အာရှစပါးကျီများရေမြုပ်၊ လယ်သမားများ ၀န်ထုပ်ကြီးလာ

(အေအက်ဖ်ပီ)
အောင်သာလင်း ဘာသာပြန်သည်။
အတွဲ ၂၇ ၊ အမှတ် ၅၃၉ ( ၁၄ - ၂၀ ၊ ၁၀ ၊ ၂၀၁၁)

                                       

ရိတ်သိမ်းတော့မည့် စပါးခင်းများ ရေမြုပ်ပျက်စီးနေစဉ်။
ဓာတ်ပုံ - အေအက်ဖ်ပီ

   ဟနွိုင်း- ရေလွှမ်းမိုးမှုကြီးများကြောင့် အာရှဒေသတွင်း စပါး စိုက်ခင်းများစွာ
ပျက်စီးသွားရာ စားနပ်ရိက္ခာဈေးနှုန်းများ ပိုမိုကြီးမြင့် လာတော့မည့် အရေး ကြောင့် ဒေသတွင်းမှ အဆင်းရဲဆုံး လူတန်းစား တစ်ရပ်ဖြစ်သည့် တောင်သူ လယ်သမားများအတွက် ၀န်ထုပ်ဝန်ပိုးကြီး တိုးလာရပြန်သည်။
ထိုင်း၊ ဗီယက်နမ်၊ ကမ္ဘောဒီးယားနှင့် လာအိုနိုင်ငံတို့မှ စပါးခင်း ဟက်တာ ပေါင်း ၁ ဒသမ ၅ သန်း (ဧက ၃ ဒသမ ၇ သန်း) ပျက်စီးခဲ့ပြီး နောင် နှစ်များ တွင်လည်း အကြီးဆုံးရေလွှမ်းမိုးမှုများကြောင့် ဆုံးရှုံးပျက်စီး ရန်ရှိနေသည်ဟု သက်ဆိုင်သူများက ဆိုသည်။
ကမ္ဘာ့ဆန်စပါး အများဆုံးတင်ပို့သည့် ထိုင်းနိုင်ငံတွင် ရေလွှမ်း၍ ၂၃၇ဦး သေ ဆုံးပြီး စပါးခင်းဟက်တာ တစ်သန်းခန့် (တစ်နိုင်ငံလုံးရှိ စပါးခင်း စုစုပေါင်း၏ ၁၀ ရာခိုင်နှုန်းခန့်) ပျက်စီးခဲ့သည်။
ယခင်သီတင်းပတ်များအတွင်း လာအို နှင့် ကမ္ဘောဒီးယားနိုင်ငံတို့တွင် မိုးသည်း ထန်၍ စပါးခင်းများစွာပျက်စီးခဲ့သည်။
ယင်းရေပိုများသည် ကမ္ဘာ့ အဓိက ဆန် တင်ပို့ရာအဓိကဒေသဖြစ်သည့် ဗီယက် နမ်နိုင်ငံ၏ မဲခေါင်မြစ်ဝှမ်းသို့ စီးဝင်လျက် ရှိရာ ယင်းဒေသ တစ်ခွင်လည်း နောက်ဆုံး ရေလွှမ်းဒေသကြီး ဖြစ်နေသည်။
အာရှ အနောက်ဖျားတွင် ပါကစ္စတန် နိုင်ငံ စပါးစိုက်ဒေသနှင့် အခြားစိုက်ခင်းများ ရေလွှမ်း၍ ဒေါ်လာနှစ်ဘီလျံနီးပါး ဆုံးရှုံးခဲ့သည်။
