ဆေးဖက်ဝင် သတ္တ၀ါ အပင် - ရှီးပဒီး

ရေခဲတောင်ပေါ်က ထူးဆန်းသော ပိုးကောင်တစ်ဖြစ်လဲ အပင်ငယ်ကလေးများ

ကချင်ပြည်နယ်ရဲ့ ရေခဲတောင်ပေါ်မှာ ပေါက်ဖွားပြီး ဆေးဘက်ဝင် တန်ဖိုးကြီးလှတဲ့ ရှီးပဒီးလို့ခေါ်ကြသော အကောင်တစ်ပိုင်း၊  နွယ်ပင်တစ်ပိုင်း အကြောင်းကို လက်လှမ်းမီသလောက် ရှာဖွေကြည့်ထားတာလေး ဖော်ပြချင်ပါ တယ်။ ရေခဲတွေ ဖုံးလွမ်းနေတဲ့ တောင်တန်းကြီးတွေမှာ ဆေးဘက်ဝင်တဲ့ ရှားပါးသစ်ပင်များနဲ့ တိရိစ္ဆာန်များကို တွေ့ရှိရပါတယ်။ ဆောင်းမှာ ပိုးကောင်၊ နွေမှာ သစ်ပင် လို့ ခေါ်ကြတဲ့ ထူးထူးဆန်းဆန်း ဖြစ်ပေါ်လာတဲ့ ဒီ ရှီးပဒီးဟာ အလွန်မြင့်မားတဲ့ ရေခဲတောင်တွေမှာသာ တွေ့ရှိရပါတယ်။ ပေပေါင်း များစွာ မြင့်မားတဲ့  ရေခဲတောင်တွေ ရှိရာ ဒေသဖြစ်တဲ့ ဟိမဝန္တာ တောင်တန်း ဖြာဆင်းရာ တရုတ်၊ တိဘက်၊ နီပေါ၊ ဘူတန်နဲ့ မြန်မာပြည်မြောက်ဖျား ရေခဲတောင်တန်းတွေမှာ တွေ့ရှိနိုင်ပါတယ်။ တရုတ် တိုင်းရင်း ဆေးဝါးတွေမှာ ထည့်သွင်းဖော်စပ်ကြပြီး ဈေးလည်း အလွန်ကြီးတဲ့ ဆေးဘက်ဝင် အမျိုးအစား ဖြစ်ပါတယ်။ 

ပိုးနွယ်ရှင်ခေါ် ရှီးပဒီးဖြစ်ပေါ်လာပုံက ထူးထူးဆန်းဆန်းလို့ ပြောရမှာပါဘဲ။ အကောင်မဖြစ်ခင် သန္ဓေ သားလောင်း ဖြစ်တဲ့ ပိုးဥကောင်လေးတွေဟာ ဆောင်းရာသီအချိန်မှာ အလွန် အေးလွန်းတာကြောင့် မြေကြီးထဲမှာ ဆေးဘက်ဝင် မဂျစ်ဥ၊ ခန်းတောက်မြစ် တို့ကိုစားသုံးပြီး ဆောင်းခိုနေခဲ့ပါတယ်။ အဲဒီလို ဆောင်းခိုနေတဲ့အချိန်မှာ ပိုးလောင်းကောင်လေးတွေဟာ မြေကြီးအောက်မှာ ငြိမ်သက်နေသော်လည်း    ကပ်ပါမှိုတစ်မျိုးရဲ့ တွယ်ကပ်ငြိတွယ်ခြင်းခံရပြီး ၄င်း  ကပ်ပါးမှိုဟာ ပိုးလောင်းကောင်လေးတွေကို ဖုံးလွှမ်း သွားခဲ့ပြီး နွေရာသီရောက်ချိန်မှာ ပိုးလောင်းကောင်လေးများရဲ့ ဦးခေါင်းပေါ်ကနေ မြက်ပင်နဲ့ ဆင်တဲ့ ဦးချိုသဖွယ် အညှောင့်ကလေး ထွက်လာခဲ့ပါတယ်။ အဲဒီ အညှောင့်ကလေးတွေဟာ ၅စင်တီမီတာကနေ ၁၅စင်တီမီတာအထိ ရှည်လျားစွာ ထွက်ပေါ်လာတတ်ပါတယ်။  ဒေသခံတွေရဲ့ အဆိုအရတော့ အဲဒီအချိန်ဟာ ပိုးကောင်ဘဝကနေ  နွယ်ပင်အဖြစ် ရှင်သန်ချိန်ဖြစ်တယ်လို့ ပြောဆိုကြပါတယ်။ ဒါကြောင့်လည်း ရေခဲချိန်မှာ ပိုးကောင်၊ ရေခဲတွေ အရည်ပျော်ပြီး မြေကြီးတွေ မြင်ရချိန်မှာတော့ အပင် ဖြစ်လာတယ်လို့ ဆိုပါတယ်။

၎င်းရေခဲများ အရည်ပျော်ချိန်မှာ မြေအောက်က ပိုးလောင်းကောင်လေးတွေရဲ့ ဦးခေါင်းကနေ အပင်လေး ထွက်လာတဲ့အခါ ဒေသခံ တောင်ပေါ်သားများက ရှာဖွေ စုဆောင်း ကောက်ယူ ကြပါတယ်။ တောင်ပေါ်ဒေသတွေမှာ ရှေးယခင်ကတည်းက ဆေးဘက်ဝင်တယ်လို့  သိခဲ့ကြတာကြောင့်လည်း ၄င်း ပိုးကောင်လေးများကို ရှာဖွေ စုဆောင်းသူများပြားလှပါတယ်။ ကျန်းမာရေး အတွက် အလွန် အကျိုးပြုပြီး ဆေးဘက်ဝင်လှတဲ့ ရှီးပဒီး ပိုးကောင်လေးတွေဟာ ဈေးကောင်းလည်း အလွန် ရပါတယ်လို့ သိရပါတယ် ။ ကျွန်မဖတ်မိတဲ့ စာလေးတစ်ခုမှာဆိုရင် အဲဒီ အကောင်လေး တစ်ကောင်ကို မြန်မာငွေ တစ်သောင်းခွဲခန့် ပေးရပြီး တစ်ပိသာကို အမေရိကန် ဒေါ်လာ ၃ဝဝဝဝ လောက် တန်ဖိုး ရှိတယ်လို့ ဆိုပါတယ်။ ပေ တစ်သောင်းကျော်မှာတွေ့ရတဲ့ ပိုးကောင်လေးတွေက ပိုပြီး ဈေးကောင်း ရတယ်လို့သိရပါတယ်။ 

တိဘက်တောင်တန်းပေါ်က ရှီးပဒီးပိုးနွယ် ရှာဖွေသူနှစ်ဦး 

ရေခဲတွေ အရည်ပျော်ပြီး မြေကြီးတွေ ပေါ်လာချိန်မှာ လူစုလူဝေးတွေ ရောက်လာပြီး ရှီးပဒီးပိုးနွယ်လေးများကို ရှာဖွေကြစဉ်

ရှီးပဒီးခေါ် ပိုးနွယ်လေးရဲ့ အစွမ်းထက် ဆေးဘက်ဝင်မှုတွေက တော်တော်ကိုများပြားပါတယ်။ အရသာမှာ ချိုပြီးဆိမ့်တဲ့အရသာရှိတယ် ဆိုပါတယ်။ ၄င်းရှီးပဒီး ပိုးကောင်လေးတွေကို အခြောက်လှမ်းပြီး အမှုန့်ပြုလုပ်ကာ ရောင်းချတတ်ကြပါတယ်။

• အဟာရဓာတ် ပါဝင်မှု များပြားတဲ့အတွက် ဖျားနာပြီး နလံထစလူနာတွေ အမြန်ဆုံး ကျန်းမာရေး ကောင်းမွန်လာစေခြင်း
• ကျောက်ကပ်ကို ကောင်းမွန်စေခြင်း၊ ကျောက်ကပ်ရဲ့ လုပ်ငန်းဆောင်တာများ ချောမွေ့စေခြင်း
• ဓာတ်မတည့်ခြင်းကို သက်သာစေခြင်း၊
• ချောင်းဆိုး၊ ရင်ကြပ်ရောဂါများကို သက်သာစေခြင်း
• ကင်ဆာဖြစ်ပွားခြင်းကို လျော့နည်းစေခြင်း
• သွေးဥများကို တိုးပွားစေခြင်း သွေးရည်ကြည်အတွက် ပရိုတိန်းများ ဖြစ်ပေါ်စေခြင်း၊ သွေးဖိအား များခြင်း၊ နည်းခြင်းကို ပုံမှန်အတိုင်း ဖြစ်စေနိုင်ခြင်း
• အမျိုးသားများအတွက် ခွန်အားတိုးပွားစေခြင်း
• ကိုယ်ခံအားကို မြင့်မားစေခြင်း၊ အဆုပ်ရဲ့လုပ်ငန်းဆောင်တာများကို ကောင်းမွန်စေခြင်း
• အမျိုးသမီးများ ဓမ္မတာကောင်းမွန်စေခြင်း ၊ နုပျိုစေခြင်း၊ အရေးအကြောင်းများကို ပျောက်ကင်း သက်သာစေခြင်း 

စသဖြင့် အကျိုးများလှတယ်လို့ သိရပါတယ်။ 

ရှားပါးတာကြောင့်ရော ၊ ဆေးဘက်ဝင်တာကြောင့်အတွက်ပါ တန်ဖိုးကြီးလှပါတယ်။ နေ့စဉ်ပုံမှန် အားဆေး အဖြစ် သောက်သုံး ကြသူများလည်း ရှိကြပါတယ်။ ၄င်း ပိုးဆေးနွယ်( ရှီးပဒီး) များကို တရုတ်၊ ဂျပန်၊ ကိုးရီးယားစသည့်နိုင်ငံများက ဝယ်ယူကြကြောင်း သိရပါတယ်။ အချို့သော အားကစား သမားတွေ ဟာလည်း ကိုယ်ခံစွမ်းအားမြင့်မားပြီး အမောအပန်း ခံနိုင်ဖို့ရန်အတွက်  ပိုးနွယ်ပင်ကို အမြဲတမ်း မှီဝဲ စားသုံးကြတယ်လို့ ဆိုပါတယ်။ အချို့သောသူတွေက စွပ်ပြုတ်ထဲ ထည့်ချက်ခြင်း၊ ၄င်း ရှီးပဒီး သက်သက်ကိုလည်း စားသုံးခြင်းများ ပြုလုပ်တတ်ကြပါတယ်။  တိဘက်ဒေသတွေမှာ ၄င်းဆေးပိုးနွယ်ကို အမြောက်အမြား ရှာဖွေရရှိပြီး ငွေကြေးစီးပွား တိုးတက်လာကြသူတွေ အများအပြား ရှိနေပြီဖြစ်တယ်လို့ သိရပါတယ်။ 

ကြက်သား၊ ရှီးပဒီးစွပ်ပြုတ်

ရှီးပဒီးစွပ်ပြုတ်

မြန်မာပြည် မြောက်ဖျား ကချင်ပြည်နယ်ရဲ့ မြင့်မားလှတဲ့ ရေခဲတောင်တွေထက်မှာ ရှာဖွေတွေ့ရှိနိုင်တဲ့ အကောင် တစ်ပိုင်း နွယ်ပင်တစ်ပိုင်း ရှီးပဒီး ကို စနစ်တကျလေ့လာခြင်း၊ သုတေသနပြုလုပ်ခြင်းများ လုပ်ဆောင်ပြီး ယနေ့ ခေတ်စားလှတဲ့ ကိုရီးယားဂျင်ဆင်းတို့လို စီးပွားဖြစ် မွေးမြူစိုက်ပျိုးထုတ်လုပ်နိုင်မယ် ဆိုရင်တော့ ဒေသခံတွေအတွက် သဘာဝ ပတ်ဝန်းကျင်လည်း ထိခိုက်ပျက်စီးမှု ကြီးကြီးမားမား မရှိတဲ့အပြင် ဝင်ငွေတိုးရုံသာမက၊ အလုပ်အကိုင် အခွင့်အလမ်း အသစ်တွေပါ ရရှိတိုးပွားလာစရာ ရှိကြောင်း စိတ်ကူးယဉ် အိပ်မက်မိပါတော့တယ်ရှင်။

Ref:http://www.missgreenlady.com/2012/09/blog-post_12.html

နယူးယောက်အလွန် ရန်ကုန်

တရုတ်၊ ဂျပန်၊ စင်ကာပူနှင့် နယူးယောက်အလွန်တွင် ရန်ကုန်ရှိသည်။ အခြားတော့မဟုတ်၊ ကမ္ဘာ့ အိမ်၊ ခြံ၊ မြေ ဈေးနှုန်းဇယားထိပ်တွင် ဖြစ်သည်။

စီးပွားရေး အင်အားကြီးနိုင်ငံများ ဖြစ်သော အမေရိကန် ပြည်ထောင်စု၏ နယူးယောက်မြို့တော် အပါအဝင် တရုတ်၊ ဂျပန်၊ စင်ကာပူတို့၏ အိမ်၊ ခြံ၊ မြေဈေးနှုန်းများထက် ကမ္ဘာ့ဖွံ့ဖြိုးမှု အနိမ့်ကျဆုံး နိုင်ငံများတွင် ပါဝင်သော မြန်မာနိုင်ငံ ရန်ကုန်မြို့တော်၏ အိမ်၊ ခြံ၊ မြေဈေးနှုန်းများက သာလွန်နေခြင်းက ကြားရသူ ကြုံရသူတိုင်းအတွက် အံ့အားသင့်စရာ။

“ကမ္ဘာ့နိုင်ငံတွေရဲ့ အလယ်မှာလည်း New York လို မြို့ကြီးတွေ၊ ဂျပန်နိုင်ငံရဲ့ အိမ်၊ ခြံ၊ မြေဈေးနှုန်းတွေထက် ကြီးမြင့်နေတာတွေကြောင့် ကျွန်တော်တို့ နိုင်ငံဟာ အပြောပဲ ခံနေရတာတွေက ရှက်ဖို့ကောင်းတယ်။ အခုမြေဈေး ကြီးမြင့်နေတာတွေကြောင့် ရင်းနှီးမြှုပ်နှံသူတွေက လန့်ပြီး ပြေးကြတယ်။ ဝိုင်းပြီး ရှုတ်ချကြတယ်” ဟု ရန်ကုန်အိမ်၊ ခြံ၊ မြေ ဈေးနှုန်း ကြီးမြင့်နေမှုအပေါ် အလိုမကျ ဆိုလာသူက တရားလွှတ်တော်ရှေ့နေ ဦးသန်းမောင် ဖြစ်သည်။

အမေရိကန်၏ နာမည်ကျော် အိမ်၊ ခြံ၊ မြေ ဝက်ဘ်ဆိုက် တစ်ခုဖြစ်သည့် Zillow ၏ ထုတ်ပြန်ချက်အရ နယူးယောက်မြို့၏ အိမ်ခြံမြေ ဈေးကွက်၌ တစ်ပေပတ်လည် အမြင့်ဆုံး ဈေးနှုန်းသည် ပြီးခဲ့သည့် ၂၀၁၃ ခုနှစ်အထိ အမေရိကန်ဒေါ်လာ ၂၅၂ ဒေါ်လာရှိခဲ့ရာမှ ယခု ၂၀၁၄ ခုနှစ်တွင် အမေရိကန်ဒေါ်လာ ၄၉၇ ဒေါ်လာ (ကျပ်ငါးသိန်းနီးပါး) ခန့်အထိ မြင့်တက်လာသည်ကို တွေ့ရသည်။ အမေရိကန် နယူးယောက် မြို့တော်၏ အိမ်၊ ခြံ၊ မြေဈေး နှစ်ဆနီးပါး မြင့်တက်လာမှုက ရန်ကုန်မြို့တော်အတွက် စာမဖွဲ့လောက်သည့် ပမာဏ။ ဈေးနှုန်းနှစ်ဆ မြင့်လာသည့်တိုင် မဟာရန်ကုန်မြို့၏ ဈေးနှုန်းအောက် ထက်ဝက်ကျော်ခန့် လျော့နည်းနေသေးသည်။

