နိုနိုအောင် ( ၁၄ - ၂၀ ၊ ၁၀ ၊ ၂၀၁၁)
မင်္ဂလာဒုံမြို့နယ်၊ပုလဲမြို့သစ်၊သဲအင်းဂူတရားစခန်း အနီးတွင်ဇီဝိတဒါနသံဃာ့ဆေးရုံမှ ဆေးခန်းသစ် ကြီးတည်ဆောက်တော့မည်ဖြစ်ရာပုလဲမြို့သစ်ဝန်း ကျင်ရှိ မြေဈေးများနှစ်ဆကျော် မြင့်တက် သွားခဲ့ကြောင်း အိမ်ခြံမြေအကျိုးဆောင် များနှင့် နေထိုင်သူများကပြောသည်။
"ဒီနှစ်ဩဂုတ်လကုန်ကနေ စက်တင် ဘာ ပထမ၊ ဒုတိယပတ်လောက် အတွင်းမှာပဲ ပုလဲမြို့သစ်က မြေဈေးတွေ နှစ်ဆ၊ သုံးဆ တက်သွားခဲ့ပါတယ်။ အဓိက လမ်းမတန်းမြေကွက်တွေပါ။ မင်္ဂလာဒုံ အမှတ်(၃)လမ်းမကြီး တစ်လျှောက်ပါပဲ။ ထောက်ကြန့် တိုးဂိတ်နားကနေ စပြီး ဇေကမ္ဘာဆောက်လုပ်ရေးဝင်းနားနဲ့ ခရေပင်လမ်းခွဲထိ တောက်လျှောက်က မြေတွေ ဈေးတက်တယ်လို့သိရပါတယ်။ ဘာကြောင့်ဆိုတာတော့ သေချာပြောရ ခက်ပါတယ်။ ပြောနေကြတာတော့ အစုံပါပဲ"ဟု ပန်းသခင် အိမ်၊ ခြံ၊ မြေ အကျိုးဆောင် ကုမ္ပဏီမှ အကျိုးဆောင် တစ်ဦးက ပြောသည်။
"အကြောင်းရင်းတစ်ခုက အစိုးရက အဲဒီဘက်က မြေတွေကို ဂရန်ချပေး လိုက်ပြီဆိုတာကြောင့်လည်း ဈေးတက် လာတယ်လို့ ထင်ပါတယ်"ဟု ၎င်းက ဆက်လက်ပြောပြသည်။
ထို့ပြင် ၎င်းနေရာအနီးတစ်ဝိုက်တွင် ဟိုတယ်ဇုန်တည်ဆောက်မည်၊ ပဲခူး ဟံသာဝတီဘက်တွင် လေယာဉ်ကွင်း အသစ်ဖောက်မည်၊ အဝေးပြေးဝင်း ပြောင်းရွှေ့မည်နှင့် စက်သုံးဆီအရောင်း ဆိုင်သစ်ဖွင့်ရန် အစီအစဉ်ရှိသည် ဟူသော သတင်းအမျိုးမျိုးပေါ်ထွက်နေ ခြင်းကြောင့်လည်း ဈေးတက်ခြင်းဖြစ် သည်ဟု သိရသည်။
"ကျွန်မတို့နားက မြေကွက်တွေက တော့ သိပ်မကြာလိုက်ခင်မှာကို ဈေးတွေ တက်ကုန်ပါတယ်။ နှစ်ဆလောက်ကို ဖြစ်ကုန်တယ်။ အခု ဆောက်လုပ်နေတဲ့ ဆေးရုံသစ်ကြောင့်လို့ပြောကြတယ်" ဟု ထောက်ကြန့်မြို့နယ်တွင် နေထိုင်သူ မစုစုဝေက ပြောသည်။
"ရင်းနှီးမြှုပ်နှံဖို့ ၀ယ်ကြတာများပါ တယ်။ အခုလောလောဆယ် အဲဒီဘက် မှာ သိန်း ၈၀၀ နဲ့ သိန်း ၃,၀၀၀ ၀န်း ကျင်ကြား မြေကွက်တွေ သွက်နေပါ တယ်။ အရင် သိန်း ၁,၀၀၀၊ ၁,၅၀၀ တန်က အခု သိန်း ၃,၀၀၀ ဖြစ်သွား တာပေါ့။ ဈေးလည်းတက်တယ်၊ ၀ယ်လို အားလည်း တက်တယ်။ ဒါပေမယ့် လမ်းမတန်းပဲ အရောင်းအ
ဝယ်ဖြစ်နေ တာပါ။ လမ်းသွယ်တွေထဲတော့ စိတ်
