ကန္တာရထဲက စပျစ်ဝိုင်ဖန်တီးသူ

မိုးကျော်

ကိုဇော်မင်းခိုင်ကို စပျစ်ခြံအတွင်း တွေ့ရစဉ် (ဓာတ်ပုံ − မိုးကျော်)

မကွေးမြို့တွင် စပျစ်စိုက်ပျိုးနိုင်သည်ကို မယုံကြည်သည့် ဒေသခံများအတွက် ကိုဇော်မင်းခိုင် လက်တွေ့အကောင်အထည် ဖော်ပြခဲ့ပြီဖြစ်သည်။   

မကွေးတိုင်းကဲ့သို့သော အပူပိုင်းဒေသတွင် နေထိုင်သူများအတွက် အချိန်အခါမရွေး စပျစ်သီးစားရဖို့ဆိုလျှင် ယခင်ကတောင်ပေါ်ဒေသကိုသာ အားကိုးခဲ့ကြရသည်။ စပျစ်၊ စတော်ဘယ်ရီ၊ လိမ္မော်၊ လိုင်ချီး စသည့် သစ်သီး ဝလံတို့သည် တောင်ပေါ်ဒေသများ၌သာဖြစ်ထွန်းပြီးအညာဒေသသို့ ကုန်စိမ်းကားများဖြင့်ရောက်ရှိလာမှ သာစားကြရသည်။

သို့သော် ပြီးခဲ့သည့်ဆယ်နှစ် အတွင်းမှာတော့ အညာမြေအပူ ပိုင်းဒေသသားတို့အတွက် ချိုမြိန် လတ်ဆတ်၍ အပင်မှသီးနေသည့် စပျစ်သီးကို တိုက်ရိုက်ခူးစားနိုင် ရေးဆောင်ရွက်ရန် ကိုဇော်မင်း ခိုင် စိတ်ကူးယဉ်ခဲ့သည်။

ကိုဇော်မင်းခိုင်က ရမည်း သင်းမြို့နယ် ရင်ဂါတ်ကုန်းကျေး ရွာဇာတိဖြစ်သည်။ ဘိုးဘွားမိဘ များ၏ အလုပ်ကိုင်မှာလည်း စိုက်ပျိုးရေး ဖြစ်ပြီး ပဲ၊ နှမ်း၊ ငရုတ်နှင့်  ကြက်သွန်စိုက်ပျိုးသည်။  ကိုဇော် မင်းခိုင်သည် ကိုးတန်းကျောင်းသား ဘဝကို တစ်လကျော်သာဖြတ် သန်း၍ ကျောင်းထွက်ခဲ့ရပြီး ဖခင် လက်ငုတ်လက်ရင်း စိုက်ပျိုးရေး လုပ်ငန်းထဲဝင်ခဲ့ရာ သူ၏ဖခင် စပျစ် စတင်စမ်းသပ်စိုက်ပျိုးချိန် နှင့်အချိန်ကိုက်တွေ့ကြုံခဲ့ရသည်။

မိဘ လက်ငုတ်လက်ရင်း စိုက်ပျိုးရေးတွင် ကိုဇော်မင်းခိုင် အထူး စိတ်ဝင်စားခဲ့သည်က  စပျစ်စိုက်ပျိုးရေးဖြစ်ပြီး သူ့စိတ် ကစပျစ် စိုက်ပျိုးမှုအောင်မြင်ဖြစ် မြောက် ရေးအပေါ်တွင်သာအာရုံ ထား လေ့လာခဲ့သည်။ဇာတိကျေး ရွာသူနှင့်အိမ်ထောင်ကျခဲ့ပြီး မ ကွေးမြို့သို့ ပြောင်းရွှေ့လာချိန် တွင် စပျစ်စိုက်ပျိုးမှုမရှိသည့် မ ကွေးမြို့၌ ကိုယ်ပိုင်အိပ်မက်ကို အကောင်အထည်ဖော်ခဲ့သည်။

စပျစ်ပင်၏ သဘောတရား၊ ကြိုက်တတ်သည့် မြေခံရေခံ၊ မြေ သြဇာ၊အာဟာရ၊ ရာသီဥတုကစ ၍အသေးစိတ် လေ့လာခဲ့သည်။ စပျစ်စိုက်ပျိုးရေးနှင့် ပတ်သက် သည့် စာအုပ်တွေဖတ်သည်။ အပူပိုင်းဒေသ၌ စပျစ်ခြံကြီးတစ် ခြံ စိုက်ပျိုးနိုင်ရေးကသာသူ၏ စိတ်အာရုံတွင်စိုးမိုးနေခဲ့သည်။

