အမေရိကန်ရောက် အမှန်တွေပြောနေတတ်တဲ့ ဇာဂနာ

မြန်မာပြည်က မတရားမှုတွေကို ရင်ဆိုင်ဆန့်ကျင်မယ့်သူ

ဓာတ်ပုံ-အေအက်ဖ်ပီ

စစ်အာဏာရှင်   လက်အောက်  နှစ်ပေါင်းများစွာ   နေခဲ့ရစဉ်အတွင်း ဇာဂနာက ပြည်သူများကို စိတ်နှလုံးရွှင်ပြုံးစေသူတစ်ဦး ဖြစ် ပါသည်။    ကုလသမဂ္ဂအတွင်း ရေးမှူးချုပ်ဟောင်း ဦးသန့်၏ မြေး ဖြစ်သူဦးသန့်မြင့်ဦးက ဇာဂ နာသည် စိတ်ပညာအရ အရေးပါသော ကဏ္ဍက ပါဝင်ခဲ့သည်ဟုဆိုပါသည်။

‘‘၁၉၈၈ အစပိုင်းမှာလူတွေ က နိုင်ငံရေးအရ ခေါင်းဆောင် ပေးမယ့်သူတွေကို    ရှာတဲ့အခါ သူက ရုပ်ရှင်နယ်က ထွက်လာပြီး အဲဒီလစ်ဟာနေတဲ့ နေရာကို ဖြည့်ပေးခဲ့တယ်။ သူက တကယ့်ကို နာ မည်ကြီးတယ်။ စစ်တပ်မဟုတ်တဲ့ ပရိသတ်တွေတင် မကဘူး။ သာ မန်လူတွေနဲ့ စစ်တပ်ကလူတွေ ကြားထဲမှာပါ သူ့ကိုမကြိုက်ဘဲ နေဖို့ဆိုတာ အတော်ခက်တယ်’’ မြန်မာနိုင်ငံဆိုင်ရာ ဗြိတိသျှသံအမတ်ဟောင်း မစ္စဗစ်ကီဘိုး မင်းက ထောင်ထဲမှာ ဇာဂနာရှိနေစဉ်က ဖြစ်ပျက်ခဲ့သော ဇာတ်လမ်းများက ဒဏ္ဍာရီပုံပြင်ဆန်လှသည်ဟု ဆိုသည်။

‘‘ထောင်ထဲမှာတော့ သူက မင်းသားတစ်ပါးလိုပဲ။ သူကနာ မည်ကြီးပဲ။ အစောင့်တွေကတောင် သူ့ကိုသဘောကျတယ်’’

လန်ဒန်တွင်နေခဲ့သူ စီးပွား ရေးလုပ်ငန်းရှင် ဦးမိုးကျော်ကမူ

‘‘လူတွေက သူ့ကိုတလေး တစား နေရာပေးထားတယ်။ စစ်ဗိုလ်ချုပ်တွေ    အကြောင်း မကောင်းပြောချင်ရင် ဇာဂနာကို ကိုးကားပြောကြတယ်။ စစ်ဗိုလ် တွေကို ဟာသလုပ်ချင်ရင် သူ့ကို အသုံးချကြတယ်။ စစ်ဗိုလ်တွေအ ကြောင်း ဟာသပြောချင်ရင် သူ လုပ်တာ မဟုတ်တာတောင် လူ တွေက ဒါဇာဂနာလုပ်တဲ့ ဟာသ လို့ ပြောတယ်။ စစ်သားတွေက တောင် အဲဒီလိုပြောတယ်’’ဟု ပြောခဲ့သည်။

ဦးမိုးကျော်က မြန်မာပြည် မှာ ပထမဆုံး စီးပွားရေးလမ်း ညွှန်ဖြစ်သည့် အ၀ါရောင်စာမျက် နှာများကို ထုတ်ဝေခဲ့သူ ဖြစ် သည်။ သူက ကြော်ငြာများ ရိုက် ကူးသည့်အခါ ရုပ်သံကြော်ငြာ နောက်ခံစကားပြောသူ  ဇာဂနာနှင့် တစ်ခါတစ်ရံ အတူအလုပ် လုပ်ခဲ့ရသည်။

