How'd it happen and more reports?: January 2012

Tuesday, January 31, 2012

မြန်မာတစ်ဦး၏ တစ်လဆီစားသုံးနှုန်း ကျန်းမာရေး သတ်မှတ်စံနှုန်းထက် မြင့်တက်နေဆဲ

နှစ်စဉ် စားသုံးဆီ တင်သွင်းမှု မြင့်တက်နေဆဲဖြစ်သည့် မြန်မာနိုင်ငံတွင် လူတစ်ဦး တစ်လလျှင်ပျမ်းမျှ ဆီစားသုံးနှုန်းမှာ ကမ္ဘာ့စံသတ်မှတ် ချက်များထက် ကျော်လွန်မြင့် တက်ဆဲပင် ဖြစ်ကြောင်း အောက်တိုဘာလ ဒုတိယပတ်က ပြုလုပ်ခဲ့သော သည်းခြေကျောက်တည်ရောဂါနှင့် သဘာဝ ဆေးပညာအကြောင်း ဟောပြောပွဲတွင် ပါမောက္ခ ဒေါက်တာ ခင်မောင်လွင်က ပြောကြားခဲ့သည်။
ကမ္ဘာ့ကျန်းမာရေးအဖွဲ့ WHOက လူတစ်ဦးလျှင် တစ်လဆီငါးဆယ်သားခန့်သာ စားသုံးရန် စံနှုန်းသတ်မှတ်ထား သော်လည်း မြန်မာနိုင်ငံတွင် လူတစ်ဦးဆီစားသုံးနှုန်းမှာ တစ်လလျှင် ငါးဆယ်သား အထက်တွင် ရှိနေကြောင်း ၄င်းက ရှင်းလင်းပြောကြားသည်။ ၄င်း၏ ဆေးခန်းသို့ လာရောက်ပြသကြသူများကို မေးမြန်းချက်အရ တစ်လလျှင် လူတစ်ဦး ဆီစားသုံးနှုန်းမှာ ၆ဝ သား (1liters နီးပါး) ဝန်းကျင်တွင် ရှိနေကြောင်း သိရသည်ဟု ပါမောက္ခဒေါက်တာ ခင်မောင်လွင်က ထပ်လောင်းပြောကြားသည်။ ဆေးခန်းသို့ တစ်ရက် လျှင် လူနာရာဂဏန်းဝန်းကျင် လာရောက်လေ့ရှိကြောင်း၊ ထို့ကြောင့် ၄င်းလူနာများကို အခြေပြု၍ လေ့လာမှုပြုလုပ်နိုင်ကြောင်း ၄င်းကဆိုသည်။
ဆီစားသုံးနှုန်း မြင့်မားပါက အဝလွန်ရောဂါ၊ အသည်းအဆီဖုံးရောဂါ၊ သည်းခြေကျောက်တည်ရောဂါနှင့် ကိုယ်တွင်းကလီစာ ကင်ဆာရောဂါများ ဖြစ်ပွားနိုင်ကြောင်း အသည်းအထူးကု ဆရာဝန်ကြီးတစ်ဦးက သတိပေးပြောကြားသည်။ မည်သည့်စားသုံးဆီမဆို မီးအပူချိန်မထိပါက အန္တာရယ်မကြီးသော်လည်း မီးအပူချိန်ထိထားပါက အန္တရာယ်ကြီးကြောင်း၊ ထိုဆီကိုအစဉ်စားသုံးမိပါက ကင်ဆာရောဂါဖြစ်ပွား နိုင်ကြောင်း ၄င်းကထပ်လောင်း ပြောကြားသည်။ ဆီကြော်မုန့်များအပြင် ဝက်သားစားသုံးမှု များပါကလည်း သည်းခြေကျောက်တည်ရောဂါ ဖြစ်ပွားနိုင်ခြေ မြင့်မားနိုင်ကြောင်း ၄င်းကဆိုသည်။
မြန်မာနိုင်ငံတွင် တစ်လပျမ်းမျှ ဆီတင်သွင်းနေရမှုမှာ တန်ချိန် ရာနှင့်ချီရှိနေပြီး အချို့သော ဆီ အုန်းဖြင့် ထုတ်လုပ်ထားသည့် စားသုံးဆီများမှာ ဓာတုပစ္စည်းများ ပါဝင်နေ သဖြင့် စားသုံးရန်မသင့်ကြောင်း ပြည်သူ့ကျန်းမာရေး တက္ကသိုလ်မှ တာဝန်ရှိသူတစ်ဦးက ပြောကြားသည်။ လတ်တလောကာလ မြန်မာနိုင်ငံတွင် ဖြစ်ပွားမှုမြင့်မားနေ သော မကူးစက်တတ်သည့် နာတာရှည်ရောဂါများ ဖြစ်ပွားရသည့် အဓိကအကြောင်းအရာများတွင် ဆီစားသုံးသူမြင့်မားနေခြင်းကြောင့် ဖြစ်ကြောင်း ၄င်းကထပ်လောင်း ပြောကြားခဲ့သည်။
နိုင်လင်း-popularmyanmar