"ရိတ်သိမ်းတော့မယ့် စပါးခင်းတွေ ပျက်စီးသွားတာကြောင့် အာရှဒေသ တစ်ခုလုံး စာနပ်ရိက္ခာဈေးနှုန်းတက်တဲ့ အကျပ်အတည်းနဲ့ ကြုံကြရတော့မယ်။ ဒီနှစ်မှာ ဆုံးရှုံးပျက်စီးမှု အလွန်များတဲ့အတွက် လူတွေ ပုံမှန်အခြေအနေပြန်ရဖို့ အချိန်အတော်အတန် စောင့်ကြ ရဦး မယ်"ဟု ကုလသမဂ္ဂ သဘာဝ ဘေး အန္တရာယ် လျှော့ချရေးဌာန အကြီးအကဲ မာဂရက်ဝါစထရွမ်းက ပြောကြားသည်။
လောလောဆယ်တွင် ဗီယက်နမ် သည် ဆန်ဒုတိယအများဆုံး တင်ပို့သည့် နိုင်ငံဖြစ်နေသည်။ ဗီယက်နမ် တောင်ပိုင်းရှိ မဲခေါင်မြစ်ဝှမ်း ဒေသတစ်ခု တည်းမှာပင် တစ်နိုင်ငံလုံး ထွက်သည့် ဆန်ပမာဏ၏ ထက်ဝက်ကို စိုက်ပျိုး ထုတ်လုပ်လျက်ရှိသည်။
"မြစ်ညာပိုင်းမှာ ရေနည်းနည်းကျစ ပြုတယ်ဆိုပေမယ့် ဒီမှာတော့ နေ့စဉ် ၁ ဒသမ ၂ လက်မမှ ၂ လက်မအထိ တက်နေပါတယ်"ဟု ဒေါင်သတ် ပြည် နယ်စိုက်ပျိုးရေးဌာန ညွှန်ကြားရေးမှူး ဒွန်ငိုင်ကော့က ဆိုသည်။
ဒေါင်သတ်နှင့် အင်ဂျန်ပြည်နယ် တို့သည် ဗီယက်နမ်နိုင်ငံ မဲခေါင်မြစ်ဝှမ်း ဒေသတွင် ရေလွှမ်းမိုးမှုဒဏ်အဆိုးဝါးဆုံး ခံနေကြရသည်။ သက်ဆိုင်ရာနိုင်ငံ အစိုးရများ၏ သတင်းရင်းမြစ်များကို ကိုးကား၍ ကုလသမဂ္ဂမှ ထုတ်ပြန်သည့် သတင်းများအရ ဗီယက်နမ်တွင် ၁၁ ဦး သေဆုံးခဲ့ပြီး အိမ်ခြေ ၂၀,၀၀၀ ကျော် ရေလွှမ်းခံရကာ စပါးစိုက်ခင်း ဟက်တာ ၉၉,၀၀၀ လည်း ရေလွှမ်းလျက်ရှိသည်။
ကမ္ဘောဒီးယားနိုင်ငံတွင် စပါးစိုက်ခင်း ဟက်တာ ၃၃၀,၀၀၀ ကျော် ရေလွှမ်း သည့်အနက် ဟက်တာ ၁၀၀,၀၀၀ ကျော် ပျက်စီးသွား သည်ဟုဆိုသည်။ ယင်းသို့ ပျက်စီးမှု အလွန်များသောကြောင့် ယခု နှစ်တွင် ပိုလျှံမည်ဟု ခန့်မှန်းထားသည့် ပိုလျှံစပါး (တန်ချိန် သုံးသန်းခန့်) လျော့ နည်းသွားဖွယ်ရှိသည်ဟု ဆိုသည်။
ရေလွှမ်း၍ လူပေါင်း ၁၆၀ ကျော် သေဆုံးခဲ့သော ကမ္ဘောဒီးယားနိုင်ငံ သည် စပါးထွက်ပမာဏ၏ အနည်း ငယ်မျှကိုသာ ပြည်ပသို့ ရောင်းချနေ သော်လည်း ဆန်စပါးသည် နိုင်ငံ၏ ပြည်တွင်းထွက်ကုန် စုစုပေါင်း ဂျီဒီပီ၏ ၇ ဒသမ ၅ ရာခိုင်နှုန်းခန့်ရှိနေသည်။ အာရှဒေသတွင် အဆင်းရဲဆုံးနိုင်ငံ တစ်နိုင်ငံဖြစ်သော လာအိုလည်း