‘‘များသောအားဖြင့် လူတွေ က စပျစ်ပင်ဆိုတာ တောင်ပေါ် ဒေသတွေမှာပဲ ပေါက်တယ်လို့ ထင်ကြတယ်။ တကယ်တမ်းကျ စပျစ်ပင်က နွယ်မျိုးပါ။ ရာသီဥတု ပူတာ၊ အေးတာကို လုံးဝမ ကြောက်ပါဘူး။ တော်ရုံလေမုန် တိုင်းကိုတောင် မကြောက်ပါ ဘူး’’ ဟု အသက် (၃၉) နှစ်အရွယ် ကိုိဇော်မင်းခိုင်ကဆိုသည်။

သို့သော် စပျစ်ပင်ကြိုက် သည့် မြေဆီမြေနှစ်၊ မြေသြဇာ၊ အာဟာရတို့ကို ဟန်ချက်ညီစွာ ပေးထားနိုင်ရန်လိုသည်။

အပင်၏ဖြစ်တည်နေမှုကြီး ထွားလာမှု အခြေအနေများကို အမြဲလိုလို စောင့်ကြည့်ဂရုစိုက်  နေရန်လိုအပ်သည်ဟု ကိုဇော် မင်းခိုင်ကဆိုသည်။

စပျစ်ပင်က မိုးရေချိန်လက် မနည်းသည့် ဒေသကိုကြိုက် သည်။ အပူပိုင်းဒေသများတွင် မန္တလေးတိုင်း၊ စစ်ကိုင်းတိုင်း အောက်ပိုင်းနှင့် မကွေးတိုင်းတွင် စိုက်ပျိုးသလို စိုက်ပျိုး၍လည်း ဖြစ်ထွန်းသည်ဟု စိုက်ပျိုးရေး ပညာရှင် ဦးဖြိုးဝေစိုးကဆိုသည်။ 

‘‘အပူပိုင်းဒေသမှာ စိုက်ပျိုး ရင်အားသာချက်က မိုးရေချိန် လက်မနည်းတာပဲ။ စပျစ်က မိုး များတာကို မကြိုက်ဘူး။ မိုးများ ရင် မှိုရောဂါစွဲတယ်။ အပူပိုင်း ဒေသမှာမို့ အဲဒီအန္တရာယ်ကျ ရောက်ဖို့နည်းတယ်။ ရမည်းသင်း က စပျစ်စိုက်ပျိုးတာအများဆုံးပဲ’’ ဟု ၎င်းကပြောသည်။ 

ကိုဇော်မင်းခိုင်ထုတ်လုပ်သည့် စပျစ်ဝိုင် (ဓာတ်ပုံ − မိုးကျော်)

စပျစ်ပင်သည် မြေမာမြေသြ ဇာကောင်းသည့် မည်သည့်မြေ အမျိုးအစားတွင်မဆို စိုက်ပျိုးနိုင် သော်လည်းအပူပိုင်းဒေသ မကွေး တိုင်းရှိ ယာမြေ(သဲမြေ)များတွင် စိုက်ပျိုးရန်အတွက် အရိုင်းစိုက် ပျိုးနည်းကို သုံးမှရမည်ဖြစ်သည်။ အရိုင်းစိုက်ပျိုးနည်းဆိုသည်မှာ သဲမြေတွင်စပျစ်ပင် အရိုင်း (အ သီးမသီးသည့်စပျစ်မျိုး)ကို ဦးစွာ စိုက်ပျိုးရမည်ဖြစ်သည်။

ယင်းစပျစ်ရိုင်း ရှင်သန်ကြီး ထွားဖြစ်ထွန်းမှ အပင်ကိုဖြတ်၍ ၎င်းဖြတ်ထားသည့် အပေါ်တွင် ကိုယ်လိုချင်သည့် စပျစ်မျိုးကို ကိုင်းကူးအပင်ဆက်သည့် နည်း ဖြင့်စိုက်ပျိုးရမည်ဖြစ်သည်။ မ ကွေးတိုင်းတွင် စပျစ်စိုက်ပျိုးမှု နည်းပါးနေသေးသော်လည်း အ မှန်တကယ်စိုက်ပျိုးလျှင် ဖြစ်ထွန်း အောင်မြင်သည့် ဒေသတစ်ခုဖြစ် သည်ဟု ဦးဖြိုးဝေစိုးကသုံးသပ် ပြောဆိုသည်။

