေတာ အဲဒီ ၂၀၀၈ အခြေခံ ဥပဒေကြောင့် ။ စစ်တပ်က ရဲကို အုပ်ချုပ်လို အဲ့လို ဖြစ်တယ်လို ယူဆတယ်။
EU က လာပြီးတော့ စစ်ဆေးတဲ့ အဖွဲ့တွေ ကျနော်တို့နဲ့ ( ၄) ကြိမ် လာတွေ့တယ်။
လာတွေ့တဲ့အခါ ကျနော်က ပြောပြလိုက်တယ်။ ခင်ဗျားတို့ က အပြင်အသိလေးနဲ့ သိတာ ။ ၂၀၀၈ အခြေခံဥပဒေကြီးက ဒီလို ဒီလို ဖြစ်နေတယ်။ ရဲတွေက ရဲအစစ်တွေ မဟုတ်ဘူး ။စစ်တပ်ရဲတွေ ၊ ရဲအတုတွေ ၊ ဖြစ်နေတယ်။ ဘာမှ မကျွမ်းကျင်ဘူး ။ အောက်ခြေပဲ ပေးနေရင် မရဘူး။ အပေါ်ကနေ အမိန့်မပေးရင် မစစ်ရဲဘူး။ မဖော်ထုတ်ရဲဘူး။ အဲလို ဖြစ်နေတယ်။ ပြီးတော့ စနစ်တကျ သင်တန်းတက်ထားတဲ့ သူလည်း မဟုတ်ဘူး။ ခင်ဗျားတို့ ပေးတယ်ဆိုတာ ခင်ဗျားတို့ စံနှုန်းနဲ့ နည်းနည်းလေး ပေးတာ ။ မြန်မာပြည်မှာ ရဲ က ၄သောင်း ၊ ၈ သောင်း လောက်ရှိတာ ။ ဘယ်လိုလုပ်ပေးမှာလဲ ။ ဒီ ၂၀၀၈ အခြေခံဥပဒေအောက်မှာ ရဲတွေက စစ်တပ်အောက်မှာ ရှိနေသရွေ့ ဘယ်လိုမှ ပြောင်းလဲလို့ မရဘူး။ အဲဒီတော့ နောက်ဆုံး ဝန်ခံပြီးတော့ လက်မြှောက်သွားတာပဲ ။
တရားဥပဒေ စိုးမိုးရေး နဲ့ ပတ်သက်လို ၂၀၀၈ အခြေခံဥပဒေရဲ့ အားနည်းချက်ကြောင့် မို့ စစ်တပ်က ရဲတွေက ရဲတပ်ဖွဲ့ ကြီးကို အုပ်ချုပ်နေတာ ဒါကို ပြင်ရမယ် ။နောက်တစ်ချက်က တရားသူကြီးချုပ်က စစ်ဗိုလ်ဖြစ်နေတယ်။ တရားသူကြီးချုပ်က အရပ်သား ကျွမ်းကျင်သူ ဖြစ်ရမယ်။ အဲဒီလို ဖြစ်ရမယ်။ အဲဒီတော့ တရားရုံးတွေ ထဲမှာလည်း စစ်ဗိုလ်ကို ကြောက် နေရတယ်။ စစ်ဗိုလ်တရားသူကြီးတွေက အုပ်ချုပ်နေတယ်။ ဒီမိုကရေစီအရ လုံးဝကို ဘယ်လိုမှ မအပ်စပ်ဘူး။ ၂၀၀၈ အခြေခံဥပဒေအရ ဘယ်လို့မှ လုပ်လိုမရဘူး။
တရားလွှတ်တော်ရှေ့နေဦးသိန်းသန်းဦး မြန်မာနုိုင်ငံလွတ်လပ်သော ရှေ့နေများအသင်း
