ဒုတိယသမ္မတ ဦးဟင်နရီဗန်ထီးယူ (၇၂) ကြိမ်မြောက် ကုလသမဂ္ဂ အထွေထွေညီလာခံ အထွေထွေမူဝါဒရေးရာဆွေးနွေးပွဲ ဖွင့်ပွဲအခမ်းနားသို့ တက်ရောက် မိန့်ခွန်းပြောကြား!
■ ရခိုင်ပြည်နယ်မှာ အခြေအနေတွေ တိုးတက်လာပြီဖြစ်ပြီး၊ မြန်မာနိုင်ငံအနေနဲ့ လူသားချင်းစာနာမှု အကူအညီပေးရေးကို ပထမဦးစားပေးအဖြစ် ဆောင်ရွက်နေတယ်လို့ ဒုတိယသမ္မတ ဦးဟင်နရီဗန်ထီးယူက ပြောလိုက်ပါတယ်။
နယူးယောက်မြို့ ကုလသမဂ္ဂရုံးချုပ်မှာ ကျင်းပတဲ့ အထွေထွေညီလာခံမှာ အခုလို ပြောလိုက်တာ ဖြစ်ပါတယ်။
အခြေအနေတွေ တိုးတက်လာပြီဆိုတာကို ဝမ်းမြောက်စွာ ပြောကြားလိုကြောင်း၊ တချိန်ထဲမှာပဲ ဘင်္ဂလားဒေ့ရှ်နိုင်ငံဘက်ကို ဒေသခံမွတ်ဆလင်တွေ ထွက်ပြေးနေတာတွေ ဆက်ပြီးရှိနေတယ် ဆိုတဲ့ကိစ္စအပေါ် စိုးရိမ်မကင်းဖြစ်ရကြောင်း၊ ဒီလို အစုအလိုက်အပြုံလိုက် ထွက်ပြေးရတဲ့ နောက်ကွယ်က အကြောင်းရင်းကို တွေ့အောင်ရှာမှာ ဖြစ်ကြောင်းလည်း ဒုတိယသမ္မတက ပြောပါတယ်။
လူသားချင်းစာနာမှု အကူအညီပေးရေးဟာ မြန်မာအစိုးရရဲ့ ပထမဦးစားပေး လုပ်ငန်းစဉ်ဖြစ်ကြောင်း၊ လူမျိုးဘာသာမခွဲခြားဘဲ လိုအပ်နေသူတွေ အကူအညီရရှိရေးအတွက် အလေးထား ဆောင်ရွက်နေကြောင်းလည်း ဒုတိယသမ္မတက ကုလသမဂ္ဂ ညီလာခံ မိန့်ခွန်းမှာ ထည့်သွင်းပြောဆိုခဲ့ပါတယ်။
20 Sep 2017 - Henry Van Thio, Vice President of the Republic of the Union of Myanmar, addresses the general debate of the 72nd Session of the General Assembly of the UN (New York, 19 - 25 September 2017).
Statement by H.E. U Henry Van Thio, Vice-President of
the Republic of the Union of Myanmar, at the General Debate of
the 72nd Session of the United Nations General Assembly
(New York, 20 September 2017)
Mr President,
I would like to extend our congratulations to you on your election as President of the 72nd Session of the United Nations General Assembly. We are confident that under your able leadership, this year’s session will be fruitful.
Mr. President,
Excellencies, Ladies and Gentlemen,
Before I go into the substance of my statement, I would like to take this opportunity to express my deepest sympathy to the government and people of Mexico for the loss of life and property caused by the deadly earthquake which hit Mexico City.
I also wish to convey our profound sympathy to the government and people of the United States who experienced horrendous consequences of hurricane in a short span of two weeks. Our sympathies also go to the people of Puerto Rico who are still reeling from the effects of hurricane Maria.
The intensity and frequency of such natural disasters are evidence of climate change. Climate change is now becoming a reality posing a serious threat to our planet. The impacts of climate change are global in scope and unprecedented in scale. Myanmar is one of those countries that are highly vulnerable to the negative effects of climate change. As a country frequently affected by storms, floods and droughts, Myanmar welcomes the Paris Agreement on Climate Change of April 2016. I am pleased to inform this august Assembly that yesterday Myanmar deposited with Secretary-General the instruments of ratification on the Paris Agreement on Climate Change and the Doha Amendment to the Kyoto Protocol.
Mr. President,
Excellencies, Ladies and Gentlemen,
We welcome this year’s theme “Focusing on people — striving for peace and a decent life for all on a sustainable planet”. Peace and stability is something that we are striving to achieve in Myanmar after nearly seven decades of civil strife and conflict.
Last year from this podium, our State Counsellor Daw Aung San Suu Kyi set out the government’s vision to end decades of internal armed conflict in Myanmar and to find lasting and meaningful solutions to the complex situation in Rakhine State.
Today, one year on, I stand before you to apprise you of the progress we have made and the remaining challenges. Given that the situation in Rakhine State has understandably been the focus of the world’s attention in recent weeks, let me start by addressing this issue.
Mr. President,
Excellencies, Ladies and Gentlemen,
Yesterday, the State Counsellor briefed the Diplomatic Corps on the government’s efforts regarding national reconciliation and peace. She highlighted the achievements in the past 18 months and challenges that remain.In touching upon the situation in Rakhine, she said that Myanmar shares the concern of the international community regarding displacement and suffering of all communities affected by the latest round of terrorist attacks. She also stressed that “We condemn all human rights violations and unlawful violence. We are committed to the restoration of peace, stability and rule of law throughout the State. The security forces have been instructed to adhere strictly to the Code of Conduct in carrying out security operations, to exercise all due restraint, and to take full measures to avoid collateral damage and the harming of innocent civilians. Human rights violations and all other acts that impair stability and harmony and undermine the rule of law will be addressed in accordance with strict norms of justice. We feel deeply for suffering of all the people who have been caught up in the conflict.”
Mr. President,
Excellencies, Ladies and Gentlemen,
The situation in Rakhine has been one of the top priorities of the government since it assumed office. The government has been endeavoring to restore peace and stability and to promote harmony among all communities.
The Central Committee on Implementation of Peace, Stability and Development of Rakhine State, chaired by the State Counsellor herself, was established on 30 May 2016 to address the specific needs of the State.
Additionally in Aug 2016, she set up a commission headed by Dr. Kofi Annan to advice the government on sustainable solutions to the complex situation in Rakhine.
We have been striving to ensure that the Rakhine State is duly developed while ensuring peace, stability and societal cohesion. This is no easy task. Deep mistrust developed over decades has to be slowly chiseled away.
On 25 August 2017, the Kofi Annan Commission released its final report. Our government immediately welcomed it.
We had hoped that today’s occasion would be an opportunity for us to communicate to the world the progress that we have made towards implementing the Commission’s recommendations.
It is therefore with deep regret that instead, I must primarily address you on the current state of affairs in Rakhine State, following the recent attacks by the terrorist group known as ARSA last month.
Mr President,
Excellencies, Ladies and Gentlemen,
As you are aware, within hours of the release of the Advisory Commission’s report, a series of coordinated attacks were carried out on 30 police outposts in Northern Rakhine. The ARSA claimed responsibility for the attacks.
These attacks ignited fresh violence in the region, resulting insignificant loss of life, widespread suffering and mass displacement of all communities.
Those who have had to abandon their hearth and home are many – not just Muslim and Rakhine, but also small minority groups such as Daingnet, Mro, Thet, Mramagyi and Hindus. Most of the world has been oblivious of their existence and plight.
Let me be clear. The government of Myanmar is deeply concerned about the present situation in Rakhine. Our deepest sympathy goes to the families of all innocent civilians and members of the police and security forces who have lost their lives. There is no denying that this is a problem of significant magnitude.
I am happy to inform you that the situation has improved. No armed clashes have been reported since 5 September.
Accordingly, we are concerned by reports that the numbers of Muslims crossing into Bangladesh remain unabated.
We would need to find out the reason for this exodus. What is little known is that the great majority of the Muslim population decided to remain in their villages.
We share the need to ensure that vital humanitarian assistance is provided to all those in need.
Moreover, we acknowledge that the duty to respond to the challenges in Rakhine State is first and foremost the duty of our national government. The situation in Rakhine is complex. The challenges we face are significant. We have accordingly adopted an integrated national strategy to address this problem.
I am pleased to announce the launch of a committee chaired by the Union Minister of Social Welfare, Relief and Resettlement to implement the recommendations of the Advisory Commission. To ensure transparency and accountability, the Committee is mandated to publicly issue a progress report every four months. In addition to the Committee, we intend to establish an Advisory Board comprised of eminent persons from both Myanmar and abroad.
At present, humanitarian assistance is our first priority.We are committed to ensuring that aid is received by all those in need, without discrimination. We have already dedicated significant national funds and resources to humanitarian relief operations.
I am also pleased to inform you that a new government-led mechanism, established in cooperation with the Red Cross Movement, has also started its humanitarian assistance activities.
On behalf of the government of Myanmar, I would like to express my gratitude to all those countries who have offered to contribute towards this assistance programme. In particular, we are grateful for the generous offers of support that we have recently received from many of our friends across the world.
At the same time, we are working hard to enhance relations with Bangladesh.The Minister of State for Foreign Affairs and the National Security Advisor visited Bangladesh in January and July of this year. We were hoping for a visit from the Home Minister of Bangladesh but it had to be postponed as the Minister could not come in August. We will welcome him at any time that he is able to come and hope to take forward our cooperation on border security matters.
There has been a call for the repatriation of displaced people who have recently fled from northern Rakhine to Bangladesh. The State Counsellor in her speech yesterday stated that Myanmar was prepared to start the verification process at anytime. Our two neighbors have had the experience of such a process in 1993 through the establishment of a joint working group for implementation of repatriation process. We can develop a process based on the experience of 1993.
Mr. President
Excellencies, Ladies and Gentlemen,
Myanmar stands together with the rest of the world in condemning terrorism in all its forms and manifestations. Terrorism constitutes one of the most serious threats to international peace and security. Our position is clear.We cannot condone terrorism.
At the same time, the government is working to ensure that acts of terrorism will not distract us from pursuing the long term strategy that is necessary to address the complex challenges in Rakhine State today.
The recommendations of the Rakhine Advisory Commission provide us with a clear roadmap. Our implementation Committee began its work last week and in due course we will be inviting observers to witness some of our programmes.
Mr President,
Excellencies, Ladies and Gentlemen,
The recent events in Rakhine State are a painful reminder that we face difficult challenges ahead on the long journeytowards peace, prosperity and democracy.
However, please allow me to reiterate this: our commitment to peace remains as strong and as unwavering today as it was one year ago when our State Counsellor, DawAung San SuuKyi, first addressed you from this podium.
As part of this commitment, we have made the national reconciliation and peace process our top priority. Our vision here is clear: to achieve a democratic, federal Union, based on the principles of freedom, justice, equal rights and self-determination.
With regard to the peace process in the country, I am pleased to inform you that in May this year, we successfully held the second session of our Union Peace Conference. For the first time, we were able to discuss and define key principles that will form the basis of a federal, democratic Union. The Union Accord, consisting of thirty-seven principles covering the political, economic, social and environmental sectors was signed by representatives of the government, the parliament, the military, ethnic armed organizations and political parties.
Although we have made real progress, we know that the road ahead is long and convoluted. Our democratic transition is fragile. At this important juncture in our nation’s history, we only ask that the international community continues to support our efforts to achieve peace, prosperity and democracy.
Mr. President,
Excellencies, Ladies and Gentlemen,
Before I conclude this statement, let me reaffirm Myanmar’s faith and confidence in the purposes and principles of the Charter of the United Nations.
I would also like to emphasize Myanmar’s firm commitment to a world in which peace and harmony prevails.
I thank you, Mr. President.