အမျိုးသမီးများ သည်းခြေကျောက်တည်ရောဂါ အဖြစ်များ

သည်းခြေကျောက်တည် ရောဂါသည် အမျိုသားများထက် အသက် ၄ဝ ကျော်အမျိုးသမီးများတွင် ပိုအဖြစ်များကြောင်း ဒေါက်တာခင်မောင်လွင်၏ သည်းခြေကျောက် တည်ရောဂါနှင့် သဘာဝ ဆေးပညာအကြောင်း ဟောပြောပွဲ မှသိရသည်။
”အသက် ၄ဝကျော်ရင် အမျိုးသားတွေက ၈ ရာခိုင်နှုန်းဖြစ်တယ်။ အမျိုးသမီးတွေကတော့ ၂ဝ ရာခိုင် နှုန်းဖြစ်တယ်။ အသက်ကြီးလေ ဖြစ်တဲ့နှုန်းပိုများလေပဲ”ဟု ဒေါက်တာခင်မောင်လွင်က ပြောသည်။
"သည်းခြေရည်ထဲတွင်ရှိသော အဆီဓာတ်များ၊ ဘီလီရူဗင်ခေါ် ရောင်ခြယ်ပစ္စည်းများ၊ ကယ်လ်ဆီ ယမ်၊ သံဓာတ်၊ ကြေးနီဓာတ်နှင့် သတ္တုဓာတ်များမှာ လိုအပ်သည် ထက် ပိုများလာပါက ဆက်လက် ပျော်ဝင်နိုင်မှုမရှိဘဲ အနည်အဖြစ်ကျလာကာ အမှုန်၊ အဖတ်လေးများက ကျစ်လျစ်သိပ်သည်းလာပြီး ကျောက်ကဲ့သို့ မာကျောလာကာ သည်း ခြေ ကျောက်ရောဂါ ဖြစ်ရခြင်းပင်ဖြစ်ကြောင်း သိရသည်။"
”သည်းခြေကျောက်အမျိုးအစားက အဓိကအားဖြင့် နှစ်မျိုးရှိတယ်။ ကိုလက်စထရောကျောက်နဲ့ ရောင်ခြယ်ကျောက်တို့ဖြစ်တယ်။ ကိုလက်စထရော ကျောက်တည်တာ က လူလတ်ပိုင်းတွေမှာ ဖြစ်တာများပြီး အဆီစားများသူတွေ၊ ဆီကြော်စားတဲ့သူတွေမှာ ဖြစ်တယ်။ အသက် ၄ဝ ဝန်းကျင်မှာဖြစ်လေ့ရှိပြီး သည်း ခြေကျောက်တည်ရောဂါရဲ့ ၈ဝ ရာ ခိုင်နှုန်းဟာကိုလက်စထရောကျောက် တွေဖြစ်တယ်။ ရောင်ခြယ်ကျောက်ကတော့ လူကြီးပိုင်းမှာ ပိုအဖြစ်များပြီး ကျောက်တည်သူအားလုံးရဲ့ ၂ဝ ရာခိုင်နှုန်းဖြစ်ပွား တတ်တယ်” ဟု ၄င်းကထပ်လောင်း ပြောသည်။
ယင်းရောဂါသည် အသက် ၅ဝ အရွယ်အမျိုးသမီးလေးဦးမှာ တစ်ဦး၊ အသက် ၇၅ နှစ်အရွယ် အမျိုးသမီးနှစ်ဦးမှာ တစ်ဦးဖြစ်ပွား လေ့ရှိကြောင်း သိရသည်။
”ဒီရောဂါဟာ မျိုးရိုးဗီဇနဲ့လည်း ဆက်နွှယ်မှုရှိတယ်။ ကိုယ့်မိဘ ဆွေမျိုးအရင်းအချာမှာဖြစ်ရင် ကိုယ့်မှာလည်း ဖြစ်နိုင်တယ်။ အဆီစား သုံးမှုများတဲ့ လူတွေမှာဖြစ်တာပို တွေ့ရတယ်။ သွေးဆုံးတဲ့အမျိုးသမီးတွေမှာ ဖြစ်ဖို့များသလို HRT လို့ ခေါ်တဲ့ဟော်မုန်းဖြည့်ဆေးတွေ၊ ရင်သားကင်ဆာ ကုသတဲ့ဆေးတွေကြောင့်လည်း ဖြစ်တတ်တယ်” ဟု ဒေါက်တာခင်မောင်လွင်က သည်းခြေကျောက်တည် ရောဂါနှင့်ပတ်သက်ပြီး ပြောကြားသည်။
ချစ်ဆုဆွေ-popularmyanmar

ဆီးချိုရောဂါကြောင့် ရှစ်စက္ကန့်လျှင် လူတစ်ဦး သေဆုံး

ရန်ကုန်၊ နိုဝင်ဘာ ၁၇ ဆီးချိုရောဂါဝေဒနာရှင်သည် ကမ္ဘာပေါ်တွင် သန်း ၃ဝဝ ကျော်ရှိကာ ရှစ်စက္ကန့်တိုင်းတွင် လူတစ်ဦးနှုန်း သေဆုံးလျက်ရှိကြောင်း ၂ဝ၁၁ ခုနှစ် ကျန်းမာရေးစစ်တမ်းများ အရ သိရသည်။
ဆီးချိုရောဂါသည် မိမိ၌ ဖြစ်ပေါ်နေမှန်းမသိပါကကျန်းမာရေး အတွက် အလွန်အန္တရာယ်ကြီးသော ရောဂါတစ်ခုဖြစ်ပြီး ဆီးချိုရောဂါရှိ၊ မရှိကို ဆီးစစ်ကြည့်ခြင်းဖြင့် သိရှိနိုင်ကြောင်း အထွေထွေရောဂါကု ဆရာဝန် ဦးမြင့်သိန်းကပြောသည်။
”ဆီးချိုရောဂါဆိုတာကိုယ်တွင်း ဇီဝဖြစ်ပျက်မှု ချို့ယွင်းရာကနေ ဖြစ်ပေါ်လာတဲ့ ရောဂါတစ်မျိုးဖြစ်ပြီး မျိုးရိုးလိုက်တတ်ပါတယ်။ ဒီရောဂါ ဖြစ်ပွားစေတဲ့ အဓိက အကြောင်းရင်းတွေကတော့ တိတိကျကျ အခုထိ မသိရှိကြသေးဘူး။ ဒါပေမဲ့ ဖြစ်နိုင် တဲ့အကြောင်းရင်းကတော့ မျိုးရိုးလိုက်တာ၊ ရှိသင့်တာထက် ပိုဝခြင်း၊ သောကဖိစီးမှု၊ Steroidနဲ့ Cortisoneပါတဲ့ ဆေးများနဲ့ ဆီးဆေးတွေကို ကာလကြာရှည်အောင် သောက်တာ၊ ကိုယ်ခန္ဓာ ထိခိုက်ဒဏ်ရာရခြင်း တွေကြောင့်လည်း ဆီးချိုရောဂါဖြစ်ပွားဖို့ အခွင့်အလမ်းများပါတယ်”ဟု ၄င်းက ပြောသည်။
ယင်းရောဂါသည် အသက် အရွယ်မရွေးဖြစ်ပွားနိုင်ပြီး ၈ဝ ရာ ခိုင်နှုန်းမှာ အသက် ၅ဝကျော်၌ ဖြစ် လေ့ရှိကာ အသက် ၆ဝနှင့် ၇ဝကြား ၌ ဆီးချိုရောဂါဖြစ်ပွားမှု အများ ဆုံးဖြစ်ပြီး တစ်ခါတစ်ရံ တွင် ကလေးများနှင့် လူငယ်အရွယ် ဖြစ်ပွားတတ်သည်များ လည်းရှိကြောင်း သိရသည်။
၎င်းရောဂါသည် ကမ္ဘာပေါ်တွင် တစ်နှစ်လျှင် လူသန်းပေါင်း လေးသန်း၌ ဖြစ်ပွားလျက်ရှိပြီး လူလေးသန်းခန့် သေဆုံးလျက်ရှိကာ၊ လူတစ်သန်းကျော်မှာ ဆီးချို၊ သွေးချို ရောဂါ နောက်ဆက်တွဲအဖြစ် ခြေ၊ လက်များပုပ်သော ရောဂါခံစားရပြီး ခြေထောက်ဖြတ် ကုသခံနေရကြောင်း သိရသည်။
”ဆီးချိုရဲ့ရောဂါလက္ခဏာ အကြမ်းဖျင်းအနေနဲ့ဆိုရင် မျိုးရိုး ကြောင့်လည်း ဖြစ်နိုင်မယ်။ မောပန်း လွယ်တာ၊ ကိုယ်အလေးချိန် ရုတ် တရက်ကျသွားတာ၊ ခြေ၊ လက်ထုံ ကျဉ်တာ၊ ညအိပ်ချိန်မှာ မကြာခဏ ဆီးသွားမယ်၊ ဆီးများမယ်ဆိုတဲ့ လက္ခဏာတွေ့ရရင် ဆေးခန်းမှာသွားပြီး စစ်ဆေးသင့်ပါတယ်။ ကြိုတင်သိပြီး အစားရှောင်နိုင်ရင် အကောင်းဆုံးပဲ။ ဘာလို့လဲဆိုတော့ ဒီရောဂါက နောက်ဆက်တွဲဖြစ်တဲ့ လေဖြတ်ခြင်း၊ သွေးကြောကျဉ်းခြင်းနဲ့ နှလုံးရောဂါတို့ပါ ပါလာတတ်တာကြောင့် ဂရုစိုက်ဖို့ လိုအပ် တယ်” ဟု အထက်ပါ ပုဂ္ဂိုလ်က ပြောကြားသည်။
ကမ္ဘာ့ကျန်းမာရေးအဖွဲ့၏ သတ်မှတ်ချက်အရ ဆီးထဲ၌ သကြား ဓာတ်ပါရှိသည့် အပြင်၊ ထမင်းစားပြီး ၁ နာရီ ၂ နာရီအတွင်း စစ်ဆေးသော် သွေးထဲ၌ သကြားဓာတ် ပမာဏသည် ၂ဝဝာါ ထက်များပါက ဆီးချို ရော ဂါရှိသည်ဟု သတ်မှတ်နိုင်ကြောင်း သိရသည်။
မြန်မာနိုင်ငံတွင် နောင်လာမည့် နှစ်အနည်းငယ်အတွင်း ဖြစ်ပေါ်လာ နိုင်သော ကျန်းမာရေးပြဿနာတစ်ခု ဖြစ်သည့်အတွက် ဆီးချိုသွေးချို ရောဂါ ကာကွယ်ထိန်းသိမ်းရေး လုပ် ငန်းများကို အမျိုးသားကျန်းမာရေး စီမံကိန်း ၁၉၉၃-၁၉၉၆ မှစတင် အကောင်အထည်ဖော်ခဲ့ကြောင်း သိရသည်။
ပညာရှင်များ၏ ခန့်မှန်းချက် အရ ဤရောဂါကို လူတိုင်းလူတိုင်း နိုင်ငံတကာ စုပေါင်းညီညာစွာ ကာ ကွယ်နိုင်ခြင်း မပြုနိုင်ခဲ့ပါက ၂ဝ၃ဝ ခုနှစ်တွင် လူဦးရေ ၄၃၅ သန်း အထိ ရောဂါဖြစ်ပွားမှု မြင့်မားလာမည် ဖြစ်ကြောင်း၊ ထို့အတွက် ကဏ္ဍစုံ၊ ဘက်ပေါင်းစုံမှ လက်တွဲညီညီဖြင့် ဝိုင်းဝန်းကာကွယ်တိုက်ဖျက်သွား ကြရန် မှာကြားခဲ့ကြောင်း နိုဝင်ဘာ ၁၄ ရက်က နေပြည်တော် ကျန်းမာ ရေးဝန်ကြီးဌာန အစည်းအဝေးခန်းမ ၌ကျင်းပသည့်ကမ္ဘာ့ဆီးချို၊ သွေးချို ရောဂါကာကွယ်ထိန်းသိမ်းရေးနေ့ အထိမ်းအမှတ် အခမ်းအနား၌ ပြည် ထောင်စုဝန်ကြီး ဒေါက်တာဖေသက် ခင်က ပြောကြားသည်။
Ref:popularmyanamr