NLD အစိုးရ တက်လာတဲ့ ၃ နှစ်တာ ကာလမှာ အထူးသဖြင့် ရှေ့နေ ဦးဝင်းမြင့်က သမ္မတ ဖြစ်လာတဲ့အခါ တရားဥပဒေစိုးမိုးရေးက ပိုမြန်ဆန်လာတယ်။ ပိုပြီးထိရောက်လာတယ်လို့ မြင်တယ်။ သူက တရားရုံးလောကနဲ့ ကျင်လည်လာခဲ့တော့ တရားစီရင်ရေး နဲ့ ကျင်လည်လာခဲ့တော့ အဲ့ဒီရဲ့ ဟာကွက် ၊ လုပ်ထုံးလုပ်နည်းတွေ ၊ သူက သိတယ်။ အဲဒီက တော်တော်အခြေအနေ ကောင်းလာတယ်။ ဥပမာ- အောင်ရဲထွေးအမှုဟာမျိုး ၊ ကောင်းလာတယ်။ ကျန်တာတွေက Formal သွားနေတဲ့ ဟာတွေရှိတယ်။ ဥပမာ - ပြည်ထောင်စု တရားလွှတ်တော်ချုပ် နဲ့ ပြည်ထောင်စုရှေ့နေချုပ် ရုံးက မဟာဗျူဟာ စီမံချက်တွေ ချမှတ်ပြီး သူတို့လည်း ပြုပြင်ပြောင်းလဲဖို့ ကြိုးစားနေတယ်။ အရင် ဦးသိန်းစိန် အစိုးရလက်ထက်တုန်းလို သူတို့ အဲဒီလို နေလို့မရတော့ဘူး။ ပြုပြင်ပြောင်းလဲဖို့ သူတို့ သဘောတူတယ်။ သူတို့ကိုယ်တိုင် ပြုပြင်ပြောင်းလဲဖို့ ကြိုးစားနေတယ်။ ဒါပေမဲ့ အရှိန်အဟုန်ကတော့ နှေးနေတယ်။ အဲဒီထက် ပိုပြီး လုပ်ဖိုိ့လိုတယ်။
တရားဥပဒေစိုးမိုးရေး နှင့် တရားစီရင်ရေး လုပ်ငန်းက အထူးသဖြင့် ဦးဝင်းမြင့် သမ္မတ ဖြစ်တဲ့အခါ ပိုမြန်ဆန်လာတယ်။ ပိုအခြေအနေကောင်းလာတယ်လို ကျနော်က ယူဆတယ်။ မူလ အဆောက်အအုံကြီးတော့ ကျန်နေတုန်းနော် ၊ ကိုယ်ဘက်က ပြုပြင်ပြောင်းလဲတာ လုပ်တဲ့ အပိုင်းကို ပြောတာ။ ဒီ အဆောက်အအုံဟောင်းကြီးက စစ်အာဏာရှင်စနစ် အောက်က ကျန်နေခဲ့တဲ့ ဝန်ထမ်း၊ စနစ်တွေ ၊ အလေ့အကျင့်တွေက အုံ နဲ့ ကျင်းနဲ့ ကျန်နေတုန်းပဲ။ ဒါပေမယ့် ပြုပြင်ပြောင်းလဲဖို့လုပ်တာ ဥပမာ- ဦးသိန်းစိန် အစိုးရ လက်ထက်တုန်းက စကားလုံးတွေအရပဲ ပြောတာ ၊ သမ္မတကြီး ဦးဝင်းမြင့် လက်ထက်တော့ လက်တွေ့တော့ အကောင်အထည်ဖော်တယ်။ သူက နည်းလမ်းတွေလည်း သိတယ်။ ဖြစ်စဉ် တွေ ရဲ့ အတွင်းသရုပ်ကိုလည်း သူက ရှေ့နေတစ်ယောက်ဖြစ်တော့ သဘောပေါက်တော့ ၊ သူသိပြီးသားဖြစ်တဲ့အတွက် ၊ ပိုပြီး အဆင်ပြေတယ်လို ကျနော်မြင်တယ်။ ခုက ထုထည် တော့ အုံနဲ့ ကျင်း ကျန်နေတုန်းပဲ ၊ ဒါပေမယ့် ပြုပြင်ပြောင်းလဲတာက ပိုအရှိန်အဟုန် ပိုကောင်းတယ်။