ဒုတိယသမ္မတ ဦးဟင်နရီဗန်ထီးယူ (၇၂) ကြိမ်မြောက် ကုလသမဂ္ဂ အထွေထွေညီလာခံ အထွေထွေမူဝါဒရေးရာ ဆွေးနွေးပွဲသို့ တက်ရောက် မိန့်ခွန်းပြောကြား
နယူးယောက် စက်တင်ဘာ ၂၁
(၇၂)ကြိမ်မြောက် ကုလသမဂ္ဂအထွေထွေညီလာခံ အထွေထွေမူဝါဒရေးရာ ဆွေးနွေးပွဲ ဒုတိယနေ့ကို စက်တင်ဘာ ၂၀ ရက်တွင် အမေရိကန်နိုင်ငံ နယူးယောက်မြို့ ကုလသမဂ္ဂဌာနချုပ်ရှိ အထွေထွေညီလာခံခန်းမ (General Assembly Hall)၌ ကျင်းပရာ ဒေသစံတော်ချိန် ည ၈နာရီတွင် ဒုတိယသမ္မတ ဦးဟင်နရီဗန်ထီးယူ တက်ရောက်၍ အထွေထွေမူဝါဒရေးရာ မိန့်ခွန်းတစ်ရပ် ပါဝင်ပြောကြားခဲ့သည်။
ဒုတိယသမ္မတ ဦးဟင်နရီဗန်ထီးယူက မြန်မာနိုင်ငံအနေဖြင့် ကမ္ဘာ့ရာသီဥတု ပြောင်းလဲမှုဆိုင်ရာ အပြည်ပြည်ဆိုင်ရာ ပါရီ သဘောတူညီ ချက်တွင် အတည်ပြုပါဝင်ခဲ့ သည့် ကိစ္စရပ်၊ နိုင်ငံအတွင်း အမျိုးသားပြန် လည်သင့်မြတ် ရေးနှင့် ငြိမ်းချမ်းရေး တည်ဆောက်မှုဆိုင်ရာ ကိစ္စရပ်များနှင့် ရခိုင်ပြည်နယ်တွင် ရေရှည်တည်တံ့သော အဖြေရရှိရေးအတွက် မြန်မာအစိုးရ၏ ကြိုးပမ်းဆောင်ရွက်မှုဆိုင်ရာ ကိစ္စရပ်အခြေ အနေများကို အလေးပေးရှင်းလင်း ပြောကြားသည်။
ဒုတိယသမ္မတပြောကြားသည့် မိန့်ခွန်းအပြည့်အစုံမှာ အောက်ပါအတိုင်း ဖြစ်ပါသည်-
သဘာပတိကြီးခင်ဗျား၊
အဆွေတော်အား (၇၂) ကြိမ်မြောက် ကုလသမဂ္ဂအထွေထွေ ညီလာခံကြီးရဲ့ သဘာပတိအဖြစ် ရွေးကောက်တင်မြှောက်ခံရခြင်းအတွက် မိမိအနေနဲ့ ဝမ်းမြောက် ဂုဏ်ယူပါကြောင်း ပြောကြားလိုပါတယ်။ အဆွေတော်ရဲ့ ဦးဆောင်နိုင်မှုအောက်မှာ ယခုညီလာခံကြီးဟာ အကျိုးရလဒ်ကောင်းတွေ ဖော်ဆောင်ပေးနိုင်မယ်လို့ မိမိတို့အနေနဲ့ ယုံကြည်ပါတယ်။
သဘာပတိကြီးနဲ့ ကိုယ်စားလှယ်တော်များခင်ဗျား၊
မိမိအနေနဲ့ ဘာသာရပ်ပိုင်းဆိုင်ရာ ကိစ္စတွေမပြောကြားမီ မက္ကဆီကိုနိုင်ငံမှာ မနေ့က အင်အား ပြင်းထန်တဲ့ ငလျင်လှုပ်ခတ်မှုကြောင့် ပြည်သူများ အသက်ဆုံးရှုံးမှုများနဲ့ ပျက်စီး ဆုံးရှုံးမှုများ ဖြစ်ပေါ်ခဲ့တဲ့အတွက် မက္ကဆီကိုနိုင်ငံပြည်သူများနဲ့ အစိုးရအား များစွာ ဝမ်းနည်းရပါကြောင်း အခွင့် ကြုံခိုက် ပြောကြားလိုပါတယ်။
အလားတူ အမေရိကန်နိုင်ငံမှာလည်း ရက်သတ္တပတ် ၂ ပတ် ကာလတိုအတွင်းမှာ ဟာရီကိန်း မုန်တိုင်းဒဏ်ကြောင့် ပြင်းထန်တဲ့ အကျိုးဆက်များ ခံစားခဲ့ရတဲ့အတွက်လည်း အမေရိကန်နိုင်ငံ ပြည်သူများနဲ့ အစိုးရအား များစွာဝမ်းနည်းရပါကြောင်းကိုလည်း ပြောကြားလိုပါတယ်။ ယခုအချိန် မှာ မာရီယာ ဟာရီကိန်းမုန်တိုင်းဒဏ်ကို ကြုံတွေ့ ခံစားနေကြရတဲ့ ပွာတိုရီကို ပြည်သူများကိုလည်း များစွာဝမ်းနည်းရပါကြောင်း ပြောကြား လိုပါတယ်။
ယခုလိုအင်အား ပြင်းထန်လှတဲ့ ဆိုက်ကလုန်းမုန်တိုင်းများ မကြာခဏ ဖြစ်ပွား နေရခြင်းဟာ ရာသီဥတုပြောင်းလဲမှု ဖြစ်ပွားနေတယ်ဆိုတာကို သက်သေပြသလျက် ရှိပါတယ်။ အခုဆိုရင် ရာသီ ဥတုပြောင်းလဲမှုဟာ မိမိတို့နေထိုင်တဲ့ကမ္ဘာကြီးကို အမှန်တကယ် အလေးအနက် ခြိမ်းခြောက်မှု ပြုလာနေပြီဖြစ်ပါတယ်။ ရာသီဥတု ပြောင်းလဲမှုရဲ့ဒဏ်ဟာ တစ်ကမ္ဘာလုံးအပေါ် ထိခိုက်မှုရှိနေပြီး သက်ရောက်မှု ပမာဏဟာလည်း မကြုံစဖူးကြီးမားလှပါတယ်။ မြန်မာနိုင်ငံဟာလည်း ရာသီဥတု ပြောင်းလဲမှုရဲ့ ဆိုးကျိုးဒဏ်တွေကို ထိခိုက်ခံစားနေရတဲ့ နိုင်ငံတစ်နိုင်ငံဖြစ်ပါတယ်။ မုန်တိုင်းများ၊ ရေကြီးမှုများ၊ မိုးခေါင်မှုများဒဏ်ကို မကြာခဏခံစားနေတဲ့ နိုင်ငံတစ်နိုင်ငံ ဖြစ်တဲ့အတွက် မြန်မာ နိုင်ငံဟာ ပါရီသဘောတူညီချက်ကို ကြိုဆိုခဲ့ပါတယ်။ မြန်မာနိုင်ငံဟာ ကမ္ဘာ့ရာသီဥတု ပြောင်းလဲမှုဆိုင်ရာ အပြည်ပြည်ဆိုင်ရာ ပါရီသဘောတူညီချက်မှာ အတည်ပြုပါဝင်ကြောင်း စာချွန်လွှာနဲ့ ကျိုတိုနောက်ဆက်တွဲ စာချုပ်ရဲ့ ဒိုဟာပြင်ဆင်ချက်အား လက်ခံကြောင်း စာချွန်လွှာတွေကို မနေ့ကပဲ ကုလသမဂ္ဂအတွင်းရေးမှူးချုပ်ရုံးထံ ပေးအပ်ခဲ့ပြီးဖြစ်ကြောင်းကို ယခုညီလာခံကြီးမှာ ဝမ်းမြောက်စွာ အသိပေး ပြောကြားလိုပါတယ်။
သဘာပတိကြီးနဲ့ ကိုယ်စားလှယ်တော်များခင်ဗျား၊
မြန်မာနိုင်ငံအနေနဲ့ “ရေရှည်တည်တံ့ခိုင်မြဲတဲ့ ကမ္ဘာကြီးပေါ်ရှိ လူသားများအားလုံး အတွက် ငြိမ်းချမ်းမှုနဲ့ သင့်လျော်တဲ့လူနေမှုဘဝ ရရှိရေး-ပြည်သူများကိုအလေးပေး” ဆိုတဲ့ ယခုနှစ် ညီလာခံ ဆောင်ပုဒ်ကို ကြိုဆိုပါကြောင်း ပြောကြားလိုပါတယ်။
မြန်မာနိုင်ငံမှာလည်း ပြည်တွင်းလက်နက်ကိုင်တိုက်ခိုက်မှုတွေကို နှစ်ပေါင်း ၇၀ နီးပါး ခံစားခဲ့ကြရပြီးနောက် ငြိမ်းချမ်းရေးနဲ့ တည်ငြိမ်မှုရရှိရေးအတွက် အလေးထား ကြိုးပမ်းဆောင်ရွက်လျက် ရှိနေပါတယ်။
ပြီးခဲ့တဲ့နှစ်က ဒီစင်မြင့်ပေါ်မှာ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကိုယ်တိုင် တက်ရောက် မိန့်ခွန်းပြောကြားခဲ့ရာမှာ မြန်မာနိုင်ငံမှာ ပြည်တွင်း လက်နက်ကိုင် တိုက်ခိုက်မှုတွေ အဆုံးသတ်သွားစေဖို့နဲ့ ရခိုင်ပြည်နယ်မှာ ဖြစ်ပေါ်နေတဲ့ ရှုပ်ထွေးလှတဲ့ အခြေအနေတွေကနေ အဓိပ္ပါယ်ပြည့်ဝပြီး ရေရှည်တည်တံ့တဲ့အဖြေ ရှာဖွေ သွားနိုင်ရေးအတွက် အစိုးရရဲ့ မျှော်မှန်းဆောင်ရွက်နေမှု အခြေအနေတွေကို ချပြခဲ့ ပါတယ်။
ယခုတစ်နှစ်ပြည့်မြောက်တဲ့အချိန်မှာ ကျွန်တော့်အနေနဲ့ မြန်မာနိုင်ငံမှာ ဖော်ဆောင် ပေးနိုင်ခဲ့တဲ့ တိုးတက် အောင်မြင်မှုများနဲ့ ကျန်ရှိနေသေးတဲ့ စိန်ခေါ်မှုများကို ရှင်းလင်း တင်ပြသွားပါမယ်။ ပြီးခဲ့တဲ့ ရက်သတ္တပတ်များ အတွင်း ရခိုင်ပြည်နယ်မှာ ဖြစ်ပွားခဲ့တဲ့ အခြေအနေများဟာ ကမ္ဘာကြီးက အထူး အာရုံစိုက်လျက်ရှိနေတဲ့ ကိစ္စဖြစ်တဲ့ အားလျော်စွာ ကျွန်တော့်အနေနဲ့ ဒီကိစ္စရပ်အပေါ်မှာ ဦးစွာ ဆွေးနွေးပြောကြားလိုပါတယ်။
သဘာပတိကြီးနဲ့ ကိုယ်စားလှယ်တော်များခင်ဗျား၊