ဇာဂနာနှင့် ရုပ်ရှင်နှင့် ကြော်ငြာများ  တွဲလုပ်ခဲ့ဖူးသည့် မိတ်ဆွေနှစ်ဦးနှင့်အတူ ယခုနှစ်ဇွန် လမှာ ဦးမိုးကျော်က ပဒုမ္မာစားသောက်ဆိုင်သို့ ကျွန်တော်တို့ကို ခေါ်သွားသည်။   ထိုအထဲတွင် ဦးသန်းထိုက်က ဇာဂနာကို ၁၉၈၀လောက်ကတည်းက သိနေခဲ့သူ ဖြစ်သည်။

သူက အကြံဉာဏ်ကောင်း တွေ ချက်ချင်းထွက်တတ်တယ်။ အဲ့ဒါသူ့ရဲ့ သွေးဗီဇထဲမှာကို ရှိနေ တာ။ သူက   နိုင်ငံရေးမှာရော ဟာသမှာရောပဲ။

သည်နေရာမှာ ဦးမိုးကျော် က ကြားဖြတ်ဝင်ပြောလိုက်ပါ သည်။

‘‘သူက  ခင်ဗျားကို သြဇာ မပေးဘူး။ သူဘယ်လောက်ခံစား ခဲ့ရသလဲဆိုတာ ခင်ဗျာသိပါ တယ်။ ဒါပေမဲ့ သူက ခင်ဗျားကို  ပြုံးပဲ ပြုံးပြတယ်’’

ဇာဂနာပြန်လွတ်လာသည့် ၂၀၁၁ အောက်တိုဘာ ၀န်းကျင်သည် မြန်မာနိုင်ငံကို စောင့်ကြည့်သူအားလုံး တအံ့တသြ ဖြစ်ခဲ့ရသည်။ ဆယ်စုနှစ်များစွာ ဖိနှိပ်မှုများအပြီးမှာ နိုင်ငံရေးစနစ်က ရုတ်တရက်   အရှိန်အဟုန်   ပြင်းစွာ ပွင့်လင်းပြောင်းလဲလာခဲ့သည်။ ၂၀၁၁ ခုနှစ် နွေရာသီမှာ ဒေါ်အောင်ဆန်းစုကြည်က သမ္မတဦးသိန်းစိန်နှင့်    တွေ့ဆုံခဲ့၏။ သမ္မတဦးသိန်းစိန်ကို ယုံကြည်ရ သောသူဟု ဒေါ်အောင်ဆန်းစု ကြည်ကဆိုခဲ့သည်။

အာရပ်နိုင်ငံတွေမှာ ဖြစ်ခဲ့ သော အာရပ်နွေဦးလှုပ်ရှားမှုတွေ ကဲ့သို့ မြန်မာ၏ ပြုပြင်ပြောင်းလဲမှု များက အနောက်သို့ ပြန်လှည့် မသွားပါချေ။ သို့သော် တောက်ပ သော အရောင်တွေကတော့ ကွာ ကျလာပြီဖြစ်သည်။ တိုင်းရင်းသား နှင့် ဘာသာရေးအကြမ်းဖက်မှု များ ဒဏ်ကို တိုင်းပြည်က ခံစား နေရသည်။ အနောက်နိုင်ငံများ၏ ပိတ်ဆို့မှုများ ရုပ်သိမ်းခြင်းကြောင့် နိုင်ငံခြားရင်းနှီးမြှုပ်နှံမှုများ တိုး လာပြီး တိုင်းပြည်၏ နည်းပညာ ချို့တဲ့မှုများ၊ အခြေခံအဆောက် အအုံများ၊ ပညာတတ်လုပ်အား များပေးလာနိုင်မည်ဟု မျှော်လင့် ရသည်။