လေးဖက်နာနှလုံးရောဂါသည် ကူးစက်ရောဂါဖြစ်၍ ဂရုစိုက်ရန်လိုအပ်

ရန်ကုန်၊ ဇန်နဝါရီ ၁၄ လေးဖက်နာရောဂါသည် ကလေးနှင့်လူငယ်ပိုင်းတွင် အဖြစ်များသော ကူးစက်တတ်သည့် ရောဂါဖြစ်ကြောင်း အရိုးရောဂါကုဆရာဝန် ဦးသန့်ဇင်က ပြောသည်။

”ဒီရောဂါက ဗက်တီးရီးယားပိုး တစ်မျိုးကြောင့် ဖြစ်ပွားရတာဖြစ်တယ်။ အများဆုံးကတော့ အသက် ငါးနှစ်ကနေ ၁၅ နှစ်အတွင်း ဖြစ်ပွားတတ်တယ်” ဟု အထက်ပါ ဆရာဝန်က ပြောသည်။
လည်ပင်းနာ၊ အာသီးရောင်ဖြစ်သူ ကလေးများတွင် ၁၅ ရာခိုင်နှုန်း မှ ၃ဝ ရာခိုင်နှုန်းသည် ယင်းရောဂါပိုးကြောင့်ဖြစ်ပြီး ကျန် ရာခိုင်နှုန်းများမှာ ဗိုင်းရပ်စ် ပိုးကြောင့်ဖြစ်ကြောင်း သိရသည်။
ဗက်တီးရီးယားပိုးကြောင့် ဖြစ်သော လည်ပင်းနာ၊ အာသီးရောင်ခြင်းသည် လေးဖက်နာအဖျားနှင့် နှလုံးရောဂါ၏ မူလအစရင်းမြစ်ပင် ဖြစ်ကြောင်း ၄င်းကဆိုသည်။
”ဗက်တီးရီးယားပိုးကြောင့် ဖြစ်တဲ့ လည်ပင်းနာ၊ အာသီးရောင်ခြင်းရဲ့ လက္ခဏာတွေက လည်ပင်းနာခြင်းနဲ့အတူ ရုတ်တရက်ဖျားတာ၊ ခေါင်းကိုက်တာ၊ ပျို့အန်မယ်၊ ဗိုက်နာ မယ်၊ အာသီးတစ်ဝိုက် နီရဲရောင် ရမ်းမယ်၊ လည်ပင်းအကျိတ် ထွက်လာတာတွေ ဖြစ်နိုင်တယ်။ နောက်အဖျားမရှိဘဲနဲ့ မျက်လုံးနာ၊ နှာစေးတာ၊ ချောင်းဆိုး၊ ဝမ်းပျက် တာတွေလည်း ဖြစ်နိုင်သေးတယ်”ဟု ဆရာဝန် ဦးသန့်ဇင်က ဆက်လက် ပြောသည်။
ယင်းကဲ့သို့ ရောဂါလက္ခဏာပြ ပါက ပေါ့ပေါ့တန်တန်မထားဘဲ တတ်ကျွမ်းသော ဆရာဝန်များနှင့် ကုသမှုခံယူမှသာ လေးဖက်နာ အဖျားနှင့် နှလုံးရောဂါ ဖြစ်ပွားမှုမှ ကာကွယ်နိုင်မည် ဖြစ်ကြောင်း သိရသည်။
လေးဖက်နာ နှလုံးရောဂါ ဖြစ်ပွားပြီးပါက နောက်ထပ် အဖန်တလဲလဲ မဖြစ်ပွားအောင် ကာကွယ်ဆေးကို အနည်းဆုံး ငါးနှစ်အထိ ကုသမှုခံယူရမည်ဖြစ်သည်။ Benzathine Penicillin 1.2 million unit ကို တစ်လတစ်ကြိမ် ပုံမှန်ထိုးခြင်းဖြင့်လည်းကောင်း၊ Penicillin-V(250 mg)ဆေးပြားကို တစ်နေ့နှစ်ကြိမ် ပုံမှန်သောက်၍ လည်းကောင်း ကာကွယ်ကုသသွားရန် လိုအပ်ကြောင်း အထက်ပါဆရာဝန်က ပြောကြားသည်။
ချစ်ဆုဆွေ
Ref:popularmyanmar

