မြန်မာပြည်ရှိ တရုတ်လူမျိုး

မြန်မာပြည်ရှိ တရုတ်လူမျိုးများသည် မြန်မာနိုင်ငံတွင် မွေးဖွားသည့် သို့မဟုတ် ကြီးပျင်းသည့် ပင်လယ်ရပ်ခြား တရုတ်လူမျိုးများ ဖြစ်သည်။ တရုတ်အစိုးရမှ တရားဝင်ထုတ်ပြန်ထားသည့် စာရင်းအရ မြန်မာနိုင်ငံရှိ တရုတ်လူမျိုးများသည် လူဦးရေ စုစုပေါင်း၏ ၃ % ခန့်ရှိသည်ဟု သိရသည်။ လက်တွေ့တွင်မူ ဤအရေအတွက်ထက် ပိုမိုများပြားနိုင်သည်ဟု ခန့်မှန်းကြသည်။ ခွဲခြား ဆက်ဆံခြင်းခံရမည်ကို စိုးရိမ်၍ မိမိကိုယ်ကို ဗမာဟု ပြောဆိုနေသူများ၊ ကပြားများ၊ ၁၉၉၀ ပြည့်လွန်နှစ်နောက်ပိုင်း အထက်မြန်မာပြည်အတွင်းသို့ အလုံးအရင်းအလိုက် တရားမဝင် ပြောင်းရွှေ့လာသူများသည် စာရင်းတွင်ထဲတွင် ပါဝင်ခြင်း မရှိဟု ခန့်မှန်းရသည်။
လက်ရှိအခြေအနေတွင် မြန်မာနိုင်ငံရှိ စီးပွားရေး လုပ်ငန်းများကို စစ်ဘက်အာဏာပိုင်များနှင့် အစုအစပ် လုပ်ကိုင်နေသည် ဆိုဦးတော့ စီးပွားရေး လုပ်ငန်းအများစုကို မြန်မာနိုင်ငံရှိ တရုတ်လူမျိုးများ ပိုင်ဆိုင်ကြသည်ဟု ဆိုနိုင်သည်။ ထို့အပြင် မြန်မာနိုင်ငံရှိ တရုတ်လူမျိုး အများစုသည် ပညာရေးကို အလေးထားသဖြင့် အဆင့်မြင့် ပညာရေး (တက္ကသိုလ် ပညာရေး) အထိ ဆည်းပူးသင်ယူကြသဖြင့် မြန်မာနိုင်ငံ၏ ပညာတတ် လူတန်းစားတွင်လည်း တရုတ်လူမျိုး အတော်များသည်။