ကိုဇော်မင်းခိုင်ကမူ လွန်ခဲ့ သည့် ဆယ်နှစ်အတွင်းက စတင် စိုက်ပျိုးသည့် စပျစ်ခြံကို ပျိုးပင် ချသည်ကစ၍ အနုစိတ်ဂရုစိုက်ခဲ့ သည်။ အရွက်၊ အဖူး၊ နွယ်၊ အ ကိုင်းအခက်တို့ကအစ ပိုးမွှားကျ ခြင်း၊ ဝတ်မှုန်ကူးခြင်းတို့အဆုံး မျက်ခြည်မပြတ်ခဲ့။

စိုက်ပျိုးပြီး ရှစ်လကြာချိန် မှာတော့ စပျစ်သီးများသီးလာကြ သည်။ ကိုဇော်မင်းခိုင်သည် စပျစ်သီးများကိုကြည့်၍မဆုံး။  အပူ ပိုင်းဒေသကန္တာရထဲမှ သီးလာ သည့် စပျစ်သီးမှည့်တစ်လုံးကို စားကြည့်လိုက်ချိန်မှာတော့ အေး မြချိုမြိန်သည့် အရသာနှင့်အတူ ကိုဇော်မင်းခိုင်၏ စိတ်နှလုံးတွင် ပီတိတို့လွှမ်းခြုံခဲ့ရသည်။

ပေ ၁၀၀ ×ပေ ၄၀ အကျယ် အဝန်းရှိခြံတစ်ခြံတွင် စပျစ်ပင် ပေါင်း ၈၀ စိုက်ပျိုးနိုင်ပြီးအသီးသီး သည်အထိ အရင်းအနှီးကျပ်ခုနစ် သိန်းခွဲခန့်ရှိသည်။

ပထမဆုံး အသီးသီး၍ ရောင်းချချိန်တွင် ကျပ် ၁၄ သိန်း ကျော်အထိရရှိသဖြင့် အမြတ်က ထက်ဝက်ရှိသည်။

စပျစ်တစ်ပိဿာကို ကျပ် လေးထောင်နှင့် ကျပ်ငါးထောင် အတွင်း ရောင်းချရသဖြင့် ဈေး ကွက်အတွက် မပူရသလိုဈေးနှုန်း ကလည်းတည်ငြိမ်သည်။

ထို့အပြင် စပျစ်ပင်သည် နှစ် ရှည်ပင်ဖြစ်ပြီး သက်တမ်းမှာနှစ် ၆၀ ကျော်မှ ၁၀၀ အထိရှိသည်။ သို့သော်  ဂရုစိုက်ရန်စောင့်ရှောက် ရန် လိုအပ်သည်ဟုဆိုသည်။  မကွေးတိုင်းတွင် စိုက်ပျိုးသည့် စပျစ်မျိုးစိတ် ကိုးမျိုးရှိပြီး မြေ နေရာ အကျယ်အဝန်းအလိုက်၊ (Y)ရှိတ်စိုက်ပျိုးနည်း၊ ကြိုးတန်း စနစ်စိုက်ပျိုးနည်း၊ စင်တင်စိုက် ပျိုးနည်း၊ ချုံပုတ်စနစ် စိုက်ပျိုး နည်းတို့ဖြင့် စိုက်ပျိုးသည်ဟု ကို ဇော်မင်းခိုင်က ဆိုသည်။

မကွေးတိုင်း၏ အဓိကဖြစ် ထွန်းသည့် သီးနှံများကပဲမျိုးစုံ၊ နှမ်း၊ ဟင်းသီးဟင်းရွက်၊ ငရုတ်၊ ကြက်သွန်၊ အာလူးစသည်တုိ့သာ ဖြစ်ရာ၎င်း၏စပျစ်ခြံသည် ကန္တာရ စပျစ်တို့ အောင်မြင်ခဲ့သည့်မကွေး မြို့၏ ပထမဦးဆုံးစပျစ်ခြံဖြစ်လာ သည်။