မနေ့ကပဲ နိုင်ငံတော်ရဲ့အတိုင်ပင်ခံပုဂ္ဂိုလ်ဟာ နိုင်ငံတွင်းမှာ အမျိုးသား ပြန်လည်ရင်ကြားစေ့ရေးနဲ့ ငြိမ်းချမ်းရေး ရရှိရေးအတွက် မြန်မာအစိုးရရဲ့ ကြိုးပမ်း ဆောင်ရွက်နေမှု အခြေအနေများကို နိုင်ငံခြားသံတမန်များအား ဖိတ်ခေါ်ပြောကြားခဲ့ ပါတယ်။ ဒီလိုပြောကြားခဲ့ရာမှာ အစိုးရသက်တမ်း ၁၈ လ ကာလအတွင်း မြန်မာနိုင်ငံ ရရှိခဲ့တဲ့ စွမ်းဆောင်အောင်မြင်မှုများနဲ့ ရင်ဆိုင်ကြုံတွေ့နေရဆဲ အခက်အခဲများကိုလည်း မီးမောင်းထိုးဖော်ပြခဲ့ပါတယ်။ ရခိုင်ပြည်နယ်မှာ မကြာသေးမီက အကြမ်းဖက် သမားများရဲ့ တိုက်ခိုက်မှုတွေကြောင့် လူမှုအသိုက်အဝန်းအားလုံးမှ ပြည်သူများ နေရပ်ပြောင်းရွှေ့တိမ်းရှောင်ခဲ့ရမှုများနဲ့ ဒုက္ခခံစားခဲ့ကြရမှုများအတွက် နိုင်ငံတကာ အသိုက်အဝန်းနည်းတူ မြန်မာ အစိုးရအနေနဲ့လည်း စိုးရိမ်ပူပန်မှုများ မျှဝေခံစားရပါကြောင်းကို ပြောကြားခဲ့ပါတယ်။ အလားတူ နိုင်ငံတော်ရဲ့ အတိုင်ပင်ခံပုဂ္ဂိုလ်က “မိမိတို့အနေနဲ့ လူ့အခွင့်အရေး ချိုးဖောက်မှုမှန်သမျှနဲ့ ဥပဒေနဲ့ မညီတဲ့ တိုက်ခိုက်မှုမှန်သမျှကို ရှုတ်ချကြောင်း၊ တစ်နိုင်ငံလုံးမှာ ငြိမ်းချမ်းမှု၊ တည်ငြိမ်မှုနဲ့ တရားဥပဒေစိုးမိုးမှု ပြန်လည်ရရှိရေးအတွက် ကြိုးပမ်းသွားမှာဖြစ်ကြောင်း၊ လုံခြုံရေး တပ်ဖွဲ့ဝင်များကိုလည်း စစ်ဆင်ရေးဆောင်ရွက်ရာမှာ စစ်ဥပဒေ စည်းမျဉ်း၊ စည်းကမ်း များကို တိကျစွာလိုက်နာကြရန်၊ ထိန်းထိန်းသိမ်းသိမ်း ဆောင်ရွက်ကြရန်၊ အပြစ်မဲ့ ပြည်သူများ မထိခိုက်စေရေးနဲ့ မလိုလားအပ်တဲ့ ထိခိုက်ဆုံးရှုံးမှုများ မဖြစ်ပေါ်စေရေး အပြည့်အဝ ကြိုးပမ်းဆောင်ရွက်ကြရန် ညွှန်ကြားထား ရှိပြီးဖြစ်ကြောင်း ပြောကြားခဲ့ ပါတယ်။ လူ့အခွင့်အရေးချိုးဖောက်မှုများ၊ တိုင်းပြည်တည်ငြိမ်ရေးနဲ့ သဟဇာတ မျှတမှုရှိရေးတို့အပေါ် ထိခိုက်စေမယ့်လုပ်ရပ်မှန်သမျှကို တင်းကျပ်တဲ့ ဥပဒေစံနှုန်းများနဲ့ အညီ ကိုင်တွယ်ဆောင်ရွက်သွားမှာ ဖြစ်ပါတယ်။ မကြာသေးမီက ဖြစ်ပွားခဲ့တဲ့ ပဋိပက္ခတွေကြားမှာ ထိခိုက်ခံစားခဲ့ကြရတဲ့ ပြည်သူများအတွက် များစွာ စိတ်မကောင်းဖြစ်ရပါကြောင်း” ပြောကြားခဲ့ပါတယ်။
သဘာပတိကြီးနဲ့ ကိုယ်စားလှယ်တော်များခင်ဗျား၊
ရခိုင်ပြည်နယ်အရေးကိစ္စဟာ လက်ရှိမြန်မာအစိုးရ နိုင်ငံ့တာဝန်များကို စတင် ထမ်းဆောင်ခဲ့တဲ့ အချိန်ကစပြီး အစိုးရရဲ့ ထိပ်တန်းဦးစားပေးကိစ္စတစ်ရပ် ဖြစ်ပါတယ်။ ရခိုင်ပြည်နယ်မှာ ငြိမ်းချမ်းမှုနဲ့ တည်ငြိမ်မှုပြန်လည်ဖော်ဆောင်ရေးနဲ့ ဒေသတွင်း နေထိုင်ကြတဲ့ လူမှုအသိုက်အဝန်းများအကြား သဟဇာတမျှတမှု မြှင့်တင်နိုင်ရေးအတွက် အစိုးရဟာ ကြိုးပမ်းဆောင်ရွက်လျက် ရှိနေ ပါတယ်။
ရခိုင်ပြည်နယ်ရဲ့ အဓိကလိုအပ်ချက်တွေကို ဖြည့်ဆည်းပေးနိုင်ဖို့အတွက် ရခိုင်ပြည်နယ် ငြိမ်းချမ်းရေး၊ တည်ငြိမ်ရေးနဲ့ ဖွံ့ဖြိုးတိုးတက်မှုရရှိရေး အကောင် အထည်ဖော်မှုဆိုင်ရာ ဗဟို ကော်မတီကို နိုင်ငံတော်ရဲ့အတိုင်ပင်ခံပုဂ္ဂိုလ်ကိုယ်တိုင် ဥက္ကဌအဖြစ် တာဝန်ယူပြီး ၂၀၁၆ ခုနှစ်၊ မေလ ၃၀ ရက်နေ့မှာ ဖွဲ့စည်းခဲ့ပါတယ်။
ထို့ပြင် ရှုပ်ထွေးလှတဲ့ ရခိုင်ပြည်နယ် အခြေအနေများနဲ့ ပတ်သက်ပြီး ရေရှည် တည်တံ့တဲ့ ဖြေရှင်းမှုဆိုင်ရာ အကြံဉာဏ်များ အစိုးရကို ပေးအပ်နိုင်ဖို့ ဒေါက်တာ ကိုဖီအာနန် ဦးဆောင်တဲ့ ရခိုင်ပြည်နယ်ဆိုင်ရာ အကြံပေးကော်မရှင်တစ်ရပ်ကို နိုင်ငံတော်ရဲ့အတိုင်ပင်ခံပုဂ္ဂိုလ်က ၂၀၁၆ ခုနှစ်၊ သြဂုတ်လအတွင်းမှာ ဖွဲ့စည်းပေးခဲ့ ပါတယ်။
ရခိုင်ပြည်နယ်မှာ ငြိမ်းချမ်းမှု၊ တည်ငြိမ်မှုနဲ့ လူမှုရေးအရ သဟဇာတရှိမှု ရရှိရေး ကြိုးပမ်းနေချိန်နဲ့ တစ်ဆက်တည်း ဒေသဖွံ့ဖြိုးတိုးတက်မှု ရရှိစေဖို့အတွက် မိမိတို့ ကြိုးပမ်း ဆောင်ရွက်လျက် ရှိပါတယ်။ ဒီလုပ်ငန်းတွေဟာ လွယ်ကူတဲ့ လုပ်ငန်းတာဝန်တွေ မဟုတ်ပါ။ ဒေသတွင်းမှာနေထိုင်ကြတဲ့ အသိုက်အဝန်းများအကြား နားလည်ယုံကြည်မှု၊ သဟဇာတရှိမှုတွေ ပြန်လည်ရရှိလာစေမယ့် ပတ်ဝန်းကျင်တစ်ရပ် ဖော်ဆောင်နိုင်ရေးအတွက် ဆယ်စုနှစ်ပေါင်းများစွာ အမြစ်တွယ်လာခဲ့တဲ့ အပြန်အလှန် မယုံကြည်မှုတွေ တဖြည်းဖြည်းပပျောက်သွားအောင် ဆောင်ရွက်ရမှာ ဖြစ်ပါတယ်။
၂၀၁၇ ခုနှစ်၊ သြဂုတ်လ ၂၄ ရက်နေ့က မစ္စတာကိုဖီအာနန် ဦးဆောင်တဲ့ ရခိုင်ပြည်နယ်ဆိုင်ရာ အကြံပေးကော်မရှင်ရဲ့ အပြီးသတ်အစီရင်ခံစာကို ထုတ်ပြန်ခဲ့ ပါတယ်။ ဒီအစီရင်ခံစာ ထုတ်ပြန်ခဲ့တာကို မြန်မာနိုင်ငံက မဆိုင်းမတွ ကြိုဆိုခဲ့ပါတယ်။
ဒီနေ့ညီလာခံကြီးဟာ အကြံပေးကော်မရှင်ရဲ့ အရေးကြီးတဲ့ သုံးသပ်ချက်များကို အကောင်အထည် ဖော်ရာမှာ ကျွန်တော်တို့ရရှိခဲ့တဲ့ တိုးတက်မှုတွေကို ကမ္ဘာကသိအောင် ပြောကြားဖို့ အခွင့်အလမ်းတစ်ရပ် ဖြစ်မယ်လို့ မူလကမျှော်လင့်ထားခဲ့ပါတယ်။
သို့သော်လည်း ပြီးခဲ့တဲ့လအတွင်းက ရခိုင်ပြည်နယ်မှာ ARSA လို့ခေါ်တဲ့ အကြမ်းဖက်အုပ်စု ရဲ့ တိုက်ခိုက်မှုတွေ စတင်ပြုလုပ်ခဲ့ပြီးနောက်ပိုင်း ရခိုင်ပြည်နယ်မှာ ဖြစ်ပေါ်နေတဲ့ လက်ရှိအခြေ အနေတွေကိုသာ အလေးထားပြောကြားရမယ့်အနေအထား ဖြစ်လာခဲ့ပါတယ်။
သဘာပတိကြီးနဲ့ ကိုယ်စားလှယ်တော်များခင်ဗျား၊
အဆွေတော်သိပြီးဖြစ်တဲ့အတိုင်း ရခိုင်ပြည်နယ်ဆိုင်ရာ အကြံပေးကော်မရှင်ရဲ့ အပြီးသတ် အစီရင်ခံစာ ထွက်ရှိလာပြီး နာရီပိုင်းအတွင်းမှာပဲ ရခိုင်ပြည်နယ်မြောက်ပိုင်းရှိ ရဲကင်း စခန်းပေါင်း (၃၀) ကို တစ်ပြိုင်တည်း အကွက်ကျကျ ညှိနှိုင်းပြီးမှ ဝင်ရောက် တိုက်ခိုက်မှုများ ပြုလုပ်ခဲ့ကြ ပါတယ်။ ဒီတိုက်ခိုက်မှုတွေဟာ ၎င်းတို့လုပ်ဆောင်ခဲ့တာ ဖြစ်ကြောင်း ARSA အဖွဲ့က ကြေညာခဲ့ ပါတယ်။
ဒီတိုက်ခိုက်မှုတွေကြောင့် ဒေသတွင်းမှာ အကြမ်းဖက်မှုတွေကို အသစ်တဖန် ဖြစ်ပွားစေပြီး၊ အသက်ဆုံးရှုံးမှုအချို့၊ ထိခိုက်နစ်နာမှုတွေနဲ့ ဒေသတွင်းရှိ အသိုက်အဝန်း အားလုံး အစုလိုက်အပြုံ လိုက် နေရပ်စွန့်ခွာမှုတွေ ဖြစ်ပေါ်လာစေခဲ့ပါတယ်။
ယခုလို မိမိတို့ရဲ့နေအိမ်တွေကို စွန့်ခွာထွက်ပြေးမှုတွေဟာ မူဆလင်များနဲ့ ရခိုင် တိုင်းရင်းသားတွေ သာမကပဲ လူနည်းစုတိုင်းရင်းသားတွေဖြစ်တဲ့ ဒိုင်းနက်၊ မြို၊ သက်၊ မရမာကြီးနဲ့ ဟိန္ဒူဘာသာဝင်တွေလည်း အပါအဝင်ဖြစ်ပါတယ်။ အခုတိုင်းရင်းသား လူနည်းစုတွေ ရှိနေတာရယ်၊ သူတို့လည်း ထိခိုက်ခံစားခဲ့ကြရတယ် ဆိုတာတွေကို ကမ္ဘာ့နိုင်ငံအတော်များများဟာ မသိရှိကြပါ ဘူး။
မြန်မာနိုင်ငံအစိုးရက ရခိုင်ပြည်နယ်ရဲ့ လက်ရှိအခြေအနေအပေါ် လွန်စွာ စိုးရိမ်လျက်ရှိ တယ် ဆိုတာကို ရှင်းလင်းစွာ သိစေလိုပါတယ်။ အသက်ဆုံးရှုံးခဲ့ရတဲ့ ရဲနှင့် လုံခြုံရေးတပ်ဖွဲ့ဝင်တွေနဲ့ အပြစ်မဲ့ပြည်သူတွေရဲ့ မိသားစုဝင်နဲ့ မိတ်ဆွေတွေအတွက် များစွာ ဝမ်းနည်းမိပါတယ်။ ဒါဟာ အလွန်ကြီးမားတဲ့ သက်ရောက်မှုရှိတဲ့ ပြဿနာ တစ်ရပ်ဆိုတာ အငြင်းပွားစရာ မရှိပါဘူး။
အခုအချိန်မှာတော့ အခြေအနေတွေဟာ တိုးတက်ကောင်းမွန်လာပြီ ဆိုတာကို ဝမ်းမြောက်စွာ အသိပေးပြောကြားလိုပါတယ်။ စက်တင်ဘာလ ၅ ရက်နေ့ကစတင်ပြီး လက်နက်ကိုင်တိုက်ခိုက်မှု တွေ မရှိတော့ဘူးလို့ သိရှိရပါတယ်။
ဒီလိုအခြေအနေမှာ မူဆလင်အများအပြားဟာ ဘင်္ဂလားဒေ့ရှ်နိုင်ငံဖက်ကို ဆက်လက် ထွက်ပြေးနေကြဆဲဖြစ်တယ်ဆိုတဲ့ သတင်းတွေအပေါ်မှာတော့ စိုးရိမ်မှုဖြစ်ပေါ်မိ ပါတယ်။