လူဦးရေ
ယေဘုယျအားဖြင့် အောက်မြန်မာပြည်တွင် တရုတ်လူမျိုး အုပ်စု (၃)စုနေထိုင်ကြသည်။
ဖူကျန့်ပြည်နယ်မှ ဟုတ်ကင်လူမျိုး (အင်္ကျီရှည်၊ လက်ရှည်)
ကွမ်တုန်းပြည်နယ်မှ ကွမ်းတုန်လူမျိုး (အင်္ကျီတို၊ လက်တို)
ဖူကျန့်နှင့် ကွမ်တုန်းပြည်နယ်မှ ဟတ်ကားလူမျိုး (စက)
မြန်မာနိုင်ငံရှိ တရုတ်လူမျိုးများအနက် ဟုတ်ကင်နှင့် ကွမ်တုန်းတို့မှာ ၄၅ % ခန့်ရှိသည်။ ဟတ်ကားလူမျိုးများကိုမူ ၎င်းတို့၏ မူလဌာနေကို အစွဲပြု၍ ဖူကျန့် (福建省) မှလာသူကို အင်္ကျီရှည် ဟတ်ကားနှင့် ကွမ်တုန်း (廣東省) မှလာသူကို အင်္ကျီတို ဟတ်ကားဟု ထပ်မံခွဲခြားထားသည်။ မြန်မာရှိ တရုတ်များအနက် ကွမ်းတုန်လူမျိုးများသည် အဆင်းရဲဆုံး၊ အစိုးရဝန်ထမ်းများနှင့် အချိတ်အဆက်ကောင်းသည့် ဟုတ်ကင်များသည် အချမ်းသာဆုံးဟု မြန်မာများအကြားတွင် ရှေးရိုးစွဲအမြင်များ ရှိသည်။
အထက်မြန်မာပြည်နှင့် ရှမ်းကုန်းပြင်မြင့်ဒေသတွင် အခြေချသည့် တရုတ်လူမျိုးအများစုမှာ ယူနန်ပြည်နယ်ဘက်မှ လာသည့် ယူနန်လူမျိုး၊ ပန်းသေးများနှင့် ကိုးကန့်လူမျိုးများ အဓိကဖြစ်သည်။ တောင်တန်းဒေသများတွင် တောင်ယာလုပ်ငန်းနှင့် အသက်မွေးသည့် ကိုးကန့်လူမျိုးများမှာ မြန်မာနိုင်ငံအစိုးရမှ တရားဝင် အသိအမှတ်ပြုထားသည့် ရှမ်းပြည်နယ် တိုင်းရင်းသားလူမျိုး တစ်မျိုးဖြစ်သည်။ လက်တွေ့တွင်မူ ကိုးကန့်တို့သည် ရှမ်းများနှင့် ဘာသာစကား အပိုင်းမှာရော၊ မျိုးရိုးအပိုင်းမှာပါ ဆက်စပ်မှု မရှိချေ။ အစ္စလာမ်ဘာသာကို ကိုးကွယ်ယုံကြည်သည့် အရောင်းအဝယ် လုပ်ငန်းဖြင့် အသက်မွေးကြသူ မူဆလင် ပန်းသေးများကိုလည်း ဒေသခံများအဖြစ် ယူဆထားသည်မှာလည်း အချိန်ကာလ အတော်လေး ကြာမြင့်ပြီဖြစ်သည်။ ကိုးကန့်နှင့် ပန်းသေးများမှာ မြန်မာရှိ တရုတ်လူဦးရေ၏ ၂၁ % ခန့်ရှိသည်။ ကျန်တရုတ်လူမျိုးများမှာ တရုတ် မြန်မာ ‘ကပြား’များ ဖြစ်ကြသည်။

ယဉ်ကျေးမှု।ဘာသာစကား

မြန်မာရှိ တရုတ်များသည် များသောအားဖြင့် ဗမာစကားအား မိခင်ဘာသာစကားအဖြစ် ပြောဆို အသုံးပြုကြသည်။ တရုတ်ကျောင်းတက်သူများလည်း ရှိသောကြောင့် တရုတ်လို အလောတော် သို့မဟုတ် ကျွမ်းကျင်စွာ ပြောဆိုနိုင်သူလည်း မနည်းပါ။ ဖူထုန်းဟွ (အင်္ဂလိပ်လို Mandarin) ခေါ် ရုံးသုံး တရုတ်စကားအပြင် အခြား ဒေသန္တရ ဘာသာစကားများ ဖြစ်သည့် ဟုတ်ကင် (မင်နန်) စကားကို အောက်မြန်မာပြည်တွင်လည်းကောင်း ထိုင်ဆန်းကွမ်းတုန်စကားနှင့် ယူနန်စကားကို အထက်မြန်မာပြည်တွင်လည်းကောင်း ပြောဆို အသုံးပြုကြသည်ကိုလည်း တွေ့ရှိနိုင်သည်။

ဗိုလ်ချုပ်ကြီးနေဝင်းလက်ထက် (၁၉၆၂-၁၉၈၈)အကြားတွင် တရုတ်ကျောင်းများအား ပိတ်ပင်ခဲ့သောကြောင့် တရုတ်စကား ပြောတတ်သူ လျော့နည်းခဲ့သည်။ သို့သော်လည်း ယနေ့ခေတ် ကမ္ဘာအဝှမ်းတွင် တရုတ်စာ၊ တရုတ်စကား အရေးပါလာသောကြောင့် မြန်မာနိုင်ငံတွင်လည်း တရုတ်ကျောင်း အရေအတွက် တိုးပွားလျက်ရှိသည်။ ယင်း တရုတ်ကျောင်းများတွင် တရုတ်လူမျိုးများသာမက ဗမာနှင့် အခြားတိုင်းရင်းသား လူမျိုးများပင် တက်ရောက်သင်ယူကြောင်း တွေ့ရှိရသည်။

