အလုပ်မရှိသူများ၊ ကျွမ်းကျင်လုပ်သားရှား

အေးမြတ်သူ

အတွဲ (၁၂)၊ အမှတ်(၃၃)

ကမ္ဘာပေါ်တွင် နောက်ဆုံးပေါ် ထွက်လာသော ဈေးကွက်သစ်ဟု တင်စားခံနေရသည့် မြန်မာ့ဈေးကွက်သို့ လာရောက်ရင်းနှီးမြှုပ်နှံမည့် ကုမ္ပဏီများအတွက် ပြည်တွင်း၌ ကျွမ်းကျင်လုပ်သားရှားပါးမှုမှာ အဓိကစိန်ခေါ်မှုတစ်ရပ် ဖြစ်လာသည်။

မြန်မာနိုင်ငံတွင် အခြေခံလုပ်သား လိုအပ်ချက်ဖြည့်ဆည်းရန် လွယ်ကူသော်လည်း ထိပ်ပိုင်းစီမံခန့်ခွဲမှုအရာရှိ ကျွမ်းကျင်ဝန်ထမ်းများကိုမူ လိုအပ်သလောက်ရရှိရန် ခက်ခဲနေသဖြင့် ပြည်ပရောက် မြန်မာများ၊ နိုင်ငံခြားသားများကိုပင် ရှာဖွေနေရပြီဖြစ်ကြောင်း ကျွမ်းကျင်ဝန်ထမ်းများ လိုအပ်နေသည့် ကုမ္ပဏီများကပြောသည်။

ယင်းပြဿနာကိုဖြေရှင်းရန် ပြည်တွင်းပြည်ပကုမ္ပဏီအများစုက ၂၀၁၂ ကတည်းက စတင်ကာ အလုပ်အကိုင်ပြပွဲများကျင်းပပြီး ၀န်ထမ်းလိုအပ်သူနှင့် အလုပ်ရှာသူကြား ပေါင်းကူးရန်ကြိုးပမ်းလာခဲ့သည်။ ထို့အပြင် ၂၀၁၃ သြဂုတ်၌ စင်ကာပူတွင်ပင် အလုပ်အကိုင်ပြပွဲ သွားရောက်ကျင်းပ၍ ကျွမ်းကျင်လုပ်သားများရရှိရန် ကြိုးပမ်းနေကြသည်။

လက်ရှိပြည်တွင်းလုပ်သားဈေးကွက်တွင် လုပ်ငန်းခွင်အတွင်း အတွေ့အကြုံရှိသော ကျွမ်းကျင်ဝန်ထမ်းများရရှိရန်ထက် ဘွဲ့ရကျောင်းဆင်း အလုပ်သင်ဝန်ထမ်းနှင့် ရုံးစာရေးအဆင့်ရှိ အောက်ခြေ၀န်ထမ်းများကိုသာ ရှာဖွေရရှိမှုလွယ်ကူနေသည်။ ကျွမ်းကျင်ဝန်ထမ်းလိုအပ်ချက်ကြောင့် ယခုနှစ်အတွင်းမှစ၍ အလုပ်သင်ဝန်ထမ်းတစ်ဦးအား လစာငွေအနိမ့်ဆုံး ကျပ်ခုနစ်သောင်းနှင့်အထက် ပေးလာသကဲ့သို့ ကျွမ်းကျင်ဝန်ထမ်းအဆင့်ရှိ မန်နေဂျာရာထူးအတွက် ကျပ်ငွေတစ်သိန်းခွဲဝန်းကျင်မှ ကျပ်သိန်း ၃၀ ကျော်အထိပေးကာ အလုပ်ခေါ်ဆိုမှုများရှိလာသည်ဟု ပြည်တွင်းအလုပ်အကိုင်ရှာဖွေရေးအေဂျင်စီများကဆိုသည်။

မြန်မာနိုင်ငံတွင် လူဦးရေ သန်း ၆၀ ကျော်ရှိသည့်အနက် အမှန်တကယ် အလုပ်လုပ်နိုင်သည့်ဦးရေ ၃၂ သန်းခန့်ရှိပြီး အလုပ်လက်မဲ့နှုန်းထား ၁၀ သန်းနီးပါးရှိနေကာ ပြည်ပသို့ သွားရောက်လုပ်ကိုင်သော မြန်မာအလုပ်သမားဦးရေမှာ သုံးသန်းခန့်ရှိကြောင်း အစိုးရ၏ကိန်းဂဏန်းများကဆိုသည်။

