အာရှနိုင်ငံ အတော်များများရဲ့ ဆက်ဆံရေးဟာ စီးပွားရေးအရပြောရင် နွေးနွေးထွေးထွေး ရှိကြပေမယ့် နိုင်ငံရေးအရ ပြော ရင်တော့ အေး တိအေးစက်နိုင်တယ်။
အကြောင်းက ဘာလဲဆိုတော့ အာရှနိုင်ငံများရဲ့ စီးပွားရေး အခင်းအကျင်းဟာ တစ်ဘက်မှာ တိုးတက်စည်ပင်လာသော်လည်း အခြားတစ် ဘက်မှာ အတိတ်သ မိုင်း မြင်းမိုရ်တောင်ကို ဖြတ်ကျော် မတက်နိုင်ဘူး ဖြစ်နေကြတယ်။
၁၉၄၉ ခုနှစ် စာပေဆိုင်ရာ နိုဘယ်ဆုရှင် အမေရိကန် စာရေးဆရာကြီး ဝီလျံဖောက်ကနာ- William Faulkner ပြောခဲ့သလို ''အတိတ်ဟာ ဘယ်တော့မှ မသေဘူး။ ဘယ်တော့မှလည်း ပျောက်ပျယ်မသွားဘူး-The Past is Never Dead. It's not Even Past'' ဆိုတာ ဟုတ်များဟုတ်နေ သလားတော့ မပြောတတ်ဘူး။
ဒီအတွက် အာရှတစ် လွှားမှာ သာဓကပေါင်း မြောက်များစွာ ရှိတယ်။ အိန္ဒိယနဲ့ ပါကစ္စတန်၊ တရုတ်နဲ့ အိန္ဒိယ၊ ဗီယက်နမ်နဲ့ တရုတ်၊ တရုတ်နဲ့ ဂျပန်၊ ဂျပန်နဲ့ တောင်ကိုရီးယား၊ ဖိလစ် ပိုင်နဲ့ဂျပန် ...။
ဒီအာရှနိုင်ငံတွေကြားမှာ စီးပွားရေးအရ ဆက်ဆံရေး အနည်းနဲ့အများ ရှိကြတယ်။ သို့ပေမယ့် အတိတ်ရဲ့ သမိုင်းဖြစ်ရပ်များက ကြား မှာ ကန့်လန့်ခံနေတယ်။ ဒီတော့ စီးပွားရေးက တိုးတက်သင့်သလောက် မတိုးတက်ဘူး။ နိုင်ငံတိုင်းမှာ အမျိုးသား အကျိုးစီးပွား- National Interest အတွက် စီးပွားရေးမူဝါဒ- Economic Policy နဲ့ နိုင်ငံခြားရေးမူဝါဒ- Foreign Policy များ ချမှတ်ထား ကြ တယ်။ နိုင်ငံအချင်းချင်း ဆက်ဆံရေးများဟာ ဒီမူဝါဒတွေအပေါ် မှာ အခြေခံထားကြတယ်။
ဒီကနေ့အာရှနိုင်ငံများအကြားသမိုင်းဖြစ်ရပ်များ ရှေ့တန်းတက်လာရတဲ့ကိစ္စက အထူးသဖြင့် တရုတ်နဲ့ပတ်သက်တယ်။ တရုတ်နိုင်ငံ ဟာ ဆယ်စုနှစ် သုံးခု အတွင်း စီးပွားရေးအရ အကြီးအကျယ် တိုးတက်လာတယ်။ စီးပွား ရေး တိုးတက်လာတော့ စစ်ရေးကိုပါ တိုးချဲ့လာတယ်။ ဒါနဲ့မပြီး သေးဘူး။ ဆယ်စုနှစ်ပေါင်းများစွာ၊ ရာစုနှစ်ပေါင်းများ ချောင်ထိုးထားခဲ့တဲ့ တရုတ်သမိုင်းစာအုပ်ကြီးတွေ ကို လှန်လှောပြီး ဟိုဟာကိုလည်း သူတို့ပိုင်တယ်၊ ဒီဟာကိုလည်း သူ တို့ပိုင်တယ်လို့ လက်ညှိုးထိုး တောင်းဆိုလာတယ်။