ကမ္ဘာ့ အိမ်၊ ခြံ၊ မြေဈေးနှုန်းနှင့် ကုန်ဈေးနှုန်း မြင့်တက်မှု ဇယားထိပ်တွင် မြန်မာနိုင်ငံက အမြဲရပ်လျက်။

မြန်မာနိုင်ငံ စီးပွားရေးမြို့တော် ရန်ကုန်၏ ဈေးအမြင့်ဆုံး အပိုင်းတွင် ပါဝင်သည့် ဗဟန်းမြို့နယ် ပြည်လမ်းမကြီး တစ်လျှောက်ရှိ အိမ်၊ ခြံ၊ မြေဈေးနှုန်းသည် တစ်ပေပတ်လည်လျှင် ကျပ်ဆယ်သိန်းကျော် ဝန်းကျင်တွင် ဈေးပေါက်လျက် ရှိသည်။

ကမ္ဘာ့အင်အားကြီး နိုင်ငံများ၏ ဈေးနှုန်းများထက် ကြီးမြင့်နေသော ရန်ကုန်မြို့တော် အိမ်၊ ခြံ၊ မြေဈေးကွက်က ပြည်ပ ရင်းနှီးမြှုပ်နှံသူများ ဝင်မလာစေရန် တင်းတင်းစေ့ထားသည့် တံခါးတစ်ချပ်နှယ်။ ကမ္ဘာ့အလယ်တွင် ဝိုင်းဝန်းရှုတ်ချ ခံသဖွယ် အိမ်၊ ခြံ၊ မြေဈေးနှုန်း ကြီးမြင့်နေမှုကို ထိန်းသိမ်းရန် အလို့ငှာ သို့တည်းမဟုတ် အခွန်ငွေ တိုးမြှင့်ရစေရန် အလို့ငှာ နှစ်စဉ်လို အိမ်၊ ခြံ၊ မြေအခွန် စံနှုန်းများ ပြောင်းလဲသတ်မှတ်ခဲ့သည်။

အခွန်စံနှုန်း ပြောင်းလဲရုံဖြင့် အလုပ်ဖြစ်၏လော။

“ကျွန်တော်တို့ ဒီလို စံနှုန်းသတ်မှတ် ထုတ်ပြန် ပေးလိုက်ခြင်းကလည်း တစ်နည်းအားဖြင့် ဈေးနှုန်းကို ထိန်းချုပ်လိုက်တာပါပဲ” ဟု ရန်ကုန်တိုင်းဒေသကြီး ပြည်တွင်းအခွန်များ ဦးစီးဌာန၏ အကြီးတန်း အရာရှိတစ်ဦးက ဆိုသည်။

အမှန်တကယ်ပင် အခွန်စံနှုန်းက ရန်ကုန်မြို့တော်၏ အိမ်၊ ခြံ၊ မြေဈေးနှုန်းကို ထိန်းချုပ်နိုင်မည်လော။ သိပ်တော့မသေချာ။ ပြီးခဲ့သည့် ၂၀၁၃ ခုနှစ်အတွင်းက အိမ်၊ ခြံ၊ မြေအခွန်စံနှုန်းများ ထုတ်ပြန်အပြီး နောက်ပိုင်းတွင်လည်း ရန်ကုန်မြို့တော်၏ အိမ်၊ ခြံ၊ မြေဈေးနှုန်းများက တက်မြဲတက်ခဲ့သည်။ အရောင်းအဝယ်သည်လည်း သွက်မြဲသွက်ခဲ့သည်။

“စံနှုန်း သတ်မှတ်ချက်ကြောင့် ဈေးကွက် အရောင်းအဝယ်ကို သက်ရောက်စေပေမယ့် ကြီးမြင့်နေတဲ့ ဈေးနှုန်းကိုတော့ ထိန်းချုပ်နိုင်မှာ မဟုတ်ဘူး။ အခြေခံ အဆောက်အဦ လိုအပ်ချက်တွေ မပြည့်စုံသမျှ အိမ်၊ ခြံ၊ မြေဈေးနှုန်းကို ဘယ်တော့မှ ထိန်းချုပ်လို့ရမှာ မဟုတ်ဘူး။ ဈေးကတော့ ထပ်မြင့်နေဦးမှာပဲ” ဟု သုံးသပ်လာသူက လှိုင်သာယာမြို့နယ် အခြေစိုက် အိမ်ကမ္ဘာ အိမ်၊ ခြံ၊ မြေ အကျိုးဆောင် လုပ်ငန်းရှင် ဦးနေမျိုးအောင် ဖြစ်သည်။

၂၀၁၃ ခုနှစ် အိမ်၊ ခြံ၊ မြေစံနှုန်းသည် ရုတ်တရက် သတ်မှတ်ခဲ့ခြင်း ဖြစ်၍ ရောင်းသူဝယ်သူတို့ ဈေးကွက် စောင့်ကြည့်ချိန် မရခဲ့။ သို့သော်ဈေးကွက် အရောင်းအဝယ်တို့က မကျ။ ဈေးနှုန်းတို့သည်လည်း စီမံကိန်း အသံဟစ်ကာ တက်ကောင်းဆဲ။ ပထမအကြိမ် အိမ်၊ ခြံ၊ မြေအခွန် စံနှုန်းကို ၂၀၁၃ ခုနှစ် စက်တင်ဘာလ ၂၃ ရက်နေ့က ထုတ်ပြန် ကြေညာပေးခဲ့ပြီး အောက်တိုဘာလ ၁ ရက်နေ့မှ စတင်ကာ စံနှုန်း သတ်မှတ်နှုန်းချက် အသက်ဝင်ခဲ့သည်။

ပထမအကြိမ် အခွန်စံနှုန်း သတ်မှတ်စဉ်က တစ်ပေပတ်လည်လျှင် အနိမ့်ဆုံး ကျပ် ၃,၅၀၀၀ မှ ၃၂၅,၀၀၀ ကျော် သတ်မှတ်ခဲ့သည့် ဗဟန်းမြို့နယ်၏ စံနှုန်း သတ်မှတ်ချက်သည် အမြင့်ဆုံးဖြစ်ပြီး အနည်းဆုံးအဖြစ် ခရမ်းမြို့နယ်တွင် မြေတစ်ပေပတ်လည်လျှင် ၂၀၀ ကျပ်မှ ၁,၁၀၀ ကြားသာ သတ်မှတ်ခဲ့သည်။ စက်မှုဇုန် သတ်မှတ်ချက်တွင် လှိုင်သာယာ စက်မှုဇုန် စံနှုန်းများမှာ တစ်ဧကမြေ တစ်ကွက်လျှင် ကျပ်သိန်း ၁,၄၅၀ မှ ၂,၀၀၀ ဖြင့် အများဆုံး သတ်မှတ်ထားပြီး အနည်းဆုံး အနေဖြင့် ဒဂုံဆိပ်ကမ်း စက်မှုဇုန်ဖြစ်၍ တစ်ဧကလျှင် ကျပ်သိန်း ၂၇၀ မှ ၇၀၀ အထိ သတ်မှတ်ခဲ့ကြောင်း ပြည်တွင်းအခွန်းများ ဦးစီးဌာန၏ ထုတ်ပြန်ချက်တွင် ဖော်ပြထားသည်။

“ဒီနှစ်မှာတော့ မနှစ်တုန်းက သတ်မှတ်ချက်တွေထဲမှာ ပြင်ပပေါက်ဈေးထက် နည်းနေတဲ့ သတ်မှတ်ချက်တွေ အားလုံးကို တိုးမြှင့် သတ်မှတ်ထားပါတယ်။ အဓိက နည်းနေတယ်ထင်တဲ့ မြို့သစ်စံနှုန်း သတ်မှတ်ချက်တွေ အားလုံးကို တိုးမြှင့် သတ်မှတ်ထားပါတယ်” ဟု ပြည်တွင်းအခွန်များ ဦးစီးဌာန (နေပြည်တော်) မှ အကြီးတန်း အရာရှိတစ်ဦးက ထုတ်ဖော်ပြောကြားသည်။

ပထမဆုံးအကြိမ် အိမ်၊ ခြံ၊ မြေ အခွန်စံနှုန်း စတင်သတ်မှတ်ချိန်မှ ယခု ၂၀၁၄ ခုနှစ် အောက်တိုဘာလ ပထမပတ်ခန့်အထိ ရန်ကုန်အိမ်၊ ခြံ၊ မြေဈေးကွက် အနေအထားက စံနှုန်းတန်ဖိုး သတ်မှတ် ချက်နည်းသည့် မြို့စွန်မြို့နယ်များနှင့် စီမံကိန်း အသံကြားရာ နေရာများ၌ အရောင်းအဝယ် သွက်ခဲ့ပြီး အိမ်၊ ခြံ၊ မြေ သမိုင်းတစ်လျှောက် ဈေးကွက် ကောင်းခဲ့သည့် မြို့တွင်း ဧရိယာများတွင် အလုပ်ဖြစ်မှု နည်းခဲ့သည်ဟု ရန်ကုန် အိမ်၊ ခြံ၊ မြေဈေးကွက် အတွင်းမှ သိရသည်။

အခွန်စံနှုန်း သတ်မှတ်ချက်သည်လည်း ဈေးကွက် အရောင်းအဝယ်အပေါ် အကျိုးသက်ရောက်မှု ရှိသည်ကို ၂၀၁၃ အိမ်၊ ခြံ၊ မြေစံနှုန်းက သက်သေထူလျက် ရှိသည်။ ပထမအကြိမ် အခွန်စံနှုန်း သတ်မှတ်ချက်သည် ရန်ကုန်အိမ်၊ ခြံ၊ မြေဈေးနှုန်းကိုမူ ပြောင်းလဲမှု မပြုနိုင်ခဲ့။

သို့သော် . . . ။ 

ဒုတိယမြောက် သတ်မှတ်မည့် ၂၀၁၄ အခွန်စံနှုန်းသစ်ကိုမူ ထပ်ဆင့်တိုးမြှင့်မည် ဆိုသည့် သတင်းများကြောင့် လတ်တလောတွင် ဈေးကွက် အရောင်းအဝယ်တို့က ငြိမ်သက်လျက်ရှိပြီး စောင့်ကြည့်သူက များနေသည်။

“ဒီလိုစံနှုန်း သတ်မှတ်ခြင်းနဲ့တော့ အလုပ်ဖြစ်နိုင်မယ် မထင်ပါဘူး” ဟု ယတိပြတ် ထောက်ပြလာသူက စီးပွားရေး ပညာရှင် ဒေါက်တာအောင်ကိုကို ဖြစ်သည်။ ကမ္ဘာ့ဈေးထက် မြင့်နေသော ရန်ကုန် အိမ်၊ ခြံ၊ မြေဈေးကွက်ကို အမှန်တကယ် ပြောင်းလဲလိုပါက ပြည်တွင်း၌ အများပိုင် ကုမ္ပဏီကြီးများ ရာနှင့်ချီ၍ ပေါ်ပေါက်လာစေပြီး အစုရှယ်ယာ ဈေးကွက်များ ဖြစ်ပေါ်လာမှသာ ပြောင်းလဲနိုင်မည်ဟု ၎င်းကဆိုသည်။ “ဒါတောင် အဲ့ဒီဈေးကွက်ကို အနည်းငယ်ပဲ ပြောင်းလဲစေမှာပါ။ အဲဒီလိုမျိုးပေါ် ပေါက်လာမယ် ဆိုရင်တောင် နည်းနည်းပဲ ပြောင်းလဲနိုင်မှာပါ။ အများကြီး ပြောင်းလဲနိုင်မှာ မဟုတ်ပါဘူး” ဟု ဒေါက်တာ အောင်ကိုကိုက သုံးသပ်သည်။

အများပိုင် ကုမ္ပဏီကြီးများ တည်ထောင် အစုရှယ်ဈေးကွက်များ ပေါ်ထွန်းလာသည့်တိုင် အနည်းငယ်မျှသာ ပြောင်းလဲနိုင်မည့် ရန်ကုန်မြို့တော်၏ အိမ်၊ ခြံ၊ မြေ ဈေးနှုန်း ကြီးမြင့်မှု ပြဿနာကို ဥပဒေဖြင့် ထိထိရောက်ရောက် ကိုင်တွယ်လျှင် ရသည်ဟု ဆိုလာသူက တရားလွှတ်တော်ရှေ့နေ ဦးသန်းမောင် ဖြစ်သည်။

“အများအကျိုးစီးပွား ပျက်စီးစေမှုနဲ့ ငွေကြေး ခဝါချပြီး (မမှန်မကန် ငွေတွေနဲ့) ဝယ်ယူတဲ့သူတွေကို သတ်မှတ်ထားတဲ့ ဥပဒေအရ သူတို့ရဲ့ ပိုင်ဆိုင်တဲ့ ပစ္စည်းတွေကို နိုင်ငံတော် ဘဏ္ဍာအဖြစ် သိမ်းဆည်းလို့ရတယ်။ ပြီးတော့ ထောင်ဒဏ် အနေနဲ့ ခုနစ်နှစ်ကနေ ၁၀ နှစ်အထိ ချလို့ရတယ်။ ဥပဒေအတိုင်း ထိထိရောက်ရောက် လုပ်ဖို့ပဲလိုတယ်။ တကယ်လုပ်ချင်ရင် နည်းဥပဒေထုတ်ပြီး လုပ်လိုက်လို့ရတယ်” ဟု ၎င်းက ထောက်ပြသည်။

သို့သော် -

ဥပဒေသည် ဥပဒေအတိုင်း၊ စည်းကမ်းသည် စည်းကမ်းအတိုင်း စာရွက်များပေါ်၌ ရှိနေခြင်းကိုမူ ဦးသန်းမောင် အားမလိုအားမရ ဖြစ်ခဲ့ရသည်။ တရားလွှတ်တော်ရှေ့နေ ဦးသန်းမောင် အပါအဝင် ပြည်သူအများစုက အလုပ်ဖြစ်သော အိမ်၊ ခြံ၊ မြေ ဥပဒေကို အလိုရှိကြသည်က အမှန်။

ဝင်ငွေ ရလမ်းတွေကို သေချာစိစစ်ဖို့ လိုတယ်။ ရာဖြတ်ရုံးက တာဝန်ရှိသူတွေကသာ မှန်မှန်ကန်ကန် စိစစ်နိုင်မယ်ဆိုရင် အိမ်၊ ခြံ၊ မြေဈေးကွက်ကို အသုံးချပြီး ငွေကြေးခဝါချတာတွေ၊ ငွေဖြူ၊ ငွေမည်း ပြောင်းတာတွေက လျော့ကျသွားမှာပါ” ဟု ဗဟိုဘဏ် ဒါရိုက်တာအဖွဲ့ဝင် ဦးမော်သန်းက ငွေကြေးခဝါချမှု၊ ငွေဖြူငွေမည်း ပြောင်းလဲမှုများနှင့် ဆက်နွှယ် မြင့်တက်နေသည့် ရန်ကုန်အိမ်၊ ခြံ၊ မြေဈေးနှုန်း အနေအထားကို ထောက်ပြလာသည်။

မြို့တွင်းသာမက မြို့ပြင်များ၌ပါ လူများစု အလွယ်တကူ သွားလာနေထိုင်နိုင်ရန် တိုက်ခန်း၊ အိမ်ရာများ ဖော်ဆောင်ပေးသလို အခြေခံ အဆောက်အဦ ကောင်းပြီး အလုပ်အကိုင် အခွင့်အလမ်းသာသည့် မြို့သစ် စီမံကိန်းများကို ဖော်ဆောင်ပေးနိုင်ပါက ရန်ကုန်မြို့၏ အိမ်၊ ခြံ၊ မြေဈေးနှုန်း ကြီးမြင့်နေမှုကို တစ်နည်းတစ်ဖုံ ထိန်းသိမ်းလာနိုင်မည်ဟု ၎င်းကသုံးသပ်သည်။

“မြို့သစ်စီမံကိန်းတွေ လုပ်တဲ့အခါမှာ အစိုးရပိုင်းက လက်သိပ်ထိုးပြီး တိုးတိုးတိတ်တိတ် ကျိတ်ပြီး အရင်လုပ်ပြီးမှ ပြည်သူကို ဖွင့်ချပြတာက ပွင့်လင်းမြင်သာမှု မရှိဘူး။ အဲ့လိုဆိုရင်တော့ ထိန်းချုပ်နိုင်မှာ မဟုတ်ပါဘူး” ဟု ဦးမော်သန်းက စီမံကိန်းများ အရင်းပြု၍ အိမ်၊ ခြံ၊ မြေဈေးနှုန်း ပြောင်းလဲနေမှုအပေါ် ထောက်ပြလာသည်။