ကိုးကွယ်ယုံကြည်မှု
မြန်မာရှိ တရုတ်အများစုမှာ တာအိုဘာသာ၊ မဟာယာနဗုဒ္ဓဘာသာ ရောယှက်လျှက်ရှိသည့် ထေရဝါဒဗုဒ္ဓဘာသာကို ယုံကြည်ကိုးကွယ်ကြသည်။ ကွမ်ယင်မယ်တော်အား ကိုးကွယ်ခြင်းမှာ သိသာထင်ရှားသည့် သာဓက တစ်ခုဖြစ်သည်။ တရုတ်နှစ်ကူး ကဲ့သို့သော တရုတ်ရိုးရာ ပွဲတော်များကိုလည်း ဘုံကျောင်းများတွင် ကျင်းပလေ့ရှိသည်။ ဘုံကျောင်းများသည်လည်း မြန်မာရှိ တရုတ်များ စုဝေးရာ၊ မိမိတို့၏ ရိုးရာဓလေ့ ထုံးတမ်းအစဉ်အလာများအား ထိန်းသိမ်းရာ နေရာ ဖြစ်သည်။ ပန်းသေးများမှာမူ အစ္စလာမ်ဘာသာဝင်များ ဖြစ်ကြသည်။

အမည်
မြန်မာရှိ တရုတ်အများစုသည် မြန်မာအမည်ရော တရုတ်အမည်ပါ ရှိတတ်ကြသည်။ အချို့မှာ တရုတ်အမည်နှင့် အသံထွက် ဆင်တူသည့် မြန်မာအမည် မည့်တတ်ကြသည်။ ဥပမာ မြန်မာအမည် ‘ခင်အောင်’ဟု ခေါ်သည့် တရုတ်တစ်ဦး၏ တရုတ်အမည်မှာ 慶豐 (ချင့်ဖုန်း) ဖြစ်ကောင်း ဖြစ်နိုင်သည်။ ဤကဲ့သို့ တရုတ် မြန်မာ ခပ်ဆင်ဆင် အမည် မမည့်သည့် တရုတ်လည်း အများအပြား ရှိသည်။
တရုတ်တို့၏ ဓလေ့အရ မျိုးဆက်သစ်များအား ကင်မွန်းတပ်ရာတွင် မျိုးရိုးအမည်ကို ပထမဆုံး စာလုံးအဖြစ် ပေးလေ့ရှိသည်။ ရန်ကုန်မြို့ရှိ ဘုံကျောင်းတာဝန်ခံတစ်ဦး၏ အဆိုအရ ရန်ကုန်တွင် အတွေ့များသည့် မျိုးရိုးအမည်များမှာ အောက်ပါအတိုင်းဖြစ်သည်။
လီ (李)
ဖုန် (彭)
ရှီ (時)
တုန် (董)
မင် (閔)
နျို (牛)
ပျဲန်း (邊)
ရှင်း (辛)
ကွမ်း (關)
ရွှီ (徐)

ပညာရေး
မြန်မာရှိ တရုတ်များ ပညာရေးအား အလေးထားပုံကို ဆေးပညာ၊ အင်ဂျင်နီယာနှင့် ပါရဂူဘွဲ့ရသူ လူတန်းစားတွင် တရုတ်တို့၏ အချိုးအဆ များပြားသည့် အချက်မှ တွေ့ရှိနိုင်သည်။ အကယ်၍ မြန်မာနိုင်ငံ၏ နိုင်ငံသားစိစစ်ရေးကဒ် (တိုင်းရင်းသား မှတ်ပုံတင်ကဒ်) မရှိသူ အက်ဖ်အာစီကဒ် ကိုင်ဆောင်သူ တရုတ်များ တက္ကသိုလ်တွင် ဆေး၊ အင်ဂျင်နီယာကဲ့သို့ အသက်မွေးဝမ်းကျောင်း လိုင်းမတက်ရဟု ကာလကြာမြင့်စွာ ပိတ်ပင်ထားခြင်း မရှိလျှင် အဆင့်မြင့် ပညာအရည်အချင်းဘွဲ့များ ရရှိသူ တရုတ်ဦးရေ အခုထက် ပိုမိုများပြားနိုင်ခြေ ရှိသည်။ ယနေ့တွင် ပြည်တွင်း ကန့်သတ်ချက်များကြောင့် ငွေကြေးတတ်နိုင်သည့် တရုတ်လူမျိုး မိဘများသည် မိမိတို့၏ သားသမီးများအား ထိုင်း၊ မလေး၊ စင်္ကာပူ သို့မဟုတ် အမေရိက စသည့် နိုင်ငံခြားတိုင်းပြည်များသို့ ပို့ဆောင်ကာ တက္ကသိုလ် ပညာကို ဆက်လက် ဆည်းပူးစေသည်။