အဂတိလိုက်စားမှုအပိုင်းကလည်း ဦးအောင်ကြည်လက်ထက်မှ ဘာပြောနေနေ ၊ အရင် အဂတိ ကော်မရှင် ထက် အများကြီး အသက်ဝင်လာတယ်။ အခုဆိုရင် တနင်္သာရီတိုင်း က ဝန်ကြီးချုပ် ပါသွားပြီ ။ ဒါကတော့ အစိုးရရဲ့ သဘောတူညီချက်လည်း ပါတယ်လေ။ တော်တော်များများလည်း လုပ်လာနိုင်တယ်လို့ တွေ့တယ် ။ အဲဒီတော့ ဒီထက် လုပ်ဖို့တော့ လိုသေးတယ်။ သို့ရာတွင် အရင် အဂတိကော်မရှင် ၊ အရင် ဥက္ကဋ္ဌတုန်းကထက် အခု အဂတိလိုက်စားမှုကော်မရှင် က ပိုပြီး အလုပ်ဖြစ်လာတယ်လို့ မြင်တယ်။
တရားဥပဒေ စိုးမိုးမှုအပိုင်း ( Criminal Justice Institution ) ဆိုတာ ရှိတယ်။ အဲဒီမှာ တရားရုံး တစ်ခုတည်း မဟုတ်ဘူး ။ ရဲ ၊ ဥပဒေ ရှေ့နေသမား ၊ ဥပဒေရုံး သူတို့လည်း ပါတယ် ပေါ့ ။ အထွေထွေ ဦးစီးဌာန ။ ရဲက အဲဒီမှာ မကောင်းသေးဘူးလို့ ပြောရမယ်။ နံပါတ် ၁ ချက် က ရဲက ပြည်ထဲရေး ဝန်ကြီးလက်အောက်မှာ ရှိပြီး အစိုးရလက်အောက်မှာ တိုက်ရိုက်မရှိတာ အလွန်အရေးကြီးတဲ့ ချိုယွင်းချက်ကြီး တစ်ခု ဖြစ်တယ်။ နောက်တစ်ခါ ရဲအစစ်တွေ မဟုတ် ဘူး ။ အသွင်ပြောင်းတွေက ရဲထဲ ဝင်လာတဲ့အတွက် ရဲလုပ်ထုံးလုပ်နည်း မသိဘူး။ ရဲလက်စွဲ မသိဘူး။ အကျဉ်းထောင်လက်စွဲ မသိဘူး။ သက်သေခံ ဥပဒေ မသိဘူး။ တရားရုံး ကျင့်ထုံး တွေ မသိဘူး။ မသိဘဲနဲ့ လုပ်နေတာ ဖြစ်တယ်။ နောက်အဲဒီဟာတွေအတွက် လူမှန် နေရာမှန် မဖြစ်ဘူး။
နောက်တစ်ချက်က သူတို့က အရည်အတွက်လည်း မပြည့်မီ ၊ အရည်အချင်းလည်း မပြည့် မီဘူး။ ဥပမာ- အားဖြင့် ၄ လောင်းပြိုင် ၊ ၅ လောင်းပြိုင် ထားပါ ။ မန္တလေးမှ မန္တလေး မြို့လယ် ခေါင်ကြီးမှ လွန်ခဲ့တဲ့ တစ်ပတ်က ယူနီဖောင်းဝတ်ထားတဲ့ လူတွေက အမျိုးသမီးငယ် တွေကို အိမ်ထဲက ဆွဲထုတ် ၊ သေနတ်တွေ ခါးမှာ ချိတ်ထားတာ။ တိုင်ချက်သွားဖွင့်တော့ အဲဒါကို လက်နက်ကိုင်အဖွဲ့လို့ အပြောမခံဘူး။ သေနတ်ပါတယ် ပြောလည်း အပြောမခံ ။ အဲဒီလို အဆင့်အထိ သူတို့တွေက ကြောက်လို့ ဖြစ်မှာပေါ့။ ပတ်သက်တာရှိရင် ရှိမှာပေါ့။ နောက်တစ်ခါ မူလတန်းအရွယ် ကလေးတွေ ၊ တက္ကသိုလ်ကျောင်းသားတွေကိုတရုတ် ဆေးသမား