စင်ကာပူနိုင်ငံရှိ အိမ်၊ ခြံ၊ မြေ ရင်းနှီးမြှုပ်နှံမှု ကဏ္ဍတွင် မြန်မာနိုင်ငံသားများ ဝင်ရောက် ရင်းနှီးမြှုပ်နှံမှုများ ပိုမိုများပြားလာကြောင်း ဖေဖော်ဝါရီ ၄ ရက်နေ့က ရန်ကုန်မြို့၌ ကျင်းပသည့် စင်ကာပူမှ ထိပ်သီးအိမ်ရာ ရောင်းဝယ်ရေး ဈေးကွက်ဆွေးနွေးပွဲဆိုင်ရာ အချက်အလက်များအရ သိရှိရသည်။
မြန်မာနိုင်ငံသားများအနေဖြင့် စင်ကာပူ နိုင်ငံတွင် အိမ်၊ ခြံ၊ မြေကဏ္ဍ၌ ရင်းနှီးမြှုပ်နှံမှု ပြုလုပ်ခြင်းများကို ၂၀၀၅ ဝန်းကျင်မှ စတင် ကာရင်းနှီးမြှုပ်နှံမှုအချို့ရှိခဲ့သော်လည်း ၂၀၁၀ ပြည့်နှစ်ပိုင်းတွင်မူ စီးပွားဖြစ်ရင်းနှီးမြှုပ်နှံမှုများ ပိုမိုပြုလုပ်လာကြကြောင်း သိရှိရသည်။
စင်ကာပူနိုင်ငံရှိ ဆောက်လုပ်ရေးလုပ်ငန်းတစ်ခုဖြစ်သော ERA မှ Marketing Director မမေသူက “မြန်မာနိုင်ငံသားတွေအနေနဲ့ စင်ကာပူအိမ်၊ ခြံ၊ မြေဈေးကွက်ကို ၂၀၀၅ ခုနှစ် လောက်ကစပြီး ရင်းနှီးမြှုပ်နှံမှုတချို့ရှိခဲ့ပါတယ်။ နောက်ပိုင်းမှာ စင်ကာပူဘဏ်တွေဆီ ကနေ ချေးငွေတွေရရှိလာတာနဲ့အတူ စင်ကာပူအိမ်၊ ခြံ၊ မြေ ကဏ္ဍမှာ စီးပွားဖြစ်ရင်းနှီး မြှုပ်နှံမှုတွေ ပိုမိုလာပါတယ်။ အများစုက ရင်းနှီးမြှုပ်နှံမှုတွေ ပြုလုပ်ဖို့ ဝယ်ယူကြပါတယ်။ ဒုတိယက ကိုယ်ပိုင်နေထိုင်မှုတွေအတွက် ဝယ်ယူကြတာဖြစ်ပြီး ကျန်တာတွေက ကလေး တွေ ပညာရေးအတွက် စင်ကာပူမှာ အိမ်ခြံမြေဝယ်ယူမှုတွေ ပြုလုပ်ကြတာဖြစ်ပါတယ်”ဟု ပြောကြားခဲ့သည်။
စင်ကာပူနိုင်ငံတွင် အမြဲတမ်းနေထိုင်ခွင် (PR)ရရှိသူ မြန်မာနိုင်ငံသားများအနေဖြင့် မြေပိုင်း ဆိုင်ရာ ရင်းနှီးမြှုပ်နှံမှုများ ပြုလုပ်နိုင်သော်လည်း သာမန်မြန်မာနိုင်ငံသားများအနေဖြင့် ကွန်ဒိုတိုက်ခန်းများတွင် ရင်းနှီးမြှုပ်နှံမှုများ ပြုလုပ်နိုင်ကြောင်း၊ ထိုသို့ပြုလုပ်နိုင်ရန် စင်ကာပူဘဏ်များမှ ချေးငွေများ ရယူနိုင်ကြောင်း သိရှိရသည်။
ဆက်လက်၍ ERA မှ Marketing Director မမေသူက “မြန်မာနိုင်ငံသားတွေအနေနဲ့ စင်ကာပူနိုင်ငံမှာ အိမ်၊ ခြံ၊ မြေ ဝယ်ယူနိုင်ဖို့ စင်ကာပူဘဏ်တွေကနေ ချေးငွေရယူနိုင် ပါတယ်။ အိမ်တန်ဖိုးရဲ့ ၈၀ ရာခိုင်နှုန်းလောက်အထိကို ဘဏ်ကနေ ချေးယူနိုင်ပါတယ်။
ဘဏ်ချေးငွေရရှိဖို့အတွက် မြန်မာနိုင်ငံက ဘာပိုင်ဆိုင်မှုကိုမှ အထောက်အထားပြဖို့ မလို ပါဘူး။ ချေးယူနိုင်ဖို့အတွက် ဝယ်ယူမယ့် အိမ်တန်ဖိုးရဲ့ ၂၀ ရာခိုင်နှုန်းကို ချေးယူမယ့်ဘဏ် မှာ သုံးပတ် ပေးသွင်းထားရာမှာဖြစ်ပါတယ်။ ပြီးရင် ကျန်တန်ဖိုးထဲက အများဆုံး ၈၀ ရာခိုင်နှုန်းအထိကို UOB- Bank ကနေ သတ်မှတ်အတိုးနှုန်းနဲ့ အများဆုံး နှစ်ရှည် နှစ် ၃၀ ဘဏ်ချေးငွေရရှိနိုင်ပါတယ်”ဟု ပြောကြားခဲ့သည်။
တစ်ပေပတ်လည်တန်ဖိုးမှာ နေရာပေါ်မူတည်ကာ ဈေးနှုန်းအမျိုးမျိုးကွဲပြားသောလည်း ပျမ်းမျှအားဖြင့် တစ်ပေပတ်လည်လျှင် ပျမ်းမျှစင်ကာပူဒေါ်လာ ၁၂၀၀ မှ ၃၀၀၀ ဝန်းကျင် အထိ ဈေးရှိကြောင်း သိရသည်။
Ref : Bi Weekly Eleven
No comments:
Post a Comment