Popular Posts!

Tuesday, March 13, 2018

အရှုံးပေါ်နေသည့် နိုင်ငံပိုင်စက်ရုံ ၄၄ ရုံအနက် ၃၃ ရုံကို လတ်တလော ရပ်ဆိုင်းထားမည်



လတ်တလောရပ်ဆိုင်းထားမည့် စက်ရုံတစ်ခုဖြစ်သော အမှတ်(၂) သံမဏိစက်ရုံ (ပင်းပက်)။ ဓာတ်ပုံ-စက်မှုဝန်ကြီးဌာန
 Friday, March 17, 2017
နေပြည်တော်၊ မတ် ၁၇
အရှုံးပေါ်နေသည့် နိုင်ငံပိုင်စက်ရုံ ၄၄ ရုံအနက် စက်မှုဝန်ကြီးဌာနအောက်ရှိ စက်ရုံ ခုနစ်ရုံနှင့် လျှပ်စစ်နှင့် စွမ်းအင်ဝန်ကြီးဌာနအောက်ရှိ စက်ရုံ လေးရုံတို့မှအပ ကျန်အားလုံးကို ရပ်ဆိုင်ထားရန် ပြည်ထောင်စု လွှတ်တော်က မတ် ၁၅ ရက်တွင် ဆုံးဖြတ်လိုက်သည်။
စီးပွားရေးအရ တွက်ခြေကိုက်မှုမရှိ၍ လတ်တလောရပ်ဆိုင်းထားသင့်သည်ဟု ပြည်ထောင်စုလွှတ်တော် ဥပဒေကြမ်းပူးပေါင်းကော်မတီ၏ အစီရင်ခံစာအပေါ် အမတ်များဆွေးနွေးခြင်း၊ ဝန်ကြီးများ ပြန်လည်ရှင်းလင်းခြင်းတို့ ပြုလုပ်နောက် ထိုသို့ အတည်ပြုလိုက်ခြင်းဖြစ်သည်။
သို့သော် ရပ်ဆိုင်းလိုက်သည့် စက်ရုံများမှ ဝန်ထမ်းများအတွက် လစာနှင့် ချီးမြှင့်ငွေများ ဆက်လက် ပေးထားနိုင်ရန် သာမန်အသုံးစရိတ်ကိုမူ ပြည်ထောင်စုလွှတ်တော်က ခွင့်ပြုထားသည်။
ပြည်ထောင်စုလွှတ်တော် ပြည်သူ့ငွေစာရင်း ပူးပေါင်းကော်မတီ ဒုတိယဥက္ကဋ္ဌ ဦးအောင်မင်းက “ချက်ချင်း ရပ်ခိုင်းတာ မဟုတ်ဘူး။ ရပ်ဆိုင်းခြင်းသည် အဖြေမဟုတ်ဘူးဆိုတာ ကျွန်တော်တို့လည်း နားလည်တယ်”ဟု ပြောသည်။
ရပ်ဆိုင်းလိုက်သည့် လုပ်ငန်းစီမံကိန်းများ မည်သို့ ဆက်လက်ဆောင်ရွက်သင့်သည်ကို ကိုယ်စားပြုမှု ကျယ်ကျယ်ပြန့်ပြန့်ပါဝင်သော ကော်မတီများဖွဲ့၍ ဆောင်ရွက်ရန် လွှတ်တော်နှင့် အစိုးရအဖွဲ့တို့က သဘောတူညီခဲ့ကြသည်။
“လတ်တလော ရင်းနှီးမြှပ်နှံမှုများရပ်ဆိုင်း၍ လေ့လာသုံးသပ်ရေး ကော်မတီများ ဖွဲ့စည်းပြီး မည်ကဲ့သို့ ဆက်လက် ဆောင်ရွက်သင့်သည်ကို လေ့လာသုံးသပ်မည့်အဆိုကို ကြိုဆိုလက်ခံပါတယ်”လို့ စက်မှုဝန်ကြီးဌာန၊ ပြည်ထောင်စုဝန်ကြီး ဦးခင်မောင်ချိုက ပြည်ထောင်စုလွှတ်တော်သို့ ပြောကြားသည်။
ပြည်သူ့ငွေစာရင်း ပူးပေါင်းကော်မတီ ဒုတိယဥက္ကဋ္ဌ ဦးအောင်မင်းကလည်း လေ့လာသုံးသပ်မှုများ ပြီးစီးသည့်အခါ နိုင်ငံအတွက် အကျိုးရှိမည့် နည်းလမ်းများ ပေါ်ပေါက်ပါက ပြန်လည်လုပ်ကိုင်ခွင့်ပြုမည်ဟု ပြောကြားသည်။
“သို့သော် ပုဂ္ဂလိကတွေနဲ့ ပေါင်းပြီး လုပ်မလား။ နိုင်ငံခြား ရင်းနှီးမြှုပ်နှံမှုတွေ၊ နိုင်ငံခြား နည်းပညာတွေခေါ်ပြီး လုပ်မလား၊ အဲဒီအတိုင်း အဖြေပေါ်လာမယ်ဆိုရင် အဲဒီအတိုင်း ဆက်လုပ်သွားဖို့ပဲ ရှိတယ်” ဟု မတ် ၁၅ ရက်နေ့က ပြည်ထောင်စုလွှတ်တော်အစည်းအဝေးအပြီး မီဒီယာများနှင့် တွေ့ဆုံစဉ်ပြောကြားသည်။
သို့သော် အစိုးရနှင့် လွှတ်တော်တာဝန်ရှိသူတို့က လေ့လာသုံးသပ်ခြင်းလုပ်ငန်းများ မည်သည့် အချိန်တွင် စတင်ပြီး မည်သည့်အချိန်တွင် အဆုံးသတ်မည်ကို အတည်ပြုဖြေကြားခြင်းမရှိသေးပေ။
အဆိုပါစက်ရုံအများစုကို မြန်မာနိုင်ငံကို ဆယ်စုနှစ်နှစ်ခုကျော်ကြာ အုပ်စိုးသွားခဲ့သည့် တပ်မတော်အစိုးရလက်ထက်တွင် တည်ဆောက်ခဲ့ခြင်း ဖြစ်သည်။

