ယခင် နိုင်ငံခြားသားအမည် ပေါက် မြေပေါ်တွင် အဆောက်အအုံ ဆောက်လုပ် ခွင့်ပြုမည်

ယခင်က ခွင့်မပြုခဲ့သည့် နိုင်ငံခြားသားအမည်ပေါက်မြေပေါ်တွင် အဆောက်အအုံတည်ဆောက်ခွင့်အား ယခုနှစ်စပိုင်းမှ စတင်ခွင့် ပြုသွားမည်ဖြစ်ကြောင်း ရန်ကုန်မြို့တော်စည်ပင်သာယာရေးကော်မတီ အင်ဂျင်နီယာ (အဆောက်အအုံ) ဌာနမှ တာဝန်ရှိသူများက ပြောသည်။

"အရင်တုန်းက နိုင်ငံခြားသားအမည်ပေါက် မြေပေါ်မှာ အဆောက်အအုံအသစ်တည်ဆောက်တာဖြိုဖျက်တာတွေကို ခွင့်မပြုခဲ့ဘူး။ တစ်ကယ်လို့ ဆောက်လုပ်ခွင့် တင်ပြလာတာတွေက နိုင်ငံခြားသားအမည်ပေါက်ဖြစ်နေရင် စည်ပင်သာယာက ဆုံးဖြတ်လို့မရဘူး။ ပြည်ထဲရေးကို ပြန်တင်ပြရတယ်။ အခု ပြည်ထဲရေးကနေပြီးတော့ ရန်ကုန်မြို့တော် စည်ပင်သာယာရေးကော်မတီကို ဆက်လက်ဆောင်ရွက် ခွင့်ပေးလိုက်တာပါ" ဟု ရန်ကုန်မြို့တော် စည်ပင်သာယာရေးကော်မတီအင်ဂျင် နီယာ (အဆောက်အအုံ) ဌာနမှ လက်ထောက်ဌာနမှူးဖြစ်သူ ဦးနေ၀င်းက ပြောသည်။

မြန်မာနိုင်ငံတွင် ကိုလိုနီခေတ်လက်ထက်၌ နေထိုင်ခဲ့သည့် နိုင်ငံခြားသားများပိုင်ဆိုင်သောမြေဧကများပေါ်တွင် မြေဧကငယ်များ စိတ်ပိုင်းရောင်းချပြီး ရောင်းဝယ် သူအချင်းချင်း အရပ်စာချုပ်များဖြင့်သာချုပ်ဆိုကာ အဆင့် ဆင့် လက်ဆင့်ကမ်းပြောင်းရွှေ့နေထိုင်မှုများ သည် ရန်ကုန်မြို့နယ်များတွင် အများအပြား ရှိခဲ့သော်လည်း ပြီးခဲ့သည့် ၂၀၁၃ ခုနှစ်ထိ အဆိုပါမြေနေရာပေါ်တွင် အဆောက်အအုံ တည်ဆောက်ခွင့် မပြုခဲ့ပေ။

ရန်ကုန်မြို့တော် စည်ပင်သာယာရေးကော်မတီ အင်ဂျင်နီယာ (အဆောက်အအုံ) ဌာနတွင် ယင်းကဲ့သို့ နိုင်ငံခြား အမည်ပေါက်မြေများပေါ်တွင် နှစ်ထပ်နှင့် သုံးထပ်ရှိသော အဆောက်အအုံများဆောက်လုပ်ရန် ဆောက်လုပ်ခွင့်တင်ထားသည့်အဆောက်အအုံ အလုံး ၂၀၀ ခန့်ရှိကြောင်း၎င်းက ပြောသည်။

"ကျွန်တော်တို့ဆုံးဖြတ်တာကတော့ ဒီမြေကိုပိုင်ဆိုင်ခဲ့တဲ့နိုင်ငံခြားသားတွေလည်း အခုချိန်မှာမရှိတော့ဘူး။ လက်ရှိ အဲဒီမြေနေရာမှာနေထိုင်ကြတဲ့သူတွေကလည်း ၁၅ နှစ် အနှစ်၂၀ ရှိတယ်ဆိုတော့ သူတို့ကိုဆောက်ခွင့်ပေးလို့ရတယ် ဆိုပြီး ဆောက်ခွင့်ပေးလိုက် တာပါ။ လောလောဆယ်ကျွန်တော်တို့ အမြင့်ဆုံးသုံးထပ်ရှိတဲ့ အဆောက်အအုံလောက် ပဲပေးဆောက်ထားပါတယ်" ဟု၎င်းက ပြောသည်။

ရန်ကုန်မြို့၏ တွင်ကျယ်လျက်ရှိသော မြေအရောင်းအ၀ယ်များသည် ရောင်းဝယ်သူအချင်းချင်းသာ နားလည်မှုဖြင့်စာချုပ်ချုပ် ဆိုကာ ရောင်းချဝယ်ယူကြပြီး အစိုးရထံတွင် အခွန်ပေးဆောင်ကာမြေအားပိုင်ဆိုင်သူ အမည်ပေါက်ရအောင် ပြုလုပ်သူ နည်းနေသေးနည်းကြောင်း စည်ပင်သာယာမှ