မကွေး၌ ပုံမှန်စိုက်ပျိုးနေကျ သီးနှံမဟုတ်သည့် စပျစ်ခြံရှိပြီဆို တော့ မယုံကြသူများက များ သည်။ လာရောက်ကြည့်ရှုသူများ လည်းရှိသည်။

‘‘ဈေးကွက်အတွက် ပူစရာ မရှိဘူး၊ မကွေးမြို့မှာ စပျစ်ခြံရှိ တယ်ဆိုတော့ လာကြည့်ကြ တယ်။ လာဝယ်ကြတယ်။ ခြံက ထွက်တာနဲ့ ရောင်းလို့တောင်မ လောက်ပါဘူး’’ ဟု ကိုဇော်မင်းခိုင် ကဆိုသည်။

ကိုဇော်မင်းခိုင်သည် မကွေး တိုင်းတွင်စပျစ်ခြံများစွာ ဖန်တီး လိုသဖြင့် ဘ၀တူစိုက်ပျိုးရေး သမားများကို စပျစ်စိုက်ပျိုးရန် တိုက်တွန်းအားပေးသည်။  စိုက် ပျိုးလိုသူများကို ပျိုးပင်များ၊ နည်း စနစ်များ ကူညီကာ သူကိုယ်တိုင် လည်း သွားရောက်ကြည့်ရှုသည်။

ယခု ၂၀၁၈မှာတော့ မကွေး တိုင်းအတွင်း မကွေး၊ မင်းလှ၊ မင်းဘူး၊ စကုနှင့် တောင်တွင်းကြီး မြို့တို့တွင် စပျစ်စိုက်ပျိုးသူ ၃၀ ကျော်နှင့် စပျစ်စိုက်ခင်းစုစုပေါင်း  ဧက ၄၀ ကျော် ရှိနေပြီဖြစ်သည်။

မိရိုးဖလာ အညာဒေသထွက်သစ် သီးဝလံ၊ပန်းမန်တို့ကိုသာစိုက်ပျိုးလုပ်ကိုင်ခဲ့သည့် မကွေးမြို့ကကို မျိုးမင်းဇော် တစ်ယောက်လည်း စိုက်ပျိုးရေးကိုဝါသနာပါသူမို့ကို ဇော်မင်းခိုင်၏ စပျစ်စိုက်ပျိုးမှုကို စိတ်ဝင်စားခဲ့သည်။ 

‘‘ကျွန်တော် ကိုဇော်မင်းခိုင် ဆီမှာ (၂) နှစ်လောက်ဒီစပျစ်စိုက် ပျိုးတာကို လေ့လာခဲ့ပါတယ်။ နောက်ပြီးကိုယ်တိုင် စိုက်တယ်။ သူကလည်းလိုအပ်တဲ့အကူအညီအကြံဉာဏ်တွေပေးတယ်။ ခု ကျွန်တော့်စပျစ်ခြံလည်း အရမ်း အောင်မြင်ပါတယ်’’ ဟုကိုမျိုးမင်း ဇော်က၀မ်းသာအားရပြောသည်။

သို့သော် အပင်၏ကျန်းမာ ရေးကိုတော့ မျက်ခြည်ပြတ်၍ မရ ကြောင်း၊  နည်းစနစ်မှားယွင်းမှု ကြောင့်ပျက်စီးသွားသည့် စပျစ်ခြံ  အချို့လည်းရှိခဲ့ဖူးကြောင်း ၎င်းက ဆိုသည်။

မကွေးတိုင်း၌ စပျစ်စိုက်ပျိုး သူများလာသော်လည်း ကိုဇော် မင်းခိုင်၏ စပျစ်နှင့်ပတ်သက် သည့် အိပ်မက်ရှည်ကမပြီးဆုံးနိုင် သေး။ ၎င်း၏ဒုတိယ အိပ်မက်က တော့ အရည်အသွေးစံချိန်စံနှုန်း ပြည့်မီသည့် စပျစ်ဝိုင်ထုတ်လုပ် နိုင်ရေးဖြစ်သည်။

