Popular Posts!

Wednesday, May 27, 2015

မဲပေးနိုင်မည့်သူ အမည်စာရင်းအား ဝက်(ဘ်)ဆိုဒ်

ပြည်ထောင်စုရွေးကောက်ပွဲကော်မရှင်သည် ယနေ့တွင် လာမည့်ရွေးကောက်ပွဲတွင်

မဲပေးနိုင်မည့်သူ
အမည်စာရင်းအား ဝက်(ဘ်)ဆိုဒ်တွင် စတင်လွှင့်တင်လိုက်ပြီဖြစ်ပါသည်။ အမည်စာရင်းတွင် သင့်အမည်နှင့် သင့်မိသားစုဝင်များ၏ အမည်ပါ မပါ ကို ဝင်ရောက်ကြည့်ရှုနိုင်ပြီဖြစ်ပါသည်။ ယနေ့လွှင့်တင်လိုက်သော ဝက်(ဘ်)ဆိုဒ်တွင် ရန်ကုန်တိုင်းဒေသကြီးမှ မြို့နယ်အချို့သာ ပါဝင်ပြီး အခြားမြို့နယ်များမှ အမည်စာရင်းကို ဇွန်လတွင်ထပ်မံ ထည့်သွင်းသွားမည်ဟုသိရပါသည်။ အောက်ဖော်ပြပါ လင့်(ခ်)တွင် သွားရောက်ကြည့်ရှု၍ မိမိမှတ်ချက်များကိုရေးသားနိုင်ပါသည်။

The Union Election Commission today launched a web site which allows you to check whether your name and your family’s names are on the voter list. At the moment this works for Yangon. Other townships will be added during June. Check it out and post your comments. https://checkvoterlist.uecmyanmar.org/


Friday, May 22, 2015

ဦးနေ၀င်းအတင်းပြောတဲ့ ၀င်ဒီ


Windi copy

တပေလောက်ရှိသော ကုလားလေးနေသွားဖူးသဖြင့် တပေကုလားရွာဟု ခေါ်ဆိုလေသည်။ ဒီလိုစာမျိုး သိပံ္ပမောင်ဝစာတွေထဲ ဖတ်ရလေ့ရှိပြီး အခု ဦးနေ၀င်း အတင်းချထားတဲ့ ရှင်ရင်ရွှေထီးစာအုပ်မှာလည်း အလားတူအရေးအသားနဲ့ စထားတာ တွေ့လိုက်ရပါတယ်။
စာရေးသူ ၀င်ဒီလောရုံက သူ့ရဲ့ ရှင်ရင်ရွှေထီးစာအုပ်ကို ၂၀၁၂ ခုနှစ်အတွင်း သူ ရန်ကုန်ပြန်ရောက်တဲ့ အခန်းနဲ့ဖွင့်ထားပြီး အဲ့ဒီအခန်းတနေရာမှာ “လင်္ကျာဘက်သို့ လှည့်လိုက်လျှင် ကျောက်တံတားသို့ရောက်မည်။ ကျောက်တုံးတွေနဲ့ တည်ဆောက်ထားသောတံတားရှိ၍ ဤမြို့နယ်ကို ကျောက်တံတားဟု အမည်ပေးထာ၏” လို့ ခပ်တည်တည်ရေးထားပါတယ်။

ဝင်ဒီလောရုံနဲ့ခင်ပွန်းဖြစ်သူတို့ ရန်ကုန်ရောက်နေတုန်း တိုက်တိုက်ဆိုင်ဆိုင် မင်္ဂလာတောင်ညွန့်ပေါက်ကွဲမှု ဖြစ်ပါတယ်။ ညအချိန်မတော် ၀ုန်းကနဲပေါက်ကွဲ သံကြောင့် ဗုံးပေါက်တာလား ငလျင်လှုပ်တာလား မသိ ဆိုတာနဲ့ စာရေးသူက ရှင်ရင်ရွှေထီးစာအုပ်ကို စိတ်ဝင်စားဘွယ် ဖွင့်လိုက်ပါတယ်။
ငါတို့စာပေစာအုပ်တိုက်က ၂၀၁၅ ခုနှစ်၊ မတ်လမှာ ပထမအကြိမ် အုပ်ရေ ၁၀၀၀၊ ရောင်းဈေး ၂၅၀၀ ကျပ်နဲ့ ဖြန့်ချိရောင်းချခဲ့တဲ့ ရှင်ရင်ရွှေထီးစာအုပ်ဟာ မူရင်း စာရေးသူ ၀င်ဒီလောရုံက အင်္ဂလိပ်လိုရေးသားထားတာဖြစ်ပြီး ဟိန်းလတ်က မြန်မာဘာသာပြန်ပေးထားတဲ့ ဘာသာပြန်စာအုပ်ဖြစ်ပါတယ်။
ဘာသာပြန်သူ ဟိန်းလတ်ရဲ့အမှာစာအရ ၀င်ဒီလောရုံ အင်္ဂလိပ်လိုရေးထားတဲ့ စာအုပ်လေးအုပ်ထဲက Golden parasol ဆိုတဲ့ စာအုပ်ကို ရွေးချယ်ပြန်ဆို ထားတာဖြစ်ပြီး သတင်းစာဆရာ နေးရှင်းဦးလောရုံရဲ့ ဘ၀ဖြတ်သန်းမှုတွေပါလို့ ဒီစာအုပ်ကို ရွေးပြီး ဘာသာပြန်ဖြစ်တာလို့ ဆိုထားပါတယ်။ မြန်မာပြည်သမိုင်းကြောင်းထဲ ဘယ်စာအုပ်မှာမှ မပါတဲ့ ကွက်ပျောက်သမိုင်းအချက်တချို့ ပါတယ်လို့လည်း ဘာသာပြန်သူက ညွှန်းထားပါသေးတယ်။
မာတိကာ မပါတဲ့ ရှင်ရင်ရွှေထီးစာအုပ်မှာ အဖွင့်နိဒါန်း၊ အပိုင်းတစ် အတွင်းရေး၊ အပိုင်းနှစ် ပြင်ပနဲ့ အခန်းသုံး အိမ်အပြန်ဆိုပြီး အခန်းသုံးခန်းခွဲခြားရေးသား တင်ပြထားပါတယ်။
အခန်းတစ်အတွင်းရေးအခန်းက အရှည်လျားဆုံးဖြစ်ပြီး ဒီအခန်းမှာ ဦးလောရုံ မွေးဖွားကြီးပြင်းသည်မှ နေးရှင်းသတင်းစာပိုင်ရှင်ဖြစ်လာသည်ထိနဲ့ ထောင်ကပြန်ထွက်လာချိန်ထိ ဖြတ်သန်းမှုတွေ ချယ်မှုန်းရေးသားထားပါတယ်။

