အလွန်ကြောက်စရာကောင်းတဲ့ ရေတိမ်ရုတ်တရက်ြဖစ်ခြင်း

Credit@ Ko Nge

အလွန်ကြောက်စရာကောင်းတဲ့ ရေတိမ်ရုတ်တရက်ဖြစ်ခြင်း

အသက် ၄၀ကျော်လာရင် မျက်စီဆရာဝန်တွေနှင့် တနှစ်တခါပြသင့်ပါတယ် ရေတိမ်ရှိမရှိကို စစ်ဆေးဖို့လိုတာပါ၊ ကြိုတင်ပြီး နည်းနည်းဖြစ်တာနှင့် မျက်စင်းဆေးထည့် သို့ နည်းနည်းဆိုးရင်လေဆာနှင့်ပစ်လို့ ရပါတယ်၊ မျက်စီပါဝါ စမ်းခိုင်းတာမဟုတ်ဘူးနော်! ဒါကို အမြင်မမှားကျဖို့ပါ...

 

 

ကျွှန်တော် အလုပ်ထဲမှာ ညနေခင်း အားလပ်ချိန်(လဖ္ဘက်ရည်သောက်ချိန်)မှာ ရုတ်တရက် ညဖက်မျက်လုံးညဖက်ထောင့်မှာ အမှိုက်ဖတ်ကပ်သလိုရုတ်တရက် အမဲစက်လေးသေး သေးလေး ကွယ်သွားပါတယ် ကျွှန်တော်ထင်တယ်ရေဆေးလိုက်ရင်ပျောက်ပြီးပေါ့၊ ရေဆေးလိုက်တော့လဲ မပျောက် ဘူး နောက်တရက်ဆိုပိုဆိုးလာပြီး မျက်စီသုံးချိုးနှစ်ချိုးလောက်ကိုလောက် ကွယ်လာပါတယ်၊ ဒါနှင့် မသကာင်္တာနှင့် Tan Tock  Seng  ဆေးရုံက မျက်စီအထူးကု Dr ဇော်မင်းဒင်ကို လမ်းမေးကြည့်လိုက်တာ ချက်ချင်းဆေးရုံးကိုလာခိုင်းတယ်။ အလုပ်ထဲမှာဆိုတော့ နောက်တရက် ချိန်းပြီးဆေးရုံကို ၁၀ နာရီ လောက်သွားပြတော့ ညာဖက်မျက်စီကခွဲမှရမယ်တဲ့ ဒါနှင့် ချက်ချင်း အရေးပေါ်ကိုသွားမှချက်ချင်းခွဲပေးမှာမို့လို့  ချက်ချင်းခွဲဖို့လမ်းညွှန့်ပေးပါတယ်( အရေးပေါ်ဆိုတော့ $99 လက်ငင်း ရှင်းလိုက်ရတယ်လေ)  ချက်ချင်း မျက်စီအထူးကု အဆောင် 1A မှာ မျက်စီဆရာဝန်က မျက်စီကို နှစ်ဖက်လုံးကိုစစ်ဆေးပေးပြီး ဘယ်ဖက်မှာလဲ ရေတိမ်နဲနဲဖြစ်နေပြီး လေဆာနှင့်လုပ်ရင်ရပြီတဲ့ ဒီလေဆာကုန်ကျငွေက ကျွှန်တော်က PR ဆိုတော့ $ 1004.23 ကျတာကို NTUC INCOME Insurance နှင့်ရှင်းခိုင်းတာကိုက နပ်စ်မလေးတွေက လုပ်ရမှာ ကြာလို့လားမသိဘူး insurance internet ထဲကိုဝင်တာကိုက Server down နေတယ်ဆိုပြီး ကျွှန်တော်ရဲ့ CPFထဲက Medi Saveက နေ deposit တင်ပေးလိုက်ရပါတယ်၊  ဘယ်ဖက်မျက်လုံး ကိုတော့ နဲနဲလေးဒဏ်ရာရှိနေလို့လေဆာသေနတ်နှင့် ပစ်ပေးတာက မနာပါဘူး ဘာမှာလဲမကြာပါဘူး ၊