ရေလွှမ်းမိုးမှုဒဏ်ခံခဲ့ရသည်ဟု အစိုးရ ထိန်းချုပ်ထားသည့် သတင်းဌာနများ၏ ထုတ်ပြန်ချက်များတွင် ဖော်ပြသည်။ ဇွန်လကတည်းက မွှေနှောက်ခဲ့သော အပူပိုင်းမုန်တိုင်းများကြောင့် လာအို တွင် ၂၃ ဦးသေဆုံးပြီး စပါးခင်း ဟက်တာပေါင်း ၆၀,၀၀၀ ကျော် ပျက်စီးခဲ့သည်။
မဲခေါင်မြစ်၏ မြစ်လက်တက်တစ်ခု ပေါ်ရှိ ဆည်တစ်ခုမှ ရေများကို လွှတ်ချ လိုက်သောကြောင့် စက်တင်ဘာလ နှောင်းပိုင်းတွင် စပါးခင်းများ ရေလွှမ်း မိုးဒဏ် ပို၍ခံခဲ့ရကြောင်း ဗီယင်ကျန်း တိုင်း(မ်) သတင်းစာက ဆိုသည်။ မဲခေါင်မြစ်ဝှမ်း အခြေစိုက် ဗီယက်နမ် စပါးပါရဂူ ဗိုတွန်ရွှမ်၏ အဆိုအရ ထိုင်း နှင့် လာအိုနိုင်ငံတို့တွင် ထူးထူးခြားခြား အလွန်များပြားစွာရွာသော မိုးရေများသည် မဲခေါင်မြစ်ရိုးတစ်လျှောက် စီးဆင်း ခဲ့သောကြောင့် ယခုနှစ် ရေလွှမ်းမိုးမှုကြီး များ၏ အဓိကလက်သည်မှာ ယင်းမိုးရေများ ပင်ဖြစ်သည်။
ရေလွှမ်းမိုးမှုများ ပိုမိုဖြစ်ပွားရခြင်း မှာ မြစ်ဝှမ်းဒေသများတွင် တာတမံများ တိုးချဲ့တည်ဆောက်မှုလည်း အကြောင်း တစ်ခုဖြစ်သည်ဟု ပညာရှင်များက ဆိုသည်။ ယင်းတာတမံများက အချို့ နေရာများတွင် ရေစီးရေလာကို ဟန့် တားသည်ဆိုသော်လည်း အချို့နေရာ များတွင် ရေလွှမ်းမိုးမှုကိုဖြစ်ပေါ်စေ သည်ဟု မိုးလေ၀သခန့်မှန်းရေး ပညာ ရှင်ဘွိုင်မင်တန်က ဆိုသည်။
အင်္ဂလိပ်ဘာသာဖြင့် ထုတ်ဝေသော အစိုးရ၏ ဗီယက်နမ် နယူးစ် နေ့စဉ် သတင်းစာတွင် ဒေါင်သတ်ပြည်နယ် တစ်ခုတည်း၌ပင် ဒေါ်လာ ၂ ဒသမ ၇ သန်း တန်ဖိုးရှိသည့် စပါးခင်းများ ရေမြုပ်ပျက်စီးခဲ့ကြောင်း ဖော်ပြသည်။
"သောက်ရေနဲ့ လျှပ်စစ်ဓာတ်အား ပြတ်လပ်တာကြောင့် ကျွန်တော်ခရိုင် ဒေသမှာ ရေလွှမ်းမိုးမှုတွေက လူတွေရဲ့ ဘ၀နဲ့ လယ်သမား တွေရဲ့ ကုန်ထုတ်လုပ် မှုကို ယိမ်းယိုင် ပျက်စီးစေခဲ့ပါတယ်"ဟု ဒေါင်သတ်ပြည်နယ် လယ်သမားများ အသင်းဝင် ဗူတျန်ချွမ်က ပြန်ပြောင်း ပြောပြသည်။

Ref:myanmartime