အခန်းနှစ် ပြည်ပကတော့ ဦးလောရုံမြန်မာပြည်ကထွက်လာပြီး ပြည်ပြေးဘ၀ဖြတ်သန်းပုံ၊ အမေရိကားရောက်ပြီး သေဆုံးချိန်ထိ ဖြတ်သန်း မှုတွေဖော်ပြပါရှိပြီး၊ အခန်းသုံးကတော့ ဦးလောရုံရဲ့သမီး စာရေးသူဝင်ဒီလောရုံရဲ့ မြန်မာပြည်နဲ့တရုတ်မြန်မာနယ်စပ်ဖြတ်သန်းပြီး ဖခင်ဖြစ်သူရဲ့ ဆွေမျိုးသားချင်းရှာပုံတော်ဖွင့်ပုံတွေ ရေးသားတင်ဆက်ထားတာ ဖြစ်ပါတယ်။
ရှင်ရင်ရွှေထီးစာအုပ်မှာ မြန်မာ့သမိုင်းမှာ ထင်ရှားတဲ့ ဗိုလ်ချုပ်အောင်ဆန်း၊ ဦးနု၊ ဦးကျော်ငြိမ်း၊ ဦးနေ၀င်း စတဲ့ သက်ရှိဇာတ်ကောင်တွေ အမြောက်အမြားပါ ၀င်နေပြီး ဒီထဲ ဦးလောရုံနဲ့ ဦးနေ၀င်းတို့ ဆက်ဆံရေးကဏ္ဍကို စာရေးသူက အလေးထားဖော်ပြရေးသားထားတာ တွေ့မြင်ဖတ်ရှုရပါတယ်။

Windi
ဝင်ဒီလောရုံဟာ သူ့ဖခင် နေးရှင်း ဦးလောရုံထားရစ်အပ်နှံခဲ့တဲ့ မှတ်တမ်းကို အခြေခံ အသုံးပြုပြီး ဒီစာအုပ်ကို ရေးသားထားတာ ဖြစ်တာမို့ ဒီစာအုပ်ထဲပါတဲ့ ဦးနေ၀င်းအတင်းတွေက ဦးလောရုံမှတ်တမ်းတွေက ဆင်းသက် ထွက်ကျလာတာလည်း ဖြစ်ပါတယ်။
နေးရှင်းဦးလောရုံဟာ အထူးသဖြင့် ဦးနေ၀င်းရဲ့ဇနီးဖြစ်သူ ဒေါ်ခင်မေသန်းနဲ့ ကျွမ်းဝင်ရင်းနှီးသူတဦးဖြစ်ပြီး စာအုပ်ထဲပါတဲ့ အတင်းတခုအရတော့ ဒေါ်ခင်မေသန်းနဲ့ ဦးလောရုံ ကျွမ်းဝင်ရင်းနှီးမှုကြောင့်ပဲ ဦးနေ၀င်းက ဦးလောရုံကို ထောင်သွင်းအကျဉ်းချခဲ့တာပါ။
ဒီအကြောင်း အခန်းနှစ်ပြီးခါနီးတနေရာမှာ ရေးသားဖော်ပြထားတာ ကောက်နုတ်ပြချင်ပါတယ်။ ဦးနေ၀င်းရဲ့ဇနီး ဒေါ်ခင်မေသန်းကို ဦးလောရုံက ကေတီ လို့ခေါ်ပြီး ဒီအခန်းမရောက်မီတနေရာမှာ ကေတီဟာ ဦးနေ၀င်းနဲ့ပေါင်းနေတုန်း နောက်လူတယောက်နဲ့ ရှုပ်နေတာကို ဦးလောရုံသိထားသလို ဦးနေ၀င်းကလည်း သိထားလို့ သူ့ဇနီးနဲ့ ပြောဆိုဆက်ဆံခြင်းမလုပ်ဖို့ တားမြစ်ထားတဲ့ကြားက ဦးနေ၀င်းလုပ်တဲ့ ပါတီပွဲတခုကို ဦးလောရုံသွားတက်ရင်း နှစ်ယောက်သား ပြဿ နာတက်ကြပုံအခန်း ဖြစ်ပါတယ်။

တီးဝိုင်းတခုက ဖျော်ဖြေနေ၏။ မြက်ခင်းပြင်တနေရာတွင် နေ၀င်း ထိုင်နေ၏။ တဘက်တွင် ကေတီ၊ သူ့ဘေးမှာက ဗိုလ်မှူးကြီးကတော်တွေ ၀ိုင်းနေ၏။ ကေတီက ဖေ့ဖေ့ကို လက်ဝှေ့ယမ်းပြကာ သူ့နားကို လာခိုင်း၏။ ဖေဖေက သတိပြုမိသည်။ နေ၀င်းကလည်း သူ့ကို တချိန်တည်းတွင် မြင်သွားဟန်တူ၏။ ဖေဖေက ကေတီနားကိုသွား၏၊ သူအနား ပိုရောက်လာလေလေ ဗိုလ်မှူးကြီးကတော်တွေက နေရာဖယ်ပေးလေလေ၊ နောက်ဆုံး ကေတီ၏ဘေးသို့ ဖေဖေ ရောက်သွား၏။
“ရှင်လာတာ ၀မ်းသာလိုက်တာ၊ ကျမကို ပစ်မထားပါနဲ့ရှင်၊ ရှင်ဘာကြောင့် လာသလဲဆိုတာ ကျမသိတယ်၊ ကျမ ဘယ်တော့မှ မမေ့ဘူး”
သူတို့ လက်ချင်းအုပ်ဆုပ်ကိုင်ထားလိုက်ကြ၏။ နေ၀င်းက အနားရောက်လာသည်၊ ကေတီက သူ့ကို ကြည့်ကာ လူအုပ်ကြားထဲ ၀င်သွား၏။

နေ၀င်းက ဒေါသကြောင့် တုန်ယင်နေ၏။

“ခင်ဗျား ဘယ်လောက်သတ္တိရှိလို့လဲ၊ ခင်ဗျားကို သူနဲ့ စကားမပြောရဘူးလို့ ပြောထားပြီးသားပဲ”

