ဈေကွက်ပျောက်နေသော အမိမြေက ဖရဲတောင်သူတွေဘဝ

ဒီရက်ပိုင်း စိတ်မသက်သာစရာ သတင်းကတော့ ဖရဲသီးစိုက်တောင်သူတွေရဲ့  ပြဿနာတွေပါဘဲ။

မြန်မာပြည်အလယ်ပိုင်းဒေသတွေဟာ ဖရဲသီးကို အားထားစိုက်ပျိုးနေတာကြာပါပြီ။

အထူးသဖြင့် ဧရာဝတီမြစ်ဝှမ်းနဲ့ ချင်းတွင်းမြစ်ဝှမ်းဒေသတွေဖြစ်တဲ့ တံတားဦး၊ မြင်ခြံ ၊ စစ်ကိုင်း၊ မြင်းမူ၊ ဘုတလင်နဲ့ အရာတော်နယ် ပဲခူး ဘက်တွေမှာ စိုက်ကြတာပါ။

ဖရဲသီးတစ်လုံးဖြစ်ဖို့အတွက် မြေင်ပြင်ရက်မပါ ။ရက်ပေါင်း(၇၀)ကနေ (၇၅)ရက်အထိ အချိန်ပေးစိုက်ပျိုးရပြီး တစ်နှစ်မှာမိုးဖရဲနဲ့ဆောင်းဖရဲ (၂)ခါ စိုက်ပျိုးလို့ဘဲရပါတယ်။ ဒီအချိန်မှာဆောင်းဖရဲတွေ လှိုင်လှိုင်တင်ပို့ချိန်ပါ။

တစ်နှစ်မှာ ရက်ပေါင်း(၃၆၅)ရက်ရှိတဲ့အတွက် ကျန်တဲ့ ရက်ပေါင်း(၂၀၀)ကျော်ဟာ အဲဒီဖရဲသီးစိုက်ပျိုးတဲ့ကိုင်းမြေတွေဟာ အခြေနေအကြောင်းကြောင်းတွေကြောင့် ဘာမှစိုက်ပျိုးလို့မရပါဘူး။

တစ်ဧကရဲ့ ကုန်ကျစားရိတ်ဟာ မဆွတ်ခူးရသေးတဲ့အချိန်အထိဆိုရင် (၃၅)သိန်းကနေ သိန်း(၄၀)အထိအောင်ရှိပါတယ်။ဒီနှစ်မှာ ဓ့တ်မြေသြဇာ သွင်းအားစုဈေးတွေတက်လို့တောင်သူတွေ ညည်းသံအစုံထွက်နေတာပါ။

ဆွတ်ခူးတဲ့အခါ လုပ်သားစားရိတ်၊ ကုန်တင်ပို့ခစားရိတ်တွေနဲ့ဆိုရင် ဖရဲသီးတစ်ခင်းဟာ သိန်း(၆၀)ကျော်ဝန်းကျင်အထိ ကုန်ကျပါတယ်။

မနှစ်ကဆိုရင် စိုက်ပျိုးမှုနည်းပညာ အမှားအယွင်းတွေကြောင့် ဖရဲသီးအထွက်နှုံးမကောင်းကြတဲ့အပြင် တစ်ချို့ဖရဲသီးစိုက်ပျိုးသူတွေဟာ အရှုံးပေါ်တဲ့အနေအထားအထိရောက်ခဲ့ကြပါသေးတယ်။

ဒီနှစ်မှာတော့ မှားယွင်းခဲ့တဲ့ နည်းစနစ်တွေ သင်ခန်းစာယူစိုက်ပျိုးခဲ့ကြကာ အထွက်နှုံးမှန်ခဲ့ပေမဲ့ မူဆယ်(၁၀၅)မိုင်နဲ့ ဝမ်တိန်ဂိတ်ကြားမှာ တရုပ်ပြည်ဘက်ကိုပို့တဲ့ ဖရဲသီးကားတွေ ပိတ်ဆို့နေတဲ့အတွက် ဒုက္ခတွေ ထပ်ပြီးရောက်ကြရပြန်ပါတယ်။