နောက်ပြီး ECG,အပ်ထရာဆောင်းရိုက်ခ $ 130 ကို လက်ငင်းရှင်းလိုက်ရသေးပါတယ်၊

နောက်ပြီး ညာဖက်မျက်လုံးကိုတော့ မျက်လုံးအိမ်ထဲမှာ နောက်ခံအကာလေးပေါက်ဗြဲပြီးလှန်နေတာကို မျက်လုံးကို ခွဲမှ ရမှာမို့  ညနေ ၄နာရီခွဲလောက်မှာ ခွဲဖို့လုပ်ပါတယ်၊ စပေါ်ငွေက $2102 ကို ဒါလဲဘဲ  NTUC INCOME Insurance နှင့်ရှင်းခိုင်းတာကိုက နပ်စ်မလေးတွေက လုပ်ရမှာ ကြာလို့လားမသိဘူး insurance internet ထဲကို
ဝင်တာကိုက Server down နေတယ်ဆိုပြီး ၀င်လို့မရပါဘူးဒါနှင့်ဘဲ CPFစာရွက်တွေမှာဘဲ လက်မှတ်ထိုးပေး လိုက်ရပါတယ်၊ (နောက်မှသိရတာက အားလုံးပြီးလို့ဆေးရုံကဆင်းတော့မှ Bill တွေကို   ပထမထပ်က ကောင်တာမှာ Insurance နှင့် Claim ရတာဆိုတာကိုလေ) ပထမဦးဆုံးဆေးရုံးကို တက်ဖူးတာဆိုတော့ ဘာမှာမသိဘူး ဖြစ်နေရပါတယ်၊ ညနေ ၄နာရီခွဲလောက်မှာ ခွဲဖြစ်ပါတယ်၊ ခွဲပြီးတော့ သတိရတော့ အဆောင်ကိုပြန်ရောက်နေပြီ ဘယ်အချိန်က ခွဲလိုက်မှန်းမသိဘူး မေ့ဆေးပေးပြီးဆရာဝန်မတွေ တယောက်ပြီးတယောက်လာစကားပြောနေရင်း မေ့သွားတာကိုး! ခွဲပြီးလို့ တညလုံးခေါင်းမထူနိုင်ပါဘူး တောက်လျှောက်သိုးနေအောင်အိပ်တေ့ါတာဘဲ၊ ခွဲထားတဲ့မျက်စီမမြင်ရသေးတော့ မေးကြည့်တာ မျက်လုံးထဲမှာ  Gas  bubble in eye တွေရှိနေသေးတော့ ၂ပတ်ကနေ ၁လထိကြာမှာမို့လို့ Hospital Leave  ၁လပေးပါတယ်၊ နောက်တရက်မနက်မှာဘဲ ဆေးရုံးကဆင်ခိုင်းနေပြီ Bill တွေကိုတောင်းတော့ နောက်၂ပတ်မှာ အိမ်ကို စာပို့ပေးမယ်တဲ့လေ!  Final bill ထွက်လာတော့ $10,288(ကျပ်သိန်း၇၀) လောက်ကျပါတယ်၊ စင်င်္ကာပူအစိုးရက $5830 ကျခံပေးပါတယ်၊ CPF Medi save က $2654 နှင့် မိမိရဲ့ NTUC INCOME က $1803 အပြင် ငွေသားသက်သက် $500 လောက် ထပ်ကုန်ကျပါသေးတယ်၊ တော်တော်ကိုအီစိမ့်သွားတာပါဘဲ-:(

အိမ်ပြန်ရောက်ရောက်လို့  အလုပ်ထဲကို Hospital Leave တင်ကိုက Contract မှာက Medical Leave က ၂ပတ်ဘဲပေးထားပါတယ် ဒါနှင့် Holiday Leave ၂ပတ်နှင့် တွဲတင်လိုက်ရပြီးဒီနှစ် ခွင့်ရက်တွေကုန်ြ့ပီလေ!

 

 အဓိက သတိပေးချင်တာက မျက်စီနှင့်ပတ်သက်ရင် ပေါ့ပေါ့ မနေကျဖို့ပါဘဲ!