သမိုင်း
သမိုင်းမှတ်တမ်းများအရ တရုတ်လူမျိုးများ မြန်မာနိုင်ငံသို့ ပြောင်းရွှေ့နေထိုင်သည့် အစောဆုံးကာလမှာ တရုတ် ဆုန့်မင်းဆက် (အေဒီ ၉၆၀ မှ ၁၂၇၉)၊ ပုဂံခေတ်ကာလ ဝန်းကျင်တွင် ဖြစ်သည်။ ၁၈ ရာစုနှစ်ပိုင်းတွင် မင်မင်းဆက်မှ သမီးတော်တစ်ဦးသည် လက်ရှိ ရှမ်းပြည်နယ် မြောက်ပိုင်းရှိ ကိုးကန့်ဒေသတွင် အခြေချခဲ့သည်။ တရုတ်ကုန်သည်များမှာမူ ဧရာဝတီမြစ်ဝှမ်းရှိ ဗန်းမော်မြို့အထိ သွားရောက် ကူးသန်းရောင်းဝယ်ကြသည်။ ထိုစဉ်က မြို့တော် အမရပူရမြို့တွင် အခြေချ နေထိုင်လာကြသည်။ ၁၈၅၉ ခုနှစ် မင်းတုန်းမင်းက မြို့တော်ကို အမရပူရမြို့မှ မန္တလေးမြို့သို့ ပြောင်းရွှေ့ချိန်တွင် တရုတ်ရပ်ကွက်သာလျှင် အမရပူရတွင်ပင် နေရစ်ဖို့ ဆုံးဖြတ်ခဲ့ကြသည်။
၎င်းတို့၏ နောက်လာနောက်သားများသည် ဒေသခံများနှင့် စုလျားရစ်ပတ်ကြကာ အမရပူရမြို့ခံ ဖြစ်လာတော့သည်။ မြန်မာနိုင်ငံသို့ အလုံးအရင်းလိုက် ပြောင်းရွှေ့သည့် တရုတ်လူမျိုး နောက်တစ်သုတ်မှာ ၁၈၀၀ ပြည့်နှစ် နောက်ပိုင်း ဗြိတိသျှ ကိုလိုနီခေတ်တွင် ဖြစ်သည်။ ဗြိတိသျှ ကိုလိုနီအစိုးရက တရုတ်နှင့် အိန္ဒိယနိုင်ငံသားများ မြန်မာသို့ ပြောင်းရွှေ့ နေထိုင်ရေးကို အားပေးသည်။ ထို့အပြင် ကြီးပွားချမ်းနိုင်သည့် အခွင့်အလမ်းများလည်း ရှိသောကြောင့် တရုတ်လူမျိုး အမြောက်အမြား မြန်မာပြည်သို့ ရောက်လာကြသည်။ တချို့မှာ မလေးရှားနိုင်ငံမှ တစ်ဆင့် ရောက်လာကြသည်။
ထို့နောက်တွင် အမြတ်အစွန်းများသည့် ဆန်စပါးနှင့် ကျောက်မျက် ရောင်းဝယ်ရေး လုပ်ငန်းများတွင် တရုတ်တို့ ဝင်ရောက်လာသည်။ နောက်ပိုင်းတွင် ကုန်သည်ကြီးများ ဖြစ်လာသည့် အပြင် လက်လီ၊ လက္ကား လုပ်ငန်းရှင်းကြီးများ ဖြစ်လာကြသည်။ ၎င်းတို့၏ အောင်မြင်ပုံကို ငွေကို တရုတ်လိုရှာ၊ ကုလားလိုစု၊ ဗမာလို မဖြုန်းနဲ့ ဟူသည့် အဆိုတွင် ထင်ဟပ်ပြသ နေသည်။ မြန်မာပြည်ရောက် တရုတ်များသည် ဒေသခံများနှင့် ဆက်ဆံရေး ကောင်းမွန်သည်ကိုလည်း တရုတ်တို့အား မြန်မာတို့၏အခေါ် ပေါက်ဖော် ဆိုသည့် ဝေါဟာရမှ သိရှိနိုင်သည်။