အခုလို လူအများအပြား ရွှေ့ပြောင်းတိမ်းရှောင်ကြရခြင်းရဲ့ အကြောင်းရင်းကို မိမိတို့ ရှာဖွေကြဖို့ လိုအပ်ပါတယ်။ ဒီနေရာမှာ လူသိနည်းတဲ့အချက်ကတော့ မူဆလင် အများအပြားဟာ ၎င်းတို့ရဲ့ နေအိမ်များမှာ ဆက်လက်နေထိုင်ကြဖို့ ဆုံးဖြတ်ခဲ့ကြတယ် ဆိုတာပဲ ဖြစ်ပါတယ်။
ယခုအချိန်မှာ အကူအညီ လိုအပ်နေသူတွေအတွက် အရေးကြီးတဲ့ လူသားချင်းစာနာ ထောက်ထားမှုအကူအညီတွေ ပေးအပ်ဖို့လိုတယ်ဆိုတဲ့ အချက်ကိုလည်း မိမိတို့အနေနဲ့ သဘောထား ထပ်တူထပ်မျှရှိပါတယ်။
ဒါ့အပြင် ရခိုင်ပြည်နယ်မှာ ဖြစ်ပေါ်နေတဲ့ စိန်ခေါ်မှုတွေကို ကိုင်တွယ် ဆောင်ရွက်ပေးဖို့ဟာ မြန်မာနိုင်ငံအစိုးရရဲ့ ပဏာမလုပ်ငန်းတာဝန် ဖြစ်တယ်ဆိုတာ အသိအမှတ်ပြုပါတယ်။ ရခိုင်ပြည်နယ် အခြေအနေဟာ ရှုပ်ထွေးလှပါတယ်။ ကျွန်တော်တို့ ကြုံတွေ့ရတဲ့ စိန်ခေါ်မှုများဟာလည်း ကြီးမားလှပါတယ်။ သို့သော်လည်း ဒီစိန်ခေါ်မှုတွေကို ကိုင်တွယ်ဖြေရှင်းနိုင်ဖို့ ဘက်စုံအမျိုးသား မဟာဗျူဟာတစ်ရပ်ကို ချမှတ်ထားပြီး ဖြစ်ပါတယ်။
ရခိုင်ပြည်နယ်ဆိုင်ရာ အကြံပေးကော်မရှင်ရဲ့ အကြံပြုချက်များကို အကောင် အထည်ဖော်ဖို့ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန ပြည်ထောင်စုဝန်ကြီး ဦးဆောင်တဲ့ ကော်မတီတစ်ရပ်ကိုလည်း ဖွဲ့စည်းထားပြီးဖြစ်ကြောင်း ဝမ်းမြောက်စွာနဲ့ အသိပေး ကြေညာလိုပါတယ်။ ပွင့်လင်းမြင်သာမှုနဲ့ တာဝန်ခံမှု ရှိစေရေးအတွက် ကော်မတီအနေနဲ့ တိုးတက်မှု အစီရင်ခံစာကို လေးလတစ်ကြိမ် ပြည်သူများထံ ထုတ်ပြန်အသိပေးဖို့ တာဝန်သတ်မှတ်ပေးထားပါတယ်။ ဒီကော်မတီအပြင် ပြည်တွင်းနဲ့ နိုင်ငံတကာက ထင်ရှားတဲ့ ပုဂ္ဂိုလ်များပါဝင်တဲ့ အကြံပေး ဘုတ်အဖွဲ့ ဖွဲ့စည်းသွားဖို့လည်း ရှိပါတယ်။
အခုအချိန်မှာ ရခိုင်ပြည်နယ်မှာ လူသားချင်းစာနာမှု အကူအညီပေးအပ်ရေးဟာ မိမိတို့ရဲ့ ပထမဦးစားပေးလုပ်ငန်း ဖြစ်ပါတယ်။ အကူအညီ လိုအပ်နေကြတဲ့ ပြည်သူများ အားလုံး ခွဲခြား ဆက်ဆံမှု မရှိဘဲ လူသားချင်းစာနာမှု အကူအညီများအား လက်ခံ ရရှိစေရေးအတွက် ဆောင်ရွက်သွားဖို့ ဆုံးဖြတ်ချက် ခိုင်မာစွာ ချမှတ်ထားပါတယ်။ လူသားချင်းစာနာထောက်ထားရေး လုပ်ငန်းများ အတွက် နိုင်ငံတော်က ရန်ပုံငွေနဲ့ အရင်းအမြစ် အများအပြားကို ခွဲဝေချမှတ်ထားပြီးဖြစ်ပါတယ်။
မြန်မာနိုင်ငံအစိုးရ ဦးဆောင်တဲ့ အကူအညီပေးရေး ယန္တရားသစ်တစ်ရပ်ကို ကြက်ခြေနီ လှုပ်ရှားမှုအဖွဲ့ရဲ့ ပူးပေါင်းဆောင်ရွက်မှုနဲ့ ထူထောင်ထားပြီး၊ လူသားချင်း စာနာမှုဆိုင်ရာ အကူအညီ ပေးအပ်ရေးလုပ်ငန်းများ စတင်ဆောင်ရွက်နေပြီ ဖြစ်ကြောင်းကိုလည်း ဝမ်းမြောက်စွာ အသိပေးလို ပါတယ်။
ယခု အကူအညီပေးရေး လုပ်ငန်းအစီအစဉ်မှာ ပါဝင်ကူညီပံ့ပိုးရန်အတွက် ကမ်းလှမ်းလာတဲ့ နိုင်ငံများအားလုံးကို အထူးကျေးဇူးတင်ရှိပါကြောင်း မြန်မာနိုင်ငံ အစိုးရကိုယ်စား ပြောကြားလိုပါတယ်။ အထူးသဖြင့် ကမ္ဘာတစ်ဝှမ်းရှိ မိတ်ဆွေနိုင်ငံများ ထံမှ မကြာမီက ကူညီထောက်ပံ့ရန် ကမ်းလှမ်းမှုများအတွက် လှိုက်လှဲစွာ ကျေးဇူးတင်ရှိပါကြောင်း ပြောကြားလိုပါတယ်။
တစ်ချိန်တည်းမှာပဲ မြန်မာနိုင်ငံအနေနဲ့ ဘင်္ဂလားဒေ့ရှ်နိုင်ငံနဲ့ ဆက်ဆံရေး တိုးမြှင့်နိုင်ဖို့ ကြိုးပမ်းဆောင်ရွက်လျက် ရှိပါတယ်။ မြန်မာနိုင်ငံက နိုင်ငံခြားရေး ဝန်ကြီးဌာန၊ ဒုတိယဝန်ကြီးနဲ့ အမျိုးသားလုံခြုံရေးဆိုင်ရာ အကြံပေးပုဂ္ဂိုလ်တို့ဟာ ဒီနှစ် ဇန်နဝါရီလနဲ့ ဇူလိုင်လအတွင်းက ဘင်္ဂလားဒေ့ရှ်နိုင်ငံကို အသီးသီးသွားရောက်ခဲ့ကြ ပါတယ်။ ဘင်္ဂလားဒေ့ရှ်နိုင်ငံက ပြည်ထဲရေးဝန်ကြီး မြန်မာနိုင်ငံကို သြဂုတ်လအတွင်းက လာရောက်ဖို့ စီစဉ်ခဲ့ပေမယ့် ၎င်းတို့ဝန်ကြီးဘက်က အဆင်မပြေမှုကြောင့် ခရီးစဉ်ကို ရွှေ့ဆိုင်းခဲ့ရပါတယ်။ ဝန်ကြီးအနေနဲ့ မြန်မာနိုင်ငံကို အဆင်ပြေတဲ့ အချိန်လာရောက်ရေးကို လက်ကမ်းကြိုဆိုလျက်ရှိပြီး နယ်စပ်လုံခြုံရေး ကိစ္စရပ်များနဲ့ ပတ်သက်ပြီး နှစ်နိုင်ငံ ဆက်လက်ပူးပေါင်း ဆောင်ရွက်သွားနိုင်မယ်လို့ မိမိတို့ မျှော်လင့်လျက် ရှိပါတယ်။
ရခိုင်ပြည်နယ်မြောက်ပိုင်းကနေ ဘင်္ဂလားဒေ့ရှ်နိုင်ငံဘက်ကို မကြာမီက ပြောင်းရွှေ့ သွားကြတဲ့ သူတွေကို ပြန်လည်ခေါ်ယူဖို့ ပြောကြားမှုတွေ ရှိနေပါတယ်။ ဒီကိစ္စနဲ့ ပတ်သက်ပြီး မြန်မာနိုင်ငံအနေနဲ့ လိုအပ်တဲ့စိစစ်ရေးလုပ်ငန်းစဉ်တွေကို စတင်သွားဖို့ ပြင်ဆင် ထားရှိကြောင်း နိုင်ငံတော်၏ အတိုင်ပင်ခံပုဂ္ဂိုလ် မနေ့ကမိန့်ခွန်းထဲမှာ ထည့်သွင်း ပြောကြားခဲ့ပါတယ်။ မိမိတို့အိမ်နီးချင်း နှစ်နိုင်ငံအကြား ပြန်လည် လက်ခံရေး လုပ်ငန်းစဉ်တွေကို ပူးတွဲလုပ်ငန်းအဖွဲ့ တည်ထောင်ဖွဲ့စည်းပြီး လက်ခံခဲ့တဲ့ အစဉ်အလာ ၁၉၉၃ ခုနှစ်ကတည်းက ရှိခဲ့ပါတယ်။ မိမိတို့အနေနဲ့ ၁၉၉၃ ခုနှစ်က ဆောင်ရွက်ခဲ့တဲ့ လုပ်ငန်းအတွေ့အကြုံတွေကို အခြေပြုပြီး လုပ်ငန်းစဉ်တစ်ရပ် ချမှတ်ဖော်ဆောင် သွားနိုင်မှာ ဖြစ်ပါတယ်။
သဘာပတိကြီးနဲ့ ကိုယ်စားလှယ်တော်များခင်ဗျား၊
မည်သည့်ပုံစံနှင့် အသွင်သဏ္ဍာန်ဖြင့် ကျူးလွန်သည့် အကြမ်းဖက်မှုကို ပြစ်တင် ရှုတ်ချရာမှာ မြန်မာနိုင်ငံအနေနဲ့ ကျန်ကမ္ဘာ့နိုင်ငံများ အားလုံးနဲ့အတူ တစ်သားတည်း ရပ်တည်လျက် ရှိပါတယ်။ အကြမ်းဖက်မှုဟာ နိုင်ငံတကာ ငြိမ်းချမ်းရေးနဲ့ လုံခြုံရေးကို ဆိုးရွားစွာ ခြိမ်းခြောက်မှုများထဲမှာ တစ်ခုအပါအဝင်ဖြစ်ပါတယ်။ ဒီကိစ္စနဲ့ ပတ်သက်ပြီး မိမိတို့ရဲ့ ရပ်တည်ချက်ဟာ ရှင်းလင်းပြတ်သား ပါတယ်။ မည်သည့် အကြမ်းဖက်မှုကိုမဆို မိမိတို့အနေနဲ့ ခွင့်လွှတ်ဖို့ မဖြစ်နိုင်ပါဘူး။
တစ်ချိန်တည်းမှာ အစိုးရအနေနဲ့ ရခိုင်ပြည်နယ်ရဲ့ ရှုပ်ထွေးတဲ့ စိန်ခေါ်မှုများကို ဖြေရှင်းနိုင်ဖို့ လိုအပ်တဲ့ ရေရှည်မဟာဗျူဟာ စီမံချက်ချမှတ် ဆောင်ရွက်မှု လုပ်ငန်းစဉ် များကို အကြမ်းဖက်လှုပ်ရှားမှုများက ဟန့်တားနှောင့်ယှက်နိုင်မှု မရှိစေရေး အတွက် ကြိုးပမ်းဆောင်ရွက်လျက်ရှိပါတယ်။
ရခိုင်ပြည်နယ်ဆိုင်ရာ အကြံပေးကော်မရှင်ရဲ့ အကြံပြုချက်များဟာ ကျွန်တော်တို့ အတွက် ရှင်းလင်းတဲ့ လမ်းပြမြေပုံတစ်ခု ဖြစ်ပါတယ်။ ကျွန်တော်တို့ရဲ့ ရခိုင်ပြည်နယ်ဆိုင်ရာ အကြံပေးကော်မရှင်ရဲ့ အကြံပြုချက်များအား အကောင်အထည်ဖော်ရေး ကော်မတီအနေနဲ့ ပြီးခဲ့တဲ့ရက်သတ္တ ပတ်ကစတင်ပြီး ၎င်းတို့ရဲ့ လုပ်ငန်းတာဝန်များကို စတင်ဆောင်ရွက်နေပြီဖြစ်ကြောင်းနဲ့ ကျွန်တော်တို့ရဲ့ လုပ်ငန်း အစီအစဉ်အချို့ကို မျက်မြင်လာရောက်ကြည့်ရှုဖို့ လေ့လာသူများကိုလည်း ဖိတ်ကြား သွားမှာ ဖြစ်ပါတယ်။
သဘာပတိကြီးနဲ့ ကိုယ်စားလှယ်တော်များခင်ဗျား၊