ခေတ်သစ်လူနေမှုစနစ်၏ ဖိစီးမှုကြောင့် သွေတိုးရောဂါ အဖြစ်များလာ

နေ့စဉ်ကြုံတွေ့ရင်ဆိုင်နေရသော ခေတ်သစ်လူနေမှုစနစ်ဖိစီးမှု၊ စားသောက်မှုပုံစံမကျမှုတို့ကြောင့် သွေးတိုးရောဂါခံစားရမှု များလာကြောင်း ပါမောက္ခဦးနေဝင်း(ဆေး ပညာ)က ပြောသည်။

”သွေးတိုးဟာအင်မတန် ကြောက်စရာကောင်းတဲ့ အသံတိတ်လူသတ်သမားပဲ ဖြစ်တယ်။ လူနေမှုပုံစံ၊ နေထိုင်စားသောက်မှုတွေကို အခြေခံပြီးပေါ်လာတဲ့ ရောဂါအုပ်စု ဖြစ်တယ်။ နေ့စဉ်နဲ့အမျှ သွေးတိုးလူနာ အများအပြားကို ကုနေရပါတယ်။ ဒီအထဲမှာ ဖွံ့ဖြိုးပြီးနိုင်ငံတွေထက် ဖွံ့ဖြိုးဆဲနိုင်ငံတွေမှာ ပိုအဖြစ်များတာကိုတွေ့ ရတယ်”ဟု ၄င်းမှ ပြောသည်။
သွေးတိုးခြင်းကို ထိန်းသိမ်း၍ မရနိုင်ခြင်းမှာ ဝေဒနာခံစားရသူ ၅ဝ ရာခိုင်နှုန်းခန့်သည် ဆရာဝန်ညွှန်ကြားသောဆေးကို မှီဝဲသောက်သုံးရန် ငြင်းဆန်ခြင်းနှင့် ကျန်းမာ ရေးနှင့် မညီညွတ်သော ဘဝနေမှုပုံစံကို ပြုပြင်ပြောင်းလဲမှု မပြုခြင်းတို့ပင် ဖြစ်သည်ဟု ဦးနေဝင်းက ဆိုသည်။
သွေးတိုးရောဂါ အမျိုးအစားနှင့် ပတ်သက်၍ ၄င်းက ”သွေးတိုးမှာ ဘာရောဂါလက္ခဏာမှ မပြပါဘူး။ သွေးတိုးမှာ အဓိကအုပ်စုနှစ်မျိုးရှိတယ်။ တစ်ခုက အကြောင်းရင်း တိတိပပ ပေါ်ပေါ်ထင်ထင်မရှိတဲ့ သွေးတိုး။ နောက်တစ်ခုက တစ်ဆင့်ခံသွေးတိုး မိမိမှာရောဂါတစ်ခုရှိလို့ နောက်ဆက်တွဲ သွေးတိုးဖြစ်တာပေါ့။ ဒါက ရှားတယ်။ ဒါပေမဲ့ ဝုန်းဒိုင်းကြဲပြီး လူကိုဒုက္ခပေးတတ်တယ်။ ဆေးကုရတာ အင်မတန်ခက်တယ်” ဟု ဆက်လက်ပြောသည်။
”ခြုံပြောရရင် သွေးချိုနဲ့ ယှဉ် ရင်တောင် သွေးတိုးရောဂါက အင် မတန်ကြောက်စရာကောင်းတယ်။ သွေးတိုးကို ထိထိရောက်ရောက် ကုသမယ်ဆိုရင်တော့ နောက် ဆက်တွဲ ရောဂါတွေထဲက နှလုံးသွေးကြောကျဉ်းတာကို ၂ဝ ရာခိုင်နှုန်း၊ လေဖြတ်တာကို ၃၅ ရာခိုင်နှုန်း ကာကွယ် နိုင်မှာဖြစ်ပြီး သွေးတိုးလူနာ ၅ဝ ရာခိုင်နှုန်းကလည်း သွေးချိုရှိနေတတ်သလို သွေးချိုလူနာ ၅ဝ ရာ ခိုင်နှုန်းကလည်း သွေးတိုးရှိတတ်ပါတယ်။ နှစ်ခုတွဲမိပြီဆိုရင်တော့ တစ်ခုစီထက် ပိုဂရုစိုက်ဖို့ လိုပါတယ်” ဟု အထက်ပါပုဂ္ဂိုလ်က ထပ်မံပြောကြားသည်။
သွေးတိုးရောဂါဖြစ်ပွားမှုကို အချိန်မနှောင်းမီ သိရှိနိုင်ရန် ရောဂါကြိုတင် စမ်းသပ်ရှာဖွေခြင်း၊ သွေးတိုးရောဂါ၏ နောက်ဆက်တွဲအကျိုးဆက်များကို စနစ်တကျ ကိုင်တွယ်ဖြေရှင်းခြင်း စသည်တို့ကို လူထုလှုပ်ရှားမှုအသွင်ဖြင့် ဆောင်ရွက်သင့်ကြောင်း ဦးနေဝင်းက အကြံပြုသည်။
အပြည်ပြည်ဆိုင်ရာ ကျွမ်းကျင်သူများ ပါဝင်သောအဖွဲ့၏အဆိုအရ အရွယ်ရောက်ပြီးသူ လေးဦးအနက်တစ်ဦးသည် သွေးတိုးရောဂါ ခံစားနေရပြီး ထိန်းသိမ်းကာကွယ် နိုင်ခြင်း မပြုပါက နောင်နှစ် ၂ဝ အတွင်း ၆ဝ ရာခိုင်နှုန်းထိ သွေးတိုးရောဂါ ခံစားရသူ များလာနိုင်ကြောင်း၊ ကမ္ဘာတစ်ဝန်းတွင် သွေးတိုးရောဂါကြောင့် နှစ်စဉ်လူ ၇ ဒသမ ၁ သန်းခန့် အသက်ဆုံးရှုံးလျက်ရှိကြောင်း သိရသည်။
ချစ်ဆုဆွေ
Ref:popularmyanmar

