နွားဦးနှောက်၊ ဆိတ်ဦးနှောက် စားသုံးမှုကို သတိပြုသင့်

နွားဦးနှောက်၊ ဆိတ်ဦးနှောက် စားသုံးမှုကို သတိပြုသင့်
Saturday, 18 June 2011 05:18 | 

နွားဦးနှောက်၊ ဆိတ်ဦးနှောက် အစရှိသော တိရစ္ဆာန်ဦးနှောက်များကို အသေအချာ ကျက်အောင် မချက်ဘဲ စားသုံးခြင်းသည် အန္တရာယ်ရှိကြောင်း အမေရိကန်ရောဂါ ထိန်းချုပ်ရေးနှင့် ကာကွယ်ရေးဗဟိုဌာန (CDC) က မေလ ၂၃ရက်နေ့တွင် ပြောကြား ခဲ့သည်။

၎င်းတို့မှနေ၍ အလွန်ရှားပါးပြီး ပြင်းထန် သည့် Prion Diseases ဟုခေါ်သော ရောဂါတစ်ရပ်ကို ဖြစ်ပွားစေနိုင်သည်ဟု ဆိုသည်။ Prion Diseases ၌ Creutzfeldt Jakob Diseases၊ နာတာရှည် ကြွက်သားချည့်နဲ့သော ရောဂါ၊ Bovine Sponginform encephalopathy (ဦးနှောက်ရောင် ရောဂါ တစ်မျိုး) တို့ပါဝင်ပြီး နွားရူးရောဂါဟု လူသိများသည်။

၎င်းအပြင် ယခုနောက်ဆုံးတွေ့ရှိချက်အရတောတွင်းသမင်၏ အသားကို စားခြင်းသည် လည်း လူကို ကူးစက်စေနိုင်ကြောင်း တွေ့ရှိရသည်။ Prion Diseases သည် လူ၌ဖြစ်ပွားမှု နည်းပါးသော်လည်း ရောဂါဖြစ်ပွားပါက အသက်သေဆုံးနိုင်ခြေ လွန်စွာများပြားသည်ဟု ဆိုသည်။

အဆိုပါ နွားရူးရောဂါသည် ကမ္ဘာ့နေရာအနှံ့အပြားသို့ ပျံ့နှံ့လျက်ရှိပြီး များသောအားဖြင့် ဗြိတိန်၊ အိုင်ယာလန်၊ ပြင်သစ်၊ ပေါ်တူဂီ၊ ဆွစ်ဇာလန်၊ အီတလီ၊ နယ်သာလန်၊ ဂျာမနီနှင့် စပိန်နိုင်ငံတို့တွင် တွေ့ရသည်ဟု ဆိုသည်။ အမေရိကန်ပြည်ထောင်စုတွင် ကော်လိုရာဒို ပြည်နယ် အရှေ့မြောက်ပိုင်း၊ ဝိုမင်းပြည်နယ် အရှေ့တောင်ပိုင်းနှင့် နီဘရာစကားပြည်နယ် အနောက်တောင်ပိုင်း တို့တွင် သမင်နှင့် ဒရယ်တို့ကို အမဲလိုက်ကာ စားသုံးသည့် အလေ့ အထ ရှိသောကြောင့် နာတာရှည်ကြွက်သားချည့်နဲ့သည့် ရောဂါ အတွေ့ရများသည်ဟု ဆိုသည်။

Prion Diseases ကို ဖြစ်ပွားစေသော ရောဂါပိုးသည် တော်ရုံအပူချိန်ဖြင့် မသေနိုင်သော ကြောင့် တိရစ္ဆာန်ဦးနှောက်များကို မကျက်တကျက် စားသုံးခြင်းသည် လွန်စွာ အန္တရာယ် များသည်ဟု ဆိုသည်။ ရောဂါလက္ခဏာမှာလည်း ချက်ချင်းမပြဘဲ အဆိုပါ ပိုးမွှား၏ ဗီဇကို ဖော်ထုတ်နိုင်ခြင်း မရှိသေး၍ ကာကွယ်ဆေးလည်း မရှိသေးကြောင်း သိရသည်။

Ref : Good Health-myanmarnewszone


- Posted using BlogPress from my 4GiPhone

Location:T1 Link W,Singapore,Singapore