ဂိုဏ်းတွေက ဓါးတွေနဲ့ အသားလွတ်ဝင်ခုတ်တာ ၊ အဲဒါလည်း တရားခံ ဘယ်သူ ၊ ဘယ်ညာဆိုတာ ကာယကံရှင်တွေက သူဘာသာ စုံစမ်းရတယ်။ သူတို့က ဘာမှ မလုပ်ပေး ဘူး။ အဲဒီတော့ သူတို့ကို အားနာပါးနာ ပြောရရင် နံပါတ် (၁) သူတို့က အရေ အတွက် လည်း လုံလောက်တဲ့ အရေအတွက်လည်း မရှိဘူး ။ ( ၂) က အရည်အချင်းလည်း မရှိဘူး ။ ( ၃) လုံလောက်တဲ့ လက်နက်ကိရိယာ တပ်ဆင်ထားမှုလည်း မရှိဘူး။ ( ၄) လူမှန် နေရာမှန် မဟုတ်ဘူး။
မြန်မာပြည် ဘယ်အကြောင်းပြောပြော ဒီဘူတာ ပြန်ဆိုက်မှာပဲ။ တရားဥပဒေ စိုးမိုးချင်ရင် ၊ တရားဥပဒေ ပြုပြင်ပြောင်းလဲချင်ရင် ၊ ရှင်သန်ထက်မြတ်တဲ့ လုံခြုံရေး စနစ်တွေ ဖြစ်ချင်ရင် တိုင်းသူပြည်သားတွေကို ဆွေခုနှစ်ဆက် မျိုးခုနှစ်ဆက် ဒုက္ခပေးနေတဲ့ ၂၀၀၈ ဖွဲ့စည်းပုံ အခြေခံ ဥပဒေ ကို ပြင်ရမယ် ။ အဲဒါကို မပြင်သရွေ့ သမျှ အခုလို ဘေးထွက် ဆိုးကျိုး ဒုက္ခ တွေ ကို ခံစားနေရမယ်။ အဲ့တာကြီးက ကင်ဆာဖြစ်နေတာ ။ ယခု ငါတို့က လျက်ဆား လေး တိုက်လိုက် ၊ မန်းကျည်းသီးဖျော်ရည် တိုက်လိုက်လုပ်နေတာ ၊ အရင်းခံ ရောဂါဆိုးကြီးက စစ်အာဏာရှင် ရောဂါဆိုးကြီး ၊ စာအုပ်အစိမ်းကြီး ၊ အဲဒါကို ပြင်မှာ တိုင်းပြည်က ဒီမိုကရေစီ ငြိမ်းချမ်းရေးနှင့် တရားဥပဒေ စိုးမိုးမှုကို အာမခံနိုင်မယ့် စနစ်တစ်ခု ပေါ်လာမှာ ဖြစ်တယ် ။
ဒေါက်တာ ဒေါ်ညိုညိုသင်း
Yangon Watch
တရားဥပဒေစိုးမိုးမှုအပိုင်း ၊ သုံးသပ်တဲ့ အပိုင်းမှာ ပညာရှင်တွေက စနစ်တကျက သူတို့ တိုင်းတဲ့ ပေတံတွေ ၊ နိုင်ငံတကာ စံနှုန်းတွေနဲ့ တိုင်းရင်တော့ ကျမတို့ နိုင်ငံရဲ့ တရားဥပဒေ စိုးမိုးမှုက တော်တော်လေးကို ရင်လေးစရာ အခြေအနေဖြစ်တာပေါ့ ။ ဒါပေမဲ့ မြန်မာနိုင်ငံထဲ တိုင်းတဲ့အခါ တချို့ စံနှုန်းတွေက မြန်မာနည်း မြန်မာဟန်နဲ့ တိုင်းတာတဲ့ စံနှုန်းတွေပဲ ဖြစ်တယ်။ ဒီအကြောင်းကို ပြောရရင်တော့ အငြင်းပွားစရာတွေ ဖြစ်တာပေါ့ ။