ဒါနဲ့ပတ်သက်ပြီး တရုတ်အနေနဲ့ တရုတ်နိုင်ငံကို ဝိုင်းရံထားတဲ့ အိမ်နီးချင်းနိုင်ငံတိုင်းလိုလိုနဲ့ ပြဿနာတွေ ရှိတယ်။ (နောက်တော့မှ ဒီအကြောင်း သီးခြားရေး သားတင်ပြပါဦးမယ်။)
ကနဦးအနေနဲ့ အိန္ဒိယ နဲ့ ပါကစ္စတန် နှစ်နိုင်ငံဆိုရင် အတိတ်ဖြစ်ရပ်များကြောင့် စီးပွားရေးအရ ဆက်ဆံမှု ကျိုးတိုးကျဲတဲပဲ ရှိတယ်။ အိန္ဒိယနဲ့ ပါကစ္စတန်နိုင်ငံများအကြား တိုက်ရိုက်ခရီးသည်တင် လေကြောင်းလိုင်းတောင် မရှိဘူး။ လေကြောင်းနဲ့ သွားချင်ရင် ထိုင်း နဲ့ စင်ကာပူတို့လို နိုင်ငံတွေ ကတစ်ဆင့် သွားကြရတယ်။
တကယ်လို့ အိန္ဒိယနဲ့ ပါကစ္စတန် နှစ်နိုင်ငံအကြား စီးပွားရေးအရ ဆက်ဆံမှု ကောင်းတယ်ဆိုရင် နှစ်နိုင်ငံစလုံးအတွက် စီးပွားရေး အကျိုးအမြတ် ရှိနိုင်တယ်။ ဒါကို နှစ်နိုင်ငံခေါင်းဆောင်များ သိကြတယ်။ စီးပွားရေးဆက်သွယ်မှု တိုးမြှင့်ချင်ကြတယ်။ ဒါပေမယ့် နှစ်နိုင်ငံ ဆက်သွယ်ရေး ကောင်းမွန်မှုကို မလိုလားကြတဲ့ ပါကစ္စတန် အစ္စလာမ်မစ် အစွန်းရောက် အကြမ်းဖက်များက ဖျက်လိုဖျက်ဆီး လုပ်ကြတယ်။
အခုလို နှစ်နိုင်ငံဆက်ဆံရေး အဆင်မပြေ ဖြစ်နေကာဟာ တကယ်တော့ အတိတ်သမိုင်းရဲ့ အရိပ်မည်းကြောင့် ဖြစ်တယ်။ ဗြိ တိသျှတို့ လက်အောက်က လွတ်လပ်ရေးရချိန်မှာ အိန္ဒိယနိုင်ငံကို ဟိန္ဒူနဲ့ မွတ်စလင် ခွဲခြားပိုင်းကန့် ပေးခဲ့တဲ့အတွက် အိန္ဒိယနဲ့ ပါကစ္စတန် နှစ်နိုင်ငံ ဖြစ်သွားခဲ့တယ်။ အဲ ဒီအချိန်ကစပြီး အိန္ဒိယနဲ့ ပါကစ္စ တန် နှစ်နိုင်ငံအကြား စစ်ပွဲအကြိမ် ကြိမ် ဆင်နွှဲခဲ့ကြပြီးပြီ။ အခုအခါ မှာလည်း နှစ်နိုင်ငံ နယ်စပ်မှာ တင်းမာနေကြဆဲပါပဲ။