ဥပဒေ၊ မူဝါဒ၊ အိမ်ရာ လိုအပ်ချက်၊ ဈေးကွက် ထိန်းသိမ်းမှု၊ ငွေဖြူငွေမည်း ပြဿနာ စသည်ဖြင့် ဘက်စုံထောင့်စုံက ဟာကွက် ဖြစ်နေသော ရန်ကုန်အိမ်၊ ခြံ၊ မြေဈေးကွက်က ကိုယ်ကျိုးရှာ စီးပွားရေးသမားအတွက် စိတ်ကြိုက် ကစားနိုင်သည့် ကစားကွင်းကြီးနှယ်။

ငွေမည်းသည်လည်း ငွေဖြူဖန်တီးနိုင်သည်။ သို့တည်းမဟုတ် စစ်တိုက်စရာ မလိုဘဲလည်း ငွေပြ၍ မြေသိမ်းနိုင်သည်သာ။ “၁၉၇၈ ဥပဒေအရ နိုင်ငံခြားသားတွေ ကိုယ်ပိုင်အိမ် ဝယ်ခွင့်မရှိတာကို နှစ်ပေါက်တစ်ပေါက် ရိုက်ပြီး ရောင်းဝယ်ကြတယ်။ နိုင်ငံသားတွေကို နာမည်ခံပြီး ဝယ်နေကြတဲ့အတွက် ဈေးနှုန်းတွေ ကြီးမြင့်နေရတာပါ။ ဈေးနှုန်း ကြီးမြင့်တာတွေက ပြဿနာလို့ ဆိုနေပေမယ့် ဒါတွေက တိတိကျကျ အရေးမယူခဲ့တဲ့ အတွက်ကြောင့် အခုပြဿနာတွေ ဖြစ်လာရတာ” ဟု ဦးသန်းမောင်က ဆိုသည်။

ဤသို့ဆိုလျှင် . . . ။ 

မြန်မာနိုင်ငံ၏ အိမ်၊ ခြံ၊ မြေနှင့် ဆက်နွှယ်သည့် ဥပဒေနှင့် လုပ်ထုံးလုပ်နည်း များသည်လည်း စာရွက်များပေါ်၌သာ အိပ်မောကျနေဟန် ရှိသည်။ ဥပဒေသည် ဥပဒေအတိုင်း တည်ရှိနေခြင်း၏ အကျိုးဆက်များက စိုးရိမ်ဖွယ်ရာပင်။

“ကမ္ဘာ့အလယ်မှာ ကျွန်တော်တို့ နိုင်ငံကို လွန်ခဲ့တဲ့ ၅ နှစ်လောက်ကတည်းက တိုးတက်လာမလား တိုးတက်လာမလားနဲ့ စောင့်ကြည့်နေကြတာ။ ဘာမှ တိုးတက်မလာခဲ့ဘဲ အိမ်၊ ခြံ၊ မြေ ဈေးတွေသာ မြင့်သထက် မြင့်လာခဲ့တယ်” ဟု ဦးသန်းမောင်က မချိတင်ကဲ ဆိုသည်။

စီးပွားရေးမြို့တော် ရန်ကုန် အပါအဝင် မြန်မာနိုင်ငံ အထင်ကရမြို့တော်များ၏ အိမ်၊ ခြံ၊ မြေဈေးနှုန်းများသည် ပြည်သူအများစု လက်လှမ်းမီ နေထိုင်နိုင်သည့် ဈေးနှုန်းတစ်ရပ်၌ တည်ရှိနေရေး အတွက်ဆိုလျှင် ပြည်တွင်း ငွေကြေး စီးဆင်းမှု ပုံမှန်လည်ပတ်စေပြီး လာဘ်ပေးလာဘ်ယူ အပါအဝင် တရားမဝင် ငွေကြေးခဝါချ အရောင်းအဝယ် ပြုမှုများကို ထိန်းချုပ်နိုင်ရမည် ဖြစ်ကြောင်း၊ ရင်းနှီးမြှုပ်နှံမှု ဈေးကွက်များကိုပါ ဖော်ဆောင်ပေးရမည် ဖြစ်ကြောင်း ဒေါက်တာအောင်ကိုကိုက သုံးသပ်သည်။

အထက်ဖော်ပြပါ အချက်သုံးချက်ကို အကောင်အထည်ဖော် လုပ်ဆောင်နိုင်မည် ဆိုပါက မြန်မာနိုင်ငံ၏ အိမ်၊ ခြံ၊ မြေ ဈေးနှုန်းကို အထိုက်အလျောက် ဆွဲချနိုင်မည် ဖြစ်ပြီး ယင်းသို့ လုပ်ဆောင်နိုင်မှု မရှိပါက အထွေထွေ ကုန်ကျစရိတ်များအနက် နေထိုင်စရိတ်မှာ အဆမတန်ကြီး မြင့်လာနိုင်သည်ဟု ၎င်းကဆိုသည်။

“ဒီလို ရင်းနှီးမြှုပ်နှံမှုတွေ၊ အစုရှယ်ယာ ဈေးကွက်တွေ မဖော်ဆောင်နိုင်ဘူး ဆိုရင်တော့ လူတွေအတွက် အထွေထွေ ကုန်ကျစရိတ် ဆိုတဲ့နေရာမှာ နေစရိတ်က အရမ်းကြီး မြင့်နေလိမ့်မယ်။ အဲဒီလို ဖြစ်နေလား မဖြစ်နေဘူးလားဆိုတာ ခင်ဗျား ပတ်ဝန်းကျင်မှာပဲ လေ့လာကြည့်လိုက်ရင် သိမှာပါ။ လူဆယ်ယောက်မှာ ဘယ်နှယောက်လောက်က နေစရိတ်အတွက်နဲ့ ဝန်ထုပ်ဝန်ပိုး ဖြစ်နေတယ်ဆိုတာ ခင်ဗျားတွေ့မှာပေါ့” ဟု ဒေါက်တာအောင်ကိုကိုက ထောက်ပြလာသည်။

မှန်သည်။ ရန်ကုန်မြို့တော် အတွင်း၌ နေထိုင်ရေးအတွက် ညည်းညူ နေကြသူများက ဒုနှင့်ဒေး။ လက်ညိုးထိုးမလွဲ။

တရားလွှတ်တော်ရှေ့နေ ဦးသန်းမောင်ကမူ နယူးယောက်မြို့ထက် ကျော်လွန် ကြီးမြင့်နေသော ရန်ကုန်မြို့တော်၏ အိမ်၊ ခြံ၊ မြေဈေးနှုန်းများကို အမှန်တကယ်ပင် ကျသွားစေလိုလျင် ဥပဒေများအတိုင်း ဆောင်ရွက်ရမည်ဟု တွင်တွင်ဆိုလေပြီ။

၎င်းကတော့ အိမ်၊ ခြံ၊ မြေဈေးနှုန်းကို ထိန်းချုပ်ရာ၌ ဥပဒေများ အသက်ဝင် ရေးသည်သာ အခရာဟု ဆိုသည်။ “တကယ်တော့ သူတို့က အဲဒီလို ဥပဒေအတိုင်း လုပ်လိုက်ရင် ဟိုမိသားစု ပါလာမှာ ဒီမိသားစု ပါလာမှာ သူ့မိတ်ဆွေ ငါ့မိတ်ဆွေနဲ့ ဟိုလုပ်ငန်း ထိခိုက်မှာ ဒီလုပ်ငန်း ထိခိုက်မှာတွေနဲ့ဆိုပြီး တိတိကျကျ မလုပ်ခဲ့လို့ ဒီလိုဖြစ်ရတာပါ။ အောက်ခြေက ပြည်သူတွေ အတွက်ကတော့ နင်းပြားက နင်းပြားပဲ ဖြစ်နေတာပါပဲ” ဟု ဦးသန်းမောင်က ထုတ်ဖော် ပြောဆိုလာသည်။

မဟာရန်ကုန် မြို့ပြ ဖွံ့ဖြိုးရေး စီမံကိန်း စစ်တမ်းအရ ရန်ကုန်မြို့တော်သည် နှစ်စဉ်အိမ်ရာ လိုအပ်ချက် သောင်းနှင့်ချီ ရှိနေသည်။ သို့တိုင်အောင် ယင်းအိမ်ရာ လိုအပ်ချက်ကို ဖြည့်ဆည်း ပေးနိုင်သည့် ပမာဏက သုံးပုံတစ်ပုံခန့်သာ။ တစ်နှစ်ထက်တစ်နှစ် တိုးလာနေသော အိမ်ထောင်စုများ၊ တစ်နှစ်ထက်တစ်နှစ် တက်လာနေသော အိမ်၊ ခြံ၊ မြေ ဈေးနှုန်းများဖြင့် ရန်ကုန်မြို့တော်၏ အနာဂတ်က ရင်လေးစရာ။

ယင်းသို့ဆိုလျှင် -

ရန်ကုန်မြို့တော်ကြီး များမကြာမီ အိမ်ခြေရာမဲ့ ပြဿနာများနှင့် ရင်ဆိုင်လာရမည်က အသေချာ။

ဥပဒေသည် ဥပဒေအတိုင်း၊ စံနှုန်းများသည် စံနှုန်းများအတိုင်း၊ စည်းကမ်းသည် စည်းကမ်းအတိုင်း စာရွက်များ ပေါ်၌တွင်သာ ရှိနေသရွေ့ တစ်နည်း မူထက် လူက အလေးသာနေသေးသရွေ့ ရန်ကုန်မြို့တော်၏ အိမ်၊ ခြံ၊ မြေဈေးနှုန်းများသည် နယူး ယောက်ကိုလွန်ကာ ကမ္ဘာကိုပင် ဖောက်ထွက် သွားနိုင်ဦးမည်သာ။

ဟိန်းမြတ်စိုး
Ref:thevoicemyanmar

စိတ် ခိုင် မှ ဖတ် ပါ

စိတ် ခိုင် မှ ဖတ် ပါ

The Economist Magazine ကြီးမှ ၂၀၁၅ Edition အဖြစ် ကမ္ဘာ့အဖွဲ့အစည်းစည်း အသီးသီး နှင့် ၎င်းတို့ကိုယ်ပိုင်လေ့လာတွေ့ရှိချက်များကို စုစည်းပြီး စာရင်းထုတ်ပြန်ခဲ့ရာ မြန်မာနိူင်ငံနှင့် ပါတ်သက်သော စာရင်း ဇယားများကို ထုတ်နှုတ်၍ တင်ပြထားပါသည်။ ကမ္ဘာ့ အဖွဲ့အစည်းပေါင်း (၇၄) ခုမှ ၂၀၁၂-၁၃-၁၄ ခုနှစ်တွင် ရရှိသော အချက်အလက်များကို မူတည်၍ ပြုစုထားခြင်းဖြစ်သည်၊

ကျွန်တော် သေသေချာချာ မှာတယ်နော်….

myanmar graph

Migrants

မြန်မာနိူင်ငံသည် ဒုက္ခသည် အရေအတွက် ၄၁၅, ၄၀၀ ရှိပြီး သတ္တမမြောက် ဒုက္ခသည် အရေအတွက် အများဆုံး ထုတ်လုပ်သော နိူင်ငံအဖြစ် ဂုဏ်ယူဝင့်ကြွားစွာ ရပ်တည်လျက်ရှိသည်။ ပြသာနာ ဖြစ်ပွားနေသော အာဖဂန်နစ္စတန်၊ ဆိုမာလီယာ၊ အီရတ်၊ ဆီးရီးယား၊ လစ်ဗျား နှင့် ကွန်ဂို-ကင်ရှာဆာ (၆) နိူင်ငံက အပေါ်တွင် ရှိနေသေးသည်၊ အလျော့တော့ မပေးသင့်။

Lowest GDP per head (Living Standard)

GDP per head အနည်းဆုံးနိူင်ငံစာရင်းတွင် ဆိုမာလီသည် ဒေါ်လာ ၁၃၀ ဖြင့် နံပါတ်တစ် နေရာ ချိတ်ထားပြီး မြန်မာမှ ၈၇၆ ဒေါ်လာဖြင့် နံပါတ် (၂၀) ရရှိခဲ့ပြီး နံပါတ် ၁၉ ဖြစ်သော ဟေတီကျွန်းနိူင်ငံနှင့် မတိမ်းမယိမ်းရှိခဲ့သည်။ သို့အတွက် ဧရာဝတီတိုင်းဝန်ကြီးချုပ်မှ စင်္ကာပူကို (၅) နှစ်အတွင်း မှီရမည်ဆိုခြင်းမှ ကျွန်းနိူင်ငံခြင်းတူသော ဟေတီနှင့် သွေးရိုးသားရိုး မှားပြောခြင်း ဖြစ်နိူင်လှပေသည်။

Quality of life ဖြစ်သော Human Development Index (HDI), Gini coefficient, နှင့် Economic Freedom Index တွင်မူ မြန်မာသည် အနည်းဆုံး နိူင်ငံ ၂၄ နိူင်ငံ စာရင်းတွင် မပါဝင်ခဲ့၊ ၂၅ များ ဖြစ်နေလားတော့ မိမိလည်း မသိ။

Economic Growth

ယုံခြင်ယုံ မယုံခြင်နေ ရေးရမယ့် တာဝန်ရှိလို့၊ ၂၀၀၂-၁၂ အတွင်း Average annual % increase in real GDP စာရင်းမှာ မြန်မာနိူင်ငံဟာ ကမ္ဘာပေါ်ရှိ အမြင်ဆုံးနိူင်ငံ စာရင်းတွင် ၉.၅% ဖြင့် နံပါတ် (၈) ချိတ်ခဲ့ပါတယ်ခင်ဗျာ။ တရုတ်က ၁၀.၄ % ဖြင့် နံပါတ် (၆) ပါ။ စင်္ကာပူတောင် ၆% နဲ့ နံပါတ် (၄၁)ပါ၊ စာရင်းလိမ်ပြချက်ကတော့ ကမ်းကုန်ပါတယ်။ လီကွမ်းယုသာ တွေ့လိုက်လို့ကတော့ သူ့သား နဲ့ ၀န်ကြီးတွေကို အရေးပေါ် အစည်းအဝေးခေါ်ပြီး ဆူလိုက် ကြိမ်းလိုက်မယ့် ဖြစ်ခြင်း၊ မြန်မာပြည်က သာသွားပြီ ဆိုပြီးတော့ပေါ့။

Least Trade Dependent

ကုန်သွယ်ရေးမှ ရရှိသော ပမာဏသည် GDP ၏ ၁၈.၃% ရှိပါတယ်။ အဲ့သည့် စာရင်းမှာတော့ နံပါတ် (၂၁) ပါ။

Democracy Index

ဝမ်းသာစရာပါခင်ဗျာ။ ၂၀၁၃ အတွက် အနိမ့်ဆုံး နိူင်ငံ (၂၀) စာရင်းမှာ မပါပါဘူးခင်ဗျာ။

Most Economically dependent on Agriculture

လယ်မြေတွေ လုပ်ကိုင်စားသောက်ဘို့ရန် မရှိသလောက် အသိမ်းခံလိုက်ရလို့လား မသိ၊ နိူင်ငံ (၂၅) နိူင်ငံ စာရင်းမှာ ပါသင့်ရက်နဲ့ မပါဘူးခင်ဗျာ။

Commodities (Rice)

ကမ္ဘာ့ ဆန်တင်ပို့တဲ့ ထိပ်တန်း (၁၀)နိူင်ငံ စာရင်းမတော့ မြန်မာဟာ နံပါတ် (၇) ချိတ်ပါတယ်။ ၂၀၁၂-၁၃ အတွက် ဆန်တင်ပို့ခဲ့မှု ပမာဏဟာ တန်ချိန် ၁၁.ရ သန်း ခန့် ရှိပါတယ်။ ပြည်တွင်း စားသုံးမှု ပမာဏ သည် တန်ချိန် ၁၀.၄ သန်းရှိ ဟု ဖေါ်ပြထားပါတယ်။