 

 Credit@

 

 

 

 

 

ဆက်စပ်သတင်းလေးတွေကိုကြည့်လိုက်ပါအုံး!

http://en.wikipedia.org/wiki/Glaucoma

 

မျက်လုံးတိမ်စွဲခြင်း။ ရေတိမ် (Glaucoma)

Posted by Dr. Thurein Hlaing Win (www.academicmedicines.blogspot.com)

လူတစ်ယောက်ရဲ့မျက်လုံးမှာ အရည်တွေရှိပါတယ်။ အဲဒီအရည်တွေပာာ အ၀င်နဲ့အထွက် မျှတနေရပါတယ်။ အဲလိုမျှတနေရာကနေပြီး အထွက်လမ်းကြောင်းတစ်နေရာမှာ ပိတ်ဆို့ပြီး မျက်လုံးထဲမှာ ဖိအားတွေများလာပါတယ်။ အဲဒီ ဖိအားတွေက မျက်စိရဲ့ အကြောတွေကို ထိခိုက်ပြီး အမြင်အာရုံ ချို့ယွင်းတာကကို ရေတိမ် (Glaucoma) လို့ခေါ်ပါတယ်။
ရေတိမ်မှာ ၂မျိုးရှိပါတယ်။

Open angle glaucoma။ ။ ဒီအမျိုးအစားက တဖြည်းဖြည်းချင်းဖြစ်လာတတ်ပါတယ်။ အစပိုင်းမှာ ဘာလက္ခဏာမှမပြဘဲ မျက်စိအမြင်အာရုံရုတ်တရက် ထိခိုက်သွားတော့မှ သိရပါတယ်။ လူနာပာာ တဖြည်းဖြည်းချင်းအမြင်ချို့ယွင်းလာတာကို သတိမထားမိဘဲ နောက်ဆုံးလုံးဝအမြင်ကွယ်သွားမှ သိပါတယ်။ ဒီအမျိူးအစားကို အမြင်အာရုံ သူခိုးလို့ခေါ်ပါတယ်။
Closed angle glaucoma။ ။ဒီအမျိုးအစားကတော့ ရုတ်တရက်ဖြစ်တဲ့ အမျိုးအစားဖြစ်ပါတယ်။ သူကမျက်စိတစ်ဖက်တည်းမှာ ဖြစ်လေ့ရှိပြီး လူနာက နီ၊မှုန်၊ကိုက် နဲ့ရောက်လာတတ်ပါတယ်။ မျက်လုံးပာာ နီလဲနီပါတယ်။ မျက်စိအာရုံလည်းထိခိုက်နေပါတယ်။ ဒါ့အပြင်သူက နာပါတယ်။ အဲဒီ၃မျိုးနဲ့ လက္ခဏာပြပါတယ်။

ရေတိမ်ပာာ အောက်ပါလူတွေမှာ ပိုပြီးဖြစ်တတ်ပါတယ်။

• Age over 45 years (အသက် ၄၅နှစ်ကျော်သူတွေ)
• Family history of glaucoma (မိသားစုမျိုးရိုးထဲမှာ ရေတိမ်ရှိတဲ့သူတွေ)
• Black racial ancestry (လူမည်းတွေ)
• Diabetes (ဆီးချိုရောဂါရှင်တွေ)
• History of elevated intraocular pressure
• History of injury to the eye (မျက်စိကိုထိခိုက်မိသူတွေ)
• Use of cortisone (steroids), either in the eye or systemically (orally or injected) (steroid ပါတဲ့ဆေးတွေကို အသုံးပြုသူတွေ)

 