၁၉၄၉ ခုနှစ် တရုတ်ကွန်မြူနစ်တို့က ကွန်မင်တန်ပါတီနှင့် တိုက်ခိုက်သည့် ပြည်တွင်းစစ်ပွဲကို အနိုင်ရကာ တရုတ်ပြည်သူ့သမ္မတနိုင်ငံကို ထူထောင်စဉ် မြန်မာနိုင်ငံသည် တရုတ်ကွန်မြူနစ်အား ပထမဦးဆုံး အသိအမှတ်ပြုသည့် နိုင်ငံ တစ်နိုင်ငံဖြစ်သည်။ သို့သော်လည်း ထိုစဉ်က မြန်မာအစိုးရသည် မြန်မာပြည်တွင်းရှိ တရုတ်များအား နိုင်ငံခြားသားများ အဖြစ် ဆက်ဆံခဲ့သည်။ မြန်မာပြည်ရှိ တရုတ်လူမျိုးများအား နိုင်ငံခြားသားကတ်(FRCကတ်) များ ထုတ်ပေးပြီး တရုတ်နိုင်ငံသားဟု သတ်မှတ်ကာ အခွင့်အရေး အမျိုးမျိုးကို ကန့်သတ် ထားသည်။ မြန်မာပြည်ရောက် ကုလား (အိန္ဒိယနိုင်ငံသား) များကိုလည်း အလားတူပင် ပြု မူ ဆက်ဆံခဲ့သည်။
၁၉၆၂ ခုနှစ်တွင် ဗိုလ်ချုပ်ကြီးနေဝင်း အာဏာသိမ်းပြီးနောက် မြန်မာနိုင်ငံ၏ အကြီးအကဲ ဖြစ်လာသည်။ သူကိုယ်၌က တရုတ်သွေးစပ်သည့် ကပြား ဖြစ်သော်လည်း မြန်မာပြည်တွင်း၌ တရုတ်စာ သင်ကြားမှုကို ပိတ်ပင်ခဲ့သည်။ တရုတ်များ မြန်မာပြည်မှ ထွက်ခွာသွားရန် နည်းအမျိုးအမျိုးဖြင့် ကြံစီခဲ့သည်။ ထိုစဉ်အခါက ဖြစ်ပွားခဲ့သည့် တရုတ် – ဗမာ လူမျိုးရေး အဓိကရုဏ်းကို နေဝင်းအစိုးရက ကန့်လန့်ကာနောက်ကွယ်မှ အားပေးအားမြောက်ပြုသည်ဟု အများက ယုံကြည်ထားကြသည်။တရုတ်ကွန်မြူနစ်ပါတီက ဗမာပြည်ကွန်မြူနစ်ပါတီကို အားပေးထောက်ပံ့ကြောင့် တန်ပြန်ခြင်း ဖြစ်သည်ဟု သုံးသပ်ကြသည်။ ပြည်သူလူထုမှာ လူသုံးကုန်ပစ္စည်းရှားပါးခြင်း၊ ကုန်ဈေးနှုန်း အဆမတန် မြင့်တက်ခြင်း၊ ငွေကြေးဖောင်းပွခြင်း စသည့် ပြဿနာများမှ လူမျိုးရေး အဓိကရုဏ်းဘက်သို့ အာရုံပြောင်းသွားကြသည်။
ဗိုလ်ချုပ်နေဝင်းက မြန်မာပြည်တွင် မြန်မာ့ဆိုရှယ်လစ် လမ်းစဉ်ကို ကျင့်သုံးခဲ့ပြီး အရပ်သားပိုင် ပစ္စည်းဥစ္စာများနှင့် လုပ်ငန်းများကို ပြည်သူပိုင်သိမ်းခဲ့သည်။ တရုတ်ကျောင်းများအပါအဝင် ကျောင်းအားလုံး ပြည်သူပိုင် အသိမ်းခံရသည်။ တရုတ်ပိုင် လုပ်ငန်းများ အသိမ်းခံရပြီးနောက် တရုတ်လူမျိုး ၁ သိန်းခန့်သည် မြန်မာပြည်ကို စွန့်ခွာကာ အခြားတိုင်းပြည်များသို့ ရွှေ့ပြောင်း သွားကြသည်။ ဗိုလ်ချုပ်နေဝင်းလက်ထက်တွင် ဤကဲ့သို့ ခွဲခြားဆက်ဆံမှုများအပြင် စီးပွားရေး ချွတ်ခြုံကျလာသောကြောင့် တရုတ်အတော်များများသည့် တိုင်းတစ်ပါးသို့ ပြောင်းရွှေ့ကုန်ကြသည်။
ယနေ့ မြန်မာပြည်တွင် ကျန်ရစ်နေသည့် တရုတ်များသည် အများအားဖြင့် ရန်ကုန်၊ မန္တလေး၊ တောင်ကြီး၊ ပဲခူး စသည့် မြို့ကြီးများနှင့် အနီးတစ်ဝိုက်တွင် နေထိုင်ကြသည်။ Global Witness ၏ စာရင်းအရ မန္တလေးမြို့လူဦးရေ၏ ၃၀ % ခန့်မှာ တရုတ်လူမျိုးများ ဖြစ်သည်ဟု သိရသည်။