Labour-Force Participation

အလုပ်လုပ်နိူင်သူ လူဦးရေ၏ ၇၈.၆%သည် အလုပ်လုပ်ကိုင် လျက် ရှိသည်ဟု ဆိုသည်။ အမျိုးသမီးများ အလုပ်လုပ်ကိုင်မှု နှုန်းတွင် မြန်မာသည် အလုပ်လုပ်ကိုင်သူ စုစုပေါင်း၏ ၄၉.၈% ဖြင့် နံပါတ် (၁၄) ဖြစ်သည်။ လူကြီး ရော လူငယ် အလုပ်လက်မဲ့ အမြင့်ဆုံး နိူင်ငံ ၄၀ စာရင်းတွင် မပါဝင်။

Brain Drain

မြန်မာနိူင်ငံသည် ၁.၇ ဖြင့် ကမ္ဘာတွင် အမြင့်ဆုံးဖြစ်သည်၊ အမှတ်ပေးမှုမှာ ၁ အား အရည်အချင်းရှိသူများ အခြားနိူင်ငံများသို့ ထွက်ခွာ အဖြစ် သတ်မှတ်ပြီး ၇ အား ပြည်တွင်းတွင် ပင် နေထိုင်လုပ်ကိုင်မှု အဖြစ် လျာထားပြီး ၁ မှ ရ ကြားတွင် တွက်ချက်ရာ မြန်မာသည် ၁.၇ ရရှိခဲ့ခြင်းဖြစ်သည်။ အရည်အချင်းရှိသူအားလုံး ပြည်ပထွက်ခွာက ၁ ဘ၀ ကျရောက်ရပေတော့မည်။

Number of Days Taken to Register a new company

မြန်မာဟာ အကြာဆုံး နိူင်ငံ (၁၆) နိူင်ငံ စာရင်းမှာ ၇၂ ရက်နဲ့ နံပါတ် ၁၃ ရပါတယ်။ သို့သော် လာဒ်ပေးလာဒ်ယူမှု အမြင့်ဆုံး (၁၂) နိူင်ငံ စာရင်းမှာတော့ မပါသေးဘူးခင်ဗျ။

Lowest Car Ownership

အဆိုပါ စာရင်းတွင် မြန်မာ သည် လူတထောင်လျင် (၆) ဦးနှုန်းသာ ကားပိုင်ဆိုင်သည်ဟု ဖေါ်ပြထားပြီး နံပါတ် ၁၄ ကို ရရှိသွားပါတယ်။ လူတထောင်မှာများ ၁၀ ယောက်လောက် ပိုင်သွားရင် တောင် မတွေးရဲစရာ ခင်ဗျာ။

Education Spending

လာပြီခင်ဗျာ၊ ကဲ.. ကြည့် ဟောတွေ့ပြီဗျာ၊ lowest စာရင်းရဲ့ ထိပ်ကပ်နေလို့ မနည်းရှာရတယ်၊ မရှိဘူးလားတောင် ထင်မိသေး ထိပ်ဆုံး နံပါတ် (၁) ဗျာ၊ GDP ရဲ့ ၀.၈% နဲ့ပါ၊ ကလေးတွေ လမ်းပေါ်ထွက်ကုန်တာလဲ မပြောနဲ့လေ။

Highest Death rate

၂၀၁၀-၁၅ အတွင်း လူ တထောင်လျင် ၈.၅ ယောက်ဖြင့် နံပါတ် (၇၉)၊ မွေကင်းစ ကလေး သေဆုံးနှုန်းမှာ လူတထောင်လျင် ၄၈.၉%ဖြင့် နံပါတ် (၄၁) ဆီနီဂေါ နဲ့ တန်ဇန်နီးယား အကြားမှာ ရှိနေပါတယ်။

Tuberculosis

TB ဖြစ်ပွားနှုန်း အမြင့်ဆုံး နိူင်ငံ စာရင်းမှာတော့ လူ တထောင်လျင် ၃၇၇ ဦး နှုန်းဖြင့် နံပါတ် (၁၅) ချိတ်ပါတယ်။ HIV/AIDS သေဆုံးမှု အမြင့်ဆုံး (၂၅) နူိုင်ငံ စာရင်းမှာတော့ မပါပါဘူး၊

Health

ကျမ်းမာရေး အသုံးစာရိတ်မှာတော့ လွှတ်တော်က GDP ရဲ့ ၅% အနည်းဆုံး ရှိရမယ် ဆိုပေမယ့် မသုံးနိူင်ရှာပါဘူး၊ ထုံးစံအတိုင်း အနည်ဆုံး စာရင်းမှာ ၁.၈% ဖြင့် ပထမဆု ဆွတ်ခူးရရှိသွားပါပြီခင်ဗျာ၊ လူကြီးမင်းများ လက်ခုတ်တီးကြပါ။ Hunger Index မှာတော့ ကံကောင်းတယ်ခင်ဗျ၊ ၂၅ နိူင်ငံ စာရင်းမှာ လာအိုပါပြီး ကျွန်တော်တို့ မပါဘူး၊

World Giving Index

အလှုရေစက် လက်နဲ့ မကွာ အကျိုးကြောင့် စာရင်းမှာ ကနေဒါနဲ့အတူ နံပါတ် (၂) ချိတ်ပါတယ်ခင်ဗျား။ လူဦးရေ၇ဲ့ ၅၈% ဟာ အလှုဒါန ပြုကြတယ်လို့ သိရပါတယ်။

Press Freedom

သတင်းစာ လွတ်လပ်ခွင့် အနည်းဆုံး (၂၈) နိူင်ငံ စာရင်းက လွတ်ပါတယ်ခင်ဗျာ၊ အနည်းဆုံး ဆွတ်ခူးသူကတော့ Eritera နဲ့ ဒုတိယကတော့ မြောက်ကိုရီးယား ပါ။ အရှေ့တောင်အာရှ နိူ်ငံထဲက ဆိုရင် လာအိုတို့ ဗီယက်နမ်တို့ပါပြီး သီရိလင်္ကာတောင် ပါလိုက်သေးဗျ၊ ဒါတော့ ချီးကြူးရမှာ ဖြစ်ပါတယ်။

Defence Spending (As % of GDP)

ပြည်ပမှ ကျူးကျော်မဲ့ အန္တရာယ်တွေ များလွန်း လို့လားမသိ၊ အမြင့်ဆုံး သုံးစွဲတဲ့ နိူင်ငံ ၂၄ နိူင်ငံ စာရင်းမှာ မြန်မာ GDP ရဲ့ ၄.၂% ဖြင့် နံပါတ် (၁၃) ရရှိသွားပါတယ်။ ပြည်သူတွေ အထိတ်တလန့် ဖြစ်ကုန်ကြမှာစိုးလို့ ဖြစ်ပေါ်လာနိူင်တဲ့ ပြည်ပ အန္တရာယ်တွေ ထုတ်မပြောတာ ဖြစ်နိူင်ပါတယ်။ ကြိတ်ပြီး စစ်အင်အား ဖြည့်တင်းနေရရှာတာပါ၊ အင်မတန် ကျေးဇူးတင်ဘို့ ကောင်းလှပါတယ် ခင်ဗျာ။ လက်နက်ကိုင်အင်အား ကြည့်အုန်းမလား ၄.၀၆ သိန်းဖြင့် အများဆုံး စာရင်းမှာ နံပါတ် ၁၂ ရှိပါတယ်။ လက်နက် တင်ပို့မှု စာရင်းမှာ ဆိုရင်လည်း ၂၀၁၃ ခုနှစ် မှာ ဒေါ်လာ ၃၆၂ သန်းဘိုး တင်သွင်းခဲ့လို့ အများဆုံးစာရင်းမှာ နံပါတ် (၁၈) ပါ။ တခု ဇဝေဇ၀ါ ဖြစ်ရတာက ငြိမ်းချမ်းမှု အနည်းဆုံး ဖြစ်နေတဲ့ နိူင်ငံ ၂၄ နိူင်ငံ စာရင်းမှာ မပါတာပဲ ခင်ဗျာ။

ကဲ..ကျွန်တော် အစောကြီးထဲက ပြောတယ်နော်၊ စိတ် ခိုင် မှ ဖတ်ပါလို့။

- Posted using BlogPress from my iPhone

လာဘ်စားခြင်း အတတ်ပညာနှင့် နိုင်ငံသစ်တစ်ခု တည်ဆောက်တဲ့အခါ

ပြည်တော်ပြန် ခရီးစဉ်တွေအတွင်း ရန်ကုန်လေဆိပ်မှာ လာဘ်ငွေ အတောင်းခံခဲ့ရတဲ့အကြောင်း ထည့်ရေးမိတော့ လက်ဖက်ရည်ဖိုး ၅၀၀၊ ၁၀၀၀ တောင်းတဲ့ ကိစ္စကို စာဖွဲ့နေတယ် ဆိုပြီး မိတ်ဆွေတချို့က ပြောကြပါတယ်။ တချို့ကတော့ အဲဒီလို အောက်ခြေဝန်ထမ်းတွေ စားတဲ့ အသေးအဖွဲကိစ္စကို မရေးဘဲ သန်းနဲ့ချီစားနေတဲ့ အထက်အညာက လူကြီးတွေအကြောင်း စုံစမ်းဖော်ထုတ် ရေးသားသင့်တယ်လို့ အကြံပေးကြပါတယ်။

ဒါပေမဲ့ ကျွန်တော်ဟာ (Investigative Journalist) စုံစမ်းထောက်လှမ်းရေး သတင်းထောက်တစ်ဦး အနေနဲ့ ခရီးသွားနေခြင်း မဟုတ်ပါ။ သာမန်ပြည်သူတစ်ဦး အနေနဲ့သာ သွားနေတာ ဖြစ်တဲ့အတွက် အဲဒီလို အတွင်းကျကျ ကိစ္စတွေကို စုံစမ်းဖော်ထုတ်နိုင်မယ့် အခြေအနေ မရှိသေးပါ။ ပြည်တွင်းရှိ သတင်းလောကမှာလည်း Investigative Journalist က အတော်အားနည်းသေးတယ်လို့ ဝေဖန်သူတွေက ထောက်ပြလေ့ ရှိပါတယ်။

အရင်အခေါက်တွေတုန်းက ခရီးဆောင်အိတ်လှည်း ကူတွန်းပေးသူနဲ့ ပေါင်ချိန်စက် ဆရာတွေက ၁၀၀၀ ကျပ်စီ တောင်းခဲ့တာကိုသာ ကြုံဖူးတဲ့ ကျွန်တော် ဒီတစ်ခေါက်မှာတော့ “၁၀ တန် အစိမ်းတစ်ရွက် ပေးခဲ့ပါ” ဆိုပြီး ပေါ်တင်တောင်းတာကို ကြုံလိုက်ရပါတယ်။ အတောင်းခံရတဲ့ နေရာက ရန်ကုန်အပြည်ပြည်ဆိုင်ရာ လေဆိပ်ကအထွက် ပစ္စည်းတွေကို စစ်နေတဲ့ အကောက်ခွန် ဌာနမှာပါ။

ဒါပေမဲ့ ယူနီဖောင်း ဝတ်ထားတဲ့ ကာစတန်အရာရှိတွေ ကိုယ်တိုင် တောင်းတာတော့ မဟုတ်ပါဘူး။ ပစ္စည်းရွေးနေတဲ့ နေရာမှာ အကူအညီပေးတဲ့ ဝန်ထမ်းလိုလိုနဲ့ စောင့်နေတဲ့ လူငယ်တစ်ဦးက ကာစတန်ကိုယ်စား အခုလို တောင်းနေတာပါ။ မြန်မာငွေပေးလို့ မရဘူးလားဆိုတော့ “သူတို့က အစိမ်းမှ ကြိုက်တယ်။ ဒီက အခြေအနေကို အစ်ကိုလည်း သိသားနဲ့” ဆိုပြီး အဲဒီလူငယ်က ဆိုပါတယ်။

၁၀ ဒေါ်လာဆိုတော့ မြန်မာငွေ တစ်သောင်းပေါ့။ အရင်အခေါက်ထက် ဆယ်ဆ ငွေကြေးဖောင်းပွလာတဲ့ သဘောလား။ ဒါမှမဟုတ် မြန်မာနိုင်ငံရဲ့ လာဘ်စားမှုနှုန်း အရင်နှစ်ထက် ၁၀ ဆ ဆိုးလာတဲ့ သဘောများလား။ နိုင်ငံခြားသားတွေ အပါအဝင် လူအများသွားနေတဲ့ လေယာဉ်ကွင်းလို နေရာမှာတောင် ဒီလို လာဘ်ငွေပေါ်တင်တောင်းနေပြီ ဆိုရင် လူမမြင်တဲ့ နေရာတွေမှာ ဘယ်လာက်များ တောင်းနေလေမလဲ။

မြန်မာတွေရဲ့ လာဘ်စားခြင်း အတတ်ပညာအပေါ် အတော်စိတ်ပျက်နေတဲ့ ကျွန်တော်ဟာ ကံကဆိုးချင်တော့ ရှေ့နေက လာဘ်ပေးပြီး တရားသူကြီးကိုယ်တိုင် လာဘ်ယူနေတဲ့ မြင်ကွင်းတစ်ခုကို ထပ်ကြုံလိုက်ရပြန်ပါတယ်။ ကျွန်တော့်ကို လိုက်ကူညီပေးတဲ့ အဲဒီရှေ့နေဟာ နိုင်ငံရေး အကျဉ်းသားကိစ္စတွေ၊ လယ်သမားကိစ္စတွေ၊ လူ့အခွင့်ရေး ကိစ္စတွေကို အခကြေးငွေမယူဘဲ စေတနာနဲ့ ဝန်ဆောင်မှု ပေးနေသူပါ။

ဒါပေမဲ့ အများမိုးခါး ရေသောက်နေတဲ့ နေရာမှာ သူတစ်ယောက်တည်း မသောက်ဘဲနေလို့ မရဘူးနဲ့ တူပါတယ်။ ငါးထောင်လား၊ တစ်သောင်းလားမသိ ထည့်ထားပုံရတဲ့ စာအိတ်လေးကို တရားသူကြီးထိုင်နေတဲ့ စားပွဲပေါ် ရှေ့နေက ချပေးလိုက်ပါတယ်။ တရားသူကြီးဘေးမှာ ထိုင်နေတဲ့ လက်ထောက်ဖြစ်ပုံရသူ တစ်ဦးက စာအိတ်ကို ယူသိမ်းလိုက်ပါတယ်။ စာအိတ်ထဲ ဘယ်လောက်ပါသလဲ ဆိုတာကို စစ်ဆေးနေတာမျိုး မတွေ့မိပါ။ ဒါဇင်နဲ့ချီရှိတဲ့ တခြားအမှုသည်နဲ့ ရှေ့နေတွေလည်း ဒီလိုလာဘ်ပေးခွင့်ရဖို့ အတွက် ကျွန်တော်တို့နောက်မှာ တန်းစီတိုးနေလေရဲ့။

ဒီမြင်ကွင်းဟာ ရန်ကုန်က လူတွေအတွက် အထူးအဆန်း မဟုတ်ပေမယ့် လာဘ်ပေးလာဘ်ယူ ယဉ်ကျေးမှုနဲ့ ၂၅ နှစ်ကြာ ဝေးကွာနေတဲ့ ပြည်တော်ပြန်တစ်ဦး အဖို့တော့ ဒါဟာ တကယ့်အထူးအဆန်းပါပဲ။ ရှေ့နေကိုယ်တိုင်က လာဘ်ပေးနေပြီး တရားသူကြီးကိုယ်တိုင်က လာဘ်စားနေမှတော့ မြန်မာနိုင်ငံရဲ့ တရားရေးမဏ္ဍိုင်ကြီး သွားပြီပေါ့။

အုပ်ချုပ်ရေးအာဏာကို ကိုင်ထားတဲ့ အစိုးရနဲ့ ဥပဒေပြုမှုအာဏာ ကိုင်ထားတဲ့ လွှတ်တော်တို့ကို လွတ်လပ်တဲ့ တရားစီရင်ရေးစနစ်နဲ့ ထိန်းထားရမယ် ဆိုတာဟာ ဒီနေ့ ဦးသိန်းစိန်အစိုးရက ချီတက်နေပါတယ် ဆိုတဲ့ ဒီမိုကရေစီစနစ်ရဲ့ အခြေခံအုတ်မြစ်ကြီး မဟုတ်ပါလား။