ထို့ကြောင့် ဝိုင်ဖောက်လုပ် နည်းစနစ်များကိုလေ့လာသည်။ ဝိုင်အကြောင်းရေးသားထားသည့်စာအုပ်မှန်သမျှကို ရသလောက် ရှာဖွေဖတ်ရှုသည်။ ကိုယ်တိုင် လည်းအမျိုးမျိုး စမ်းသပ်ဖောက် လုပ်သည်။ မိတ်ဆွေအပေါင်းအ သင်းများကို မြည်းခိုင်းကြည့် သည်။ ထိုသို့ကြိုးစားခဲ့ရာ ပြီးခဲ့ သည့် သုံးနှစ်အတွင်းမှာတော့ ဝိုင် ဖြစ်စပြုလာသည်။

သို့သော် သူစိတ်တိုင်းမကျ၊ အသေးစား၊ အလတ်စား စက်မှု လက်မှုဦးစီးဌာနက အရာရှိများ နှင့်တွေ့ဆုံကာ နည်းစနစ်ပိုင်းအ ကူအညီများရရှိနိုင်ရေး ကြိုးပမ်း ခဲ့သည်။

နောက်ဆုံးမှာတော့ တိကျ သည့်အချိုးအစားနှင့် ဖော်မြူလာ ကိုသူရရှိခဲ့သည်။ ဝိုင်၏အရည်  အသွေးကို ထိန်းညှိထားနိုင်ခဲ့ သည်။ ရန်ကုန်နှင့်နေပြည်တော်သို့သွားရောက်၍ ၎င်း၏ဝိုင်ကို ဓာတ်ခွဲခန်းပို့ စစ်ဆေးမှုများပြု လုပ်ရာ  ဓာတ်ခွဲမှုအောင်မြင်သည့် တရားဝင်လက်မှတ်ကို ရရှိခဲ့ သည်။

၂၀၁၇ ခုနှစ်တွင် မကွေးမြို့ မြို့တော်ခန်းမ၌ပြုလုပ်သည့် ကုန် စည်ပြပွဲတွင် သူ၏ဝိုင်ကိုယုံကြည် မှုအပြည့်နှင့် ပါဝင်ပြသခဲ့ရာ ၀ိုင်ပုလင်းများအားလုံး ရောင်းရခဲ့သ ဖြင့် ပီတိဖြစ်ခဲ့ရသည်ဟုဆိုသည်။

ဝိုင်ဖောက်လျှင် ဝိုင်ဖြစ်ရန် အတွက် တစ်လခန့်စောင့်ရသည်။ ဝိုင်စဖြစ်ပြီဆိုသော်လည်း အရည် အသွေး ပြည့်မီမည်မဟုတ်ပါ။ ထို့ကြောင့် တစ်လအတွင်း ဝိုင် ပျက်မသွားဘဲ ဝိုင်ဖြစ်ပြီဆိုလျှင် ဝိုင်အရည်အသွေး ပြည့်မီရန် တစ် နှစ်ထားသိုထားမှသာ အကောင်း ဆုံးဝိုင်ကိုရရှိမည်ဖြစ်သည်။

‘‘စပျစ်သီးတစ်ပိဿာကို ဝိုင် တစ်လီတာ ထွက်ပါတယ်။ ကျွန် တော်တို့ဆီမှာက စပျစ်ထုတ်လုပ် မှုနည်းနေသေးတော့ ကုန်ချောဝိုင် အများကြီး မထုတ်လုပ်နိုင်သေး ဘူး။ ဝယ်လိုအားရှိသလောက် ရောင်းမပေးနိုင်သေးဘူး။ ဒါကို ကျွန်တော် ဆက်ကြိုးစားနေပါ တယ်’’ဟု ကိုဇော်မင်းခိုင်က ပြော သည်။

စပျစ်ဝိုင်ပုလင်းနှင့် ထုပ်ပိုး ၍ ကုန်အမှတ်တံဆိပ်တပ်ရောင်းချခြင်းကိုမူ မကွေးမြို့တွင်ကိုဇော်မင်းခိုင်တစ်ဦးတည်း ထုတ်လုပ် နိုင်သေးသည်။ ၎င်းထုတ်လုပ် သည့် စပျစ်ဝိုင် 750 ml တစ်ပု လင်းကို ကျပ်ငါးထောင်ဖြင့် ရောင်းချရသည်။ 

