Popular Posts!

Sunday, November 20, 2011

Introduction to health insurance

Sunday, December 6, 2009



ကျန်းမာရေးအာမခံ - မိတ်ဆက်


“ကျန်းမာရေးအာမခံ” ဆိုတာဘာလဲ၊ ဘယ်လို ပုံစံမျိုးနဲ့ အလုပ်လုပ်သလဲ စသဖြင့် သိကောင်းစရာလေးတွေကို အခန်းဆက် ဆောင်းပါးများနဲ့ တင်ပြသွားပါမယ်။

လူတွေ မလွန်ဆန်နိုင်တဲ့ တရားထဲမှာ “နာခြင်း” က တစ်ခုအပါဝင်ဖြစ်လို့ တစ်နေ့ နာကြရမယ်ဆိုတာ အသေအချာ သိကြပေမယ့် …
  • အဲဒီတစ်နေ့က ဘယ်နေ့လဲ ဆိုတာ
  • ဘယ်နေရာက နာမယ်ဆိုတာ
  • ဘယ်လောက် အတိုင်းအတာအထိ နာမယ်ဆိုတာ
  • ဘယ်လောက်ကြာကြာ နာနေမယ်ဆိုတာ
အသေအချာ မသိကြပါ။
အဲဒီလို ဘယ်နေ့ ဘယ်ထောင့်ကနေ ဘယ်လို ပေါ်လာမယ်မှန်းမသိ၊ ဘယ်လောက်ကြာကြာ နာနေမယ်မှန်း မသိတဲ့ “နာခြင်း” ဆိုတာကြီးကို ကုသဖို့ရာ ဘယ်လောက် ကုန်ကျမယ် ဆိုတာက ပိုပြီး မှန်းဆရခက်လာပါတယ်။ အသက်နဲ့ ယှဉ်လာပြီ ဆိုတော့ တခြားလိုအပ်ချက်တွေ ဘေးချပြီး ကျန်းမာရေးအတွက် သုံးကြရပါတော့တယ်။ တတ်နိုင်ရင် တော်သေးရဲ့ မတတ်နိုင်ရင် ဘယ့်နှယ်လုပ်မလဲ။

ဒီလို မသိကိန်းတွေ ရှိနေပေမယ့် မှန်းဆနိုင်တဲ့ အကြောင်းအရာတွေကလည်း ရှိနေပြန်ပါတယ်။

ဥပမာ - ကမ္ဘာပေါ်မှာ လူဦးရေ သန်း ၃ထောင်ရှိတဲ့ အနက် ဒီနှစ်တော့ လူ ၈ သန်းလောက် တီဘီဖြစ်မယ်၊ သန်း ၂၄၀ လောက် ငှက်ဖျား ဖြစ်မယ် စသဖြင့် ခန့်မှန်းလို့ ရပါတယ်။ တီဘီဖြစ်ဖြစ် ငှက်ဖျားဖြစ်ဖြစ် ကုသစရိတ် တစ်ယောက်ကို ဒေါ်လာ ၅၀ ကုန်မယ် ဆိုပါစို့။ ဒါဆို စုစုပေါင်း ဒေါ်လာ သန်းပေါင်း ၁၂၄၀၀ ကုန်ပါမယ်။ အဲ တစ်ကမ္ဘာလုံးမှာရှိတဲ့ လူဦးရေ သန်း ၃၀၀၀ နဲ့ပဲ တွက်ဦး လူတိုင်း ငွေကြေးထည့်ဝင်ရင် တစ်ဦးကို ၄ ဒေါ်လာပဲ ထည့်ဝင်ရပါမယ်။

ဒါပေမယ့်လည်း စဉ်းစားစရာတွေက ရှိနေပါသေးတယ်။ ၄ ဒေါ်လာဆိုတာဟာ ချမ်းသာတဲ့ နိုင်ငံတွေမှာ မုန့်ဖိုးလောက် ရှိပေမယ့် ဆင်းရဲတဲ့နိုင်ငံတွေမှာ မိသားတစ်စုရဲ့ တစ်ရက်စာ ၀င်ငွေ ဖြစ်ရင် ဖြစ်နေမှာပါ။ နောက်ပြီး “ကိုယ်က ရောဂါမဖြစ်ပဲနဲ့ ရောဂါဖြစ်နေတဲ့ လူတွေအတွက် ကုန်ကျစရိတ်ကို မျှခံရတာဟာ တရားသလား” ဆိုတာမျိုး စောဒဂ တက်မယ်ဆိုရင်လည်း တက်စရာပါပဲ။ အဲ … ကိုယ်ကိုယ်တိုင်က မကျန်းမာတဲ့ လူဖြစ်လာရင်တော့ … “အင်း … ကျန်းမာနေတဲ့ လူတွေက ကုသစရိတ်မျှခံပေးရင်တော့ ကိုယ့်အတွက် သက်သာမှာပဲ” လို့ တွေးမိစရာ ရှိပါတယ်။ ကဲပါလေ … ဒီလို စဉ်းစားစရာတွေကို ခဏ ဘေးချထားလိုက်ပါဦးမယ်။

ရပ်ကွက်ထဲက ချို့တဲ့တဲ့ အသိမိတ်ဆွေ တစ်ယောက် နေထိုင်မကောင်းဖြစ်လို့ ရပ်ကွက်သူ ရပ်ကွက်သားတွေ ၀ိုင်းပြီး ကူငွေ ထည့်ကြတာက လွယ်ပါတယ်။ ဒါပေမယ့် မြို့တစ်မြို့၊ နိုင်ငံ တစ်နိုင်ငံ အနေနဲ့ ဆိုရင် လူတိုင်းဆီကနေ ဝေပုံကျ ထည့်ဝင်ငွေ ကောက်ဖို့ နောက်ပြီး မကျန်းမာသူတွေကို စရိတ်ပြန်ထောက်ပေးဖို့ကတင် အလုပ်တစ်ခု ဖြစ်လာပါတယ်။

ဒီအလုပ်ကို နိုင်ငံ အမျိုးမျိုးမှာ ပုံစံအမျိုးမျိုးနဲ့ အဖွဲ့အစည်း အမျိုးမျိုး(အစိုးရ၊ ပုဂ္ဂလိက၊ သမ၀ါယမ၊ အန်ဂျီအို)က တာဝန်ယူကြပါတယ်။ တာဝန်ယူတဲ့ အဖွဲ့အစည်းရဲ့ ပုံသဏ္ဍန်ပေါ်မူတည်ပြီး လုပ်ထုံးလုပ်နည်း အမည်အမျိုးမျိုး ကွဲပြားသွားကြပေမယ့် “ကျန်းမာရေးအာမခံ” ဆိုတဲ့ ကျန်းမာရေး ကုန်ကျစရိတ်ကို လူအများရဲ့ ထည့်ဝင်ငွေထဲမှ ကျခံပေးခြင်း အခြေခံသဘောတရားကတော့ မပြောင်းမလဲရှိနေဆဲပါ။ နောက်ပိုင်းဆွေးနွေးရလွယ်အောင် ကျန်းမာရေးအာမခံ ဆောင်ရွက်ပေးတဲ့ အဖွဲ့အစည်းကို အာမခံကုမ္ပဏီ လို့ပဲ ဆိုကြပါစို့ရဲ့။ စောစောက ပြောခဲ့သလို အာမခံကုမ္ပဏီ ဆိုတာဟာ အစိုးရလည်း ဖြစ်နိုင်သလို ပုဂ္ဂလိက ဒါမှမဟုတ် သမ၀ါယမ ဒါမှမဟုတ် အန်ဂျီအို ဖြစ်နိုင်တယ် ဆိုတာကို မှတ်ချက်အနေနဲ့ တို့ထားခဲ့ချင်ပါတယ်။

ဒီတော့ ကျန်းမာရေးအာမခံ ကို အကောင်အထည် ဖော်ရာမှာ ကျန်းမာရေးစောင့်ရှောက်မှုပေးသူ၊ လူနာ နဲ့ အာမခံကုမ္ပဏီ ဆိုပြီး သုံးဦး သုံးဖလှယ် ရှိပါမယ်။ လူနာ (သို့မဟုတ်) တချိန်ချိန် လူနာ ဖြစ်လာနိုင်တဲ့ သူတွေက အာမခံကုမ္ပဏီကို လစဉ်ကြေး ပေးသွင်းထားပြီး မိမိနေထိုင်မကောင်းဖြစ်လို့ ဆေးကုသတဲ့အခါမှာတော့ အာမခံကုမ္ပဏီကနေ ဆေးကုသစရိတ်ကို ပြန်ထုတ်ပေးပါမယ်။ ဒါက အရိုးရှင်းဆုံး ကျန်းမာရေးအာမခံ စနစ်ပါ။ တကယ့်လက်တွေ့မှာတော့ ဒီ့ထက် နည်းနည်းပိုပြီး ရှုပ်ထွေးပါတယ်။

နောင်အခါ အငြင်းမပွားရလေအောင် ကတိက၀တ် စာချုပ်စာတမ်းတွေနဲ့ တစ်ဦးကိုတစ်ဦး ချည်နှောင်ထားကြလေတော့ ကျန်းမာရေးအာမခံစာချုပ်မှာ ပါဝင်တဲ့ အသုံးအနှုန်းတွေက ဥပဒေ အသုံးအနှုန်း၊ ငွေကြေးဆိုင်ရာ အသုံးအနှုန်း၊ ကျန်းမာရေး အသုံးအနှုန်းတွေနဲ့ ပြည့်နှက်နေပြီး သာမာန်အားဖြင့် လုံးစေ့ပတ်စေ့ နားလည်ဖို့ ခက်ခဲပါတယ်။ တကယ်တန်း ကျန်းမာရေးအာမခံကို အသုံးချဖို့ လိုလာပြီဆိုတော့မှ အဆင်မပြေတာတွေ ဖြစ်ဖြစ်လာတတ်လို့ အဲဒီအသုံးအနှုန်းတွေထဲက မသိမဖြစ် သိသင့်တဲ့ အသုံးအနှုန်းတွေကို နောက်ဘလောက်ပို့စ်မှာ ဆက်ပြီး တင်ပြပါမယ်။

အာရောဂျံ ပရမံ လာဘံ
တက္ကသိုလ် လှမွန်

စာကိုး။

WHO. 2006. Global disease burden 2004 update.

Tuesday, December 15, 2009


Terminologies in health insurance


ကျန်းမာရေးအာမခံ ဆိုင်ရာ အသုံးအနှုန်းများ


ကျန်းမာရေးအာမခံ ဆိုင်ရာ အသုံးအနှုန်းတွေရဲ့ အဓိပ္ပါယ်ကို ရှင်းလင်းထားမှ ကျန်းမာရေးအာမခံ ပုံစံကွဲ အမျိုးမျိုး ကို ပြောတဲ့အခါကျရင် အဆင်ပြေပါမယ်။ ၀ီကီမှာ ရေးသားထားတဲ့ အဓိပ္ပါယ် ဖွင့်ဆိုချက်တွေကို အဓိကထား ဘာသာပြန်ပြီး ဘာ့ကြောင့် ဒီလို သတ်မှတ်ချက်တွေ ထားရတာလဲ၊ ဘယ်လို သတိထားစရာတွေရှိလဲ ဆိုတာကို စာရေးသူရဲ့ လေ့လာမှုနဲ့ အတွေ့အကြုံများအရ ဖြည့်စွက် ပြောသွားပါမယ်။ အသုံးအနှုန်းအများစုဟာ အမေရိကန်နိုင်ငံမှာ ကျင့်သုံးနေတဲ့ ကျန်းမာရေးအာမခံ စနစ်နဲ့ သက်ဆိုင်တာတွေဖြစ်လို့ အခြားသော နိုင်ငံများက ကျန်းမာရေးအာမခံ အသုံးအနှုန်းများနဲ့ အဓိပ္ပါယ် ကွဲလွဲကောင်း ကွဲလွဲနိုင်တာကို သတိချပ်ပါ။


Insured

အဓိပ္ပါယ်

ကျန်းမာရေးအာမခံ ထားသူ။

Insurer

အဓိပ္ပါယ်

အာမခံသူ။ ကျန်းမာရေးအာမခံ ကုမ္ပဏီ။

Health care provider

အဓိပ္ပါယ်


ကျန်းမာရေး စောင့်ရှောက်မှု ပေးသူ။ ဆရာဝန်၊ သူနာပြု၊ ဆေးရုံ၊ ဆေးခန်း အစရှိသည်။

Health insurance policy

အဓိပ္ပါယ်

ကျန်းမာရေးအာမခံ စာချုပ်။ ကျန်းမာရေးအာမခံ ထားသူ နှင့် အာမခံ ကုမ္ပဏီအကြား ထားရှိသော ပဋိညာဉ်။ မည်သူက မည်သည့် တာဝန်ရှိသည် မည်သည့်ကိစ္စအတွက် မည်မျှ ငွေအကုန်အကျခံမည် စသည်ဖြင့် အသေးစိတ် ရေးသားထားသော စာချုပ်ဖြစ်သည်။

ရည်ရွယ်ချက်

နောင်တွင် အငြင်းပွားမှုများ ဖြစ်လာပါက ဤစာချုပ်က သက်သေ အထောက်အထား ဖြစ်ပေမည်။

Premium

အဓိပ္ပါယ်

အာမခံကြေး။ အာမခံ ထားသူက အာမခံကုမ္ပဏီကို လစဉ် ပေးသွင်းရငွေ။

ရည်ရွယ်ချက်

ဤအာမခံကြေးများကို စုပေါင်းပြီး နေမကောင်းသူများကို ဆေးကုသစရိတ် ပြန်လည်ထုတ်ပေးသည်။ အာမခံကြေး ကောက်ခံခြင်း၊ ဆေးကုသစရိတ် စိစစ် ထုတ်ပေးခြင်း၊ ဆရာဝန်၊ ဆေးရုံ၊ ဆေးခန်းများနှင့် ချိတ်ဆက်ခြင်း တို့အတွက် အာမခံကုမ္ပဏီက ၀န်ဆောင်ခ ရလေသည်။ အာမခံကုမ္ပဏီက အစိုးရ သို့မဟုတ် အန်ဂျီအို ဖြစ်ပါက ရရှိလာသော ၀န်ဆောင်ခများသည် လုပ်ငန်း လည်ပတ်ရန်နှင့် တိုးချဲ့ရန်အတွက် အသုံးပြုသွားမည် ဖြစ်ပြီး ပုဂ္ဂလိက အာမခံကုမ္ပဏီ ဖြစ်ပါက ကုမ္ပဏီ၏ အစုရှယ်ယာဝင်များကို အမြတ်ငွေ ခွဲဝေပေးသွားမည် ဖြစ်သည်။

Deductible

အဓိပ္ပါယ်

ကျန်းမာရေးအာမခံ ထားသူက ကနဦး စိုက်ထုတ်ရမည့် ငွေပမာဏ။ နေထိုင်မကောင်း ဖြစ်လာပါက ဆေးကုသစရိတ် ရှိလာပါမယ်။ ဒီစရိတ်တွေကို အာမခံကုမ္ပဏီက ငွေချက်ချင်း ထုတ်မပေးသေးပါ။ အာမခံကုမ္ပဏီနဲ့ အာမခံထားသူ နှစ်ဦးနှစ်ဖက် စာချုပ်ထဲမှာ သဘောတူညီထားတဲ့ ငွေပမာဏ အထိကို အာမခံ ထားသူကပေးရပါမည်။ ဥပမာ - deductible က ဒေါ်လာ ၅၀၀ ဖြစ်ပြီး ဆေးကုသစရိတ် ကုန်ကျငွေက ဒေါ်လာ ၁၅၀၀ ဆိုပါက အာမခံထားသူ က ၅၀၀ ပေးရပြီး အာမခံကုမ္ပဏီက ၁၀၀၀ ပေးပါမည်။ Deductible ကို အချိန်ကာလ တစ်နှစ်အတွင်း ပမာဏ မည်မျှဟု သတ်မှတ်လေ့ရှိသည်။ ထိုအချိန် တစ်နှစ်ကျော်သွားပါက deductible ပမာဏမှာ တစ်က ပြန်စပါမည်။

ရည်ရွယ်ချက်

ကျန်းမာရေးအာမခံ ထားသူ တစ်ဦးအနေဖြင့် အမှန်တကယ် လိုအပ်မှသာ ဆေးရုံဆေးခန်းသို့ သွားစေရန်အတွက် သတ်မှတ်ထားခြင်း ဖြစ်သည်။ ဤသို့ မသတ်မှတ်ထားပါက အာမခံကုမ္ပဏီက ငွေပြန်ပေးမှာပဲ ဆိုပြီး အနည်းငယ် နေထိုင်မကောင်းဟု ထင်သည်နှင့် ထစ်ခနဲဆို ဆေးရုံဆေးခန်း သွားပြတာမျိုး ပြုလုပ်လာနိုင်သည်။ ထိုသို့ ပြုလုပ်သူ အရေအတွက် များလာလျှင် အာမခံကုမ္ပဏီက ဆေးကုသစရိတ် စိုက်ထုတ်ရငွေ ပမာဏ များလာပြီး အကျိုးဆက်အနေဖြင့် အာမခံထားသူများ၏ လစဉ်ပေးသွင်းနေရသော အာမခံကြေး မြင့်တက်လာမှုများ ဖြစ်လာနိုင်သည်။

သတိပြုရန်

နေထိုင်မကောင်းဖြစ်ပါက ကျန်းမာရေးအာမခံ ရှိနေသော်ညား deductible ငွေပမာဏကို မပေးနိုင်သည့် အတွက် ဆေးသွားမကုခြင်း၊ ဆေးရုံဆေးခန်း အရောက် နောက်ကျခြင်းများ ဖြစ်နိုင်။

Co-payment

အဓိပ္ပါယ်

စရိတ်မျှပေး။ စမ်းသပ်ခ နဲ့ ဆေးဖိုး ကုန်ကျစရိတ်တွေ အတွက် အာမခံထားသူက ဘယ်လောက် အာမခံ ကုမ္ပဏီက ဘယ်လောက် ပေးရမယ် ဆိုပြီး သတ်မှတ်ထားချက် ဖြစ်ပါတယ်။ ဥပမာ (၁) - စမ်းသပ်ခအတွက် co-payment က ဒေါ်လာ ၄၀ နှင့် ဆရာဝန်က စမ်းသပ်ခ ဒေါ်လာ ၁၂၀ တောင်းသည် ဆိုပါက အာမခံထားသူက ဒေါ်လာ ၄၀ ပေးရမည်ဖြစ်ပြီး အာမခံ ကုမ္ပဏီက ဒေါ်လာ ၈၀ ပေးမည်။ ဥပမာ (၂) - ဆေးဖိုးအတွက် co-payment က ၁၀ ဒေါ်လာ ဖြစ်ပြီး ဆေးဖိုးစုစုပေါင်းက ဒေါ်လာ ၂၀၀ ကျသည်ဆိုပါက အာမခံထားသူက ၁၀ ဒေါ်လာ ပေးရပြီး အာမခံကုမ္ပဏီက ဒေါ်လာ ၁၉၀ ပေးမည်။

ရည်ရွယ်ချက်

Deductible နှင့် ရည်ရွယ်ချက်တူသည်။

Coinsurance

အဓိပ္ပါယ်

စရိတ်မျှပေး မူကွဲ။ ဒီနည်းမှာတော့ အာမခံထားသူနဲ့ အာမခံကုမ္ပဏီတို့ အသီးသီး ပေးရမယ့် ငွေပမာဏကို ရာခိုင်နှုန်း သတ်မှတ်ထားပါတယ်။ ဥပမာ - coinsurance ရာခိုင်နှုန်းက ၂၀/၈၀ ဆိုလျှင် ဆေးကုသစရိတ် ကုန်ကျငွေ၏ ၂၀% ကို အာမခံထားသူက ပေးရပြီး ၈၀% ကို အာမခံကုမ္ပဏီက ပေးမည်။

ရည်ရွယ်ချက်

Deductible နှင့် ရည်ရွယ်ချက်တူသည်။

Exclusions

အဓိပ္ပါယ်

ချွင်းချက်များ။ ကျန်းမာရေးအာမခံ ဆိုသော်လည်း ရှိရှိသမျှ ၉၆ ပါး ရောဂါ အားလုံး အကျုံးဝင်ချင်မှ အကျုံးဝင်မည်။ မည်သည့်ရောဂါများ သို့မဟုတ် ကုသမှုများ အကျုံးမ၀င်ပါ ဆိုသည်ကို အာမခံစာချုပ်တွင် ဖော်ပြလေ့ရှိသည်။ ဥပမာအားဖြင့် plastic surgery (မျက်နှာ ခွဲစိတ် အလှပြင်ခြင်း) ကို exclusion ထဲ ထည့်ထားပါက ၄င်းကုသမှုအတွက် အာမခံထားသူက ၁၀၀% ပေးရပေမည်။ အာမခံကုမ္ပဏီက လုံးဝ ပေးမည် မဟုတ်။

ရည်ရွယ်ချက်

စရိတ်ထိန်းခြင်း ဖြစ်သည်။ မရှိမဖြစ်လိုအပ်သည်ဟု သတ်မှတ်ထားသော ကုသမှုများအပ အခြားသော ကုသမှုများကို ဖယ်ထုတ်ထားခြင်းဖြင့် ကျန်းမာရေးစရိတ် နှင့် အာမခံကြေးတို့ကို ထိန်းထားနိုင်သည်။

Coverage limits

အဓိပ္ပါယ်

အာမခံကုမ္ပဏီက အများဆုံး ငွေမည်မျှအထိ ပေးမည်ဟု သတ်မှတ်ထားချက်။ ဥပမာ - coverage limit က ဒေါ်လာ ၁ သိန်းခွဲ ဖြစ်ပြီး ဆေးကုသစရိတ်က ဒေါ်လာ ၂ သိန်း ကုန်ကျနေပါက အာမခံ ကုမ္ပဏီက ဒေါ်လာ ၁ သိန်းခွဲ ပေးပြီး ကျန်ငွေ ဒေါ်လာ ၅ သောင်းကို အာမခံထားသူက ပေးရမည်။

ရည်ရွယ်ချက်

မည်သူတစ်ဦးတစ်ယောက် သို့မဟုတ် ကုမ္ပဏီ တစ်ခု သို့မဟုတ် အစိုးရ တစ်ရပ် အနေဖြင့် လူနာတစ်ဦးအတွက် “ငွေမည်မျှကုန်ကုန်” ဟု မိုးမဆုံး မြေမဆုံး အတိုင်းအဆမရှိ အကုန်အကျမခံနိုင်။ ထို့ကြောင့် လက်တွေ့ကျသော အများဆုံး ပေးမည့် ငွေပမာဏကို သတ်မှတ်ထားခြင်းဖြစ်သည်။

Out-of-pocket maximums

အဓိပ္ပါယ်

အာမခံထားသူက အများဆုံး ငွေမည်မျှအထိ ပေးရမည်ဟု သတ်မှတ်ထားချက်။ (coverage limit နှင့် တူသည်။ သို့ရာတွင် out-of-pocket maximum က အာမခံထားသူ အတွက် သတ်မှတ်ချက် ဖြစ်သည်။) ဥပမာ - out-of-pocket maximum က ဒေါ်လာ ၂၀၀၀ ဖြစ်ပြီး တစ်နှစ်အတွင်း ဆေးကုသစရိတ် စုစုပေါင်းက ဒေါ်လာ ၉ ထောင် ဆိုပါက အာမခံထားသူက ဒေါ်လာ ၂ ထောင် အထိ ပေးရပြီး ကျန်စရိတ် ဒေါ်လာ ၇ ထောင်ကို အာမခံကုမ္ပဏီက ပေးမည်။