ဒါက ကျွန်တော့်အမြင်ပါ။ ဒါပေမဲ့ ဒီဖြစ်စဉ်ကို ရန်ကုန်နဲ့ ထားဝယ်မှာ တွေ့တဲ့ ကျောင်းနေဖက် သူငယ်ချင်းတွေကို ပြောပြတော့ ဘယ်သူကမှ Shock မဖြစ်ကြပါ။ “မင်းကလည်းကွာ၊ ၅၀၀၀-၁၀၀၀၀ ကိစ္စကို အကြီးကြီး ပြောနေတယ်။ ဟိုးနေပြည်တော်မှာ သန်းနဲ့ချီစားနေတဲ့ ကိစ္စကျတော့ မင်းတို့ သတင်းထောက်တွေက ရေးရဲတာမှ မဟုတ်ဘဲနဲ့” လို့တောင် အပြစ်တင်လိုက်ပါသေးတယ်။

ရန်ကုန်မှာ ဆုံခွင့်ရတဲ့ တခြားပြည်တော်ပြန်တွေကတော့ ကျွန်တော်နဲ့ အမြင်တူကြပါတယ်။ သူတို့လည်း လေယာဉ်ကွင်းမှာ ကျွန်တော့်လို ကြုံခဲ့ရတဲ့အပြင် ဗီဇာတိုးတဲ့ကိစ္စ၊ လဝကရုံးဆီ သွားရတဲ့ ကိစ္စတွေမှာ လာဘ်ငွေတောင်းတာနဲ့ ကြုံခဲ့ရတယ်လို့ ပြောပြကြပါတယ်။ ဆိုလိုတာက ဖွံ့ဖြိုးပြီး အနောက်နိုင်ငံတွေမှာ ဒီလိုလာဘ်ငွေတောင်းခြင်းဟာ ကိုယ်ကျင့်သိက္ခာ ဖောက်ဖျက်မှုဖြစ်တဲ့ အပြင် ပြစ်မှုလည်း မြောက်ပါတယ်။

ဒါပေမဲ့ မြန်မာနိုင်ငံမှာကျတော့ အဓိပ္ပာယ်က ပြောင်းပြန်ဖြစ်နေသလိုပါပဲ။ လာဘ်တောင်းတာကို အပြစ်မမြင်တဲ့အပြင် ဒီလို အပြစ်ပြောနေတဲ့၊ လာဘ်မပေးဘဲ ငြင်းနေတဲ့ သူတွေကိုတောင် မြန်မာ့ယဉ်ကျေးမှုကို နားမလည်သူလိုလို၊ စေတနာခေါင်းပါးသူလိုလို၊ ဝန်ထမ်းတွေအပေါ် ညှာတာစိတ် မရှိသူလိုလို မြင်နေကြတာကို ကျွန်တော် သတိထားမိလိုက်ပါတယ်။

“လစာမလောက်လို့ လာဘ်စားတာကို အပြစ်မမြင်နဲ့ သူငယ်ချင်း။ ငါလည်စားတယ်၊ သူလည်းစားတယ်၊ မင်းလည်း ငါတို့လို ဝန်ထမ်းဖြစ်နေရင် စားမှာပဲ မဟုတ်ဘူးလား” ဆိုပြီး ဝန်ထမ်းသူငယ်ချင်း တစ်ဦးက စကားနာထိုးပါတယ်။

ပြီးတော့ ကျွန်တော် ကျောင်းသားဘဝက အားကစားကို အသည်းအသန် လုပ်ပြီး အကောက်ခွန်ဌာနမှာ တာဝန်ထမ်းခွင့်ရအောင် ကြိုးစားခဲ့ပုံကို သူက ထောက်ပြပါတယ်။ အဲဒီကာလက အကောက်ခွန်ဌာန ဆိုတာဟာ အားကစားသမားတွေ အထူးစိတ်ဝင်စားတဲ့ နေရာပါ။ ဒီလိုပြောလိုက်လို့ အားကစားသမားတွေကို အဲဒီဌာနက အခမဲ့ လေ့ကျင့်ပေးနေတယ်လို့ မထင်လိုက်ပါနဲ့။

အားကစားထူးချွန်သူ အတော်များများ အကောက်ခွန်ဌာနမှာ အလုပ်ရကြပြီး လုပ်သက် ငါးနှစ်လောက်အတွင်း သူဌေးဖြစ်သွားကြလို့ ဒီလို စိတ်ဝင်စားနေကြတာပါ။ ကျွန်တော့်ရဲ့ ပြိုင်ဘက် စက်ဘီးသမားတွေ၊ ကျောင်းနေဖက် ဘောလုံး၊ ဘော်လီဘောနဲ့ ပြေးခုန်ပစ်သမားတွေ ကာစတန်ဆီ ဝင်သွားတာ ဘယ်နည်းပါ့မလဲ။ ဆိုလိုတာက အကောက်ခွန်ဌာနမှာ တာဝန်ထမ်းချင်တာဟာ တိုင်းပြည်အတွက် အခွန်တိုးရစေချင်လို့ မဟုတ်ပါ။ အကောက်ဂိတ်မှာ ထိုင်၊ လာဘ်များများစားပြီး တစ်ကိုယ်စာ သူဌေးဖြစ်ဖို့သာ ရည်ရွယ်ခဲ့တာပါ။ ဒါ ကျွန်တော်ကိုယ်တိုင် အဲဒီတုန်းက တကယ်ကြိုးစားခဲ့ဖူးတဲ့ ဖြစ်စဉ်ပါ။

“လစာက အရေးမကြီးဘူး။ Outside က အဓိကပဲ” ဆိုတာ မဆလခေတ်မှာ အထူးခေတ်စားတဲ့ အဆိုအမိန့် တစ်ရပ်ပေါ့။ ဒါပေမဲ့ နှစ်ပေါင်း ၃၀ လောက်ကြာပြီးချိန် အခု ၂၀၁၅ ခုနှစ် ရောက်တဲ့အထိ စစ်အစိုးရခေတ်ကနေ ဒီမိုကရေစီ အစိုးရသက်တမ်း ငါးနှစ်ထဲ ဝင်လာတဲ့အထိ အဲဒီစကားလုံးက ဆက်လက်ခေတ်စားနေဆဲ ဆိုရင်တော့ ကျွန်တော်တို့ တစ်ခုခု လွဲနေပြီနဲ့ တူပါတယ်။

လွန်ခဲ့တဲ့ နှစ် ၃၀ အတွင်း ကျွန်တော်တို့ မျိုးဆက်ရဲ့ စဉ်းစားပုံတွေ၊ တန်ဖိုးထားမှုတွေ၊ စံသတ်မှတ်ချက်တွေက ဘာမှ တိုးတက်ပြောင်းလဲလာခြင်း မရှိဘူးလား။ ပြင်ပကမ္ဘာနဲ့ မြန်မာနိုင်ငံအကြား အတွေးအခေါ် အယူအဆတွေ လုံးဝခြားနား ကျန်နေခဲ့ပြီလား။ ဒီမိုကရေစီခေတ် ရောက်တဲ့အထိ လာဘ်စားခြင်း အတတ်ပညာနဲ့ အသက်မွေးဝမ်းကျောင်း လုပ်ချင်ကြတုန်းလား ဆိုပြီး မေးခွန်းထုတ်ချင်စရာပါ။

ကျွန်တော်ဖတ်မိတဲ့ သတင်းတွေအရ ဆိုရင်တော့ ဒီလိုတစ်နိုင်ငံလုံး ဆိုးဆိုးဝါးဝါး ဖြစ်နေတဲ့ လာဘ်စားမှုကို တိုက်ဖျက်နိုင်ဖို့ လာဘ်စားမှု တိုက်ဖျက်ရေး ကော်မရှင် ဆိုတာကို ၂၀၁၄ ခုနှစ် မတ်လမှာကတည်းက နေပြည်တော်မှာ ဖွဲ့စည်းပေးထားပြီး ဖြစ်ပါတယ်။ ခြောက်လတာကာလ အတွင်း အုပ်ချုပ်ရေးဘက်က လာဘ်စားမှု ၂၃၈ ခု၊ မြေယာသိမ်းမှုက ၁၇၀၊ တရားရေးဘက် လာဘ်စားမှုက ၉၅ မှုနဲ့ အထွေထွေက ၃၀ မှု ပါဝင်တဲ့ တိုင်ကြားစာ ၅၀၀ ကျော် လက်ခံရရှိခဲ့တယ်လို့ အဲဒီကော်မရှင်က လွှတ်တော်ဆီ အစီရင်ခံခဲ့ပါတယ်။

ဒါပေမဲ့ ထူးခြားတာကတော့ အဲဒီလို တိုင်ကြားတဲ့အမှု ၅၀၀ ကျော် ထဲက သုံးမှုကိုပဲ ကော်မရှင်က စုံစမ်းခဲ့တယ်လို့ သိရပါတယ်။ ဘာကြောင့်လဲ။ မြန်မာလွှတ်တော်က ဖွဲ့ပေးလိုက်တဲ့ အဲဒီကော်မရှင် ဆိုတာဟာ အမေရိကန်လွှတ်တော်က ဖွဲ့ပေးလိုက်တဲ့ ကော်မရှင်လို သြဇာမရှိလို့လား။ ဒီမိုကရေစီ ထွန်းကားပြီသား နိုင်ငံတွေမှာ လွှတ်တော်က ဖွဲ့ပေးလိုက်တဲ့ ကော်မရှင်ကို အာခံရဲသူ ဘယ်သူမှမရှိ။ သမ္မတ၊ စစ်ဦးစီးချုပ်၊ တရားသူကြီး ဘယ်သူကိုမှ အလွတ်မပေး။

ဒါပေမဲ့ မြန်မာနိုင်ငံမှာတော့ နှစ်ပေါင်း ၅၀ ကျော် ထွန်းကားခဲ့တဲ့ အပေါ်အောက် အမိန့်စီးဆင်းမှု အားကောင်းခြင်း၊ စစ်တပ်အတွေးအခေါ် လွှမ်းမိုးခြင်း၊ ကြီးသူကို ငယ်သူက ပြန်မပြောရဘူးဆိုတဲ့ ဓလေ့ထုံးတမ်း ကြီးမားခြင်းတွေကြောင့် အာဏာရှိသူ၊ ငွေကြေးရှိသူတွေကို သာမန်ပြည်သူတွေက တိုင်ကြားရဲဖို့ ဆိုတာ မလွယ်သေးပါ။ ဒါကြောင့်လည်း သမ္မတ အပါအဝင် အစိုးရဝန်ကြီးတွေ၊ လွှတ်တော်ကိုယ်စားလှယ်တွေက သူတို့ရဲ့ ပိုင်ဆိုင်မှုကို မကြေညာနိုင်ဘူးလို့ ဆက်ငြင်းနေနိုင်တာပေါ့။

ဒီဇင်ဘာလဆန်းပိုင်းက ထွက်လာတဲ့ နိုင်ငံတကာ အဂတိလိုက်စားမှု အခြေအနေ စောင့်ကြည့်ရေးအဖွဲ့ (Transparency International- TI) အစီရင်ခံစာမှာတော့ နိုင်ငံပေါင်း ၁၇၅ နိုင်ငံကို စာရင်းကောက်တဲ့အခါ မြန်မာနိုင်ငံက ၁၅၆ မှာ ရှိတယ်လို့ သိရပါတယ်။ ဦးသိန်းစိန် အစိုးရတက်ပြီး ပြုပြင်ပြောင်းလဲမှုတွေ လုပ်ခါစ ၂၀၁၁ ခုနှစ်မှာ အဆင့် ၁၈၀၊ ၂၀၁၂ ခုနှစ်မှာ အဆင့် ၁၇၂၊ ၂၀၁၃ ခုနှစ်မှာ အဆင့် ၁၅၇ အထိ လျော့ကျခဲ့ပေမယ့် ၂၀၁၄ ခုနှစ်မှာတော့ တစ်ဆင့်သာ လျော့ကျခဲ့တာ ဖြစ်တဲ့အတွက် ဒါဟာ မနှစ်ကထက် ဒီနှစ် လာဘ်စားမှု ပိုဆိုးလာတဲ့သဘော ဖြစ်နေပါတယ်။

ဒါတွေကို ဘယ်လိုပြုပြင်ကြမလဲ။ အစိုးရဘက်ကလူတွေ အားလုံးနီးပါး လာဘ်စားမှုနဲ့ မကင်းဘူးဆိုရင် အတိုက်အခံ ဒီမိုကရေစီ အင်အားစုနဲ့ တိုင်းရင်းသားတွေဘက်ကကော ဒီကော်မရှင်ကို ဦးစီးဆောင်ရွက်နိုင်တာမျိုး မလုပ်နိုင်ဘူးလား။

“ကိုယ်တို့ဆီက မောင်တွေလည်း ကားအစီး ၆၀ တို့၊ ၁၂၀ တို့ လက်ဆောင်ယူထားမှတော့ အစိုးရဝန်ကြီးတွေ၊ စစ်ဗိုလ်တွေ လာဘ်စားတာကို ဘယ်ပြောလို့ ဖြစ်တော့မလဲ” ဆိုပြီး ရန်ကုန်မှာတွေ့တဲ့ ပြည်တော်ပြန် ရဲဘော်တွေက ပြောပါတယ်။ အင်း ... ဒါလည်း ဟုတ်သားပဲ။ ဒါဟာ ငြိမ်းချမ်းရေးအတွက် ပေးတဲ့ လက်ဆောင်တွေလေ။ ငြိမ်းချမ်းရေးကိုယ်တိုင် လာဘ်ပေးလာဘ်ယူ အလုပ်ခံနေရပြီလား။

ငြိမ်းချမ်းရေးဖြစ်စဉ်၊ ဖွံ့ဖြိုးရေးဖြစ်စဉ်တွေနဲ့ ပတ်သက်လာရင် နိုင်ငံတကာဘက်က အလှူငွေတွေလည်း အများကြီး ပါနေတာကြောင့် မြန်မာတွေရဲ့ လာဘ်စားမှုဟာ မြန်မာနိုင်ငံထဲမှာတင်မပြီး။ လာဘ်စားမှုဟာ မြန်မာ့ယဉ်ကျေးမှုတစ်ခု ဖြစ်နေပါပြီဆိုပြီး ပေါ့ပေါ့တန်တန်ထားလို့မရ။ ဒါဟာ အလွန်ကြီးလေးတဲ့ ပြစ်မှုကြီးတစ်ခု ဖြစ်တယ် ဆိုတာကို အစိုးရဝန်ကြီးတွေ အပါအဝင် အားလုံးသိအောင် ပြောပြဖို့ လိုလာနေပါ တယ်။

ဒီငွေတွေဟာ ဘုန်းကြီးကို လှူသလို “နဝကမ္မ” သဘော သုံးချင်ရာ သုံးဖို့ လှူလိုက်တာမဟုတ်။ ဘယ်နေရာတွေမှာ ဘယ်လိုသုံးသလဲ ဆိုတာကို စာရင်းပြဖို့ လိုပါတယ်။ ဒီငွေတွေဟာ မိုးပေါ်က ကျလာတဲ့ ငွေတွေ မဟုတ်။ အနောက်နိုင်ငံတွေမှာ နေထိုင်နေတဲ့ ပြည်တော်ပြန်တွေ အပါအဝင် သက်ဆိုင်ရာ နိုင်ငံသူနိုင်ငံသားတွေ ပေးထားတဲ့ အခွန်ငွေတွေ ဖြစ်ပါတယ်။ ဒီအတွက် အခုလို လာဘ်စားမှုတွေဟာ တစ်နေ့မဟုတ် တစ်နေ့ ပြဿနာ အကြီးကြီး တက်လာနိုင်ပါတယ်။

ဒါကြောင့် လာဘ်စားမှုကို ယဉ်ကျေးမှုတစ်ရပ် ဖြစ်နေပြီ၊ အသက်မွေးဝမ်းကျောင်း အတတ်ပညာတစ်ခု ဖြစ်နေပြီဆိုပြီး ပေါ့ပေါ့ဆဆထား လို့မရပါ။ ဒါဟာ တစ်နိုင်ငံလုံးကို ချွတ်ချုံကျစေတဲ့ ဘေးဆိုးကြီးတစ်ခု ဖြစ်တယ် ဆိုတာကို အားလုံးက လက်ခံသဘောတူဖို့ လိုလာနေပါတယ်။ အစိုးရ ဝန်ကြီးတွေဘက် ပြုပြင်ဖို့လိုသလို သာမန် နိုင်ငံသားတစ်ဦးချင်းစီကလည်း ပြုပြင်ဖို့ လိုနေပါတယ်။ အဲဒီလို အခြေခံစိတ်ထားလေးတွေ မပြုပြင်နိုင်သေးသရွေ့ကတော့ ဘယ်လိုပဲ ကော်မရှင်တွေဖွဲ့ဖွဲ့ အလုပ်ဖြစ်ဖို့ မလွယ်သေးပါ။ ဒီမိုကရေစီလမ်းကြောင်းဆီ တက်လှမ်းရေး၊ နိုင်ငံတိုးတက် ဖွံ့ဖြိုးရေး စီမံကိန်းတွေကို လာဘ်စားခြင်းယဉ်ကျေးမှုက နောက်ပြန်ဆွဲချနေဦးမှာ ဖြစ်ကြောင်း တင်ပြလိုက်ရပါတယ်။

ထက်အောင်ကျော်
Ref:thevoicemyanmar

HORROR MOVIES 2014 - NEW SUSPENSE FILM ABOUT GlRLS Full HD English Subtitle-Wen Xin

 This movie about a school for exotic mystery, gloom and mysterious death at 415/4 room, roommate once who died a strange way. After 3 girls in the detection of these are made by one person, they immediately faced with imminent danger, .....

