Popular Posts!

Wednesday, July 16, 2014

(၁)ကြွင်းမဟာဘုတ် ဖွားများ၏ ယေဘူယျ ၀ိသေသလက္ခဏာများ


ကိုယ့်ရဲ့ မြန်မာသက္ကရာဇ်ကို (၇) နဲ့ စားပြီး ကြွင်းသော ဂဏန်းသည် (၁) ဖြစ်ပါက (၁)ကြွင်းဖွားများဟု သတ်မှတ်ပါသည်။ မြန်မာသက္ကရာဇ်မသိပါက ကိုယ်မွေးတဲ့ ခရစ်နှစ်ထဲမှ(၆၃၈)ဂဏန်းကို နုတ်လိုက်လျှင် မြန်မာသက္ကရာဇ်ကို ရရှိပါသည်။ အကယ်၍ ကိုယ်မွေးရက်မွေးလသည် မြန်မာနှစ်ဆန်း တစ်ရက်နေ့ မတိုင်မှီ ဖြစ်ပါက (၆၃၉)ဂဏန်းကို နုတ်ရပါမယ်။ မြန်မာ နှစ်ဆန်း တစ်ရက်နေ့မှ ဒီဇင်ဘာ (၃၁)အတွင်း မွေးလျှင် (၆၃၈) ဂဏန်းကို နုတ်ရပါမယ်။
(၁)ကြွင်းဖွားများသည် ရုပ်ပိုင်းအနေဖြင့် ကျန်းမာကြံ့ခိုင်သန်စွမ်းသော ပုံစံမျိုး ရှိတတ်သည်။ ကိုယ်ခန္ဓာသည် လေးဒေါင့်ဆန်ပြီး ကျယ်ပြန့်သော ပုခုံးပြင်များ၊ အနည်းငယ် တိုတောင်းဟန်ရှိသော ခြေတန် လက်တန်များ ရှိတတ်သည်။ အသားအရေ ကြမ်းတမ်းတတ်သည်။ (အကယ်၍ ကိုယ်ခန္ဓာ ပိန်ပါးလျှင် ကျန်းမာရေး မကောင်းတတ်ပါ) စကားပြောလျှင် အသံကို ကျယ်လောင်စွာ ပြောတတ်သည် (Tone မြင့်သည်)။ စကားကို ကွေ့ဝိုက် မပြောတတ်ဘဲ လိုရင်း တိုရှင်း ပြောတတ်သည်။ စကားပြော တိုတောင်းသည်။ မာန်မာနကြီးသည်။ သည်းခံစိတ်နည်းပါးသည်။ မိမိအမှားကို ဝန်ခံရန် ဝန်လေးတတ်သည်။ သူတပါးကို အောက်ကြို့လိုစိတ်မရှိ။ အရာရာကို ကိုယ့်ခြေကိုယ့်လက် လုပ်လိုသည်။ သူတစ်ပါး ဝင်ရောက် စွက်ဖက်သည်ကို မကြိုက်တတ်ပါ။
လိမ္မာပါးနပ်မှု အလွန် နည်းပြီး စကားပြောရာတွင် (အထူးသဖြင့် သူတစ်ပါး၏ အပြစ်ကိုဖော်ထုတ်ရာတွင်) ပရိယာယ်သုံး၍ မပြောတတ်ခြင်းကြောင့် လူချစ်လူခင်နည်းတတ်သည်။ အချို့(၁)ကြွင်းဖွား များသည် သူတစ်ပါးအပေါ် အလွန်လွှမ်းမိုး လိုစိတ်ရှိတတ်သည်။ အထူးသဖြင့် မိမိအိမ်ထောင်ဘက် အပေါ်တွင် အလွန်အနိုင်ယူတတ်သည်။ မိမိအိမ်ထောင်ဘက် ကို အလွန်ချစ်မြတ်နိုးတတ်သော်လည်း လွှမ်းမိုးလိုစိတ် အမြဲရှိသည်။ အိမ်ထောင်ရေးတွင် သူ့ဖက် ကိုယ့်ဖက် မျှတသော စိတ်မရှိသောကြောင့် အိမ်ထောင်ရေးပဋိပက္ခများ မကြာခဏ ဖြစ်ပွားတတ်သည်။