ရည်ရွယ်ချက်

ကျန်းမာရေး ကုန်ကျစရိတ်ကြောင့် လူတစ်ဦးတစ်ယောက် ဘ၀ပျက်သွားသည်မျိုး ဒေ၀ါလီ ခံလိုက်ရတာမျိုး မဖြစ်အောင် အကာအကွယ်ပေးထားခြင်းဖြစ်သည်။

In-network provider

အဓိပ္ပါယ်

အာမခံကုမ္ပဏီနှင့် ချိတ်ဆက်ထားသော ကျန်းမာရေး စောင့်ရှောက်မှု ပေးသူ (နက်ဝပ် ဆရာဝန်)။ အချို့ ကျန်းမာရေးအာမခံများတွင် အာမခံကုမ္ပဏီနှင့် ချိတ်ဆက်ထားသည့် နက်ဝပ်ဆရာဝန် နှင့်သာ ပြသခွင့်ရှိသည်။ အခြား ဆရာဝန် နှင့် ပြသပါက မိမိဖာသာ အစအဆုံး အကုန်အကျခံရသည်။ အချို့အာမခံကမူ နက်ဝပ်ထဲက မဟုတ်သော ဆရာဝန်နှင့် ပြလျှင် လူနာက စိုက်ပေးရသည့် ငွေပမာဏ ပိုများသည်။ ဤသည်ကို coinsurance နှင့် ချိတ်ဆက်ထားတတ်သည်။ ဥပမာ - နက်ဝပ်ဆရာဝန် နှင့် ပြလျှင် coinsurance က ၂၀/၈၀ ဖြစ်ပြီး နက်ဝပ်ထဲက မဟုတ်သော ဆရာဝန်နှင့် ပြလျှင် coinsurance က ၅၀/၅၀ ဖြစ်မည်။

ရည်ရွယ်ချက်

စရိတ်ထိန်းခြင်း ဖြစ်သည်။

Capitation

အာမခံကုမ္ပဏီက ကျန်းမာရေးစောင့်ရှောက်မှုပေးသူ (ဆရာဝန်၊ သူနာပြု၊ ဆေးရုံ၊ ဆေးခန်း) ကို လူနာတစ်ယောက်လျှင် ငွေမည်မျှ ပေးမည်ဟု သတ်မှတ်ထားချက်။

Prior authorization

အဓိပ္ပါယ်

ကြိုတင်ခွင့်ပြုချက်။ အချို့သော ဈေးကြီးသည့် ကုသမှုများ (ဥပမာ - magnetic resonance imaging သံလိုက်ဓာတ်မှန်) မပြုလုပ်မီ အာမခံကုမ္ပဏီကို ကြိုတင်ခွင့်ပြုချက် တောင်းရန် လိုအပ်သည်။ သို့မှသာ အဆိုပါ ကုသမှုအတွက် အာမခံကုမ္ပဏီက ငွေပေးချေလိမ့်မည်။ ကြိုတင်ခွင့်ပြုချက် မတောင်းပါက သို့မဟုတ် အာမခံကုမ္ပဏီက ခွင့်မပြုဟုပြောပါက အဆိုပါ ကုသမှုအတွက် စရိတ်ကို အာမခံထားသူက အိတ်စိုက်ပေးရပေမည်။

ရည်ရွယ်ချက်

စရိတ်ထိန်းခြင်း ဖြစ်သည်။

Risk

အဓိပ္ပါယ်

Risk ကို Juan က “ရောဂါရနိုင်ချေ” ဟု ဘာသာပြန်သည်။ လူတစ်ဦးနှင့် တစ်ဦး ကျား၊မ၊ အသက်အရွယ်၊ အနေအထိုင်ပေါ်မူတည်၍ ရောဂါရနိုင်ချေ မတူပေ။ အချို့က ရောဂါရနိုင်ချေ များပြီး အချို့က နည်းသည်။

Risk distribution

အဓိပ္ပါယ်

ကျန်းမာရေးအာမခံ၏ အနှစ်သာရပင်ဖြစ်သည်။ လူတစ်ဦးနှင့် တစ်ဦး ရောဂါရနိုင်ချေ မတူညီကြသော်လည်း လူအားလုံး စုပေါင်း၍ ငွေကြေး သာတူညီမျှ ထည့်ဝင်ခြင်းဖြင့် နေမကောင်းသူများ ဆေးကုသစရိတ် မထောင်းစေရန် အကာအကွယ်ပေးခြင်း ဖြစ်သည်။ တနည်းအားဖြင့်ပြောရလျှင် ရောဂါရနိုင်ချေ တန်းညှိပေးလိုက်ခြင်းပင်။

Moral hazard

အဓိပ္ပါယ်

ကျန်းမာရေး အာမခံစနစ် မရှိသော နေရာများတွင် လူနာက ဆရာဝန်၊ ဆေးရုံ၊ ဆေးခန်းကို ကုန်ကျစရိတ် တိုက်ရိုက် ပေးချေရသော်လည်း ကျန်းမာရေးအာမခံ စနစ်တွင် သာမာန်အားဖြင့် အာမခံကုမ္ပဏီက ဆရာဝန်၊ ဆေးရုံ၊ ဆေးခန်းကို ကုန်ကျငွေ တိုက်ရိုက် ပေးချေလေသည်။ ထိုကဲ့သို့ အာမခံကုမ္ပဏီက လူနာကို ကျော်ပြီး ကျန်းမာရေး စောင့်ရှောက်မှု ပေးသူကို တိုက်ရိုက် ငွေပေးချေခြင်းကို တတိယလူက ငွေပေးချေခြင်း (Third party payer system) ဟု ခေါ်ဆိုသည်။ မိမိကိုယ်တိုင် ငွေမပေးချေရခြင်းကြောင့်၎င်း အာမခံကြေး ပေးသွင်းထားပြီး ဖြစ်သဖြင့် မိမိ၏ ရပိုင်ခွင့်ဟု ယူဆသောကြောင့်၎င်း အာမခံထားသူက ဆေးရုံ၊ ဆေးခန်း များကို မကြာခဏ သွားရောက်ပြီး ကုသခံခြင်းများဖြစ်ပေါ်လာနိုင်သည်။ မိမိဖာသာ ငွေပေးချေရမည်ဆိုလျှင် ထိုကဲ့သို့ အကြိမ်ရေ များများ သွားရောက် အကုသခံချင်မှ ခံပေမည်။ ဤကဲ့သို့ ပုံမှန်အနေအထားထက် ပို၍ ဆေးကုသခံယူခြင်းကို moral hazard ဟု ခေါ်သည်။

သတိပြုရန်

ကျန်းမာရေး အာမခံထားသူ အတော်များများက Moral hazard ကို ကျင့်သုံးနေလျှင် ကျန်းမာရေးကုန်ကျစရိတ် တက်လာပြီး အကျိုးဆက်အနေဖြင့် အာမခံကြေး တက်လာနိုင်သည်။

Adverse selection

အဓိပ္ပါယ်

လူတစ်ဦးသည် မိမိ၏ ကျန်းမာရေး ဆိုးလာစရာ ရှိသည်ဟု သံသယ ရှိသော အခါမှ ကျန်းမာရေးအာမခံ ၀ယ်ခြင်းမျိုးကို ဆိုလိုသည်။ ဥပမာ - ဆေးလိပ်သောက်သူသည် မသောက်သူထက် ကျန်းမာရေး ပိုပြီး ဆိုးနိုင်သည်။ အာမခံကုမ္ပဏီက ဆေးလိပ်သောက်သောက် မသောက်သောက် အာမခံကြေးကို အတူတူ တောင်းလျှင် ဆေးလိပ်သောက်သူများက မသောက်သူများထက် ကျန်းမာရေးအာမခံ ပိုပြီး ၀ယ်လာကြစရာရှိသည်။ တဖန် ထိုဆေးလိပ်သောက်သူများကပင် ပိုပြီး နေထိုင်မကောင်း ဖြစ်ကြသဖြင့် အာမခံကုမ္ပဏီ အနေဖြင့် အာမခံကြေးရသည်နှင့် မကာမိအောင် ဆေးကုသစရိတ် ပြန်ထုတ်ပေးရဖွယ်ရှိသည်။

သတိပြုရန်

ကျန်းမာရေးအာမခံ - မိတ်ဆက် မှာတုန်းက “လူတိုင်း” ဆိုသည့် စကားလုံးကို စာလုံးနက် (Bold type) ဖြင့် ပြထားခဲ့သည်။ ဆိုလိုသည်မှာ ကျန်းမာရေးအာမခံသည် လူတိုင်း ၀ယ်မှသာ ကောင်းမွန်သော စနစ်တစ်ခု ဖြစ်ပေမည်။ နေမကောင်းသူများကသာ ကျန်းမာရေးအာမခံ ၀ယ်ပြီး ကျန်းမာရေး ဒေါင်ဒေါင်မည်နေသူများက မ၀ယ်လျှင် ကျန်းမာရေးအာမခံ ဈေးကွက် ပျက်သွားနိုင်သည်။ Death spiral တွင် အသေးစိတ် ဆက်ဖတ်ပါ။

Death spiral

အဓိပ္ပါယ်

ကျန်းမာရေးအာမခံ ကုမ္ပဏီ၏ နေ၀င်ချိန်။ နေထိုင်မကောင်းဖြစ်သူ သို့မဟုတ် နေထိုင်မကောင်း ဖြစ်လာစရာရှိသည်ဟု မိမိကိုယ်မိမိ သိနေသူများကသာ ကျန်းမာရေးအာမခံ ၀ယ်လျှင် အာမခံကုမ္ပဏီ အနေဖြင့် တွက်ချေမကိုက်တော့။ အာမခံကြေး ပိုတောင်းတော့မည်။ အာမခံကြေး ဈေးတက်လာသောကြောင့် ရောဂါကြီးကြီးမားမား ရှိသူများလောက်သာ အာမခံဝယ်တော့မည်။ ထိုအခါ အာမခံကုမ္ပဏီက ဆေးကုသစရိတ် ပိုပြီးများများ ထုတ်ပေးရဦးမည်။ အာမခံကြေး ထပ်တက်လာမည်။ ထိုသို့ သံသရာလည်ပြီး အာမခံကုမ္ပဏီ ပြုတ်သွားပေမည်။

ကျန်းမာရေးအာမခံ ပုံစံကွဲအမျိုးမျိုးကို ဆက်လက်ဖော်ပြပါဦးမည်။

စာရှုသူများသို့ ပန်ကြားချက်။ ။ ပိုမိုသင့်လျော်သော ဘာသာပြန် စကားလုံးများ အကြံပေးလိုပါက မှတ်ချက်တွင် ရေးသားသွားစေလိုပါသည်။

ဝန်ခံချက်။ ။ စာရေးသူသည် ကျန်းမာရေးအာမခံ ကုမ္ပဏီ မပိုင်ပါ။ ကျန်းမာရေးအာမခံ ကုမ္ပဏီ အစုရှယ်ယာလည်း ၀ယ်မထားပါ။

အာရောဂျံ ပရမံ လာဘံ
တက္ကသိုလ် လှမွန်

စာကိုး။

Lecture notes from the U.S. health care system class
http://en.wikipedia.org/wiki/Health_insurance
http://en.wikipedia.org/wiki/Moral_hazard
http://en.wikipedia.org/wiki/Adverse_selection
http://www.hiriautatpa.com/2008/08/12/life-cycle-7/
Ref:Health-ngoinmyanmar.org

ကျန်းမာရေးအာမခံစနစ်နှင့် ပတ်သက်ပြီး သိသင့်သမျှ!

Monday, December 28, 2009



ကျန်းမာရေးအာမခံဆိုတာ ဘာလဲဆိုတာကို ဆရာရဲမွန်က Introduction to Health insurance  post မှာ ရေးသားခဲ့ပြီးသွားပါပြီ။ အာမခံစနစ်ရဲ့အဓိက ရည်ရွယ်ချက်ကတော့ ကိုယ်နေမကောင်းဖြစ်တဲ့အခါမှာ ဆေးကုသစရိတ်ကို သုံးနိုင်အောင် ငွေစုထားခြင်းပင် ဖြစ်ပါသည်။ သို့သော် တစ်ယောက်တည်းအတွက် စုခြင်းမဟုတ်။ စုပေါင်းစပ်ပေါင်း ငွေစုထားခြင်းဖြစ်သည်။ ဥပမာ။   ။ လူတစ်ယောက်က တစ်လကို အာမခံ ၁၀ ကျပ်ထားသည်ဆိုပါစို့။ တစ်နှစ်ကြာသောအခါ သူ၏စုငွေသည် ၁၂၀ ကျပ်ဖြစ်လာမည်ဖြစ်သည်။ အကယ်၍ သူနေမကောင်းဖြစ်သောအခါ ဆေးကုသစရိတ်သည် ၂၀၀ ကျပ်ကုန်ကျပါက အာမခံစနစ်က ၂၀၀ ကျပ်ထောက်ပံ့ပေးပါလိမ့်မည်။ သို့သော် သူ့ထံတွင် ကျန်းမာရေးအာမခံ မထားရှိပါက သူသည် အိပ်ထဲက ငွေ ၂၀၀ ကျပ်ထွက်ပေတော့မည်။ ယခုမူ အာမခံထားသောကြောင့် ၁၂၀ ကျပ်သာ သူကုန်လိမ့်မည်။ တစ်ဖက်က ပြန်တွေးကြည့်ရင်တော့ ကိုယ်နေမကောင်းမဖြစ်ပါက အဆိုပါ ငွေ ၁၂၀ ကျပ်သည် ဆုံးပြီ မဟုတ်ပါလော့။ ဤကဲ့သို့တွေးပါက မျက်ခုံးမွှေးတစ်ဆုံးသာ တွေးခြင်းဖြစ်ပါလိမ့်မည်။ အဘယ့်ကြောင့်ဆိုသော် ကျန်းမာရေးအာမခံသည် မီးအာမခံ၊ အသက်အာမခံတို့နှင့် မတူသည်ကား လူတိုင်းလူတိုင်းသည် တစ်ချိန်ချိန်တွင် နေမကောင်းဖြစ်မည်သာဖြစ်သည်။ လူတိုင်းသည် မီးလောင်ခြင်းကို ကြုံတွေ့ရချင်မှ ကြုံတွေ့လိမ့်မည်။ တစ်သက်တွင် တစ်ခါသာသေလိမ့်မည်။ သို့သော် နေမကောင်းဖြစ်ခြင်း၊ ထိခိုက်ဒဏ်ရာရခြင်းတို့သည်ကား တစ်ကြိမ်တစ်ခါထက် မကကြုံတွေ့ရမည်မှာ လူတိုင်းပင်ဖြစ်ပါသည်။ တစ်ခါမှ နေမကောင်းမဖြစ်သောသူဟူ၍ မရှိတန်ရာ။







အာမခံစနစ်တွင် ပြည်သူများက ထည့်ဝင်ရသလို အစိုးရမှလည်း အများကြီး စိုက်ထုတ်ပေးရပါသည်။ တိုင်းပြည်တစ်ခုနှင့် တစ်ခုမတူညီကြပါ။ မိမိနေထိုင်ရာ တိုင်းပြည်အပေါ်မူတည်၍ အစိုးရမှ ထောက်ပံ့ပေးသော ပမာဏ ကွာခြားပါသည်။ အချိန်ကြာလာသည်နှင့်အမျှ လူတို့သည် ပိုမိုကျန်းမာလာပြီး အသက်ရှည်လာကြသည်။ ထိုအခါ အစိုးရမှ ထောက်ပံ့ပေးရသောပမာဏသည် တဖြည်းဖြည်းများပြားလာပါသည်။ ဆေးကုသစရိတ်စက များကလည်း တဖြည်းဖြည်းတိုး၍ တိုး၍သာ လာသောကြောင့် အစိုးရအနေဖြင့် အာမခံထောက်ပံ့သော ပမာဏကို လျော့ချလိုလာသည်။ မူလကတည်းက အစိုးရ၏ အာမခံစနစ်သည် ရောဂါအားလုံး၊ ကုသမှုအားလုံး၊ စမ်းသပ်စစ်ဆေးမှုအားလုံးကို ထောက်ပံ့သည်မဟုတ်၊ ယခုလို လျော့ချမည်လုပ်သောအခါ ပို၍ လျော့နည်းသွားဖို့သာ ရှိတော့သည်။ ထိုအခါ ပုဂ္ဂလိက အာမခံစနစ်၏ အခန်းကဏ္ဍသည် အရေးပါလာပါသည်။ Private Insurance နှင့် ပတ်သက်ပြီး အပိုင်း (၂) တွင် ဆက်လက်ရေးသားပါမည်။

ကျန်းမာရေးအာမခံမှ ရရှိသောရန်ပုံငွေ ဖြင့် ပြည်သူ့ကျန်းမာရေးလုပ်ငန်းများကို တိုးချဲ့နိုင်လေသည်။ ရောဂါကာကွယ်ရေး လုပ်ငန်းများသာမက ပြန်လည် ကောင်းမွန်ရေးလုပ်ငန်းများ (rehabilitation)၊ နာတာရှည် ရောဂါသည်များကို ထောက်ပံ့သည့်လုပ်ငန်းများတွင်လည်း အာမခံကြေးများကို အသုံးပြုပါသည်။ ပြင်သစ်လို တိုင်းပြည်မျိုးတွင် ကျန်းမာရေးအာမခံထားရှိသူသည် ဆီးချိုရောဂါကြောင့်ဖြစ်စေ၊ သွေးတိုးရောဂါကြောင့်ဖြစ်စေ၊ ကင်ဆာရောဂါကြောင့်ဖြစ်စေ ကာလကြာရှည်ဆေးကုသမှု ခံယူရပါက အာမခံစနစ်မှ ဆေးဖိုးဝါးခကို အလုံးစုံ တာဝန်ယူပေးပါသည်။

တဖန် ကျန်းမာရေးအာခံစနစ်ထားရှိခြင်းသည် ကျန်းမာရေးစောင့်ရှောက်မှုပေးသော ဌာနများကို အရည်အသွေး ထိန်းသိမ်းပြီးသားဖြစ်စေသည်။ အာမခံထားရှိသောကြောင့် ပြည်သူတို့၏ အာမခံငွေကြေးတို့ အလဟသတ် မဖြစ်စေရန် သက်ဆိုင်ရာ အဖွဲ့အစည်းများက အမြဲတမ်း ဆေးရုံများ၊ ဆေးဝန်ထမ်းများကို အရည်အသွေး စစ်ဆေးနေမည် ဖြစ်သည်။ အကယ်၍ ဆရာဝန်တစ်ယောက်သည် မိမိ၏ ကျွမ်းကျင်မှု အရည်အသွေးကို ထိန်းသိမ်းထားနိုင်ခြင်း မရှိပါက ဆေးကုသခွင့်လိုင်စင် ရုတ်သိမ်းခံရမည်ဖြစ်သည်။ အဆိုပါဆရာဝန်သည် ကျန်းမာရေးအာမခံရှိသော လူနာများကို ကုသခွင့်ရတော့မည်မဟုတ်။ ထို့ကြောင့် ပြည်သူများကို မှားယွင်းစွာကုသခြင်းမှ အလိုလိုကာကွယ်ပြီးသားဖြစ်သည်။

Tuesday, December 29, 2009


ကျန်းမာရေးအာမခံစနစ်နှင့် ပတ်သက်ပြီး သိသင့်သမျှ (၂)


ကျွန်တော်ဆက်လက်ရေးသားလိုတာကတော့ ပုဂ္ဂလိက အာမခံလုပ်ငန်းအကြောင်း ဖြစ်ပါတယ်။ မြန်မာနိုင်ငံမှာ မြန်မာ့အာမခံလုပ်ငန်းတစ်ခုပဲရှိပေမယ့် တစ်ခြားနိုင်ငံတွေမှာတော့ Private company တွေကပါ အာမခံလုပ်ငန်းကို လုပ်ကိုင်ကြပါတယ်။ အဆိုပါ company သည် အစိုးရထံတွင် မှတ်ပုံတင်ပြီး အစိုးရက ချမှတ်ထားသည့် အာမခံနှင့် ပတ်သက်သော စည်းမျဉ်းစည်းကမ်းများကို လိုက်နာရပါမည်။ ကျန်းမာရေးအာမခံတွင် Plan နှစ်မျိုးရှိသည်။ Basic plan နှင့် supplementary plan ဆိုပြီး ဖြစ်သည်။ နာမည်ခေါ်ပုံကွာသွားသော်လည်း နိုင်ငံတိုင်းနည်းပါးတွင် အဓိပ္ပါယ်တူညီကြပါသည်။ Basic plan ဆိုသည်မှာ လူတိုင်းလူတိုင်းအတွက် အဖြစ်များသောရောဂါများကို ထောက်ပံ့ပေးသော အာမခံလုပ်ငန်း ဖြစ်ပါသည်။ မြန်မာပြည်တွင်တော့ TB ရောဂါတို့၊ ငှက်ဖျားရောဂါတို့သည် အဖြစ်များသောကြောင့် အာမခံစနစ်သာ လုပ်ဖြစ်ပါက ၎င်းရောဂါများသည် basic plan တွင် ပါဝင်မည်ဖြစ်သည်။ Basic plan က စရိတ်အများကြီးကုန်ကျမည့် ခွဲစိတ်မှုတွေ၊ Investigation တွေမပါ။ common disease များနှင့် အရေးပေါ်အခြေအနေများကိုသာထောက်ပံ့ပေးသည်။ ၎င်း Basic plan ကို အစိုးရထံတွင်ကော private တွင်ပါ ၀ယ်ယူခွင့်ရှိသည်။ နိုင်ငံတကာ ရှိ Private insurance company အားလုံးနီးပါးသည် Basic plan တွင် အမြတ်ယူခွင့် မရှိချေ။ ထို့ကြောင့် Private ၏ basic plan သည် အစိုးရနှင့် ဈေးမတူသည့်တိုင် များစွာ မကွာလှပေ။








ပုဂ္ဂလိက အာမခံလုပ်ငန်းနှင့် ပတ်သက်ပြီး ကျွန်တော် ဒီမှပဲ နိဂုံးချုပ်လိုပါတယ်။ အပိုင်း (၃)တွင် health system အကြောင်း ဆက်လက်ရေးသားပါမည်။

Private ဘက်မှ ပြန်လည်ငြင်းဆိုသည်မှာကား private အာမခံထားရှိသောကြောင့် ပိုက်ဆံတတ်နိုင်သူတို့သည် အစိုးရဆေးရုံတွင် မတက်တော့ချေ။ ထိုအခါ အစိုးရဆေးရုံများတွင် မလိုအပ်ဘဲ လူနာစောင့်ခြင်းများနည်းပါးသွားသည်။ ထို့ကြောင့် အစိုးရကိုပင် အထောက်အကူပြုသည်ဟု ဆိုကြသည်။ Private ကျန်းမာရေးအာမခံတွင် မိမိတွင် မူလကတည်းက ရှိသည့် ကုသ၍ မပျောက်နိုင်သော ရောဂါများကို အာမခံထားခွင့် မရှိချေ။ ဥပမာ။   ။ HIV ရောဂါပိုးရှိသူများ။ ထိုသူတို့သည် HIV နှင့် ပတ်သက်သော အာမခံထားလို့မရပါ။ သို့သော်အဆိုပါရောဂါနှင့် မသတ်ဆိုင်သည့် အာမခံများတော့ ထားခွင့် ရှိသည်။