မြန်မာနိုင်ငံတွင် ပြင်ဦးလွင် (မေမြို့)နှင့် တောင်ကြီးက စပျစ် ဝိုင်ထုတ်လုပ်မှု အများဆုံးဖြစ်ကာ ပြည်တွင်း၊ ပြည်ပဈေးကွက်များ ကို ဖြန့်ချိထုတ်လုပ်နိုင်သည်အထိ  ကျယ်ကျယ်ပြန့်ပြန့် လုပ်ကိုင် သည်ဟု ကိုဇော်မင်းခိုင်က ဆို သည်။

သို့သော် ပြည်တွင်းထုတ် လုပ်ရောင်းချမှုတွင် ဈေးကွက် ဝင်ဝိုင်များမှာ ထုတ်လုပ်နိုင်ခြင်း ထက် ရောင်းအားကပိုမိုလာသည့် အခါ အရက်ဆီကဲ့သို့ အရောအ နှောများ ထည့်လာခြင်းကြောင့် ဝိုင်အရည်အသွေး ကျဆင်းလာ ကြောင်း ဝိုင်သောက်သုံးသူ ဦး သူရိန်ကသုံးသပ်ပြောဆိုသည်။

ထို့ကြောင့် တစ်နိုင်တစ်ပိုင် ထုတ်လုပ်နေသည့် မကွေးမြို့က စပျစ်ဝိုင်သည် လောလောဆယ် တွင်အရောအနှောကင်းပြီး သတ် မှတ်ကာလသက်တမ်း ပြည့်မီစွာ ထားသဖြင့် ဝိုင်စစ်စစ်၏ အရသာ ကိုရရှိသည်ဟု ကိုသူရိန်က မှတ် ချက်ပြုသည်။

လက်ရှိတွင် မကွေးရှိ စပျစ် စိုက်ပျိုးသူများသည် ကုန်ချောဝိုင် ထုတ်လုပ်မှုအဆင့်ကို မလုပ်ကိုင် နိုင်ကြသေး။ ဝိုင်ထုတ်လုပ်ရန်  လိုအပ်သည့်ပစ္စည်း နည်းစနစ် အ ဆင့်မီသည့် ထုပ်ပိုးမှုများအတွက် မရင်းနှီးနိုင်သေးပေ။

သို့သော် စပျစ်သီးရောင်းချ ခြင်းကပင် အကျိုးအမြတ်တွက် ခြေကိုက်ကြောင်း မကြီးကန်ကျေး ရွာမှ စပျစ်စိုက်ပျိုးသူ ကိုကိုဦးက ပြောသည်။

ဝယ်လိုအားများ ရှိနေသော် လည်း ဝယ်လိုအားပြည့်မီအောင် ရောင်းချနိုင်သည့် ထုတ်လုပ်မှုအ ထိမလုပ်နိုင်သေးပေ။ ထို့ကြောင့် ပြည်တွင်းဖြန့်ချိရေးကစ၍ ပြည်ပ ပို့ကုန်အထိ ရည်ရွယ်ချက်အိပ် မက်ရှည်ကို မျှော်မှန်းထားသည့် ကိုဇော်မင်းခိုင်တစ်ယောက် နည်း လမ်းတို့ကို ရှာဖွေရပြန်သည်။

စပျစ်ခြံ စိုက်ပျိုးသူများ ဆုံး ရှုံးမှုမရှိစေဘဲ  ကုန်ချောထုတ်လုပ် မှုများကို  ကျယ်ပြန့်စွာလုပ်ကိုင် နိုင်ရန်စပျစ် စိုက်ပျိုးသူများ စုပေါင်းအဖွဲ့အစည်းကို ယခုနှစ် အောက်တိုဘာ ၁၂ ရက်တွင် စတင်ဖွဲ့စည်းသည်။

အဖွဲ့ဖွဲ့စည်းကာ စပျစ်ဝိုင် ထုတ်လုပ်မှုကစ၍ ယိုလုပ်ငန်း၊ စပျစ်သီးခြောက်လုပ်ငန်း၊ ဖျော် ရည်လုပ်ငန်း၊ စပျစ်ဆော့ခ်လုပ် ငန်း၊ စပျစ်ဗီနီကာလုပ်ငန်းစသည့် စပျစ်ကုန်ချော လုပ်ငန်းများကို အဖွဲ့အစည်းဖွဲ့၍ လုပ်ကိုင်ခြင်း ဖြင့် လုပ်ငန်းများကိုမြှင့်တင်မည် ဟုဆိုသည်။