မြန်မာအစားအသောက်တွေမှာပါဝင်သော ကယ်လိုရီတွေ

Weight လျှော့ချင်တဲ့  မော်ဒယ်လေးလိုလှချင်တဲ့ ရွှေမမသူငယ်ချင်းတို့...

သိပ္ပံနည်းကျအဖြစ်ဆုံး၊ အမှန်ကန်ဆုံးဝိတ်လျှော့နည်းဟာ Input အဖြစ်ဝင်လာတဲ့ အစားအသောက်ကရတဲ့ ကယ်လိုရီကို နည်းအောင်ထိန်းစားသောက်ပြီး၊ Output အဖြစ် လောင်ကျွမ်းသွားအောင် လှုပ်ရှားမှုများများလုပ်ပေးခြင်းဖြစ်တဲ့အတွက် နေ့စဉ်စားသောက်နေတဲ့ အစားအသောက်တွေရဲ့ ကယ်လိုရီပါဝင်မှုတွေကို ယေဘူယျသဘောတော့ သိထားရင် အကျိုးရှိပါလိမ့်မယ်။ လှုပ်ရှားမှုများတဲ့ လူငယ်တွေအတွက် မလိုပါဘူး။ ၃၀ ကျော်တွေကတော့ ဆီချက်တစ်ပွဲစားလိုက်လို့ ဝင်လာတဲ့ ကယ်လိုရီပမာဏကို ကျေပျက်ဖို့ မိနစ် ၄၀ လောက်လမ်းလျှောက်တဲ့လှုပ်ရှားမှုမျိုး လိုအပ်ကြောင်း နည်းနည်းသတိပြုဖို့လိုပါတယ်။

ဒီစာရင်းလေးကြည့်လိုက်ရင် စားချင်သောက်ချင်စိတ်ကုန်သွားမယ်။

ကျွန်တော်တို့ သတိမထားမိတာတွေအများကြီး ဒီမှာပါတယ်။

ဥပမာ၊ အုန်းနို့ခေါက်ဆွဲတစ်ပွဲထက် ရှမ်းခေါက်ဆွဲတစ်ပွဲက ကယ်လိုရီပိုများတာ၊ ဒန်ပေါက်တစ်ပွဲထက် ကြေးအိုးတစ်ပွဲက အများကြီးပိုများတာမျိုးပေါ့။ ( အောက်ပါစာရင်းအတွက် Roche Myanmar Co.,Ltd ကို ကျေးဇူးတင်ပါတယ်)

Ref:https://www.facebook.com/KyawZawLin?pnref=story

ရွှေဖုန်း ကာဗာများ အထက်တန်းလွှာများကြား ရေပန်းစား

မန္တလေး အောင်သမာဓိရွှေဆိုင်မှ ရွှေဖြင့်ပြုလုပ်ထားသည့် ဖုန်းကာဗာအား တွေ့ရစဉ်။ ဓာတ်ပုံ - ခွန်စိုင်းအောင်

မန္တလေး ၊ ဇန်နဝါရီ ၁၃

ယနေ့ခေတ်တွင် မိုဘိုင်းဖုန်းများ ကို ဆက်သွယ်မှုအတွက် အပြင် ခေတ်ပေါ်ဖန်စီ အသုံးအဆောင် ပစ္စည်း တစ်ခုအဖြစ်လည်း ကိုင် ဆောင်လာကြရာ ရွှေဖြင့်ပြုလုပ် ထားသည့် ဖုန်းကာဗာများမှာ ဈေးကွက် တွင် နေရာရ လာပြီး အထက်တန်း လူတန်းစားများ ကြားတွင် အသုံးပြုသူများပြား လာကြောင်း သိရသည်။

ရွှေဖြင့်ပြုလုပ်ထားသည့် မိုဘိုင်း ဖုန်းကာဗာများမှာ ဒီ ဇိုင်းနှင့်အလေးချိန်အမျိုးမျိုး ရှိရာ လက်ရှိတွင်အိုင်ဖုန်း နှင့် ဆမ်ဆောင်း S3 အတွက် ကာ ဗာ များကို အများဆုံးပြုလုပ် ပေးရလျက်ရှိပြီး ဝယ်ယူအသုံး ပြုသူ များပြားသောကြောင့် ဖုန်း ကာဗာများ ကို ချက်ချင်း မရနိုင်ဘဲ ရက်ချိန်းယူကာ စောင့်ရမည်ဖြစ်ကြောင်း မြန် မာနိုင်ငံတွင် မိုဘိုင်းဖုန်းရွှေ ကာဗာများကို ပထမဦးဆုံးအ ဖြစ် တီထွင် ထုတ်လုပ်သည့် မန္တလေးမြို့ အောင် သမာဓိ ရွှေဆိုင်မှ ပိုင်ရှင်ဖြစ်သူ မဖြူဖြူ အောင်က ရန်ကုန်တိုင်းမ် နေ့ စဉ်သတင်းစာသို့ ပြောသည်။

““ဖုန်းကာဗာပြုလုပ်တဲ့ ရွှေကို ၁၅ပဲရည် အသုံးပြုထား ပြီး အလေးချိန်အနေနဲ့ကတော့ ကာဗာတစ်ခုကို သုံးကျပ်သား ရှိပါတယ်။ ဆမ်ဆောင်း Note တို့လို မျက်နှာပြင်ကြီးတယ် ဆိုရင်တော့ ရွှေကိုအလေး ချိန် လေးကျပ်သားကျော်လောက်အ ထိအသုံး ပြုရပါတယ်။ ဖုန်း ရွှေ ကာဗာတွေကို ထုတ်လုပ်ဖြစ် သွားတာကတော့ ဈေးဝယ်တစ် ဦးကနေ သူကိုင်ထားတဲ့အိုင် ဖုန်းကို ရွှေနဲ့ကာဗာပြုလုပ်ပေး ဖို့လာ အပ်တာကို လက်ခံဖြစ် သွားရာကနေ ဆက်လက်ပြီး တော့တောင်းဆိုမှုတွေလဲရှိ လာတာ ကြောင့် ထုတ်လုပ်ဖြစ် သွားတာပါ။ လောလောဆယ် တော့ အောင်သမာဓိရွှေဆိုင် တွေမှာပဲ ကာဗာတွေကိုရောင်း ချပေးပြီး ပစ္စည်းတင်တာနဲ့ တင်သလောက်ကို အရောင်း သွက်နေတာကြောင့် ဝယ်ချင်တဲ့ သူတွေကို ရက်ချိန်းပေးစောင့် ခိုင်း ထား ရပါတယ်။ ကိုင်ဆောင် သူတွေထဲမှာဆိုရင် အမျိုးသား တွေလဲပါဝင်ပြီး သူတို့ကရွှေ ကို အမျိုးသမီးတွေလို လက် ဝတ်ရတနာအဖြစ် ဝတ်ဆင်မှု နည်းတာကြောင့် ဒီကာဗာကို တန်ဖိုးကြီးအသုံးအဆောင်အ ဖြစ် အသုံးပြုလာတာဖြစ်ပါ တယ်” ဟု ယင်းကရှင်းပြသည်။

မိုဘိုင်းဖုန်းရွှေကာဗာ ဒီ ဇိုင်းအနေဖြင့် ၁၅မျိုးရှိရာ မျက် နှာပြင်တွင် ကနုတ်ပန်းခက်များ ဖြင့် ပုံဖော်ထားပြီး ဝယ်ယူသူ စိတ်တိုင်းကျကုမ္ပဏီ၊ လုပ်ငန်း၊ နာမည်တံဆိပ်များကိုလည်း ပုံဖော်ပေးရာ လက်ရှိပြည် တွင်း ရွှေဈေးနှုန်းအရ အိုင်ဖုန်းရွှေကာဗာ တစ်ခုလျှင် ကျပ်သိန်း ၂ဝဝန်းကျင်ဈေးရှိပြီး ရွှေဖြင့် ပြုလုပ်ထား သည့် ရွှေခြုံလွှာ နှင့် လက်ကိုင်အိတ်များကို လည်း ထုတ်လုပ်ပေးလျက်ရှိ ကြောင်း အောင်သမာဓိရွှေဆိုင် မှ သိရသည်။

ခွန်စိုင်းအောင်

Yangon Media Group

အရေပြားကို ဘရပ်ရ်ှနဲ့ တိုက်ပေးသင့်တဲ့အကြောင်းရင်း

ခန္ဓာကိုယ်တစ်ခုလုံးမှာ အကြီးဆုံးအစိတ်အပိုင်းဖြစ်တဲ့ အရေပြားဟာ အသည်း၊ ကျောက်ကပ်နဲ့ အူမတို့လိုပဲ ခန္ဓာကိုယ်တွင်း အဆိပ်အတောက်တွေဖယ်ရှားပေးပါတယ်။ အရေပြားတင်သာ မက ခန္ဓာကိုယ်တစ်ခုလုံး ကျန်းမာရေးအတွက်ကောင်းကျိုးပြုတဲ့ အရေပြားကို ဘရပ်ရ်ှနဲ့ပွတ်ပေးတဲ့ အလေ့အထတစ်ခုအကြောင်းမျှဝေချင်ပါတယ်။

ရှေးဟောင်းနည်းလမ်းတစ်ခုဖြစ်ပြီး ရိုးရှင်း လွယ်ကူစွာပြုလုပ်နိုင်တာမို့ ဘယ်လို လုပ်ဆောင်နိုင်တယ်ဆိုတာ ဖော်ပြလိုက် ပါတယ်။ အရေပြားကို ဘရပ်ရ်ှနဲ့ တိုက်ပေးခြင်းဖြင့် ဆဲလ်သေတွေကို ဖယ်ရှားပေးပြီး ဆဲလ်အသစ်ပြန်ဖြစ်စေ တာကြောင့် ချောမွေ့တင်းရင်းတဲ့ အသားအရေပိုင်ဆိုင်နိုင်မှာပါ။

ဒီလိုလုပ်ပေးခြင်းဖြင့် ခန္ဓာကိုယ်ထဲကို အာဟာရဓာတ်တွေ ပိုမိုစုပ်ယူပေးနိုင်ပြီး သွေးလည်ပတ်မှုကိုလည်း ကောင်းမွန်စေပါတယ်။

ဘရပ်ရ်ှနဲ့တိုက်တာကြောင့် အရေပြားကစွန့်ထုတ်လာတဲ့ အဆိပ်တွေကိုဖယ်ရှားသလိုဖြစ်ပြီး အရေပြားမှာကပ်ငြိနေတဲ့ ပိုးမွှားတွေကိုလည်း သန့်စင်ပေးကာ ကိုယ်ခံစွမ်းအားကိုကောင်းမွန်စေ ပါတယ်။ နောက်တစ်ချက်ကတော့ စိတ်ဖိစီးမှုလျော့ကျစေခြင်းပါ။ တိတ်ဆိတ်ငြိမ်သက်တဲ့နေရာမှာ ခန္ဓာကိုယ်အနှံ့ ဘရပ်ရ်ှလေးနဲ့ ပွတ်ပေးတာက စိတ်သက်သာရာရစေပြီး ခန္ဓာကိုယ်ကိုနှိပ်နယ်ပေး သလိုမျိုးဖြစ်စေပါတယ်။

အိမ်မှာကိုယ်တိုင်လုပ်ကြည့်ဖို့အတွက် ကိုယ့်အရေပြားနဲ့ သင့်လျော်မယ့်အနေတော်အရွယ် မမာလွန်းတဲ့ဘရပ်ရ်ှလေးတစ်ခု ရွေးချယ်ဖို့လိုပါမယ်။ ကျောနောက်ဘက်တွေပါပွတ်တိုက်နိုင်ဖို့ လက်ကိုင်ရှည်တဲ့ဘရပ်ရ်ှဆိုရင် ပိုပြီးသင့်တော်ပါတယ်။ ရေချိုးခန်းထဲ ရေလောင်းမချခင်မှာ ခြေထောက်ကစလို့ ခန္ဓာကိုယ်အပေါ်ပိုင်းအနှံ့ သုံးမိနစ်ကနေ ငါးမိနစ်အထိ ပွတ်တိုက်ပေးပြီးရင်တော့ ရေလောင်းချိုးနိုင်ပါတယ်။ မနက်အစောပိုင်း(ဒါမှမဟုတ်) နေ့ခင်းပိုင်းအချိန်တွေမှာ ပြုလုပ်တာပိုသင့်တော်ပြီးတစ်နေ့နှစ်ကြိမ်ပြုလုပ်နိုင်ရင်တော့ ပိုကောင်းပါတယ်။ တစ်ခုသတိထားရမှာက မျက်နှာအရေပြားက နူးညံ့တာမို့ မျက်နှာကိုဘရပ်ရ်ှနဲ့ပွတ် တာတော့ရှောင်ရပါမယ်။

Ref:healthyandnaturalworld.com

Source:7daydaily.com

လက်ရှိ အမိမြေက ခံလိုက်ရတဲ့ စီးပွားရေးအတွေ့အကြုံ

အမိမြေက ကိုယ်ပိုင်စီးပွားလုပ်ဘူးသူတိုင်းကြုံတွေ့နေရသော လူကြီးတွေကို ဖာခေါင်းမဖြစ်ရုံသမယ်လုပ်နေ ရတဲ့ ကုမ္မဏီသူဌေးတွေရဲ့ တကယ်အဖြစ်မှန်တွေပါ...မယုံမရှိနှင့် လက်တွေ့ပါ.....
အခုခေတ်စီးပွားရေးသမားတွေက အာဏာရှိလူကြီးတွေကို ငွေပေးရုံနှင့်မပြီးပါဘူး အရက်သောက် ရင်လဲ ကောင်မလေးငယ်ငယ်လေးတွေနှင့်မူးရင် နိုက်ဂလပ်၊ ဂေါက်ဂလပ်သွား မော်ဒယ်ချောချောလေးနှင့် ချိပ်ထားရပြီး စပေါင်ဆာပေးနိုင်မှ တော်ရကျတဲ့  ခေတ်ပါ....ဒီလိုလုပ်ထားနိုင်သူတွေ အောင်မြင်နေတာကို သင်တို့တွေ့လိမ်မယ်..... ဘယ်သူမှခတ် ကင်းကင်းနေလို့မရပါဘူး...