ဆက်လက် လည်ပတ်ခွင့်ပြုစက်ရုံများ

စက်မှုဝန်ကြီးဌာန

၁)အမှတ် (၂၄) အကြီးစားစက်ရုံ (ဒဂုံ)၊
၂)မီးခံဘိလပ်မြေပြား (မှော်ဘီ)၊
၃)အမှတ် (၃၅) အကြီးစားစက်ရုံ (ချောက်)
၎)အမှတ် (၃၆) အကြီးစားစက်ရုံ (ကျောက်ဆည်)၊
၅)အမှတ် (၂၂) အကြီးစားစက်ရုံ (ဘီးလင်း)
၆) အမှတ် (၄) အထည်စက်ရုံ (ပွင့်ဖြူ)
၇)အိမ်သုံးပစ္စည်းစက်ရုံ (မင်းစု)

လျှပ်စစ်နှင့် စွမ်းအင်ဝန်ကြီးဌာန

၈)အမှတ် (၁) ဓာတ်မြေသြဇာစက်ရုံ (စလေ)
၉)အမှတ် (၄) ဓာတ်မြေသြဇာစက်ရုံ (မြောင်းတကာ)
၁၀) အမှတ် (၅) ဓာတ်မြေသြဇာစက်ရုံ (ကန်ကြီးထောင့်)
၁၁) အမှတ် (၂) ရေနံဓာတ်ငွေ့ရည်စက်ရုံ (မင်းဘူး)

လတ်တလော ရပ်ဆိုင်းထားရမည့် စက်ရုံများ

စက်မှုဝန်ကြီးဌာန

၁)အမှတ် (၁၄) အကြီးစားစက်ရုံ(သာဂရ)
၂)အမှတ် (၁၅) အကြီးစားစက်ရုံ (သာဂရ)
၃)အမှတ် (၁၆) အကြီးစားစက်ရုံ (ဆင်တဲ)
၎)အမှတ် (၁၇) အကြီးစားစက်ရုံ (မလွန်)
၅)အမှတ် (၁) သံမဏိစက်ရုံ (မြင်းခြံ)
၆)အမှတ် (၂) သံမဏိစက်ရုံ (ပင်းပက်)
၇) အမှတ် (၂၁) အကြီးစားစက်ရုံ (သထုံ)
၈)ရော်ဘာပစ္စည်းစက်ရုံခွဲ (သင်္ဃန်းကျွန်း)
၉)အမှတ် (၂၃) အကြီးစားစက်ရုံ (ညောင်ခြေထောက်)
၁၀)အမှတ် (၂၆) အကြီးစားစက်ရုံ (သာဂရ)
၁၁)အမှတ် (၃၂) အကြီးစားစက်ရုံ (ကြံခင်း)
၁၂)မှန်ထုတ်လုပ်ရေး(ပုသိမ်)
၁၃)ပလတ်စတစ်စက်ရုံ (ကျောက်ဆည်)
၁၄)အမှတ် (၁) အထည်စက်ရုံ (ရွှေတောင်)
၁၅)အမှတ် (၃) အထည်စက်ရုံ (စစ်ကိုင်း)
၁၆)အမှတ် (၃) အထည်စက်ရုံခွဲ (စစ်ကိုင်း)
၁၇)အမှတ် (၅) အထည်စက်ရုံ (ပခုက္ကူ)
၁၈)အမှတ် (၆) အထည်စက်ရုံ (ဆားလင်းကြီး)
၁၉)အမှတ် (၆) အထည်စက်ရုံခွဲ (မုံရွာ)
၂၀)အမှတ် (၇) အထည်စက်ရုံ (မြစ်သား)
၂၁)အမှတ် (၈)အထည်စက်ရုံ (ပျော်ဘွယ်)
၂၂)အမှတ် (၈)အထည်စက်ရုံခွဲ (ရမည်းသင်း)
၂၃)အမှတ် (၁၀)အထည်စက်ရုံ (တောင်သာ)
၂၄)အထည်စက်ရုံခွဲ (မြင်းခြံ)
၂၅)အဆင့်မြင့်စက္ကူစက်ရုံ (သာပေါင်း)
၂၆)သတင်းစာစက္ကူစက်ရုံ (သာပေါင်း)
၂၇)ဟိုက်ဒရိုဂျင်အောက်ဆိုက် စက်ရုံခွဲ (ချောက်)