ဗီယက်နမ်နဲ့ တရုတ်နိုင် ငံများအကြားမှာလည်း ရှည်လျားပြီး ခါးသီးတဲ့ သမိုင်းကြောင်းတွေ ရှိကြတယ်။ မကြာသေးမီကမှ ကွယ်လွန်ခဲ့တဲ့ ဗီယက်နမ်ဗိုလ်ချုပ်ကြီး Vo Nguyen Giap ဆိုရင် ကိုလိုနီနယ်ချဲ့ပြင်သစ်တွေကို အောင်မြင်စွာ တော်လှန် တိုက်ပွဲ ဆင်နိုင်ခဲ့တဲ့ ပုဂ္ဂိုလ်။ ပြီးတော့ Giap ဟာ တောင်ဗီယက်နမ် နယ်မြေထဲက အင်အားကြီးမားတဲ့ အမေရိကန်တပ်များကိုလည်း အပြတ်အသတ် မောင်းထုတ်နိုင်ခဲ့တဲ့အပြင် တောင် နဲ့မြောက် ဗီယက်နမ်ကို ပေါင်း စည်းပေးနိုင်ခဲ့သူလည်း ဖြစ်တယ်။
ဗီယက်နမ်စစ်ပွဲအပြီးမှာ တရုတ်တို့က ဗီယက်နမ်နယ်ပယ်အချို့ကို တရုတ်ပိုင်တယ်ဆိုပြီး ကျူးကျော်ဝင်ရောက် သိမ်းပိုက်ခဲ့ ကြ တယ်။ ဒါကိုလည်း ဗီယက်နမ်တပ်သားတွေက တိုက်ခိုက်ဖယ်ရှား နှင်ထုတ်နိုင်ခဲ့ကြတယ်။ သိပ်ပြီး မကြာမြင့်သေးတဲ့ နှစ်များက တရုတ်ဟာ တောင်တရုတ်ပင်လယ်ထဲက ဗီယက်နမ်ပိုင် ကျွန်းစုကို သူတို့ပိုင်တယ်ဆိုပြီး သိမ်းပိုက် ခဲ့ကြတယ်။ ဗီယက်နမ်ရေတပ် က တရုတ်ရေတပ်သင်္ဘောများကို တိုက်ခိုက်ပေမယ့် အရေးနိမ့်ခဲ့ရတယ်။
ဗီယက်နမ်နဲ့ တရုတ်ဟာ စီးပွားရေးအရ အဆက်အသွယ် ရှိပေမယ့် နိုင်ငံရေးအရ မပြေလည်ဘူး။ ဗိုလ်ချုပ်ကြီး Giap ဟာ သူကွယ် လွန်ချိန် အထိ ဗီယက် နမ်မြေပေါ်မှာ တရုတ်ရဲ့ ရင်းနှီး မြှုပ်နှံမှုတွေကို အမြဲတမ်း ကန့် ကွက်နေခဲ့သူ တစ်ယောက်ပါ။
သမိုင်းကြောင်းနဲ့ဆက်နွယ်ပြီး အာရှမှာ ပေါ်ထွက်လာတဲ့ ပြဿနာတွေအနက် အဆိုးရွားဆုံးကတော့ တရုတ်နဲ့ဂျပန် ထိပ်တိုက်တွေ့ လာခြင်း ဖြစ်တယ်။ ဒီနှစ်နိုင်ငံ ရင်ဆိုင်တွေ့မှုက အာရှအတွက် အင်မတန် အန္တရာယ်ကြီးမားတယ်။ တောင်တရုတ်ပင်လယ်ထဲက ဂျပန်ထိန်းချုပ်ထားတဲ့ Jh Senkaku ကျွန်းစုကလေးကို တရုတ်တို့က သူတို့ပိုင်တဲ့ Diaoyu ကျွန်များ ဖြစ်တယ်ဆိုပြီး သမိုင်း အထောက် အထားတွေ ကိုးကားပြီး တောင်းဆို လာတယ်။ ဂျပန်ကလည်း သမိုင်းကို လှန်လှောပြီး သူတို့သာ ပိုင်တဲ့ ကျွန်းစု ဖြစ် တယ်လို့ ပြောတယ်။ တကယ်တော့ အဲဒီကျွန်းစုကလေး က လူသူမနေတဲ့ ကျွန်းစုကလေး ပါ။
