အစိုးရ၀န်ထမ်းလစာ တိုးမြင့်သည်နှင့်အညီ ပုဂ္ဂလိက ကုမ္ပဏီကြီးများ၏ ၀န်ထမ်းလစာများကိုလည်း တိုးရန် စီစဉ်နေသည်ဟု သိရသည်။
စစ်အစိုးရနှင့် နီးစပ်သည့် စီးပွားရေးလုပ်ငန်းရှင်ကြီးများ ထူထောင်ထားသော အေးရှားဝေါလ်၊ မက်စ်မြန်မာ ၊ ထူးကုမ္ပဏီ ၊ တော်ဝင် ဆောက်လုပ်ရေး ကုမ္ပဏီ ၊ Alpine ကုမ္ပဏီ စသည့် နေပြည်တော် ဆောက်လုပ်ရေး စီမံကိန်းတွင် အဓိက တာဝန်ယူ တည်ဆောက်နေသည့် ကုမ္ပဏီကြီးများ ၊ အာဏာပိုင်များနှင့် နီးစပ်သည့် စီးပွားရေး လုပ်ငန်းရှင်များ ထူထောင် ထားသည့် ကုမ္ပဏီကြီးများရှိ ၀န်ထမ်း လစာများ တိုးမည်ဖြစ်သည်ဟု ပုဂ္ဂလိက ကုမ္ပဏီ အသိုင်းအ၀ိုင်းက ပြောသည်။
“အေးရှားဝေါလ် ဆိုရင် ဌာနတွေ အများကြီးရှိသလို စီမံကိန်းအလိုက် မြို့တွေမှာ ၀န်ထမ်းအင်အားတွေက အများကြီးလေ။ ပြီး ခဲ့တဲ့ တပတ်လောက်ကစပြီး လူစာရင်းနဲ့ လုပ်သက်နှစ်တွေ ဘယ်လောက်ရှိလဲကို စာရင်းကောက် နေတယ်”ဟု အေးရှားဝေါလ် ရေအားလျှပ်စစ် စီမံကိန်း အင်ဂျင်နီယာတဦးက ပြောသည်။
၎င်းက ဆက်၍“လစာတိုးပေးဖို့ အတွက် စာရင်းကောက်တာလို့ ပြောတယ်။ အခြေခံဝန်ထမ်းက အစ ၀န်ထမ်း အကုန်လုံး လစာ တိုးမယ်ကြားတယ်။ ဒါပေမယ့် လုပ်သက်နှစ်ပေါ်မူတည်ပြီး တိုးတဲ့ပမာဏ ကွာခြားတာတော့ ရှိမယ်”ဟု ပြောသည်။
မည်သည့်လမှ စတင်၍ လစာတိုးမည်ကိုမူ တိတိကျကျမသိရသေးဟုလည်း အဆိုပါ အင်ဂျင်နီယာက ဆိုသည်။
ရွေးကောက်ပွဲမတိုင်မီ နေပြည်တော်တွင် ပြုလုပ်သွားသည့် အထူးစီမံကိန်းများ အကောင်အထည်ဖော်ရေး အစည်းအဝေးတွင် အာဏာပိုင်များက တက်ရောက်ခဲ့သည့် စီးပွားရေးလုပ်ငန်းရှင်ကြီးများနှင့် ဆောက်လုပ်ရေးကုမ္ပဏီ ၆၃ ခုကို ၀င်ရောက် လာ မည့် နိုင်ငံခြားကုမ္ပဏီများနှင့် ယှဉ်ပြိုင်နိုင်ရန် ၀န်ထမ်းလစာနှုန်းများတိုးမြှင့်ပေးရန် ပြောဆိုခဲ့သည်ဟု နေပြည်တော် ဆောက် လုပ်ရေး စီမံကိန်းတွင် ပါဝင်သည့် ကုမ္ပဏီတခုမှ တာဝန်ရှိသူတဦးက ပြောသည်။