အရင်ကဆိုရင် အဲဒီဘက်မှာ ရှိနေတဲ့ ပြည်သူ့စစ်တွေက ကားတွေ အသွား၊အပြန် အဆင်ပြေစေဖို့အတွက် လမ်းတွေရှင်းပေးတဲ့အတွက် အခုလိုပိတ်ဆို့မှုမရှိခဲ့ပါဘူး။

ဒါပေမဲ့ နယ်စပ်မှာ ပြည်သူ့စစ်တွေ အချင်းချင်း ပစ်ခတ်မှုဖြစ်စဉ် ဖြစ်ပြီးတဲ့နောက်ပိုင်းမှာတော့ ပြည်သူ့စစ်တွေဟာ ကားတွေကို ရှင်းလင်းပေးတဲ့အလုပ်မလုပ်တော့ပါဘူး။ 

အဲဒီနောက်ပိုင်းမှာ ကားတွေဟာ နေ့စဉ်ထောင်နဲ့ချီပြီး မူဆယ်(၁၀၅)မိုင်နဲ့ နယ်စပ်ကူးတဲ့ ဝမ်တိန်ဂိတ်ကြားမှာ ပိတ်ဆို့နေပါတော့တယ်။

တစ်ခါတစ်လေ တစ်ချို့ကားတွေဟာ အဲဒီကြားထဲမှာတင် (၅)ရက်နီးပါးလောက်ကျန့်ကြာနေပါတယ်။

ဒီကြားထဲ တရုတ်ပြည်ရဲ့ နိုင်ငံရေးကစားမှုကြောင့် အရင်နှစ်က ဂိတ်မှာ တရုတ်အရာရှိ(၂)ယောက်ထားပြီး အဝင်တုံးတွေထုပေးနေရာကနေ အခုလိုအချိန်မှာ ရုတ်ချည်း(၁)ယောက်ထဲ ထားလိုက်တော့ တရုပ်ပြည်ဘက်ကိုဝင်တဲ့ကားတွေက ပိုပြီး ပိတ်ဆို့မှုဖြစ်သွားခဲ့စေပါတယ်။

ပိုဆိုးစေတာကတော့ ဖရဲသီးတစ်လုံးရဲ့ သက်တမ်းဟာ (၁၀)ရက်ပဲရှိပါတယ်။ အဲဒီ(၁၀)ရက်မှာ (၇)ရက်ဆိုတာက အကောင်းဆုံးစားသုံးနိုင်တဲ့အနေအထားပါ။

 စစ်ကိုင်း တိုင်း ကဖရဲသီးတစ်လုံးဟာ မူဆယ်ရောက်ဖို့အတွက် အချိန်(၂)ရက်ကြပါတယ်။ နယ်စပ်မှာ (၅)ရက် ပိတ်မိတဲ့အတွက် ကိုယ့်နိုင်ငံထဲမှာတင် ဖရဲသီးတစ်လုံးရဲ့ အကောင်းဆုံးအချိန်ဖြစ်တဲ့(၇)ရက်ဆိုတဲ့သက်တမ်းကို ဖရဲသီးတွေဟာ ကားပေါ်ကနေ အချိန်ကုန်ဆုံးခဲ့ပါပြီ။

ဒီလိုနဲ့ ဟိုဘက်ကို ဖရဲသီးရောက်တဲ့အချိန်မှာ နွမ်းရိနေကာ တစ်ချို့ကားအောင်ခြေက အသီးတွေဆိုရင် ပုတ်ပြဲကာနီး ဖြစ်နေတဲ့အတွက် တရုပ်တွေရဲ့ မတရားဈေးနှိမ်ခံရတာမျိုးတွေ ၊ပယ်သီးအဖြစ်နဲ့ လွှင့်ပြစ်ခံရတာမျိုးတွေ ဖြစ်ခဲပြီး ဖရဲသီးတောင်သူတွေမှာ များစွာနစ်နာခဲ့ကြပါတယ်။