အကိုက်အခဲပျောက်ဆေး ပါရာစီတမောလ် လိုအပ်သည်ထက် ပိုသောက်လျှင် အဆိပ်သင့် သေဆုံးနိုင်

ပါရာစီတမောလ်ဆေး ၅ဝဝ မီလီဂရမ်ဆေးပြားအား လိုအပ်သည်ထက် ပိုမိုသောက်သုံးမိပါက အဆိပ်သင့်သေဆုံးနိုင်ကြောင်း အထွေထွေရောဂါကု ဆရာဝန်ဦးစန်းထွေး က ပြောကြားသည်။
”အခြားဆေးတွေထက် ပါရာစီတမောလ်ဆေးကို လူတွေက အလွယ်တကူ ဝယ်သောက်လေ့ရှိကြတယ်။ ဒီဆေးရဲ့ အဓိကဘေးထွက်ဆိုးကျိုးက အသည်းရဲ့လုပ်ဆောင်မှု ကို တိုက်ခိုက်တာပဲ။ အရွယ်ရောက်ပြီးတဲ့ လူတစ်ယောက်ဟာ ဆေးတစ်ခါသောက်ရင် ပါရာစီတမောလ် ၅ဝဝ မီလီဂရမ် ၂ ပြားထက် ပိုမသောက်သင့်ပါဘူး”ဟု ၄င်းက ထပ်မံပြောကြားသည်။
"ပါရာစီတမောလ် လွန်ကဲသည့်လက္ခဏာများမှာ ဗိုက်အောင့်ခြင်း၊ အော့အန်ခြင်း၊ မူးဝေခြင်း၊ မစားချင် မသောက်ချင်ဖြစ်ခြင်း၊ ချွေးထွက်လွန်ခြင်း၊ စိတ်ရှုပ်ထွေးခြင်းများ ဖြစ်ပေါ်တတ်ပြီး အဆိုးဆုံးလက္ခဏာများအဖြစ် မျက်လုံးဝါခြင်း၊ ဆီးမည်းမည်းသွားခြင်း၊ အစာအိမ်အပေါ်ပိုင်း၌ နာကျင်ခြင်းစသည့် ဝေဒနာများ ဖြစ်ပွားတတ်ပြီး နောက် ဆုံးအခြေအနေအဖြစ် အသက်ဆုံးရှုံးသည်အထိပင် ဖြစ်နိုင်ကြောင်းသိရသည်။"
မြန်မာနိုင်ငံတွင် ရောင်းချနေသည့် ပါရာစီတမောလ်ဆေးများမှာ နိုင်ငံစုံမှဝင်ရောက်ပြီး ဈေးနှုန်းအမျိုးမျိုးဖြင့် ရောင်းချနေကာ ဆေးတောင့်၊ ဆေးပြား၊ ဆေးရည်၊ စအိုတွင်းထည့်ဆေး တောင့် စသည်ဖြင့် ဆေးဝါးပုံစံအမျိုးမျိုးရှိကြောင်း သိရသည်။
”ဒီဆေးကို ပုံမှန်သောက်မယ်၊ စနစ်တကျသာသောက်မယ်ဆိုရင် ခေါင်းကိုက်တာ၊ ကြွက်သားနာကျင်ကိုက်ခဲတာ၊ အဆစ်အမြစ်ရောင်၊ ခါးနာ၊ သွားကိုက်၊ အအေးမိဖျား နာတာတွေ ပျောက်ကင်းစေနိုင်ပေမယ့် ဆေးလွန်ရင်တော့ သေနိုင်ပါတယ်။ နောက်တစ်ခုက ဒီဆေးနဲ့မတည့်ဘဲ ခန္ဓာကိုယ်မှာ အနီကွက်တွေ ပေါ်လာတာ၊ အသက်ရှူရ တာခက်တာ၊ မျက်နှာ၊ လျှာနဲ့လည် ချောင်းစတဲ့ အစိတ်အပိုင်းတွေ ရောင်ရမ်းတတ်တာမျိုးလည်း တချို့ လာပြတဲ့လူနာတွေမှာ တွေ့ရတယ်”ဟု အထက်ပါဆရာဝန်က ပြောကြားသည်။
မြန်မာနိုင်ငံအတွင်းရှိ အသက်အရွယ်ကြီးသည့် လူတချို့သည် ခန္ဓာကိုယ် နာကျင်ကိုက်ခဲ၍ ပါရာစီတမောလ်ဆေးစားရင်း ဆေးစွဲသွားကာ ပဲလှော်စားသကဲ့သို့ စားနေကြ ခြင်းများကို ရှောင်ရှားသင့်ပြီး အထက်ဖော်ပြပါလက္ခဏာများ ပေါ်လာပါက မိမိသဘောနှင့် မိမိဘာသာ ဆေးသုံးစွဲနေမှုကိုရပ်ပြီး ဆရာဝန်နှင့်အမြန်ဆုံးပြသကာ ကုသမှု ခံယူသင့်ကြောင်း အထက်ပါပုဂ္ဂိုလ်က အကြံပြုပြောကြားသည်။
ချစ်ဆုဆွေ
Ref:popularmyanmar