“အဲဒီတုန်းက နေပြည်တော်အဆောက်အအုံတွေကို မြန်မြန်ပြီးစီးအောင်လုပ်ဖို့အပြင် ထူးခြားတာတခုကို ထည့်ပြောသွားတယ်၊ နောက်ပိုင်းမှာ ပြည်ပရင်းနှီးမြှပ်နှံမှုတွေကို လက်ခံလို့ ၀င်လာရင် အဲဒီကုမ္ပဏီမှာ လစာ အခြေခံ ကျပ် ၁ သိန်း ပေးနေပြီး ပြည် တွင်း ကုမ္ပဏီက ၄-၅ သောင်းဖြစ်နေလို့ မရဘူး ဆိုပြီး ပြောခဲ့တယ်။ ဒါကြောင့်လည်း ပြည်တွင်းကုမ္ပဏီတွေ အင်အားကြီး အောင် တခုခုဆို ပုဂ္ဂလိကကိုပဲ လုပ်ပိုင်ခွင့်တွေ ချပေးနေတာဆိုပြီး ပြောသွားဖူးတယ်။ ဒီအတိုင်း အကောင်အထည်ဖော်ပြီး လူကြီးတွေ ကျေနပ်အောင်လုပ်ပေးတော့ သူတို့အတွက်လည်း လုပ်ငန်း အလားအလာ ကောင်းမယ်။ အာဏာပိုင်တွေ ဘက်က လည်း အစိုးရ လစာ တခုတည်းတိုးတာ မဟုတ်တော့ဘူး ဆိုပြီး ပြန်ပြောလို့ ရသွားတာပေါ့”ဟု တော်ဝင် ဆောက်လုပ်ရေး ကုမ္ပဏီနှင့်နီးစပ်သူတဦးက ဧရာဝတီကို ပြောသည်။
လက်ရှိ အခြေအနေတွင် လစာနှုန်း တိုးမြှင့်ပေးသည်ထက် ရှားပါးစရိတ် ၊ ကျန်းမာရေး စရိတ် ၊ ခရီးစရိတ် ကဏ္ဍများတွင် တိုးပေးနိုင်ရန် စီစဉ်နေသည်ဟုလည်း ၎င်းက ဆိုသည်။
“သူတို့ပြောသလို လိုက်တိုးဖို့ဆိုတာလုပ်ငန်း ၄ ၊ ၅ ခုလောက်ပိုင်နေပြီး ၀င်ငွေ နည်းပေါင်းစုံနဲ့ရနေတဲ့ ကုမ္ပဏီတွေပဲ တိုးနိုင်မှာ၊ အစိုးရ ၀န်ထမ်းတွေ၊ ကုမ္ပဏီကြီးတွေ လိုက်တိုးနိုင်ရင်တောင် ကုမ္ပဏီ အသေးစားလေးတွေက ၀န်ထမ်းတွေ ကြားထဲက ဒုက္ခ ရောက်မှာပေါ့”ဟု မက်စ်မြန်မာ ကုမ္ပဏီ စာရင်းဌာနမှ အရာရှိတဦးက ပြောသည်။
အလုပ်သမားဝန်ကြီးဌာနမှ တရားဝင်သတ်မှတ်ထားသော စည်းကမ်းချက်များတွင် ကုမ္ပဏီ ၀န်ထမ်း လစာသည် အစိုးရ လစာ ထက် မကျော်ရဟု ပါရှိကြောင်း ၎င်းက ဆိုသည်။
မက်စ်မြန်မာ အရာရှိကဆက်၍“လောလောဆယ် ဘတ်ဂျက်ကို ချိန်နေရတာပေါ့၊ ကုမ္ပဏီကြီးတွေတိုင်းမှာတော့ တနှစ်စာ တွက်ချက် ထားတာတွေ ရှိတယ်။ တယောက်တည်း တိုးတာ မဟုတ်ဘူး။ တလတည်းတိုးတာ မဟုတ်တော့ ချိန်ရတာတွေနဲ့ ကုမ္ပဏီ ၀င်ငွေအင်အားတောင့်မှဖြစ်မှာလေ။ ဒီတော့ ဘယ်လောက် ရာခိုင်နှုန်းစီ တိုးမယ် ဆိုတာတော့ တိတိကျကျ မသတ်မှတ် ရ သေးဘူး။ အခြေခံ ကတော့ ၀န်ထမ်းရဲ့ လုပ်သက်ပေါ်မူတည်ပြီး ရတဲ့ အချိုးတွေက ပြောင်းလဲမယ်”ဟု ပြောသည်။
“လစာအနေနဲ့ ကျော်ပေးလို့ မရတော့ ခေါင်းစဉ် အမျိုးမျိုးတပ်ပေးရတာပေါ့။ အစိုးရ ၀န်ထမ်းလစာ တက်ရင် ကုမ္ပဏီတွေက လည်း ရှားပါးစရိတ်ဆိုပြီး အမည်ခံ တက်ပေးကြတယ်။ အရင်က တက်တုန်းကလည်း ဒီလိုပဲ ပေးတာဆိုတော့ အတွေ့အကြုံ တော့ ရှိတယ်။ မတိုးပေးလို့ကလည်း မရဘူးလေ။ အပြင်မှာ ဈေးတွေက အကုန်တက်နေတော့ လိုက်မညှိပေးနိုင်ရင် ပြဿနာ ရှိတယ်။ အခု လတော့ မသေချာဘူး။ ဧပြီလ လောက်မှ စတိုးလောက်မယ်”ဟု Alpine ကုမ္ပဏီ ၀န်ထမ်းရေးရာ ဌာနမှ ၀န်ထမ်း တဦး က ပြောသည်။