…………………………………………………………………………………………………….။
နောက်ထပ် ၃ ညအကြာတွင် ဖေဖေအဖမ်းခံခဲ့ရ၏။

————————————————————————။။။————————

ရှင်ရင်ရွှေထီးရဲ့ အခန်းနှစ်အဆုံးနားမှာလည်း အလားတူ ဦးနေ၀င်းအတင်းတခု တွေ့ရပါတယ်။

ယခု ကျမရှေ့တွင် ဖေဖေ၏အမှတ်ရစရာများစာအုပ်ထဲမှ နောက်ဆုံးအခန်း ရှိနေ၏။ ခေါင်းစဉ်က ရဲဘော်နေ၀င်း၏စိတ် တဲ့။
ဗိုလ်ချုပ်နေ၀င်းဟာ စိတ်ပိုင်းဆိုင်ရာ ရောဂါတခုခုရှိတယ်ဆိုတာ ယုံမှား သံသယနဲနဲလေးတောင်မှ ရှိစရာအကြောင်း မရှိဘူးဟု ရေးခဲ့၏။
ဖေဖေက သူ၏ ကိုယ်ပိုင်ရေးအတပတိ နောက်ဆုံးစာမျက်နှာတွင် ဖော်ပြထား၏။

‘အားလုံးကိုသိရင် အားလုံးကို ခွှင့်လွှတ်ရတာပဲလို့ ပြောကြတယ်၊ ကျနော် နေ၀င်းအကြောင်း တကယ်တမ်း အကုန်မသိပါဘူး၊ ဒါပေမယ့် သူ့ရဲ့ စိတ်အခြေအနေကိုတော့ လုံလုံလောက်လောက်ကို သိပါတယ်၊ သူ ကျနော့်ကို ဒုက္ခတွေ ဘာကြောင့်ပေးတယ်ဆိုတာလဲ ကျနော်နားလည်ပါတယ်။ နေ၀င်းကြောင့် ပိုပြီး ဒုက္ခရောက်ခဲ့သူတွေ သူ့လက်ထက်မှာ ပိုပြီး တရား မမျှမတ ခံရသူတွေ အများကြီးရှိတယ်၊
————————————————————-.။။။…………………………………..
ဘာပဲပြောပြော စာအုပ်အညွှန်းရေးထားသလို လွတ်လပ်ရေးရပြီးကာစ ကာလတွင် သြဇာကြီးမားတဲ့ နေးရှင်းသတင်းစာတည်ထောင်သူ၊ ၁၉၆၂ခုနှစ် စစ်တပ်အာဏာသိမ်းမှုအပြီး အကျဉ်းချခံခဲ့ရသူ၊ ထောင်ကထွက်လာပြီးတဲ့နောက် စစ်အစိုးရကို တော်လှန်ခဲ့သူ၊ ထိုင်းမှာ အခြေစိုက်တဲ့ အဝေးရောက် ဦးနုအစိုးရအဖွဲ့မှာ နိုင်ငံခြားရေးဝန်ကြီးလုပ်ခဲ့သူ၊ အင်္ဂလိပ်၊ ဂျပန်ခေတ်ပုံရိပ်တွေ၊ ဗိုလ်ချုပ်အောင်ဆန်း၊ ဦးနု၊ ဗိုလင်္ကျာ၊ ဦးသန့်တို့နဲ့ တွေ့ဆုံလှုပ်ရှားခဲ့ပုံတွေ၊ ဦးနေ၀င်းရဲ့ ဇာတ်ရှုပ်တွေအကြောင်း ရေးသားဖော်ပြထားတာမို့ ဖတ်ဖို့သင့်တဲ့ စာတအုပ်ပါပဲ။

ဘာသာပြန်သူပြောတဲ့ သမိုင်းကွက်ပျောက်တွေ ပါရှိတယ်ဆိုတာကတော့ ဦးနေ၀င်းအတင်းတွေ ဖြစ်မလားပါပဲ။
ကိုရွှေအောင်

Ref:http://burmese.dvb.no/archives/92861

ဇီးရိုးကို ဟီးရိုး ဖြစ်အောင်လုပ်နိုင်သူနှင့် သိင်္ဂီရွှေခွက်ကို ပဲကြီးလှော် ထန်းလျက်နဲ့ လဲစားသူတွေ အကြောင်း ”




ဇီးရိုးကို ဟီးရိုး ဖြစ်အောင်လုပ်နိုင်သူနှင့် သိင်္ဂီရွှေခွက်ကို ပဲကြီးလှော် ထန်းလျက်နဲ့ လဲစားသူတွေ အကြောင်း ”