ရန်ကုန်မြို့တွင်း လမ်းဘေးအစားအသောက်များတွင် လူအန္တရာယ်ပြု ရောဂါပိုးများ တွေ့ရှိ

Posted by AF in ကျန်းမာရေး သတင်း

ရန်ကုန်၊ ဇန်နဝါရီ ၂၁
ရန်ကုန်မြို့ပေါ်ရှိနေရာအချို့မှ လမ်းဘေးအစားအသောက်များတွင် လူကိုအန္တရာယ်ဖြစ်စေသည့် ရောဂါပိုးများ စစ်ဆေးတွေ့ရှိနေရကြောင်း အစားအသောက်နှင့် ဆေးဝါး ကွပ်ကဲမှုဦးစီးဌာန(FDA)၏ စမ်းသပ်ချက်များကို ကိုးကား၍ တာဝန်ရှိသူတစ်ဦးက ဆိုသည်။
၂ဝ၁၁ နှစ်ကုန်ပိုင်းက စတင်၍ ရန်ကုန်မြို့ မြို့လယ်ဧရိယာ ဖြစ်သည့် လသာနှင့် လမ်းမတော် မြို့နယ်များ ပါဝင်သည့် တရုတ်တန်းဧရိယာမှ လမ်းဘေး အစားအသောက် အချို့ကို အဓိကထား စစ်ဆေးခဲ့ရာမှ ယင်းကဲ့သို့ ရောဂါပိုးများ ပါဝင်နေသည်ကို စစ်ဆေးတွေ့ ရှိခဲ့ရခြင်း ဖြစ်ကြောင်း ၄င်းက ထပ်လောင်းပြောကြားသည်။
မည်သည့် ရောဂါပိုးများ ပါဝင်နေသည်ကို အတိအကျ ပြောဆိုနိုင်ခြင်း မရှိရသည့် အကြောင်းအရင်းမှာ ကာယကံရှင် ဈေးရောင်းချသူများ နစ်နာမည်ကို စိုးရိမ်သောကြောင့် ဖြစ်ကြောင်း ၄င်းကဆိုသည်။
ယခုအခါ တွေ့ရှိခဲ့သော ရောဂါပိုးများကို ဓာတ်ခွဲခန်းတွင် စမ်းသပ်မွေးမြူ၍ လူကိုမည်ကဲ့သို့ အန္တရာယ်ပြုနိုင်ကြောင်းကို ဖော်ထုတ် သွားမည်ဖြစ်ကြောင်း ၄င်းကဆိုသည်။
ထိုကဲ့သို့ ရောဂါပိုးများ တွေ့ရှိခဲ့သည့် နောက်ဆက်တွဲ အခြေအနေများကြောင့် အထက်ပါဧရိယာများရှိ ဈေးရောင်းချ သူများကို သန့်ရှင်းရေးပိုင်းနှင့် ကျန်းမာရေးပိုင်း ဆိုင် ရာ အသိပညာပေးမှုများကို ခေါ်ယူပြုလုပ်ခဲ့ပြီး တက်ရောက်လေ့လာ ကြသော ဈေးရောင်းချသူများကို တစ်နာရီလျှင် ငွေကျပ် ၅ဝဝ စရိတ်ပေး၍ ဆွဲဆောင် ခဲ့ကြောင်း ပြည်သူ့ကျန်းမာရေး တက္ကသိုလ်မှ တာဝန်ရှိသူတစ်ဦးက ပြောကြားသည်။
ယင်း အသိပညာပေးမှုများအပြီးတွင် ဈေးရောင်းချသူအချို့မှာ ညွှန်ကြားချက်များကို လိုက်နာကြသော်လည်း အများစုမှာခဏတာသာ လိုက်နာကြသေးကြောင်း၊ အခြားဒေသများနှင့် မြို့နယ်များတွင်လည်း ယခုကဲ့သို့ စမ်းသပ်စစ်ဆေးမှုများ၊ အသိပညာပေးမှုများကို ကျယ်ကျယ်ပြန့်ပြန့် လုပ်ဆောင်သွားသင့်ကြောင်း ၄င်းက ထပ်လောင်းပြောကြားသည်။
ယခု ပိုးတွေ့ရှိရသော အစားအသောက်များမှာ ဝက်သားတုတ်ထိုးကဲ့သို့သော အသားတုတ်ထိုးများ၊ လက်သုပ်စာများ၊ အကင်များနှင့် အချို့သော ဖုံးအုပ်မထားသည့် အသင့်စား အစားအစာများဖြစ်ပြီး အချို့သော အစားအသောက်များတွင် အီကိုလိုင် ကဲ့သို့သော ရောဂါပိုးများကိုပင် တွေ့ရှိနေရကြောင်း FDAမှ တာဝန်ရှိသူတစ်ဦးက ဆိုသည်။
အချို့သော ရောဂါပိုးများကို အစားအသောက်များတွင် တွေ့ရှိခဲ့ကြသော်လည်း ရောဂါပိုးအရေအတွက် ပမာဏကို လိုက်၍ လူကို အန္တရာယ်ဖြစ်စေတတ်ကြောင်း ဝါရင့် အထွေထွေရောဂါကု ဆရာဝန်ကြီးက သုံးသပ်ပြောကြားသည်။
နိုင်လင်း

Ref:popularmyanmar

ဒေါ်လာ ၁ သောင်းဖိုးအထိ လွတ်လပ်စွာ လဲလှယ်နိုင်ပြီ!

အမေရိကန်ဒေါ်လာနှင့် နိုင်ငံခြားငွေကြေးများကို အမေရိကန်ဒေါ်လာ ၁ သောင်းဖိုးအထိ စာရွက်စာတမ်း ပြသရန်မလိုဘဲ ပုဂ္ဂလိကဘဏ်များ၏ ငွေလဲလှယ်ရေးစင်တာများတွင် မနက်ဖြန်မှ စတင်ကာ လွတ်လပ်စွာလဲလှယ်နိုင်ပြီ ဖြစ်သည်။
အဆိုပါ လဲလှယ်မှု အစီအစဉ်ကို မြန်မာနိုင်ငံတော် ဗဟိုဘဏ်က ဇန်န၀ါရီလ ၂၆ ရက်နေ့တွင် ထုတ်ပြန်ခဲ့ပြီး မြန်မာနိုင်ငံသားများရော နိုင်ငံခြားသားများပါ လွတ်လပ်စွာ လဲလှယ်နိုင်မည်ဖြစ်ကြောင်း မြန်မာရှေ့ဆောင်ဘဏ် ဥက္ကဋ္ဌ ဦးချစ်ခိုင်က ဧရာဝတီသို့ ပြောသည်။

ရန်ကုန် နိုင်ငံတကာ လေဆိပ်မှ အာရှစိမ်းလန်းမှု ဖွံဖြိုးရေး (AGD) ဘဏ်၏ ငွေလဲကောင်တာတခု (ဓာတ်ပုံ - AGD ဘဏ်/Facebook)