အရင်ကဆိုရင် (၂)ရက် (၃)ရက်နဲ့ တရုပ်ပြည်ကို အရောက်ပို့ပေးနိုင်တဲ့အတွက်  ဒီလိုဆုံးရှုံးမှုမျိုး မရှိခဲ့ပါဘူး။

သို့သော် ဒီနှစ်မှာတော့ (၈)ရက်ကျော်လောက် မလိုအပ်ဘဲ အချိန်တွေ ကျန့်ကြာနေတဲ့အတွက် နောက်ဆက်တွဲအဆင်မပြေမှုတွေအများကြီး ဖြစ်ခဲ့ရတဲ့အပြင် တိုင်းပြည်အတွက် နိုင်ငံခြားဝင်ငွေတွေလည်း ဆုံးရှုံးခဲ့ရပါတယ်။

ဒီလိုဖြစ်ရတာရဲ့ အဓိကပြဿနာက နှစ်ချက်ရှိပါတယ်။

ပထမအချက်က (၁၀၅)မိုင်နဲ့ ဝမ်တိန် (ကျင်စန်းကျော့)ဂိတ်အကြား နေ့စဉ်အစီးရေထောင်နဲ့ချီပိတ်ဆို့နေတဲ့ ကုန်ကားတွေပိတ်ဆို့မှုပါ။

ဒီလိုမဖြစ်သင့်တဲ့ပိတ်ဆို့မှုကြောင့် မိမိတို့နိုင်ငံဘက်ကတင်ပို့တဲ့သီးနှံတွေ ကုန်ပစ္စည်းတွေ ပုတ်သိုးမှုဖြစ်ပြီး မိမိတို့ဘက်ကတောင်သူတွေအပါအဝင် ရင်းနှီးမြုတ်နှံသူတွေကို တရုပ်ဘက်မှနေပြီး ဈေးနှိမ်ခြင်း၊ ကားအစီးလိုက်ပြန်လွှတ်ခြင်း စတဲ့မတရားခေါင်းပုံဖြတ်တာခံနေရတဲ့ပြင် တိုင်းပြည်အတွက်လည်း များစွာနစ်နာပြန်ပါသေးတယ်။

ဒီအတွက် ဒေသန္တရအဖွဲ့အစည်းတွေ၊ သက်ဆိုင်ရာ အုပ်ချုပ်ရေးအရာရှိတွေက ကုန်ကားတွေပိတ်ဆို့မှုမဖြစ်အောင် စနစ်တကျရှင်းလင်းပေးဖို့သင့်ပါတယ်။

ဒုတိယပြဿနာက တရုတ်အဝင်မှာ ယခင်က ဝင်ခွင့်တုံးထုပေးတဲ့အရာရှိ(၂)ယောက်အစား ယခု(၁)ယောက်ထဲဘဲ လုပ်နေတာကို Goverment To Goverment .. ညှိနိုင်းမှုပြုလုပ်စေချင်ပါတယ်။

မိမိဘက်ကကုန်သည်တွေ၊ မိမိဘက်မှ ရင်းနှီးမြုတ်နှံသူတွေ ၊ ဒီလမ်းကြောင်းကြီးကို မှီခိုလုပ်ကိုင်စားသောက်နေရရှာတဲ့လူတွေ သန်းနဲ့ချီပြီးရှိပါတယ်။ သက်ဆိုင်နေတဲ့လူတွေအနေနဲ့ တာဝန်မမဲ့ဘဲ စာနာနားလည်မှုပေးစေလိုပါတယ်။

အထူးသဖြင့် ဖရဲသီးလို ပုတ်သိုးလွယ်သီးနှံတွေပေါ်မှာ အမှီပြုပြီး မိသားစုစားဝတ်နေရေးကို ဖြေရှင်းနေကြရရှာတဲ့ ဖရဲသီးစိုက်တောင်သူတွေအပေါ် စာနာနားလည်မှုပေးစေလိုပါတယ်။

Credit  ကိုခိုင်ဇော်https://www.facebook.com/199037473461517/posts/2226964077335503/