လျှပ်စစ်နှင့် စွမ်းအင်ဝန်ကြီးဌာန

၂၈) အမှတ် (၁) ရေနံချက်စက်ရုံ (သန်လျင်)
၂၉)အမှတ် (၂) ဓာတ်မြေသြဇာစက်ရုံ (ကျွန်းချောင်း)
၃၀)အမှတ် (၃) ဓာတ်မြေသြဇာစက်ရုံ (ကျော်စွာ)
၃၁)အမှတ် (၃) ရေနံဓာတ်ငွေ့စက်ရုံ (ကျွန်းချောင်း)
၃၂)မက်သနောလ်စက်ရုံ (ဆိပ်သာ)
၃၃)ရေနံဓာတုဗေဒပစ္စည်းများ သယ်ယူပို့ဆောင်ရေးနှင့် ဖြန့်ဖြူးရေးဌာန
သတင်း-ဉာဏ်လှိုင်လင်း

အရှုံးပေါ်နေသည့် အစိုးရ စက်ရုံအချို့အတွက် မူဝါဒသစ်ချရန်လိုအပ်


Frontier
 Friday, January 15, 2016
နေပြည်တော်၊ ဇန်နဝါရီ ၁၅
စီးပွားရေးအရ တွက်ခြေမကိုက်သော၊ အနာဂတ်တွင် အောင်မြင်ရန် အခွင့်အလမ်းနည်းပါးသော အစိုးရ စက်ရုံများနှင့် ပတ်သက်ပြီး မူဝါဒသစ် ချမှတ်ဆောင်ရွက်သင့်ကြောင့် ပြည်သူ့လွှတ်တော် ကိုယ်စားလှယ် ဒေါ်စန္ဒာမင်းက ပြည်ထောင်စုလွှတ်တော်တွင် ယနေ့ ပြောကြားသည်။ 
၂၀၁၆-၁၇ ဘဏ္ဍာနှစ်အတွက် ကုန်သွယ်မှုစာရင်းတွင် ကျပ် သန်း ၈၃,၇၆၁ ဒသမ ၇၃၃ စာရင်းပြထားသော စက်မှုဝန်ကြီးဌာန၏ စီမံကိန်းများနှင့် စပ်လျဉ်းပြီး ပြည်ထောင်စု လွှတ်တော်၌ ဆွေးနွေးစဉ် အမျိုးသားဒီမိုကရေစီအဖွဲ့ချုပ် ပါတီဝင်ဖြစ်သူ ၎င်းက ပြောကြားခဲ့ခြင်းဖြစ်သည်။
၂၀၁၆-၁၇ ဘဏ္ဍာနှစ်တွင် ကုန်သွယ်မှု အရှုံးအတွက် ကျပ်သန်း ၂၃,၃၉၆ ဒသမ ၀၆၉ တောင်းခံလာသော အမှတ်(၁) အကြီးစားစက်မှုလုပ်ငန်းလက်အောက်ရှိ သာဂရ၊ ဆင်တဲ၊ မလွန် စက်ရုံတို့သည် စွမ်းအားပြည့် လည်ပတ်နိုင်မှု မရှိခြင်း၊ ထုတ်ကုန်များ၏ ရောင်းဈေးမှာ ပြင်ပဈေးကွက်တွင် မယှဉ်နိုင်ခြင်းကြောင့် စီးပွားရေး တွက်ခြေမကိုက်သဖြင့် လုံးဝ ရပ်တန့်သင့်သော စီမံကိန်းများ ဖြစ်ကြောင်း ၎င်းကပြောသည်။
ထို့ပြင် မြင်းခြံနှင့် ပင်းပက်စက်ရုံများသည်လည်း တည်နေရာနှင့် နည်းပညာ အခက်အခဲများကြောင့် စီးပွားရေးအရ မအောင်မြင်နိုင်သလို အနာဂတ်တွင်လည်း အောင်မြင်ရန် အခွင့်အလမ်း အလွန်နည်းပါးသော စက်ရုံများ ဖြစ်ကြောင်း၊ ၂၀၁၆-၁၇ ဘဏ္ဍာနှစ်တွင် ထိုစက်ရုံနှစ်ရုံကို အစိုးရသစ်က ဆက်လက်လုပ်ကိုင်မည်ဆိုလျှင် စီမံကိန်းစစ်ဆေးရေး ပညာရှင်များနှင့် အသေအချာဆွေးနွေးကာ ပြတ်သားသော မူဝါဒအသစ်များ ချမှတ်သင့်ကြောင်း ဒေါ်စန္ဒာမင်းက ပြောသည်။