(၁)ကြွင်းဖွားများသည် လူအုပ်စု၊ အဖွဲ့အစည်း၊ အသင်းအပင်းများနှင့် ဆက်နွယ်နေသော လုပ်ငန်းများနှင့် အကျိုးမပေးတတ်ချေ။ ဖက်စပ်၊ ရှယ်ယာ လုပ်ငန်းများ အကျိုးမပေးတတ်ပါ။ ဘဝတွင် ဖက်စပ်လုပ်ကိုင်ခြင်း၊ ရှယ်ယာ ထည့်ဝင်ခြင်း လုပ်ငန်းများမှ မကြာခဏ လိမ်လည်ခံရတတ်သည်။ လူမှုဆက်ဆံရေးနှင့် ဆိုင်သောလုပ်ငန်းများ၊ ဝန်ဆောင်မှု လုပ်ငန်းများထက် ကိုယ်တိုင်တီထွင်ဖန်တီးလုပ်ကိုင် ရသော ပညာရှင်အလုပ်များ၊ ကိုယ်တိုင် ကျွမ်းကျင်မှုဖြင့် လုပ်ရသော လုပ်ငန်းများဖြင့်သာ အကျိုးပေးနိုင်သည်။ စီမံခန့်ခွဲမှုပိုင်း အားနည်းတတ်သည်။ အများနှင့် စုပေါင်းလုပ်ကိုင် ရသော လုပ်ငန်းများထက် မိမိကိုယ်တိုင်လုပ်ကိုင် ရသော လုပ်ငန်းများဖြင့်သာ အသက်မွေးခြင်းသည် ပိုမိုကောင်းမွန်သည်။ ဝန်ထမ်း၊ လခစားလုပ်ငန်းများ အကျိုးပြုမှု အလွန်နည်းတတ်ပါသည်။ လက်အောက်ငယ်သား အကျိုးပေးသည်။ ဝန်ထမ်းကောင်း၊ တပည့်ကောင်းများ နှင့် ကြုံဆုံ တတ်သည်။ (၁)ကြွင်းဖွားများသည် ယေဘူယျ ကျန်းမာရေး ကောင်းမွန်သော သူများ ဖြစ်ကြသည်။
ကျန်းမာရေးနှင့် ပတ်သက်ပြီး လေနာရောဂါများ၊ လိပ်ခေါင်းရောဂါ၊ ပန်းနာရင်ကြပ်ခြင်း၊ အစာအိမ်ရောဂါ၊ သည်းခြေရောဂါ နှင့် ဝမ်းဗိုက် တွင် ခွဲစိတ်ခံရခြင်း၊ ကင်ဆာကဲ့သို့သော အကြိတ်အဖုရောဂါများ၊ အဆုတ်ရောဂါများ ဖြစ်တတ်သည်။
(၁)ကြွင်းဖွားများအနေဖြင့် ဘဝတွင် အောင်မြင်လိုလျှင် လူအများနှင့် အဆင်ပြေအောင် ပေါင်းသင်းတတ်ရန် လိုသည်။ သည်းခံစိတ်မွေးရမည်။ စကားကို လိမ္မာပါးနပ်စွာ ပြောဆိုတတ်ရမည်။ မိမိကိုယ်ကို အားကိုးသင့်သည်။ အတတ်ပညာရှင်၊ အသိပညာရှင် ၊ အနုပညာရှင် လုပ်ငန်းများဖြင့် အကျိုးပေးနိုင်သည်။ အစုရှယ်ယာ၊ စပ်တူလုပ်ငန်း များ မလုပ်သင့်ပါ။ ဆရာမမွေးပါနှင့်။ ဆရာမွေးလျှင် ဆရာပျက်စီးသောအခါ မိမိပါအတူ လိုက်ပါ ပျက်စီးတတ်သည်။ ဆရာသမား၊ အပေါင်းအသင်း အကျိုးမပေးသော်လည်း တပည့်တပန်း အကျိုးပေးမှုများသည်။ မိမိဘဝတွင် တပည့်ကောင်းများကြောင့် ဘဝအခြေအနေ တိုးတက်မြင့်မားတတ်သည်။ လိမ်ညာပြောဆိုမှုများ၊ လှည့်ဖြားမှုများကို ရှောင်ရှားပါ။ မိမိစိတ်ထဲတွင် ခံစားရချက်များအတိုင်း နှုတ်မှ ဖွင့်ဟပြောဆို တတ်မှုများကြောင့် လူချစ်လူခင်မများတတ်ဘဲ အသက်ကြီးသောအခါ သားသမီး၊ အိမ်ထောင်ဘက်၊ တပည့်လက်သား၊ အားလုံးက (ရွံကြောက်ကြီး ဖြစ်ကာ) အပစ်ပယ်ခံ အထီးကျန်ဘဝမျိုး ရောက်ရှိတတ်သည်ကို အထူးသတိပြုပါ။