ထို့ကြောင့် မြန်မာနိုင်ငံရှိ အလုပ်လုပ်နိုင်သောအရွယ်အုပ်စုတွင် အလုပ်လက်မဲ့ပြဿနာ ကြီးမားနေပြီး အထူးသဖြင့် ဘွဲ့ရလုပ်ငန်းအတွေ့အကြုံမရှိသူများ အလုပ်ရရန် ခက်ခဲနေချိန်မှာပင် အလုပ်ရှင်များ၊ နိုင်ငံတကာကုမ္ပဏီများအတွက် ကျွမ်းကျင်ဝန်ထမ်းရရှိရန် ခက်ခဲနေခြင်းဖြစ်သည်။

အလုပ်အကိုင်ရှာဖွေနေသော နုပျိုသည့်အင်အားစုမှာ ၂၁ ရာစုခေတ် လုပ်ငန်းခွင်ဝင်ရန် အခြေခံလိုအပ်ချက်ဖြစ်သော ကမ္ဘာသုံးအင်္ဂလိပ်ဘာသာစကားနှင့် ကွန်ပျူတာကို ကျွမ်းကျင်စွာ  အသုံးမပြုနိုင်ခြင်းကြောင့် အလုပ်အကိုင်ရရန် ခက်ခဲနေသည်။ ထို့အပြင် အလုပ်အကိုင်ရှာဖွေနေသော ဘွဲ့ရလူငယ်များတွင် သင်တန်းဆင်းလက်မှတ်များ အမြောက်အမြားရှိသော်လည်း လက်တွေ့တွင် တတ်ကျွမ်းခြင်းမှုမရှိခြင်းက အဓိကပြဿနာပင်။

“အဓိကကတော့ သူတို့ဘက်မှာ အားနည်းတာက ဘာသာစကားနဲ့ office ပိုင်းဆိုရင် ကွန်ပျူတာအသုံးပြုမှုပိုင်း အားနည်းတယ်။ အင်တာနက်ဖေ့စ်ဘွတ်ခ်မှာ စာရိုက်နိုင်သလောက်နဲ့မရဘူး။ ကျွမ်းကျင်ဖို့လိုတယ်”ဟု CDC အလုပ်အကိုင်ရှာဖွေရေးအေဂျင်စီမှ ဦးလင်းကျော်ထွန်းကပြောသည်။

ထို့အပြင် ပြည်တွင်းအလုပ်ခေါ်ကြော်ငြာအများစုမှာ လုပ်ငန်းအတွေ့အကြုံ၊ အသက်အရွယ်၊ ပြင်ပသင်တန်းလက်မှတ်များကို မကြာခဏ တောင်းခံလေ့ရှိခြင်းကြောင့် အလုပ်အကိုင်ရှာဖွေသူ အများစုအတွက် အခက်အခဲတစ်ခုဖြစ်လာကြောင်း သိပ္ပံဘွဲ့ရအမျိုးသားတစ်ဦးကပြောသည်။

“ဒီနိုင်ငံက ဘွဲ့ရတွေကို ဘွဲ့လက်မှတ်ပေးမယ့်အစား လုပ်ငန်းအတွေ့အကြုံလက်မှတ်ပဲပြောင်းပေးရင် ပိုကောင်းမယ်”ဟု အသက် (၂၆)နှစ်အရွယ်ရှိ အလုပ်ရှာဖွေနေသူ အမျိုးသမီးတစ်ဦးက သူ၏အမြင်ကိုပြောသည်။

ထို့အပြင် ဆယ်စုနှစ်ငါးစုတိုင် ညံ့ဖျင်းလှသော ပညာရေးစနစ်အောက်တွင် ပညာသင်ယူခဲ့ရသူများမှာ လုပ်ငန်းခွင်ဝင်ရန် ကျောင်းသင်ပညာရေးက အသုံးပြုမရ၍ လုပ်ငန်းအတွေ့အကြုံနှင့် ပြင်ပသင်တန်းများမှ သင်ယူတတ်ကျွမ်းလာမှုများကို ဦးစားပေးနေရကြောင်း အလုပ်အကိုင်ရေးရာကျွမ်းကျင်သူများကပြောသည်။

“အလုပ်လာလျှောက်သူတွေရဲ့ အားနည်းချက်က သူတို့ဘာလုပ်ရမှန်းမသိဘူး။ ဘွဲ့ရမျိုးစုံပါတာပဲ။ သူတို့အများဆုံးရတဲ့အလုပ်က office staff ပိုင်းပဲ၊ ရုံးအောက်ခြေပိုင်းပဲရကြတာများတယ်”ဟု Device ပြည်တွင်းအလုပ်အကိုင်ရှာဖွေရေးအေဂျင်စီမှ အထွေထွေမန်နေဂျာ ဦးစိုးညွန့်ကပြောသည်။