အဓိက သေချာနေတာတော့ တရားရုံးတွေမှ တရားစီရင်ရေး လောကမှာ တည်ဆဲ တရားဥပဒေကို မလိုက်နာနိုင်တဲ့ အနေအထား အများကြီး ဒီကနေ့အထိ ရှိနေသေးတယ်။ တည်ဆဲဥပဒေတွေကို ဥပဒေတွေထိန်းသိမ်းစောင့်ရှောက်ဖို့ ရှိတဲ့လူတွေက ချိုးဖောက် နေကြတာ တွေ့ရတယ်။ အဲ့တော့ တရားရုံးတွေမှ တည်ဆဲဥပဒေကို ချိုးဖောက်တာ မဟုတ်ဘူး ။
အစိုးရ အဖွဲ့တွေကလည်း တည်ဆဲဥပဒေတွေကို လိုက်နာဖို့ အပိုင်းကလည်း အားနည်းချက် တွေ တွေ့ရတယ်။ ဒါကြောင့်မို့ ပြဋ္ဌာန်းထားတဲ့ ဥပဒေတွေက ခေတ်နဲ့ မညီ တာတွေလည်း ပါတယ်။ ဒီဥပဒေတွေကို လွှတ်တော်က ပြင်ဆင်ဖို့ကလည်း အားနည်းတယ်။ ဒါကြောင့်မို့  ကျမ တို့ နိုင်ငံရဲ့ တရားဥပဒေ စိုးမိုးမှုက ပညာရှင်တွေရဲ့ အမြင်မှတော့ အောက်ဆုံးမှာပဲ ရှိနေ တယ်။ ကျမပြောချင်တာက တရားဥပဒေကို ကိုင်တွယ်ကျင့်သုံးနေတဲ့ လူတွေကိုယ်တိုင်က တရားဥပဒေနဲ့ အညီဆောင်ရွက်ဖို့ လိုအပ်တယ်။ အစိုးရကလည်း အစိုးရကိုယ်တိုင်က လိုက်နာ ဖို့ ရှိတဲ့ ဥပဒေတွေရှိ တယ်။ နိုင်ငံတော်သမ္မတ ရဲ့ ညွန်ကြားချက်တွေ ရှိတယ်။ အဲဒီ အပိုင်းမှာလည်း အခုထက် ပိုပြီး တိတိကျကျ လိုက်နာဖို့ လိုအပ်တယ်။
အစိုးရပိုင်းတွေကိုယ်တိုင်က ဥပဒေ ပိုင်းကို လိုက်နာနိုင်တဲ့ အပိုင်းမှာ လျော့လျောနည်းနည်း ရှိနေတာကိုး တွေ့နေရတယ်။ အဲ့တာကို အထူးသဖြင့် ပြင်ပေးစေချင်တယ်။ ဘာကြောင့်လဲ ဆိုတော့ အစိုးရက စံပြ နေရမယ်လေ ။ အစိုးရကိုယ်တိုင်က ဥပဒေကို ချိုးဖောက်ပြီးဆိုရင် ကျန်တဲ့ နိုင်ငံမှာ ရှိတဲ့ ပြည်သူ့လူထုက ဥပဒေကို လိုက်နာဖို့ အခက်အခဲတွေ အများကြီး ရှိလာနိုင်တယ်လေ။
လွှတ်တော်တွေကလည်း တည်ဆဲဥပဒေတွေကို လေးစားလိုက်နာဖို့ လိုတာပေါ့ ။ ပြည်သူ လူထု ကတော့ အရင်အစိုးရကတုန်းကလည်း ဒီလိုပဲ ၊ အခုအစိုးရလည်း ဒီလိုပဲ ။ သူတို့ရဲ့ နေစဉ်ဘဝ မပြောင်းလဲဘဲ ဒီအတိုင်း ရှင်သန် နေရတာပဲလေ ။ ဒါကြောင့်မို့ ဥပဒေစိုးမိုးရေးကို ဥပဒေစိုးမိုးရေးအတွက် တာဝန်ရှိတဲ့ သူတွေက ဥပဒေကို လေးစားလိုက်နာဖို့ တိုက်တွန်း ချင်တယ်။