Private health insurance တွင်လည်း မကောင်းသည့် အချက်များရှိပါသည်။ ပထမတစ်ချက်ကတော့ လစဉ် လစဉ် မစားရမသောက်ရနှင့် ငွေကြေးအများကြီးပေးသွင်းရခြင်းပင် ဖြစ်သည်။ ပညာရှင်တစ်ချို့က ပြောသည်မှာကား ဤသို့ အာမခံကြေးများပေးသွင်းနေမည့်အစား အဆိုပါငွေဖြင့် မိမိ၏ ကျန်းမာရေးကို ကောင်းအောင်ပြုလုပ်ပါက ပိုမိုအကျိုးရှိနိုင်သည်ဟူ၍ ဖြစ်သည်။ နောက်တစ်ချက်ကတော့ ထိုသို့အာမခံစနစ်ထားရှိသောကြောင့် ပိုက်ဆံရှိသူတို့သည် ငွေလမ်းခင်းပြီးဆေးကုသပေးကြောင့် ပိုမိုကောင်းမွန်သည့် ကျန်းမာရေးစောင့်ရှောက်မှုကို ရရှိပြီး ဆင်းရဲသားတွေကတော့ ထိုလောက်မကောင်းသည့် ကျန်းမာရေးစောင့်ရှောက်မှုကိုသာ ရရှိလေသည်။ ထိုအခါ ကျန်းမာရေး မညီမျှမှု (health inequality) များ ဖြစ်လာနိုင်ပါသည်။

တဖန် Private တွင် အာမခံထားခြင်း၏ ကောင်းသည့် အချက်တစ်ချက်ကား ခွဲစိတ်ကုသမှုခံယူမည် ဆိုပါက စောင့်ဆိုင်းရသောအချိန်တိုခြင်း ဖြစ်ပါသည်။ ပိုက်ဆံမရှိရင် မျက်နှာငယ်တယ်ဆိုသည့်စကားသည် ဤနေရာတွင် သွေးထွက်အောင်မှန်ပါသည်။ England လို တိုင်းပြည်မျိုးတွင်ပင် Private တွင် အာမခံ မထားပါက လနှင့်ချီအောင် စောင့် ရသည်မျိုးကို တွေ့ရပါသည်။ အစိုးရ၏ ကျန်းမာရေးဌာနများမှာ အမြဲတမ်း အရေးပေါ်လူနာများ၊ ငွေကြေးချို့တဲ့သူများနှင့် ပြည့်နှက်နေတတ်ပါသည်။ ထိုသူများသည် ရောဂါဖြစ်လိုက်ရင်လည်း ဆိုးဆိုးဝါးဝါးသာ ဖြစ်လေ့ရှိသောကြောင့် ချက်ချင်းမခွဲလျင်လည်း ရသေးသည့် လူနာများကို စောင့်ခိုင်းရပါသည်။ သို့သော် Private အာမခံထားရှိပါက သက်ဆိုင်ရာ အပြင် private ဆေးရုံတွင် အချိန်မရွေးခွဲစိတ်လို့ ရပါသည်။ မြန်မာပြည်နှင့် England ပြည် မှာ အဲဒီတစ်ချက်တော့ တူပုံရတယ်။ Private ဆေးရုံများတွင် လူနာများကို အချိန်ပိုမိုပေးနိုင်သောကြောင့် ကုသမှုလည်း ပိုမိုထိရောက်သည်။

Supplementary plan တွင်တော့ ပုဂ္ဂလိက အာမခံလုပ်ငန်းများသည် အမြတ်ယူခွင့်ရှိသည်။ supplementary ဆိုကတည်းက မယူမနေရ မဟုတ်၊ မိမိလိုချင်မှသာ ထပ်မံယူနိုင်သည့် plan ဖြစ်သည်။ တစ်ချို့ရောဂါများသည် အဖြစ်နည်းသော်လည်း ဖြစ်ပွားပါက ကုသစရိတ်ကြီးမားသည်။ ဥပမာ။    ။ ကင်ဆာရောဂါ။ ထို့ကြောင့် ပိုက်ဆံတတ်နိုင်သူတို့သည် နောင်ရေးစိတ်အေးရအောင် ယခုကတည်းက မိမိတွင်ဖြစ်နိုင်သည့် ရောဂါများကို ကြိုတင်ကာ အာမခံထားလိုက်သည်။ ၎င်း plan သည် basic နှင့်ယှဉ်လျင် များစွာပိုမိုကုန်ကျပါသည်။ တစ်ယောက်နှင့်တစ်ယောက်လည်း ပေးရသည့်ငွေပမာဏ မတူညီပေ။ Tailor made ဖြစ်သောကြောင့်ဖြစ်သည်။ ဥပမာ။    ။ အသည်းခြောက်ရောဂါ (cirrhosis) အတွက် အာမခံထားသည်ဆိုပါစို့။  အရက်ကို တစ်လနေလို့မှ တစ်ခါလောက်မသောက်တတ်သူ၊ social drink လောက်သာသောက်တတ်သူသည် နေ့စဉ်မှီဝဲသူလောက် အာမခံကြေးပေးစရာမလိုချေ။ ထို့အတူ အဆုတ်ကင်ဆာအတွက် အာမခံလုပ်လျင်လည်း တစ်နေ့ကို ဆေးလိပ် ၁ ဗူးနှင့်အထက် သောက်သူသည် တစ်လိပ်နှစ်လိပ်ခန့်သာသောက်သူထက် အာမခံကြေး ပိုမိုထည့်ဝင်ရမည်ဖြစ်သည်။ မိမိ၏ ရောဂါရာဇ၀င်၊ ကျန်းမာရေးအခြေအနေ နှင့် မိမိအာမခံထားလိုသည့် ရောဂါအပေါ်မူတည်ပြီး အာမခံကြေး ကွာသွားမည်။ အာမခံ company မှ မိမိအား risk assessment လုပ်ပြီးမှသာ မိမိပေးဆောင်ရမည့် အာမခံကြေးကို သတ်မှတ်ပေးမည်ဖြစ်သည်။ သို့သော် ရွေးချယ်စရာ များပြားသောကြောင့် လည်းကောင်း၊ အစိုးရမှာ အာမခံ မပေးသော ရောဂါများကို အာမခံထားနိုင်၍လည်းကောင်း private ၏ supplementary plan များသည် လူကြိုက်များကြသည်။
Ref:health-ngoinmyanmar.org

အမျိုးသားကျန်းမာရေး ဆိုင်ရာ အယူအဆအလွဲ (၁၂) ချက်

အမျိုးသားတွေရဲ့ ကျန်းမာရေးနဲ့ ပတ်သက်လို့ အမျိုးသားတွေ ကိုယ်တိုင် လွဲမှားလက်ခံထားတဲ့ အယူအဆအလွဲတွေ အများကြီး ရှိပါတယ်။ အဲဒီအထဲကမှ အမျိုးသားတိုင်း အမှတ်အမှားဆုံး အယူအဆ (၁၂) ချက်ကို ဆေးသိပ္ပံပညာရှင်များက စစ်တမ်းများစွာ ပြုလုပ်ပြီး တွေ့ရှိထားပါတယ်။ ဒီအယူအဆ အလွဲတွေရဲ့ လောင်းရိပ်ကနေ သင်ကော လွတ်ကင်းရဲ့လား ဆိုတာ အောက်ပါ မေးခွန်း (၁၂) ခုကို မှား/မှန် ဖြေကြည့်ရင်း ဆန်းစစ်ကြည့်နိုင်ပါတယ်။ ဆေးပညာရှင်တွေရဲ့ သိပ္ပံနည်းကျ အဖြေများကိုတော့ မေးခွန်းတွေ အဆုံးမှာ ဖော်ပြပေးထားပါတယ်။

(၁) ဦးထုပ် ပုံမှန်ဆောင်းခြင်း၊ Dryer ခေါ် ဆံပင်အခြောက်ခံစက် သုံးခြင်းသည် ဆံပင်ပါး၍ ထိပ်ပြောင်ခြင်းကို ဖြစ်စေသည်။
မှား ( ) မှန် ( )

(၂) အတွင်းခံဘောင်းဘီ စွဲစွဲမြဲမြဲ ၀တ်ခြင်းသည် ဖိုမျိုးပွားဆဲလ် ဖြစ်သော သုက်ကောင် အရေအတွက်ကို ကျဆင်းစေသည်။
မှား ( ) မှန် ( )

(၃) မုတ်ဆိတ်မွေးများသည် ရိပ်လေလေ ထူလာလေလေ ဖြစ်သည်။
မှား ( ) မှန် ( )

(၄) ဖိနပ်ဆိုက် ကြီးလေလေ (ခြေထောက် အရွယ်အစား ကြီးလေလေ) အမျိုးသားအင်္ဂါ ကြီးလေလေ ဖြစ်သည်။
မှား ( ) မှန် ( )

(၅) အမျိုးသား တစ်ယောက်၏ လိင်ပိုင်းဆိုင်ရာ စွမ်းရည်သည် အသက် ၁၈ နှစ် ပတ်ဝန်းကျင်၌ အမြင့်ဆုံး ဖြစ်သည်။
မှား ( ) မှန် ( )

(၆) အနာမခံလျှင် အသာမစံရ။ ပြင်းထန် ပင်ပန်းစွာသော ကိုယ်လက်လှုပ်ရှားမှုများမှ အကျိုးရှိသည်။
မှား ( ) မှန် ( )

(၇) အမျိုးသားများတွင် သေပျောက်မှု အများဆုံး ကင်ဆာသည် ဆီးကျိတ်ကင်ဆာ ဖြစ်သည်။
မှား ( ) မှန် ( )

(၈) အမျိုးသားများသည် ရင်သားကင်ဆာ မဖြစ်နိုင်။
မှား ( ) မှန် ( )

(၉) အမျိုးသားများသည် အရိုးပါးရောဂါ (Osteoporosis) ဖြစ်မလာနိုင်။
မှား ( ) မှန် ( )

(၁၀) အမျိုးသား လိင်အင်္ဂါသည် ကျိုးနိုင်၏။
မှား ( ) မှန် ( )

(၁၁) ဘီယာသောက်ခြင်းသည် ဘီယာဗိုက်ခေါ် ဗိုက်ပူခြင်းကို ဖြစ်စေသည်။
မှား ( ) မှန် ( )

(၁၂) မီးကင်ထားသော အစားအစာများတွင် ကင်ဆာရောဂါ ဖြစ်နိုင်စွမ်းကို တိုးမြှင့်ပေးသော အရာများ ပါဝင်နေသည်။
မှား ( ) မှန် ( )


အဖြေများ
အောက်ပါ အဖြေမှန်များနဲ့ သင့်ရဲ့ ယူဆချက်များကို တိုက်ဆိုင်စစ်ဆေးကြည့်ပါ။ မှန်နေရင် သင်သိထားတဲ့ ဗဟုသုတ၊ သင်တွေးထားတဲ့ အတွေးတွေဟာ ကျန်းမာရေးနဲ့ ညီညွတ်နေလို့ ပျော်စရာ ဖြစ်သလို လွဲနေရင်လည်း အယူအဆမှားကို ပစ်ချကာ အမှန်ကို စွဲမှတ်သွားနိုင်ပါလိမ့်မယ်။



(၁) မှား
ဦးထုပ် ပုံမှန်ဆောင်းခြင်း၊ Dryer ခေါ် ဆံပင်အခြောက်ခံစက် သုံးခြင်းဟာ ဆံပင်ပါးပြီး ထိပ်ပြောင်ခြင်းကို ဖြစ်စေတယ် ဆိုတဲ့ အချက်အတွက် ခိုင်မာတဲ့ သက်သေ လုံးဝမရှိပါဘူး။ အမျိုးသားတွေ ထိပ်ပြောင်ရခြင်းဟာ ဆံပင်တွင်းပေါက်လေးများ တဖြည်းဖြည်းနဲ့ သေးငယ်လာပြီး ထွက်တဲ့ ဆံပင်တွေကလည်း လိုက်သေးကာ တိုလာပြီး နောက်ဆုံး ဆံပင် မထွက်တော့လို့ ဖြစ်ရတာ ဖြစ်ပါတယ်။ ဒါဟာ အသက်အရွယ်အရ ဖြစ်လာတဲ့ ဟော်မုန်းနဲ့ အာဟာရ ချို့တဲ့မှုတွေနဲ့သာ ဆိုင်တယ်လို့ တွေ့ရှိထားရပါတယ်။



(၂) မှား
အမျိုးသားတွေ အတွက် အချိန်ကြာမြင့်စွာ အပူချိန်မြင့်မြင့်နဲ့ တင်ပဆုံပိုင်း ထိတွေ့နေခြင်းဟာ သားသမီး ရနိုင်ရေးမှာ အရေးပါတဲ့ သုက်ကောင် အရေအတွက်ကို လျော့နည်းစေနိုင်ပေမယ့် အတွင်းခံဘောင်းဘီ စွဲစွဲမြဲမြဲ ၀တ်ဆင်ရုံနဲ့ ဒီလို ထိခိုက်မှုမျိုး မရှိနိုင်ဘူးလို့ တွေ့ရှိထားရပါတယ်။



(၃) မှား
မယုံချင်စရာ အဖြေပါပဲ။ အမွေးဆိုတာ ရိတ်လေ သန်လေ ဆိုတဲ့ ကောက်ချက်ကို ကျွန်တော်တို့ အားလုံး တူညီစွာ လက်ခံထားကြပါတယ်။ ဒါပေမဲ့ တကယ်တမ်းကတော့ ဆံပင် အပါအ၀င် ခန္ဓာကိုယ်က အမွေးတွေရဲ့ အလုံးအကြီးအသေးနဲ့ အနုအကြမ်းကို သက်ဆိုင်ရာ မွေးညှင်းပေါက်တွေရဲ့ အရွယ်အစားနဲ့ ပုံသဏ္ဍာန်က အဆုံးအဖြတ်ပေးပါ သတဲ့။ မွေးညှင်းပေါက်ကြီးရင် ဆံလုံးကြီးမယ်၊ သေးရင် ဆံလုံး သေးမယ်၊ မွေးညှင်းပေါက်ရဲ့ ပုံစံက မညီညာရင် ထွက်တဲ့ အမွေးက ကောက်မယ်၊ ညီညာရင် ဖြောင့်စင်းမယ်လို့ ဆိုလိုချင်တာ ဖြစ်ပါတယ်။ ခဏခဏ ရိတ်ပေးခြင်းဟာ မုတ်ဆိတ်မွေးတွေရဲ့ မွေးညှင်းပေါက်တွေရဲ့ အရွယ်နဲ့ ညီညာမှုအပေါ် သက်ရောက်မှု မရှိလို့ အဖြေမှားတယ်လို့ ပြောရတာ ဖြစ်ပါတယ်။ ဒါပေမဲ့ အမွေးကို မကြာခဏဖြတ်ပေးခြင်းဟာ ရှည်ထွက်ခြင်းကို အနည်းငယ် အားပေးပေမယ့် အမွေးဆိုတာ ဆဲလ်အသေတွေ စုပေါင်းပြီး ဖြစ်လာရတာမို့ ဆဲလ်သေနှုန်း ကသာ အမွေးတွေ အရှည်မြန်ခြင်း မမြန်ခြင်းကို ပြဌာန်းတာ ဖြစ်ပါတယ်။



(၄) မှား
ဒီလို ပြုံးစရာ ကောင်းတဲ့ အယူအဆမှားဟာ လူအတော်များများမှာ ရှိနေတာ တွေ့ရပါတယ်။ အင်္ဂလန်နိုင်ငံ လန်ဒန်မြို့၊ စိန့်မေရီ ဆေးရုံက ဆီးနဲ့ ကျောက်ကပ်ဆိုင်ရာ အထူးကုဆရာဝန် နှစ်ဦးက ဒီကိစ္စရဲ့ အဖြေကို အမျိုးသားများ အပေါ် သုတေသန မှတ်တမ်းပြုစုပြီး ရှာဖွေခဲ့ရာမှာ ဒီနှစ်ခုဟာ တိကျသော ဆက်စပ်မှု မရှိတာကို တွေ့ရှိခဲ့ရပါတယ်။



(၅) မှန်
အမျိုးသား တစ်ယောက်ရဲ့ လိင်ပိုင်းဆိုင်ရာ စွမ်းရည်ဟာ အသက် ၁၈ နှစ် ပတ်ဝန်းကျင်မှာ အမြင့်ဆုံး ဆိုတဲ့ အချက်ဟာ တကယ်မှန်ပါတယ်။ အမျိုးသား မျိုးပွားဟော်မုန်း တက်စတိုစတီရုန်း (Testosterone) ဟာ အဲဒီအသက်လောက်မှာသာ အမြင့်ဆုံး ပမာဏကို ရောက်ရှိပြီး အသက် ၂၀ ကျော်ရင် မသိမသာ စကျပါတယ်။ တက်စတိုစတီရုန်းရဲ့ အာနိသင်ကြောင့် အဲဒီအရွယ် ကောင်လေးတွေမှာ ကောင်းတဲ့ဖက်က ကြည့်ရင် စွန့်စားလိုစိတ်၊ မကောင်းတဲ့ ဖက်က ကြည့်ရင် မိုက်ရူးရဲ ဆန်စိတ်၊ တလွဲမာနစိတ်တွေ အများဆုံး ဖြစ်နေတတ်တာ ဖြစ်ပါတယ်။ ဒါပေမဲ့ ဒါဟာ ဟော်မုန်းသဘောအရသာ ပြောတာ ဖြစ်ပြီး လိင်ပိုင်းဆိုင်ရာ အတွေ့အကြုံနဲ့ ခန္ဓာကိုယ် ကြံ့ခိုင်မှုက အသက် ၂၀ ကျော်ကနေ ၄၀ ကြား အမျိုးသားတွေလောက် မကောင်းသေးလို့ စွမ်းရည်သာ အမြင့်ဆုံး ဖြစ်ပြီး စွမ်းဆောင်မှုကတော့ အမြင့်ဆုံး ဖြစ်မလာနိုင်ပါဘူး။


(၆) မှား
ကိုယ်ခန္ဓာ ကြံ့ခိုင်မှု လေ့ကျင့်ခြင်းရဲ့ သဘောမှာ အနာခံခြင်း ဆီကနေ ဘာအသာမှ ရစရာ မရှိပါဘူးတဲ့။ နာကျင်တဲ့ ခံစားမှု ရောက်အောင်၊ ကျော်လွန်သွားအောင် လေ့ကျင့်မယ်ဆိုရင် ဒဏ်ဖြစ်ခြင်းကိုပဲ ဦးတည်ပြီး ကြံ့ခိုင်ကျန်းမာမှု အကျိုး တစ်စုံတစ်ရာ သင်မရနိုင်ပါဘူးလို့ ကာယပညာရှင်များက ဆိုပါတယ်။


(၇) မှား
လက်ရှိ ကမ္ဘာတစ်လွှား အမျိုးသားများ သေဆုံးမှု အများဆုံးကင်ဆာဟာ ဆီးကျိတ်ကင်ဆာ မဟုတ်ပါဘူး။ ဆေးလိပ်သောက်ခြင်းကြောင့် အဓိကဖြစ်ရတဲ့ အဆုတ်ကင်ဆာပဲ ဖြစ်ပါတယ်။ အမေရိကန်လို အမျိုးသမီးတွေပါ ဆေးလိပ်သောက်တဲ့ အလေ့ရှိတဲ့ နိုင်ငံမှာဆို အမျိုးသမီးတွေမှာပါ အဆုတ်ကင်ဆာဟာ အသေအပျောက်အများဆုံး ကင်ဆာတွေထဲက နံပါတ်တစ် ဖြစ်နေတာ တွေ့ရပါတယ်။ ကိုယ်တိုင်မသောက်ပေမယ့် သူများသောက်တဲ့ ဆေးလိပ်ငွေ့ ရှူမိခြင်း (Passive Smoking) ကြောင့်လည်း ပါပါတယ်။ ဘယ်လိုပဲ ဖြစ်ဖြစ် ပျမ်းမျှ အမျိုးသား ၃၆ ဦးမှာ တစ်ဦးသာ သေဆုံးစေတဲ့ ဆီးကျိတ်ကင်ဆာဟာ အမျိုးသားတွေ အသက်ကို အခြိမ်းခြောက်ဆုံး ကင်ဆာရောဂါ မဟုတ်သေးဘူး ဆိုတာပါပဲ။



(၈) မှား
ရင်သားကင်ဆာဟာ အမျိုးသမီးတွေမှာပဲ အဖြစ်များပေမယ့် ရှားရှားပါးပါး အနေနဲ့ အမျိုးသားတွေလည်း ခံစားရနိုင်တယ် ဆိုတာ သိထားသင့်ပါတယ်။ အမျိုးသားတွေ အသက်ကြီးလာရင် အယောက် ၁၀၀၀ မှာ တစ်ယောက် ဖြစ်နိုင်တယ်လို့ စစ်တမ်းများအရ သိရပါတယ်။ မိသားစု မျိုးရိုး ထဲမှာ (အမျိုးသားဖြစ်စေ အမျိုးသမီးဖြစ်စေ) ရင်သားကင်ဆာ ဖြစ်ဖူးသူ ပါခြင်း၊ မျိုးရိုးဗီဇ အရ အမျိုးသား ဖြစ်ပေမယ့် အမျိုးသမီးဟော်မုန်း အီစထရိုဂျင် (Estrogen) ပမာဏ သွေးထဲမှာ များနေခြင်း၊ နာတာရှည် အသည်းရောဂါ တစ်ခုခု ရှိခြင်း၊ အရက်အလွန်အကျွံ သောက်ခြင်းနဲ့ အ၀လွန်ခြင်း စတဲ့ အချက်တွေ တစ်ချက်ချက် ရှိရင် အမျိုးသားပေမယ့် ရင်သားကင်ဆာ ဖြစ်နိုင်ပါတယ်။