‘‘ဒါတင်မကဘူး ဘွန်ဆိုင်း လို စပျစ်ပင်ငယ်လေးတွေစိုက် ပေးမယ်။ ဧည့်ခံပွဲကြီးတွေ၊ ဟို  တယ်အခမ်းအနားတွေမှာ စပျစ် ဘွန်ဆိုင်းပင်ကို ချပေးထားရင်စား သုံးသူက စပျစ်ပင်ကတိုက်ရိုက် လတ်လတ်ဆတ်ဆတ် တစ်ခါ တည်းခူးစားလို့ရတဲ့ အရသာမျိုး ကိုပေးနိုင်အောင်လည်း လုပ် ဆောင်သွားမယ်’’ ဟု ကိုဇော် မင်းခိုင်ကပြောသည်။

ထို့ကြောင့်ပင် NGO၊ INGO တို့၏ စိုက်ပျိုးရေးဆိုင်ရာသင် တန်းများ၊ ဈေးကွက်ဆိုင်ရာ သင်တန်းများ၊GAPစနစ်စိုက်ပျိုးနည်း စသည့် သင်တန်းများကို မလွတ် တမ်းတက်ရောက်ကာ အဆက် အသွယ်များ ရယူခဲ့သည်။ 

ယင်းကဲ့သို့ သင်တန်းများ တက်ခဲ့ခြင်းကြောင့် ၎င်းတို့အဖွဲ့ ကို စပျစ်ကုန်ချောထုတ်လုပ်မှုများနှင့်ပတ်သက်၍ နည်းစနစ် များပေးရန် တိုင်းစိုက်ပျိုးရေးအ ရာရှိများက နယ်သာလန်မှအဖွဲ့ အစည်းတစ်ခုနှင့် ချိတ်ဆက်၍ နည်းပညာများပေးရန် စီစဉ်နေ သည်။

‘‘ကျွန်တော်တို့မှာ အများ ကြီး လိုအပ်နေသေးပါတယ်။ ခေတ်မီတဲ့ စက်ကိရိယာတွေ၊ ဓာတ်ခွဲ စမ်းသပ်ခန်းတွေလိုမျိုး တွေပေါ့။ ခုစပျစ်စိုက်ပြီး ပစ္စည်း ကိရိယာ အရင်းအနှီးမစိုက်ထုတ် နိုင်လို့ ဝိုင်မဖောက်နိုင်တဲ့သူတွေရှိ တယ်။ ဒါတွေကိုအဖွဲ့ကနေ ပေါင်းစုလုပ်ကိုင်ပြီးတော့ တွဲခေါ် သွားနိုင်အောင်လည်း စီစဉ်နေပါ တယ်’’ဟုကိုဇော်မင်းခိုင်က၎င်း၏ ရည်မှန်းချက်ကို ပြောပြသည်။

သူထုတ်လုပ်သော စပျစ်ဝိုင် ကို  ပြည်တွင်းတွင်မကပြည်ပအ ထိ ပို့နိုင်အောင်ကြိုးစားဖို့က သူ ၏ရည်မှန်းချက်ဖြစ်သည်။

သို့သော် စပျစ်ကုန်ချော ထုတ်လုပ်မှုနှင့် ကိုဇော်မင်းခိုင်၏ ဝိုင်အိပ်မက်ရှည်ကြီး ဖြစ်မြောက် လာရေးကတော့ အခက်အခဲများ စွာ၊ စိန်ခေါ်မှုများစွာကို ရင်ဆိုင် ကျော်ဖြတ်ရမည်ဖြစ်သည်။

မည်သို့ပင်ဖြစ်စေ ကန္တာရဟု တင်စားရလောက်သည့်  အပူပိုင်း ဒေသ ပူပြင်းခြောက်သွေ့သည့် ရာသီဥတုကို  ပိုင်ဆိုင်ထားသည့် မကွေးတိုင်းဒေသကြီးတွင် ချိုမြိန် လတ်ဆတ်သော စပျစ်သီးတို့ သီး ခဲ့ပြီ။ ထို့အပြင် အရည်အသွေး ပြည့်မီသည် စပျစ်ဝိုင်နီတစ်ခွက် ကို ကန္တာရထဲမှပင် ကိုဇော်မင်းခိုင် တစ်ယောက် ဖန်တီးနိုင်ခဲ့ပြီဖြစ် သည်။

Ref: http://www.7daydaily.com/story/145725