ဒါပေမယ့် တရုတ်တို့ကျူးကျော်လာရင် ဂျပန်တွေက လက်ပိုက်ကြည့်နေဖို့ မလွယ်ဘူး။ ကမ္ဘာ့အလယ်မှာ သိက္ခာအကျခံမှာ မဟုတ်ဘူး။ တစ်ပွဲတစ်လမ်းတော့ စမ်းနိုင်တယ်။ တလောက တရုတ်အနေနဲ့ အရှေ့တရုတ်ပင်လယ်မှာ လေကြောင်း ကာကွယ်ရေး ဇုန်တစ်ခု သတ်မှတ်ပြီး Senkaku ကျွန်းများ ကို အဲဒီဇုန်အတွင်း ထည့်သွင်းခဲ့ တယ်။
သမိုင်းကြောင်းအရ ဂျပန်အနေနဲ့ တရုတ်အပေါ် လွန် ကျူးမှုတွေ ရှိခဲ့တာ မှန်ပေမယ့် ဒါ တွေကို မေ့ပျောက်ကျော်လွှားရေး အတွက် ဂျပန်က ဆောင်ကြဉ်းပေး ခဲ့တာတွေ ရှိတယ်။ Deng Xiao-ping လက်ထက် တရုတ်စီးပွားရေး နိုးထရှင်သန်ရေး စတင်ချိန်မှာ ဂျ ပန်တွေက တရုတ်နိုင်ငံမှာ ယန်းငွေ ထရီလီယံနဲ့ ချီတဲ့ ရင်းနှီးမြှုပ်နှံမှုတွေ လုပ်ခဲ့ပြီး ခေတ်မီနည်းပညာ တက်ကနိုလိုဂျီအချို့ကိုလည်း လွှဲ ပြောင်းပေးခဲ့တယ်။ တစ်နည်းပြော ရင် ဂျပန်က တရုတ်နိုင်ငံကို ဂလို ဘယ်စီးပွားရေး လမ်းကြောင်းပေါ် ဆွဲတင်ပေးခဲ့တယ်။
ဒီလိုဆိုပေမယ့် အတိတ် သမိုင်းကို ဖုံးဝှက်ဖို့ ကြိုးပမ်းတဲ့ ဂျပန်နဲ့ အတိတ်ဇာတ်ကြောင်းကို တူးဆွဖော်ထုတ်ဖို့ ကြိုးစားတဲ့ တရုတ်တို့အကြား Senkaku/Diaoyu ကျွန်းစုကိစ္စမှာ ပက်ပင်း ရင်ဆိုင်တွေ့လာခဲ့ကြတယ်။ ညှိ နှိုင်းဖြေရှင်းလို့ မရရင်တော့ ပြာ သာဒ်မီးလောင်တဲ့အထိ ကြီးထွား သွားနိုင်တယ်။
ဒိလိုပဲ တောင်ကိုရီးယား နဲ့ ဂျပန်တို့ အကြားမှာလည်း အတိတ်သမိုင်းဖြစ်ရပ်များက စကားပြောနေတယ်။ ကိုရီးယား နိုင်ငံဟာ ဂျပန်တွေရဲ့ ကိုလိုနီအဖြစ် နေခဲ့ရတဲ့အပြင် ဒုတိယကမ္ဘာစစ်အတွင်းမှာလည်း ဂျပန် တွေရဲ့ ရက်စက်ကြမ်းကြုတ်မှုကို ခါးစည်းခံခဲ့ကြ ရတယ်။ တောင်ကိုရီးယားနဲ့ ဂျပန်အကြား ကျွန်းပိုင် ဆိုင်မှုနဲ့ ပတ်သက်ပြီး အငြင်းပွားမှု ရှိသလို တောင်ကိုရီးယားနဲ့ တရုတ် အကြား မှာလည်း ကျွန်းပိုင် ဆိုင်မှု ပြဿနာ ရှိနေတယ်။
