လဝန်း ၁၀၀ ပေးပါ (သို့မဟုတ်) အတ္တဝေဒနာကိုခံစားခြင်း
=====================================
* ကျုပ်အတွက် ခွဲတမ်းထဲက လက်ကျန်လဝန်း ၁၀၀ ကိုပေးပါ။
* ဘယ်သူပေးထားတဲ့ခွဲတမ်းလဲ---။
* ပုရောဟိတ်ဗေဒင်ဆရာပေးထားတာ---။
* သင်ဗုဒ္ဓဘာသာဝင်မဟုတ်ဘူးလား---။
* ဟုတ်တယ်---ဒါပေမဲ့ ကျုပ်ကပုထုဇဉ်ပဲဟာ---။
* သင်အလိုရှိသလောက် မရနိုင်ဘူး---
'မူ' အရပဲ---။
* ခင်ဗျားရဲ့'မူ' ကဘယ်လိုလဲ---
* သင် ဘာလုပ်ခဲ့သလဲ---
ဘာလုပ်နိုင်သေးလဲ---ဆိုတာတွေပေါ့။
* လောကကို အမည်းရောင်ဆိုးသူတွေ---
အဓမ္မကို ဓမ္မထင်နေသူတွေ---
အမှားကိုအမှန်ထင်နေသူတွေ---
'ငို့ဘ'သမားတွေ---'ငတေ'တွေ---
'လူနပ်'တွေ---'ဖိုးတွမ်တီး(၄၂၀)'တွေ---
* တော်တော့---သိပြီ---။
* အဲလိုလူတွေကျတော့ လဝန်းတွေအများကြီး---
အဲဒါ ခင်ဗျားရဲ့'မူ'နဲ့ကိုက်ရဲ့လား---
* ဒါက ငါနဲ့မဆိုင်ဘူး။
* ဒါဆို ခင်ဗျားက ဘာလဲ---
တန်ခိုးရှင် မဟုတ်ဘူးလား---
* မဟုတ်ဘူး--- 'ငါ'က'သင်'ပဲ။
* ရှုပ်ကုန်ပြီ---
* မရှုပ်ပါဘူး---ငါက သင်ရဲ့'ကံကြမ္မာ'လို့ပြောတာ။
* ထားပါတော့---ကျုပ်ဟာ
လဝန်းခွဲတမ်းကို အပြည့်အဝရထိုက်သူလို့
ခင်ဗျားမထင်ဘူးလား---
* ဒီလိုဆို သင့်ကိုမေးမယ်---
* မေးပါ---
* သင့်ကိုပေးထားတဲ့ လဝန်းတွေကို
သင် ဘာလုပ်ပစ်သလဲ---
* 'သစ္စာ'နဲ့လဲလို့ကုန်သွားပြီ။
* ဘာလဲ---'သစ္စာ'ဆိုတာ---
* တရားမျှတခြင်း၊လွတ်လပ်ခြင်း၊ညီမျှခြင်း---ဆိုတဲ့
'လောကပါလ' တရားတွေပေါ့။
* အဲဒီ'သစ္စာ'ဆိုတာတွေကို ဘာလုပ်ပစ်လဲ---
* လူတွေကို အလကား ဝေပေးလိုက်တာပေါ့။
* သင့်မှာ ဘာအကျိုးတွေရသလဲ---
* ဆင်းရဲပင်ပမ်းမှုတွေ---နစ်နာမှုတွေ---ဆုံးရှုံးမှုတွေ---
ပဋိပက္ခတွေ---အမုန်းတွေ---
* ဖြစ်မှဖြစ်ရပလေ---လူတွေမှာရော---
* ကျေနပ်မှု---ကြည်နူးမှု---ပျော်ရွှင်မှု---
ငြိမ်းအေးမှု---စတာတွေပေါ့။
* သူတို့က သင့်ကိုကျေးဇူးတင်ကြရဲ့လား---
* ကျုပ်မသိဘူး---သူတို့ကိုသွားမေး---
သူတို့ဆီကလည်း ကျုပ်ဘာမျှမမျှော်လင့်ဘူး။
* သင့်ကိုယ်သင် လူမိုက်လို့ မထင်မိဘူးလား---
ရူးတယ်လို့ဆိုရင်ကော---
* ခင်ဗျားက အဲဒီလိုထင်သလား---
အဲဒီလိုဆိုချင်သလား---
ဒါဆို ခင်ဗျားဟာလည်း
ဟိုလူတွေထဲက တစ်ယောက်ဖြစ်မှာပေါ့။
အင်း---ခင်ဗျားပြောသလိုဆိုရင်တော့---
ဒီလောကမှာ လူမိုက်တွေ---သူရူးတွေ---
များလေ ကောင်းလေပဲလို့ ပြောရမလို ဖြစ်နေပြီ။
* သင်လည်း 'ဟိုလူတွေ' လုပ်သလို လုပ်ပါလား---
သူတို့လိုဖြစ်အောင်လေ---
သင့်ကောင်းကျိုးအတွက်ပြောတာပါ။
* မလိုပါဘူးဗျာ---ခုအတိုင်းပဲကောင်းပါတယ်---
လဝန်း ၁၀၀ သာပေးစမ်းပါ။
* သင်လုပ်သလောက် သင်ရမှာပေါ့---
သင်လုပ်တဲ့အတိုင်း သင်ဖြစ်မှာပေါ့---
သင်ပြောတဲ့'ဟိုလူတွေ'အတွက်လည်း ဒီတရားပါပဲ---
တရားဆိုတာ တစ်ခုတည်းပဲရှိတယ်၊
'တစ်ဘဝ'ဆိုတဲ့ 'တစ်ခဏ'လေးကိုပဲ မကြည့်ပါနဲ့။
* ဗုဒ္ဓဘာသာဝင်ပဲဗျာ---ဒီလောက်တော့လည်း သိပါသေးတယ်။
* လဝန်း ၁၀၀ ရရင် သင်ဘာလုပ်မှာလဲ---
* သစ္စာမျိုးစေ့တွေ ကြဲပက်ပေးရဦးမယ်---
နောင်လာနောက်သားတွေအတွက်ပေါ့ဗျာ---
* သင်ရဲ့'သစ္စာတရား'ဆိုတာက 'လောကီပညတ်'တွေပဲ---
သင့်အတွက်'ပရမတ်'ကိုသာ တွေ့အောင်ရှာစမ်းပါ။
* 'ပညတ်'ကိုသိမှတော့ 'ပရမတ်'ကိုလည်း တွေ့ပြီပေါ့ဗျာ---
'ပညတ်'ထဲမှာပဲ'ပရမတ်'ကိုတွေ့အောင်ရှာရမှာပေါ့---
ပေးမှာသာပေးစမ်းပါ---လဝန်း ၁၀၀ ။
"မောင်လှိုင်ငယ်"
ကဲ-ရောင်းရင်းတို့ရေ--အရူးတွေအလိုရှိသတဲ့ဗျ၊အမြန်စာရင်းသွင်းကြပါ။
No comments:
Post a Comment