ကျွန်တော် ကြိုးစားခဲ့တဲ့ BUS တွေပေါ်မှာ အလိုလျောက် ငွေပေးချေစနစ်သုံး AFC စီမံကိန်း

ကျွန်တော် ကုမ္ပဏီက ဟောင်ကောင် အခြေစိုက် အရှအဆင့် ၁၊ ကမ္ဘာ့အဆင့် ၃ ရှိတဲ့ ACS smart card Corporation ရဲ့ မြန်မာနိုင်ငံဆိုင်ရာ ကိုယ်စားလှယ်ဖြစ်ပါတယ်။ ကျွန်တော် ဒီ ACS ကုမ္ပဏီရဲ့ တစ်ဦးတည်း ကိုယ်စားလှယ်ရရှိခဲ့တာ ၂၀၀၉ ခုနှစ်မှာပေါ့။ ACS က လက်ရှိ စင်္ကာပူတစ်နိုင်ငံလုံးမှာ ရှိတဲ့ ATM တွေ အားလုံးထဲက smart card ဖတ်စက်တွေကို ရောင်းချပေးနိုင်လောက်တဲ့အထိ အောင်မြင်ပါတယ်။ ကမ္ဘာပေါ်က ထိပ်တန်း ATM ကုမ္ပဏီကြီးတွေဖြစ်တဲ့ NCR တို့ Wincor Nexdof တို့နဲ့လည်း အလွန်ခိုင်မာတဲ့ partner တွေပါ။ စင်္ကာပူနိုင်ငံက Ezlink ဆိုတဲ့ BUS ကား MRT station တွေမှာရှိတဲ့ အလိုလျောက်ငွေပေးချေတဲ့ စနစ်ကိုလည်း ထောက်ပံ့ပေးထားတာပါ။ ACS က ထုတ်တဲ့ Ezlink ကို အသုံးပြု top up လုပ် ငွေပေးချေနိုင်တဲ့ smart card reader တွေကို Simlim Square မှာ တွေ့နိုင် ဝယ်နိုင်ပါတယ်။ နောက်ပြီး ဟောင်ကောင်က EZlink ကုမ္ပဏီဖြစ်တဲ့ Octopus ငွေပေးချေစနစ်မှာလည်း ပါဝင်ဆောင်ရွက်ထားပါတယ်။ ဒါ့အပြင် မလေးရှားနိုင်ငံက tap to pay ငွေ ပေးချေစနစ်လည်း ACS က လုပ်ပေးခဲ့တာပါ။

ဆိုလိုတာက ACS ကုမ္ပဏီရဲ့ smart card ငွေပေးချေစနစ် အတွေ့အကြုံဟာ ဆယ်စုနှစ်များစွာ ရှိခဲ့ပါပြီ။ ဒီအတွေ့အကြုံတွေကြောင့်လည်း အများပြည်သူ ရင်ဆိုင်နေရတဲ့ အခက်အခဲတွေကို အောင်မြင်စွာကျော်လွှားနိုင်ခြင်း security နဲ့ ပတ်သက်တဲ့ လုံခြုံရေး ငွေကြေးစိတ်ချရမှု အပိုင်းတွေမှာလည်း အတွေ့အကြုံပြည့်ဝစွာ ရှိခဲ့ပါပြီ။ ဒီ ACS ကုမ္ပဏီက မြန်မာနိုင်ငံဆိုင်ရာ တစ်ဦးတည်း partner ကိုယ်စားလှယ်အနေဖြင့် ကျွန်တော့်ကို ပေးခဲ့တဲ့ အချိန်မှာပဲ မြန်မာနိုင်ငံရဲ့ transportation စနစ်တွေကို သူတို့ ကြိုးစားခဲ့တဲ့ hong kong နဲ့ Singapore တို့လိုမျိုး အဆင့်မြှင့်တင်ပေးချင်တာပါ။

ဒါကြောင့် သူတို့က အဲဒီအချိန်က အစိုးရကို zero investment plan နဲ့ ချင်းကပ်ခဲ့ပါတယ်။ zero investment plan ဆိုတာ နိုင်ငံတော်နဲ့ ပြည်သူက တစ်ပြားမှ စိုက်ထုတ်စရာ ရင်းနှီးစရာမလိုပဲ ကျွန်တော့် ကုမ္ပဏီနဲ့ ACS corporation တို့က အလုံးစုံ ကုန်ကျခံဆောင်ရွက်မယ့် စီမံကိန်းပါ။ ACS corporation က HSBC bank နဲ့ မိတ်ဖက် partner တွေဖြစ်လို့ finical က အထူးတောင့်တင်းပါတယ်။ ပြီးတော့ hong kong stock share ဈေးကွက်မှာလည်း တန်းဝင်ကုမ္ပဏီတစ်ခု ဖြစ်တဲ့အပြင် Forbes magazine ရဲ့ အမေရိကန်ဒေါ်လာ 1 billion အောက် အအောင်မြင်ဆုံးသော ကုမ္ပဏီ အခု ၄၀ မှာလည်း ထိပ်ဆုံးမှာ အရွေးခံရအောင် အောင်မြင်မှု ရှိတဲ့ ကုမ္ပဏီပါ။

ဒီစီမံကိန်းကို စတင်ဆောင်ရွက်ဖို့ အဲဒီအချိန်မှာ ကျွန်တော် မထသမှာ သွားပြီး presentation ပြုလုပ်ခဲ့ပါတယ်။ ဒါပေမယ့် မထသဆိုတာ ယဉ်ပိုင်ရှင်တစ်ဦးချင်းစီ ပိုင်ဆိုင်ကြတာမို့ ဒီလို စီမံကိန်းကိုလုပ်ဖို့ အဆင်ပြေမှုတွေ မရှိခဲ့ပါဘူး။ ဒါပေမယ့် အဲဒီအချိန်မှာ ဦးပိုင် ကုမ္ပဏီက ကျွန်တော့်ကို ဆက်သွယ်ခဲ့ပါတယ်။ ကျွန်တော်တို့ကို presentation တရားဝင် ဦးပိုင် ရုံးချုပ်မှာလာလုပ်ဖို့ ဖိတ်ကြားခဲ့တာပါ။ ကျွန်တော်နဲ့အတူ ACS corporation ရဲ့ chairman နှင့် CEO တစ်ဦးဖြစ်တဲ့ Mr. Danny တို့အဖွဲက ပါရမီ ယဉ်လိုင်းမှာ သွားရောက် presentation ပြုလုပ်ခဲ့ပါတယ်။ သူတို့ကလည်း ပြောပါတယ် ကျွန်တော်တို့အပါအဝင် လာပြီး သူတို့ဆီကို presentation လုပ်တာ ၇ ဖွဲ့ရှိတယ်ဆိုတဲ့အကြောင်းပါ။ အဲဒီ ၇ ဖွဲ့ထဲကမှ ပြန်ရွေးမယ်ပေါ့။

ကျွန်တော်တို့ ကိုယ့်ကိုယ်ကို ယုံကြည်မှုအပြည့်နဲ့ပါ။ ရှိခဲ့တဲ့ portfolio လုပ်ငန်း experiences တွေအားလုံးက အလွန်ကို ကောင်းပါတယ်။ သူများတွေထက်လည်း သာပြီးသားပါ။ ပြီးတော့ ဒီစနစ်ကို ကျွန်တော်တို့ ရောင်းချတာ မဟုတ်ပါ။ အစိုးရအတွက် ကျွန်တော်တို့က နိုင်ငံ ဘဏ္ဍာတစ်ပြားမှ မသုံးပဲ ရင်းနှီးပေးမှာပါ။ ၆ လ တိတိ စမ်းသပ်ကာလ သတ်မှတ်ပြီး ဘာအကျိုးအမြတ်တစ်စုံတရာမှ ရယူခြင်းမရှိပဲ လုပ်ဆောင်ပေးမှာဖြစ်ပါတယ်။ မြန်မာပြည်မှာ အောင်မြင်မှ ဆက်လုပ်မှာပါ။ မအောင်မြင်ရင် တစ်ပြားမှ ပြန်မတောင်းပဲ နောက်ဆုတ်သွားမှာဖြစ်ပါတယ်။

အဲဒီလိုနဲ့ အဆင့်ဆင့် ကျွန်တော်တို့ ဖြတ်သန်းလာလိုက်တာ။ ဒီကြားထဲ နည်းပညာဆိုင်ရာ လုံခြုံရေးဆိုင်ရာ အစီအမံတွေကို ဦးပိုင်က တာဝန်ရှိသူတွေ ဗိုလ်မှူးကြီးတွေကို အဆင့်ဆင့် ရှင်းလင်းတင်ပြခဲ့ရပါတယ်။ တကယ်ပါ ကျွန်တော့်အတွေ့အကြုံအရ အဲဒီစီမံကိန်းအတွက် မည်သည့် ကော်မရှင် ငွေကြေး တစ်စုံတစ်ရာကိုမှ ဦးပိုင်ကကော ဗန္ဓုလယဉ်လိုင်းက တာဝန်ရှိ MD နှင့်တကွ director တွေကို ပေးခဲ့ခြင်းမရှိသလို သူတို့လည်း တောင်းဆိုခြင်းအလျင်းမရှိပါ။ သူတို့က တကယ်ကို ဒီစနစ်ကို လုပ်ချင်တယ်ဆိုတာ ကျွန်တော် သိလိုက်ရပါတယ်။ နောက်ဆုံး ၇ ခုထဲမှာ ကျွန်တော်တို့နဲ့ လုပ်ဖြစ်ဖို့ ကျိန်းသေသွားပြီ ဘယ်လို စမယ် ဘယ်လို လုပ်မယ် ဘယ်လို တပ်ဆင်မယ်ပေါ့ အဲဒါတွေကို အသေးစိတ် မေးပါတော့တယ်။

ကျွန်တော်ပျော်ပါတယ်။ မည်သည့် လဒ်လာဘ တစ်စိုးတစ်စဉ်းမှ ပေးစရာမလိုပဲ တရားဝင် ယှဉ်ပြိုင်နိုင်ခဲ့တာပါ။ မြန်မာပြည်ကို ကျွန်တော်တို့ ACS Corporation ရဲ့ ဥက္ကဌ ထပ်ပြီး ပြန်လာပါတယ်။ တာဝန်ရှိသူတွေနဲ့ ထပ်တွေ့ပါတယ်။ အဲဒီအချိန်မှာ ပြင်ပကို ကျွန်တော်တို့လုပ်မယ့် သတင်းက ပျံ့နှံ့သွားပါပြီ။ MRTV 4 ကလည်း ကျွန်တော့်ကို လာတွေ့ပြီး ရိုက်ကူးပါတယ်။ ဘယ်လိုလုပ်မယ်ဆိုတာကို အသေးစိတ်ရှင်းပြပါတယ်။ အဲဒီခေတ်က နာမည်ကျော် ဂျာနယ်အတော်များများကလည်း ကျွန်တော့်ကို ဆက်သွယ်ပါတယ် အင်တာဗျူးပါတယ်။ အင်တာနက်မှာလည်း အလိုလျောက်ငွေပေးချေစနစ်သုံးတဲ့ AFC ကို မြန်မာပြည်မှာ စသုံးမယ်ဆိုတာ ပါနေပါပြီ။ AFC ရဲ့ အရှည်ခေါက်က automatic fares collection ပါ။ ကျွန်တော်တို့ စနစ်နဲ့ ပတ်သက်ပြီး ဝေဖန်တာတွေလည်း တွေ့ရပါတယ်။ ဝေဖန်တာတွေကို ကျွန်တော် မကြောက်ပါ ဘာလို့လဲဆိုတော့ အစိုးရနဲ့ပေါင်းပြီး ညာချတာမဟုတ်ပဲ ကျွန်တော်တို့ စနစ်က လက်ရှိ စင်္ကာပူမှာရော ဟောင်ကောင်မှာပါ အောင်မြင်ပြီးသား ဖြစ်နေလို့ပါ။ ဒါကြောင့် ဝေဖန်မှုတွေနဲ့ ပြည်သူတွေ စိုးရိမ်နေတာတွေ အခြားသော အခက်အခဲပေါင်းများစွာကိုပါ ဖြေရှင်းဖို့အတွက် အသင့်ရှိနေပါတယ်။

ဒီလိုနဲ့…. အစိုးရက ၂၀၁၁ မှာ စပြောင်းပါတော့တယ်…

ကျွန်တော်တို့ စနစ်လည်း စတပ်တော့မယ်ပေါ့ hongkong ဆိပ်ကမ်းမှာ ပစ္စည်းတွေအားလုံး ready to export to Myanmar ဖြစ်နေပြီလေ။ အဲဒီအချိန်မှာ ဗန္ဓုလ သယ်ယူပို့ဆောင်ရေးက ပုဂ္ဂိုလ်တွေက အကြောင်းကြားပါတယ်။ ကျွန်တော်တို့နဲ့ မလုပ်ဖြစ်တော့ဘူး ရန်ကုန်တိုင်း အစိုးရအဖွဲ့က iPay နဲ့ ပဲ လုပ်ကို လုပ်ရမယ်လို့ ပြောပါတော့တယ်။ ကျွန်တော် ပါးစပ်အဟောင်းသား ဟသွားပါတယ်။ ဒါနဲ့ပဲ ဘယ်လိုစနစ်လဲ ipay ဆိုတာ ဘယ်သူတွေလဲ မေးတော့ ဗန္ဓုလက တာဝန်ရှိသူတွေကလည်း သူတို့လည်း မသိသေးဘူး ရန်ကုန်တိုင်း အစိုးရက ချမှတ်ပေးတာလို့ ပြန်ဖြေပါတော့တယ်။ ဒါနဲ့ ကျွန်တော်လည်း ရန်ကုန်တိုင်း အစိုးရအဖွဲ့ရဲ့ လူကြီးဆီ အပြေးအလွှားပြေးပြီး presentation လုပ်ရတော့တာပေါ့။ သူက နားထောင်နေတယ်။ ပြီးတော့မှ မင်းတို့က ငါ့ဆီကို လာမှ မပြောပဲကိုး။ ipay တစ်ခုတည်း ငါ့ကိုလာပြောတော့ ငါက ipay နဲ့ လုပ်တာပေါ့တဲ့။ သူတို့စက်တွေက အမေရိကန်က မှာရမှာတဲ့။ အဲဒီ အဖြေကိုပဲ ကြားလိုက်ရပါတော့တယ်။

Ipay ဆိုတာ ကျွန်တော်တို့ တရားဝင် ပြိုင်ခဲ့တဲ့ ကုမ္ပဏီ ၇ ခုမှာ ပါခဲ့ရင် ကျွန်တော် လက်ခံပါတယ်။ ဒါပေမယ့်ဗျာ ဘယ်ကမှ ဘယ်လိုပေါ်လာမှန်းမသိပဲ ရန်ကုန်တိုင်းအစိုးရအဖွဲ့ကို ဘယ်လိုရှင်းပြပြီး ဘယ်လိုလုပ်လိုက်တယ်မသိ အခြားသော ကုမ္ပဏီ ၇ ပါ မသိလိုက်ပဲ လုပ်ခွင့်ရသွားတာပါ။ ပြီးတော့ သူတို့နောက်ကြောင်းကို စုံစမ်းတော့ အိုင်တီကုမ္ပဏီမဟုတ်ပဲ သွားတိုက်ဆေးတွေ ကော်ဖီမစ်တွေ ထုတ်ရောင်း စီးပွားရှာပြီး အစိုးရကို အခွန်ရှောင်နေတဲ့ လူမျိုးခြားတွေပိုင် နာမည်ကြီး ကုမ္ပဏီကြီး ဖြစ်နေပါရောလားဗျာ။ ကျွန်တော့်ပြိုင်ဖက် အခြားသော ကုမ္ပဏီက ပုဂ္ဂိုလ်တောင် ရင်ဖွင့်သွားတယ် ကိုသစ္စာရယ် ခင်ဗျားလည်း အိုင်တီလုပ်တာ ကျွန်တော်လည်း အိုင်တီလုပ်တာ ဘယ်သူရရပြသနာမရှိဘူး အားလုံး အိုင်တီလောကပဲ။ ခုဟာက ဘာမဆိုင်ညာမဆိုင် အိုင်တီလည်း တစ်ခါမှ မလုပ်ဖူး တင်ဒါလည်းမပြိုင်ပဲ ရသွားတာ ဘယ်လိုလဲဗျာ ဆိုပြီး ငိုချင်းချသွားပါလေရဲ့။ ကျွန်တော်က ပိုကြေကွဲတာပေါ့ဗျာ။ ဒီ ၂၀၀၉ က နေ ၂၀၁၁ အတွင်း ဒီစီမံကိန်းအတွက် ကျွန်တော်တို့ ကြိုးစားခဲ့သမျှ ရင်းနှီးခဲ့သမျှ သွားပြီ။ နောက်ပြီး အမေရိကန်က ပစ္စည်းမှာတယ်ဆိုရအောင် iphone လို ပစ္စည်းမျိုး Mac Book လို အမေရိကန် brand laptop တောင် made in china ဆိုတာ ရန်ကုန်တိုင်းက အကြီးအကဲကြီးများ မသိလို့လားဗျာ။