(၉) မှား
အရိုးပါးရောဂါ (Osteoporosis) ဆိုတာ ခန္ဓာကိုယ်ကို ပုံဖော် ထောက်ကန် ပေးထားတဲ့ အရိုးငြမ်းအဖွဲ့အစည်းရဲ့ အရိုးတွေ ကျစ်လျစ်သိပ်သည်းမှု အားနည်းလာပြီး တော်ရုံတန်ရုံ ထိခိုက်မှုမျိုးနဲ့ ကျိုးလွယ်တဲ့ အနေအထား ရှိနေခြင်းကို ခေါ်တာဖြစ်ပါတယ်။ အဖြစ်အများဆုံး အကြောင်းရင်းကတော့ နေ့စဉ်စားတဲ့ အစားအသောက်ထဲမှာ ခန္ဓာကိုယ်က လိုအပ်တဲ့ ကယ်လ်စီယမ်နဲ့ အခြား သတ္တုဓာတ်များ၊ ဗိုက်တာမင် D စတဲ့ အရိုးအတွက် အဓိက လိုအပ်တဲ့ အာဟာရတွေ ချို့တဲ့လို့ပဲ ဖြစ်ပါတယ်။
အမျိုးသမီးတွေအတွက် အရိုးရဲ့ ကြံ့ခိုင်မှုကို ထိန်းသိမ်းပေးထားတာဟာ မဟော်မုန်း အီစထရိုဂျင် ဖြစ်ပါတယ်။ သွေးဆုံးချိန် ဒီဟော်မုန်းရဲ့ သွေးတွင်းပမာဏ ကျဆင်းသွားခြင်းဟာ အမျိုးသားတွေ အသက်ကြီးချိန် တက်စတိုစတီရုန်း ကျလာတာထက် အများကြီး ပြင်းထန်လို့ အမျိုးသမီးတွေက အမျိုးသားတွေထက် အရိုးပါးခြင်း၊ ပွခြင်း ပိုဖြစ်ပေမယ့် အမျိုးသားတွေက လုံးဝမဖြစ်နိုင်ဘူးလို့ မဆိုလိုပါ။ သွေးဆုံးခြင်း မကြုံရသလို အရိုးတွေရဲ့ အရွယ်အစား ပိုကြီးတာမို့ အရိုးပါးဝေဒနာကို အမျိုးသားတွေက အမျိုးသမီးတွေလောက် မခံစားရပေမယ့် ပုံမှန်ထက် တက်စတိုစတီရုန်း ပမာဏ နည်းသူတွေ၊ အရက်သောက်သူတွေ၊ ဆေးလိပ်သောက်သူတွေ၊ အစာအိမ်နဲ့ အူလမ်းကြောင်း ရောဂါ တစ်ခုခု ရှိနေလို့ အာာရ စုပ်ယူမှု မကောင်းသူတွေ၊ ရောဂါတစ်ခုခု ရှိလို့ စတီးရွိုက်ဆေးတွေ စွဲသောက်နေရသူတွေ၊ ကိုယ်လက်အင်္ဂါ ချို့ယွင်းမှု တစ်ခုခု ရှိလို့ လှုပ်ရှားသွားလာခြင်း မပြုနိုင်သူတွေဟာ အရိုးပါးရောဂါ ခံစားရဖို့ အထူးနီးစပ်ပါတယ်။



(၁၀) မှန်
အမျိုးသား အင်္ဂါ အတွင်းမှာ အရိုးမပါပေမယ့် လိင်စိတ် နိုးကြွမှု ရှိချိန်မှာ အင်္ဂါ မာတောင့်အောင် ဆွဲဆန့်ပေးရတဲ့ tunica albuginea လို့ ခေါ်တဲ့ အမျှင်တစ်သျှူးအလွှာ ပြဲသွားရင် ကျိုးသလိုဖြစ်သွားစေပါတယ်။ ဒါကို လိင်တံကျိုးခြင်း (penile fracture) လို့ ခေါ်ပါတယ်။ မတော်တဆ ထိခိုက်မိခြင်း (သို့) အင်္ဂါကိုလှန်ချိုးသလို ဖြစ်သွားစေတဲ့ လိင်ဆက်ဆံမှုမျိုးကြောင့် ဖြစ်တတ်ပါတယ်။ များသောအားဖြင့် ခွဲစိတ်ကုသမှု ခံယူရပါတယ်။ ဖြစ်တောင့် ဖြစ်ခဲ ကိစ္စမျိုးမို့ သိပ်တော့ ကြောက်စရာ မလိုပါဘူး။



(၁၁) မှန်
ပိုလျှံလာတဲ့ ကယ်လိုရီတွေဟာ အဆီတွေ အဖြစ် ၀မ်းဗိုက်မှာ စုမှာမို့ ဘီယာသောက်ရင် ဘီယာဗိုက် ဖြစ်လာမယ် ဆိုတာ အမှန်တရားပါပဲ။ ဘီယာနဲ့ အရက်တွေဟာ ကယ်လိုရီ မြင့်မားလို့ အလွန်အကျွံ သောက်ရင် ကိုယ်မှာ အဆီတွေ များလာစေသလို သောက်တဲ့ အချိန်မှာ အစားအသောက်တွေ မဆင်မခြင် စားဖြစ်တဲ့ အတွက်လည်း ဗိုက်ရွှဲ လာနိုင်ပါတယ်။ ဘီယာထဲမှာ တဆေးခေါ် yeast ပါဝင်ပြီး ၄င်းဟာ အူနဲ့ ၀မ်းတွင်းကလီစာတွေကို ကြီးလာစေတဲ့ အစွမ်း အနည်းငယ် ရှိလို့ ဘီယာ ရေရှည် သောက်သူ တစ်ယောက်ဟာ အားကစားသမား ဖြစ်လို့ ဗိုက်အဆီ မများရင်တောင် ဗိုက်ကတော့ ပူလာမှာပဲ ဖြစ်ပါတယ်။



(၁၂) မှန်
အသားကင် မျိုးစုံကို အမျိုးသားတိုင်းလိုလို ကြိုက်နှစ်သက်ကြပါတယ်။ အသားကင် တိုင်းမှာ ကင်ဆာရောဂါ ဖြစ်စေတဲ့ ဒြပ်ပေါင်း အမျိုးအစား နှစ်မျိုး တွေ့နိုင်တာမို့ သတိပြု စရာပါပဲ။ တစ်ခုက PAHs လို့ အတိုကောက် ခေါ်တဲ့ Polycyclic Aromatic Hydrocarbons အမျိုးအစား ဓာတုဒြပ်ပေါင်းတွေ ဖြစ်ပြီး နောက်တစ်မျိုးကတော့ HCAs လို့ အတိုကောက် ခေါ်တဲ့ Heterocyclic Amines တွေ ဖြစ်ပါတယ်။ အသားတွေထဲက အဆီတွေ၊ အရည်တွေ မီးထဲကျသွားရင် ဖြစ်ပေါ်လာတဲ့ မီးတောက်နဲ့ မီးခိုးငွေ့တွေမှာ PAHs တွေ ပါလာစေပြီး အသားရဲ့ မျက်နှာပြင်ပေါ်မှာ ကပ်ငြိသွားစေပါတယ်။ အသားတွေမှာ အဓိက ဖွဲ့စည်းမှု ပစ္စည်းဖြစ်တဲ့ အမိုင်နိုအက်ဆစ်တွေ၊ အပေါ်က လိမ်းကျန်ထားတဲ့ ကစီဓာတ်ပါတဲ့ အရည်တွေ၊ အသားထဲက Creatine ဆိုတဲ့ ပစ္စည်းတစ်မျိုးရယ်၊ မီးတောက်ရဲ့ မြင့်မားတဲ့ အပူချိန်ရယ် အားလုံး ပေါင်းစပ်ပြီး HCAs တွေ ဖြစ်လာစေပါတယ်။ ဒီဒြပ်ပေါင်းများဟာ အစာရေမျို၊ အစာအိမ်၊ အူမကြီး စတဲ့ အစာလမ်းကြောင်း တောက်လျောက်မှာ ကင်ဆာ ဖြစ်စေဖို့ အထူးအားပေးပါတယ်။ အကင်ကို တို့စားတဲ့ ဆော့စ်ထဲမှာ ဆိုးဆေးတွေပါ ပါလို့ကတော့ ကင်ဆာဖြစ်ဖို့ အဆင်းဘီးတပ်ပေးသလို ပါပဲ။ ဒီနေရာမှာ တစ်ခု ပြောလိုတာက အသားကင်တွေဟာ အဆိုးဆုံးဖြစ်သလို အသီးအရွက်ကင်တွေဟာလည်း အန္တရာယ် အနည်းငယ်စီ ရှိကြတယ် ဆိုတာပါပဲ။

ဒါကြောင့် အကင်မျိုးစုံ စားကြရင် ကင်ဆာအန္တရာယ်ကို အတိုင်းအတာ တစ်ခု အထိ လျှော့ချနိုင်တဲ့ နည်းလမ်းများကို ဖော်ပြပေးလိုက်ပါတယ်။ အကောင်းဆုံး နည်းတစ်ခုက သတ္တုအပါးပြား တစ်ခုခုကို ကင်မယ့်အသား လုံအောင် ထုတ်ပြီး ကင်တာ ဖြစ်ပါတယ်။ စားသောက်ဆိုင်တွေမှာ ခေါ်နေကြတဲ့ ခဲပတ် ဆိုတာကို ပြောတာ ဖြစ်ပါတယ်။ ဒါမျိုးသုံးရင် PAHs တွေ ဖြစ်ပေါ်ခြင်းကို အတော်လေး တားနိုင်တယ်လို့ သိရပါတယ်။ ကြိုချက်ပြုတ်ပြီးသား အသားတွေကို ကင်တာဟာလည်း ကင်တဲ့ အချိန် တိုသွားစေလို့ ကင်ဆာဖြစ်နိုင်စွမ်း လျှော့ချနိုင်ပါတယ်။ HCAs ဒြပ်ပေါင်းတွေဟာ တူးပြီး မီးခိုးရိုက်တဲ့ နေရာတွေ၊ အကျက်လွန်တဲ့ နေရာတွေမှာ အများဆုံး တည်ရှိနေလို့ ဒီလို နေရာတွေကို ဖယ်စားရင် သင့်ကျန်းမာရေးကို ဂရုစိုက်ရာ ရောက်စေပါတယ်။
အသားတွေ မချက်ခင် အထူးသဖြင့် မကင်ခင်မှာ ဆီနဲ့ အရသာ အမွှေးနံ့ ပေးတဲ့ ဖြည့်စွက်ပစ္စည်းတွေပါတဲ့ marinade ခေါ် အရောအနှော အရည်နဲ့ အချိန်အကြာကြီး နှပ်ထားခြင်းဟာလည်း ကင်ဆာဒြပ်ပေါင်းတွေ ဖြစ်ပေါ်ခြင်းကို အတိုင်းအတာ တစ်ခုအထိ ဟန့်တားနိုင်တယ်လို့ အာဟာရ ပညာရှင်များက ဆိုပါတယ်။ တော်ရိလျော်ရိ ဆီ၊ဆား၊ အချိုမှုန့်လောက်နဲ့ နှပ်တာ မဟုတ်ဘဲ ၀ိုင်၊ ရှာလကာရည်၊ မဆလာ၊ ဒိန်ချဉ်ရေကြည်၊ အချို့သော အပင်ထွက် ပစ္စည်းတွေ (ဥပမာ ခရမ်းချဉ်သီးဆော့စ်၊ သံပုရာရည်) စသဖြင့် နေရာဒေသ လူမျိုးအသီးသီးအလိုက် သုံးကြတဲ့ အာဟာရ တန်ဖိုးမြင့် marinade တွေနဲ့ နှပ်ပြီးမှ ကင်စားနိုင်ရင် အသင့်တော်ဆုံးပါပဲ။

Probe by : ဒေါက်တာသီဟသစ် Last Updated at 2011-09-06 on 08:58:10 1834 Hits
Ref:MMDailynews

၂၀၁၀ ခုနှစ်မှ စတင်ထွန်းတောက်လာမည့် အကောင်းဆုံး စီးပွားရေး အခွင့်အလမ်း (၈) ရပ်


အခု ဖော်ပြပေးမယ့် စီးပွားရေး အိုင်ဒီယာတွေဟာ ကမ္ဘာတစ်ဝန်းက ထိပ်တန်း စီးပွားရေး ပညာရှင်များက ၂၀၀၉ ခုနှစ်ကနေ စလို့ ကမ္ဘာ့စီးပွားရေး တိုးတက်မှု ပုံစံ အနေအထားများကို လေ့လာကာ အလားအလာအကောင်းဆုံး အသေသပ်အတိကျဆုံး အိုင်ဒီယာများကို စိစစ် ရွေးထုတ် ပေးထားတာတွေ ဖြစ်ပါတယ်။

ဒီ စီးပွားရေးနည်းလမ်းများဟာ ၂၀၁၀ ခုနှစ်ကစလို့ ကမ္ဘာ့ဈေးကွက်စီးပွားရေးစနစ်ရဲ့ နေရာအမျိုးမျိုးမှာ ထွန်းတောက်ကြီးပွားခြင်းကို ပေးစွမ်းနိုင်မှာ ဖြစ်ပြီး စီးပွားရေး စွန့်ဦးတီထွင်သူများ အတွက်လည်း အခွင့်အလမ်းကောင်းများ ဖြစ်ပါတယ်။

ဒါတွေကို လိုက်နာကျင့်သုံးမယ် ဆိုရင် မိမိလက်ရှိ လုပ်နေတဲ့ လုပ်ငန်း (သို့) လုပ်ဖို့ ရည်ရွယ်ထားတဲ့ လုပ်ငန်းနဲ့ လိုက်လျောညီထွေ ဖြစ်မယ့် နည်းလမ်းအချို့ကို သေချာ တွေးတော ရွေးချယ်ရမှာ ဖြစ်ပါတယ်။

ဒါ့အပြင် ဒီနည်းလမ်းတွေဟာ ကမ္ဘာတစ်ဝန်းလုံးအတွက် ယေဘုယျသဘော ဆောင်ပြီး ဖော်ပြထားတာ ဖြစ်တဲ့ အတွက် ဒီနည်းလမ်းတွေကို လက်တွေ့ အသုံးချတော့မယ် ဆိုရင် ဆရာဇော်ဂျီရဲ့ “စွယ်စုံလှ” ကဗျာလေးထဲကလို “ကိုယ့်ရေ ကိုယ့်မြေ၊ ကိုယ့်အခြေနှင့်၊ ကိုယ့်ခွန်ကိုယ့်အား၊ ကိုယ့်စွမ်းအားနှင့်၊ စည်းဝါးကိုက်ညီ၊ ညှိကြံစည်မှ တော်သည်ယူဆ၊ စွယ်စုံလှ” ဆိုတာကိုလည်း သတိချပ်သင့်ပါတယ်။

ကြီးပွားမယ့်နည်း ဆိုတာကလည်း အကောင်အထည် ဖော်မယ့် သူရဲ့ ကံ၊ ဥာဏ်၊ ၀ီရိယ ဆိုတဲ့ အရေးပါလှသော အချက်များအပေါ် အဓိက တည်မှီနေပါတယ်။ အခု ဒီဆောင်းပါးမှာ ကျွန်တော်တို့ အရှေ့တောင်အာရှ ဖွံ့ဖြိုးဆဲ နိုင်ငံများနဲ့ ကိုက်ညီတဲ့ စီးပွားရေး အခွင့်အလမ်း များကို ဦးစားပေး ကောက်နုတ် တင်ပြပေးထားပါတယ်။

(၁) အသေးစား စားသောက်ကုန် လုပ်ငန်းများ
ဒီနှစ်ပိုင်းတွေထဲမှာ အရသာ ကောင်းမွန်ပြီး အသွင်သဏ္ဍာန်အားဖြင့်လည်း လှပ တီထွင်ဆန်းသစ်မှု အပြည့်ပါတဲ့ အဆာပြေ စားသောက်ကုန် အမျိုးမျိုးကို တစ်နိုင်တစ်ပိုင် ကားကြီးကားငယ်တွေနဲ့ လိုက်ဖြန့်နေတဲ့ စားသောက်ကုန်လုပ်ငန်းတွေဟာ အရမ်းကို များပြားလာနေပါတယ်။ ဒီလို ရိုးရှင်းလှတဲ့ လုပ်ငန်းတွေရဲ့ အဓိက အားသာချက်တွေကတော့ …………

(၁) ရင်းနှီးမြှုပ်နှံမှု အရမ်းကြီးစရာ မလိုခြင်း (မိမိမှာ လက်ရှိရှိတဲ့ အရင်းအနှီးနဲ့ပဲ စလုပ်လို့ ရပါတယ်။ အောင်မြင်သွားမှ ပိုကြီးအောင် တိုးချဲ့ သွားလို့ ရပါတယ်။ စလုပ်လုပ်ချင်း တစ်နိုင်ငံလုံး သိတဲ့ အမှတ်တံဆိပ် တစ်ခု တန်းဖြစ်စရာ မလိုပါဘူး။ ပုံမှန်လုပ်သွားရင်ပဲ ကြီးပွားချမ်းသာနိုင်ပါတယ်။ ပြည်တွင်းက ယနေ့ နာမည်ကြီးနေတဲ့ စားသောက်ကုန် အများစုဟာ တစ်ချိန်က ဒီလိုပဲ စခဲ့ကြရတာ ဖြစ်ပါတယ်)

(၂) စားသောက်ကုန် ဈေးကွက်၏ သဘောသည် အသစ်ပြုလုပ်သူ မည်သူအတွက်မဆို နေရာ အထိုက်အလျောက် ရှိခြင်း (စားသုံးသူများဟာ မုန့်တစ်မျိုးတည်း ကိုပဲ၊ တံဆိပ်တစ်မျိုးထဲကိုပဲ နှစ်ရှည်လများ မစားချင်ကြသလို စားစရာ အမျိုးအစား အသစ် ပေါ်လာရင် စားချင်ကြတဲ့ အတွက် ဖြစ်ပါတယ်။ စားသောက်ကုန် တစ်ခုဟာ တကယ် အရည်အသွေးနဲ့ အရသာ ကောင်းပြီး ပေးဝယ်ရတဲ့ ဈေးနဲ့ ထိုက်တန်မယ် ဆိုရင် အရောင်းသွက်ပြီး စွန့်ဦးတီထွင်သူများကို စားသောက်ကုန်ဈေးကွက်မှာ နေရာတစ်ခု ရစေမှာ မလွဲပါဘူး)

ဒီလုပ်ငန်း အမျိုးအစားဟာ မကြီးကျယ်ဘူးလို့ ဆိုနိုင်ပေမယ့် ပုံမှန် လုပ်ငန်းလည်ပတ် နိုင်ဖို့ လွယ်ကူပြီး အမြတ်ငွေ ပုံမှန် ရရှိစေနိုင်မယ်လို့ ပညာရှင်များက သုံးသပ် တင်ပြထားပါတယ်။ သင့်ရဲ့ မုန့်လုပ်ငန်းက ၀န်ထမ်းတွေဟာ တကယ် စုဖွဲ့မှု ဟန်ချက်ညီလာပြီး အရည်အချင်း အတွေ့အကြုံ ပြည့်ဝလာချိန်မှာ သင်ဆက်တိုးချဲ့မယ့် လုပ်ငန်းတွေ အတွက်လည်း အထောက်အကူ ဖြစ်စေမှာ ဖြစ်ပါတယ်။


(၂) စားရိတ်နည်း၍ ထိရောက်သော ကြော်ငြာလုပ်ငန်းများ
လုပ်ငန်း အမျိုးအစားတွေ အရေအတွက်တွေ ကမ္ဘာကြီးမှာ တိုးနေတာနဲ့ အမျှ ကြော်ငြာလုပ်ငန်း တွေဟာလည်း တိုးတက်ကြီးပွား လာကြဦးမှာပါ။ ဘယ်လုပ်ငန်းမဆို ကြော်ငြာဖို့ လိုအပ်တာကိုး။ ဒီလို အခြေအနေမျိုးမှာ သင်က အဖိုးနည်း ၀န်ပါတဲ့ ကြော်ငြာမှုမျိုး ဖြစ်အောင် ၀န်ဆောင်မှု ပေးနိုင်ရင် သင့်ရဲ့ ကြော်ငြာလုပ်ငန်းဟာ လက်ကို လည်မှာတောင် မဟုတ်ဘူး။

ကြော်ငြာခြင်းဟာ ယနေ့ သတင်းအချက်အလက်နဲ့ ဆက်သွယ်ရေး နည်းပညာခေတ်မှာ ဈေးကွက်စီးပွားရေး စနစ်ရဲ့ အသက်ဝိဥာဉ်လို့ ဆိုရင် ဘယ်သူမှ ငြင်းနိုင်မယ် မထင်ပါဘူး။ ကျော်အောင် ညာနေကြတာပါ လို့ ဘယ်သူတွေ ဘယ်လိုပဲ ပြောကြပါစေ၊ ကြော်ငြာတဲ့ ကုန်ပစ္စည်းကိုမှ စားသုံးသူတွေက ယုံကြည်စိတ်ချစွာ သုံးစွဲချင်ကြတာပါ။ ကြော်ငြာအား ကောင်းကောင်းနဲ့ ရေပန်းစားနေတဲ့ အမှတ်တံဆိပ် ပစ္စည်းပါလို့တောင် ဂုဏ်ယူပြီး သုံးစွဲကြပါသေးတယ်။ ဒါကြောင့် ကြော်ငြာလုပ်ငန်းဟာ ကမ္ဘာတည်သရွေ့ အောင်မြင်တည်တံ့ နေမယ့် လုပ်ငန်းတစ်မျိုး ဖြစ်ပါတယ်။

သင်ဟာ အောင်မြင်တဲ့ ကြော်ငြာလုပ်ငန်း တစ်ခုကို ထူထောင် ပိုင်ဆိုင်ချင်တယ် ဆိုရင်တော့ ဦးစီးမယ့်သူ သင့်အတွက် အရေးကြီးဆုံး လိုအပ်ချက်ကတော့ သင်ဟာ သင့်ပတ်ဝန်းကျင် သင့်အ၀န်းအ၀ိုင်း ထဲက လူတွေသာမက အနည်းဆုံး သင့်နိုင်ငံက သင့်လူမျိုးတွေရဲ့ ဓလေ့စရိုက် နေထိုင်စားသောက်ပုံတို့ကို ကျွမ်းကျင်စွာ သိရှိနားလည်ထားရမှာ ဖြစ်ပြီး မိမိကြော်ငြာမယ့် ပစ္စည်းကို ဒီအချက်တွေနဲ့ အံဝင်ပြီး လူတွေ သဘောကျအောင် ချဉ်းကပ်နိုင်ဖို့ပဲ ဖြစ်ပါတယ်။ ထူးခြားပြီး ဆွဲဆောင်မှု ရှိတဲ့ ကြော်ငြာတွေ ဖန်တီးနိုင်ဖို့ ဒီအရည်အချင်းဟာ အလိုအပ်ဆုံး ဖြစ်ပါတယ်။

ဒုတိယလိုအပ်ချက်ကတော့ ပညာရှင်တွေပဲ ဖြစ်ပါတယ်။ အထက်ဖော်ပြပါ စိတ်ကူးဥာဏ် တီထွင်ဖန်တီးမှုမျိုး ရှိမယ့် သူတွေ ဖြစ်ဖို့ လိုသလို ကြော်ငြာပစ္စည်းတွေ အနုပညာမြောက် ဖန်တီးရာမှာလည်း ကျွမ်းကျင်ပိုင်နိုင်ပြီး စိတ်ပါလက်ပါ လုပ်မယ့်သူတွေ ဖြစ်ဖို့ လိုအပ်ပါတယ်။
ဒီလိုအပ်ချက်တွေ ဖြည့်ဆည်း စုဆောင်းနိုင်မယ်ဆိုရင် သင်ဟာ အချိန်တိုအတွင်း အောင်မြင်တဲ့ ကြော်ငြာ လုပ်ငန်းရှင် တစ်ယောက် ဖြစ်လာမှာ အသေအချာပါပဲ။

(၃) ကိုယ်တွင် ၀တ်ဆင်နိုင်သော ကျန်းမာရေး စောင့်ရှောက်မှု ကိရိယာများ
ယနေ့ ကမ္ဘာကြီးမှာ နည်းပညာရဲ့ တန်ဖိုးနဲ့ လက်မှာ ပတ်ထားရင် ကင်ဆာရောဂါကို အစောဆုံး ထောက်လှမ်းပြီး အချက်ပေးနိုင်တဲ့ ကင်ဆာချစ်ပ် (Cancer Chip) ဆိုတဲ့ ကိရိယာမျိုးလို ခေတ်မီ ဆန်းပြားလှတဲ့ အရာတွေကနေ သွေးပေါင်ချိန်၊ နှလုံးခုန်နှုန်း၊ သွေးထဲက အောက်စီဂျင်ရာခိုင်နှုန်း စတဲ့ ကျန်းမာရေးအတွက် အရေးကြီးလှတဲ့ အချက်များကို လက်မှာ ပတ်ထားရုံနဲ့ ဖော်ပြပေးနိုင်တဲ့ စက်ကိရိယာများ ပေါ်ပေါက်နေပြီ ဖြစ်ပါတယ်။

