ငွေစာရင်းဒေါ်လာတစ်သောင်းအထက်ရှိသော သင်္ဘောသားများကိုကားသွင်းခွင့်ပြု
ရန်ကုန်၊ ဒီဇင်ဘာ-၄-အတွဲ (၁၀)၊ အမှတ်(၃၉)
နိုင်ငံခြား ၀င်ငွေရှိသည့် သင်္ဘော သားများ၏ ငွေစုဘဏ်စာရင်းတွင် ဒေါ်လာ တစ်သောင်းမှ ငါးသောင်းကြားရှိသူများ မော်တော်ယာဉ် အမျိုး အစား သုံးမျိုးထဲမှ တစ်မျိုးဝယ်ယူ တင်သွင်းခွင့်ပါမစ်များကို လူကိုယ်တိုင်လျှောက် ထားနိုင်ပြီဟု နိုဝင်ဘာနောက်ဆုံးပတ်မှ စတင်၍ တရားဝင်စာထုတ်ပြန်လိုက်ကြောင်း ဒေါပုံသင်္ဘော ကျင်းနှင့် သင်္ဘောသားများထံမှ သိရသည်။“သင်္ဘောသားက နောက်ဆုံးအခေါက်ရောက်လာတုန်းက ၁၀ ရာခိုင်နှုန်းအခွန်ဆောင်ထားတဲ့ အခွန်ကြေကြောင်းအထောက်အထားပြရမယ်။ ဘဏ်ထဲမှာ ဒေါ်လာ တစ်သောင်းကနေ ငါး သောင်းကြား ရှိရမယ်။ လူစီးကား၊ ဘတ်စ်နဲ့ကုန်တင်ကား အဲဒီ သုံးမျိုးကို လူကိုယ်တိုင် လျှောက်နိုင်တယ်”ဟု ဒေါပုံသင်္ဘောကျင်းမှဝန်ထမ်းတစ်ဦးက ရှင်းပြသည်။
နိုဝင်ဘာ ၂၈ ရက်တွင် ထုတ်ပြန်ခဲ့သည့် အဆိုပါ ကြော်ငြာချက်ကြောင့် မော်တော်ကားဝယ်ယူတင်သွင်းခွင့် ပါမစ်လျှောက်ထားရန် စိတ်ဝင်စားသော်လည်း အများစုက ဘဏ်စာအုပ်တွင်ထည့်သွင်းထားခြင်းထက် ပြင်ပပေါက်ဈေးဖြင့် ရောင်းချလေ့ရှိရာသတ်မှတ်ငွေပမာဏရှိသူ နည်းပါးကြောင်းလုပ်သက် ၁၀ နှစ်ကျော် ရှိသည့် သင်္ဘောသားတစ်ဦးက ပြောသည်။
“ဘဏ်စာအုပ်ထဲမှာ ဘယ်သူမှ မထည့်ကြဘူး။ ကျွန်တော်တို့က ထည့်တုန်းက အစိမ်းထည့်ရပေမယ့် ပြန်ထုတ်တဲ့အခါကျတော့ အက်ဖ်အီးစီနဲ့ ပြန်ရတာဆို တော့ ဘဏ်စာအုပ်ထဲ မထည့် ကြဘူး။ ပြန်ရောက်တာ လနဲ့ချီကြာနေတဲ့လူတွေက ရောင်းပြီး သုံးလိုက်ကြတာများတယ်။ အခုမှ ပြန်ရောက်တဲ့လူတွေအတွက်တော့အိုကေတာပေါ့” ဟု သင်္ဘောအရာရှိကိုအောင်ဟိန်းက ပြောကြားသည်။
သတ်မှတ်ငွေ ကြေးပြည့်မီ ပြီး သင်္ဘောပြန်ထွက်ရမည့်သူများ အနေဖြင့် မော်တော်ကားတင် သွင်းခွင့် ပါမစ်လျှောက်မည် ဆိုပါက မိသားစုဝင်များအား ဂျင်န ရယ်ပါဝါ လွှဲထားခဲ့နိုင်ကြောင်း အသေးစိတ် သိလိုသူများသည် သင်္ဘောရုံးများမှ တာဝန်ရှိသူများထံသို့လည်းကောင်း၊ ငွေစာရင်းဌာနသို့လည်းကောင်း၊ နိုင်ငံခြားဘဏ်တွင် လည်းကောင်း သွားရောက် စုံစမ်းနိုင်ကြောင်း ဒေါပုံသင်္ဘောကျင်းမှ ၀န်ထမ်းက ဆက်လက်ရှင်းပြသည်။
မြန်မာနိုင်ငံတွင် သင်္ဘောသားဦးရေ ခုနစ်သောင်းခန့်ရှိ ကြောင်းသင်္ဘောအရာရှိ ကိုအောင်ဟိန်းက ပြောသည်။
“အခု အပြင်ကငွေဝယ်ပြီး ပြန်ထည့်ထားတာနဲ့ လျှောက်တာတွေလည်း လက်ခံနေတယ်။ တော်တော်များများကတော့ ပြန်ဝယ်ထည့်ပြီးလျှောက်နေကြတယ်။
လျှောက်လွှာတင်ကြေးမပေးရဘူး။ တော်တော်များများတော့လက်ခံနေတယ်။ ရမယ်၊ မရဘူးတော့ မသိသေးဘူး”ဟု ကိုအောင်ဟိန်းက ဒီဇင်ဘာ ၁၁ ရက်တွင်ပြောသည်။
Ref:7daynewsjournal
No comments:
Post a Comment