(စင်ကာပူ ရေကာတာ ၁၇ ခုနဲ့ မြစ်တူမြောင်း ၃၁ မြောင်းပြ မြေပုံ)
Photo credited to PUB ( Singapore)
(စင်ကာပူ ရေကာတာ ၁၇ ခုနဲ့ မြစ်တူမြောင်း ၃၁ မြောင်းပြ မြေပုံ) Photo credited to PUB ( Singapore)
စာရေးသူဟာ အလုပ်က ပြန်ရောက်တိုင်း ညနေပိုင်းဆို အညောင်းအညာပြေ လမ်းလျှောက်ထွက်လေ့ ရှိပါတယ်။ အိမ်နဲ့ မနီးမဝေး ပါဆားရစ်ပန်းခြံဘေးက မြစ်တူးမြောင်းကြီး ဘေးတလျှောက်မှာပါ။ လေညှင်းလေးတွေ ကဆုန် ဆိုင်းပြီး ခရမ်းနီရောင်မြက်ရိုင်းပင်တွေ ယိမ်းနွဲ့ လှိုင်းထလို့၊ အုန်းပင်တန်းတွေ အစီအရီနဲ့ ရေငှက်မျိုးစုံ အော်မည် ကျက်စားနေတဲ့ မြစ်တူးမြောင်းကြီး ဘေးတလျှောက် လမ်းလျှောက်ရတာ ကိုယ်စိတ်နှစ်ပါးလုံး အပန်းပြေစေပါ တယ်။ တူးမြောင်းဆိုလို့ အထင်မသေးလိုက်ပါနဲ့။ အကျယ်ပေ ၁၀၀ နီးပါး ရှိတာမို့ မြစ်ပေါက်စလို့ တောင် ပြောလို့ ရပါတယ်။ တူးမြောင်းတလျှောက်မှာလည်း စကိတ်ဘုတ်နဲ့ စက်ဘီးလမ်း၊ လူသွားလမ်းတွေကို ဘေး နှစ်ဖက်ဝဲယာမှာ စနစ်တကျ ခင်းပေးထားတဲ့အပြင် နားနေစရာ ထိုင်ခုံတွေလည်း ဆောက်ပေးထားတယ်။ နေ့ရော ညပါ ဘေးအန္တရာယ်ကင်းကင်း အပန်းဖြေ သုံးစွဲနိုင်အောင် မီးတိုင်တွေ၊ လက်ရမ်းအကာအကွယ်တွေ၊ လမ်းညွှန် ဆိုင်းဘုတ်တွေလည်း စီမံ ပေးထားတယ်။
ဒီဆောင်းပါးကို ရေးတဲ့ရည်ရွယ်ချက်ရင်းက ဒီမြစ်တူးမြောင်းရဲ့ အလှကို စာဖွဲ့ဖို့ မဟုတ်ပါဘူး။ ဒီတူးမြောင်းနဲ့ ဆက်စပ်ပြီး စင်ကာပူနဲ့ မြန်မာနိုင်ငံ အုပ်ချုပ်သူအစိုးရ ၂ ရပ်ကြားမှာ ရှိတဲ့ ကွာခြားတဲ့ အမျှော်အမြင်၊ မတူညီတဲ့အတွေးအကြံ လုပ်နည်းကိုင်ဟန်နဲ့ ဆန့်ကျင်ဘက် လားရာ တိုင်းပြည်အပေါ် ထားတဲ့စေတနာတွေကို နှိုင်းယှဉ်ပြခြင်လို့ပါ။
လူခန္ဓာကိုယ်မှာရှိတဲ့ သွေးလွှတ်ကြော၊ သွေးပြန်ကြောနဲ့ သွေးကြောမွှာပေါင်းများစွာ ဖြန့်ကျက်ပြီး နှလုံးအိမ်ထဲ ၀င်ထွက် စီးဆင်းနေသလို စင်ကာပူကျွန်းနိုင်ငံလေးရဲ့ ချောင်းငယ်၊ မြစ်လက်တက်နဲ့ တူးမြောင်းများစွာအနက်က တခုသော မြစ်တူးမြောင်း ဖြစ်ပေမဲ့  မြန်မာနိုင်ငံမှာ တွေ့နေကြ အညစ်အကြေး အမှိုက်သရိုက်တွေနဲ့ ပိတ်ဆို့ နံစော်ပြီး ရေမစီးတော့တဲ့ မြောင်းပုတ်တူးမြောင်းမျိုး မဟုတ်ပါဘူး။
အလျားအားဖြင့် ၁.၁ ကီလိုမီတာ ရှည်ပြီး ဆူငိုင်းတမ်းပနီးစ် ( Sungei Tampines ) လို့ အမည်ရှိတဲ့ ဒီမြစ် တူးမြောင်းဟာ ရိုးရိုးတူးမြောင်းတခု မဟုတ်ပါဘူး။ စင်ကာပူနိုင်ငံအတွက် မရှိမဖြစ် အလွန်အရေးကြီးတဲ့ ရေချိုလိုအပ်ချက်ကို တထောင့်တနေရာက ဖြည့်ဆည်းပေးနေတဲ့ အဖိုးတန် မြစ်တူးမြောင်းတခုပါ။
၁၉၆၅ ခုနှစ်မှာ မလေးယားပြည်ထောင်စုကနေ သီးခြားလွတ်လပ်တဲ့နိုင်ငံ ဖြစ်လာတဲ့ စင်ကာပူနိုင်ငံရဲ့ အကြီးမားဆုံး စိန်ခေါ်မှုတွေထဲက တခုကတော့ သောက်သုံးရေချို လုံလောက်စွာ ရရှိရေးပါဘဲ။ ဖို့မြေအပါအ၀င်မှ ၇၁၈.၃ စတုရန်းကီလိုမီတာ အကျယ်အ၀န်း သာရှိတဲ့ စင်ကာပူနိုင်ငံရဲ့ ရေလိုအပ်ချက်ဟာ နေ့စဉ် ဂါလန်သန်းပေါင်း ၄၀၀  (400 million gallons a day) လိုတယ်လို့ PUB (Public Utility Board) Singapore ၀က်ဒ်ဆိုက် က ထုတ်ပြန်ထားတဲ့ စာရင်းအရ သိရပါ တယ်။
၁၉၆၂ ခုနှစ်မှာ ချုပ်ဆိုခဲ့တဲ့ ၉၉ နှစ် သဘောတူညီစာချုပ်အရ မလေးရှားနိုင်ငံက တင်သွင်း ရေပမာဏဟာ နေ့စဉ် ရေဂါလံသန်းပေါင်း ၂၅၀ အပြင် ထပ်မံချုပ်ဆိုတဲ့ ၁၉၉၀ စာချုပ်ထဲမှာ ပါတဲ့ အပိုဆောင်းတင်သွင်းရေ ပမာဏလည်း ပါဝင်ပါတယ်။