၂၀၁၆-၁၇ ဘဏ္ဍာနှစ်အတွက် ကျပ်သန်း ၂၈,၂၉၇ ဒသမ ၉၂၉ အရှုံးပြထားသည့် အမှတ်(၂) အကြီးစား စက်မှုလုပ်ငန်းနှင့် ပတ်သက်၍ "ကျောက်ဆည် မှန်စက်ရုံကို ကြည့်ရင် ဝင်ငွေက ကျပ်သန်း ၉,၂၅၉ ဖြစ်ပြီး ကုန်ကျစရိတ်က ၁၉,၉၄၅ ဆိုတော့ အရှုံးက ကျပ်သန်း ၁၀,၆၈၆ ဖြစ်နေပါတယ်။ ကျန်စက်ရုံတွေ အားလုံးလည်း အရှုံးပြနေတာကြောင့် ဆက်လက် မလုပ်သင့်တော့တဲ့ စီမံကိန်းစက်ရုံတွေဖြစ်လို့ ပုဂ္ဂလိကသို့သာ ငှားရမ်း လုပ်ဆောင်သင့်ပါတယ်" ဟု ၎င်းကပြောသည်။
စက်မှုဝန်ကြီးဌာနအနေဖြင့် အမြတ်ရကြောင်း ဖော်ပြနိုင်သည့် တစ်ခုတည်းသော လုပ်ငန်းမှာ မြန်မာ့ဆေးဝါးလုပ်ငန်းဖြစ်ပြီး ထိုလုပ်ငန်းတွင်ပင် ဝင်ငွေနှင့် အသုံးစရိတ်က တန်းတူနီးပါး ရှိနေသည်ဟု ၎င်းက ပြောသည်။ ၂၀၁၄-၁၅ မှ ၂၀၁၆-၁၇ အထိ မြန်မာ့ဆေးဝါးလုပ်ငန်း၏ ဝင်ငွေနှင့် အသုံးစရိတ်သည် တန်းတူနီးပါးရှိခဲ့ရာ ၂၀၁၆-၁၇ တွင် ဝင်ငွေ ကျပ်သန်း ၃၅,၈၅၁ ဒသမ ၈၉၄ နှင့် အသုံးစရိတ်က ကျပ်သန်း  ၃၅,၅၅၇ ဒသမ၅၅၀ သာရှိသောကြောင့် အနာဂတ်တွင် စီးပွားရေး တွက်ခြေကိုက်မှု ရှိမရှိ ပြန်လည် သုံးသပ်သင့်ကြောင်း ၎င်းကပြောသည်။
"အစိုးသစ်အနေဖြင့် ၂၀၁၆-၁၇ ဘဏ္ဍာနှစ်မှာ စက်မှုဝန်ကြီးဌာနရဲ့ စီမံကိန်းများကို ဆက်လက် ဆောင်ရွက်မည်ဆိုလျှင် တစ်နိုင်ငံလုံးအတွက် လုပ်ငန်းစစ်ဆေးရေးအဖွဲ့  ပြန်လည် ဖွဲ့စည်းပြီး ထိုအဖွဲ့က စစ်ဆေးပြီးကာမှသာ ယခုပေးအပ်ထားသော (လွှတ်တော်က ခွင့်ပြုထားသော) ဘဏ္ဍာငွေများနှင့် စီမံကိန်းများကို ဆက်လက်လုပ်ဆောင်သင့်ပါတယ်" ဟု ဒေါ်စန္ဒာမင်းက ပြောသည်။
သတင်း- စိုးသန်းလင်း

အရှုံးပေါ်နိုင်ငံပိုင်လုပ်ငန်းများကိစ္စ အဆုံးအဖြတ်မမှားရန် စက်မှုဝန်ကြီးဟောင်း သတိပေး