အတိုက်အခံခေါင်းဆောင် ဒေါ်အောင်ဆန်းစုကြည်ကို နိုင်ငံ ခြားသားဖြစ်သော သားများ ကြောင့် ၂၀၁၅ မှာ သမ္မတအဖြစ် ရွေးကောက်ဝင်ပြိုင်ခွင့်ကို ပိတ် ဆို့ထားခြင်းကလည်း အဆိုးမြင်မှု တွေကို တိုးလာစေသည်။ ထို့အ တူ အခြေခံဥပဒေပြောင်းလဲမှုကို ဟန့်တားနိုင်သည့် လွှတ်တော်အ တွင်း စစ်တပ်ကိုယ်စားလှယ် ၂၅ ရာ ခိုင်နှုန်းကို စစ်တပ်ကစွန့်လွှတ် မည်ဟုလည်း အများစုက မထင် ကြ။

မြန်မာက အတောက်ပဆုံး အခြေအနေဟု ပြောလို့ရသည့် ငြိမ်းချမ်းရေးလုပ်ငန်းစဉ်များမှာ လည်း အမည်းရောင်များ စွန်း ထင်းလာပြီး ဖုတ်လှိုက် ဖုတ်လှိုက် ဖြစ်လာပါပြီ။ လက်နက်ကိုင်အုပ် စု ဆယ့်နှစ်ခုကျော်ကလည်း တဲတဲလေးရှိသည့် အပစ်အခတ်ရပ်စဲရေးကို လက်မှတ်ထိုးထားသည်က အမှန် ပဲ ဖြစ်သည်။ သို့ရာတွင် လက်နက်ကိုင်အုပ်စုအများ စုက တစ်နိုင်ငံလုံးအနှံ့ အပစ်အ ခတ်ရပ်စဲရေး သဘောတူညီချက် က သူတို့၏ သြဇာအာဏာလွှမ်း မိုးမှုကို အဆုံးသတ်လိုက်မှာ၊ ဗဟိုအစိုးရက သူတို့ဒေသ၏ သဘာဝသယံဇာတ အရင်းအမြစ် တွေ ရယူမှာကို စိုးရိမ်ကြသည်။ စိုးရိမ်စရာကောင်းတာက နောက်ဆုံးသဘောတူညီချက်ကို မရောက်ရှိပါက ငြိမ်းချမ်းရေးလုပ်ငန်းစဉ် တစ်ခုလုံး နောက်ပြန်လှည့်သွား နိုင်သည်။ ၂၀၁၅တွင် ရွေးကောက်ခံရမည့် အစိုးရက အားလုံးကို အစက ပြန်လုပ်ရမည့် အခြေအနေသို့ ရောက်သွားနိုင်သည်။

ဇာဂနာကတော့ မြန်မာကို အုပ်ချုပ်နေသည့် အစိုးရ၏ ဆင် ခြေများကို မယုံကြည်သူ ဖြစ် သည်။ ငြိမ်းချမ်းရေးလုပ်ငန်းစဉ် နှင့် ပတ်သက်၍သူက ယခုလို ပြောသည်။

‘‘စစ်သားဆိုတာ သူတို့ရဲ့ ပြဿနာအားလုံးကို သေနတ်နဲ့ ပဲ ရှင်းတဲ့သူတွေ။ စားပွဲဝိုင်းထိုင် ရှင်းသူတွေ မဟုတ်ဘူး’’

ထို့အတူ အစိုးရအကြံတွေ ကို လိုက်မီဖို့ ဒေါ်အောင်ဆန်းစု ကြည်မှာလည်း အင်အားမရှိဟု ဆိုပါသည်။