ယင်းခွင့်ပြုချက်အရ အမေရိကန်ဒေါ်လာ၊ စင်ကာပူဒေါ်လာ၊ ယူရိုငွေကြေးများကို အမေရိကန်ဒေါ်လာ ၁ သောင်းဖိုးအထိ လဲလှယ်နိုင်မည်ဖြစ်သည်။
“အခုဆို မြန်မာပြည်ကို ပြည်ပခရီးသွားတွေ အရမ်းလာနေပြီလေ။ သူတို့အတွက် အဆင်ပြေတာပေါ့။ မြန်မာပြည်မှာ ခရက်ဒစ်ကတ် စနစ်က မတွင်ကျယ်သေးတော့ ခရီးသွားတွေ လိုသလောက်လဲပြီး သုံးနိုင်တာပေါ့” ဟု ၎င်းက ဆိုသည်။
ယခုကဲ့သို့ လဲလှယ်ခွင့် ပြုလိုက်ခြင်းကြောင့် ကျဆင်းနေသည့် ငွေလဲလှယ်မှုနှုန်းထားလည်း ပြန်လည် မြင့်တက်လာနိုင်ကြောင်း ဦးချစ်ခိုင်က သုံးသပ်သည်။
ယမန်နေ့က ထုတ်ပြန်သည့် အာရှစိမ်းလန်းမှု ဖွံဖြိုးရေး (AGD) ဘဏ်၏ ကြေညာချက်တွင်လည်း ငွေလဲလှယ်ရန် နိုင်ငံခြားသား ခရီးသွားများအနေဖြင့် နိုင်ငံကူးလက်မှတ်၊ အကောက်ခွန်ကြေညာလွှာ ပြရခြင်း၊ အလားတူ မြန်မာနိုင်ငံသားဖြစ်ပါက နိုင်ငံခြားငွေရရှိရာ ငွေဝင်ရင်းမြစ်ကို တင်ပြရခြင်း၊ ၀ယ်ယူခြင်းဖြစ်ပါက မည်သည့်ကိစ္စများတွင် အသုံးပြုမည်ဟု သက်သေတင်ပြရခြင်းများ မလိုအပ်တော့ကြောင်း ဖော်ပြထားသည်။
ပုဂ္ဂလိကဘဏ်များ၏ ငွေလဲလှယ်ရေး ကောင်တာများတွင် အမေရိကန် တဒေါ်လာလျှင် မြန်မာငွေ ၈၂၃ ကျပ်ဈေးဖြင့် လဲလှယ်ပေးနေသည်။
မကြာသေးမီကလည်း ပြည်တွင်းပုဂ္ဂလိကဘဏ် ၁၁ ဘဏ်ကို မြန်မာအစိုးရက စင်ကာပူ၊ မလေးရှားနှင့် ထိုင်းစသည့် အရှေ့တောင်အာရှ နိုင်ငံများတွင် ဘဏ်လုပ်ငန်း လုပ်ကိုင်ခွင့် ပြုခဲ့သေးသည်။
အမည်မဖော်လိုသည့် ဘဏ်လုပ်ငန်းရှင်တဦးကမူ သမ္မတ ဦးသိန်းစိန် အစိုးရအနေဖြင့် မြန်မာပုဂ္ဂလိကဘဏ်များအား တရုတ်နိုင်ငံ အပါအ၀င် အရှေ့အာရှနိုင်ငံများ၌ ဘဏ်လုပ်ငန်း လုပ်ကိုင်ခွင့် ပြုသည်ဆိုသည်မှာ မှန်ကန်ကြောင်း၊ သို့သော် အနောက်နိုင်ငံများမှ ချမှတ်ထားသည့် စီးပွားရေးပိတ်ဆို့မှု ရှိနေသေးသည့်အတွက် သက်ဆိုင်ရာနိုင်ငံများမှ လုပ်ကိုင်ခွင့် မပြုသေးကြောင်း ပြောသည်။
“ဆန်ရှင်ရှိနေသေးတော့ ဘယ်နိုင်ငံကမှ ခွင့်မပြုသေးဘူး။ အစိုးရနဲ့ အရင်းအနှီးဆုံး တရုတ်နိုင်ငံကတောင် အခုဘဏ်တွေကို စာရင်းဖွင့်ခွင့် မပေးသေးဘူး။ တရုတ်ကိုယ်တိုင်က အမေရိကန်ကို ငွေကြေးသြဇာ လွန်ဆန်လို့မရသေးဘူး” ဟု ၎င်းက ဆိုသည်။
တရုတ်နိုင်ငံအနေဖြင့် ၎င်း၏ အကြီးဆုံးဘဏ်တခုဖြစ်သည့် ICBC ဘဏ်ကို မြန်မာနိုင်ငံတွင် ဖွင့်လှစ်ခွင့်ပြုထားသော်လည်း မြန်မာနိုင်ငံမှ ပုဂ္ဂလိကဘဏ်များကို ၎င်းတို့နိုင်ငံတွင် ဖွင့်လှစ်ခွင့် ပိတ်ပင်ထားကြောင်း၊ အလားတူ စင်ကာပူ၊ မလေးရှား၊ ထိုင်းစသည့်နိုင်ငံများတွင်လည်း ဘဏ်ဖွင့်လှစ်နိုင်ရန်ထက် သာမန်ငွေလွှဲလုပ်ငန်းကိုသာ လုပ်ကိုင်ရမည်ဖြစ်ကြောင်း အဆိုပါ ဘဏ်လုပ်ငန်းရှင်က ဆက်လက်ပြောသည်။
မြန်မာအစိုးရက နိုင်ငံခြားတိုင်းပြည်များတွင် ဘဏ်လုပ်ငန်းလုပ်ကိုင်ခွင့် ပေးအပ်ခဲ့ရာ AGD ဘဏ်က မလေးရှားနှင့် စင်ကာပူ၊ ဧရာဝတီဘဏ်က မလေးရှား၊ ကမ္ဘောဇဘဏ်က ထိုင်း၊ သမ၀ါယမဘဏ် (CB) က စင်ကာပူ၊ မြန်မာရှေ့ဆောင်ဘဏ်က ထိုင်း နိုင်ငံတို့တွင် ငွေလွှဲဌာနများ ဖွင့်လှစ်ခွင့် ရရှိထားသည်။
သမ္မတ ဦးသိန်းစိန် အစိုးရလက်ထက် စီးပွားရေးပြုပြင်ပြောင်းလဲမှုများ ပြုလုပ်ရာတွင် ရှုပ်ထွေးနေသည့် နိုင်ငံခြား ငွေကြေးလဲလှယ်မှုစနစ်ကို ပြုပြင်ရန် လုပ်ထုံးလုပ်နည်းဆိုင်ရာ အကူအညီရရှိရေးအတွက် နိုင်ငံတကာ ငွေကြေးရန်ပုံငွေအဖွဲ့ (IMF) ထံမှ ပြီးခဲ့သည့် စက်တင်ဘာလကတည်းက အကူအညီတောင်းခံခဲ့သည်။
မကြာသေးမီက ထုတ်ပြန်သည့် IMF အဖွဲ့ကြီး၏ မြန်မာနိုင်ငံဆိုင်ရာ စီးပွားရေးသုံးသပ်ချက် စစ်တမ်းတွင် နိုင်ငံ့စီးပွားရေး တည်ငြိမ်စေရန် ရှုပ်ထွေးနေသည့် နိုင်ငံခြား ငွေကြေးလဲလှယ်မှုစနစ်ကို ဦးစားပေး ပြုပြင်ပြောင်းလဲရန် လိုအပ်ကြောင်း၊ စီမံခန့်ခွဲမှုအပိုင်းတွင်လည်း မက်ခရိုစီးပွားရေး တည်ငြိမ်မှုကို ထိမ်းထားရန်အတွက် ပြုပြင်ပြောင်းလဲရမည်ဖြစ်ကြောင်း ထောက်ပြထားသည်။
ထိုသို့ ငွေကြေးဆိုင်ရာ ပြုပြင်မှုများ ပြုလုပ်ရာတွင် လာမည့် ဧပြီလ ဘဏ္ဍာရေးနှစ်သစ်မှ စတင်ကာ မြန်မာကျပ်ငွေနှင့် အမေရိကန် ဒေါ်လာလဲလှယ်မှုနှုန်းကို ယခင် သတ်မှတ်ထားသည့် ၆ ကျပ်အစား ယခု အမှန်တကယ် ပြင်ပပေါက်ဈေးနှင့် နီးစပ်သည့် တဒေါ်လာလျှင် ၈၀၀ ကျပ်နှုန်းသို့ ပြင်ဆင်သတ်မှတ်တော့မည်ဖြစ်ကြောင်း ပြောဆိုမှုများ ထွက်ပေါ်နေသည်။
သို့သော် မြန်မာရှေ့ဆောင်ဘဏ် ဥက္ကဋ္ဌ ဦးချစ်ခိုင်ကမူ ငွေလဲလှယ်နှုန်းကို တဒေါ်လာလျှင် မြန်မာငွေ ၁၀၀၀ ကျပ်ခန့် သတ်မှတ်စေချင်ကြောင်း၊ သို့မှသာ ပြည်ပပို့ကုန်လုပ်ငန်းများ လုပ်ကိုင်နေသည့် မြန်မာ့စီးပွားရေးလုပ်ငန်းရှင်များ အနေဖြင့် ပြည်ပလုပ်ငန်းရှင်များနှင့် ယှဉ်ပြိုင်လုပ်ကိုင်နိုင်မည်ဖြစ်ကြောင်း အကြံပြုသည်။
Ref:burma-irrawaddy