စင်ကာပူနိုင်ငံအတွက် လက်ခံရုံမှတပါး ရွေးချယ်စရာလမ်း မရှိဘူးလို့ ထင်မှတ်ထား တာကြောင့် ၁၉၉၈ ခုနှစ်နဲ့ ၂၀၀၂ ခုနှစ်တွေမှာ မလေးရှားအစိုးရဟာ ရေဈေးနှုန်းကို ၂ ကြိမ် တိုးတောင်းခဲ့တယ်။ နောက်ဆုံးတောင်းတဲ့ ဈေးနှုန်းက ရေဂါလံ ၁၀၀၀ ကို မလေးရှားငွေ ၆.၄ ရင်းဂစ် ဖြစ်တယ်။ အဲဒီဈေးနှုန်းဟာ ပင်လယ်ရေငန်ကို ရေချိုဖြစ်အောင် ချက်လုပ်ဖို့ (Desalination) ကုန်ကျစရိတ်နီးပါး ဖြစ်နေတယ်။ မလေးရှားနိုင်ငံက စင်ကာပူကျွန်းပေါက်စ နိုင်ငံလေးအပေါ် နွားသေကို ကြိုးတုပ်ရိုက်လိုတဲ့ ကြိုးပမ်းချက်ပါပဲ။ မလေးရှားအစိုးရဟာ စင်ကာပူခေါင်းဆောင် လီကွမ်ယူးရဲ့ အမြော်အမြင်နဲ့ စိတ်ပိုင်းဖြတ်မှုကို အထင်သေးခဲ့ပုံ ရပါတယ်။
ဘာဆို ဘာမှမထွက်ဘဲ ဇီးရွက်သာသာရှိတဲ့ ကျွန်းပေါက်စလေးရဲ့ အားနည်းချက်၊ အားသာချက်တွေကို ကောင်းကောင်းသိတဲ့ လီကွမ်ယုကလည်း မလေးရှားလက်အောက်က ခွဲမထွက်ခင်ကတည်းက သောက်သုံးရေ လိုအပ်ချက်ဟာ အလွန်အရေးပါကြောင်း သတိပြုတာမို့ သေသေချာချာ ပြင်ဆင်ထားခဲ့တာပါ။
စင်ကာပူနိုင်ငံရဲ့ ရေလိုအပ်ချက်ကို လုံလောက်စိတ်ချရအောင် ဖြည့်ဆည်းနိုင်မယ့် အမျိုးသားရေပိုက်ခေါင်း ၄ သွယ် (The Four National Taps) လို့ ခေါ်တဲ့ အောက်ပါ မဟာစီမံကိန်းကြီးကို နိုင်ငံတော်ဘဏ္ဍာတွေ အကြီးအကျယ် သုံးစွဲပြီး သုတေသနပြု နောက်ဆုံးပေါ်နည်းပညာတွေနဲ့  စနစ်တကျ အကောင်အထည်ဖော်ခဲ့ပါတယ်။
ပထမရေပိုက်ခေါင်း – သဘာဝမိုးရေ စုဆောင်းသိုလောင်မှု (Local Catchment Water)။
ဒုတိယရေပိုက်ခေါင်း – ပြင်ပရေတင်သွင်းမှု (Imported Water)
တတိယရေပိုက်ခေါင်း – ရေဟောင်းမှ ရေသစ်သန့်စင်မှု (NEWater)
စတုတ္ထရေပိုက်ခေါင်း – ပင်လယ်ရေမှ ရေချိုချက်မှု (Desalinated Water)
ဒီဆောင်းပါးမှာတော့ ရှေ့ပိုင်းမှာ ရေးပြခဲ့တဲ့ မြစ်တူးမြောင်းနဲ့ ဆက်စပ်နေတဲ့ သဘာဝမိုးရေ စုဆောင်းသိုလောင်မှု (Local Catchment Water) အကြောင်းပဲ ရေးလိုက်ပါတယ်။
(စင်ကာပူ ရေကာတာ ၁၇ ခုနဲ့ မြစ်တူမြောင်း ၃၁ မြောင်းပြ မြေပုံ) Photo credited to PUB ( Singapore)
(စင်ကာပူ ရေကာတာ ၁၇ ခုနဲ့ မြစ်တူမြောင်း ၃၁ မြောင်းပြ မြေပုံ)
Photo credited to PUB ( Singapore)
ပထမရေပိုက်ခေါင်း – သဘာဝမိုးရေ စုဆောင်းသိုလောင်မှု (Local Catchment Water)
ပင်လယ်ဝိုင်းရံထားတဲ့ စင်ကာပူနိုင်ငံဟာ သဘာဝက ပေးထားတဲ့ ရှားပါးလက်ဆောင်တခု ဖြစ်တဲ့ ၁ နှစ် ပျမ်းမျှ မိုးရေချိန် ၂၄၀၀ မီလီမီတာ ရှိအောင်ရွာသွန်းတဲ့ မိုးရေတွေကို အလဟဿမဖြစ်ရအောင် သဘာဝအတိုင်းရှိတာနဲ့ တည်ဆောက်ဆည်ဖို့ထားတဲ့ ရေကာတာကြီး ၁၇ ခုထဲရောက်အောင် မြစ်တူးမြောင်းတွေကို ဆက်သွယ် ဆောက်လုပ် သိုလှာင်ခဲ့ပါတယ်။ ပြီးတော့ အဲံဒီကာတာတွေထဲက ရေတွေကို သန့်စင်မှု (Treatment) မလုပ်ခင်ထိ သိုလှောင်ထားစဉ်မှာ ရေအရည်အသွေး ပြည့်မီနေအောင် သန့်ရှင်း စင်ကြယ်နေအောင် အထူးဂရုပြု ထိန်းသိမ်း စောင့်ကြည့်နေတာပါ။ စောင့်ကြည့်အာရုံခံစနစ်တွေ (Online Sensors) ကင်မရာတွေ တပ်ဆင်ပါတယ်။ ပုံမှန် ရေနမူနာစစ်ဆေးမှုတွေ ဆောင်ရွက်ပါတယ်။