ရခိုင်ပြည်နယ်မှာ မကြာသေးမီက ဖြစ်ပွားခဲ့တဲ့ ဖြစ်စဉ်များဟာ ငြိမ်းချမ်းရေး၊ သာယာဝပြောရေးနဲ့ ဒီမိုကရေစီရေးအတွက် မိမိတို့လျှောက်လှမ်းရမယ့် ခရီးရှည်ကြီးမှာ ကြုံတွေ့ရမယ့် ခက်ခဲတဲ့ စိန်ခေါ်မှုများ ဖြစ်တယ်ဆိုတာ ထိခိုက်နာကျင်စေရတဲ့ သတိပေးချက်တစ်ခုပဲ ဖြစ်ပါတယ်။
သို့သော်လည်း ပြီးခဲ့တဲ့နှစ်က ဒီစင်မြင့်ထက်မှာ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ပထမအကြိမ် မိန့်ခွန်းပြောကြားခဲ့စဉ်ကအတိုင်း ကျွန်တော်တို့ရဲ့ ငြိမ်းချမ်းရေး ကတိကဝတ်ဟာ မယိမ်းမယိုင် ခိုင်ခိုင်မာမာ ဆက်လက် တည်ရှိနေတယ် ဆိုတာ ထပ်လောင်း ပြောကြားလိုပါတယ်။
အဲဒီကတိကဝတ်ကို အကောင်အထည်ဖော်ရာမှာ အမျိုးသားပြန်လည် သင့်မြတ်ရေးနဲ့ ငြိမ်းချမ်းရေးလုပ်ငန်းစဉ်ကို အဓိကဦးစားပေးအဖြစ် သတ်မှတ် ဆောင်ရွက်လျက် ရှိပါတယ်။ လွတ်လပ်ခြင်း၊ တရားမျှတခြင်း၊ သာတူညီမျှ အခွင့်အရေး ရှိခြင်းနဲ့ ကိုယ့်ကြမ္မာ ကိုယ်ဖန်တီးနိုင်ခြင်း ဆိုတဲ့မူတွေအပေါ် အခြေခံတဲ့ ဒီမိုကရေစီ ဖက်ဒရယ်ပြည်ထောင်စုနိုင်ငံ ဖြစ်ပေါ်လာရေးဟာ ကျွန်တော်တို့ရဲ့ ရှင်းလင်းပြတ်သားတဲ့ မျှော်မှန်းချက်ပဲ ဖြစ်ပါတယ်။
နိုင်ငံတွင်း ဆောင်ရွက်လျက်ရှိတဲ့ ငြိမ်းချမ်းရေးလုပ်ငန်းစဉ်များနဲ့ ပတ်သက်ပြီး ယခုနှစ် မေလမှာ ပြည်ထောင်စုငြိမ်းချမ်းရေးညီလာခံရဲ့ ဒုတိယအကြိမ် အစည်းအဝေးကို အောင်မြင်စွာ ကျင်းပနိုင်ခဲ့တဲ့အကြောင်း ဝမ်းမြောက်စွာ အသိပေးပြောကြားလိုပါတယ်။ အနာဂတ် ဒီမိုကရေစီ ဖက်ဒရယ်ပြည်ထောင်စုရဲ့ အခြေခံအုတ်မြစ်ဖြစ်လာမယ့် အဓိက အခြေခံမူများကို ပထမဦးဆုံး ဆွေးနွေးချမှတ် သဘောတူနိုင်ခဲ့ပါတယ်။ နိုင်ငံရေး၊ လူမှုရေး၊ စီးပွားရေး၊ မြေယာနဲ့ သဘာဝ ပတ်ဝန်းကျင်ကဏ္ဍများနဲ့ ပတ်သက်တဲ့ အခြေခံမူ (၃၇) ချက်ပါဝင်တဲ့ ပြည်ထောင်စုသဘောတူ စာချုပ်ကို အစိုးရ၊ လွှတ်တော်၊ တပ်မတော်၊ တိုင်းရင်းသား လက်နက်ကိုင်အဖွဲ့အစည်းများနဲ့ နိုင်ငံရေးပါတီများရဲ့ ကိုယ်စားလှယ် များက လက်မှတ်ရေးထိုးနိုင်ခဲ့ပါတယ်။
အဲဒီလိုစစ်မှန်တဲ့တိုးတက်မှုများ ရရှိလျက် ရှိနေသော်လည်း ကျွန်တော်တို့ ရှေ့ဆက်လျှောက်ရမယ့်လမ်းဟာ ရှည်လျားပြီး ရှုပ်ထွေးခက်ခဲတယ်ဆိုတာကို သိထား ပါတယ်။ ကျွန်တော်တို့ရဲ့ ဒီမိုကရေစီ အသွင်ကူးပြောင်းမှုဟာ အကဲဆတ်တဲ့ အနေအထားမှာ ရှိပါတယ်။ ယခုလို နိုင်ငံတော်ရဲ့ သမိုင်းမှာ အရေးပါတဲ့အနေအထားကို ရောက်နေတဲ့အချိန်မှာ နိုင်ငံတကာ အသိုက်အဝန်းအနေနဲ့ ကျွန်တော်တို့ရဲ့ ငြိမ်းချမ်းရေး၊ သာယာဝပြောရေးနဲ့ ဒီမိုကရေစီရရှိရေး ကြိုးပမ်းဆောင်ရွက်မှုတွေကို ဆက်လက်ပြီး ထောက်ခံပေးကြဖို့ကို ပန်ကြားလိုပါတယ်။
သဘာပတိကြီးနဲ့ ကိုယ်စားလှယ်တော်များခင်ဗျား၊
မိမိရဲ့ မိန့်ခွန်းကို အဆုံးမသတ်မီ မြန်မာနိုင်ငံအနေနဲ့ ကုလသမဂ္ဂအဖွဲ့ကြီးရဲ့ ပဋိညာဉ် စာတမ်းပါ ရည်ရွယ်ချက်နဲ့ အခြေခံမူများအပေါ် သက်ဝင်ယုံကြည်မှု ရှိပါကြောင်း ထပ်လောင်း ပြောကြားလိုပါတယ်။
ငြိမ်းချမ်းပြီး သဟဇာတရှိတဲ့ ကမ္ဘာကြီးပေါ်ထွန်းလာစေရေးအတွက် မြန်မာနိုင်ငံ အနေနဲ့ ခိုင်မာစွာ ကတိကဝတ်ပြုပါကြောင်း အလေးပေးပြောကြားရင်းနဲ့ နိဂုံးချုပ်အပ် ပါတယ်။
ကျေးဇူးတင်ပါတယ် သဘာပတိကြီးခင်ဗျား။
Zawgyi Version
------------------------------------------------------------------------------
ဒုတိယသမ္မတ ဦးဟင်နရီဗန်ထီးယူ (၇၂) ကြိမ်မြောက် ကုလသမဂ္ဂ အထွေထွေညီလာခံ အထွေထွေမူဝါဒရေးရာ ဆွေးနွေးပွဲသို့ တက်ရောက် မိန့်ခွန်းပြောကြား
နယူးယောက် စက်တင်ဘာ ၂၁
(၇၂)ကြိမ်မြောက် ကုလသမဂ္ဂအထွေထွေညီလာခံ အထွေထွေမူဝါဒရေးရာ ဆွေးနွေးပွဲ ဒုတိယနေ့ကို စက်တင်ဘာ ၂ဝ ရက်တွင် အမေရိကန်နိုင်ငံ နယူးယောက်မြို့ ကုလသမဂ္ဂဌာနချုပ်ရှိ အထွေထွေညီလာခံခန်းမ (General Assembly Hall)၌ ကျင်းပရာ ဒေသစံတော်ချိန် ည ၈နာရီတွင် ဒုတိယသမ္မတ ဦးဟင်နရီဗန်ထီးယူ တက်ရောက်၍ အထွေထွေမူဝါဒရေးရာ မိန့်ခွန်းတစ်ရပ် ပါဝင်ပြောကြားခဲ့သည်။
ဒုတိယသမ္မတ ဦးဟင်နရီဗန်ထီးယူက မြန်မာနိုင်ငံအနေဖြင့် ကမ္ဘာ့ရာသီဥတု ပြောင်းလဲမှုဆိုင်ရာ အပြည်ပြည်ဆိုင်ရာ ပါရီ သဘောတူညီ ချက်တွင် အတည်ပြုပါဝင်ခဲ့ သည့် ကိစ္စရပ်၊ နိုင်ငံအတွင်း အမျိုးသားပြန် လည်သင့်မြတ် ရေးနှင့် ငြိမ်းချမ်းရေး တည်ဆောက်မှုဆိုင်ရာ ကိစ္စရပ်များနှင့် ရခိုင်ပြည်နယ်တွင် ရေရှည်တည်တံ့သော အဖြေရရှိရေးအတွက် မြန်မာအစိုးရ၏ ကြိုးပမ်းဆောင်ရွက်မှုဆိုင်ရာ ကိစ္စရပ်အခြေ အနေများကို အလေးပေးရှင်းလင်း ပြောကြားသည်။
ဒုတိယသမ္မတပြောကြားသည့် မိန့်ခွန်းအပြည့်အစုံမှာ အောက်ပါအတိုင်း ဖြစ်ပါသည်-
သဘာပတိကြီးခင်ဗျား၊
အဆွေတော်အား (၇၂) ကြိမ်မြောက် ကုလသမဂ္ဂအထွေထွေ ညီလာခံကြီးရဲ့ သဘာပတိအဖြစ် ရွေးကောက်တင်မြှောက်ခံရခြင်းအတွက် မိမိအနေနဲ့ ဝမ်းမြောက် ဂုဏ်ယူပါကြောင်း ပြောကြားလိုပါတယ်။ အဆွေတော်ရဲ့ ဦးဆောင်နိုင်မှုအောက်မှာ ယခုညီလာခံကြီးဟာ အကျိုးရလဒ်ကောင်းတွေ ဖော်ဆောင်ပေးနိုင်မယ်လို့ မိမိတို့အနေနဲ့ ယုံကြည်ပါတယ်။
သဘာပတိကြီးနဲ့ ကိုယ်စားလှယ်တော်များခင်ဗျား၊
မိမိအနေနဲ့ ဘာသာရပ်ပိုင်းဆိုင်ရာ ကိစ္စတွေမပြောကြားမီ မက္ကဆီကိုနိုင်ငံမှာ မနေ့က အင်အား ပြင်းထန်တဲ့ ငလျင်လှုပ်ခတ်မှုကြောင့် ပြည်သူများ အသက်ဆုံးရှုံးမှုများနဲ့ ပျက်စီး ဆုံးရှုံးမှုများ ဖြစ်ပေါ်ခဲ့တဲ့အတွက် မက္ကဆီကိုနိုင်ငံပြည်သူများနဲ့ အစိုးရအား များစွာ ဝမ်းနည်းရပါကြောင်း အခွင့် ကြုံခိုက် ပြောကြားလိုပါတယ်။
အလားတူ အမေရိကန်နိုင်ငံမှာလည်း ရက်သတ္တပတ် ၂ ပတ် ကာလတိုအတွင်းမှာ ဟာရီကိန်း မုန်တိုင်းဒဏ်ကြောင့် ပြင်းထန်တဲ့ အကျိုးဆက်များ ခံစားခဲ့ရတဲ့အတွက်လည်း အမေရိကန်နိုင်ငံ ပြည်သူများနဲ့ အစိုးရအား များစွာဝမ်းနည်းရပါကြောင်းကိုလည်း ပြောကြားလိုပါတယ်။ ယခုအချိန် မှာ မာရီယာ ဟာရီကိန်းမုန်တိုင်းဒဏ်ကို ကြုံတွေ့ ခံစားနေကြရတဲ့ ပွာတိုရီကို ပြည်သူများကိုလည်း များစွာဝမ်းနည်းရပါကြောင်း ပြောကြား လိုပါတယ်။