ကုမ္ပဏီများမှ လုပ်သားရှာဖွေပါက မန်နေဂျာရာထူးအောက်ရှိ အခြေခံဝန်ထမ်းများ ရရန်လွယ်ကူသော်လည်း ကျွမ်းကျင်ဝန်ထမ်းရှာဖွေပါက အချိန်ကြန့်ကြာမှုများရှိခြင်းကြောင့် ပြည်ပရောက် ကျွမ်းကျင်မြန်မာအလုပ်သမားများကို ခေါ်ယူရန် ကြိုးပမ်းလာခြင်းဖြစ်သည်။

ထို့ကြောင့် နိုင်ငံတကာလုပ်ငန်းအတွေ့အကြုံရှိသော ကျွမ်းကျင်လုပ်သားအများစုရှိရာ စင်ကာပူနိုင်ငံရောက် မြန်မာအလုပ်သမားများကို ကျွမ်းကျင်လုပ်သားများအဖြစ်ခေါ်ယူရန် လုပ်ငန်းရှင်များက စိတ်ဝင်စားလာသည်။

ပြည်တွင်းနှင့် နိုင်ငံတကာကုမ္ပဏီများက ငွေကုန်ကြေးကျခံကာ ပထမဆုံး အလုပ်အကိုင်ပြပွဲကို စင်ကာပူနိုင်ငံတွင် ယခုနှစ်သြဂုတ်လက သွားရောက်ကျင်းပခဲ့သည်။ ထပ်မံ၍ နိုဝင်ဘာလတွင် ကျင်းပရန်လည်း စီစဉ်နေသည်။ ပထမအကြိမ်အဖြစ် စင်ကာပူတွင် အလုပ်အကိုင်ပြပွဲကျင်းပခဲ့ရာ အလုပ်လျှောက်သူဦးရေ နှစ်ထောင်ကျော်ရှိသည်။ သို့သော် အလုပ်ခန့်အပ်သည့် လုပ်သားစာရင်းကို အတိအကျထုတ်ပြန်ခြင်းမရှိသေးသော်လည်း ပြပွဲမှကုမ္ပဏီအချို့ ကျွမ်းကျင်ဝန်ထမ်းများရခဲ့သည်။

ဒုတိယအကြိမ် ကျင်းပပြုလုပ်မည့်ပြပွဲကို စင်ကာပူနိုင်ငံရှိ ပင်နီဆူလာပလာဇာတွင် နိုဝင်ဘာ၂ ရက်မှ ၃ ရက်ထိ ကျင်းပမည်ဖြစ်ပြီး ယခင်ပထမအကြိမ် ပါဝင်ပြသခဲ့သည့် ကုမ္ပဏီအရေအတွက်ထက် နှစ်ဆတိုးလာသည်။ အင်ဂျင်နီယာအလုပ်အကိုင်နှင့်ပတ်သက်သော အလုပ်နေရာအတွက် ဦးစားပေးခေါ်ဆိုသွားရန် ရှိသည်ဟုလည်း သိရသည်။ ထိုအချက်က ကျွမ်းကျင်လုပ်သားရှားပါးမှု ပိုကြီးမားလာကြောင်း ထင်ရှားသောသာဓကဖြစ်သည်။

“အဓိကကတော့ အရည်အချင်းကောင်းကောင်းရဖို့၊ ပညာအရည်အချင်းကောင်းကောင်းရမယ့်သူ လိုချင်လို့ပါဝင်ခဲ့တာ”ဟု စင်ကာပူအလုပ်အကိုင်ပြပွဲတွင် ပါ င်ပြသမည့် Mega Lifesciences ကုမ္ပဏီမှ HR မန်နေဂျာ ဦးထွန်းစည်သူကပြောသည်။

သြဂုတ်လက ကျင်းပခဲ့သော စင်ကာပူပြပွဲတွင် စင်ကာပူရောက် မြန်မာအလုပ်သမားအများစုက ၎င်းတို့သည် ပြည်တွင်းကုမ္ပဏီများထံ လုပ်ကိုင်မည်ဆိုပါက ၎င်းတို့ကို စင်ကာပူနိုင်ငံတွင်ရရှိသည့် လစာနှုန်းထားနီးပါးပေးရန် တောင်းခံမှုများရှိခြင်းကြောင့် ကုမ္ပဏီအများစုမှာ လတ်တလောအချိန်ထိ နှစ်ဦးနှစ်ဖက်ညှိနှိုင်းဆွေးနွေးလျက်သာ ရှိသေးသည်။