အဲဒါအပြင် စင်ကာပူနိုင်ငံရဲ့ အဓိက မြစ်ချောင်းတူးမြောင်း ၃၁ မြောင်းထဲက ရေကာတာတွေဆီ မဆက်သွယ်နိုင်ဘဲ ပင်လယ်ထဲ စီးဝင်သွားတဲ့ မြစ်ချောင်းတူမြောင်းတွေက ရရှိစုဆောင်းမိတဲ့မိုးရေတွေကို ပင်လယ်ထဲ စီးဝင်မသွားခင် ပင်လယ်ဝမှာ ခေါက်ထားနိုင် ဖြန့်ကားနိုင်တဲ့ ရာဘာလေအိပ်ရှည်ကြီးတွေနဲ့ တားပြီး မြေကြီးအောက် မီတာ ၂၀ ကနေ မီတာ ၅၀ ထိ နက်တဲ့ မြေအောက်မြောင်းစနစ် Deep Tunnel Sewerage System (DTSS) က တဆင့် ရေသန့်စင် စက်ရုံတွေဆီ ပို့ပြီး သန့်စင်ယူပါတယ်။ အဲ့ဒီလို ရှေ့မျိုးဆက်က အမြော်အမြင်နဲ့ အားထုတ်ခဲ့ကြ၊ ကြိုးစားခဲ့ကြတော့ မျက်မှောက်ခေတ် စင်ကာပူဟာ ရေအတွက်နဲ့ တော့ အိမ်နီးချင်းတိုင်းပြည်ကို ဒူးထောက်စရာ၊ အောက်ကျို့ခံစရာ မလိုတော့ပါဘဲ မျိုးဆက်သစ်တွေ စိတ်အေးချမ်းသာစွာ သုံးစွဲနိုင်တာ ဖြစ်တယ်။
5
(ရေငန်နဲ့ရေချို ပိုင်းခြားထားတဲ့ ရာဘာလေအိပ်ရှည်ကြီး နှင့် အလုပ်လုပ်ပုံစနစ်ပြရုပ်ပုံ)
အဲဒါအပြင် ရှင်သန်လှပ ရေချိုမြလို့ ဘာသာပြန်သင့်တဲ့ Active, Beautiful, Clean Waters (ABC Waters) Programmeနဲ့ မြစ်တူးမြောင်းတွေရဲ့ ၀ဲယာနှစ်ဖက်မှာ စင်ကာပူနိုင်ငံသားတွေကို အပန်းဖြေနိုင်အောင်၊ လေ့ကျင့်ခန်း ယူနိုင်အောင် စက်ဘီးလမ်း၊ လူသွားလမ်းတွေ ဖောက်ပြီး တကျွန်းလုံးကို ဆက်သွယ်ပေးထားတယ်။ မြောင်းတွေရဲ့ တလျှာက်လုံးမှာ ကျေးငှက်တိရစ္ဆာန်လေးတွေ မြူးတူး ကျက်စားနိုင်အောင် အုန်းပင်တန်းနဲ့ သစ်ပင်ပန်းဥယျာဉ်တွေလည်း စိုက်ပျိုးပေးထားတယ်။ ကမ္ဘာက စင်ကာပူကို ဥယျာဉ်မြို့တော် ( Garden City ) လို့ အသိအမှတ်ပြုခံခဲ့ရတာ အကြောင်းမဲ့ မဟုတ်ဘူး ။ နှစ်ပေါင်း ၅၀ အတွင်းမှာ တကျွန်းလုံးရဲ့ ရှိရှိသမျှ လမ်းဘေးဝဲယာတွေမှာ သစ်ပင်ပေါင်း ၁ သန်း ၄ သိန်းကျော် စိုက်ပျိုးခဲ့တယ်လို့ သိရတယ်။
ဆူငိုင်းတမ်းပနီးစ်မြစ် ( Sungei Tampines River ) photo
ဆူငိုင်းတမ်းပနီးစ်မြစ် ( Sungei Tampines River ) photo
ဒါတွေကို ရေးပြနေတာဟာ စင်ကာပူရဲ့ ဘုန်းတော်ဘွဲ့ သီဖွဲ့နေတာ မဟုတ်ဘူး။ ကိုယ့်တိုင်းပြည်မှာ ရှိတဲ့ သဘာဝက ပေးအပ်ထားသမျှ အားလုံးကို တန်ဖိုးထားတတ်တဲ့ တိုင်းပြည်ကို တိုးတက်ကြီးပွားစေလိုတဲ့ စိတ်ရင်းစေတနာရှိတဲ့ အုပ်ချုပ်သူအစိုးရမင်းရဲ့ အမြော်အမြင်ရှိမှု၊ ကြိုးပမ်း အားထုတ်မှု ထင်ရှားစေလိုရင်း ဖြစ်တယ်။
စင်ကာပူနိုင်ငံအကြောင်း ရေး တာ တော်လောက်ပြီ။ အခု မြန်မာနို်င်ငံဘက် ပြန်ကြည့် ရ အောင်။ ရာစုနှစ်ဝက်ကျော် တိုင်းပြည်ကို စစ်ဖိနပ်အောက်ထား အုပ်ချုပ်ခဲ့ကြတဲ့ စစ်အာဏာရှင် တွေ ဘယ်လို အုပ်ချုပ်ဖျက်ဆီးခဲ့သလဲ။ တိုင်းပြည်ရဲ့ မြေပေါ်မြေအောက်၊ ရေပေါ်ရေအောက် သယံဇာတတွေ ဘယ်လို ပြုန်းတီးဆုံးရှုံးခဲ့ရသလဲ၊ နိုင်ငံဟာ ဘယ်လို မွဲပြာညှိုးခြောက် အရောင် မတောက်ခဲ့ရသလဲဆိုတာ မြန်မာပြည်သူတွေသာမက ကမ္ဘာသူကမ္ဘာသား တွေတောင်သ သိနေပါပြီ။