ယခုလိုအင်အား ပြင်းထန်လှတဲ့ ဆိုက်ကလုန်းမုန်တိုင်းများ မကြာခဏ ဖြစ်ပွား နေရခြင်းဟာ ရာသီဥတုပြောင်းလဲမှု ဖြစ်ပွားနေတယ်ဆိုတာကို သက်သေပြသလျက် ရှိပါတယ်။ အခုဆိုရင် ရာသီ ဥတုပြောင်းလဲမှုဟာ မိမိတို့နေထိုင်တဲ့ကမ္ဘာကြီးကို အမှန်တကယ် အလေးအနက် ခြိမ်းခြောက်မှု ပြုလာနေပြီဖြစ်ပါတယ်။ ရာသီဥတု ပြောင်းလဲမှုရဲ့ဒဏ်ဟာ တစ်ကမ္ဘာလုံးအပေါ် ထိခိုက်မှုရှိနေပြီး သက်ရောက်မှု ပမာဏဟာလည်း မကြုံစဖူးကြီးမားလှပါတယ်။ မြန်မာနိုင်ငံဟာလည်း ရာသီဥတု ပြောင်းလဲမှုရဲ့ ဆိုးကျိုးဒဏ်တွေကို ထိခိုက်ခံစားနေရတဲ့ နိုင်ငံတစ်နိုင်ငံဖြစ်ပါတယ်။ မုန်တိုင်းများ၊ ရေကြီးမှုများ၊ မိုးခေါင်မှုများဒဏ်ကို မကြာခဏခံစားနေတဲ့ နိုင်ငံတစ်နိုင်ငံ ဖြစ်တဲ့အတွက် မြန်မာ နိုင်ငံဟာ ပါရီသဘောတူညီချက်ကို ကြိုဆိုခဲ့ပါတယ်။ မြန်မာနိုင်ငံဟာ ကမ္ဘာ့ရာသီဥတု ပြောင်းလဲမှုဆိုင်ရာ အပြည်ပြည်ဆိုင်ရာ ပါရီသဘောတူညီချက်မှာ အတည်ပြုပါဝင်ကြောင်း စာချွန်လွှာနဲ့ ကျိုတိုနောက်ဆက်တွဲ စာချုပ်ရဲ့ ဒိုဟာပြင်ဆင်ချက်အား လက်ခံကြောင်း စာချွန်လွှာတွေကို မနေ့ကပဲ ကုလသမဂ္ဂအတွင်းရေးမှူးချုပ်ရုံးထံ ပေးအပ်ခဲ့ပြီးဖြစ်ကြောင်းကို ယခုညီလာခံကြီးမှာ ဝမ်းမြောက်စွာ အသိပေး ပြောကြားလိုပါတယ်။
သဘာပတိကြီးနဲ့ ကိုယ်စားလှယ်တော်များခင်ဗျား၊
မြန်မာနိုင်ငံအနေနဲ့ “ရေရှည်တည်တံ့ခိုင်မြဲတဲ့ ကမ္ဘာကြီးပေါ်ရှိ လူသားများအားလုံး အတွက် ငြိမ်းချမ်းမှုနဲ့ သင့်လျော်တဲ့လူနေမှုဘဝ ရရှိရေး-ပြည်သူများကိုအလေးပေး” ဆိုတဲ့ ယခုနှစ် ညီလာခံ ဆောင်ပုဒ်ကို ကြိုဆိုပါကြောင်း ပြောကြားလိုပါတယ်။
မြန်မာနိုင်ငံမှာလည်း ပြည်တွင်းလက်နက်ကိုင်တိုက်ခိုက်မှုတွေကို နှစ်ပေါင်း ၇ဝ နီးပါး ခံစားခဲ့ကြရပြီးနောက် ငြိမ်းချမ်းရေးနဲ့ တည်ငြိမ်မှုရရှိရေးအတွက် အလေးထား ကြိုးပမ်းဆောင်ရွက်လျက် ရှိနေပါတယ်။
ပြီးခဲ့တဲ့နှစ်က ဒီစင်မြင့်ပေါ်မှာ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်း စုကြည် ကိုယ်တိုင် တက်ရောက်မိန့်ခွန်းပြောကြားခဲ့ရာမှာ မြန်မာနိုင်ငံမှာ ပြည်တွင်း လက်နက်ကိုင် တိုက်ခိုက်မှုတွေ အဆုံးသတ်သွားစေဖို့နဲ့ ရခိုင်ပြည်နယ်မှာ ဖြစ်ပေါ်နေတဲ့ ရှုပ်ထွေးလှတဲ့ အခြေအနေတွေကနေ အဓိပ္ပါယ်ပြည့်ဝပြီး ရေရှည်တည်တံ့တဲ့အဖြေ ရှာဖွေ သွားနိုင်ရေးအတွက် အစိုးရရဲ့ မျှော်မှန်းဆောင်ရွက်နေမှု အခြေအနေတွေကို ချပြခဲ့ ပါတယ်။
ယခုတစ်နှစ်ပြည့်မြောက်တဲ့အချိန်မှာ ကျွန်တော့်အနေနဲ့ မြန်မာနိုင်ငံမှာ ဖော်ဆောင် ပေးနိုင်ခဲ့တဲ့ တိုးတက်အောင်မြင်မှုများနဲ့ ကျန်ရှိနေသေးတဲ့ စိန်ခေါ်မှုများကို ရှင်းလင်း တင်ပြသွားပါမယ်။ ပြီးခဲ့တဲ့ ရက်သတ္တပတ်များအတွင်း ရခိုင်ပြည်နယ်မှာ ဖြစ်ပွားခဲ့တဲ့ အခြေအနေများဟာ ကမ္ဘာကြီးက အထူး အာရုံစိုက်လျက်ရှိနေတဲ့ ကိစ္စဖြစ်တဲ့ အားလျော်စွာ ကျွန်တော့်အနေနဲ့ ဒီကိစ္စရပ်အပေါ်မှာ ဦးစွာ ဆွေးနွေးပြောကြားလိုပါတယ်။
သဘာပတိကြီးနဲ့ ကိုယ်စားလှယ်တော်များခင်ဗျား၊
မနေ့ကပဲ နိုင်ငံတော်ရဲ့အတိုင်ပင်ခံပုဂ္ဂိုလ်ဟာ နိုင်ငံတွင်းမှာ အမျိုးသား ပြန်လည်ရင်ကြားစေ့ရေးနဲ့ ငြိမ်းချမ်းရေး ရရှိရေးအတွက် မြန်မာအစိုးရရဲ့ ကြိုးပမ်း ဆောင်ရွက်နေမှု အခြေအနေများကို နိုင်ငံခြားသံတမန်များအား ဖိတ်ခေါ်ပြောကြားခဲ့ ပါတယ်။ ဒီလိုပြောကြားခဲ့ရာမှာ အစိုးရသက်တမ်း ၁၈ လ ကာလအတွင်း မြန်မာနိုင်ငံ ရရှိခဲ့တဲ့ စွမ်းဆောင်အောင်မြင်မှုများနဲ့ ရင်ဆိုင်ကြုံတွေ့နေရဆဲ အခက်အခဲများကိုလည်း မီးမောင်းထိုးဖော်ပြခဲ့ပါတယ်။ ရခိုင်ပြည်နယ်မှာ မကြာသေးမီက အကြမ်းဖက် သမားများရဲ့ တိုက်ခိုက်မှုတွေကြောင့် လူမှုအသိုက်အဝန်းအားလုံးမှ ပြည်သူများ နေရပ်ပြောင်းရွှေ့တိမ်းရှောင်ခဲ့ရမှုများနဲ့ ဒုက္ခခံစားခဲ့ကြရမှုများအတွက် နိုင်ငံတကာ အသိုက်အဝန်းနည်းတူ မြန်မာ အစိုးရအနေနဲ့လည်း စိုးရိမ်ပူပန်မှုများ မျှဝေခံစားရပါကြောင်းကို ပြောကြားခဲ့ပါတယ်။ အလားတူ နိုင်ငံတော်ရဲ့ အတိုင်ပင်ခံပုဂ္ဂိုလ်က “မိမိတို့အနေနဲ့ လူ့အခွင့်အရေး ချိုးဖောက်မှုမှန်သမျှနဲ့ ဥပဒေနဲ့ မညီတဲ့ တိုက်ခိုက်မှုမှန်သမျှကို ရှုတ်ချကြောင်း၊ တစ်နိုင်ငံလုံးမှာ ငြိမ်းချမ်းမှု၊ တည်ငြိမ်မှုနဲ့ တရားဥပဒေစိုးမိုးမှု ပြန်လည်ရရှိရေးအတွက် ကြိုးပမ်းသွားမှာဖြစ်ကြောင်း၊ လုံခြုံရေး တပ်ဖွဲ့ဝင်များကိုလည်း စစ်ဆင်ရေးဆောင်ရွက်ရာမှာ စစ်ဥပဒေ စည်းမျဉ်း၊ စည်းကမ်း များကို တိကျစွာလိုက်နာကြရန်၊ ထိန်းထိန်းသိမ်းသိမ်း ဆောင်ရွက်ကြရန်၊ အပြစ်မဲ့ ပြည်သူများ မထိခိုက်စေရေးနဲ့ မလိုလားအပ်တဲ့ ထိခိုက်ဆုံးရှုံးမှုများ မဖြစ်ပေါ်စေရေး အပြည့်အဝ ကြိုးပမ်းဆောင်ရွက်ကြရန် ညွှန်ကြားထား ရှိပြီးဖြစ်ကြောင်း ပြောကြားခဲ့ ပါတယ်။ လူ့အခွင့်အရေးချိုးဖောက်မှုများ၊ တိုင်းပြည်တည်ငြိမ်ရေးနဲ့ သဟဇာတ မျှတမှုရှိရေးတို့အပေါ် ထိခိုက်စေမယ့်လုပ်ရပ်မှန်သမျှကို တင်းကျပ်တဲ့ ဥပဒေစံနှုန်းများနဲ့ အညီ ကိုင်တွယ်ဆောင်ရွက်သွားမှာ ဖြစ်ပါတယ်။ မကြာသေးမီက ဖြစ်ပွားခဲ့တဲ့ ပဋိပက္ခတွေကြားမှာ ထိခိုက်ခံစားခဲ့ကြရတဲ့ ပြည်သူများအတွက် များစွာ စိတ်မကောင်းဖြစ်ရပါကြောင်း” ပြောကြားခဲ့ပါတယ်။
သဘာပတိကြီးနဲ့ ကိုယ်စားလှယ်တော်များခင်ဗျား၊
ရခိုင်ပြည်နယ်အရေးကိစ္စဟာ လက်ရှိမြန်မာအစိုးရ နိုင်ငံ့တာဝန်များကို စတင် ထမ်းဆောင်ခဲ့တဲ့အချိန်ကစပြီး အစိုးရရဲ့ ထိပ်တန်းဦးစားပေးကိစ္စတစ်ရပ် ဖြစ်ပါတယ်။ ရခိုင်ပြည်နယ်မှာ ငြိမ်းချမ်းမှုနဲ့ တည်ငြိမ်မှုပြန်လည်ဖော်ဆောင်ရေးနဲ့ ဒေသတွင်း နေထိုင်ကြတဲ့ လူမှုအသိုက်အဝန်းများအကြား သဟဇာတမျှတမှု မြှင့်တင်နိုင်ရေးအတွက် အစိုးရဟာ ကြိုးပမ်းဆောင်ရွက်လျက် ရှိနေ ပါတယ်။
ရခိုင်ပြည်နယ်ရဲ့ အဓိကလိုအပ်ချက်တွေကို ဖြည့်ဆည်းပေးနိုင်ဖို့အတွက် ရခိုင်ပြည်နယ် ငြိမ်းချမ်းရေး၊ တည်ငြိမ်ရေးနဲ့ ဖွံ့ဖြိုးတိုးတက်မှုရရှိရေး အကောင် အထည်ဖော်မှုဆိုင်ရာ ဗဟို ကော်မတီကို နိုင်ငံတော်ရဲ့အတိုင်ပင်ခံပုဂ္ဂိုလ်ကိုယ်တိုင် ဥက္ကဌအဖြစ် တာဝန်ယူပြီး ၂ဝ၁၆ ခုနှစ်၊ မေလ ၃ဝ ရက်နေ့မှာ ဖွဲ့စည်းခဲ့ပါတယ်။
ထို့ပြင် ရှုပ်ထွေးလှတဲ့ ရခိုင်ပြည်နယ် အခြေအနေများနဲ့ ပတ်သက်ပြီး ရေရှည် တည်တံ့တဲ့ ဖြေရှင်းမှုဆိုင်ရာ အကြံဉာဏ်များ အစိုးရကို ပေးအပ်နိုင်ဖို့ ဒေါက်တာ ကိုဖီအာနန် ဦးဆောင်တဲ့ ရခိုင်ပြည်နယ်ဆိုင်ရာ အကြံပေးကော်မရှင်တစ်ရပ်ကို နိုင်ငံတော်ရဲ့အတိုင်ပင်ခံပုဂ္ဂိုလ်က ၂ဝ၁၆ ခုနှစ်၊ သြဂုတ်လအတွင်းမှာ ဖွဲ့စည်းပေးခဲ့ ပါတယ်။
ရခိုင်ပြည်နယ်မှာ ငြိမ်းချမ်းမှု၊ တည်ငြိမ်မှုနဲ့ လူမှုရေးအရ သဟဇာတရှိမှု ရရှိရေး ကြိုးပမ်းနေချိန်နဲ့ တစ်ဆက်တည်း ဒေသဖွံ့ဖြိုးတိုးတက်မှု ရရှိစေဖို့အတွက် မိမိတို့ ကြိုးပမ်း ဆောင်ရွက်လျက် ရှိပါတယ်။ ဒီလုပ်ငန်းတွေဟာ လွယ်ကူတဲ့ လုပ်ငန်းတာဝန်တွေ မဟုတ်ပါ။ ဒေသတွင်းမှာနေထိုင်ကြတဲ့ အသိုက်အဝန်းများအကြား နားလည်ယုံကြည်မှု၊ သဟဇာတရှိမှုတွေ ပြန်လည်ရရှိလာစေမယ့် ပတ်ဝန်းကျင်တစ်ရပ် ဖော်ဆောင်နိုင်ရေးအတွက် ဆယ်စုနှစ်ပေါင်းများစွာ အမြစ်တွယ်လာခဲ့တဲ့ အပြန်အလှန် မယုံကြည်မှုတွေ တဖြည်းဖြည်းပပျောက်သွားအောင် ဆောင်ရွက်ရမှာ ဖြစ်ပါတယ်။