“အစ်မ ဒီမှာ ဟိုမှာသွားခေါ်မယ့် ရာထူးမျိုးကို ခေါ်ကြည့်ပြီးပြီ။ အဲဒါ ဘယ်လိုကြောင့်လဲမသိဘူး။ အစ်မတို့လိုချင်တဲ့ပုံကို ဖော်နိုင်မယ့် ဂရပ်ဖစ်ကောင်းကောင်းလိုချင်တာ။ လူရှာတာ နှစ်လကျော်လောက်ကြာနေပြီ။ ဒါပေမဲ့ သူတို့ကြေညာတာ ကြည့်လိုက်ရင် မြန်မာပစ္စည်း မြန်မာကုမ္ပဏီမှန်း သိသာလွန်းတယ်။ အစ်မတို့က နိုင်ငံတကာမမီရင်တောင် ယိုးဒယားနဲ့ စင်ကာပူလောက်တော့ အရည်အသွေးမီချင်တာ။ အဲဒါရဖို့အတွက် အခု Job Fair ကို ပါဝင်ဖြစ်ခဲ့တာ”ဟု MMRD ကုမ္ပဏီမှ ဆက်ဆံရေးအရာရှိ ဂျက်ဆီကာမြင့်သင်းကပြောသည်။

ပြည်တွင်းကုမ္ပဏီအများစုအနေဖြင့် လုပ်ခလစာပေးစနစ်နှင့်ပတ်သက်၍ ၎င်းတို့ကျွမ်းကျင်မှုပေါ်မူတည်၍ ပေးမည်ဖြစ်သော်လည်း ပြည်တွင်းတွင် ရရှိနိုင်မည့်နှုန်းထားနှင့် နှိုင်းယှဉ်၍သာ ပေးသွားမည်ဖြစ်သည်။ စင်ကာပူရောက် ကျွမ်းကျင်လုပ်သားများအနေဖြင့် ပျမ်းမျှအားဖြင့် လုပ်ခလစာငွေကျပ် ၁၂ သိန်းနှင့်အထက် ရရှိရန်တောင်းဆိုကြသည်။

စင်ကာပူရောက် မြန်မာဝန်ထမ်းများမှာ အမိနိုင်ငံသို့ပြန်လာ၍ အလုပ်လုပ်ကိုင်လိုသော်လည်း လက်ရှိစင်ကာပူတွင်ရသော လုပ်ခလစာနီးပါးရရှိရန်နှင့် လက်ရှိဝင်ရောက်လာသော ပြည်ပရင်းနှီးမြှုပ်နှံသူများ၏ လုပ်ငန်းခိုင်မာမှု ရှိ၊ မရှိမှာ မြန်မာနိုင်ငံရေးနှင့် ဆက်စပ်နေ၍ အခြေအနေကို စောင့်ကြည့်နေကြောင်း စင်ကာပူရောက် မြန်မာအချို့ကပြောသည်။

“အစ်မတို့ကတော့ လစာပိုင်းကိုတော့ သူတို့ဟိုမှာရသလောက်ကြီးတော့ မပေးနိုင်ဘူး။ သူတို့ရတဲ့လစာက ဟိုမှာနေစရိတ်ဖယ်ရတယ်။ ဒီမှာလုပ်ရင် နေစရိတ်မဖယ်ရဘူး။ ကိုယ့်မိဘဆွေမျိုးတွေနဲ့လည်း အတူနေရမယ်။ လစာကိုလည်း ကျွမ်းကျင်မှုအပေါ်မူတည်ပြီး ညှိနှိုင်းပြီးတော့ပေးမှာပေါ့။ ကမ္ဘာ့ကုမ္ပဏီတွေနဲ့ နှိုင်းယှဉ်တော့ အားနည်းချက်ရှိတာပေါ့”ဟု ဂျက်ဆီကာမြင့်သန်းက ဆက်လက်၍ပြောသည်။

ထို့အပြင် ပြည်တွင်းကုမ္ပဏီများမှာ ပြည်ပကုမ္ပဏီများနှင့်အပြိုင် လုပ်ငန်းများတိုးချဲ့လုပ်ကိုင်ရန်နှင့် ကျွမ်းကျင်လုပ်သားရရှိရန် ပြည်ပသို့ သွားရောက်ခေါ်ယူရသော်လည်း ၀န်ထမ်းများကို နိုင်ငံတကာကုမ္ပဏီများနှင့်အပြိုင် လုပ်ခလစာနှုန်းထား တိုးမြှင့်ခန့်အပ်ရန်မလွယ်ကူနိုင်ကြောင်း အလုပ်အကိုင်ရှာဖွေရေးအေဂျင်စီအချို့မှ သုံးသပ်ပြောကြားသည်။