မြန်မာနိုင်ငံမှာ ထင်ရှားခဲ့တဲ့ မြန်မာပြည်ဖွား တရုတ်လူမျိူးများမှာ( ဝီကီပီဒီယာမှာ ဖော်ပြချက်)

နိုင်ငံရေးနှင့် အစိုးရ
————————–
● နေဝင်း (ခ) ရှုမောင် (ဟတ်ကား) နိုင်ငံ့ခေါင်းဆောင် ၊ ၁၉၆၂-၁၉၈၈
● အောင်ကြီး (ဟုတ်ကင်) စစ်ရေးခေါင်းဆောင်၊ နေဝင်း၏ လက်ထောက်ဟောင်း၊ ၆၂ စစ်အာဏာသိမ်းခေါင်းဆောင်တဦး
● စန်းယု (ဟတ်ကား) နိုင်ငံတော်သမတ ( ၁၉၈၁-၁၉၈၈ )
● ခင်ညွန့် (ဟတ်ကား) ဝန်ကြီးချုပ် (၂၀၀၃-၂၀၀၄)၊ ထောက်လှန်းရေးအကြီးအကဲ (၁၉၈၃-၂၀၀၄)
● ကက်စိန် ၊ ကျန်းမာရေးဝန်ကြီးဟောင်း
● ကျော်မြင့် ၊ ကျန်းမာရေးဝန်ကြီး
● ဖုန်ကြားရှင် (ယူနန်)၊ ကိုးကန့်အထူးဒေသခေါင်းဆောင်၊ မြန်မာအမျိုးသားဒီမိုကရက်တစ်မဟာမိတ်တပ်မတော် ခေါင်းဆောင်
● ကျော်ဘ (ယူနန်) ဟိုတယ်နှင့် ခရီးသွားလာရေးဝန်ကြီးဟောင်း

စီးပွားရေး
—————
● အော်ဘွန်းဟော် (ဟတ်ကား) ကျားဘမ်းပုရုပ်ဆီ တီတွင်သူ
● အော်ဘွန်းပါး (ဟတ်ကား) အော်ဘွန်းဟော့၏ ညီ
● ကျော်မြင့်၊ မြန်မာမေဖလားဝါးဘဏ် တည်ထောင်သူ
● ပီတာချူး (ခ) ဝင်းသန်း (ခ) ကျိူးယုံမင် (ယူနန်)၊ HTC ဖုန်းကုမ္ပဏီရဲ့ CEO ဥက္ကဋ္ဌ
● ဇွန်ဟောင် (ဟတ်ကား) ပရဟိတနှင့်ပညာပေး
● ထွန်းမြင့်နိုင် (ကိုးကန့်), စီးပွားရေးသူဌေးကြီး
● ကျော်ဝင်း ..Sky Net & ရွှေသံလွင်ကုမ္ပဏီ