နိုင်ငံပိုင်စက်ရုံများကိစ္စနှင့် ပတ်သက်ပြီး ဦးမောင်မြင့်က လွှတ်တော်သို့ပြောကြားနေမှုကို သတင်းထောက်တစ်ဦး နားထောင်နေစဉ်။ ဓာတ်ပုံ-ဉာဏ်လှိုင်လင်း
 Friday, March 10, 2017
နေပြည်တော်၊ မတ် ၁၀
နိုင်ငံပိုင်စက်ရုံအလုပ်ရုံများကိစ္စ စဉ်းစားဆုံးဖြတ်ရာမှာ ချစ်စိတ် (ဆန္ဒာဂတိ) ၊ ကြောက်စိတ် (ဘယာဂတိ)ဖြင့် မလိုက်သင့်သည့်ဘက်သို့ လိုက်ခြင်းများ မပါစေဘဲ ဆုံးဖြတ်ကြဖို့ ပြီးခဲ့တဲ့ အစိုးရလက်ထက်က စက်မှုဝန်ကြီးဌာနဝန်ကြီးအဖြစ် တာဝန်ယူခဲ့တဲ့ ဦးမောင်မြင့်က ပြည်ထောင်စုလွှတ်တော်ကို တိုက်တွန်းလိုက်ပါတယ်။
လုပ်ငန်းစီမံကိန်းတွေရဲ့ ရင်းနှီးမြှပ်နှံမှုများကို ငြင်းပယ်ခြင်း၊ ရွှေ့ဆိုင်းခြင်း၊ လျှော့ချခြင်းကိစ္စရပ်များနဲ့ ပတ်သက်ပြီး အခြား အမတ် ၁၅ ဦးနှင့်အတူ ဆွေးနွေးစဉ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီရဲ့ စစ်ကိုင်းတိုင်း၊ မင်းကင်းမြို့နယ် အမတ်ဖြစ်တဲ့ ဦးမောင်မြင့်က ပြောကြားလိုက်တာဖြစ်ပါတယ်။
“အမျိုးသား အကျိုးစီးပွားနဲ့ နိုင်ငံသားအကျိုးရှေးရှုကာ ဝန်ထမ်းများကို မျက်ကွယ်မပြုဘဲ ဆုံးဖြတ်နိုင်ပါစေ”လို့လည်း သူက ဆွေးနွေးချက်နောက်ဆုံးပိုင်းမှာ ထည့်ပြောခဲ့ပါသေးတယ်။ အခြေအနေတွေဟာ စက်ရုံတည်ဆောက်ရေး ရပ်လိုက်တာတစ်ခုတည်းနဲ့ ဖြေရှင်းနိုင်မှာ မဟုတ်ဘူးဆိုတာကို အမတ်များအားလုံး သိရှိမယ်လို့ ယုံကြည်ကြောင်းလည်း ဦးမောင်မြင့်က ပြောပါတယ်။
“မြန်မြန်တည်ဆောက်ရေးလုပ်ငန်းပြီးစီးလို့ ထုတ်ကုန်မြန်မြန်ထုတ်နိုင်ရင်တော့ ကာမိမှု မြန်မြန်ရမှာဖြစ်ပါတယ်။ စက်ရုံအတွက် ဘတ်ဂျက်မရလို့ စက်ရုံမပြီးရင် သက်သာတယ်ထင်ရပေမယ့် ချေးငွေအပေါ် အရင်းအတိုးတွေကတော့ ပေးနေရမှာပါပဲ”လို့ စက်မှုဝန်ကြီးဌာနက တည်ဆောက်နေတဲ့ အမှတ် (၁) သံမဏိစက်ရုံ၊ မြင်းခြံကို နမူနာပေးပြီး သူက သုံးသပ်ပြပါတယ်။
ပြီးခဲ့တဲ့ ၂၀၁၁- ၁၆ ကာလက အာဏာရ ပါတီဖြစ်ခဲ့တဲ့ ပြည်ခိုင်ဖြိုးဖက်က နောက်ထပ်ဝင်ရောက်ဆွေးနွေးတဲ့ ကျောင်းကုန်းမြို့နယ်အမတ် ဦးသိန်းထွန်းကလည်း စီမံကိန်းတွေဟာ ရက်ပိုင်း လပိုင်းအတွင်း ဆောင်ရွက်နေတဲ့ လုပ်ငန်းတွေမဟုတ်ဘဲ တန်ဖိုးလွန်စွာကြီးမားတဲ့ ဘဏ္ဍာနှစ်အလိုက် ရင်းနှီးမြှပ်နှံခဲ့ရတဲ့ နိုင်ငံပိုင်ဘဏ္ဍာငွေကြေးတွေဖြစ်တယ်လို့ လွှတ်တော်ကို ထောက်ပြပါတယ်။