Glaucoma မျက်စိ ရေတိမ်

Medical Writings

Mon, Jul 23, 2012 at 9:17 AM ကျွန်မက အခု (့) နိုင်ငံမှာ အလုပ်လုပ်နေပါတယ်။ အသက်က ၄၁ နှစ်ပါ။ အလုပ်က ကွန်ပျူတာကိုသုံးပြီး ပုံတွေ ဆွဲရတာပါ။ တနေ့လုံး ကွန်ပျူတာ သုံးနေရပါတယ်။ ရောက်စက ညာဘက်မျက်စိမှာ အဖြူစက်တွေတွေ့လို့ ဆရာဝန်နဲ့ သွားပြပါတယ်။ အဲဒီအချိန်တုန်းက ဘယ်ဘက်ကိုဖုံးထားပြီး ညာဘက် တဖက်တည်း ကြည့်ရင် အရှေ့မှာ အလွှာပါးပါး တစ်ခု ကာထားသလိုဖြစ်ပြီး ဝါးနေပါတယ်။ အဲဒါ မျက်ကြည်လွှာမှာ အမာရွတ်ရှိနေလို့ဖြစ်တာဆိုပြီး မျက်စဉ်းတွေ ပေးပါတယ်။ အမြဲသွားပြပြီး စစ်ဆေးနေရပါတယ်။ မျက်လုံးကလည်း တဖြေးဖြေး သက်သာလာပြီး ပုံမှန်ဘဲ ပြန်မြင်လာပါတယ်။ မျက်စဉ်းကို လိုအပ်သလို အတိုး-အလျော့ လုပ်သွားပြီး ပေးခဲ့ပါတယ်။ အမာရွတ်ဆိုတာကို ပျောက်ဖို့ဆိုရင် မျက်ကြည်လွှာ အစားထိုးမှ ရမယ်လို့ ပြောပါတယ်။ နောက်ပိုင်း သက်သာလာပြီး အမြင်အာရုံကို အနှောင့်အယှက် မပေးဘူးဆိုတော့ မျက်စဉ်းဘဲ အမြဲခပ်ပြီးနေခဲ့ပါတယ်။ ဘယ်ဘက်မျက်လုံးက ဝါးလာလို့ ဘယ်ဘက်ကိုပါ မျက်စဉ်း ခပ်ခဲ့ရပါတယ်။ ဇွန်လ ၁၁ ရက်နေ့ကတော့ ဘယ်ဘက်က အရမ်းဝါးလာပါတယ်။ ကွန်ပျူတာကိုတောင် ကြည့်ရင် အရမ်း ဝါးနေလို့ အလုပ်လဲ မသွားနိုင်ခဲ့ပါဘူး။ ဆရာဝန်ဆီသွားပါတယ်။ မျက်စဉ်းအသစ် တမျိုး ထပ်ပေးပါတယ်။ အဲဒီ မျက်စဉ်း ခပ်တာလဲ မသက်သာခဲ့တော့ ဇွန်လ ၁၈ရက်နေ့မှာ Consultant တစ်ယောက်နဲ့ သွားပြပါတယ်။ စစ်လိုက်တော့ ဘယ်ဘက်မျက်လုံးမှာ Cataract ရှိနေလို့ ဖြစ်တာလို့ ပြောပါတယ်။ Eye pressure အရမ်း များနေတယ်လို့ ပြောပါတယ်။ မျက်စဉ်းအသစ်တွေ ပေးခဲ့ပါတယ်။ Eye pressure ကို အရင်ကျအောင် လုပ်ရမယ်လို့ ပြောပါတယ်။ မျက်စဉ်းအသစ်တွေ သုံးနေပြီး တပတ်အကြာမှာ Eye pressure လဲ ပုံမှန်ဖြစ်သွားပါတယ်။ ဒါပေမဲ့ ဇူလိုင်လ ၃ ရက်နေ့မှာ Left eye cataract surgery လုပ်ခဲ့ပါတယ်။ ခွဲပြီးတော့ ကွန်ပျူတာကိုလည်း ကြည့်နိုင်ပါတယ်။ စာလည်း ဖတ်လို့ မြင်နေရပါပြီ။ နှစ်ဘက်လုံးမှာ Glaucoma ရှိနေလို့ မျက်စဉ်းကိုတော့ ဆက်ပြီး ခပ်သွားရမယ်လို့ ပြောပါတယ်။ အမာရွတ်က ပျောက်အောင်လုပ်လို့မရဘူး။ သူ့ကြောင့် ဖြစ်လာမဲ့ မျက်လုံးခြောက်တာကို မျက်စဉ်းခပ်ပြီး ထိန်းရမယ်လို့ ပြောပါတယ်။ (၁) ကျွန်မမျက်လုံးမှာ အဲဒီိလိုကိစ္စတွေရှိနေတော့ အခုလက်ရှိ လုပ်နေတဲ့ ကွန်ပျူတာကို တနေ့လုံးသုံးနေရတဲ့ အလုပ်ကို ဆက်ပြီးလုပ်သင့်ပါသလား။ ဆက်ပြီးလုပ်နေရင် ပိုဆိုးလာနိုင်ပါသလား။ (၂) Glaucoma ကရော ဘယ်လိုကြောင့်ဖြစ်လာတာပါလဲ။ ပြီးတော့ ဘယ်လိုကုသမှ ပျောက်မှာလဲ။ မျက်စဉ်း အမြဲ ခပ်သွားရမယ်ဆိုတာ ဟုတ်ပါသလား။ အဲလို မျက်စဉ်းအမြဲခပ်သွားရင်ရော Glaucoma ကို ပိုမဆိုးအောင် ထိန်းနိုင်လို့လား။ Glaucoma ဆိုတာ ကုလို့ပျောက်တဲ့ ရောဂါလားဆိုတာသိချင်လို့ပါ။ (၃) Cataract ဆိုတာရော ဘယ်လိုကြောင့်ဖြစ်တာပါလဲ။ ကြားဖူးတာတော့ တစ်ဖက်ဖြစ်ပြီးရင် နောက်တဖက်လည်း ဖြစ်တတ်တယ်လို့ ကြားဖူးပါတယ်။ အဲဒါရော ဟုတ်ပါသလား။ ညာဘက်မှာပါထပ်ဖြစ်မှာ စိုးရိမ်နေလို့ပါ။ (၄) ညာဘက်မျက်လုံးမှာ ရှိနေတဲ့ scar ကိုရော ဘယ်လိုလုပ်သင့်ပါလဲ။ မျက်စဉ်းအမြဲခပ်သွားရမှာလား။ (၅) ပြီးတော့ မျက်စဉ်း ကြာရှည်စွဲခပ်ရင် တိမ်ဖြစ်တတ်တယ်ဆိုတာရော ဟုတ်ပါသလား။ (၆) မျက်လုံးရောဂါရှိနေတဲ့သူတစ်ယောက်က ကျွန်မသုံးနေတဲ့ မျက်စဉ်းကိုယူခပ်ရင် သူ့ရဲ့မျက်လုံးရောဂါ ကျွန်မကို ကူးနိုင်ပါသလား။ အလုပ်နဲ့ ကိုယ့်မျက်စိအခြေအနေကို နောက်ဆုံးကုသပေးတဲ့ မျက်စိ အထူးကုဆရာဝန်က အကောင်းဆုံး အကြံပေးနိုင်ပါတယ်။ ဆင်ခြင်မှု တချို့နဲ့ အလုပ်ဆက်လုပ်နိုင်မယ်လို့ ဆရာအနေနဲ့ ပြောချင်ပါတယ်။ Glaucoma ရေတိမ်အကြောင်း သပ်သပ် မရေးဖြစ်သေးလို့ ရေးပါမယ်။ မျက်စိမှာ အရည်ထွက်လမ်း ကျဉ်းတာ-ပိတ်တာကြောင့် ဖိအားများနေတယ်။ မျက်စိကို ထိခိုက်လာတယ်။ ဒေါင့်ကျဉ်းအမျိုး၊ ဒေါင့်ကျယ်အမျိုးလို့ ရှိတယ်။ တချို့က ချက်ချင်းခွဲရတယ်။ တချို့က မျက်စဉ်းနဲ့ သက်သာနေအုံးမယ်။ Cataract အတွင်းတိမ် ကလဲ အကြောင်းမျိုးစုံကနေဖြစ်စေတယ်။ လူတွေ အသက်ရရင်ဖြစ်ကြတာများတယ်။ အိုနာသဘောလဲ ပါတယ်။ Scar အမာရွတ်ဆိုတာ ထိခိုက်မှုကနေဖြစ်တယ်။ မျက်ကြည်လွှာမှာဖြစ်တာကို အပြင်တိမ်လို့ခေါ်တယ်။ တခုခုကွယ်ထားသလိုနေမယ်။ အမာရွတ်သပ်သပ်ကို ထုတ်လို့၊ ရှင်းလို့မရတာမို့ Cornea မျက်ကြည်လွှာ တခုလုံး အစားထိုးရတယ်။ တိမ်ဖြစ်စေမဲ့ မျက်စဉ်းဆိုရင် ဆရာဝန်က ပေးမှာမဟုတ်ပါ။ ကူးစက်တယ်ဆိုတာ ရောဂါပိုးကသာဖြစ်စေတယ်။ အတွင်းတိမ်၊ အပြင်တိမ်၊ မျက်ကြည်လွှာ အမာရွတ်တွေက ပိုးနဲ့မဆိုင်ပါ။ မျက်စဉ်းဆိုတာလဲ အမျိုးမျိုးရှိလို့ ဘယ်မျက်စဉ်းလဲသိဘို့ လိုပေးပါတယ်။ မျက်စိနာအတွက်သုံးတာကို နောက်တယောက်ခပ်ရင် ကူးနိုင်ခြေ ရှိတယ်။ Glaucoma မျက်စိရေတိမ် WHO အဆိုအရ တကမ္ဘာလုံးဆိုရင် မျက်စိကွယ်စေတဲ့ အကြောင်းရင်းထဲမှာ ဒုတိယလိုက်တယ်။ ပဌမက Cataracts အတွင်းတိမ် ဖြစ်တယ်။ မျက်စိရေတိမ်ကို "တိတ်တိတ်လေး အမြင်စွမ်းကို အခိုးခံနေရတယ်" လို့ တင်စားကြတယ်။ မျက်စိရောဂါတွေထဲမှာ အရေးကြီးရောဂါတခုဖြစ်တယ်။ မျက်စိအတွင်းထဲမှာ ဖိအားသက်ရောက်တာ ခံနေရတယ်။ အချိန်နဲ့ တပြေးညီ စနစ်တကျကုသမှု မလုပ်ရင် အမြင်အာရုံကြောကို ထိခိုက်ရာကနေ မြင်နိုင်စွမ်းကို ထိခိုက်စေမယ်။ အစပိုင်းမှာ ဘေးပိုင်းအမြင် အားနည်တာဖြစ်စေမယ်။ နောက်ဆုံး မျက်စိကွယ်မယ်။ Types of Glaucoma ရေတိမ်အမျိုးအစားတွေ (၁) Primary open-angle glaucoma ဆိုရင် အရည်ထွက်လမ်း လုံးဝပိတ်နေတာတော့ မဟုတ်ဘူး။ Trabecular meshwork ဆိုတာလေး တစိတ်တပိုင်း ပိတ်နေတယ်။ တဖြေးဖြေးချင်း မျက်စိနှစ်ဖက်လုံး မှုံလာတယ်။ အသက်ကြီးထာရင် Tunnel vision ဖြစ်လာမယ်။ (၂) Acute angle-closure glaucoma ဆိုရင် မျက်စိအတင်းနာမယ်။ ပျို့-အန်မယ်။ ရုတ်တရက် မျက်စိမှုံလာမယ်။ အဝိုင်းကွင်းတွေ မြင်နေရမယ်။ မျက်စိနီနေမယ်။ Iris သူငယ်အိမ်ကြွက်သား ရှေ့ဖက်ကို ဖေါင်းတာတယ်။ ကြာတော့ Aqueous fluid အရည်က Trabecular meshwork ဆီ မရောက်နိုင်တော့ဘူး။ ရုတ်တရက်လဲဖြစ်သလို ဖြေးဖြေးချင်းလဲဖြစ်နိုင်တယ်။ ဒေါင့်ကျဉ်းနေသူမှာ သူငယ်အိမ်ကျယ်လာရင် Acute angle-closure glaucoma ဖြစ်လာနိုင်တယ်။ အမှောင်ထဲ ဝင်လိုက်ချိန်မျိုး၊ စိတ်ဖိအားများတာမျိုး၊ စိတ်လှုတ်ရှားမှု များတာမျိုး၊ ဆေးတချို့ကြောင့်လဲဖြစ်နိုင်တယ်။ ဥပမာ Desloratadine (Clarinex), Cetirizine (Zyrtec), Doxepin, Protriptyline (Vivactil), Atropine eyedrops တခြား အမျိုးအစားခွဲနည်းတွေ - (1) Primary open-angle glaucoma ဖြစ်နေသူ တဝက်လောက်က ဒီရောဂါရှိနေတာကို မသိကြဘူး။ (2) Angle-closure glaucoma ရုတ်တရက်ဖြစ်တယ်။ (3) Normal-tension glaucoma ကို normal-pressure glaucoma, low-tension glaucoma or low-pressure glaucoma လို့လဲခေါ်တယ်။ IOP က များမနေဘူး။ ဘာလို့ဖြစ်သလဲ မသေခြာဘူး။ ဂျပန်လူမျိုးတွေနဲ့ အမျိုးသမီးတွေမှာ ပိုဖြစ်တယ်။ (4) Pigmentary glaucoma ရှားတယ်။ ယောက်ျားတွေနဲ့ အသက် ၃ဝ-၄ဝ ကြားမှာ အဖြစ်များတယ်။ (5) Secondary glaucoma နာတာရှည်ဖြစ်တယ်။ မျက်စိထိခိုက်ခံထားရာကနေ ဆက်ဖြစ်တယ်။ Eye infection, Inflammation, Tumor or enlargement of the lens due to a Cataract တွေကနေလဲ ဆက်ဖြစ်နိုင်တယ်။ (6) Congenital glaucoma မွေးရာပါဖြစ်တယ်။ ကလေးငယ်တော့ စမ်းရခက်တယ်။ ယောက်ျားလေးတွေမှာ ပိုဖြစ်တယ်။ Complications နောက်ဆက်တွဲဖြစ်လာနိုင်တာတွေ - • Blind spots မျက်စိအမြင်စက်ဝန်း ဘေးပိုင်းမှာ မမြင်နိုင်တဲ့နေရာလေးတွေ ဖြစ်တယ်။ • Tunnel vision မြောင်းထဲကနေကြည့်နေရသလိုဖြစ်မယ်။ • Total blindness လုံးဝ မျက်စိကွယ်မယ်။ Tests and diagnosis စမ်းသပ်နည်းတွေ အရေးကြီးတဲ့ ရောဂါတွေကို လူနာလာမှ ဆေးကုပေးတာမျိုး တင်မကဘဲ Screening ခေါ်တဲ့ လူအများကို ဆန်ကာတင် စစ်နည်းနဲ့ လုပ်ရတယ်။ ထုံးစံအတိုင်း မျက်စိစစ်ရင် Tonometer ကရိယာသုံးတယ်။ IOP မျက်စိထဲက ဖိအားကို တိုင်းတယ်။ ပုံမှန်ဆိုရင် IOP က 21 mmHg ထက်နည်းရတယ်။ 30 mmHg ထက်များနေရင် မျက်စိကွယ်ဘို့ ကောင်းနေသူတွေ 15 mmHg သာရှိနေသူတွေထက် အဆ ၄ဝ များနေပြီ။ Optic nerve damage မျက်စိအာရုံကြောစစ်ဆေးမယ်။ Visual field test မြင်ကွင်းအကျယ်တိုင်းမယ်။ Cornea thickness မျက်ကြည်လွှာအထူတိုင်းမယ်။ Sophisticated imaging technology နည်းအဆန်းနဲ့လဲ စမ်းနိုင်တယ်။ ဒီနည်းတွေထဲမှာ Scanning laser polarimetry (SLP), Optical coherence tomography (OCT) and Confocal scanning laser ophthalmoscopy တွေပါတယ်။ Gonioscopy နဲ့ Visual field testing ဆိုတာတွေလဲ လုပ်တယ်။ Glaucoma Treatments မျက်စိ-ရေတိမ်ကို ဘယ်လိုကုသမလဲ နည်း (၃) နည်းသုံးတယ်။ မျက်စဉ်း နဲ့ ဆေးတွဲပေးတာဟာ IOP ကျအောင် လုပ်တာဖြစ်တယ်။ နာတာမရှိတော့ မျက်စဉ်း ခပ်ဘို့ ပေါ့ဆတတ်တယ်။ 1. Eyedrops မျက်စဉ်း • Prostaglandin-like compounds = Latanoprost (Xalatan) and Bimatoprost (Lumigan) တွေသုံးတယ်။ ဘေးထွက်-ဆိုးကျိုးတွေ = မျက်စိနဲနဲနီမယ်၊ သူငယ်အိမ်ပိုနက်မယ်။ မျက်ခံအမှော ရောင်ချယ်ပိုများမယ်။ မျက်စိ သိပ်ကြည့်မကောင်း ဖြစ်မယ်။ အမြင်လွှာရောင်မယ်။ • Beta blockers = Timolol (Betimol, Timoptic), Betaxolol (Betoptic) and