၂ဝ၁၇ ခုနှစ်၊ သြဂုတ်လ ၂၄ ရက်နေ့က မစ္စတာကိုဖီအာနန် ဦးဆောင်တဲ့ ရခိုင်ပြည်နယ်ဆိုင်ရာ အကြံပေးကော်မရှင်ရဲ့ အပြီးသတ်အစီရင်ခံစာကို ထုတ်ပြန်ခဲ့ ပါတယ်။ ဒီအစီရင်ခံစာ ထုတ်ပြန်ခဲ့တာကို မြန်မာနိုင်ငံက မဆိုင်းမတွ ကြိုဆိုခဲ့ပါတယ်။
ဒီနေ့ညီလာခံကြီးဟာ အကြံပေးကော်မရှင်ရဲ့ အရေးကြီးတဲ့ သုံးသပ်ချက်များကို အကောင်အထည်ဖော်ရာမှာ ကျွန်တော်တို့ရရှိခဲ့တဲ့ တိုးတက်မှုတွေကို ကမ္ဘာကသိအောင် ပြောကြားဖို့ အခွင့်အလမ်းတစ်ရပ် ဖြစ်မယ်လို့ မူလကမျှော်လင့်ထားခဲ့ပါတယ်။
သို့သော်လည်း ပြီးခဲ့တဲ့လအတွင်းက ရခိုင်ပြည်နယ်မှာ ARSA လို့ခေါ်တဲ့ အကြမ်းဖက်အုပ်စု ရဲ့ တိုက်ခိုက်မှုတွေ စတင်ပြုလုပ်ခဲ့ပြီးနောက်ပိုင်း ရခိုင်ပြည်နယ်မှာ ဖြစ်ပေါ်နေတဲ့ လက်ရှိအခြေ အနေတွေကိုသာ အလေးထားပြောကြားရမယ့်အနေအထား ဖြစ်လာခဲ့ပါတယ်။
သဘာပတိကြီးနဲ့ ကိုယ်စားလှယ်တော်များခင်ဗျား၊
အဆွေတော်သိပြီးဖြစ်တဲ့အတိုင်း ရခိုင်ပြည်နယ်ဆိုင်ရာ အကြံပေးကော်မရှင်ရဲ့ အပြီးသတ် အစီရင်ခံစာ ထွက်ရှိလာပြီး နာရီပိုင်းအတွင်းမှာပဲ ရခိုင်ပြည်နယ်မြောက်ပိုင်းရှိ ရဲကင်း စခန်းပေါင်း (၃ဝ) ကို တစ်ပြိုင်တည်း အကွက်ကျကျ ညှိနှိုင်းပြီးမှ ဝင်ရောက် တိုက်ခိုက်မှုများ ပြုလုပ်ခဲ့ကြ ပါတယ်။ ဒီတိုက်ခိုက်မှုတွေဟာ ၎င်းတို့လုပ်ဆောင်ခဲ့တာ ဖြစ်ကြောင်း ARSA အဖွဲ့က ကြေညာခဲ့ ပါတယ်။
ဒီတိုက်ခိုက်မှုတွေကြောင့် ဒေသတွင်းမှာ အကြမ်းဖက်မှုတွေကို အသစ်တဖန် ဖြစ်ပွားစေပြီး၊ အသက်ဆုံးရှုံးမှုအချို့၊ ထိခိုက်နစ်နာမှုတွေနဲ့ ဒေသတွင်းရှိ အသိုက်အဝန်း အားလုံး အစုလိုက်အပြုံ လိုက် နေရပ်စွန့်ခွာမှုတွေ ဖြစ်ပေါ်လာစေခဲ့ပါတယ်။
ယခုလို မိမိတို့ရဲ့နေအိမ်တွေကို စွန့်ခွာထွက်ပြေးမှုတွေဟာ မူဆလင်များနဲ့ ရခိုင် တိုင်းရင်းသားတွေသာမကပဲ လူနည်းစုတိုင်းရင်းသားတွေဖြစ်တဲ့ ဒိုင်းနက်၊ မြို၊ သက်၊ မရမာကြီးနဲ့ ဟိန္ဒူဘာသာဝင်တွေလည်း အပါအဝင်ဖြစ်ပါတယ်။ အခုတိုင်းရင်းသား လူနည်းစုတွေ ရှိနေတာရယ်၊ သူတို့လည်း ထိခိုက်ခံစားခဲ့ကြရတယ်ဆိုတာတွေကို ကမ္ဘာ့နိုင်ငံအတော်များများဟာ မသိရှိကြပါ ဘူး။
မြန်မာနိုင်ငံအစိုးရက ရခိုင်ပြည်နယ်ရဲ့ လက်ရှိအခြေအနေအပေါ် လွန်စွာ စိုးရိမ်လျက်ရှိ တယ် ဆိုတာကို ရှင်းလင်းစွာ သိစေလိုပါတယ်။ အသက်ဆုံးရှုံးခဲ့ရတဲ့ ရဲနှင့် လုံခြုံရေးတပ်ဖွဲ့ဝင်တွေနဲ့ အပြစ်မဲ့ပြည်သူတွေရဲ့ မိသားစုဝင်နဲ့ မိတ်ဆွေတွေအတွက် များစွာ ဝမ်းနည်းမိပါတယ်။ ဒါဟာ အလွန်ကြီးမားတဲ့ သက်ရောက်မှုရှိတဲ့ ပြဿနာ တစ်ရပ်ဆိုတာ အငြင်းပွားစရာ မရှိပါဘူး။
အခုအချိန်မှာတော့ အခြေအနေတွေဟာ တိုးတက်ကောင်းမွန်လာပြီ ဆိုတာကို ဝမ်းမြောက်စွာ အသိပေးပြောကြားလိုပါတယ်။ စက်တင်ဘာလ ၅ ရက်နေ့ကစတင်ပြီး လက်နက်ကိုင်တိုက်ခိုက်မှု တွေ မရှိတော့ဘူးလို့ သိရှိရပါတယ်။
ဒီလိုအခြေအနေမှာ မူဆလင်အများအပြားဟာ ဘင်္ဂလားဒေ့ရှ်နိုင်ငံဖက်ကို ဆက်လက် ထွက်ပြေးနေကြဆဲဖြစ်တယ်ဆိုတဲ့ သတင်းတွေအပေါ်မှာတော့ စိုးရိမ်မှုဖြစ်ပေါ်မိ ပါတယ်။
အခုလို လူအများအပြား ရွှေ့ပြောင်းတိမ်းရှောင်ကြရခြင်းရဲ့ အကြောင်းရင်းကို မိမိတို့ ရှာဖွေကြဖို့ လိုအပ်ပါတယ်။ ဒီနေရာမှာ လူသိနည်းတဲ့အချက်ကတော့ မူဆလင် အများအပြားဟာ ၎င်းတို့ရဲ့ နေအိမ်များမှာ ဆက်လက်နေထိုင်ကြဖို့ ဆုံးဖြတ်ခဲ့ကြတယ် ဆိုတာပဲ ဖြစ်ပါတယ်။
ယခုအချိန်မှာ အကူအညီ လိုအပ်နေသူတွေအတွက် အရေးကြီးတဲ့ လူသားချင်းစာနာ ထောက်ထားမှုအကူအညီတွေ ပေးအပ်ဖို့လိုတယ်ဆိုတဲ့ အချက်ကိုလည်း မိမိတို့အနေနဲ့ သဘောထား ထပ်တူထပ်မျှရှိပါတယ်။
ဒါ့အပြင် ရခိုင်ပြည်နယ်မှာ ဖြစ်ပေါ်နေတဲ့ စိန်ခေါ်မှုတွေကို ကိုင်တွယ် ဆောင်ရွက်ပေးဖို့ဟာ မြန်မာနိုင်ငံအစိုးရရဲ့ ပဏာမလုပ်ငန်းတာဝန် ဖြစ်တယ်ဆိုတာ အသိအမှတ်ပြုပါတယ်။ ရခိုင်ပြည်နယ် အခြေအနေဟာ ရှုပ်ထွေးလှပါတယ်။ ကျွန်တော်တို့ ကြုံတွေ့ရတဲ့ စိန်ခေါ်မှုများဟာလည်း ကြီးမားလှပါတယ်။ သို့သော်လည်း ဒီစိန်ခေါ်မှုတွေကို ကိုင်တွယ်ဖြေရှင်းနိုင်ဖို့ ဘက်စုံအမျိုးသား မဟာဗျူဟာတစ်ရပ်ကို ချမှတ်ထားပြီး ဖြစ်ပါတယ်။
ရခိုင်ပြည်နယ်ဆိုင်ရာ အကြံပေးကော်မရှင်ရဲ့ အကြံပြုချက်များကို အကောင် အထည်ဖော်ဖို့ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန ပြည်ထောင်စုဝန်ကြီး ဦးဆောင်တဲ့ ကော်မတီတစ်ရပ်ကိုလည်း ဖွဲ့စည်းထားပြီးဖြစ်ကြောင်း ဝမ်းမြောက်စွာနဲ့ အသိပေး ကြေညာလိုပါတယ်။ ပွင့်လင်းမြင်သာမှုနဲ့ တာဝန်ခံမှု ရှိစေရေးအတွက် ကော်မတီအနေနဲ့ တိုးတက်မှု အစီရင်ခံစာကို လေးလတစ်ကြိမ် ပြည်သူများထံ ထုတ်ပြန်အသိပေးဖို့ တာဝန်သတ်မှတ်ပေးထားပါတယ်။ ဒီကော်မတီအပြင် ပြည်တွင်းနဲ့ နိုင်ငံတကာက ထင်ရှားတဲ့ ပုဂ္ဂိုလ်များပါဝင်တဲ့ အကြံပေး ဘုတ်အဖွဲ့ ဖွဲ့စည်းသွားဖို့လည်း ရှိပါတယ်။
အခုအချိန်မှာ ရခိုင်ပြည်နယ်မှာ လူသားချင်းစာနာမှု အကူအညီပေးအပ်ရေးဟာ မိမိတို့ရဲ့ ပထမဦးစားပေးလုပ်ငန်း ဖြစ်ပါတယ်။ အကူအညီ လိုအပ်နေကြတဲ့ ပြည်သူများ အားလုံး ခွဲခြား ဆက်ဆံမှု မရှိဘဲ လူသားချင်းစာနာမှု အကူအညီများအား လက်ခံ ရရှိစေရေးအတွက် ဆောင်ရွက်သွားဖို့ ဆုံးဖြတ်ချက် ခိုင်မာစွာ ချမှတ်ထားပါတယ်။ လူသားချင်းစာနာထောက်ထားရေး လုပ်ငန်းများ အတွက် နိုင်ငံတော်က ရန်ပုံငွေနဲ့ အရင်းအမြစ် အများအပြားကို ခွဲဝေချမှတ်ထားပြီးဖြစ်ပါတယ်။
မြန်မာနိုင်ငံအစိုးရ ဦးဆောင်တဲ့ အကူအညီပေးရေး ယန္တရားသစ်တစ်ရပ်ကို ကြက်ခြေနီ လှုပ်ရှားမှုအဖွဲ့ရဲ့ ပူးပေါင်းဆောင်ရွက်မှုနဲ့ ထူထောင်ထားပြီး၊ လူသားချင်း စာနာမှုဆိုင်ရာ အကူအညီ ပေးအပ်ရေးလုပ်ငန်းများ စတင်ဆောင်ရွက်နေပြီ ဖြစ်ကြောင်းကိုလည်း ဝမ်းမြောက်စွာ အသိပေးလို ပါတယ်။
ယခု အကူအညီပေးရေး လုပ်ငန်းအစီအစဉ်မှာ ပါဝင်ကူညီပံ့ပိုးရန်အတွက် ကမ်းလှမ်းလာတဲ့ နိုင်ငံများအားလုံးကို အထူးကျေးဇူးတင်ရှိပါကြောင်း မြန်မာနိုင်ငံ အစိုးရကိုယ်စား ပြောကြားလိုပါတယ်။ အထူးသဖြင့် ကမ္ဘာတစ်ဝှမ်းရှိ မိတ်ဆွေနိုင်ငံများ ထံမှ မကြာမီက ကူညီထောက်ပံ့ရန် ကမ်းလှမ်းမှုများအတွက် လှိုက်လှဲစွာ ကျေးဇူးတင်ရှိပါကြောင်း ပြောကြားလိုပါတယ်။