“ရပ်ဆိုင်းခြင်း၊ ဖျက်သိမ်းခြင်းပြုလုပ်ပါက ရင်းနှီးမြှပ်နှံခဲ့ရတဲ့ ပြည်သူ့ဘဏ္ဍာငွေများ လေလွင့်ပြုန်းတီးသွားမှာကိုလည်း သတိပြုသင့်ပါတယ်” လို့ ဦးသိန်းထွန်းက ဆိုတယ်။ ဒါ့အပြင် ၂၀၁၁ ကနေ ၂၀၃၁ အထိရေးဆွဲထားတဲ့ အမျိုးသားဘက်စုံဖွံ့ဖြိုးရေးစီမံကိန်းအပေါ် သက်ရောက်မှု အကျိုးအပြစ်ကိုလည်း ချင့်ချိန်သင့်တယ်လို့လည်း သူက အကြံပြုပါတယ်။
ဒါကြောင့် ဝန်ကြီးဌာနက လက်တွေ့လုပ်ကိုင်ဆောင်ရွက်နေသူများ၊ ပညာရှင်များရဲ့ အကြံဥာဏ်များရယူပြီး လုံးဝရပ်ဆိုင်းရမယ့် စက်ရုံများ၊ အစိုးရက ကြပ်မတ်ဆောင်ရွက်ရမယ့် စက်ရုံများအဖြစ် စိစစ်သင့်တယ်လို့ ဦးသိန်းထွန်းက လွှတ်တော်ကို တင်ပြပါတယ်။
ကျန်ဆွေးနွေးသူအမတ်အများစုကတော့  လက်ရှိ အာဏာရ အမျိုးသားဒီမိုကရေစီအဖွဲ့ချုပ်ပါတီ (NLD) က ဖြစ်ပြီး အများစုက ဥပဒေကြမ်းပူးပေါင်းကော်မတီနှင့် ပြည်သူ့ငွေစာရင်း ပူးပေါင်းကော်မတီတို့ ပြည်ထောင်စုလွှတ်တော်ကို အစီရင်ခံထားတဲ့အတိုင်း လတ်တလောရပ်ဆိုင်းသင့်တဲ့ လုပ်ငန်း စီမံကိန်း ၄၄ ခုအပါအ၀င် စုစုပေါင်း ၅၂ ခု အတွင်း ကိုယ့်မဲဆန္ဒနယ်ထဲမှာ ရှိနေတဲ့ ရင်းနှီးမြှပ်နှံမှုဆိုင်ရာကိစ္စတွေအပေါ် ထောက်ခံ၊ အကြံပြုဆွေးနွေးခဲ့ကြပါတယ်။
NLD ပါတီက ဆွေးနွေးသူတစ်ဦးဖြစ်တဲ့ မွန်ပြည်နယ်၊ ဘီလင်းမြို့နယ် မဲဆန္ဒနယ်အမှတ် ၁၂ အမတ် ဒေါ်သီရိရတနာက “နိုင်ငံပိုင် အကြီးစားစက်ရုံ ၄၄ ရုံကို နိုင်ငံတော်နဲ့ နိုင်ငံသားတို့ရဲ့ အကျိုးစီးပွားအတွက် ရလဒ်ကောင်းများ ဖော်ဆောင်ပေးနိုင်မှုမရှိခြင်းနှင့် စီးပွားရေးအရ တွက်ခြေကိုက်မှုမရှိခြင်းတို့ကြောင့် ပြန်လည်သုံးသပ်နိုင်ရန် လတ်တလောရပ်ဆိုင်းထားပြီး စနစ်တကျ လေ့လာသုံးသပ်ပြီးမှ တွေ့ရှိချက်များအပေါ် မူတည်၍ ဆက်လက် ဆောင်ရွက်သင့်ပါတယ်”လို့ ပူးပေါင်းကော်မတီ အစီရင်ခံစာကို ထောက်ခံ ဆွေးနွေးခဲ့ပါတယ်
အမတ်တွေရဲ့ ဆွေးနွေးမှုများအပြီးမှာတော့ ပြည်ထောင်စုလွှတ်တော်နာယက မန်းဝင်းခိုင်သန်းက ဒီကနေ့ ဆွေးနွေးခဲ့တဲ့ မူနဲ့အခြေခံသဘောဆွေးနွေးချက်များအပေါ် သက်ဆိုင်ရာဝန်ကြီးဌာနတွေက ပြန်လည်ရှင်းလင်းခြင်းကို မတ် ၁၃ ရက်နေ့မှာ ကျင်းပမယ့် ပြည်ထောင်စု လွှတ်တော် အစည်းအဝေးမှာ ဆက်လက်ဆောင်ရွက်မယ်လို့ အသိပေးပါတယ်။
သက်ဆိုင်ရာဝန်ကြီးတွေ ပြန်လည်ဆွေးနွေးပြးရင်တော့ စီမံကိန်းများ ရပ်ဆိုင်ခြင်း၊ ငြင်းပယ်ခြင်း၊ ရွှေ့ဆိုင်းခြင်း၊ လျှော့ချခြင်း အကြောင်းကိစ္စများအလိုက် မဲခွဲဆုံးဖြတ်ခြင်းနှင့်အတူ NLD အစိုးရလက်ထက် ပထမဆုံးအကြိမ် ရေးဆွဲထားတဲ့ ၂၀၁၇-၂၀၁၈ ဘဏ္ဍာနှစ် အမျိုးသားစီမံကိန်း ဥပဒေကြမ်းကိုပါ အပိုဒ်လိုက် အတည်ပြုဖို့ ပြည်ထောင်စုလွှတ်တော် နာယကက စီစဉ်ထားပါတယ်။
သတင်း-ဉာဏ်လှိုင်လင်း