တရုတ်တို့က အရှေ့တရုတ်ပင်လယ်မှာ လေကြောင်းကာကွယ်ရေးဇုန် သတ်မှတ်တဲ့အခါ တောင်ကိုရီးယား ပိုင် ကျောက်ဆောင်ကျောက်တန်းများကို ဇုန်အတွင်း ထည့်သွင်းခဲ့တယ်။ ဒီတော့ တောင်ကိုရီးယားနိုင်ငံကလည်း သူတို့ ရဲ့ လေကြောင်းကာ ကွယ်ရေးဇုန်သစ်တစ်ခု ဖော် ဆောင်ပြီး အဲဒီ သူတို့ပိုင် ကျောက် ဆောင် ကျောက်တန်းတွေကို သူ တို့ဇုန်အ တွင်း ပြန်လည်ထည့်သွင်း ခဲ့တယ်။ ဒါတွေက နောင်တစ်ချိန် မှာ တောက်လောင်လာနိုင်တဲ့ အတိတ်သမိုင်းရဲ့ မီးကြွင်း မီးကျန် တွေ။
ဂျပန်နဲ့ တောင်ကိုရီးယားဟာ ဒီမိုကရေစီနိုင်ငံတွေ ဖြစ်တယ်။ အမေရိကန် ပြည်ထောင်စုနဲ့ ရင်းနှီးတဲ့ ဆက်ဆံရေးရှိ တယ်။ နှစ်နိုင်ငံစလုံးမှာ အမေရိကန် စစ် စခန်းများ ရှိတယ်။ တရုတ်နိုင်ငံက ကျူးကျော်တိုက်ခိုက်လာရင် ဂျပန် နဲ့ တောင် ကိုရီးယားကို အမေရိ ကန်တို့က အကာအကွယ်ပေးမယ် လို့ ကတိကဝတ် ပေးထားတယ်။ ဒါပေမယ့် နှစ်နိုင်ငံစလုံး အတိတ် သမိုင်း ဝန်ထုပ်ဝန်ပိုးကို ပခုံးပေါ် က ပစ်မချနိုင်ကြဘူး။
ဒီလိုအခြေအနေကို ဂျ ပန်တို့က Seirei Keinetsu လို့ ခေါ်ကြတယ်။ အဓိပ္ပာယ်က အေး စက်စက် နိုင်ငံရေး၊ ပူပူနွေးနွေး စီး ပွားရေးပါတဲ့။ ဒီလိုဆိုပေမယ့် နိုင်ငံ ရေး အေးစက်နေခိုက်မှာ စီးပွားရေး က ရှင်သန်တိုးတက်ဖို့ ခက်ခဲ တယ်။ တရုတ်-ဂျပန်အကြား ကျွန်းပိုင်ဆိုင်မှုပြဿနာ တက်လာ တော့ တရုတ်အစိုးရက တရုတ် ပြည်သူများကို မျက်ကန်း မျိုးချစ် စိတ်ဓာတ် သွတ်သွင်းပေးပြီး တ ရုတ်နိုင်ငံမှာ တည်ထောင်ထားကြ တဲ့ ဂျပန်ကုမ္ပဏီတွေနဲ့ ဂျပန်ကား တွေကို ဖျက်ဆီးပစ်ခဲ့ကြတယ်။
ဒီတော့ ဂျပန်နိုင်ငံအနေ နဲ့ တရုတ်ကို ရင်ဆိုင်နိုင်ဖို့အတွက် စီးပွားရေးမူဝါဒနဲ့ နိုင်ငံခြားရေး မူ ဝါဒများကို စတင် ပြုပြင်ပြောင်းလဲ လာတယ်။ ဗြောင်ကျကျ ပြောရရင် တော့ ဂျပန်နိုင်ငံဟာ စစ်လက်နက် ပြန်လည်တပ်ဆင်ရေးဘက် ရှေးရှု လာတယ်။ ဂျပန်အမျိုးသား အကျိုးစီးပွားအတွက် ဝန်ကြီးချုပ် Shinzo Abe ဦးဆောင်တဲ့ အစိုးရ အဖွဲ့က မဟာဗျူဟာသစ်တွေ ချ မှတ်ခဲ့တယ်။