ဒီစက်တွေဟာ လက်ပတ်နာရီအနေနဲ့ တွဲထုတ်ထားတာလည်း ရှိပါတယ်။ ကျန်းမာရေး အခြေအနေကို စောင့်ကြည့်နေဖို့ လိုအပ်တဲ့ သူတွေအတွက် အထူး သင့်လျော်ပြီး လိုအပ်ပါတယ်။ ဈေးနှုန်းအားဖြင့်လည်း မကြီးလှတဲ့ အတွက် နောက်ဆို ဒီကိရိယာလေးတွေရဲ့ ဈေးကွက်ဟာ ကျန်းမာရေး အလေးထားသူတွေရဲ့ကြားမှာ ကမ္ဘာနဲ့အ၀န်း ကြီးကြီးမားမား ပေါ်ပေါက်လာမှာ သေချာနေပါတယ်။
ဒီတော့ နည်းပညာတွေကို မူပိုင်ဝယ်ယူပြီး ဖြန့်ဖြူးမယ့် လုပ်ငန်းနဲ့ တစ်ဆင့် မှာယူတင်သွင်းမယ့် လုပ်ငန်းများဟာ ၂၀၁၀ ကနေစလို့ တစ်နှစ်ထက် တစ်နှစ် အောင်မြင်ကျယ်ပြန့်လာမှာ အသေအချာပါပဲ။

(၄) နမူနာပေးသော ဆိုင်ငယ်များ၊ ကဖေးဆိုင်များနှင့် လက်တွန်းလှည်းဆိုင်လေးများ
နမူနာ (sample) ပေးတဲ့ ဈေးကွက်ချဲ့ထွင်ခြင်း အိုင်ဒီယာဟာ အသစ်အဆန်း မဟုတ်ပါဘူး။ ဒါပေမယ့် ကုန်ပစ္စည်း အမှတ်တံဆိပ်တွေ အများကြီးကို တာဝန်ယူ လက်ခံပြီး နမူနာပေးတဲ့ ဆိုင်တစ်ခုကို ကိုယ်က နေရာစိုက်ပေးပြီး ထူထောင်မယ် ဆိုရင် သူတို့ရဲ့ ၀န်ထမ်းအင်အားနဲ့ အချိန်ကို ချွေတာချင်တဲ့ ကုမ္ပဏီတွေက သူတို့ရဲ့ နမူနာပစ္စည်းတွေ ကြော်ငြာပစ္စည်းတွေကို လာပေးကြမှာ အမှန်ပါပဲ။

(ဒီလိုလုပ်တာကို tryvertising ဆိုတဲ့ ဝေါဟာရအသစ် အနေနဲ့ http://www.trendwatching.com/ ဆိုက်ကနေ စတင် သတ်မှတ် သုံးစွဲ ခဲ့ပါတယ်။ ဒါဟာ အခုချိန်ထိ တကယ်ကို သစ်ဆန်းသေးတဲ့ marketing idea တစ်ခု ဖြစ်ပါတယ်)

လူတွေကို ကုန်ပစ္စည်း အသစ်အဆန်းလေးတွေ ပေးသုံးတဲ့ ဒီဆိုင်မျိုးလေးတွေရဲ့ ကမ်းလှမ်းမှုဟာ အရမ်းကို ကောင်းမွန်တဲ့ အတွက် လူတိုင်းကို သဘောကျစေမှာပါ။ တကယ့် ပစ္စည်းအသစ်အဆန်းတွေရဲ့ ရသကို မြည်းစမ်း သုံးစွဲ လိုတဲ့ စားသုံးသူတွေဟာ နမူနာပေးတာကို သဘောကျကြတာ အသေအချာ ပါပဲ။

ဒီလို နမူနာ ပေးတာ မဆန်းပေမယ့် တစ်နေရာထဲကို လာရရုံနဲ့ နမူနာပစ္စည်းတွေ တစ်ပွေ့တစ်ပိုက်ကြီး ရရှိမှာကို သဘောကျတဲ့အတွက် ဒီအချက်နဲ့ ဈေးဝယ်သူတွေ အများကြီးကို ကြော်ငြာ ဧရိယာမှာ နေ့စဉ် စုစည်းထားသလို ဖြစ်တဲ့အတွက် အရမ်းထိရောက်တဲ့ ကြော်ငြာခြင်းလည်း ဖြစ်စေပြီး ကိုယ့်ဆိုင်ဟာ ကုမ္ပဏီပေါင်းစုံ နဲ့လည်း ရေရှည် လက်တွဲမိစေကာ အဆိုပါကုမ္ပဏီများရဲ့ ကိုယ်စားလှယ် အထိ တိုးတက်လုပ်ဆောင် သွားနိုင်မယ့် အလားအလာတွေ သင်ပိုင်ဆိုင်လာမှာပါ။

ဒီနည်းလမ်းနဲ့ ဈေးကွက် ချဲ့ထွင် ရှာဖွေမှုဟာ စပိန်၊ ဂျပန် နဲ့ ဘယ်လ်ဂျီယမ် စတဲ့ နိုင်ငံများစွာမှာ အောင်မြင်မှု ရရှိနေပြီး ၂၀၁၀ ခုနှစ်ကစလို့ ကမ္ဘာအနှံ့ ပျံ့နှံ့သွားဖွယ် ရှိတယ်လို့ ပညာရှင်များက တွက်ဆ ထားကြပါတယ်။

(၅) စီးပွားရေးလုပ်ငန်းလုံခြုံရေး ဆိုင်ရာ လုပ်ငန်းများ
များပြားလှတဲ့ လုပ်ငန်းတွေ၊ စီးပွားရေး အဖွဲ့အစည်းဟာ ဒီကမ္ဘာကြီးပေါ်မှာ နေ့စဉ်နဲ့အမျှ အရေအတွက်ကော အရွယ်အစားပါ ကြီးမားလာနေသလို ၄င်းတို့ရဲ့ စီးပွားရေးကို လုံခြုံစိတ်ချရအောင် အဖက်ဖက်က ကာကွယ်ပေးမယ့် လုပ်ငန်းလုံခြုံရေး (Business Security) လုပ်ငန်းမျိုးစုံ ဟာလည်း အခွင့်အလမ်းကောင်းတွေနဲ့ ကြီးပွားမှုကို ပေးစွမ်းနိုင်လာမှာ တွေးကြည့်ရင် သိနိုင်ပါတယ်။

လုံခြုံရေး ၀န်ဆောင်မှုတွေ ထဲမှာ Biometric Security System လို့ခေါ်တဲ့ လက်ဗွေ၊ မျက်စိ၊ မျက်နှာ လူရဲ့ ခန္ဓာကိုယ် အစိတ်အပိုင်း တစ်ခုခုကို စစ်ဆေးပြီး ၀င်ခွင့်၊ ရုံးတက်ချိန် စတာတွေကို ထိန်းချုပ်တဲ့ လုံခြံရေး စနစ် အပေါ့စားတွေကနေ ပိုင်နက်လုံခြုံရေး အတွက် အချက်ပေးစနစ် လိုမျိုး အကြီးစား တွေအထိ ပါဝင်ပါတယ်။ ပုဂ္ဂလိက လုပ်ငန်းတွေ အတော်များများမှာ CCTV ကင်မရာတွေ တပ်ဆင်လာကြတာ ကလည်း လုံခြုံရေးစနစ် ၀န်ဆောင်မှုကို ပေးတဲ့ လုပ်ငန်းတွေအတွက် ခေတ်ကပေးတဲ့ အခွင့်အလမ်း တစ်ခုလို့ ဆိုနိုင်ပါတယ်။

(၆) သေသပ်ပေါ့ပါးသော ခေါင်မိုးတပ် ဆိုလာပြားများနှင့် လေရဟတ်စက်များ
ကမ္ဘာကြီးဟာ ဖန်လုံအိမ် အာနိသင် သက်ရောက်မှု များတဲ့ စွမ်းအင်တွေကို ချွေတာသုံးစွဲမှ ဖြစ်တော့မယ့် အခြေအနေကို ရောက်လာပြီ ဖြစ်တဲ့အတွက် ဒီလုပ်ငန်းတွေဟာ တကယ် ခေတ်ကောင်းလာတော့မှာ ဖြစ်ပါတယ်။

ဒီလုပ်ငန်းကို လုပ်မယ်ဆိုရင် သတိပြုစရာ တစ်ချက်က တချို့လူတွေက နေရောင်ခြည်၊ လေ စတဲ့ သဘာဝ စွမ်းအင်တွေကနေ လျှပ်စစ်ရစေတဲ့ ဆိုလာပြားတွေ၊ လေရဟတ်တာဘိုင်တွေကို ၀ယ်မသုံးချင်ကြတာ ကုန်ကျစားရိတ်ကြောင့် မဟုတ်ဘဲ ၄င်းတို့ကို နေအိမ်တွေမှာ တပ်ဆင်ရာမှာ သေသပ်လှပ ကြည့်ကောင်းမှု မရှိလို့ ဖြစ်တယ်လို့ စစ်တမ်းများက အဆိုပြု ပါတယ်။

ထူးချွန်ထက်မြက်လှတဲ့ ကမ္ဘာ့အင်ဂျင်နီယာများကလည်း ဒီပစ္စည်းတွေကို လူတွေ သုံးစွဲချင်လာအောင် သေသပ်လှပစွာ တီထွင်ဖန်တီး ပေးလိုက်ပြန်ပါတယ်။ ဒါကြောင့် အခုဆိုရင် ခေါင်မိုးပေါ်မှာ တပ်ထားတာကို အောက်ကကြည့်ရင် မမြင်ရတဲ့ လေရဟတ်တွေ၊ အုတ်ကြွပ် အမိုးပြား နေရာမှာ ထည့်မိုးလို့ ရတဲ့ ဆိုလာပြားတွေ စသဖြင့် ပေါ်ပေါက်နေပြီ ဖြစ်ပါတယ်။ ဒါတွေဟာ သေးငယ်ပေါ့ပါးသလို စွမ်းအင်ထုတ်ပေးနိုင်တဲ့ ပမာဏမှာလည်း မြင့်မားလို့ ကမ္ဘာတစ်ဝန်းလုံးမှာ ၀ယ်လိုအားတွေ မြင့်မားလာဖို့ သေချာသလောက်ပါပဲ။

ဒီပစ္စည်းတွေရဲ့ အကြီးမားဆုံး အားသာချက်ဟာ ကနဦးတပ်ဆင်စားရိတ် များသလို ရှိပေမယ့် နောက်ပိုင်း ဘယ်အရင်းမှ ထပ်စိုက်စရာ မလိုတော့ပဲနဲ့ စွမ်းအင်တွေ သုံးစွဲခွင့်ရတာ ဖြစ်လို့ ကုန်ထုတ်လုပ်ငန်းများ အတွက် အထူး ဆွဲဆောင်မှု ရှိနေပါတယ်။

(၇) လူမှုဆက်သွယ်ရေး မီဒီယာ လုပ်ငန်းများ
လူဦးရေ ဆက်တိုက် များပြား တိုးမြင့်လာနေတဲ့ ယနေ့ကမ္ဘာကြီးမှာ သတင်းအချက်အလက်တွေကို လူတွေက အချိန်တိုင်း ဦးဖျားစောစီးစွာ သိလိုကြပါတယ်။ ကမ္ဘာ့လူသားတွေဟာ မနက်ခင်းမှာ မနက်စာနဲ့ အတူတူ ကမ္ဘာကြီးရဲ့ သတင်းတွေကို ဆာလောင်နေကြတာမို့ ဂျာနယ်၊ မဂ္ဂဇင်း၊ ရုပ်မြင်သံကြား၊ ၀က်ဘ်ဆိုက် စတာတွေဟာ ယနေ့ ခေတ်ရဲ့ အစိတ်အပိုင်းများထဲမှာ အသီးသီး ပါဝင်နေကြပြီ ဖြစ်ပါတယ်။

ဒါ့အပြင် ဒီလုပ်ငန်း တွေဟာ လူတွေနဲ့ ထိတွေ့မှု အရမ်းများပြီး လူထုရဲ့ စိတ်ကူးတွေ ခံစားချက်တွေအပေါ် သြဇာလွှမ်းမိုးမှု အထိုက်အလျောက် ရှိတဲ့ လုပ်ငန်းတွေမို့ ကြော်ငြာတွေကနေ ရတဲ့ ၀င်ငွေအနေနဲ့လည်း အကျိုးအမြတ် ၀င်ငွေကောင်းတဲ့ လုပ်ငန်းတွေ ဖြစ်ပါတယ်။

ဒီလို မီဒီယာတွေထဲကမှ ပေါ်ပင်ဆန်ဆန် လုပ်ပြီး ကြော်ငြာခတွေနဲ့ ငွေနောက်ကိုပဲ လိုက်မနေဘဲ လူထုရဲ့ ပညာရေး၊ လူမှုရေး၊ ကျန်းမာရေး၊ နိုင်ငံရေး စတဲ့ အချက်တွေ အပေါ် ကောင်းမွန် မှန်ကန်တဲ့ အသိဥာဏ်ပညာတွေ မျှဝေပေးနိုင်မယ် ဆိုရင် သင့်ရဲ့ မီဒီယာ အမှတ်တံဆိပ်ဟာ အားလုံးသော လူတွေရဲ့ ရိုသေလေးစားမှု (Respect) ကို ရရှိပြီး ကမ္ဘာတည်သရွေ့ တည်တံ့နေမှာ ဖြစ်ပါတယ်။

(၈) အစိမ်းရောင် နည်းပညာနှင့် အစိမ်းရောင် ဆောက်လုပ်ရေး လုပ်ငန်းများ
ပတ်ဝန်းကျင် ထိန်းသိမ်းရေးကို ကမ္ဘာနဲ့အ၀ှမ်း လှုံ့ဆော်မှုတွေ လုပ်လာကြတဲ့အတွက် စားသုံးသူ အများစုဟာ ပတ်ဝန်းကျင် ထိခိုက်ပျက်ယွင်းမှု နည်းပါးစေတဲ့ နည်းပညာ (Green Technology) တွေ သုံးပြီး ဖန်တီးတဲ့ ကုန်ပစ္စည်းတွေကို ၀ယ်ယူရကောင်းမှန်း သိလာကြပါတယ်။
အာဏာပိုင် အဖွဲ့အစည်းတွေကလည်း လူသားတွေ အားလုံးရဲ့ အကျိုးအတွက် ဒီလို နည်းပညာတွေ သုံးစွဲခြင်းကို ဥပဒေတွေ ရေးဆွဲပြီး စီးပွားရေး အခွင့်အလမ်းတွေ ပေးကာ အားပေးပျိုးထောင်လျက် ရှိတဲ့ အတွက် ဒီလုပ်ငန်း အမျိုးမျိုးတွေဟာလည်း စဉ်းစားသင့်တဲ့ လုပ်ငန်းကောင်းများ ဖြစ်ကြောင်း တင်ပြပေး လိုက်ပါတယ်။


Probe by : ရဲဘုန်းမင်း Last Updated at 2010-09-20 on 03:12:39 965 Hits
Ref:MMDailynews

လူတိုင်း ကြုံရနိုင်တဲ့ သက်လတ်ပိုင်း စိတ်ဂယက် (Mid-life Crisis)

(၁)
အသက် ၄၀ နားနီးကနေ ၆၀ နှစ်ကြားထဲက လူတိုင်း ဖြစ်နိုင်သလို အဲဒီအသက် မရောက်သေးသူ လူငယ်များလည်း မဖြစ်မနေ သိရှိ မှတ်သားထားသင့်တဲ့ ရောဂါတစ်ခုအကြောင်း ကျွန်တော် ရေးသားဖော်ပြပေးလိုက်ပါတယ်။

(၂)
ငါ့ရဲ့ အသက်ရှင် ဖြစ်တည်နေမှုရဲ့ အနှစ်သာရက ဘာလဲ။ ဘ၀ရဲ့ အနှစ်သာရဆိုတာ ဘာများလဲကွယ်။ မှန်ကြည့်တိုင်း ငါ့ကို ပြန်ငေးစိုက်ကြည့်နေတဲ့ သူဟာ ဘယ်သူလဲ။ ဟူး…………. တစ်ခါတစ်လေ ကိုယ့်ကိုယ်ကိုတောင် မမှတ်မိချင်တော့ဘူး။ ငါရူးများ ရူးသွားပြီလား……..။



လောကကြီးကိုက နားလည်မှု၊ စောင့်စည်းမှုတွေ မရှိတော့တာ အရမ်းစိတ်ပျက်စရာ ကောင်းတယ်။ ငါ့ဟာငါ ဘာလိုချင် ဘာဆက်ဖြစ်ချင်မှန်းတော့ မသိတော့ဘူး။ အရာအားလုံးဟာ စိတ်ကုန်စရာလို့ပဲ ခံစားနေရတယ်။ ပြန်တွေးကြည့်ရင် ငါ့ဘ၀က အကုန်လုံး အလိုမကျစရာ၊ နောင်တရစရာတွေချည်းပဲ။ တစ်ချိန်က အရူးအမူး ငါကြိုးစားခဲ့တာတွေ အခုတော့လည်း ဘာမှ မဟုတ်သလိုပဲ။ ငါ့မိသားစုအတွက် ငါ့အသိုင်းအ၀ိုင်းအတွက် ငါအနစ်နာခံ ပေးဆပ်ခဲ့ရတာတွေ တကယ်တမ်းကျ မတန်ဘူး………….။

အခုကျတော့ အရာအားလုံး ပြောင်းလဲ သွားခဲ့ပြီ။ ငါ့ဘ၀ရဲ့ ကောင်းတဲ့အချိန်တွေ၊ ထက်မြက်နုပျိုတဲ့ အချိန်တွေ ကျန်ခဲ့ပြီ။ ပြန်မရနိုင်တော့တာ အသေအချာပဲ။ ရှေ့လျှောက် ကောင်းဖို့လည်း မမြင်တော့ဘူး။ ငါအသက်ကြီးလာပြီလေ။ အိုလာပြီ။ ရုပ်ကျသွားတာ အရမ်းသိသာတာပဲ။ သက်လတ်ပိုင်းဆိုတာ လူငယ်ဘ၀ရဲ့ ရင်ခုန်စွဲမက်စရာ ပိုင်ဆိုင်မှုအတော်များများကို မြေမြှုပ်သဂြိုင်္လ်လိုက်ရတဲ့ အချိန်ထင်တယ်။ နောက်ထပ် ကြုံတွေ့ရမယ့် ဘ၀ရဲ့ စာမျက်နှာ သစ်တွေ ဘယ်လောက်မှ ကျန်တော့မယ် မထင်ဘူး။ ရှေ့ကို မျှော်ကြည့်တော့လည်း ………. အို…..ဘ၀ဆိုတာ တကယ်တမ်းတော့ ထွေထွေထူးထူး နှစ်သက်စရာ မကောင်းလှပါဘူး။ အကုန်လုံးက မသေချာ မရေရာတာနဲ့ စမ်းတ၀ါးဝါးနိုင်လိုက်တာ။

ပြောလိုက်ကြတာများ ဘာတဲ့။ ဘ၀ဆိုတာ တိုက်ပွဲဆိုလားပဲ။ တကယ်တမ်းသာ အဲလိုဆိုရင် ငါဟာနှစ်ရှည်လများ တိုက်ခဲ့တဲ့ တိုက်ပွဲပြီးသွားလို့ ဗုံးဆံတွေ ယမ်းငွေ့တွေကြား အားပြတ်လဲကျနေလို့ အိမ်မပြန်ရသေးတဲ့ စစ်သားအိုကြီးတစ်ယောက်ပဲ ဖြစ်မှာပဲ။ ငါ့မှာ အဖော်ကောင်းရယ်လို့မှ မရှိတော့တာ။

ငါလိုလားတောင့်တခဲ့တဲ့ အရာတွေကရော…….. ရောက်ချင်ခဲ့တဲ့ ပန်းတိုင်တွေကရော……. အကုန်လေးလံ နှေးကွေးနေတာပဲ။ ဘ၀ဆိုတာ ဘယ်လိုဖြစ်သင့်သလဲ ဆိုတဲ့ မေးခွန်းရဲ့ ထောင်ချောက်ထဲမှာ ငါပိတ်မိနေပြီ။ အရင်တုန်းက ဒီအနေအထားတွေနဲ့ ငါတင်းတိမ်ရောင့်ရဲခဲ့တာတော့ မှန်တယ်။ ဒါပေမဲ့ အခုတော့ ငါမပျော်တော့ဘူး။ မတင်းတိမ်မရောင့်ရဲ နိုင်တော့ဘူး။ လက်ရှိရှိနေတဲ့ မိသားစုဟာလည်း မွန်းကြပ်စရာပဲ။ ငါအကုန်လုံးကို မကျေနပ်တော့ဘူး။ အပြောင်းအလဲ ပျော်စရာတွေ ငါလုပ်နိုင်ပါဦးမလား။ ငါ့အသက်က ကြီးနေပြီလေ။ သေခြင်းတရားနဲ့ တွေ့ရဖို့ သိပ်အများကြီးမလိုတော့တဲ့ လူတစ်ယောက်က ဘာတွေများ ပျော်စရာတွေ ဖန်တီးနိုင်ဦးမှာလဲကွယ်………။



ငါနေ့တိုင်း လုပ်နေရတဲ့ အလုပ်တွေဟာ သိပ်ပျင်းစရာကောင်းတာပဲ။ ဆက်မလုပ်ချင်တော့ဘူး။ ထွက်ပြီး အလုပ်အသစ်ပြောင်းရင် ကောင်းမလား။ ဟုတ်တယ်။ ငါ့ဘ၀ရဲ့ ပျော်ရွှင်မှု အသစ်အဆန်းတွေ၊ ရင်ခုန်ကြည်နူးရမှုတွေကို ငါ့ဟာငါ ဖန်တီးရှာဖွေမယ်။ ငွေနဲ့ ၀ယ်လို့ရသမျှ ၀ယ်မယ်။ ငါမအိုသေးဘူး ဆိုတာမျိုး ရအောင်နေပြမယ်။

ဟူး…….. ဒါပေမဲ့လည်း ဘယ်က စပြောင်းလဲရမှန်း မသိပါလားနော်။

(၃)
စာပိုဒ် အမှတ် (၂) မှာ ဖော်ပြခဲ့တဲ့ စိတ္တဇဆန်ဆန် အတွေးတွေဟာ ၀တ္ထုဆန်အောင်၊ ရသမြောက်အဖွဲ့ဆန်အောင် အနုပညာဈာန်နဲ့ ဖန်တီးရေးသားထားတာ မဟုတ်ပါဘူး။ ဒါတွေဟာ သက်လတ်ပိုင်း စိတ်ဂယက် (Midlife Crisis) ရဲ့ ထင်ရှားပေါ်လွင်တဲ့ လက္ခဏာများပဲ ဖြစ်ပါတယ်။ သင်ဟာ အသက် ၄၀ ပြည့်ပြီးသူ တစ်ဦးဖြစ်ပြီး အထက်ပါ အတွေးတွေအတိုင်း နေ့စဉ်ရက်ဆက် တွေးမိနေပါက သက်လတ်ပိုင်းစိတ်ဂယက် ဝေဒနာ ခံစားနေရပြီလို့ ဆိုနိုင်ပါတယ်။
(၄)