‘‘သူတို့က သရုပ်ဆောင်သိပ် ကောင်းတဲ့သူတွေ ဦးသိန်းစိန်က သူ့ကိုယ်သူ ကြားနေတဲ့၊  ပျော့ ပျောင်းတဲ့ လူပုံမျိုးဖြစ်အောင် ကြိုးစားထားတယ်။ သူက အရမ်း တော်တယ်။ အမြဲတမ်းပြုံးနေပြီး မိဘပြည်သူများ ခင်ဗျာလို့ပြော တယ်။ ဒါက ကစားပွဲကြီးပါ။ ကျွန်တော် အဲဒီကစားပွဲထဲမှာ ပါရမှာ သိပ်ကြောက်တယ်။ ဘယ်နေရာကပဲဖြစ်ဖြစ်။ ဒေါ်အောင်ဆန်းစုကြည်ကလည်း ကစားသူတစ်ယောက်ပဲ။ ဒါပေမဲ့ သူအကွက်ရွှေ့ဖို့ မလွယ်ဘူး။ သူကစား လို့ မရနိုင်ဘူး။ ဘယ်မှာလဲ အဖြေက။ သူကလူတွေကို ဘာအဖြေမှ မပြနိုင်ဘူး’’

မြန်မာအစိုးရကတော့ တိုင်း ပြည်အနှံ့ဖြစ်ပေါ်နေသော ပြဿ နာများကနေ အကျိုးအမြတ်တွေ ရနေပြီဟု သူကဆိုပါသည်။

‘‘သူတို့က ကောင်းကောင်း ထိန်းနိုင်တယ်။ သည်နိုင်ငံအ ကြောင်းကို သူတို့က ကောင်း ကောင်းသိတယ်။ သူတို့မှာ ကစားစရာ ကတ်တွေအများကြီးရှိ တယ်’’

ထိုအရာတွေထဲမှာ ရခိုင် ဒေသက ရိုဟင်ဂျာမွတ်စလင် များနှင့်ပတ်သက်သော အကြမ်း ဖက်မှုများလည်း ပါပါသည်။

‘‘ဒီပြဿနာက ကျွန်တော် တို့ တိုင်းပြည်အတွက် ချိန်ကိုက် ဗုံးပဲ’’

သူက အစိုးရအနေဖြင့် သည်ပြဿနာကို နောက်နှစ် ရွေး ကောက်ပွဲနီးကပ်လာသည့်အခါ ပြည်သူများ မုန်းတီးခံစားမှုများ နှိုးဆွရန်အတွက် အသုံးပြုမှာကို စိုးရိမ်နေသူ ဖြစ်သည်။ စစ်တပ် နောက်ခံပေးထားသော ကြံ့ခိုင် ရေးပါတီက ဗုဒ္ဓဘာသာကို အပြင်းအထန်ကာကွယ်သူများအဖြစ် မဲများရသွားနိုင်သည်။ အောင်ဆန်းစုကြည်ကိုယ်တိုင်သည် ပြဿနာနှင့်ပတ်သက်ပြီး သတိထားနှုတ်ဆိတ်နေရသည်ဟု ဆိုသည်။

‘‘ဗုဒ္ဓဘာသာက အရမ်းငြိမ်း ချမ်းတဲ့ဘာသာတစ်ခုပါ။ ဒါပေမဲ့ တချို့ ဘုန်းကြီးတွေက အရမ်း အစွန်းရောက်တယ်။ သူတို့က မွတ်စလင်တွေကို မုန်းတယ်။ သည်ဟာတွေနောက်မှာ စစ်တပ် က လူတွေက ကြိုးကိုင်နေတယ်’’ ဟု ဇာဂနာက ပြောသည်။

ဒေါ်အောင်ဆန်းစုကြည်၏ ဆောင်ရွက်ချက်များနှင့်ပတ် သက်၍ သူကဝေဖန်သော်လည်း ၂၀၁၂ ခုနှစ် သရွေးကောက်ပွဲဝင် တုန်းက ဇာဂနာက အနီးကပ်ရှိခဲ့သူ ဖြစ်သည်။

‘‘ကျွန်တော်တို့ သူ့ကိုချစ် တယ်။ သူကကျွန်တော်တို့ရဲ့ မိခင်လိုပါပဲ’’

ဒေါ်အောင်ဆန်းစုကြည်အ နေဖြင့် နောက်နှစ်ရွေးကောက်ပွဲတွင် သမ္မတအဖြစ် ၀င်ရောက် အရွေးခံရန် မဖြစ်နိုင်ဟု သူကဆိုပါသည်။