စီးပွားရေးနယ်ပယ်မှာ အဓိက ပြောင်းလဲခဲ့တဲ့ အချက် တစ်ချက်ကတော့ ဗဟိုဘဏ်ဥက္ကဋ္ဌ သစ် ခန့်အပ်ပြီး ငွေဖောင်းပွမှု သတ်မှတ်ချက်-Inflation Targeting ကို တစ်ရာခိုင်နှုန်းကနေ နှစ် ရာခိုင်နှုန်းအထိ တိုးမြှင့်စေခဲ့ခြင်း ဖြစ်တယ်။ ဆိုလိုချက်ကတော့ ဂျပန်ယန်းငွေကြေးကို တဖြည်းဖြည်း နဲ့ နှစ်ဆမြှင့်တင် ပုံနှိပ်ထုတ်ဝေပြီးမာနေတဲ့ ယန်းငွေတန်ဖိုးကို လျှော့ချရေး ဖြစ်တယ်။ ယန်းငွေ တန်ဖိုး ပျော့သွားမှပဲ ဂျပန်ထုတ်ကုန်ပစ္စည်းတွေကို နိုင်ငံတကာသို့ တင်ပို့ရောင်းချနိုင်မယ်။ ဒီတော့မှ ဂျပန် စီးပွားရေး ဟာ ပြန်လည် တက်ကြွ လာနိုင်တယ်။
နိုင်ငံရေးအရ အဓိက ပြုပြင်ပြောင်းလဲရေးအတွက် ပြင်ဆင်နေတဲ့ အချက်ကတော့ စစ်ပြီး ခေတ် အမေရိကန်တွေ စိတ်တိုင်း ကျ ရေးဆွဲပြဋ္ဌာန်းထားခဲ့တဲ့ ဖွဲ့စည်း ပုံ အခြေခံဥပဒေကို ပြန်လည်ပြင် ဆင်ရေး ဖြစ်တယ်။ ဖွဲ့စည်းပုံ ဟောင်းက ဂျပန်နိုင်ငံရဲ့ စစ်အင်အား ထူထောင်တိုးချဲ့မှုကို ကန့်သတ်ချုပ်ချယ်ထားတယ်။ ဒါကြောင့် ဖွဲ့စည်းပုံကို ပြင်မယ်။ ၂ဝ၂ဝ ပြည့်နှစ် နောက်ဆုံးထား ပြီး ပြင်ဆင်မယ်လို့ အစိုးရက ဆို တယ်။
ခုတောင် အစိုးရအနေ နဲ့ ကာကွယ်ရေးအတွက် ဘတ် ဂျက်အသုံးစရိတ်ကို တိုးမြှင့်နေပြီ။ ကြည်းတပ်၊ ရေတပ်နဲ့ လေတပ် အပြင် ကမ်းတက်မရင်း- Marine တပ်ဖွဲ့များကိုပါ တိုးချဲ့ဖွဲ့စည်း တော့မယ်။ အမျိုးသား လုံခြုံရေး ကောင်စီ ဖွဲ့စည်းပြီးပြီ။ လျှို့ဝှက် ချက်များ မပေါက်ကြားရေးအတွက် ဥပဒေ ပြဋ္ဌာန်းထားတယ်။ သတင်း ထောက်လှမ်းရေးအတွက် မောင်း သူမဲ့ ဒရုန်းလေယာဉ်တွေ တည် ဆောက်မယ်။ ဝယ်ယူမယ်။ တက္က သိုလ်တွေမှာ လုံခြုံရေးပညာ သင် ကြားပေးမယ်။ ဂျပန်ပြည်သူတွေ ကို တိုင်းပြည်ချစ်စိတ် ကြီးထွားရင့် သန်လာအောင် နိုးဆော်မယ်။