Mid-life Crisis ဆိုတဲ့ ဝေါဟာရကို အနောက်တိုင်း လူ့အဖွဲ့အစည်းမှာ ၁၉၆၅ ခုနှစ်က အီးလီးယက် ဂျက်ခ် ဆိုသူက စတင်သုံးစွဲခဲ့ပြီး အဆိုပါ စကားလုံးဟာ သက်လတ်ပိုင်း ရောက်နေတဲ့ လူအချို့ ငယ်ရွယ်နုမျစ်မှုရဲ့ စွမ်းရည်တွေ ကျဆင်းလာကာ အိုမင်းလာမှုကို သတိထားမိစပြုလာတဲ့ အချိန်မှာ အလိုမကျခြင်း ပြင်းစွာ ဖြစ်ရတဲ့ ကာလတစ်ခုကို ကိုယ်စားပြုခဲ့ပါတယ်။ ဒါပေမဲ့ အဲဒီစကားလုံးဟာ တဖြည်ဖြည်း ကျယ်ပြန့်တဲ့ သဘောမျိုး ဆောင်လာပါတယ်။ သက်လတ်ပိုင်း စိတ်ဂယက်ကို ခံစားသက်ရောက်စေတဲ့ အချက်တွေထဲမှာ ကိုယ့်ရဲ့ အိမ်ထောင်ဖက်က ဖောက်ပြန်ခြင်း၊ ကိုယ်တိုင်ဖောက်ပြန်မိ၍ ပတ်ဝန်းကျင်၏ ကဲ့ရဲ့မှုကို ခံရခြင်း၊ အမျိုးသားသဘာဝ စွမ်းဆောင်နိုင်မှု ကျဆင်းခြင်း၊ အမျိုးသမီးများ သွေးဆုံးခြင်း၊ ဘ၀လက်တွဲဖော် (သို့) ချစ်ခင်ရသူ အရင်းအချာ တစ်ဦးဦး ကွယ်လွန်သွားခြင်း၊ အလုပ်လက်မဲ့ ဖြစ်သွားခြင်း၊ ရာထူးကျခြင်း၊ လက်ရှိ အလုပ်သည် မုန်းစရာကောင်းသည်ဟု ခံစားနေရသော်လည်း တူမျှသော ၀င်ငွေ ဆက်ရနေအောင် အလုပ်မပြောင်းနိုင်သေးသဖြင့် လက်ရှိအလုပ်ကိုပဲ ဇွတ်ပေလုပ်နေရခြင်း၊ သားသမီးများ အရွယ်ရောက်ကာ အကြောင်းအမျိုးမျိုးကြောင့် ခွဲခွာသွားခြင်း စသည့် ဘ၀နှင့်ချီ စိတ်ထိခိုက်ရသော ထိုးနှက်ချက်များ ပါဝင်ကြောင်း တွေ့ရပါတယ်။

ဒီတော့ စောစောက ဖော်ပြခဲ့တဲ့ ဂယောက်ဂယက် အတွေးပေါင်းစုံ ၀င်လာပြီး ကိုယ့်ရဲ့ ပိုင်ဆိုင်မှု၊ ရုပ်ရည်၊ ကိုယ်ရည်ကိုယ်သွေး စတဲ့ အချက်တွေအပေါ် အားမလိုအားမရ ခံစားလာရခြင်းကို သက်လတ်ပိုင်းစိတ်ဂယက်လို့ ခေါ်တာပါ။ အသက် ၄၀ နဲ့ ၆၀ ကြားမှာပဲ ဖြစ်တတ်တယ်လို့ တွေ့ရှိထားပေမယ့် ရုပ်ဝတ္ထုပစ္စည်း ကိုးကွယ်မှု အားကောင်းလာတဲ့ ယနေ့ခေတ်မှာဆိုရင် ၃၅ နှစ်အထက် လူတွေလည်း ထည့်သွင်းစဉ်းစားဖို့ သင့်ပြီလို့ ကျွန်တော့်ရဲ့ အတွေ့အကြုံအရ ဆိုချင်ပါတယ်။



အဲဒီလို မကျေနပ်မှုတွေဟာ အရင်နဲ့ လုံးဝမတူတဲ့ အမူအကျင့် နေပုံထိုင်ပုံတွေကို ပြောင်းလဲကျင့်သုံးမိခြင်းဖြင့် ပွင့်ကန်ထွက်ကုန်ပါတယ်။ အိမ်ထောင်မရှိသေးသူများ အဆင်ပြေသလို ပြုပစ်လိုက်ခြင်း၊ အိမ်ထောင်ရှိသူများ အချစ်သစ် ရှာချင်လာခြင်း၊ ပြည့်စုံသူများက တကယ့်ဈေးကြီးပါပေ့ ဆိုသော လူတိုင်းငေးလောက်သည့် အသုံးအဆောင်များ (ဥပမာ ယာဉ်၊ အီလက်ထရောနစ်ပစ္စည်း) ၀ယ်ယူသုံးစွဲပစ်ခြင်း၊ ခန္ဓာကိုယ်ကို လှပအောင် အသစ်တစ်ဖန် အလှဆင် မွမ်းမံခြင်း (အလှပြင်ဆိုင် မှန်မှန် သွားခြင်း၊ မူးယစ်သေစာ သောက်စားဖြစ်လာခြင်း စတာတွေ အရင်က မလုပ်ဖူးရင်တောင် လုပ်ဖြစ်လာကြပါတယ်။ ကလေးယူတာ နောက်ကျလို့ အဲဒီအချိန်မှာ ငယ်ရွယ်သေးတဲ့ သားသမီးတွေ ရှိနေသေးရင် အဲဒီ ကလေးတွေကို ကျောင်းစာ၊ အားကစား၊ ဘာသာစကား စတဲ့ ဘက်စုံမှာ အလွန်အမင်း တော်စေလွန်းလို့ အတင်းအကြပ်ဖိအားပေးရင်း မိဘနဲ့ သားသမီးကြား ပဋိပက္ခ ပိုဆိုးလာတာ တွေ့ရလေ့ ရှိပါတယ်။ မိဘတွေ ဖက်ကတော့ စေတနာနဲ့ပါ ဆိုပေမယ့် သူ့ဟာသူ Mid-life Crisis ခံစားနေရတဲ့ ရောင်ပြန်ကို သားသမီးတွေ အပေါ် လာဟပ်တာတော့ အသိနဲ့ ထိန်းရမယ့် ကိစ္စပါပဲ။

လေ့လာမှု တစ်ရပ်အရ ဖွံ့ဖြိုးပြီး အနောက်နိုင်ငံတွေမှာ သက်လတ်ပိုင်း စိတ်ဂယက် ဆိုတာ လူ ၁၀ ယောက်မှာ တစ်ယောက် ဘ၀မှာ မလွဲမသွေ ကြုံတွေ့ရလေ့ ရှိပြီး အဲဒါကြောင့် နိုင်ငံအတွင်းမှာ ရှိတဲ့ ကားအကောင်းစားတွေ (အထူးသဖြင့် လူငယ်တွေ စီးတဲ့ ပြိုင်ကားတွေ) ၊ ပင်လယ်စီး စပိဘုတ်တွေ၊ တစ်ကိုယ်ရည်သုံး ဇိမ်ခံအီလက်ထရောနစ် ပစ္စည်းတွေဟာ အရမ်းရောင်းရပါသတဲ့။ တစ်ဦးတစ်ယောက်ခြင်း ပစ္စည်းဝယ်နိုင်စွမ်း (Purchasing Power) မြင့်တဲ့ ဖွံ့ဖြိုးပြီးနိုင်ငံ တစ်ခုရဲ့ တစ်နိုင်ငံလုံး လူဦးရေ ၁၀% က ၀ိုင်းဝယ်တာ ဆိုတော့ စဉ်းစားသာကြည့်ပေတော့။

ဘာလို့ အဲဒီလို လုပ်ကြသလဲ ဆိုတော့ မသ်ိစိတ်ထဲက ဘာမှန်းမသိတဲ့ စိတ်ကူးပန်းတိုင် အိပ်မက်ကို ဖွေရှာဖြည့်ဆည်းချင်ကြလို့ပါ။ ခက်တာက ပန်းတိုင်က ဘာမှန်းမသိလို့ စိတ်ရူးပေါက်ရာ လျှောက်လုပ်ကြတာပေါ့။ ဒါ့အပြင် မပြီးပြတ်သေးတဲ့ (သို့) မလုပ်နိုင်လောက်တော့တဲ့ စိတ်ကူးတွေအတွက်လည်း ကိုယ့်ကိုယ်ကို အပြစ်တင်မိနေတာကိုး။ ရွယ်တူတန်းတူတွေ ကိုယ့်ထက်အောင်မြင်တာ တွေ့တိုင်းလည်း ရှက်ရွံ့အားငယ်စိတ်ကို ရင်ထဲကြိတ်ခံစားထားရတာလည်း ပါပါတယ်။ ဒီတော့ နုပျိုခြင်းကို ရရှိနိုင်တယ်လို့ ထင်တဲ့ အသုံးအဆောင်တွေ သုံးတယ်။ တချို့ဆို လူငယ်တွေ၊ အသိုင်းအ၀ိုင်းသစ်တွေနဲ့ ပြောင်းပြီး သွားပေါင်းတာ တွေ့ရပါတယ်။ အသက်ကြီးမှ သင်းကွဲတယ်ဆိုတာ အဲဒါပေါ့။

(၅)
ဒီနေရာမှာ mmDailyNews ရဲ့ စာဖတ်ပရိသတ်များရဲ့ ရင်ထဲမှာ မတင်မကျ ဖြစ်နေတာ တစ်ခု ရှိနေမယ်လို့ ကျွန်တော်သိနေပါတယ်။ ဟုတ်တယ်လေ။ အထက်မှာ ဖော်ပြခဲ့တဲ့ အတွေးတွေ၊ လုပ်ရပ်တွေ ဆိုတာ နေ့စဉ်ဘ၀ လူအတော်များများ စိတ်ထဲ ပေါ်နေကျ အရာတွေ ဖြစ်ပြီး ဒါတွေက ဘယ်လိုကျန်းမာရေးကို ထိခိုက်စေလို့လဲ / ကျန်းမာရေးဆောင်းပါးရှင် တစ်ယောက်ဖြစ်တဲ့ ကျွန်တော်က ဘာတွေ လာပြောနေသလဲ ဆိုတာမျိုးပေါ့။

Mid-Life Crisis ဟာ အမျိုးသားတွေကော အမျိုးသမီးတွေရဲ့ ကျန်းမာရေးတွေကို မတူညီတဲ့ နည်းလမ်းတွေနဲ့ ထိုးနှက်ဖျက်ဆီးပါတယ်။ သက်လတ်ပိုင်း စိတ်ဂယက် ခံစားရသူ အမျိုးသား ၅ ယောက်မှာ ၄ ယောက်ဟာ အရက်ရဲ့ ကျေးကျွန် ဖြစ်သွားတာ တွေ့ရပါတယ်။ အသက်ကြီးမှ အရက်ပြင်းပြင်းထန်ထန် သောက်ဖြစ်သွားတဲ့ ၄င်းတို့ဟာ အသည်းအဆီဖုံး/ခြောက်၊ အသည်းကင်ဆာ စတဲ့ ရောဂါဆိုးတွေနဲ့ ဆေးရုံကုတင်ပေါ် ၅ နှစ်ကနေ ၇ နှစ်အတွင်း သေချာပေါက် ရောက်လာကြပါတယ်။ တခြားမူးယစ်ဆေးဝါး ဆိုရင်တော့ သေနိုင်စွမ်းက အရက်ထက် စောမှာ သေချာပါတယ်။ ဒါက ပထမအချက်ပါ။

အဲလို အသက်အရွယ် အမျိုးသားတွေမှာ မူးယစ်သေစာကြောင့် ယာဉ်တိုက်မှု ဖြစ်တဲ့ နှုန်းတွေ၊ မတော်တဆ ထိခိုက်မှု ဖြစ်တဲ့ နှုန်းတွေ မြင့်မားနေတဲ့ အချက်က အတော်လေး သိသာပါတယ်။ ဒါက ဒုတိယအချက်ပေါ့။



တတိယ အချက် ပြောရမယ် ဆိုရင် လိင်မှု ဆိုင်ရာ ကိစ္စတွေမှာ အဆင်အခြင်မဲ့ ကျင့်သုံးမယ်ဆိုရင် HIV အပါအ၀င် လိင်မှတစ်ဆင့် ကူးစက်တတ်သော ရောဂါပေါင်းစုံ ကူးဖို့ အခွင့်အလမ်း မြင့်ပါတယ်။ ကွန်ဒုံးသုံးတယ်ဆိုပေမယ့် မူးယစ်ရီဝေနေချိန်မှာ၊ စိတ်လေနေချိန်မှာ သုံးပုံစနစ်မကျတာလေး တစ်ခါတည်းနဲ့ HIV POSITIVE ဖြစ်သွားသူတွေ ခဏခဏ တွေ့နေရပါတယ်။ ဒီသုံးချက်ဟာ အမျိုးသားတွေ အတွက် Mid-life Crisis ရဲ့ အထူးအန္တရာယ် များတဲ့ နောက်ဆက်တွဲ သုံးခုပါ။

အမျိုးသမီးတွေကျတော့ သွေးဆုံးခါနီးလာလို့ မ ဟော်မုန်း အားနည်းလာကာ တရှောင်ရှောင်တပိန်ပိန်နဲ့ ဝေဒနာလေးများ ပေါ်လာတတ်ပါတယ်။ စားမ၀င်၊ အိပ်မပျော်တာ၊ အရိုးပါးစ ပြုလာလို့ တစ်ခုခုဆို ဟိုနေရာ ဒီနေရာက ကိုက်တာ၊ သွေးဆုံးခါနီး ရာသီလာရင် ပိုဝေဒနာ ဆိုးလာတာ၊ သွေးတိုးနဲ့ နှလုံးသွေးကြောကျဉ်း ပိုဆိုးလာတာ၊ ရုပ်ကျနှုန်း သိသာလာလို့ စိတ်ပါ လိုက်ကျတာ စသဖြင့် အီစထရိုဂျင်ခေါ် မဟော်မုန်း အားနည်းမှုနဲ့ ဆက်စပ်တဲ့ ရောဂါတွေ တန်းစီပြီး ခံစားရတတ်ပါတယ်။

နောက်ပြီး သားသမီးတွေ အတောင်အလက် စုံလို့ မိဘရင်ခွင်ကနေ ထွက်သွားတဲ့ ဒဏ်ကို အမျိုးသားတွေထက် အမျိုးသမီးတွေက ပိုခံစားရလေ့ရှိပါတယ်။ အထီးကျန်သိုက်မြုံ ရောဂါစု (Empty Nest Syndrome) လို့ ခေါ်ပါတယ်။ သားသမီးတွေက အဆက်အသွယ်မလုပ်၊ ဂရုစိုက်မှု အားနည်းရင် အမျိုးသမီး အများစုက သွေးတိုးရောဂါနဲ့ နှလုံးရောဂါတွေ ပိုဆိုးလာတတ်ကြကြောင်း သုတေသနတွေ အခိုင်အမာ ရှိပါတယ်။



နောက်တစ်ချက် ပြောရရင် အမျိုးသမီးတိုင်းတော့ မဆိုလိုပေမယ့် အချို့က လိင်မှုကိစ္စ ရှုပ်ထွေးမှုနဲ့ ထွက်ပေါက်ရှာကြပါတယ်။ ဒီအခါမှာ ရောဂါတွေ ကူးနိုင်တဲ့ အန္တရာယ်က အမျိုးသမီးက အမျိုးသားထက် နည်းနည်း ပိုများတာတွေ့ရသလို ပတ်ဝန်းကျင်ရဲ့ အထင်သေးရှုံ့ချမှုမှာလည်း အမျိုးသမီးတွေက ပိုခံရ ပိုအရှက်ရလေ့ ရှိပါတယ်။ ဒီတော့ လွတ်မလား လုပ်ကြည့်ပေမယ့် Mid-life Crisis ကနေ ရုန်းမထွက် နိုင်တော့ ပြန်ဘူးပေါ့။

သွေးဆုံးစောလို့ လိင်မှုကိစ္စကို မဖြစ်နိုင်တော့ဘူး ထင်ကာ လက်လျော့လိုက်သူ အမျိုးသမီး အများစုဟာ အိမ်ထောင်ဖက်က အချစ်သစ်ရှာသွားတာကြောင့်ရယ်၊ ကိုယ်ပိုင် ပျော်ရွှင်မှုတစ်ရပ် ဆုံးရှုံးလိုက်ရတာရယ် ပေါင်းပြီး အခြေအနေ ပိုဆိုးသွားကြပါတယ်။ (တကယ်တမ်းကတော့ သွေးဆုံးသွားပေမယ့် ချောမွေ့စေတဲ့ အဆီတစ်မျိုးမျိုးကို သုံးကာ အိမ်ထောင်ဖက်နဲ့ နေနိုင်ပါသေးတယ်။ ဒါဟာ အမျိုးသမီးအင်္ဂါ သေးသိမ်သွားခြင်းကို တားဆီးနိုင်သလို စိတ်ရောကိုယ်ပါ ကျန်းမာရေးအပေါ် အတိုင်းအတာတစ်ခုအထိ အကျိုးပြုကြောင်း သုတေသနများအရ သိရပါတယ်)

သက်လတ်ပိုင်းစိတ်ဂယက်ကို ဖြစ်စေတဲ့ အချက်တွေဟာ တစ်ဦးနဲ့ တစ်ဦး မတူကြသလို လူနေမှု အဆင့်အတန်းအရလည်း မတူကြပါဘူး။ အနီးကပ်ဆုံးသူ သေသွားလို့ ကိုယ့်လည်း သေမျိုးပါလားဆိုပြီး ကြောက်လန့်သွားတဲ့ အချိန် (သက်ဆိုင်ရာ ဘာသာရဲ့ တရားဓမ္မကို လိုက်စားသူတွေကတော့ ငြိမ်းချမ်းသွားကြပါတယ်) မျိုးမှာ၊ သက်တမ်း တစ်ဝက်ကျော်ကာ အိုလာပြီလို့ ခံစားရချိန်မှာ၊ လိင်မှုစွမ်းရည်တွေ ကျဆင်း ပျောက်ဆုံးသွားတဲ့ အချိန်မှာ၊ ကြိုးစားရုန်းကန် ပေးဆပ်ခဲ့ရသော်လည်း အရာမရောက်ပါလားဟု အတွေးဝင်လာချိန်မှာ စသဖြင့် အကြောင်းတရား အမျိုးမျိုး ရှိကြပြီး တစ်ယောက်နဲ့ တစ်ယောက် မတူကြပါဘူး။

အမျိုးသားနဲ့ အမျိုးသမီး နှစ်ယောက်စလုံးမှာ တူညီစွာ ခံရတဲ့ အချက်ကတော့ သက်လတ်ပိုင်းစိတ်ဂယက်ကြောင့် ခံစားရမှုဟာ စိတ်ကျရောဂါ (Depression) ဆီကို ဦးတည်သွားတဲ့ အချက်ပဲ ဖြစ်ပါတယ်။ ဒါကြောင့် လူမှုရေးမှာ ပြုမူနေထိုင်ပြောဆိုပုံတွေ (အထူးသဖြင့် စကားလုံးတွေ) ကို ဂရုမစိုက်ဘဲ လုပ်မိလို့ ပတ်ဝန်းကျင်နဲ့ သဟဇာတ မရှိတော့ဘဲ အထီးကျန်ကာ စိတ်ကျရောဂါ ပိုဆိုးလာတာတွေ၊ အိမ်အပြင်တောင် မထွက်ချင်တော့တာတွေ ဖြစ်လာတတ်ပါတယ်။ အပေါင်းအဖော် သူငယ်ချင်းတွေနဲ့ အပျော်အချိန်ဖြုန်းခြင်း၊ ပရဟိတ အလုပ်တွေ တတ်စွမ်းသ၍ လုပ်ခြင်း၊ အနုပညာ အတတ်ပညာ ဘာသာရေး စသဖြင့် သန်ရာတစ်ခုခု လေ့လာခြင်းစတဲ့ မှန်ကန်တဲ့ ပျော်စရာတွေ ဖန်တီးနိုင်ရင်တော့ ခံသာပါသေးတယ်။ နို့မို့ စိတ်ကျရောဂါဟာ ကိုယ့်ကိုယ်ကိုယ် သတ်သေစိတ်ကို ဖြစ်စေတာ ကြောက်စရာပါပဲ။

ဒါကြောင့် အကြံပြုလိုတာက စိတ်ထွက်ပေါက်အဖြစ် အသုံးချတဲ့ အရာများကြောင့် မိမိရဲ့ ကျန်းမာရေး မထိခိုက်ရအောင် အသိဥာဏ်ရှိရှိ ကာကွယ်ပါ၊ ဖြစ်လာရင်လည်း ကုသမှု အမြန်ဆုံး ရယူဖို့ အရေးကြီးတယ် ဆိုတာပါပဲ။

(၆)
သက်လတ်ပိုင်း စိတ်ဂယက်ကို ဘယ်လို ကာကွယ်ကြမလဲ……..???