မကြာမီဖြစ်ပေါ်လာမည့် အစိုးရအသစ်က ၀န်ထမ်းများကို အာဆီယံနှုန်းထားနှင့်အညီ လစာများပေးမည်ဖြစ်ပြီး အစိုးရဝန်ထမ်း လစာများကို ဧပြီလကုန်မှ စတင်၍ နဂိုရှိရင်းစွဲလစာထက် ၃.၈ ဆခန့် တိုးမြှင့်ပေးတော့မည်ဟု သတင်းများထွက် ပေါ်နေသည်။
အဆိုပါ သတင်း ထွက်ပေါ်ပြီးနောက်ပိုင်း ဆန်၊ ဆီမှစ၍ အခြေခံစားသောက်ကုန် ဈေးနှုန်းများ မြင့်တက်သွားသည်။
Copy by Irrawaddynews
Popular Posts!
-
ကမ္ဘာကျော် Internet Muti -Level Marketing Advertising နည်းလေးတွေပါ... အခုနာမည်ကျော် facebook နှင့် Google တွေမှာလဲ သုံးနေတဲ့ နည်းတွေပါ...
-
စင်ကာပူသံရုံးနှင့် မြန်မာအစိုးရတို့ ပူးပေါင်းပြီး ဖွင့်လှစ်သည့် အသက်မွေးဝမ်းကြောင်းပညာ ( အခမဲ့ ) သင်တန်း V ...
-
တရားလွှတ်တော်ရှေ့နေ ဦးကိုနီနဲ့ VOA တွေ့ဆုံမေးမြန်းခန်း နိုင်ငံတော်ရဲ့အမြင့်ဆုံးအာဏာဘယ်သူဆီမှာရှိ့သလဲအတိအကျအထောက်အထားနဲ့တကွရှင်းပြထားတဲ့ေ...
-
သမတ အုိုဘားမား မလေးရှားနုိုင်ငံ ကွာလာလမ်ပူ မြို့တော်ခန်းမတွင် အာဆီယံ လူငယ်ခေါင်းဆောင်များကုို မိန့်ခွန်းပြောကြားနေစဉ် (ဓာတ်ပုံ – Reuters)...
-
တရုတ်နှင့်မြန်မာလူကြီးတွေက အနောက်နိုင်ငံကြီးတွေကို နိုင်ငံရေးကစားကွက်လေး တအားလှ ပါတယ်ဗျ..... ဘယ်သူတွေ ဘာဖြစ်ကျန်ခဲ့မလဲတော့ မသိသေးပါဘူး...
-
စင်ကာပူကုမ္ပဏီက နေပြည်တော်တွင် တစ်နှစ်တန် ငါးသောင်းကျ ဆန်စက်တည် If you have our sakura pink 500g pack of brown rice, we are excited t...
-
အမျိုးသမီး သတင်းထောက် တယောက် အုပ်စုဖွဲ့ မုဒိမ်းကျင့်ခံရသဖြင့် ဆန္ဒပြနေကြသော အာသံပြည်နယ် ဓာတ်ပုံ သတင်းထောက်များ အသင်းမှ အဖွဲ့ဝင်များ (ဓာတ်...
-
**** တစ်နိုင်တစ်ပိုင် သောက်ရေစစ်နည်း **** ဤနည်းသည် ရေရှားသော အရပ်ဒေသများတွင် အသုံးပြုရန် အသင့်တော် ဆုံးသော နည်းဖြစ်ပါသည်။ ရေ(အ၀ါရေ...
Subscribe to:
Post Comments (Atom)
No comments:
Post a Comment