ဂျပန်နိုင်ငံရဲ့ မဟာဗျူ ဟာ အပြောင်းအလဲမှာ အရှေ့ တောင်အာရှနိုင်ငံများဟာ ထိပ် တန်းဦးစားပေးအဆင့်မှာ ပါဝင် လာခဲ့တယ်။ ဝန်ကြီးချုပ် အာဘေး ဟာ အာဆီယံအဖွဲ့ဝင် နိုင်ငံများ အားလုံးဆီကို အနည်းဆုံး တစ်ကြိမ်စီလောက်တော့ အလည်အ ပတ် သွားရောက်ခဲ့ပြီးပြီ။ ဒီတော့ အာဘေးဟာ သူ့ရဲ့ မူဝါဒများကို အာဆီယံ ခေါင်းဆောင်ကြီးများ အား ရှင်းလင်းတင်ပြခဲ့ပြီးပြီလို့ ယူ ဆနိုင်တယ်။
အရှေ့တောင်အာရှနိုင်ငံ အတော်များများဟာ ဒုတိယကမ္ဘာစစ်အတွင်းက ဂျပန်တွေရဲ့ ကျူး ကျော်သိမ်းပိုက်မှုကို ခံခဲ့ကြရ တယ်။ ဒါကြောင့် ဒီကနေ့မှာ ဂျပန်နိုင်ငံက ဒီနိုင်ငံများကို စီးပွားရေးနဲ့ စစ်ရေးအရ အကူအညီ အထောက်အပံ့တွေပေးပြီး သင့်မြတ်ဖို့ ကြိုးပမ်းလာတယ်။ ယခင် အခါများထက် ပိုပြီးရင်းရင်းနှီးနှီး ဆက်ဆံဖို့ အားထုတ်လာတယ်။
ပမာအားဖြင့် စစ်ကြီးအတွင်း ဂျပန်တွေရဲ့ဒဏ်ကို အခံခဲ့ရဆုံးဖြစ်တဲ့ ဖိလစ်ပိုင်နိုင်ငံကို အကူအညီတွေ တိုးမြှင့်ပေးလာတယ်။ ဖိလစ်ပိုင်ကပိုင်တယ်ဆိုတဲ့ Scarborough ရေအောက်သောင်ပြင်ကို တရုတ်တို့က သူတို့ပိုင်တယ်လို့ဆိုလာတဲ့အတွက် နှစ် နိုင်ငံ အကြား အငြင်းပွားနေကြတယ်။ ဒီလိုအချိန်မှာ ဂျပန်ကတစ်စင်းကို အမေရိကန်ဒေါ်လာ ၁၁သန်းတန်တဲ့ ကမ်းခြေစောင့် ကင်းလှည့် သင်္ဘောငယ် ၁ဝ စင်း ထောက်ကူပေးခဲ့တယ်။ ဖိလစ်ပိုင် အစိုးရကလည်း ဝမ်းသာအယ်လဲ လက်ခံခဲ့တယ်။
စစ်ကြီးအတွင်းက မြန်မာနိုင်ငံလည်း ဂျပန်လက်အောက် ရောက်ခဲ့ဖူးတယ်။ မြန်မာနိုင်ငံအနေနဲ့ ဒီမိုကရေစီဘက် ကူးပြောင်းလာ တယ်ဆိုတာနဲ့ ဂျပန်က အကြွေးတွေ လျှော်ပစ်တယ်။ အခြားငွေရေးကြေးရေး အခက်အခဲတွေကို ဝင်ရောက်ကူညီဖြေရှင်းပေး တယ်။ ဂျပန်က ပေးခဲ့ပြီးတဲ့ ချေး ငွေနဲ့ ထောက်ပံ့ပေးတဲ့ ငွေဟာ ယန်းငွေ ဘီလီယံ ၉ဝ ကျော်ရှိ တယ်လို့ ဆိုတယ။်
