ဆောက်ပါလို့လည်းမပြောဘုး မဆောက်နဲ့လို့လည်းမပြောဘူး!
သဘာဝပတ်ဝန်းကျင်မဟုတ်ရင် စဉ်းစားသင့်တဲ့အချက်တချက်!
မန္တလေး စစ်ကိုင်း အလယ်ပိုင်းရေလွှမ်းသွားမယ်။ ဧရာဝတီအထိတောင် ရေလွှမ်းမယ် ဆိုပြီး ပြောတယ်။ မြစ်ဆုံရဲ့ ရေလှောင် မျက်နှာပြင်က ၁၇၃ စတုရန်းမိုင်ရှိပြီး ကချင်ပြည်နယ်အကျယ် ၃၄၃၇၉ စတုရန်းမိုင် ရှိတယ်။ အဆ ၂၀၀နီးပါး ကွာနေတယ်။ မြစ်ဆုံထဲက ရေအကုန်ထုတ်ပြီး ဖြန့်ခင်းလိုက်တာတောင် ကချင်ပြည်နယ် တစ်ခုလုံး ၁ ပေကျော်ပဲ တက်နိုင်မယ်။ ဒါတောင် နက်ရှိုင်းလှတဲ့ ဂျောက်တွေထဲ ရေတွေ ပျောက်သွားမှာ ထည့်မတွက်ထားသလို မြစ်ဆုံဆည်ထဲက ရေလဲ အကုန် မထွက်နိုင်ဘူး။ ပေရာချီထုရှိတဲ့ အောက်ခြေပိုင်းကတော့ ရေထွက်ဖို့ မလွယ်ဘူး။ (သက်တမ်းကုန်လို့ ပြန်ဖျက်တဲ့ ရေကာတာတွေတောင် ဆည်ရေ အကုန်ဖောက်ထုတ်ဖို့ မတတ်နိုင်ဘူး။ အောက်ခြေထုက အရမ်းကြီးမား တာကိုး)
ဒါကို မန္တလေးထိရောက်မယ် မြစ်ဝကျွန်းပေါ်ရောက်မယ် ဘယ်လို တွက်ကြလဲတော့ မသိဘူး။
မြစ်ကြီးနားနဲ့ မြစ်ဆုံက ၂၈ မိုင်ကွာဝေးတယ်။ စက္ကန့် ၂၀ အတွင်းဆိုတော့ တစက္ကန့် ၁.၄ မိုင် တနာရီ ၅၀၄၀ မိုင်တောင် ပြေးနေတာပါ။ အသံရဲ့ အလျင်တောင်မှ တနာရီ ၇၆၈ မိုင်ပဲပြေးတယ်။ အသံထက် ၅ ဆမြန်တဲ့ hypersonic တိုက်လေယာဉ်တွေထက်တောင် မြန်နေတာပဲ။ ဒီလို ကြောက်မက်ဖွယ်ကောင်းအောင် ခြောက်ပြီး ဝါဒဖြန့်ချက်မျိုး ယုံနေတဲ့ သူတွေလဲ ရှိနေတယ်။
မြစ်ကြီးနားထက် ပိုနီးတဲ့ IS တွေ လက်ထဲကျရောက်နေတဲ့ မိုဆူးလ်ဆည် ဖောက်ခွဲခဲ့တောင် ၁၈ မိုင် ဝေးပြီး လူ သန်းနဲ့ချီရှိတဲ့ မိုဆူးလ်မြို့ကို တစ်နာရီ အတွင်း မရောက်နိုင်ဘူးဆိုပြီး US Army က တွက်ထားတယ်။ ရွှေ့ပြောင်းချိန် ရှိတာပေါ့။ ဒီထက် ပိုဝေးတဲ့ မြစ်ကြီးနားကို စက္ကန့် ၂၀ အတွင်းရောက်မယ်ပြောတာ လူထုခြောက်ခြားအောင် ခြောက်လန့်နည်းပဲပေါ့။