ကမ္ဘာကျော် စိတ်ပညာရှင် ဆစ်ဂမန်ဖရွိုက်ကတော့ ပြောခဲ့ပါတယ်။ Mid-life Crisis ဆိုတာ သေဖို့နီးလာတာ ခံစားမိလို့ ကြောက်တဲ့ စိတ်က မောင်းနှင်တွန်းအားပေးလိုက်တဲ့ အတွေးစုတွေ ဖြစ်ပါတယ်တဲ့။ ဒီအတွေးစုတွေရဲ့ ကန်ထွက်မှုဟာ ယဉ်ကျေးမှုအမျိုးမျိုး၊ လူပုံစံ အမျိုးမျိုးကို လိုက်ပြီး အပျော်ရှာခြင်း အဖြစ်လည်းကောင်း၊ အပျော်ရှောင်ခြင်း အဖြစ်လည်းကောင်း စိတ်ရူးပေါက်စွာ ကွဲပြားကုန်ကြတာ ဖြစ်ပါတယ်။

၂၁ ရာစုရဲ့ အပေါ်ယံ ရွှေမှုန်ကြဲ ပကာသနအခြေခံ လူနေမှုစနစ်မှာ သက်လတ်ပိုင်း စိတ်ဂယက်ကို လူတွေဟာ ပိုပြီး သိချင်စိတ် များလာကြပါတယ်။ လေ့လာလာကြပါတယ်။ ဒီအခါမှာ စိတ်ပညာရှင်တွေ ကျန်းမာရေး ပညာရှင်တွေဟာ သက်လတ်ပိုင်း စိတ်ဂယက် မကြုံရနိုင်တဲ့ နည်းလမ်းများကို ရှာတွေ့လာကြပါတယ်။

(၁) အိမ်ထောင်ရေးကို နွေးထွေးပျော်စရာကောင်းအောင် ထိန်းသိမ်းပါ။
အိမ်ထောင်သက် အတော်လေးရလာတဲ့ သက်လတ်ပိုင်း အချိန်မှာ တစ်ဦးအပေါ် တစ်ဦး ချစ်ခင် စိတ်ပါမှု အရင်လောက် မများကြတော့ပါဘူး။ အိမ်တွင်းရေး ပျော်ရွှင်မှုဟာ အရောင်မှိန်လာပြီး လျစ်လျူရှုထားခံရတဲ့ အဆင့်ရောက်သွားတတ်ရင် သက်လတ်ပိုင်း စိတ်ဂယက် ပိုမို ကြုံတွေ့ရတတ်ပါတယ်။ ဒါကြောင့် အိမ်ထောင်ရေး သာယာချမ်းမြေ့မှု အမြဲရနေအောင် ကြံဆောင်ဖန်တီးပြီး သက်လတ်ပိုင်း စိတ်ဂယက်ကို ကာကွယ်ပါ။



(၂) သူငယ်ချင်းမိတ်ဆွေကောင်းများ ရှိပါစေ
တကယ်စစ်မှန်တဲ့ သူငယ်ချင်းတွေ မရှိသူဟာ သက်လတ်ပိုင်း စိတ်ဂယက် ခံစားရဖို့ သေချာသလောက်ပါပဲ။ ဒါကြောင့် ဒီအချက်ကို အခုကတည်းက ပြုပြင်ဖာထေးထားပါ။ အကယ်၍ သင့်မှာ အဲလို နှလုံးသားချင်းနီးပြီး ဂရုတစိုက် ရှိတဲ့၊ အရေးကြုံရင် အားကိုးရတဲ့ မိတ်ဆွေ မရှိဘူး ဆိုရင် လူတွေက စိတ်ထားမကောင်းလို့ ဆိုပြီး အကြောင်းပြချက် မပေးပါနဲ့။ မိတ်ဆွေကောင်းတွေ ရဖို့ဆိုရင် သင်ကိုယ်တိုင်က မိတ်ဆွေကောင်း အရင် ဖြစ်နေဖို့ လိုပါတယ်။

(၃) သင့်အလုပ်အကိုင်ရဲ့ အရေးပါမှုနဲ့ အနာဂတ်မျှော်လင့်ချက်ကို ပုံဖော်တွေးပါ
သင့်ရဲ့ အလုပ်အကိုင်ဟာ လူတွေကို ဘယ်နည်းဘယ်ပုံ အကျိုးပြုနေသလဲ အကောင်းဖက်က တွေးပါ။ သင်ဟာ ကုမ္ပဏီပိုင်ရှင် တစ်ယောက် ဖြစ်ရင် သင့်ရဲ့ ထုတ်ကုန်တွေ၊ ၀န်ဆောင်မှုတွေကြောင့် လူတွေ ဘယ်လို အကျိုးရှိ ပျော်ရွှင်သွားစေသလဲ ဆိုတာမျိုး၊ သာမန် ၀န်ထမ်းတစ်ယောက် ဖြစ်နေရင်လည်း ငါဟာကုမ္ပဏီမှာ ဘယ်နေရာတွေမှာတော့ အရေးပါတယ် ဆိုတာမျိုး၊ အောက်ခြေအလုပ်တစ်ခု လုပ်နေရရင်လည်း ဖြေသိမ့်စရာ ကြံဖန်တွေးပါ။ ဒီနေရာနဲ့ မကျေနပ်နိုင်ရင် ရှေ့ကို လှမ်းဖို့ အားတွေ ထုတ်ပါ။ မျှော်လင့်ချက်တွေ ရှင်သန်နေသ၍ သင်ဟာ Mid-life Crisis ဖြစ်ဖို့ ဝေးနေသေးတယ် ဆိုတာ သေချာပါတယ်။ နောက်ပြီး အသက် ၄၀-၅၀ အထိ နိမ့်ကျတဲ့ ဘ၀မျိုးမှာ နေလာပြီး တစ်ကျော့ပြန် အားမာန်တွေနဲ့ ထိပ်ဆုံးတစ်နေရာ ရသွားတဲ့ သူဌေးတွေ၊ အနုပညာသမားတွေ၊ တီထွင်ဖန်တီးသူတွေ စသဖြင့် ဒီကမ္ဘာကြီးပေါ်မှာ မရေမတွက်နိုင်လောက်အောင် ရှိနေတယ်ဆိုတာ သင့်အတွက် အားတက်စရာ တစ်ခုပါပဲ။



(၄) ပုံမှန် အားကစားလိုက်စားပါ
ကိုယ်လက်လှုပ်ရှားမှုတစ်ခုကို စနစ်တကျ လုပ်ပေးခြင်းဟာ ဘ၀ကို စိတ်ပျက်ငြီးငွေ့ခြင်း၊ ဘ၀ကို တရားလွန် တပ်မက်စွဲလန်းခြင်း ဆိုတဲ့ အစွန်းတရားတွေကို ထိုက်သင့်သလောက် တားဆီးနိုင်တဲ့ စိတ်အခြေအနေများကို ပေါ်စေတဲ့ အာနိသင် ရှိကြောင်း သိပ္ပံနည်းကျ စမ်းသပ်တွေ့ရှိထားပါတယ်။ ဒါဟာ အိုမင်း လေးလံ အားယုတ်မှုကိုပါ ကာကွယ်နိုင်တဲ့ နည်းလမ်းတစ်ခုမို့ သက်လတ်ပိုင်း စိတ်ဂယက်ကို ကာကွယ်ဖို့ အသင့်တော်ဆုံး နည်းလမ်း တစ်ခုပါပဲ။

(၅) ဘာသာရေး လိုက်စားပါ
ဘာသာရေး လိုက်စားသူတွေဟာ ဘ၀အပေါ် မျှတတဲ့ အမြင်နဲ့ ကြည့်တတ်ကြလို့ သာမန်လူတွေထက် စိတ်နှလုံး ပိုအေးချမ်းကြတာ တွေ့ရပါတယ်။ တရားဘာဝနာ ပွားများခြင်း (Meditation) ဆိုတာ ဘ၀ရဲ့ အလိုမကျမှုတွေကို ကုစားဖို့ အကောင်းဆုံး နည်းလမ်းတစ်ရပ် ဖြစ်သလို Mid-life Crisis ကြောင့် ဖြစ်လာမယ့် သွေးတိုး၊ နှလုံး၊ သတိမေ့ ရောဂါများကို ကာကွယ်နိုင်တဲ့ အကောင်းဆုံး ဆေးတစ်လက်ပါပဲ။

(၆) အရမ်းရှုပ်ထွေးပြည့်စုံတဲ့ ဘ၀ပုံစံထက် အေးချမ်းတဲ့ ဘ၀ကို ရွေးချယ်ပါ
အရမ်းလန်းတဲ့ကား၊ အိမ်ကြီးအိမ်ကောင်း၊ ၀တ်ကောင်းစားလှတွေ၊ ပိုက်ဆံဖြုန်းတဲ့ အားလပ်ရက် ခရီးစဉ်တွေဟာ ပျော်ရွှင်ကျေနပ်မှုကို ပေးတယ်လို့ ထင်ရပေမယ့် ဆန့်ကျင်ဖက်နဲ့ အဆုံးသတ်တတ်ပါတယ်။ ဒါတွေထဲက အချို့တစ်ဝက် ရှိရင် အတော်လေးကောင်းတဲ့ ဘ၀ ဖြစ်ပေမယ့် အကုန်လုံး ရှိဖို့ အရေး ကျားကုတ်ကျားခဲ ကြိုးပမ်းနေခြင်းဟာ တစ်ချိန်မှာ သက်လတ်ပိုင်း စိတ်ဂယက် ကြုံကိုကြုံရမယ့် အနေအထားလို့ လူမှုစိတ္တဗေဒ ပညာရှင်များက ဆိုပါတယ်။ သာမန်ပြည့်စုံတဲ့ မိသားစုတွေကတော့ ဘ၀ရဲ့ ပျော်ရွှင်မှု အဓိပ္ပာယ်ရှိမှုကို အစစအရာရာ ပြည့်စုံသူတွေထက် ၁.၅ ဆ ပိုခံစားရလေ့ ရှိပါသတဲ့။ အစွန်းရောက်လွန်းစွာ ဆင်းရဲခြင်း၊ ချမ်းသာခြင်းတွေကို ရှောင်နိုင်ရင် သက်လတ်ပိုင်း စိတ်ဂယက်ကိုလည်း ရှောင်ပြီးသား ဖြစ်သွားပါတယ်လို့ ပညာရှင်များက ဆိုပါတယ်။

(၇) ကျန်းမာရေးလိုက်စားပြီး ခန္ဓာကိုယ် ပုံမပျက်အောင် ထိန်းသိမ်းပါ
ငယ်စဉ်ကတည်းက ကျန်းမာရေးနဲ့ ညီညွတ်တဲ့ အစားအသောက် အမူအကျင့်တွေကို လေ့လာဆည်းပူး လိုက်နာထားပါ။ ဒါဆိုရင် သက်လတ်ပိုင်း စိတ်ဂယက် မကြုံဖို့ အားပေးပါတယ်။ ဘ၀မှာ စိတ်မကျဉ်းကြပ်ဖို့ စားချင်တာ စားမယ်၊ နေချင်သလို နေမယ်ဆိုတဲ့ သူတွေဟာ သက်လတ်ပိုင်းစိတ်ဂယက်ကို ခံစားရဖို့ ရာနှုန်းပြည့်နီးပါး နီးစပ်ပါတယ်။ နောက်ထပ် ပြုံးစရာ အချက်တစ်ချက်က ခါးအဆမတန် တုတ်လာသူတွေဟာ သက်လတ်ပိုင်း စိတ်ဂယက်ရဲ့ သားကောင်တွေ ဖြစ်တတ်ပါသတဲ့။ ဒါကြောင့် Mid-life Crisis ကို ကာကွယ်ဖို့ အလှူတွေချည်းပဲ လိုက်စားမနေပါနဲ့၊ ကျန်းမာရေးနဲ့ ဘာသာရေးလဲ လိုက်စားပါဦးလို့ တိုက်တွန်းပါတယ်။

(၈) အလွန်အမင်း နှလုံးသွင်း ခံစားတတ်သော အကျင့်ကို ပြင်ပါ
ချစ်ခင်ရသူ တစ်ဦးဦးနဲ့ သေခွဲ ခွဲရတာမျိုး၊ အလုပ်အကိုင် ထိခိုက်သွားတာမျိုး၊ သားသမီးတွေ စွန့်ခွာသွားတာမျိုး စတဲ့ ထိခိုက်နာကျင်ရမှုတွေကို မေ့ဖျောက်အေးချမ်းအောင် အထက်ပါ အချက် ၇ ချက်ကို လိုက်နာကျင့်သုံး ကာကွယ်ပါ။



တကယ်တမ်းကတော့ ဥရောပသားတွေ ပြောသလို အသက် ၄၀ မှ ဘ၀ စတယ်ဆိုတာဟာ အသက် ၄၀ ရောက်ရင် လူတစ်ယောက်အတွက် ပညာ၊ ဥစ္စာ၊ ချစ်ခြင်းမေတ္တာ၊ မိသားစု စတဲ့ တန်ဖိုးရှိတဲ့ အရာကောင်းတွေ စုစည်းမိထားပြီး ဘ၀ရဲ့ အရသာကို အေးဆေး စခံစားရတော့မယ့် အရွယ်လို့ ဆိုလိုတာ ဖြစ်ပါတယ်။ ထို့အတူ တစ်ယောက်ချင်းစီအတွက် မိမိကိုယ် မိမိ အမှန်သိခြင်း (Self-actualization) နဲ့ မိမိရဲ့ ကောင်းမွန်မှုတွေကို သိရှိကျေနပ်ခြင်း (Self-awareness) ရအောင် ပြန်လည်ဝေဖန် သုံးသပ်ပြီး တည်ငြိမ်အေးချမ်းစွာ နေထိုင်ရတော့မယ့် အရွယ်ဖြစ်ပါတယ်။ ဒီလိုတန်ဖိုးရှိတဲ့ အချိန်မှာ Mid-life Crisis ခေါ် သက်လတ်ပိုင်း စိတ်ဂယက်ကို မကြုံတွေ့ရအောင် ကိုယ့်ကိုယ်ကို ပြင်ဆင်နှလုံးသွင်းရင်း (အိုမင်းမှုဆိုတာ စာရေးသူလည်း ကိုယ်ချင်းစာ မခံစားပေးနိုင်သေးပေမယ့်) အိုမင်းမှုကိုလည်း ပုံမှန်စိတ်အနေအထားနဲ့ လက်ခံနှေးကွေးစေရင်း ကျန်းမာပျော်ရွှင်စွာ နေနိုင်ကြပါစေလို့ mmDailyNews ပရိသတ်များအတွက် ဆန္ဒပြုပါတယ်။
Written by : ဒေါက်တာသီဟသစ် Last Updated at 2011-08-09 on 03:16:50 2298 Hits
Ref:MMDailynews

တရုတ်​​​​မြေ​​​​အောက်ရထား​​​​​​​ပေါ်တွင် သရဲပုံစံဖြင့်​​​ ​​​​နောက်​​​​ပြောင်သည့်​​​ မိန်း​​​​က​​​​လေး​​​​

alt
တရုတ်​​​​မြေ​​​​အောက်ရထား​​​​​​​ပေါ်တွင် သရဲပုံစံဖြင့်​​​ ​​​​နောက်​​​​ပြောင်​​​နေစဉ် © dailymail
တရုတ်နိုင်ငံ ​​​​မြေ​​​​အောက်ရထား​​​​ တစ်စင်း​​​​​​​ပေါ်တွင် ​​​​နေ့​​​ခင်း​​​​​​​ကြောင်​​​​တောင် သရဲ​​​​ခြောက်သဖြင့်​​​ လူအများ​​​​ ရုတ်ရုတ်သဲသဲ ဖြစ်ခဲ့​​​ရသည်။ အမျိုး​​​​သမီး​​​​ တစ်ဦး​​​​သည် ရှည်လျား​​​​​​​သော အနီ​​​​ရောင် ဝတ်စုံကို ဝတ်လာကာ ဆံပင်ကို ဖား​​​​လျား​​​​ချလျက် လူကြား​​​​ထဲ ​​​​ခြောက်ခြား​​​​ဖွယ်ရာ အသွင်အပြင်ဖြင့်​​​ ဝင်ထိုင်​​​​နေခဲ့​​​သည်။ သူမသည် အနီ​​​​ရောင် ရှူး​​​​ဖိနပ်များ​​​​ကိုလည်း​​​​ ဝတ်ဆင်ထား​​​​သည်။ ​​​​
ဘေဂျင်း ​​​​မြို့​​​အနီး​​​​ ဂျင်​​​​ဆောင်း​​​​ဘူတာတွင် တက်လာသည့်​​​ မိန်း​​​​က​​​​လေး​​​​​​​ကြောင့်​​​ လူအများ​​​​ အလွန်ထိတ်လန့်​​​ကာ ဝိုင်း​​​​ကြည့်​​​​​​နေခဲ့​​​သည်။ သို့​​​​​​သော်လည်း​​​​ ​​​​နောက်ပိုင်း​​​​တွင်မှ ခပ်​​​​နောက်​​​​နောက် မိန်း​​​​က​​​​လေး​​​​က သရဲပုံစံ ဝတ်စား​​​​ဆင်ယင်ကာ တမင်တကာ ရထား​​​​​​​ပေါ် လိုက်လာခြင်း​​​​ဖြစ်မှန်း​​​​ သိရှိမှ ငိုအား​​​​ထက် ရယ်အား​​​​သန်ခဲ့​​​ကြသည်။ အများ​​​​စုက သူမကို ဖုန်း​​​​ကင်မရာများ​​​​ဖြင့်​​​ ဗီဒီယို ဝိုင်း​​​​ရိုက်ကြသည်။ ​​​​နောက်ပိုင်း​​​​တွင် ထိုဗီဒီယိုများ​​​​ အင်တာနက်​​​​ပေါ် ​​​​ရောက်လာသည့်​​​အခါ လူအများ​​​​ သ​​​​ဘောတကျ ကြည့်​​​ရှုခဲ့​​​ကြသည်။ အင်တာနက် သုံး​​​​စွဲသူများ​​​​က အဆိုပါ လုပ်ရပ်သည် Blood Stained Shoes ဇာတ်ကား​​​​ ရိုက်ကူး​​​​ထား​​​​သူများ​​​​၏ စတန့်​​​ထွင်​​​​သော Promotion တစ်ခုဖြစ်နိုင်သည်ဟု ယုံကြည်​​​​နေသည်။
အဆိုပါ ဇာတ်ကား​​​​တွင် ဆံပင်ဖား​​​​လျား​​​​ချကာ အနီ​​​​ရောင် ဝတ်စုံနှင့်​​​ သရဲတ​​​​စ္ဆေ မိန်း​​​​က​​​​လေး​​​​တစ်ဦး​​​​၏ ​​​​ခြောက်လှန့်​​​ပုံကို ရိုက်ကူး​​​​ထား​​​​ပြီး​​​​ မကြာမီ တရုတ်နှင့်​​​ ​​​​ဟောင်​​​​ကောင်တို့​​​တွင် ရုံတင်ပြသရန် စီစဉ်ထား​​​​​​​ကြောင်း​​​​ သိရှိရသည်။

Ref:peoplemediavoice

Wednesday, November 16, 2011

Virus တွေဘယ်လို အလုပ်လုပ်သလဲ

 

Virus ဆိုတာလူတွေကို ဒုက္ခပေးတဲ့ Virus နဲ့ ကွန်ပျူတာကို အဖျက်အမှောင့်လုပ်ငန်းတွေ လုပ်တဲ့ Black Program Virus ဆိုပြီးရှိရာမှာ Computer တွေကို ဒုက္ခပေးတဲ့ Program Virus အကြောင်း ပါ။ တကယ်တော့ ကျွန်တော်တို့က Virus လို့သာ အလွယ်ခေါ်ကြတာ။ Malware, Trojan, Backdoor စသဖြင့် အမျိုးကွဲပေါင်းများစွာနဲ့ ဒုက္ခပေးနေတာတွေ ရှိနေပါသေးတယ်။ သေချာ တာကတော့ အဲဒီ Software လေးတွေဟာ စက်တစ်လုံးမှ တစ်လုံး၊ Memory Stick တစ်ခုမှ အခြားတစ်နေရာ Email တွေ စသဖြင့် အသုံးပြုသူရဲ့ ခွင့်ပြုချက်မရပဲ သွားလာနေ ကြပြီး ဒုက္ခပေါင်းသောင်းခြောက်ထောင် ပေးနေတယ် ဆိုတာပါပဲ။
Virus တွေ ဘယ်လိုအလုပ်လုပ်သလဲ
သူတို့ဟာ စက်တွေ Data Storeလုပ်တဲ့ Stickတွေ Emailတွေမှ တစ်ဆင့် ဘယ်သူ့ကိုမှ ခွင့်ပြုချက်မတောင်းပဲ ပြန့်နှံ့မယ်။ နောက်မလိုလားအပ်တဲ့ အဖျက်အမှောင့် လုပ်ငန်းတွေကို အနည်းနဲ့အများ လုပ်တော့တာပါပဲ။
ဒါပေမဲ့ စည်းကမ်းရှိတဲ့ Virus ရှိတယ်ဆိုရင်တော့ ယုံမလားပဲ။ ဆိုလိုတာက Dataတွေကို နေရာရွှေ့ Hidden လုပ်ပြီးမှ အဲဒီဖိုင်တွေ Folder အမည်တွေနဲ့ ပုံစံတူ Virus လေးလုပ်ထားတာမျိုးပေါ့။ မသိတဲ့လူက Click မိရင်တော့ သူက ထပ်ပြန့်ပွားမယ်။ ထပ်အလုပ်လုပ်မယ်။ ဒါပေမဲ့ သိတဲ့လူ လက်ထဲရောက်သွားရင်တော့ Virus တွေကို မရှင်းခင်ပဲဖြစ်ဖြစ် ရှင်းလင်းပစ်ပြီးမှ ဖြစ်ဖြစ် ပထမရှိနေတဲ့ Data တွေကို ပြန်ပြီး ရယူနိုင်ပါတယ်။ ဒုက္ခတော့ ရောက် တာပေါ့။ Data တွေက အရေးကြီးနေရင် ပြန်ရနိုင်တဲ့ အတွက် တော်သေးတယ်လို့ ဆိုနိုင်ပါတယ်။
တချို့ Virus တွေကတော့ ဆိုးဝါးစွာ အလုပ်လုပ် ပါတယ်။ Memory Stick တွေလိုမျိုး Storage ထဲမှာ ရှိတဲ့ Data တင်မက Memory Stick ကိုပါ ထပ်ပြီးအသုံးပြုလို့ မရအောင် ဖျက်ဆီးပစ်တတ်တဲ့ Virus တွေလဲ ရှိနေပါသေး တယ်။ အခုချိန်မှာတော့ Virus ဆိုတဲ့ နာမည်ကိုကြားရုံနဲ့ အကုန်လုံးက နားလည်သဘောပေါက်နေပြီ ဖြစ်သလို ကြောက်လဲ ကြောက်နေကြပါပြီ။
Virus တွေကို နိုင်နင်းတဲ့ Anti-Virus တွေလဲ ဒီက ဆိုင်တွေမှာ တရားဝင်ဝယ်ယူလို့ ရနေပါပြီ။ မြန်မာပြည် ကရေးတဲ့ Virus တွေလည်း သရက်မြို့ဟက်ကင်းဒေး၊ လွိုင်ကော်၊ အရမ်းချစ်တယ် စသဖြင့် သုံးလေးခုမက ထွက်ပြီးပါပြီ။ ဒီကလူတွေပဲ Removal Tool တွေလဲ ထုတ်ပေးခဲ့ကြတာပါပဲ။ ကဲ Anti-Virus တွေက Virus တွေကို သတ်နိုင်တာတော့ ဟုတ်ပါပြီ။ တစ်ချို့ Virus တွေ က တော်ရုံတန်ရုံ Anti-Virus တောင်မှ ပေးအိပ်ခိုင်း လောက်အောင် စွမ်းနေတော့ Anti-Virus တွေက မသိတာ တို့ Anti-Virus ကိုတောင် အလုပ်မလုပ်နိုင်အောင် ဖျက်ဆီး နိုင်စွမ်းတွေရှိတဲ့ Virus တွေများ တွေ့ရင် ဘယ်လိုလုပ်ရ ပါ့မလဲ။
အချို့ Software လေးတွေ သုံးပြီး Manual သတ်လို့ ရနိုင်ပါတယ်။ ဟာ Anti-Virus တောင် မနိုင်ပါဘူးဆိုမှ ကိုယ့်ဘာကို သတ်ဖို့ ဘယ်လိုလုပ်ဖြစ်နိုင်မှာလဲ ပြောကြ ပါလိမ့်မယ်။ သို့သော် Virus တွေရဲ့ အလုပ်လုပ်ပုံကို နား လည်ထားမယ်ဆိုရင်တော့ အလွယ်ကြီး မဟုတ်ရင်တောင် မှ Anti-Virus မသတ်နိုင်တဲ့ Virus တွေကို ကိုယ်တိုင် ရှင်းထုတ်နိုင်ပါလိမ့်မယ်။
Windows ကို လူသုံးများတာရယ် Windows ရဲ့ အားနည်းချက်ပေါ်မူတည်ပြီး Windows Virus တွေ အများဆုံးထွက်ပါတယ်။ အခုနောက်ပိုင်းတော့ Mac တွေ iPhone, iTouch တွေမှာပါ Virus တွေ တွေ့နေရပါပြီ။ Nokia လို OS အသုံးပြုထားတဲ့ ဖုန်းတွေမှာလဲ Virus ရှိနေနိုင်ပါတယ်။ Virus တွေရဲ့ အလုပ်လုပ်ပုံ သဘော တရား တူသော်လည်း Virus ရေးသားပုံတွေ မတူညီပါဘူး။ Windows Virus တွေက Mac ပေါ်မှာ အလုပ်လုပ်မှာ မဟုတ်သလို Nokia ဖုန်းပေါ်မှာလည်း အလုပ်မလုပ်ပါဘူး။ (မှတ်ချက်။ Phone နှင့် Computer ချိတ်ဆက်ထားစဉ် Computer Virus မှ Phone အတွင်းရှိ ဖိုင်များကို ဖျက်ဆီး နိုင်သည်။) လောလောဆယ် Virus ရန်က ဝေးတာ ကတော့ Linux OS တွေ ဖြစ်ပါတယ်။
Virus တွေ အကုန်လုံးနီးပါဟာ Computer ကို ဖွင့်ဖွင့်ခြင်း အလုပ်စလုပ်မယ်။ သူ့ကို ရပ်တန့်အောင်လုပ်ဖို့ မလွယ်ကူအောင် လုပ်ထားမယ်။ ဘယ်လိုလုပ်သလဲ ဆိုတော့ Virus တွေဟာ နှစ်ခုနဲ့ အထက် အလုပ်လုပ်နေပြီး တစ်ခုနဲ့တစ်ခု တစ်စက္ကန့်ရဲ့ အချိန်ပိုင်းလေးတွေထဲမှာတင် စစ်ဆေးနေမယ်။ တစ်ခုကို ပိတ်ပစ်ရင် ဒါမှမဟုတ် ဖျက်ပစ် ရင် ကျန်တဲ့ တစ်ဖိုင်ကနေ ပြန်လည်အသက်သွင်းမယ်။ Virus Backup ဖိုင်ကို နေရာတွေ ခွဲသိမ်းထားမယ်။ Backup ဖိုင်ကိုဖျက်ရင် Virus Program ကနေ ပြန်ပြီး Backup ဖိုင်ကိုပြန်ပြုလုပ်မယ်။ မူရင်း Virus ပျက်ရင် Backup ကနေပြန် အသက်သွင်းပါလိမ့်မယ်။
Memory stick တွေ Mp3 Player တွေကနေ ပြန့်ပွား ပုံကတော့ Stick တွေ Mp3 တွေထဲကို Virus ဖိုင်နဲ့တကွ Autorun.inf ဆိုတဲ့ ဖိုင်လေးထည့်ပေးပါတယ်။ အဲဒီဖိုင်က ဘယ်လို အလုပ်လုပ်သလဲဆိုရင် Stick ကို Double Click လိုက်ရင် Virus ဖိုင်ကို ခေါ်ပြီး စက်ထဲကို ပြန့်နှံ့စေပါတယ်။ Autorun ကို လေ့လာဖို့တော့ သိပ်မခက်ခဲပါဘူး။ Hidden လုပ်ထားတဲ့ autorun.inf ဖိုင်ကို run box ကနေ x:\autorun.inf ဆိုပြီးခေါ်ရင် အထဲမှာ ရေးထားတာတွေ ဘယ် Virus ဖိုင်ကို ခေါ်ပြီး Run ခိုင်းတယ်ဆိုတာ ပြပါ လိမ့်မယ်။ x: ဆိုတဲ့နေရာမှာ Stick ရဲ့ Drive Letter ကိုထည့်ရမှာပါ။
ဥပမာ D: တို့ E: တို့ပေါ့ဗျာ။ autorun.inf ထဲမှာ open=virus-name.exe ဆိုပြီး တွေ့နိုင်ပါတယ်။ အဲဒီဖိုင် ကို ဖွင့်ပေးပါလို့ Autorun က အလုပ်လုပ်ပါလိမ့်မယ်။ Vista မှာတော့ အလုပ်မလုပ်ပါဘူး။ အရင် knowledge bridge magazine အမှတ် (4) မှာ autorun ရဲ့ အလုပ်လုပ်ပုံ အသေးစိတ်ကို ရေးထားပါတယ်။  တချို့ Virus တွေ ကတော့ Outlook Express လိုမျိုး Mail Client တွေကလဲ ပြန့်ပွားတတ်ပေမယ့် မြန်မာပြည်မှာ အသုံးမများတဲ့အတွက် သိပ်တော့ ထိခိုက်ခြင်း မရှိပါဘူး။