ဝင်စားသူမရှိသေးဘူး။လမ်းမတန်းက ဈေးတက်တဲ့ အရှိန်နဲ့ အတွင်းပိုင်းက မြေ ကွက်တွေလည်း ဈေးတက်ချင်တာတွေ ရှိပေမယ့် ဖြစ်မလာသေးပါဘူး"ဟု
ပန်းသခင်မှ အကျိုးဆောင်ကပြောသည်။
"ကျွန်တော် အကျိုးဆောင်အဖြစ် လုပ်ကိုင်ပေးသမျှထဲမှာ လမ်းမပေါ်တော့ မရှိသေးပါဘူး။ အတွင်း ဘက်ပိုင်းများတယ်။ လမ်းမတန်းမဟုတ်တဲ့ အတွင်းဘက်တွေတောင် ဈေးတွေတက်လာပြီ။ ကုန်းတလ ဘောင်ဘက်တွေ ဈေးတက်လာတယ်"ဟု မဏ္ဍိုင် အိမ်၊ ခြံ၊ မြေ အကျိုးဆောင်လုပ်ငန်းမှ အုပ်ချုပ်မှု ဒါရိုက် တာ ဦးသန်းဦးက ပြောသည်။
"ပုလဲမြို့သစ် အမှတ်(၃)လမ်းမကြီးက ရန်ကုန်-နေပြည်တော် အမြန်လမ်းမကြီးလည်း ဖြစ်သလို တိုးဂိတ်ကိုလည်း ပေါက်တယ်။ လမ်းကလည်း ဖြောင့်တယ်လေ။ လမ်းတောက်လျှောက် ဘေးဘယ်ညာမှာ ဓာတ်ဆီဆိုင်ဆောက်ဖို့ ကုမ္ပဏီကြီးတွေက မြေတွေ လိုက်ဝယ် တဲ့အတွက်လည်း မြေဈေးတက်ကုန် တယ်။ မင်္ဂလာဒုံနဲ့ ပုလဲမြို့သစ်က အစကတည်းကလည်း မြေဈေးကောင်း ပါတယ်။ သူ့ဟာနဲ့သူ အချက်အချာကျတဲ့ စက်မှုမြို့လေးဖြစ်တဲ့အတွက်ကြောင့် သူ့ဈေးကွက်နဲ့သူ ကောင်းနေတာပဲ။ ပေ ၁၀၀ ပတ်လည် လောက်ကို သိန်း ၄,၀၀၀၊ ၅,၀၀၀၊ ၆,၀၀၀ ကနေ ၈,၀၀၀ အထိ အရောင်းအ၀ယ်ဖြစ်နေ တာတွေရှိတယ်။ သူ့နေရာပေါ်မူတည် ပြီးတော့ပေါ့။ ဈေးတက်တာကတော့ အကြမ်းဖျင်းအားဖြင့် ဓာတ်ဆီဆိုင်တွေကို ပုဂ္ဂလိကပေးလိုက်ချိန်ကစပြီး တဖြည်းဖြည်းတက်လာခဲ့တာပဲ"ဟု၎င်းက ဆက်လက် ပြောသည်။
"မကြာသေးခင်က အိမ်နီးချင်းတစ် ယောက်ရဲ့ ပေ ၅၀ x ပေ ၄၀ မြေ သက်သက် ကို သိန်း ၈၀၀ ဈေးရတယ်။ ဒီတစ်နှစ် အတွင်း တစ်ဧက နည်းနည်းလျော့တဲ့မြေကို သိန်းထောင်ချီပြီး ဈေးရတယ်။ ကျွန်မတို့ သိသလောက်တော့ အမှတ်(၃) လမ်းမပေါ်က မင်္ဂလာဒုံ ဥယျာဉ်မြို့တော် ဘက်ခြမ်းနဲ့ အဝေး ပြေးဂိတ်နဲ့ကြားထဲကမြေတွေနဲ့အဲဒီနားတစ်ဝိုက်ကမြေတွေဈေးတွေတက်ကုန်ပါတယ် "လပိုင်းအတွင်းမှာ ပေါ့" ဟုမင်္ဂလာဒုံမြို့နယ်တွင် နေထိုင်သူမမီမီကပြောသည်။ ဆေးခန်းတည်ဆောက်ရေး စီမံကိန်း အတွက် မြေနေရာမှာ ငါးဧကခန့် ကျယ်ဝန်းပြီး သက်ဆိုင်ရာမှ ခွင့်ပြုမိန့်ကျ သည်နှင့်တည်ဆောက်ရေး စတင်နိုင် မည်ဖြစ်ကြောင်း သိရသည်။
Ref:mmtime
No comments:
Post a Comment