ရေကာတာပြိုတယ်ဆို စစချင်း ရေစိမ့်ထွက်တာက စပါမယ်။ ပြီး တဖြေးဖြေး အရှိန်ကောင်းလာမယ်။ ၁၇၃ စတုရန်းမိုင်ရှိတဲ့ ရေထုကြီး အားလုံး ဝေါကနဲ မြို့ပေါ်ဗြုန်းကနဲ ရောက်လာတာမဟုတ်ဘူး။ အရှိန်ဘယ်လောက်နဲ့ ပေါက်ထွက်လဲ။ ရှေ့ဆင့် နောက်ဆင့် ဆည်ပေါက်တဲ့ နေရာကနေ တိုးထွက်ကြမယ်။ အလယ်ပိုင်းက ဆည်ရေတွေ ထွက်ချိန်မှာ ရှေ့ပိုင်းကဆည်ရေတွေ အရပ်ရှစ်မျက်နှာ အဝေးရောက်နေပြီ။
အခုနောက်ပိုင်း ရေကာတာကြီးတွေမှာ ဆင်ဆာပေါင်းများစွာတပ်လာကြပြီ။ အနည်းငယ်လောက် ရေစိမ့်မှုများ ရှိနေချိန်တောင် auto သတိပေးကြတဲ့အတွက် ရွှေ့ပြောင်းချိန် များစွာရပြီး အသေအပျောက် အရမ်းနည်းကြပါတယ်။
ရေကာတာ အများဆုံးဒုက္ခပေးခဲ့တာ ဘယ်လိုမှ မဖြစ်နိုင်တဲ့ မိုးရေချိန်မျိုးရွာချတဲ့ အခါမျိုး ဖြစ်တတ်တယ်။ တစ်နှစ်လုံးရွာတဲ့ မိုးရေချိန်ကို တရက်တည်း ရွာချလိုက်တာမျိုးပေါ့။ ဒါကြောင့် ဒီဇိုင်းတွေကို အနှစ် တစ်သောင်းမှာ ရွာတတ်တဲ့ မိုးရေချိန်မျိုး ခံနိုင်ရည်ရှိအောင်၊ အနှစ် တသောင်းမှာ ဒီဒေသရဲ့ လှုပ်နိုင်တဲ့ အကြီးဆုံးငလျင် ပမာဏကို ခံနိုင်ရည်ရှိအောင် ထည့်သွင်း စဉ်းစားပြီး တည်ဆောက်လာကြတယ်။ (ငလျင်ကို ဝါဒဖြန့်သူတွေ ခြိမ်းခြောက်တာ အများဆုံး ဖြစ်ပေမယ့် ငလျင်ကြောင့် ဆည်ပြို လူသေ ယနေ့ထိ တယောက်မှ မရှိဘူးသေးပါဘူး)
ဝါဒဖြန့်သူတွေကတော့ ရေကာတာကြီးဟာ မှော်တန်ခိုးနဲ့ လုပ်သလိုမျိုး “ဒန့် ဒန် ဒန်” ဆိုပြီး ပျောက်ကွယ်သွားပြီး ပေ ၄၅၀ ကျော်မြင့်တဲ့ ရေတွေ ဝေါကနဲ ကိုယ့်ဆီ တန်းရောက်လာမယ်ပုံ ခြိမ်းခြောက်ကြတယ်။ ကိုယ့်ရည်ရွယ်ချက် အောင်မြင်အောင်ပေါ့။ တိုင်းပြည် လျှပ်စစ်မီးမရ မတိုးတက်တာ သူတို့ ဂရုစိုက်စရာမလိုဘူးလေ... ကိုယ့် တဘို့ပဲ ကြည့်ကြတာကိုး...
credit to Ko Moe Hein
(picture: a dam with 1/2 work quantity of Myitsone, Myitsone dam bottom width is more than 3000 feet)
No comments:
Post a Comment