လွန်ခဲ့တဲ့အနှစ် ၅၀ ကျော်က အလွန်နက်တဲ့ ရိုးမတောကြီးတွေဟာ စစ်အာဏာရှင်ခေတ် အဆက်ဆက်မှာ ကြောက်ခမန်းလိလိနှုန်းနဲ့ ပြုန်းတီးခဲ့ရာမှာ အခုဆို တောအုပ်လိုက်ပျောက်၊ တောင်ကတုံး၊ ရိုးကတုံးကြီးတွေ ဖြစ်နေခဲ့ပြီ မဟုတ်လား။ ပဲခူးရိုးမကြီးဆိုတာ ကျနော်တို့ မျက်စေ့အောက်တင် ပျောက်သွားပြီ။ တလောလေးက ဖတ်လိုက်ရတဲ့သတင်းတပုဒ်ထဲမှာ မန္တလေးမြို့ အခြေစိုက် သဘာဝပတ်ဝန်းကျင်စောင့်ကြည့်ထိမ်းသိမ်းရေးအဖွဲ့ ဖြစ်တဲ့ စိမ်းရောင်စို အသင်းကြီးရဲ့ အစီရင်ခံစာမှာ  ဧရာဝတီမြစ်ကြောင်းတလျှောက်နေရာ ၁၇ နေရာ ကို လူထု အခြေပြု စစ်တမ်းကောက်ယူမှုများ ပြုလုပ်ခဲ့ရာမှာ မန္တလေးမြို့ မြစ်အထက်ပိုင်းဒေသတွေမှာ သစ်တော ကြိုးဝိုင်းတွေ ပြုန်းတီး ပျောက်ကွယ်သွားကြောင်း ၀မ်းနည်းဖွယ်ဖတ်လိုက်ရတယ်။ အထက်ပိုင်းဒေသ ထီးချိုင့်၊ ကသာနားကနေ မြစ်ဆုံအနီးထိ ဧရိယာတွေမှာ သစ်တော ပြုန်းတီးမှုတွေ တွေ့ရှိရပြီး တချို့နေရာတွေမှာ ကြိုးဝိုင်းအလိုက် ပြုန်းတီးပျောက်ကွယ်သွားတာတွေ တွေ့ရတယ်”လို့ မန္တလေးမြို့ စိမ်းရောင်စို သဘာဝ ပတ်ဝန်းကျင် ထိန်းသိမ်းရေးအဖွဲ့ရဲ့ အတွင်းရေးမှူး ဦးမောင်မောင်ဦးက ပြောကြားခဲ့တယ်မဟုတ်လား ။
မပြုန်းခံနိုင်ရိုးလား၊ မပျောက်ခံနိုင်ရိုးလား၊ တရားဥပဒေစိုးမိုးမှုဆိုတာ နတ္ထိ၊ အကျင့်ပျက်ခြစားမှုဆိုတာ အစိုးရထိပ်တန်းခေါင်းဆောင်တွေက စတာမို့ အောက်ခြေအထိ ဗွက်ထနေတာ မဟုတ်လား။ အချင်း ၁ ပေ အောက် မျှောတိုင်ခုတ်ခွင့် ပါမစ် ရတဲ့သူက အချင်း ၁ ပေအထက် သစ်လုံးတွေ ခုတ်လို ခုတ်နိုင်တယ်။ သစ်တောဝန်ထမ်းတွေက အလုပ်မလုပ်၊ သစ်လုံး ၅ ထောင် ခုတ်ခွင့် ပါမစ်ရတဲ့သူက လာဘ်ထိုးပြီး အလုံး ၅ သောင်း ၁ သိန်း ခုတ်ချင် ခုတ်နိုင်တာကိုး။
သယံဇာတတွေရဲ့ တန်ဖိုးကို နားမလည်၊ နားလည်ပေမယ့်လည်း လောဘဇော တက်နေကြတဲ့အပြင် တိုင်းပြည်အပေါ် စေတနာမရှိကြတာမို့ သိင်္ဂီရွှေခွက်ကို ပဲကြီးလှော် ထန်းလျက်နဲ့ လဲစားသလို နိုင်ငံပိုင် အများပိုင် သယံဇာတတွေကို တန်ဖိုးမထားဘဲ ဖြုန်းတီးပစ်ခဲ့ကြတာမဟုတ်လား ။
စင်ကာပူနိုင်ငံဟာ မစ္စတာလီကွမ်ယူကို ရခဲ့တာရယ်၊ သူရဲ့ အမြော်အမြင်နဲ့ ထက်မြက်မှုကို သူတို့နိုင်ငံအတွက် အသုံးချနိုင်ခွင့်ရခဲ့တာဟာ သိပ်ကံထူးတယ်လို့ ပြောရမှာ ဖြစ်တယ်။ ဒါကြောင့်လည်း မလေးရှားပြည်ထောင်စုက ခွဲထွက်စဉ်က ရွှံ့တောညွှန်တောကြီးကနေ ကမ္ဘာ့ ထိပ်တန်းနိုင်ငံ ဖြစ်လာအောင် ဇီးရိုးကို ဟီးရိုးဖြစ်အောင် လုပ်နိုင်ခဲ့ကြတာပေါ့။
တို့ မြန်မာနိုင်ငံမှာလည်း နိုင်ငံတကာရဲ့ လေးစားအသိမှတ်ပြုခံရမှု၊ အမြော်အမြင်ကြီးမားမှု၊ ရဲရင့်ပြတ်သားမှု၊ စေတနာမှန်နဲ့ တိုင်းပြည်ကို ချစ်တတ်မှု၊ စိတ်ဓာတ်ကြံ့ခိုင်မှု၊ သည်းခံ ခွင့်လွှတ်တတ်မှု၊ သမိုင်းကြောင်းဖြူစင်မှုနဲ့ ခေတ်ပညာတတ်မှု စတာတွေမှာ မစ္စတာ လီကွမ်ယူထက် လုံးလုံးမလျော့ကျတဲ့အပြင် ပိုတောင်ပိုနိုင်မဲ့ ဒေါ်အောင်ဆန်းစုကြည်ဆိုတဲ့ အမျိုးကောင်းသမီး၊ ကမ္ဘာ့အဆင့်မီခေါင်းဆောင်ကောင်း တယောက်ရှိနေခဲ့ပါပြီ။ သူမရဲ့ ကြီးမြတ်တဲ့ဂုဏ်ရည်တွေ၊ ထက်မြက်တဲ့စွမ်းရည်တွေ၊ မြင့်မားတဲ့ ဥာဏ်အမြော်အမြင်တွေကို မြန်မာနိုင်ငံအတွက် အကျိုးရှိရှိ အသုံးချခွင့်ရအောင်၊ စစ်အာဏာရှင်ငရဲတွင်းထဲက အပြီးတိုင် လွတ်မြောက်နိုင်အောင် မြန်မာနိုင်ငံသားအားလုံး တညီတညာတည်း အတွေးသစ်အမြင်သစ်တွေနဲ့ လက်တွဲ စုစည်းလုပ်ဆောင်ကြဖို့ လိုနေပြီ။ ဒီလောက် တန်ဖိုးကြီးပြီး ရခဲလှတဲ့ ခေါင်းဆောင်တယောက် ပိုင်ဆိုင်ရရှိနေတာတောင် တိုင်းပြည်အတွက် အသုံးမချနိုင်ခဲ့ရင် တို့မြန်မာတွေ ညံ့ရာကျပြီး နှောင်းလူတွေ ကဲ့ရဲ့ အပြစ်ဆိုတာ ခံရလိမ့်မယ်။