ကမ္ဘာကျော် (၁)ကြွင်းသမားများကတော့ – အမေရိကန် နိုင်ငံကို တည်ထောင်ခဲ့တဲ့ ခေါင်းဆောင်ကြီး ဂျော့ဝါရှင်တန်၊ ဂျာမန်အတွေးအခေါ်ပညာရှင် အီမန်နျူယယ် ကန့်၊ မိုနာလီဇာအပြုံးပန်းချီကားကို ရေးဆွဲခဲ့သူ လီယိုနာ ဒိုဒါဗင်ချီ၊ နေကို ကမ္ဘာက ပတ်တယ်ဆိုတာကို ဖော်ထုတ်ခဲ့တဲ့ နက္ခတ်ပညာရင် ကော့ပါးနီးကပ်စ်၊ နက္ခတ်တာရာကြည့် မှန်ပြောင်းကို တီထွင်ခဲ့သူ ဂလီလီယို၊ ယူရေးနပ်ဂြိုဟ်ကို စတင်တွေ့ရှိခဲ့သူ နက္ခတ်ပညာရှင်ဝီလီယံ ဟာရှဲလ်၊ စပိန်အာဏာရှင် ဖရန်စစ္စကို ဖရန်ကို၊ အစ္စရေး ၀န်ကြီးချုပ်ဟောင်းမီနာချန် ဘီဂင်၊ နိုဘယ်ဆုရှင် စာရေးဆရာကြီး အဲလ်ဘတ်ကမျူး၊ ဟောလီဝုဒ် အော်စကာဆုများပိုင်ရှင် မင်းသမီး ဂျိုဒီဖော်စတာ၊ ညှို့မင်းသမီးကြီး ဘရစ်ဂျစ် ဘားဒေါ့၊ ဆိုဗီယက်အကြီးအကဲဟောင်း လီယိုနစ် ဘရက်ဇညက်၊ ဒါရိုက်တာကြီး အယ်လ်ဖရက် ဟစ်ခ်ျကော့၊ ဘက်စကတ်ဘော ချန်ပီယံ မိုက်ကယ်ဂျော်ဒန်၊ ဂေါ့ဒ် ဖားသား စာရေးဆရာကြီး မာရီယို ပူဇို၊ ဂျိမ်းစ်ဘွန်းမင်းသား ရော်ဂျာမိုး၊ အက်ရှင်မင်းသား တွမ်ခရုစ်၊ ဟောင်ကောင် အက်ရှင်မင်းသားကြီး ချောင်ယွန်ဖတ်၊ ဟောလီးဝုဒ် မင်းသမီးချော ကက်သရင်း ဇီတာဂျုန်း၊ ဂျာမန် ဂိုးသမား ယန်းလေးမန်း၊ ဘောလုံးစတားတွေဖြစ်တဲ့ ရော်ဘင် ဗန်ပါစီ၊ အဒီဘာယော၊ ရှက်ဗ်ချင်ကို၊ နာမည်ကျော် ဘောလုံးနည်းပြ ဂျိုဆေး မော်ရင်ဟို၊ မန်ချက်စတာ ယူနိုက်တတ် ဆရာကြီး ဆာ အလက်စ် ဖာဂူဆန်၊ ဟောလီးဝုဒ် ဒါရိုက်တာ မင်းသား မဲလ်ဂစ်ဘ်ဆင်၊ Ghost ဇာတ်ကားနဲ့ နာမည် ကျော်ခဲ့တဲ့ မင်းသမီး ဒန်မီမိုးရ်၊ အမေရိကန် သမ္မတကြီး အေဘရာဟမ် လင်ကွန်း၊ နိုဘယ်ဆုရ စာရေးဆရာကြီး အားနက်စ် ဟင်းမင်းဝေး၊ ပုပ်ရဟန်းမင်းကြီး ဂျွန်ပေါ (၂)၊ အဆိုကျော် မင်းသား အဲဗစ် ပရက်စလေ၊ ကျောက်ရောဂါ ကာကွယ်ဆေး တီထွင်ခဲ့သူ လူးဝစ် ပါလ်ချာ၊ အင်္ဂလန်နိုင်ငံ ထီးနန်းမွေခံချားလ်စ်မင်းသား၊ ကမ္ဘာ့လက်ဝှေ့ချန်ပီယံ မိုဟာမက် အလီ၊ SONY ကော်ပိုရေးရှင်းကြီးရဲ့ ဖခင် မိုရိတ အကီယို၊ ဟောလီးဝုဒ် မင်းသမီးအကျော်အမော်ဖြစ်ခဲ့တဲ့ ဆိုဖီယာ လော့ရင့်၊  အီဗော်လူးရှင်းသီအိုရီကို တင်ပြခဲ့တဲ့ သိပ္ပံပညာရှင်ကြီး ချားလ်စ် ဒါဝင်  Micro Soft ကို တည်ထောင်သူ ဘီလ်ဂိတ် တို့ ဖြစ်ကြပါတယ်။
ကျန်အကြွင်းဖွားများအကြောင်း ဆက်လက်ဖော်ပြပါမည်။

Credit - ဒေါက်တာတင်ဗိုလ်ဗိုလ် (ကွန်ပျူဗေဒသုခုမ)

Ref:hlamyo.blogs
Post a Comment

Gadget

This content is not yet available over encrypted connections.

*** လာလည်သောအပေါင်းအသင်းများ မိမိ ASN GROUP ONLINE SHOP ကနေ သင်တို့အလိုရှိသောပစ္စည်းများကို ရှာဖွေပြီး ORDER မှာလို့ရနေပါပြီ ***

ASNGROUP WAREHOUSE DEALS DEEPS DISCOUNT!