အမှန်က ဒီအစိုးရလက်ထက်မှာ ဝန်ကြီးချုပ်အဆင့် အထိ အရေးယူလာနိုင်တယ် ဆိုတာ ကော်မရှင်အနေနဲ့ အောင်မြင်မှု တစ်ခုလို ပြောလိုရတာပေါ့။ ဒါပေမယ့် ကော်မရှင်ဆီကို ရောက်လာတဲ့ တိုင်ကြားစာ သောင်းချီ ရောက်လာတယ်။ ကော်မရှင် ဖွဲ့ထားတဲ့ ၁၆ လအတွင်း မှာ တိုင်ကြားစာတွေ သောင်းချီ ရောက်တယ်။ ဒါပေမဲ့ တရားစွဲဆို တင်ပို့တဲ့ အပိုင်းမှာ ရာ ကိန်းဂဏန်းလောက်ပဲ ရှိတယ်။ ဒါကြောင့်မို့ ကော်မရှင်အနေနဲ့ ဒီထက်အများကြီး လွတ်လွတ် လပ်လပ်နဲ့ အလုပ်လုပ်နိုင်ဖို့ လိုတယ်။ အဓိက က ကော်မရှင်အပေါ်မှာ သြဇာ လွှမ်းမိုးမှု မရှိဘဲ ဒီထက်ပိုပြီး တွန်းအားပေး ဆောင်ရွက်သင့်တယ်။
အထူးသဖြင့် ကိုယ်ရဲ့ ကန်ထဲက ငါးတွေ ကျော်ပြဖို့ လိုတယ်။ ပြောချင်တာက အစိုးရအဖွဲ့ ၊ လွှတ်တော်တွေထဲမှာ အခုဆိုရင် အဂတိလိုက်စားမှု ရှိလို အရေးယူရတာတွေ ရှိတယ်လို NLD ပါတီတွင်းက လူတစ်ယောက်က ပြောတယ်။ အဲဒါမျိုးဆိုရင် ဒါမျိုး အဂတိလိုက်စားမှုတွေ ရှိပြီးဆိုရင် ဘာလို့ ကော်မရှင်က အရေးမယူတာလဲ မေးခွန်းထုတ်စရာ ဖြစ်လာတယ်။ ဒါဟာ ပါတီတာဝန်ရှိသူကိုယ်တိုင်က သူတို့ထဲမှ ဒီလိုမျိုး အဂတိလိုက်စားမှုတွေ ရှိနေပါတယ်လို့ ထုတ်ဖော်ပြောနေတဲ့အခါ ကော်မရှင်အနေနဲ့ အရေးမယူနိုင်သေးတာတော့ သိပ်ပြီးတော့ အားရစရာတော့ မရှိဘူး။ ဒီလိုမျိုး အာဏာရ ပါတီရဲ့ အဂတိလိုက်စားမှုတွေကို ကော်မရှင်က ခွင့်လွှတ်တဲ့ အလေ့အထကို မထားခဲ့စေချင်ဘူး။ အဲဒီတော့ ကော်မရှင်ဆိုတာ အစိုးရက ဖွဲ့စည်း ပေးတဲ့ ကော်မရှင် ဖြစ်တယ်။ လွတ်လပ်စွာ သူလုပ်ငန်းတွေကို ဆောင်ရွက်သင့်တယ်။ ပါတီ တစ်ခုခုရဲ့ လူကြီးတစ်ယောက်ကို အရေးယူခါနီးမှာ ပါတီခေါင်းဆောင်ရဲ့ မျက်နှာကို ပြန်ကြည့်နေရတာမျိုး ကျမတို့က မဖြစ်စေချင်ဘူး။ ဘယ်သူမျက်နှာမှ မထောက်သင့် ၊ ပြည်သူ လူထုမျက်နှာပဲ ထောက်သင့်တယ်လို့ ပြောဆိုချင်တယ်။
Photo Credit- President Office
www.khitthitnews.com