Program များနှင့်
အခြား လုပ်ဆောင်ချက်များအား ပိတ်ခြင်း

Virus တွေဟာ Hidden ဖိုင်တွေ အနေနဲ့ ထားတာ ကြောင့် Virus ဖိုင်တွေကို ဖျက်မပစ်နိုင်ရန် Hidden ပြန် မခေါ်နိုင်ရန်  folder option ကို ပိတ်ထားလေ့ ရှိပါတယ်။ နောက် Virus ကို End Task သို့မဟုတ် Kill Processes လုပ်ပြီး Virus ကို ရပ်တန့်ခြင်း မပြုလုပ်နိုင်ရန်  TaskManager ကို ပိတ်ထားလေ့ ရှိပါတယ်။ နောက် စက် စစဖွင့်ခြင်း Virus များ အလုပ်လုပ်စေရန် ထည့်သွင်းထား တာတွေ ဖိုင်တွေကြည့်ခွင့် ဖျက်ခွင့်ပိတ်သိမ်းထားတာတွေ အချို့ဖိုင်တွေ အလုပ်လုပ်ခွင့် မပြုတာတွေကို Registry မှာ ရေးသားထားပါတယ်။ အဲတာတွေကို ပြန်ဖျက် မပစ်နိုင် ရန်အတွက် Registry Editor ကိုလည်း ပိတ်ထားလေ့ ရှိပါတယ်။
အဲဒါတွေကို ပြန်လည်ပြုပြင်နိုင်တဲ့ နည်းလမ်းတွေ ပိတ်ထားတဲ့နေရာတွေကို ဖော်ပြလိုက်ပါတယ်။
Windows စစခြင်းမှာ Virus တက်လာဖို့အတွက် HKEY_LOCAL_MACHINE\SOFTWARE\Microsoft\ Windows\CurrentVersion\Run  မှာ Virus ရဲ့ ပတ်လမ်း ကြောင်း သွားထည့်ထားပါတယ်။
Folder Option ပိတ်ဖို့အတွက် HKEY_CURRENT_ USER\Software\Microsoft\Windows\Current Version\Policies\Explorer မှာ ညာဘက်က DWord Value ဖြစ်တဲ့ NoFolderOptions ဆိုတာ လေးထဲမှာ 0 ရှိနေရင် တော့ show ဖြစ်မှာဖြစ်ပြီး 1 ဖြစ်နေရင်တော့ Hide ဖြစ် နေမှာပါ။ ဒါပေမယ့် Vista မှာတော့ အလုပ် မလုပ်ပါဘူး။
Registry ပိတ်ဖို့အတွက် HKEY_CURRENT _USER\SOFTWARE\Microsoft\Windows\ CurrentVersion\Policies\System မှာ ညာဘက်က DWord Value ဖြစ်တဲ့ DisableRegistryTools ဆိုတာလေးထဲမှာ 0 ဆိုရင် ဖွင့်ခွင့်ပေးထားပြီး 1 ဆိုရင် တော့ ဖွင့်ခွင့် မရှိတော့ပါဘူး။
Task Manager ပိတ်ဖို့အတွက်ကတော့ HKEY_ CURRENT_USER\ SOFTWARE\Microsoft\Windows\ CurrentVersion\Policies\System မှာ ညာဘက်က DWord Value ဖြစ်တဲ့ DisableTaskMgr မှာ 0 ဆိုရင် ဖွင့်လို့ ရပြီး 1 ဆိုရင်တော့ ဖွင့်လို့ မရတော့ပါဘူး။
Command Prompt ကို ပိတ်ဖို့အတွက်ကတော့ HKEY_CURRENT_USER\Software\Policies\ Microsoft\Windows\System မှာ ညာဘက်က DWord Value ဖြစ်တဲ့ DisableCMD မှာ 0 ဆိုရင် ဖွင့်လို့ရပြီး 1 ဆိုရင်တော့ ပိတ်လိုက်ပါတယ်
Ref:http://www.knowledgebridge.net

အိုင်တီလောကမှာ ခေတ်စားလာတဲ့ CISCO

 


Cisco Certified တွေ အခုအခါ ခေတ်စားလာသလို အိုင်တီလောက အတွက်လဲ အကျိုးကျေးဇူးများလာတာကို တွေ့ရပါတယ်။ တကယ်ကိုပဲ networking သမားတစ်ယောက်အတွက် အသက်မွေးဝမ်းကျောင်း ပညာရပ်တစ်ခုဖြစ်သလို Professional လုပ်စားမယ့်သူတွေအတွက်လဲ မရှိ မဖြစ် လိုအပ်လာတဲ့ အသိပညာရပ်တစ်ခုပါပဲ။ Cisco နဲ့ ပက်သက်တဲ့ စာမေးပွဲဝင်ဖြေရန် ကြိုးစားနေကြတဲ့ လူငယ်တွေနဲ့ Cisco အကြောင်း လေ့လာချင်တဲ့ စာဖတ်ပရိသတ်အတွက် ကျွန်တော် လေ့လာသိမီသမျှကို ပြောပြပါမယ်။
Cisco ဆိုတာက Networking System မှာ အဓိက အလုပ်လုပ် ဆောင်ပေးတဲ့ routers, bridges and switches. Devices ရဲ့ မူပိုင် OS ပါ။ Cisco Router မှာပါတဲ့ IOS ( Inter network Operation system) အကြောင်း သင်ယူရမှာ ဖြစ်ပါတယ်။ Cisco Network Device တွေကို အသုံးပြုမယ်ဆိုရင်တော့ သူ့ရဲ့ OS တွေကို မသိမဖြစ်သိထားရမဲ့ ဘာသာရပ် ပါ ။ ဆိုလိုတာက Microsoft OS ကို အသုံးပြုသူကတော့ Microsoft windows အကြောင်းသိမှ သုံးနိုင်မှာဖြစ်ပြီး Linux သုံးသူက Linux OS အကြောင်းသိမှ အသုံးပြုနိုင်မှာ ဖြစ်သလိုမျိုးပေါ့။ Cisco Router, Cisco Switch တွေ အသုံးပြုမဲ့သူတွေအတွက်ကတော့ Cisco ရဲ့ command တွေနဲ့ သူ့ အလုပ်လုပ်ဆောင်ပုံတွေကို သိမှဖြစ်မှာပါ။
Cisco Network ကို တကယ်တမ်း အသုံးပြုတဲ့ Network ဆိုတာ ကလဲ တကယ့်ကို ကြီးကျယ်တဲ့ Network တွေမှာပဲ တွေ့ရမှာပါ။ ISP level နဲ့ အလုပ်လုပ်တဲ့ Network တွေမှာ အများဆုံး တွေ့ရှိရပါတယ်။ ဒါကြောင့်လဲ Networking သမားတွေအတွက် မရှိမဖြစ်လိုအပ်လာပါတယ်။ ဒီလိုမျိုး အတွက်လဲ Cisco မှ တရားဝင်စာမေးပွဲတွေနဲ့အတူ အဆင့်ခွဲခြားပြီး Certificate တွေ ပေးထားပါတယ်။ ၀င်ဖြေဖို့ကတော့ တစ်ဘာသာကို 250 $, 150$ (CCENT) ဘာသာရပ်အလိုက် အသီးသီးနဲ့ဝင်ရောက် ဖြေဆိုခွင့် ပြုထားပြီး အကယ်၍ စာမေးပွဲကျပါက ၆ လတိတိ ထိုဘာသာကို ဖြေဆိုခွင့်ခဏပိတ်ထားမှာပါ။ Microsoft စာမေးပွဲကတော့ ကျရင် ကြိုက်တဲ့အချိန် ပြန်ဖြေခွင့်ရှိပါတယ်။ ဒါကြောင့် Cisco စာမေးပွဲဖြေဆိုမယ်ဆိုရင် သေချာ ပိုင်မှ ဖြေဆိုသင့်ပါတယ်။
စာမေးပွဲတွေကတော့ level အလိုက် သက်မှတ်ထားပါတယ်။ အဓိက လက်မှတ် Level 5 မျိုး သတ်မှတ်ထားပါတယ်။ အဲဒါတွေကတော့
- Entry Certification ( CCENT )
- Associate Certification ( CCNA)
- Professional Certification ( CCNP )
- Expert Certification ( CCIE)
- Architect Certification
တို့ ဖြစ်ပါတယ်။
Level အလိုက် Cisco Network Certification တွေကတော့
Entry
* IP Networking (CCENT)
Associate
* Design (CCDA)
* Routing and Switching (CCNA)
* Security (CCNA Security)
* Voice (CCNA Voice)
* Wireless (CCNA Wireless)
Professional
* Design (CCDP)
* Routing & Switching (CCNP)
* Security (CCSP)
* Service Provider (CCIP)
* Voice (CCVP)
* Wireless (CCNP Wireless)
Expert
* CCDE Design Expert
* CCIE SP Operations
* CCIE Routing and Switching
* CCIE Security
* CCIE Service Provider
* CCIE Storage Networking
* CCIE Voice
* CCIE Wireless
Architect
* Cisco Certified Architect
မိမိ အသက်မွေးဝမ်းကျောင်းပညာအတွက် လမ်းကြောင်းရွေးချယ်ဖို့ ကတော့
- Routing & Switching
- Design
- Network Security
- Service Provider
- Storage Networking
- Voice
- Wireless ဆိုပြီး (၇)မျိုး ရှိပါတယ်။ ကိုယ်ကြိုက်တဲ့အပိုင်းကို ၀င်ရောက်ဖြေနိုင်ပါတယ်။ ဒါက စာမေးပွဲအပိုင်းတွေပါ။ CCNA နဲ့ ပတ်သက် တဲ့ သင်တန်းကြေးတွေကတော့ မြန်မာငွေကျပ် သုံးသိန်းခန့် ရှိပါတယ်။
Cisco Network ကို စတင်လေ့လာမယ်ဆိုပါက အခြေခံအကျဆုံး Network module ဖြစ်တဲ့ Open Systems Interconnection(OSI)ရဲ့ သဘောကို နားလည်ရပါမယ်။ OSI Model ရဲ့ သိသင့်တဲ့ အကြောင်းအရာအလွှာ(၇)လွှာကတော့ -
(1) Application layer
(2) Presentation layer
(3) Session layer
(4) Transport layer
(5) Network layer
(6) Data-link layer
(7) Physical layer တို့ ဖြစ်ကြပါတယ်။
Application layer
Application layer က OSI Reference Model ရဲ့ အပေါ်ဆုံး layer ဖြစ်ပါတယ်။ သူက user interface အတွက် တည်ဆောက်ထားတာပါ။ ဥပမာအားဖြင့် telnet အပါအ၀င် TCP/IP applications တွေရယ်, FTP(File Transfer Protocol), HTTP(Hyper Text Transfer Protocol) and SMTP (Simple Mail Transfer Protocol) စတဲ့ Network Application တွေ အလုပ်လုပ်တဲ့ Layer ဖြစ်ပါတယ်။
Presentation layer
၆ လွှာမြောက်ဖြစ်တဲ့ presentation layer က အပေါ် Layer 7 ဖြစ်တဲ့ Application Layer ကို ထောက်ပံ့ပေးတဲ့ အလုပ်ကို လုပ်ဆောင်ပါ တယ်။ သူ့ရဲ့ အဓိကလုပ်ဆောင်မှု သုံးခု ရှိပါတယ်။
(1) data presentation
(2) data Compression
(3) data Encryption
Data Presentation ရဲ့သဘောကတော့ ဒီဘက်က ပို့လိုက်တဲ့ data တွေကို တစ်ဖက်လက်ခံသူဘက်က process လုပ်၍ ရနိုင်အောင် ပြောင်း ပေးခြင်း ဖြစ်ပါတယ်။ presentation layer protocols မှာ စံသတ်မှတ်ချက် အားဖြင့် ASCII, BMP, GIF, JPEG, WAV, AVI and MPEG တို့ ပါဝင်ပါတယ်။
Data Compression လုပ်ခြင်းကတော့ Network ပေါ်မှာ အရွယ် အစားငယ်အောင် compress လုပ်ပြီး နက်ဝက်အတွင်းထဲသို့ ပို့လွှတ်လိုက် ခြင်း ဖြစ်ပါတယ်။ လက်ခံသည့်စက်ရောက်မှ presentation layer မှ com-press လုပ်ပြီး ပို့လိုက်သမျှ data တွေ uncompress လုပ်ယူပါတယ်။
Data encryption ပြုလုပ်ခြင်းကတော့ လိုအပ်သော encrypt များ ကို လက်ခံသော ကွန်ပျူတာထံရောက်လာတဲ့အခါ presentation layer မှာ ပြန်လည် decrypt ပြန်လုပ်ခြင်းပါ။
Session layer
Session ကတော့ နက်ဝက်တွေအတွက် Device တစ်ခုမှ နောက်Device တစ်ခုရဲ့ကြား Data တွေ ချိတ်ဆက်နိုင်အောင် ပြုလုပ်တဲ့အပိုင်းကို တာဝန်ယူ လုပ်ဆောင်ပါတယ်။ သူက Transport Layer နဲ့တွဲဖက် အလုပ် လုပ်ဆောင်ပါတယ်။ ဥပမာ - RPCs နဲ့ NFS တို့ပါ။ Remote Procedure Call (RPC) & Network File System (NFS) Transmission rate ပေါ် မူတည်ပြီး သုံးမျိုးရှိပါတယ်။
အဲဒါတွေကတော့ -
(1) simplex
(2) half duplex (Data ကို တစ်ဖက်မှ ပို့ဆောင်နေချိန်အပြီးမှ နောက် တစ်ဖက်မှ ပြန်လည်ပို့ဆောင်နိုင်သည်။)
(3) full duplex (နှစ်ဖက်စလုံးမှ အပြန်အလှန် ပို့ဆောင်ချိတ်ဆက် နိုင်သည်။)
Transport layer
Transport Layer ဆိုသည့်အတိုင်း Data များကို Sending Host မှ အခြားလက်ခံမယ့် Receiver Host အထိ သယ်ယူပို့ဆောင်ရေးအပိုင်းကို လုပ်ပါတယ်။ Data တစ်ခုကို ပို့ဆောင်ပြီးနောက် လက်ခံမည့်သူ ရောက်ရှိချိန် တွင် ပို့လွှတ်လိုက်သော Data နှင့် လက်ခံရရှိပြီးသော Data တို့ ပြီးပြည့်စုံ ခြင်းရှိ/မရှိကို ပြန်လည်စစ်ရပါတယ်။ ဒါကို Acknowledgment လုပ်တယ် လို့ ခေါ်ပါတယ်။ ထိုကဲ့သို့ Data ပြန်စစ်ပြီး မပြည့်စုံခဲ့လျှင် နောက်တစ်ဖန် ပြန်လည်ပို့ဆောင်ပေးဖို့ (Retransmission) လုပ်ဆောင်ပါတယ်။ ထိုနည်းတူ စွာ Network ပေါ်မှ Transmission Speed ကို ထိန်းညှိပေးခြင်း (Flow Control)ကိုလည်း လုပ်ပေးပါတယ်။
Network layer
“Cisco Layer” လို့တောင် ခေါ်လို့ရတဲ့ အပိုင်းပါ။ ဘာလို့လဲဆိုတော့ ကွန်ရက်တွေပေါ်မှာ Data Packets တွေကို လမ်းကြောင်းလွှဲပေးခြင်း (Routing)နဲ့ လိပ်စာသတ်မှတ်ပေးခြင်း (Logical Addressing) တာဝန်တွေ ကို ထမ်းဆောင်ရပါ။
လိပ်စာသတ်မှတ်ခြင်းကတော့ IP address (Logical address) နှင့် MAC address ဆိုပြီး Device တစ်ခုမှာ IP နှစ်မျိုး ရှိပါတယ်။ MAC address ကတော့ physical address ဖြစ်ပြီး NIC ထုတ်စဉ်ကတည်းက တစ်ပါတည်း အသေထည့်သွင်းသတ်မှတ်ထားတဲ့အတွက် ပြောင်းလဲလို့ မရနိုင်ပါဘူး။ Network address (Logical address) ကိုတော့ network layer protocol တွေ ဖြစ်ကြတဲ့ IP/IPX တို့ကို အသုံးပြုပြီး သတ်မှတ်ပေးတဲ့ IP address ဖြစ်ပါတယ်။ Network layer မှာ source နှင့် destination address တွေဟာ IP address ဖြစ်ပါတယ်။
ဒီ Layer ကတော့ ပို့ဆောင်မဲ့ Data တွေကို အပိုင်းလေးတွေ ခွဲပြီး ပို့ဆောင်ဖို့ (Segments) လုပ်ဆောင်ပါတယ်။ ကွန်ယက်လမ်းကြောင်း ရှာခြင်း (Best Path Determination)၊ ပို့ဆောင်ခြင်း (Packet forwarding) အပိုင်းနဲ့ ထိမ်းချုပ်ခြင်း (Packet Filtering) အပိုင်းတို့ကို လုပ်ဆောင်ပါတယ်။ Hardware အနေနဲ့ပြောရရင် ဒီ layer မှာ အလုပ်လုပ်တဲ့ device တွေကို layer-3 device တွေလို့ ခေါ်ပါတယ်။ Router ဟာ အသုံးများဆုံး layer-3 device ဖြစ်ပါတယ်။
Data Link Layer
Data link layer ရဲ့ အဓိကလုပ်ဆောင်မှုကတော့ Layer 3 (Network layer) က လာတဲ့ packet တွေကို header နှင့် trailer ထည့်သွင်းပြီး frame အဖြစ်သို့ တည်ဆောက်တာကို လုပ်ဆောင်တယ်။ Header ထဲမှာဆိုရင် Source နှင့် destination address တို့ကို ထည့်သွင်းပေးရပါတယ်။ ဒီ layer မှာ ထည့်တဲ့ address တွေသည် MAC address ပဲ ဖြစ်ပါတယ်။ Data Link layer မှာ အလုပ်လုပ်တဲ့ device တွေကို layer -2 device တွေလို့ ခေါ်ပါတယ်။ bridge နှင့် switch တို့သည် အသုံးအများဆုံး layer-2 device များ ဖြစ်ပါတယ်။
Physical layer
အောက်ဆုံး Layer ဖြစ်တဲ့ Physical ကတော့ data link layer မှ လာသော frame များကို လက်ခံရယူပြီး signal များအဖြစ် ပြောင်းပေးတဲ့ တာဝန်ယူထားပါတယ်။
ဒါတွေကတော့ လက်မှတ် Layer (၅) မျိုးနဲ့ Layer (၇)မျိုးအကြောင်း ဖြစ်ပါတယ်။ အပေါ်ပုံကိုကြည့်ပြီး Layer တွေ ဘယ်လိုအလုပ်လုပ်တယ်ဆို တာ လေ့လာနိုင်ပါတယ်။ နောက်ပိုင်း အခွင့်သင့်ရင်လဲ Cisco နဲ့ပတ်သက်တဲ့ အကြောင်းအရာလေးတွေကို တင်ပြပေးသွားပါမယ်။
ရဲအောင်သူ
Ref:http://www.knowledgebridge.net

*** လာလည်သောအပေါင်းအသင်းများ မိမိ ASN GROUP ONLINE SHOP ကနေ သင်တို့အလိုရှိသောပစ္စည်းများကို ရှာဖွေပြီး ORDER မှာလို့ရနေပါပြီ ***

ASNGROUP WAREHOUSE DEALS DEEPS DISCOUNT!