ဒီဇင်ဘာလလယ်လောက်မှာ အာဆီယံနဲ့ ဂျပန်ဆက်ဆံရေး နှစ်လေးဆယ်မြောက် ထိပ်သီးစည်း ဝေးပွဲကို ဂျပန်နိုင်ငံမှာ ကျင်းပခဲ့ တယ်။ အဲဒီအစည်းအဝေးမှာ ဝန်ကြီးချုပ်အာဘေးက အာဆီယံအဖွဲ့ဝင်နိုင်ငံများကို ယန်းငွေ နှစ် ထရီလီယံဖိုးလောက် ထောက်ပံ့ငွေ နဲ့ ချေးငွေပေးဖို့ ရှိကြောင်းနဲ့ မြန်မာနိုင်ငံကို အခြေခံအဆောက်အအုံ တည်ဆောက်ရေးအတွက် နောက်ထပ် ယန်းငွေ ၆ဝ ဘီလီယံ ထုတ်ချေးဖို့ရှိကြောင်း ဂျပန် Kyodo သတင်းအေဂျင်စီက ဖော်ပြခဲ့ တယ်။
ပြီးတော့ ဂျပန်နိုင်ငံဟာ အရှေ့တောင်အာရှနိုင်ငံများမှာ ရင်းနှီးမြှုပ်နှံမှု- Investment ကို မြှင့်တင်တိုးချဲ့လာတယ်။ ၂ဝ၁၃ ခုနှစ် ပထမခြောက်လမှာတောင် ဂျပန်ရဲ့ရင်းနှီးမြှုပ်နှံမှုက ၈၉ ရာခိုင်နှုန်း မြင့်တက်သွားခဲ့တယ်။ ကိန်းဂဏန်းအရဆိုရင် ယန်းငွေ တစ် ထရီလီယံလောက်ရှိတယ်။ ဂျပန်က ကားထုတ်လုပ်တဲ့ စက်ရုံတွေနဲ့ အီလက်ထရွန်နစ်ပစ္စည်း ထုတ်လုပ်တဲ့ စက်ရုံတွေကို အရှေ့တောင် အာရှနိုင်ငံ များဆီ ရွှေ့ပြောင်းလျက် ရှိတယ်။
ဒီလို စီးပွားရေး အလားအလာတွေကြောင့် အရှေ့တောင်အာရှနိုင်ငံတွေက ဂျပန်နဲ့ တရုတ်တို့ ထိပ်တိုက်မတွေ့ကြဘဲ ရှောင် ရှားနိုင်ကြပါစေလို့ ဆုတောင်းနေကြတယ်။ ဂျပန်နိုင်ငံဟာ အဆင့် မြင့်နည်းပညာ ပိုင်ဆိုင်ထားတဲ့ နိုင်ငံဖြစ်တဲ့အတွက် အရှေ့တောင် အာရှနိုင်ငံတွေရဲ့ စီး ပွားရေး ပိုမိုကောင်းမွန်လာဖို့ မျှော်လင့်ချက် အများကြီး ရှိနိုင်တယ်။
တကယ်လို့များ (ဖွဟဲ့ လွဲစေ ဖယ်စေ) တရုတ်နဲ့ ဂျပန် တစ်နေ့နေ့ တစ်ချိန်ချိန်မှာ ထိပ်တိုက်တွေ့ကြရင်ဖြင့် တိုး တက်လာတော့ မယ့် အရှေ့တောင်အာရှ စီး ပွားရေးဟာ ရပ်တန့်သွားပြီး အတိတ်သမိုင်း ရဲ့ ထောင်ချောက်ထဲ သက်ဆင်းသွားနိုင် တယ်။
မင်းရွှေမောင်
Ref: Jaswant Singh : "Many Asian Countries Still Fighting Historical Enmities" , Bangkok
Ref:zaygwet