ပြည်တွင်းအလုပ်အကိုင်ရှာဖွေရေးအေဂျင်စီများသို့ လာရောက်အလုပ်အပ်သူများတွင် ၉၀ ရာခိုင်နှုန်းမှာ ကုမ္ပဏီများဘက်မှ ၀န်ထမ်းခေါ်ယူခြင်းဖြစ်ကာ ကျန် ၁၀ ရာခိုင်နှုန်းမှာ အလုပ်ရလိုသူများက လျှောက်လွှာလာတင်ခြင်းဖြစ်ကြောင်း တာဝန်ရှိသူများကပြောသည်။

ထို့အပြင် ယခုနောက်ပိုင်းတွင် ကုမ္ပဏီအသစ်များ ၀င်ရောက်လာမှုကြောင့် လုပ်ငန်းအတွေ့အကြုံရှိ လုပ်သားများကို ဦးစားပေးကာ ခေါ်ယူလာကြသည့်အတွက် အတွေ့အကြုံမရှိသေးသည့် လုပ်သားများအတွက် အလုပ်အကိုင်ရွေးချယ်မနေဘဲ ရရှိသည့်အလုပ်နေရာများတွင် ၀င်ရောက်လုပ်ကိုင်ရန် အလုပ်အကိုင်ရှာဖွေရေးအေဂျင်စီများက အကြံပြုသည်။

“များသောအားဖြင့် အလုပ်ခေါ်ရင် ကုမ္ပဏီတွေဘက်က ကန့်သတ်ချက်တွေနဲ့ ခေါ်လာကြတယ်။ အများစုက လုပ်ငန်းအတွေ့အကြုံ ဦးစားပေးလာတယ်။ certificate တွေ ပါလာပေမယ့်လည်း အလုပ်ပေါ်မှာ ရွေးချယ်မှုတွေများရင် အလုပ်ရဖို့လည်းမလွယ်ဘူး။ ကုမ္ပဏီတွေဘက်ကတော့ ကျွမ်းကျင်လုပ်သားရပြီဆိုရင် ခန့်တာအရင်ကထက်မြန်လာတယ်။ အရင်လို အင်တာဗျူးတွေ သိပ်မလုပ်တော့ဘူး”ဟု Market Care မှ ဒါရိုက်တာဦးအောင်မြင့်ကပြောသည်။

“ကုမ္ပဏီတွေဘက်က တော်တော်များများ ရွေးချယ်စရာသိပ်မရှိတော့ဘူး။ ကျွမ်းကျင်ဝန်ထမ်းတွေ့ရင် ခန့်လိုက်ရတာပဲ။ အလုပ်ကပေါပေမယ့် လုပ်သားဦးရေက ဒီလောက်ပဲ။ အလုပ်သမားပေါတာ အောက်ခြေအဆင့်လောက်လုပ်သားပဲပေါတာ။ အမြင့်ပိုင်းကျတော့ ဒီလောက်ပဲဖြစ်နေတယ်”ဟု Perfect Link မှ ဦးဒိသာမြင့်ကပြောသည်။

လုပ်ငန်းအတွေ့အကြုံမရှိသေးဘဲ အလုပ်ရှာဖွေသူ လုပ်သားအများစုမှာ အလုပ်ချိန်များလျှင် မလုပ်လိုခြင်း၊ လုပ်ခလစာငွေ များများရလိုခြင်း၊ ရရာအလုပ်မလုပ်လိုဘဲ အလုပ်ရွေးလွန်းခြင်း၊ မိမိလုပ်ကိုင်လိုသည့် လုပ်ငန်းအမျိုးအစားကို သေချာသိရှိမှုမရှိခြင်းတို့မှာ အဓိကပြဿနာဟု အလုပ်အကိုင်ဈေးကွက် ကျွမ်းကျင်သူများကပြောသည်။ ထို့ကြောင့် လုပ်ငန်းအတွေ့အကြုံ နည်းပါးချိန်တွင် ရရာအလုပ်ကိုလုပ်ကိုင်ပြီး အတွေ့အကြုံများလာရန် သင်ယူသင့်ကြောင်း အထက်ပါပုဂ္ဂိုလ်များကအကြံပြုသည်။

Ref:7daynew