 


    လွှတ်တော်က ရပ်ခိုင်းထားသည့် နိုင်ငံပိုင်စက်ရုံများအနက် လေးခုကို အကျိုးတူလုပ်ကိုင်လိုသူများ ပေါ်ပေါက်

 Thursday, April 27, 2017
နေပြည်တော်
ရပ်ဆိုင်းထားပြီး ပြန်လည်သုံးသပ်ရန် ပြည်ထောင်စုလွှတ်တော်က ပြီးခဲ့တဲ့မတ်လမှာ ဆုံးဖြတ်ခဲ့တဲ့ စက်ရုံ ၂၇ ရုံအနက် လေးရုံကို အကျိုးတူပူးပေါင်း လုပ်ဆောင်မည့် ပုဂ္ဂလိက ကုမ္ပဏီတွေ ရရှိပြီဖြစ်တယ်လို့ စက်မှုဝန်ကြီးဌာန အမြဲတမ်းအတွင်းဝန် ဦးကိုကိုလွင်က Frontier ကို ပြောကြားပါတယ်။
အရှုံးပေါ်နေတဲ့ နိုင်ငံပိုင်စက်ရုံ ၄၄ ရုံအနက် စက်မှုဝန်ကြီးဌာနအောက်ရှိ စက်ရုံ ခုနစ်ရုံနှင့် လျှပ်စစ်နှင့် စွမ်းအင်ဝန်ကြီးဌာနအောက်ရှိ စက်ရုံ လေးရုံတို့မှအပ ကျန်အားလုံးကို ရပ်ဆိုင်ထားရန် ပြည်ထောင်စု လွှတ်တော်က မတ် ၁၅ ရက်နေ့မှာ ဆုံးဖြတ်လိုက်တာဖြစ်ပါတယ်။
စီးပွားရေးအရ တွက်ခြေကိုက်မှုမရှိ၍ လတ်တလော ရပ်ဆိုင်းထားသင့်တယ်လို့ ပြည်ထောင်စုလွှတ်တော် ဥပဒေကြမ်းပူးပေါင်းကော်မတီရဲ့ အစီရင်ခံစာအပေါ် အမတ်တွေက ဆွေးနွေးခြင်း၊ ဝန်ကြီးများက ပြန်လည်ရှင်းလင်းခြင်းတို့ ပြုလုပ်နောက်မှာ ရပ်နားထားဖို့ အတည်ပြုလိုက်တာ ဖြစ်ပါတယ်။
ရပ်ဆိုင်းလိုက်တဲ့ လုပ်ငန်းစီမံကိန်တွေကို မည်သို့ ဆက်လက်ဆောင်ရွက်သင့်သည်ကို ကိုယ်စားပြုမှု ကျယ်ကျယ်ပြန့်ပြန့်ပါဝင်သော ကော်မတီများဖွဲ့၍ ဆောင်ရွက်ရန်ကိုလည်း လွှတ်တော်နဲ့ အစိုးရအဖွဲ့တို့က သဘောတူညီခဲ့ကြပါတယ်။
အဲဒီစက်ရုံတွေအနက် လေးရုံကို အကျိုးတူ ပူးပေါင်းလုပ်ကိုင်လိုသူတွေ ပေါ်ပေါက်လာတာ ဖြစ်တယ်လို့ ဦးကိုကိုလွင်က ပြောကြားခဲ့တာပါ။
“မြင်းခြံ၊ ညောင်ခြေထောက်၊ ကြံခင်း၊ ရွှေတောင် စက်ရုံတွေပါ”လို့ နေပြည်တော်ရှိ ပြန်ကြားရေးဝန်ကြီးရုံးမှာ ဧပြီ ၂၇ ရက်နေ့က ပြုလုပ်တဲ့ သတင်းစာရှင်းလင်းပွဲမှာ Frontier ရဲ့ မေးမြန်းမှုကို ဦးကိုကိုလွင်က ပြန်လည် ဖြေကြားခဲ့ပါတယ်။
အမှတ် (၁) သံမဏိစက်ရုံ (မြင်းခြံ)ကိုတော့ အိန္ဒိယနိုင်ငံရဲ့ Global Steel ကုမ္ပဏီနဲ့ ဖက်စပ်ဆောင်ရွက်ဖို့ ညှိနှိုင်းပြီးဖြစ်လို့ မကြာခင်အစိုးရအဖွဲ့ထံ တင်ပြဆောင်ရွက်သွားမယ်လို့ သူက အသိပေးပါတယ်။ 