‘‘၂၀၁၅ တော့ မဖြစ်နိုင် တော့ဘူး။ ကျွန်တော့်မိတ်ဆွေ တွေကို ပြောထားတယ်။ ကျွန်တော်တော့ ၂၀၂၀ ကို မျှော်နေပြီ။ ၂၀၁၅ မဟုတ်ဘူးလို့။ ကျွန်တော်တို့က သူ့ကိုချည်းပဲ လုံးဝအားမကိုးချင်တော့ဘူး။ သူက အသက်ကြီးလာပြီလေ။ ကျွန်တော်တို့ တိုင်းပြည်အတွက် မျက်နှာသစ်တွေ၊ ခေါင်းဆောင်အသစ်တွေ တင်ပေးရမယ်’’

ဇာဂနာအနေဖြင့် ယခုအ ချိန်မှာ သူ၏ဟာသပညာထက် လှုပ်ရှားမှုတွေကိုရော နိုင်ငံရေးကို ပါ မျိုးဆက်သစ်များအား သင်ကြား ပြသဖို့ အချိန်ပေးအားထုတ်နေပါ သည်။

သူ့အတွက်ကကော ဆူးလေ ဘုရားက ငှက်ကလေးတွေလို သူ ကလည်း ဆက်လက်လှုပ်ရှားနေ ဦးမှာလား။ ထောင်ထဲဝင်ချည် ထွက်ချည် လုပ်နေဦးမှာလား။ သူက ယခုလိုအပြင်မှာ လွတ် လွတ်လပ်လပ် ဆက်လက်နေခွင့် ရဖို့ အခွင့်အရေးက ၅၀-၅၀ ရာ နှုန်းပဲ မျှော်မှန်းထားပါသည်။

တိုင်းပြည်ကို တိုးတက် အောင်လုပ်သူ မည်သူမဆို တွဲလုပ်မည်ဖြစ်ကြောင်း သူက တိုင်းပြည်အုပ်ချုပ်နေသူ စစ်ဗိုလ်ချုပ် ဟောင်းများကို ပြောထားပါသည်။

‘‘ကျွန်တော်နိုင်ငံကို ချစ် တယ်။ ခင်ဗျားလည်း ကျွန်တော့် နိုင်ငံကို ချစ်တယ်။ ဒါကျွန်တော် တို့ရဲ့ တူညီတဲ့ အခြေခံပဲ’’ဟု ဇာဂနာက သူတို့ကိုပြောကြားခဲ့ သည်။

သည်အချက်က လုံလောက် ပြီဟု သူမျှော်လင့်ထားသည်။ သို့ မဟုတ်ပါက ဇာဂနာ၏ အသံဝါ ကြီးနှင့် ဟာသပြက်လုံးများက ပြန်လည်တစ်ပတ်လည်လာပါ လိမ့်မည်။

  (နိုင်ငံရေး အကျဉ်းသား ဟောင်း လူရွှင်တော် ဇာဂနာနှင့် တွေ့ဆုံရေးသားထားသည့် The Financial Times မှ အာရှရေး ရာအယ်ဒီတာ David Pilling: ၏  The Comedian Zarganar Stands up to Tyranny in Myanmar ဆောင်းပါးကို ထားထားမြင့် ဘာသာပြန်ဆိုသည်။)

စစ်ဘေးဒုက္ခသည်တွေ ကချင်၊ကရင်တိုင်းရင်းသားတွေကို နိုင်ငံတကာက လျစ်လျှူ ရူထားကျတာ...

ဝဍ်ဆိုတာပြန်လည်တတ်ပါတယ်..

ပြန်ရင်တောင် ဘာဖြစ်မယ်မသိပါဘူးတဲ့...

Best Newcomer Director - The Art of Freedom Festival 2012 Directed by Aung Zaw Moe(19)

Best Documentary Film - The Art of Freedom Festival 2012 Directed by Sai Kyaw Khine

Best Short Film - The Art of Freedom Festival 2012 Directed by Minn Theik t

Credit @ Ko Nge