စက္ကန့် ၃၀ အတွင်း အစားအစာထုတ်လုပ်သည့်စက် အစ္စရေးလူမျိုး တီထွင်

  • 17.Star Trek-style replicator serves up meals in 30 seconds
  • 18.Star Trek-style replicator serves up meals in 30 seconds
  • 19.Star Trek-style replicator serves up meals in 30 seconds
  • 20.Star Trek-style replicator serves up meals in 30 seconds
  • 21.Star Trek-style replicator serves up meals in 30 seconds
  • 22.Star Trek-style replicator serves up meals in 30 seconds
  • 23.Star Trek-style replicator serves up meals in 30 seconds
အချက်အပြုတ်နည်းပညာကို တော်လှန်ပြောင်းလဲမယ့်အရာတခုပေါ်လာပါပြီ။ ဖုန်းပေါ်က ခလုတ် တခုနှိပ်လိုက်တာနဲ့ ဂျင်နီဟာ လူကြီးမင်းရဲ့စားဖိုမှူးဖြစ်လာမှာပါ။ ရောစပ်နယ်ဖက်ပြီး ကျန်းမာရေးနဲ့ ညီညွတ်တဲ့ အစားအစာတခုခုကို စက္ကန့် ၃၀ အတွင်း ဖုတ်ပေးမှာဖြစ်ပါတယ်။
White Innovation ကုမ္ပဏီက အစ္စရေးလူမျိုး စွန့်ဦးတီထွင်သူတွေ ထုတ်လုပ်လိုက်တဲ့ ဒီကိရိယာမှာ ကော်ဖီဖျော်စက်က ကော်ဖီလှောင်ကန်လိုမျိုး ဟင်းလျာတွေကို ဖန်တီးမယ့် အကန့်ငယ်လေးတွေ ပါရှိပါတယ်။
“ဘယ်လို ဟင်းလျာပဲဖြစ်ဖြစ်ချက်လို့ ရပါတယ်။ ထမင်းနဲ့ကြက်သားလို အစားအစာမျိုး ရွှေချီနဲ့ ဟင်းသီးဟင်းရွက် အသားပေါင်းလိုမျိုး ဒါမှမဟုတ် ဂျပန်ခေါက်ဆွဲပြုတ် ဒါမှမဟုတ် ချော့ကလက် ဆူဖယ်လ် လိုမုန့်ပွမျိုး ဒါမှမဟုတ် အခြားအချိုမုန့်စတဲ့ ကိုယ်ကြိုက်တဲ့ အစားအစာမှန်သမျှ လုပ်လို့ ရတယ်။ သဘာဝပါဝင်ပစ္စည်းတွေကိုပဲ သုံးထားတဲ့အတွက် ကျန်းမာရေးနဲ့ ညီညွတ်ပါတယ်။ တာရှည်ခံ ဆေးတွေနဲ့ တခြားဟင်းအခတ်တွေ သုံးမထားပါဘူး။”
ဒီအကန့်လေးတွေထဲက သဘာဝပါဝင်ပစ္စည်းတွေကို အအေးခံခြောက်သွေ့ထားတဲ့ အတွက် ၁ နှစ်ကနေ ၂ နှစ်ထိ ထားနိုင်ပါတယ်။ ခုဆိုရင် အစ္စရေးလူမျိုးစားဖိုမှူးတွေဟာ ဂျင်နီဆိုတဲ့ ဟင်းချက် ကိရိယာနဲ့ ဟင်းအမယ်သစ်တွေကို စတင်ချက်ပြုတ်နေကြပါပြီ။ သကြားမပါ ပရိုတိန်းဓာတ်လျှော့ ထားတဲ့ အစားအစာတွေကိုပါ ပေါင်းထည့်ဖို့ စီစဉ်ထားပါတယ်။
White Innovation ကုမ္ပဏီရဲ့ နည်းပညာမှူး ဒေါ်ရွန်မာကို ကတော့ ဒီကိရိယာကို Star Trek ဇာတ်ကားထဲက အာကာသလွန်းပျံ ယာဉ်ပေါ်မှပါတဲ့ အစားအစာထုတ်လုပ်တဲ့စက်ကို တုပပြုလုပ်ထားတာပါလို့ ဆိုပါတယ်။ ဂျင်နီဟာ ဟင်းအမယ်ပေါင်းများစွာချက်နိုင်တယ်ဆိုပေမယ့် နောင်တချိန်မှာ လူတဦးချင်းစီရဲ့ အဟာရ လိုအပ်ချက်ကို တွက်ချက်ပေးနိုင်အောင် ဒီစနစ်ကို ပြန်လည်မွမ်းမံထားပါတယ်။
“တချိန်ကျရင် ဂျင်နီက လူကြီးမင်းတို့ရဲ့ ဂေဟ၀န်းကျင်ကိုပါ သိနေပြီး ဟင်းအမယ်တွေကို ကြိုပြင် ပေးထားမှာပါ။ လူကြီးမင်းအဖို့ အရသာရှိရှိစားနိုင်မှာမို့ ပိုပြီးကျန်းမာလာမှာပါ။”
မကြာခင်က ရာမတ်ဟာရှရွန်မြို့က ကော်ဖီဆိုင်တစ်ခုမှာ အရသာမြည်းစမ်းတဲ့ပွဲတစ်ခု ကျင်းပခဲ့ ပါတယ်။ ဂျင်နီရဲ့လက်စွမ်းပြထားတဲ့ ချောကလက်ဆူဖယ်လ် ကို အထူးလူကြိုက်များခဲ့ပါတယ်။
“အရမ်းကောင်းတယ်။ ချောကလက်အရသာပေါ်တယ်။ အရသာက မွှတ်ညက်နေတာပဲ။ ဒီစက်ထဲ ကနေ ခုလိုအရသာရှိတဲ့ စားစရာတွေထွက်လာတာ အံ့သြဖို့သိပ်ကောင်းတယ်။”
ဂျင်နီကို လာမယ့်နှစ်ကစလို့ ဖြန့်ချိတော့မှာပါ။ တန်ဖိုးက ဒေါ်လာရာဂဏန်းလောက်ပဲ ကျသင့်မှာ ဖြစ်ပါတယ်။ တီထွင်သူတွေကတော့ ဒီကိရိယာထဲမှာပါတဲ့ ရောစပ်ပြီးဟင်းတောင့်တန်ဖိုးနဲ့ အလားတူ ဟင်းလျာတခွက်ရဲ့တန်ဖိုး နှိုင်းယှဉ်ကြည့်လို့ရတယ်လို့ ဆိုပါတယ်။ ခုဆိုရင် Star Trek ဇာတ်ကား ထဲက ပုံတူပွားစက်ဟာ လက်တွေ့ဘ၀နဲ့ အလှမ်းမဝေးတော့ဘူးလို့ ဆိုရတော့မှာပဲဖြစ်ပါတယ်။


Ref:http://burmese.dvb.no/archives/93008










-



*** လာလည်သောအပေါင်းအသင်းများ မိမိ ASN GROUP ONLINE SHOP ကနေ သင်တို့အလိုရှိသောပစ္စည်းများကို ရှာဖွေပြီး ORDER မှာလို့ရနေပါပြီ ***

ASNGROUP WAREHOUSE DEALS DEEPS DISCOUNT!