ဒါ့အပြင် အမှတ် (၁) အထည်စက်ရုံ (ရွှေတောင်) မှာ ရင်းနှီးမြှပ်နှံမယ့် ဂျပန်ကုမ္ပဏီတစ်ခုနဲ့ ဧပြီ ၂၅ ရက်နေ့မှာပဲ နားလည်မှုစာချွန်လွှာ လက်မှတ်ရေးထိုးပြီးဖြစ်တယ်လို့ အမြဲတမ်းအတွင်းဝန်က ပြောပါတယ်။
“ဂျပန်နည်းပညာနဲ့ ပိတ်တွေကို အချောကိုင်ထုတ်လုပ်ပြီး ပြည်တွင်းပြည်ပ ဖြန့်ဖို့လုပ်နေပါတယ်” လို့ ဦးကိုကိုလွင်က ပြောတယ်။
အမှတ် (၃၂) အကြီးစားစက်ရုံ (ကြံခင်း) ဘိလပ်မြေစက်ရုံ၊ ထရန်စဖော်မာနဲ့ ဝါယာတွေ ထုတ်လုပ်တဲ့ အမှတ် (၂၃) အကြီးစားစက်ရုံ (ညောင်ခြေထောက်)  တွေအတွက်လည်း အကျိုးတူပူးပေါင်း လုပ်ကိုင်ဖို့ စိတ်ဝင်စားတဲ့ ပြည်တွင်း၊ ပြည်ပကုမ္ပဏီတွေကို စိစစ်ရွေးချယ်တာတွေ လုပ်နေပြီလို့ သူက အသိပေးပါတယ်။ ကုမ္ပဏီနာမည်တွေနဲ့ အချက်အလက်အသေးစိတ်ကိုတော့ သတင်းစာရှင်းလင်းပွဲမှာ မသိခဲ့ရပါဘူး။
ဒါ့အပြင် အခြားစက်ရုံ ခုနစ်ရုံအတွက်လည်း လုပ်ငန်းအဆိုပြုလွှာတွေ ခေါ်ယူထားတယ်လို့ ဦးကိုကိုလွင်က ဆက်လက်ပြောကြားပါတယ်။
အဲဒီစက်ရုံတွေကတော့ ဒီဇယ်အင်ဂျင်တွေထုတ်တဲ့ အမှတ် (၁၄) အကြီးစားစက်ရုံ(သာဂရ)၊ ဘက်ဟိုးကဲ့သို့ ယာဉ်များထုတ်လုပ်တဲ့ အမှတ် (၁၅) အကြီးစားစက်ရုံ (သာဂရ)၊ လယ်ယာသုံးပစ္စည်းတွေထုတ်လုပ်တဲ့ အမှတ် (၁၇) အကြီးစားစက်ရုံ (မလွန်)၊ အမှတ် (၂) သံမဏိစက်ရုံ (ပင်းပက်)၊ အဆင့်မြင့်စက္ကူစက်ရုံ (သာပေါင်း)၊ ကြွေသီးတွေထုတ်လုပ်တဲ့ အမှတ် ၃၅ အကြီးစားစက်ရုံ (ချောက်)၊  ဘိလပ်မြေအိတ်ခွံတွေ ထုတ်လုပ်နေတဲ့ ပလတ်စတစ်စက်ရုံ (ကျောက်ဆည်)တို့ ဖြစ်ကြပါတယ်။
ဦးကိုကိုလွင်ကတော့ ပြည်ထောင်စုလွှတ်တော်နဲ့ သဘောတူထားခဲ့တဲ့အတိုင်း ရပ်ဆိုင်းထားတဲ့ လုပ်ငန်းစီမံကိန်းတွေကို ဘယ်လို ဆက်လက်ဆောင်ရွက်သင့်တယ်ဆိုတာ အဖြေရှာဖို့ ကိုယ်စားပြုမှု ကျယ်ကျယ်ပြန့်ပြန့် ပါဝင်တဲ့ ကော်မတီတွေဖွဲ့ပြီး ဆက်လက်လက်ဆောင်ရွက်ဖို့ စီစဉ်နေတယ်လို့လည်း ပြောကြားခဲ့ပါတယ်။
သတင်း-ဉာဏ်လှိုင်လင်း

Ref;https://frontiermyanmar.net/mm/news/4327

No comments:

*** လာလည်သောအပေါင်းအသင်းများ မိမိ ASN GROUP ONLINE SHOP ကနေ သင်တို့အလိုရှိသောပစ္စည်းများကို ရှာဖွေပြီး ORDER မှာလို့ရနေပါပြီ ***

ASNGROUP WAREHOUSE DEALS DEEPS DISCOUNT!