အဲဒီလိုနဲ့ ဘယ်လို ဘယ်လိုများ လုပ်လိုက်လေမသိ။ တစ်ခါမှ ဘယ်တိုင်းပြည်မှာမှ ဘာ AFC စနစ် အတွေ့အကြုံမှ မရှိသော နာမည်မရှိ iPay ကြီးက ရန်ကုန်တစ်မြို့လုံးရဲ့ သယ်ယူပို့ဆောင်ရေးစနစ်ကြီးကို ရရှိသွားလေသောအခါ… အခု iPay အောင်မြင်နေလား ပြည်သူတွေသုံးနေလားဆိုတာ… အခုလက်ရှိ အဖြစ်အပျက်တွေက သက်သေပါပဲဗျာ… မြန်မာပြည်မှာ တကယ်ကောင်းမွန်တဲ့ စနစ်တွေကို စတင်ဖို့ဆိုတာ ခေတ်ဘယ်လောက်ပြောင်းတာကို စောင့်နေရမလဲလို့ မျှော်လင့်ရင်း…နောက်နေ့ကျရင် ဘဏ်စနစ်တွေ ဘဏ်လို ဖြစ်လာတယ် ဘယ်လို online သွားတယ်ဆိုတာ ထပ်ရေးပါဦးမယ်…

ထောက်ထားစရာတွေရှိလို့ အချို့သော အချက်အလက်များ ပုဂ္ဂိုလ်များ၏ အမည်များအား ချန်လှပ်ထားရှိပါတယ်…

သစ္စာ----https://www.facebook.com/technologyforeveryone/posts/10152743504178303

၂၀၁၅ ခုနှစ် ဇန်နဝါရီလ ၁၁ ရက်

ဟော်မုန်းပါသော သန္ဓေတားဆေးများကြောင့် ဦးနှောက်အကျိတ်ဖြစ်နိုင်သည့် အန္တရာယ်ရှိ

ဟော်မုန်းပါသော သန္ဓေတားဆေးများကို အနည်းဆုံး ငါးနှစ်အထိ သုံးစွဲသော အမျိုးသမီးငယ်များတွင် ရှားပါးသည့် ဦးနှောက်အကျိ်တ် တစ်မျိုးဖြစ်လာနိုင်သည့် အန္တရာယ်ပိုများလာနိုင်ကြောင်း လေ့လာမှု အသစ်တစ်ခုက ဖော်ပြသည်။

သောက်ဆေးများ အပါအ၀င် ဟော်မုန်းပါသော တားဆေးများ တွင် အမျိုးသမီးလိင်ဟော်မုန်း များပါဝင်ပြီး ကမ္ဘာတစ်ဝန်း အမျိုး သမီးများစွာ အသုံးပြုနေကြသည်။ ဂလီယိုမာဟုခေါ်သော အကျိတ် နှင့် အခြားဦးနှောက်အကျိတ်များ ဖြစ်ပွားရခြင်း အကြောင်းရင်းများကို သိရှိမှု နည်းသော်လည်း အမျိုးသမီးလိင်ဟော်မုန်း များကြောင့် ကင်ဆာရောဂါ ပုံစံအချို့ ဖြစ်နိုင်သည့်အန္တရာယ်ပိုများလာနိုင် ကြာင်း အထောက်အထားအချို့ ရှိသည်။

ကိုယ်ဝန်ဆောင်သော အသက်အရွယ်ရှိသည့် အမျိုးသမီးများ တွင် ဟော်မုန်းပါသော သန္ဓေတားဆေးသုံးသူများ အပါအ၀င် လူတစ်သိန်းလျှင် ငါးဦးမှာ ဂလီယိုမာဟုခေါ်သော ဦးနှောက်အကျိတ် ရောဂါနှစ်စဉ်ဖြစ်ပွားမှုရှိကြောင်း စာရင်းဇယားများအရ သိရသည် ဟု ဒိန်းမတ်နိုင်ငံ အိုဒန်ဆီဆေးတက္ကသိုလ်မှ သုတေသီဒေးဗစ်ဂိတ်စ် က ပြောသည်။

အမျိုးသမီးများအတွက် အကောင်းဆုံး သန္ဓေတားနည်း ရွေး ချယ်ရာတွင် အထောက်အကူဖြစ်စေရန် သန္ဓေတားဆေးရေရှည် အသုံးပြုမှုကို ဆက်လက်လေ့လာစိစစ်ရန် အရေးကြီးကြောင်း သုတေသီများက ပြောသည်။

ယခုလေ့လာမှုတွင် အသက် (၁၅)နှစ်မှ (၄၉)နှစ်အထိ အ မျိုးသမီးများကို လေ့လာခဲ့ခြင်းဖြစ်ပြီး ၂၀၀၀ ပြည့်နှစ်နှင့် ၂၀၀၉ ခုနှစ်ကြား ဦးနှောက်အကျိတ်ဖြစ်ပေါ်မှုများကို စစ်ဆေးခဲ့သည်။

ယင်းကဲ့သို့ ဦးနှောက်အကျိတ်ဖြစ်ပေါ်သူ ၃၁၇ ဦးကို သုတေသီ များ စစ်ဆေးတွေ့ရှိခဲ့ပြီး အသက်အရွယ်တူသူများ၊ ဟော်မုန်းပါသော သန္ဓေတားဆေးသုံးသူများ စသည်ဖြင့် ခွဲခြား၍ နှိုင်းယှဉ်လေ့လာခဲ့ခြင်း ဖြစ်သည်။

ယခုလေ့လာမှုကို ဗြိတိန်ဂျာနယ် Clinical Pharmacology တွင် ဖော်ပြထားသည်။

Ref.7daynewsjournal

သင်္ကြန်တွင်း အရေးပေါ် သန္ဓေတားဆေးများ အရောင်းမြင့်

နှစ်သစ်ကူးကာလ သင်္ကြန်ရက်များတွင် အရေးပေါ် သန္ဓေတားဆေး များရောင်းအားသုံး၊လေးဆခန့်အထိမြင့်တက်ခဲ့ကြောင်းရန်ကုန်မြို့တော်  အတွင်းရှိ ဆေးပစ္စည်းအရောင်းဆိုင်များထံမှ စုံစမ်းသိရှိရသည်။

"ပုံမှန် တစ်ရက်ကို ဆေးကတ် လေးကတ်လောက်ရောင်းရတယ်ဆိုရင် သင်္ကြန် ရက်အတွင်း ၁၆ ကတ်၊ ၁၈ ကတ်လောက်ရောင်းရတယ်" ဟု အနော် ရထာ လမ်းမပေါ်ရှိ ဆေးပစ္စည်းအရောင်း ဆိုင်တစ်ဆိုင်မှ အသက် ၃၀ အရွယ် အမျိုးသား တစ်ဦးကပြောကြားသည်။

"ဆေးလာဝယ်တာ အသက် ၂၀ ကျော်အရွယ်တွေအများဆုံးပဲ" ဟု အနော်ရထာလမ်းမကြီးနှင့် ၃၆ လမ်း အနီးရှိ ဆေးဆိုင်တစ်ဆိုင်မှ အမျိုး သား တစ်ဦးကဆိုသည်။ မြန်မာအမျိုးသမီးများ ရိုးရာ ယဉ်ကျေးမှုနှင့်အညီ ဝတ်စားဆင်ယင်ခြင်း မရှိတော့ဘဲ လူအများ အမြင် မသင့်လျော် သော ဝတ်စားဆင်ယင်ပုံပြောင်းလဲလာ ကြောင်း အမျိုးသမီးအချို့ကဆိုကြသည်။

"ဝတ်တာစားတာတွေ အရမ်းရိုင်း လာကြတယ်" ဟု သင်္ကြန်တွင်းမဏ္ဍပ် ၌ ရေကစားခဲ့သော အမျိုးသမီးတစ်ဦး က ပြောကြားသည်။ "အဝတ်အစား ကို ပေါင်ပဲပေါ်ပေါ်၊ ချက်ပဲပေါ်ပေါ် ဝတ်ချင်သလို ဝတ်ပါ စေ။ အဲလိုဝတ်တာက ပြဿနာမဟုတ် သေးဘူး။ အရက်တွေမူးပြီးတော့ အချစ် နယ်ကျွံတာ က မှ ပြဿနာ" ဟု ကမာရွတ် မြို့နယ် ရွာမကွေ့မှ အသက် ၃၀ အရွယ် အမျိုးသားတစ်ဦးက သုံးသပ်သည်။

အနောက်တိုင်းနှင့်ကိုရီးယား ရုပ်ရှင် များကြည့် ကာ မိမိနိုင်ငံယဉ်ကျေးမှုနှင့် မကိုက်ညီသော ယင်းနိုင်ငံများ၏ လူနေမှုပုံစံယဉ်ကျေးမှုများကို မြန်မာ လူငယ်များ၊ လူမျိုးများအတုခိုး၍ လုပ်ဆောင်လာကြခြင်း၊ သင်္ကြန်ရက် အတွင်း အရက်သေစာ၊ မူးယစ်ဆေးဝါး များ သုံးစွဲခြင်းများကြောင့် ယင်းသို့ မဖြစ်သင့်သော ပြဿနာရပ်များ ပေါ်ပေါက်လာခြင်းဖြစ်ကြောင်း အင်းစိန် မြို့နယ် သီရိစန္ဒာဆေးရုံမှ ဒေါက်တာ မြင့်ဦးက ပြောကြားသည်။

ယင်းသို့ အချစ်နယ်ကျွံကြသူများ တွင် ခေတ်ပညာတတ်သောအမျိုးသမီး များ မပါဝင်နိုင်ကြောင်း၊ ကာရာအိုကေ၊ ကေတီဗီအစရှိသော လုပ်ငန်းများမှ ထိတွေ့ဖူးသော အမျိုးသမီးများဖြစ်နိုင် ကြောင်း၊ သင်္ကြန်ရက်အတွင်းတွင် အဝတ်အစား ဝတ်ဆင်ကြရာ၌ ပုံမှန် ဝတ်ဆင်ခြင်းမျိုးမဟုတ်၍ လိင်ဖောက် ပြန် မှု ပြဿနာများကို ပိုမိုဖြစ်ပွားနိုင် ကြောင်း အထက်ပါပုဂ္ဂိုလ်က သုံးသပ်သည်။

"သင်္ကြန်ရက်ဆိုရင် မူးယစ်ဆေး ဝါးတွေသုံးစွဲ၊ အရက်တွေသောက်ပြီး တော့ ကချင်သလိုက၊ လုပ်ချင်သလို လုပ်ကြတာပဲ။ ရေပက်ထားလို့အေးတဲ့ အချိန်ဖြစ်တဲ့အတွက် ထိတွေ့မှုလည်း ပိုများတယ်။ အဲဒီလိုဆိုတော့ မဖြစ်သင့် တာတွေဖြစ်ကြတာပေါ့" ဟု ဆေးရုံ လုပ်သက် နှစ် ၄၀ ကျော်ရှိ ဒေါက်တာ မြင့်ဦးကရှင်းပြသည်။ "ဆရာတို့တုန်းကဆို မိန်းကလေး တွေ လက်ဖက်ရည် ဆိုင်တောင် မထိုင်ရဲ ကြဘူး။

အခုမိန်းကလေးတွေက ဘီယာ ဆိုင်တောင် ထိုင်နေကြပြီ" ဟု ၎င်းက ပြောကြားသည်။ ယင်းသို့မဆင်မခြင် လိင်ဆက်ဆံ မှုများကြောင့် AIDS ၊ အ သည်းရောင် အသားဝါဘီ၊ စီရောဂါများ၊ ကာလသား ရောဂါများ၊ အရေပြားရောဂါများ၊ သားအိမ်ခေါင်းကင်ဆာ စသည့် လိင်ဆက်ဆံမှုနှင့် ဆိုင်သော ရောဂါ များဖြစ်ပွားနိုင်ကြောင်း ဒေါက်တာမြင့်ဦးက ဆိုသည်။ "အန္တရာယ်အရှိဆုံးကတော့ HIV လို ကူးစက်ရောဂါဖြစ်မှာရယ်။ ကလေး စွန့်ပစ်တဲ့ပြဿ နာတွေ ပေါ် လာမှာရယ် တွေပါ" ဟု ဒေါက်တာမြင့်ဦးက နောက်ဆက်တွဲလူမှုရေးပြဿနာအချို့ကိုပါ သုံးသပ်ပြောဆိုသည်။

အရေးပေါ် သန္ဓေ တားဆေးများ ကို သုံးစွဲခြင်းကြောင့် ဘေးထွက် အာနိသင်များအနေဖြင့် သွေးဆင်းမမှန်ခြင်း၊ ဟောမုန်းကြောင့် ပျို့အန်မှုများ၊ အားအင်ကုန် ခန်းခြင်း ၊ ခေါင်းမူး ခေါင်း ကိုက်ခြင်း၊ ရင်သားများ နာကျင်ခြင်း၊ ဆီးစပ်နာကျင်ခြင်းများကိုဖြစ်စေ နိုင်ကြောင်း သားဖွားနှင့် မီးယပ် အထူးကု ဆရာဝန်တစ် ဦးဖြစ် သူ ဒေါက်တာဝင်းကို က ပြောကြားသည်။ "ဘယ်သူမှ အဲလိုမျိုးမဖြစ်စေချင် ဘူး။

အဲလိုဖြစ်နေတာကိုလည်း လက်မခံနိုင်ဘူး။ အဝတ်အစားဝတ်တာ စားတာက ခေတ်မီလာပေမယ့် သရုပ် ပျက်နေတာတော့ မကောင်းဘူး။ နောက်ပြီး သန္ဓေ တားဆေးအသုံးပြုတဲ့ လူငယ်တွေများလာရင် ထိန်းချုပ်ဖို့ အသိပညာပေးနိုင်ရမယ်" ဟု သမီးများ ၏ အမေတစ်ဦးဖြစ်သော အသက် ၄၅ နှစ်ကျော်အရွယ် အမျိုးသမီးကြီးတစ်ဦး က မှတ်ချက်ပြုပြောကြားသည်။

မြန်မာနိုင်ငံတွင် နယ်စပ်များမှ ဝင်လာသော အရေးပေါ်သန္ဓေတားဆေး များ တစ်နိုင်ငံလုံးတွင် ပျံ့နှံ့ လျက်ရှိပြီး ယင်းဆေးများကိုသုံးစွဲလျှင် ဆေးအာနိ သင်နည်းပါးကာ အန္တရာယ်များကြောင်း ဆရာဝန်များက သုံးသပ် သည်။မြန်မာနိုင်ငံတွင် လိင်ပိုင်း ဆိုင်ရာ များနှင့် ပတ်သက်၍ ကျန်းမာရေး အသိပညာပေးမှုအားနည်းလျက်ရှိပြီး လိင်ပိုင်းဆိုင်ရာဆက်ဆံမှု များ၏ နောက်ဆက် တွဲရော ဂါပြဿနာ များကို အသိပညာပေးမှု အားနည်းလျက်ရှိ ကြောင်း ဆရာဝန်များကဆိုသည်။ "နိုင်ငံတကာမှာဆိုရင် အသက် ၁၁ နှစ် အရွယ် ကလေးတွေကစလို့ စာ သင်ကျောင်းတွေမှာ ကျန်းမာရေး ပညာပေးတယ်။ မြန်မာနိုင်ငံမှာလည်း အလယ်တန်းအဆင့်လောက်ကနေ ကျန်းမာရေး ပညာပေးတာကို သင် ရိုး ညွှန်းတမ်းတွေမှာ ထည့်ပေးသင့်တယ်။ အဲဒါတွေကတော့ နိုင်ငံ့ခေါင်းဆောင် တွေမှာ တာဝန်ရှိတယ်" ဟု ဒေါက်တာ ဝင်းကိုက သုံးသပ်သည်။

Ref; The Voice Journal