တာဝန်ရှိသူများက ပြောသည်။

မူလမြေပိုင်ရှင်၏ မြေဧကများမှ တစ်စိတ် တစ်ပိုင်း မြေ၀ယ်သူများသည် မိမိဝယ်ယူထားသောမြေအား နှစ်ဦးသဘောတူ တရားဝင်အရောင်းအ၀ယ်စာချုပ် ချုပ်ဆိုရပြီး ရန်ကုန် မြို့တော်စည်ပင်သာယာတွင် ၀ယ်ယူထားကြောင်းတင်ပြရသည်။

ထိုသို့စာရင်းသွင်းပြီးချိန်တွင် ရန်ကုန်မြို့တော် စည်ပင်သာယာမှ အင်ဂျင်နီယာများက ၀ယ်ယူထားသည့်မြေဧရိယာအတိုင်း တိုင်းတာသတ်မှတ်ပြီး ၀ယ်ယူသူအမည်ဖြင့် စာရင်းသွင်းသတ်မှတ်မှသာလျှင် ပိုင်ဆိုင်မှုမှန်ကန်ကာ အဆိုပါမြေမှာ ၀ယ်ယူသူ၏အမည်ပေါက်ဖြစ်ကြောင်း ဌာနမှတာဝန်ရှိသူများက ပြောသည်။

"တော်တော်များများက ဒီနေရာမှာ သားစဉ်မြေးဆက်နေလာကြတယ်။ ဒါပေမဲ့ အမည်ပေါက်အောင်မလုပ်ကြဘူး။ ရုံးလာ ရတာတို့ အခွန်ဆောင်ရတာတို့ကို မလုပ်ချင်ကြဘူး။ အဲဒီလိုမြေနေရာတွေကို ကျွန်တော်တို့က ပိုင်ဆိုင်မှုမမှန်ဘူးလို့ သတ်မှတ်ထားတယ်။ ပိုင်ဆိုင်မှုမမှန်တဲ့မြေက မြန်မာနိုင် ငံသားပိုင်တယ်ဆိုရင်တော့ ပြဿနာမရှိဘူး ။ ဆောက်ချင်ရင် သုံးထပ်ထိပေးဆောက်တယ်။ နိုင်ငံခြားသားအမည်ပေါက်ဆိုရင် အရင်က ဆောက်ခွင့်မပေးဘူး။ အခုတော့သူ့ကိုလည်း သုံးထပ်ထိဆောက်ခွင့်ပေးထားတယ်" ဟု ဦးနေ၀င်းကပြောသည်။

ယခုလက်ရှိ ရန်ကုန်မြို့တွင် နိုင်ငံခြားသားအမည်ပေါက်မြေများမှာ နည်းပါးသွားပြီဖြစ်သော်လည်းအချို့နေရာများတွင်မူ ကျန်ရှိသေးကြောင်း အိမ်ခြံမြေ အကျိုးဆောင်များက ပြောသည်။ အင်းစိန်မြို့နယ်၊ သင်္ဃန်းကျွန်းမြို့နယ်နှင့် ကမာရွတ်မြို့နယ်များတွင် ယင်းကဲ့သို့ မြေများကျန်ရှိသေးသော်လည်း ယခင်ပိုင်ဆိုင် ခဲ့သည့် ကျယ်ဝန်းသည့်မြေဧရိယာများပေါ်တွင် ယခုအခါတွင် မြေဧကများစွာ ခွဲစိတ်ရောင်းချမှုများကြောင့် နထိုင်သူများစွာဖြင့် နေထိုင်ကြကြောင်း စိုင်းခွန်နောင် အိမ်ခြံမြေအကျိုးဆောင်မှ အထွေထွေမန်နေဂျာ ဦးရန်အောင်က ပြောသည်။

"ကိုယ်ဝယ်ထားတဲ့မြေကို ကိုယ့်နာမည်ပေါက် လုပ်ထားတာ အကောင်းဆုံးပါပဲ။ ကိုယ့်မြေကလက်ဆင့်ကမ်းပြီး အရပ်စာချုပ်နဲ့ရောင်းထားတဲ့မြေဖြစ်ပေမယ့် ကိုယ့်လက်ထက်မှာတော့ ကိုယ့်နာမည်ဖြစ်အောင် လုပ်သင့်တယ်။ နိုင်ငံခြားသားအမည်ပေါက်ဖြစ်နေတယ်ဆိုရင်လည်း တရားရုံးမှာ ကိုယ့်အမည်ပြောင်းလျှောက်တင်ပြီး အခွန်ဆောင်မယ်ဆိုရင် ရတယ်။ ကိုယ့်မြေက ကိုယ်ဝယ်ထားပြီး ကိုယ့်အမည်မပေါက်ရင် တစ်ချိန်ချိန် မှာ အဆင်မပြေဖြစ်နိုင်တယ်" ဟု ၎င်းက ပြောသည်။

Myanmar Times

https://m.facebook.com/story.php?story_fbid=673805092682335&id=627625053967006


Credit @ Ko Nge