အခြားသူများ
—————-
● အက်ဒွပ်မိုက်ကယ် လောရုံ ၊ မြန်မာသတင်းစာဆရာ၊ သည်နေးရှင်း သတင်းစာတိုက် တည်ထောင်သူ
● ခွန်ဆာ (ကိုးကန့်)၊ အရှေ့တောင်အာရှမူးယစ်ဘုရင်
● လော်စစ်ဟန် (ကိုးကန့်)၊ အရှေ့တောင်အာရှမူးယစ်ဘုရင်
● ငွေကိုင် ၊ အလင်္ကာကျော်စွာဘွဲ့ရ ပန်းချီဆရာကြီး
● တော်စိန်ခို (ဟုတ်ကင်) ရှေးဟောင်းသုတေသနဌာန၏ ထင်ရှားသော ညွန်ကြားရေးမှူးချုပ် (၁၉၀၁-၁၉၁၅)
● မိုးစက်ဝိုင် (ခ) ရန်ရှင်းရုံ (ယူနန်)၊ Miss Universe မြန်မာ ၂၀၁၃
● သော်ကောင်း, မြန်မာသမိုင်းပညာရှင်

ယနေ့ခေတ် အချိန်အခါတွင်မူ ပြည်မ တရုတ်နိုင်ငံနှင့် အဆင်မပြေမှုများကြောင့် တရုတ်ဆိုသည်နှင့် ပြည်မက တရုတ်လူမျိူးများနှင့် တွဲမမြင့်သင့်ပေ။ မြန်မာနိုင်ငံ၌ နေထိုင်သော တရုတ်လူမျိူးများသည် မြန်မာနိုင်ငံသားများ ဖြစ်ကြပေရာ လူမျိူးနှင့် နိုင်ငံသား ဖြစ်တည်မှုမှာ မတူညီပေ။ လူမျိူးနှင့် နိုင်ငံသား ကွဲပြားမြင်သင့်ပေသည်။ စင်္ကာပူ၌ နေထိုင်သော တရုတ်များသည်လည်း စင်္ကာနိုင်ငံအတွက်သာ ကြိုးစားကြပေသည်။ ကမ္ဘာ့နံပါတ် ၁ ကြက်တောင်ကစားသမား လီချူံဝေ သည်လည်း မလေးရှားနိုင်ငံသား တရုတ်လူမျိူးပင် ဖြစ်ပေသည်။ နိုင်ငံရပ်ခြားမှ တရုတ်လူမျိူးများသည်လည်း သူ့နည်သူဟန်ဖြင့် နိုင်ငံသားအဖြစ် ခံယူထားသော နိုင်ငံများကို အကျိူးပြုလျက် ရှိပေရာ တရုတ်ချင်းတူသော်လည်း ခံယူထားသော နိုင်ငံသားချင်း မတူညီပေ။

 ထို့ကြောင့် မြန်မာနိုင်ငံ၌ နေထိုင်သော တရုတ်လူမျိူးတို့တွင် ကောင်းသောသူလည်း ရှိလိမ့်မည် ဆိုးသောသူလည်း ရှိလိမ့်မည်။ သို့သော် တစ်ဦးတစ်ယောက်ချင်း၏ ဗီဇလက္ခာသည် တမျိူးသားလုံးကို ကိုယ်စားမပြုသည်ကို ဂရုပြုသင့်ပေသည်။ မြန်မာပြည်ဖွား တရုတ်လူမျိူးတိုင်းသည်လည်း မြန်မာနိုင်ငံကို ချစ်မြတ်နိုးတတ်ကြသည်။ မြန်မာဘောလုံးအသင်း ရှုံးလျှင်လည်း ဝမ်းနည်းတတ်ကြသည်။ နိုင်လည်း ဝမ်းသာတတ်ကြသည်။ မြန်မာမကောင်းကြောင်း ပြောလျှင်လည်း ချေပတတ်ကြသည်။ ဤသည်ကား မျိူးချစ်စိတ်ဓာတ်ထက် အမြင်ကျယ်သော နိုင်ငံချစ်စိတ်ဓာတ်ပင် ဖြစ်ပေသည်။ သစုန့်ခေတ် စစ်သူကြီး ယွဲဖေးပြောခဲ့သည့် စကားအတိုင်း 盡忠報國 နိုင်ငံတော်အပေါ် သစ္စာရှိစွာ အလုပ်အကျွေး ပြုရပေမည်။

Ref:http://www.lwinpyin.com/2017/04/in-myanmar-cheness.html