တစ်ချိန်တည်းမှာပဲ မြန်မာနိုင်ငံအနေနဲ့ ဘင်္ဂလားဒေ့ရှ်နိုင်ငံနဲ့ ဆက်ဆံရေး တိုးမြှင့်နိုင်ဖို့ ကြိုးပမ်းဆောင်ရွက်လျက် ရှိပါတယ်။ မြန်မာနိုင်ငံက နိုင်ငံခြားရေး ဝန်ကြီးဌာန၊ ဒုတိယဝန်ကြီးနဲ့ အမျိုးသားလုံခြုံရေးဆိုင်ရာ အကြံပေးပုဂ္ဂိုလ်တို့ဟာ ဒီနှစ် ဇန်နဝါရီလနဲ့ ဇူလိုင်လအတွင်းက ဘင်္ဂလားဒေ့ရှ်နိုင်ငံကို အသီးသီးသွားရောက်ခဲ့ကြ ပါတယ်။ ဘင်္ဂလားဒေ့ရှ်နိုင်ငံက ပြည်ထဲရေးဝန်ကြီး မြန်မာနိုင်ငံကို သြဂုတ်လအတွင်းက လာရောက်ဖို့ စီစဉ်ခဲ့ပေမယ့် ၎င်းတို့ဝန်ကြီးဘက်က အဆင်မပြေမှုကြောင့် ခရီးစဉ်ကို ရွှေ့ဆိုင်းခဲ့ရပါတယ်။ ဝန်ကြီးအနေနဲ့ မြန်မာနိုင်ငံကို အဆင်ပြေတဲ့ အချိန်လာရောက်ရေးကို လက်ကမ်းကြိုဆိုလျက်ရှိပြီး နယ်စပ်လုံခြုံရေး ကိစ္စရပ်များနဲ့ ပတ်သက်ပြီး နှစ်နိုင်ငံ ဆက်လက်ပူးပေါင်း ဆောင်ရွက်သွားနိုင်မယ်လို့ မိမိတို့ မျှော်လင့်လျက် ရှိပါတယ်။
ရခိုင်ပြည်နယ်မြောက်ပိုင်းကနေ ဘင်္ဂလားဒေ့ရှ်နိုင်ငံဘက်ကို မကြာမီက ပြောင်းရွှေ့ သွားကြတဲ့ သူတွေကို ပြန်လည်ခေါ်ယူဖို့ ပြောကြားမှုတွေ ရှိနေပါတယ်။ ဒီကိစ္စနဲ့ ပတ်သက်ပြီး မြန်မာနိုင်ငံအနေနဲ့ လိုအပ်တဲ့စိစစ်ရေးလုပ်ငန်းစဉ်တွေကို စတင်သွားဖို့ ပြင်ဆင် ထားရှိကြောင်း နိုင်ငံတော်၏ အတိုင်ပင်ခံပုဂ္ဂိုလ် မနေ့ကမိန့်ခွန်းထဲမှာ ထည့်သွင်း ပြောကြားခဲ့ပါတယ်။ မိမိတို့အိမ်နီးချင်း နှစ်နိုင်ငံအကြား ပြန်လည် လက်ခံရေး လုပ်ငန်းစဉ်တွေကို ပူးတွဲလုပ်ငန်းအဖွဲ့ တည်ထောင်ဖွဲ့စည်းပြီး လက်ခံခဲ့တဲ့ အစဉ်အလာ ၁၉၉၃ ခုနှစ်ကတည်းက ရှိခဲ့ပါတယ်။ မိမိတို့အနေနဲ့ ၁၉၉၃ ခုနှစ်က ဆောင်ရွက်ခဲ့တဲ့ လုပ်ငန်းအတွေ့အကြုံတွေကို အခြေပြုပြီး လုပ်ငန်းစဉ်တစ်ရပ် ချမှတ်ဖော်ဆောင် သွားနိုင်မှာ ဖြစ်ပါတယ်။
သဘာပတိကြီးနဲ့ ကိုယ်စားလှယ်တော်များခင်ဗျား၊
မည်သည့်ပုံစံနှင့် အသွင်သဏ္ဍာန်ဖြင့် ကျူးလွန်သည့် အကြမ်းဖက်မှုကို ပြစ်တင် ရှုတ်ချရာမှာ မြန်မာနိုင်ငံအနေနဲ့ ကျန်ကမ္ဘာ့နိုင်ငံများ အားလုံးနဲ့အတူ တစ်သားတည်း ရပ်တည်လျက် ရှိပါတယ်။ အကြမ်းဖက်မှုဟာ နိုင်ငံတကာ ငြိမ်းချမ်းရေးနဲ့ လုံခြုံရေးကို ဆိုးရွားစွာ ခြိမ်းခြောက်မှုများထဲမှာ တစ်ခုအပါအဝင်ဖြစ်ပါတယ်။ ဒီကိစ္စနဲ့ ပတ်သက်ပြီး မိမိတို့ရဲ့ ရပ်တည်ချက်ဟာ ရှင်းလင်းပြတ်သား ပါတယ်။ မည်သည့် အကြမ်းဖက်မှုကိုမဆို မိမိတို့အနေနဲ့ ခွင့်လွှတ်ဖို့ မဖြစ်နိုင်ပါဘူး။
တစ်ချိန်တည်းမှာ အစိုးရအနေနဲ့ ရခိုင်ပြည်နယ်ရဲ့ ရှုပ်ထွေးတဲ့ စိန်ခေါ်မှုများကို ဖြေရှင်းနိုင်ဖို့ လိုအပ်တဲ့ ရေရှည်မဟာဗျူဟာ စီမံချက်ချမှတ် ဆောင်ရွက်မှု လုပ်ငန်းစဉ် များကို အကြမ်းဖက်လှုပ်ရှားမှုများက ဟန့်တားနှောင့်ယှက်နိုင်မှု မရှိစေရေး အတွက် ကြိုးပမ်းဆောင်ရွက်လျက်ရှိပါတယ်။
ရခိုင်ပြည်နယ်ဆိုင်ရာ အကြံပေးကော်မရှင်ရဲ့ အကြံပြုချက်များဟာ ကျွန်တော်တို့ အတွက် ရှင်းလင်းတဲ့ လမ်းပြမြေပုံတစ်ခု ဖြစ်ပါတယ်။ ကျွန်တော်တို့ရဲ့ ရခိုင်ပြည်နယ်ဆိုင်ရာ အကြံပေးကော်မရှင်ရဲ့ အကြံပြုချက်များအား အကောင်အထည်ဖော်ရေး ကော်မတီအနေနဲ့ ပြီးခဲ့တဲ့ရက်သတ္တ ပတ်ကစတင်ပြီး ၄င်းတို့ရဲ့ လုပ်ငန်းတာဝန်များကို စတင်ဆောင်ရွက်နေပြီဖြစ်ကြောင်းနဲ့ ကျွန်တော်တို့ရဲ့ လုပ်ငန်း အစီအစဉ်အချို့ကို မျက်မြင်လာရောက်ကြည့်ရှုဖို့ လေ့လာသူများကိုလည်း ဖိတ်ကြား သွားမှာ ဖြစ်ပါတယ်။
သဘာပတိကြီးနဲ့ ကိုယ်စားလှယ်တော်များခင်ဗျား၊
ရခိုင်ပြည်နယ်မှာ မကြာသေးမီက ဖြစ်ပွားခဲ့တဲ့ ဖြစ်စဉ်များဟာ ငြိမ်းချမ်းရေး၊ သာယာဝပြောရေးနဲ့ ဒီမိုကရေစီရေးအတွက် မိမိတို့လျှောက်လှမ်းရမယ့် ခရီးရှည်ကြီးမှာ ကြုံတွေ့ရမယ့် ခက်ခဲတဲ့ စိန်ခေါ်မှုများ ဖြစ်တယ်ဆိုတာ ထိခိုက်နာကျင်စေရတဲ့ သတိပေးချက်တစ်ခုပဲ ဖြစ်ပါတယ်။
သို့သော်လည်း ပြီးခဲ့တဲ့နှစ်က ဒီစင်မြင့်ထက်မှာ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ပထမအကြိမ် မိန့်ခွန်းပြောကြားခဲ့စဉ်ကအတိုင်း ကျွန်တော်တို့ရဲ့ ငြိမ်းချမ်းရေး ကတိကဝတ်ဟာ မယိမ်းမယိုင် ခိုင်ခိုင်မာမာ ဆက်လက် တည်ရှိနေတယ် ဆိုတာ ထပ်လောင်း ပြောကြားလိုပါတယ်။
အဲဒီကတိကဝတ်ကို အကောင်အထည်ဖော်ရာမှာ အမျိုးသားပြန်လည် သင့်မြတ်ရေးနဲ့ ငြိမ်းချမ်းရေးလုပ်ငန်းစဉ်ကို အဓိကဦးစားပေးအဖြစ် သတ်မှတ် ဆောင်ရွက်လျက် ရှိပါတယ်။ လွတ်လပ်ခြင်း၊ တရားမျှတခြင်း၊ သာတူညီမျှ အခွင့်အရေး ရှိခြင်းနဲ့ ကိုယ့်ကြမ္မာ ကိုယ်ဖန်တီးနိုင်ခြင်း ဆိုတဲ့မူတွေအပေါ် အခြေခံတဲ့ ဒီမိုကရေစီ ဖက်ဒရယ်ပြည်ထောင်စုနိုင်ငံ ဖြစ်ပေါ်လာရေးဟာ ကျွန်တော်တို့ရဲ့ ရှင်းလင်းပြတ်သားတဲ့ မျှော်မှန်းချက်ပဲ ဖြစ်ပါတယ်။
နိုင်ငံတွင်း ဆောင်ရွက်လျက်ရှိတဲ့ ငြိမ်းချမ်းရေးလုပ်ငန်းစဉ်များနဲ့ ပတ်သက်ပြီး ယခုနှစ် မေလမှာ ပြည်ထောင်စုငြိမ်းချမ်းရေးညီလာခံရဲ့ ဒုတိယအကြိမ် အစည်းအဝေးကို အောင်မြင်စွာ ကျင်းပနိုင်ခဲ့တဲ့အကြောင်း ဝမ်းမြောက်စွာ အသိပေးပြောကြားလိုပါတယ်။ အနာဂတ် ဒီမိုကရေစီ ဖက်ဒရယ်ပြည်ထောင်စုရဲ့ အခြေခံအုတ်မြစ်ဖြစ်လာမယ့် အဓိက အခြေခံမူများကို ပထမဦးဆုံး ဆွေးနွေးချမှတ် သဘောတူနိုင်ခဲ့ပါတယ်။ နိုင်ငံရေး၊ လူမှုရေး၊ စီးပွားရေး၊ မြေယာနဲ့ သဘာဝ ပတ်ဝန်းကျင်ကဏ္ဍများနဲ့ ပတ်သက်တဲ့ အခြေခံမူ (၃၇) ချက်ပါဝင်တဲ့ ပြည်ထောင်စုသဘောတူ စာချုပ်ကို အစိုးရ၊ လွှတ်တော်၊ တပ်မတော်၊ တိုင်းရင်းသား လက်နက်ကိုင်အဖွဲ့အစည်းများနဲ့ နိုင်ငံရေးပါတီများရဲ့ ကိုယ်စားလှယ် များက လက်မှတ်ရေးထိုးနိုင်ခဲ့ပါတယ်။
အဲဒီလိုစစ်မှန်တဲ့တိုးတက်မှုများ ရရှိလျက် ရှိနေသော်လည်း ကျွန်တော်တို့ ရှေ့ဆက်လျှောက်ရမယ့်လမ်းဟာ ရှည်လျားပြီး ရှုပ်ထွေးခက်ခဲတယ်ဆိုတာကို သိထား ပါတယ်။ ကျွန်တော်တို့ရဲ့ ဒီမိုကရေစီ အသွင်ကူးပြောင်းမှုဟာ အကဲဆတ်တဲ့ အနေအထားမှာ ရှိပါတယ်။ ယခုလို နိုင်ငံတော်ရဲ့ သမိုင်းမှာ အရေးပါတဲ့အနေအထားကို ရောက်နေတဲ့အချိန်မှာ နိုင်ငံတကာ အသိုက်အဝန်းအနေနဲ့ ကျွန်တော်တို့ရဲ့ ငြိမ်းချမ်းရေး၊ သာယာဝပြောရေးနဲ့ ဒီမိုကရေစီရရှိရေး ကြိုးပမ်းဆောင်ရွက်မှုတွေကို ဆက်လက်ပြီး ထောက်ခံပေးကြဖို့ကို ပန်ကြားလိုပါတယ်။
သဘာပတိကြီးနဲ့ ကိုယ်စားလှယ်တော်များခင်ဗျား၊
မိမိရဲ့ မိန့်ခွန်းကို အဆုံးမသတ်မီ မြန်မာနိုင်ငံအနေနဲ့ ကုလသမဂ္ဂအဖွဲ့ကြီးရဲ့ ပဋိညာဉ် စာတမ်းပါ ရည်ရွယ်ချက်နဲ့ အခြေခံမူများအပေါ် သက်ဝင်ယုံကြည်မှု ရှိပါကြောင်း ထပ်လောင်း ပြောကြားလိုပါတယ်။
ငြိမ်းချမ်းပြီး သဟဇာတရှိတဲ့ ကမ္ဘာကြီးပေါ်ထွန်းလာစေရေးအတွက် မြန်မာနိုင်ငံ အနေနဲ့ ခိုင်မာစွာ ကတိကဝတ်ပြုပါကြောင်း အလေးပေးပြောကြားရင်းနဲ့ နိဂုံးချုပ်အပ် ပါတယ်။
ကျေးဇူးတင်ပါတယ် သဘာပတိကြီးခင်ဗျား။
Unicode Version
Unicode Version
Ref:myanmarpresidentoffice.gov.mm
No comments:
Post a Comment