Metipranolol (Optipranolol) တွေ သုံးတယ်။ ဘေးထွက်-ဆိုးကျိုးတွေ = အသက်ရှူခက်မယ်။ နှလုံးခုန်နှေးမယ်။ ဆံပင်ကျွတ်မယ်။ သွေးဖိအား ကျမယ်။ ကျား-အင်္ဂါသန်မှု နည်းမယ်။ အားယုတ်မယ်။ စိတ်ကျမယ်။ မှန်ဥာဏ်လျှော့မယ်။ ပန်းနာရှိသူ၊ အသက်ရှူလမ်းရောဂါရှိသူ၊ ဆီးချိုရှိသူတွေကို သတိနဲ့သာပေးတယ်။ • Alpha-agonists = Apraclonidine (Iopidine) and Brimonidine (Alphagan) တွေသုံးတယ်။ ဘေးထွက်-ဆိုးကျိုးတွေ = အားယုတ်၊ ခေါင်းမူး၊ မျက်စိနီ-ယား-ရောင်၊ အာခေါင်ခြောက်။ • Carbonic anhydrase inhibitors = Dorzolamide (Trusopt) and Brinzolamide (Azopt) တွေ သုံးတယ်။ ဘေးထွက်-ဆိုးကျိုးတွေ = ဆီးခဏခဏသွား၊ ခြေ-လက်ကျင်။ • Miotic or cholinergic agents = Pilocarpine (Isopto Carpine) and Carbachol (Isopto Carbachol) တွေ သုံးတယ်။ ဘေးထွက်-ဆိုးကျိုးတွေ = မျက်စိနေရာနာ၊ မျက်စိကြည့်မကောင်း၊ နှာစေသလိုဖြစ်၊ တံတွေးများ၊ အစာမကျေ။ • Epinephrine compounds = Dipivefrin (Propine) ကို သုံးတယ်။ ဘေးထွက်-ဆိုးကျိုးတွေ = မျက်စိနီ၊ ရင်တုန်၊ သွေးဖိအားများ၊ ခေါင်းကိုက်၊ စိုးရိမ်။ 2. Oral medications စားဆေးတွေ Eyedrops မျက်စဉ်တခုတည်းနဲ့မရရင် သောက်ဆေးပေးမယ်။ Carbonic anhydrase inhibitor ဆေးကို အစာနဲ့ တွဲသောက်ရတယ်။ 3. Surgery ခွဲစိတ်ကုသနည်း သောက်ဆေး မခံနိုင်ရင်၊ သောက်ဆေး + မျက်စဉ်းနဲ့ မရရင် လိုအပ်ရင် ခွဲရမယ်။ • Laser surgery လေဆာနည်းနဲ့ခွဲခြင်း။ Open-angle glaucoma အတွက် Trabeculoplasty ကိုလုပ်တယ်။ • Filtering surgery မျက်စဉ်းရော လေဆာရောမရရင် Trabeculectomy နည်းလုပ်တယ်။ • Trabecular meshwork တစိတ်တပိုင်းကို Electrocauterizing tool သုံးပြီး ထုတ်ပေးတယ်။ • Drainage implants ဆိုတာ ထည့်ပေးတယ်။ Lifestyle and home remedies အိမ်မှာ ဘယ်လိုနေမလဲ • Acute angle-closure glaucoma ဒေါင့်ကျဉ်းရေတိမ်ဆိုတာ အရေးပေါ်ဖြစ်တယ်။ ချက်ချင်း မျက်စိ အထူးကုဆရာဝန်ကို ပြပါ။ • Sip fluids frequently ရေ-အရည် များများသောက်ပါ။ • Exercise safely သင့်တော်တဲ့ ကိုယ်လက်-လေ့ကျင့်ခန်းလုပ်ပါ။ Cataract မျက်စိတိမ် http://dts-medicaleducation.blogspot.in/2012/03/cataract.html Dr. တင့်ဆွေ ၂၃-၇-၂ဝ၁၂