ဘိန်း သံသရာ

By featured, ဇာနည်မာန် on January 31, 2012 4:28 pm

“ကျနော်တို့အတွက်ကဘိန်းဆိုတာ အန္တရာယ်၊ လူသားမျိုးနွယ် အညွန့်တုံးစေမယ့် မူးယစ်ဆေး။ ဒါပေမယ့် တောင်သူတွေအတွက်ကတော့ဒါဟာ ရွှေ။ သူတို့သိတာ သူတို့စားဝတ်နေရေးအတွက် ရွှေ၊ စားစရာပေးမယ့်ငွေ”

ဒါကတော့ မြန်မာနိုင်ငံမူးယစ်အထူးတိုက်ဖျက်ရေးအဖွဲ့က အငြိမ်းစား ရဲအရာရှိတယောက် ပေးတဲ့မှတ်ချက်ပါ။

ရှမ်းပြည်နယ်နမ့်ဆမ်မြို့နယ်က ဘိန်းစိုက်တောင်သူ ဦးစိုင်းလုံ (အမည်ရင်းမဟုတ်)က “ဘိန်းစိုက်ရင် အချိန် ၄ လပဲ ပေးရတယ်။ ၄ လနဲ့တင် အစေးယူလို့ရပြီ။ ဘိန်းစိမ်းတပိဿာကို အနည်းဆုံးကောက်ဈေး ၆ သိန်းကနေ ပြန်ရောင်းဈေးက ၁၅ သိန်း၊ ၁၆ သိန်းအထိ အရည်အသွေးအလိုက်ဈေးပေါက်တယ်။ အဲဒီတော့ ဒီတပိဿာတည်းနဲ့ တနှစ်လုံး ထိုင်စားလို့ရတာကိုး။ အချိန်အကြာကြီးစောင့်ပြီးအဝေးကြီး၊ အများကြီးသယ်သွားပြီး ရောင်းမှရမယ့် သနပ်ဖက်တို့၊ အာလူးတို့၊ သီးနှံတို့ ဘယ်စိုက်တော့မတုန်း” ပြောပြပါတယ်။
ဘိန်းပင်တွေစိုက်တဲ့အခါထွေထွေထူးထူး ထိန်းသိမ်းပြုပြင်ဖို့ မလိုသလို ဘိန်းသီးကိုခြစ်လို့ ထွက်လာတဲ့ အစေးတွေကိုနောက်တနေ့မှာ ပြန်သိမ်းယူရတာဟာ လက်ဝင်တဲ့အလုပ်ဆိုပေမယ့် ဘိန်းတဧကကို ဘိန်းစိမ်း တပိဿာခွဲကနေ ၃ ပိဿာအထိရတာကြောင့် အခြားသီးနှံတွေ စိုက်တာထက်စာရင် အကျိုးအမြတ်ပိုရနေတယ်လို့ သိရပါတယ်။
အစေးခြစ်ယူတဲ့နည်းအပြင်ဘိန်းပင်စိုက်တဲ့အခါ အဖူးလေးတွေ ထွက်လာတာနဲ့ အပင်ကိုနှုတ်၊ ရေနည်းနည်းနဲ့ ပြုတ်ပြီးတော့အဆီထုတ်ယူတာကနေ ရတဲ့ဘိန်းဆီဟာလည်း ဈေးကောင်းရတယ်လို့ ဆိုပါတယ်။
ရာသီဥတု အပြောင်းအလဲ၊မြေဆီအခြေအနေ စတာတွေကြောင့် တခြားစိုက်ပျိုးသီးနှံတွေ မအောင်မြင်လို့ တခြားတောင်သူတွေစားဝတ်နေရေးပြဿနာ ရင်ဆိုင်ရပေမယ့် ဘိန်းစိုက်တောင်သူတွေ အဖို့ကတော့ ဘိန်းစိုက်တာ တနှစ်အောင်မြင်သွားရင်ပဲနောက် ၂ နှစ် ၃ နှစ်အထိ စားဝတ်နေရေး ပြေလည်ကြပါတယ်။
ဒါကြောင့်လည်းရှမ်းတောင်တန်းတွေမှာ အရင်က ဝေစည်နေခဲ့ဖူးတဲ့ သနပ်ဖက်စိုက်ခင်းတွေ၊ သီးနှံစိုက်ခင်းတွေနေရာမှာငွေဖြစ်လွယ်တဲ့ ဘိန်းခင်းတွေက အစားထိုးဝင်လာနေတာပါ။
ဘိန်းစိုက်တာအပြင်မူးယစ်ဆေးဝါး ထုတ်လုပ်တာတွေပါ ရှိနေတယ်။ နယ်မြေခံအာဏာပိုင်တွေ၊ အစိုးရနဲ့ ငြိမ်းချမ်းရေးယူထားတဲ့တိုင်းရင်းသားလက်နက်ကိုင် အဖွဲ့အစည်းတချို့တို့ ပါဝင်ပတ်သက်တာတွေလည်း ရှိနေတယ်လို့သိရပါတယ်။
“သူတို့ကို ဘိန်းခွန်ပေးရတယ်။ ဘိန်းဆယ်ပိဿာထွက်ရင် အရည်အသွေးအလိုက် ဘိန်းခွန် တပိဿာ၊ နှစ်ပိဿာ၊ နောက်ပြီး ဘယ်အဖွဲ့ကိုငွေဘယ်လောက် ဆိုတာမျိုး ဘိန်းခွန်ပေးရတာ။ တချို့ကျတော့လည်း သူတို့ကိုယ်တိုင် တောင်သူတွေကိုစည်းရုံးပြီးစိုက်ခိုင်း၊ ပြီးရင် သူတို့ကပဲ ပြန်ဝယ်တယ်။ ပြီးရင် တရုတ်ပြည်ကို ရောင်းတာရောင်း၊ဘိန်းဖြူပြန်ချက်တာတွေ လုပ်ကြတယ်” လို့ ဦးစိုင်းလုံက ပြောပါတယ်။
ပလောင်အမျိုးသမီးများအဖွဲ့(PWO) ကထုတ်တဲ့ အစီရင်ခံစာတရပ်မှာတော့ ရှမ်းပြည်နယ် ပလောင်ဒေသမှာ ဘိန်းစိုက်ပျိုး ထုတ်လုပ်နေတာတွေဟာ၂၀၁၀ နိုဝင်ဘာ နောက်ပိုင်းကနေ ၂၀၁၁ နှစ်ကုန်ပိုင်းအထိ ၇၈ ရာနှုန်း တိုးတက်လာတယ်လို့ ဖော်ပြထားပါတယ်။ကုလသမဂ္ဂ မူးယစ်ဆေးဝါးနှင့် ရာဇဝတ်မှုဆိုင်ရာရုံးကလည်း မြန်မာနိုင်ငံရဲ့ ဘိန်းစိုက်ပျိုးမှုဟာတနှစ်အတွင်းမှာ ၂၀ ရာနှုန်း မြင့်တက်လာတယ်လို့ ထုတ်ပြန်ထားပါတယ်။
ရှမ်းပြည်နယ်ဘက်တင်မကအိန္ဒိယ-မြန်မာ နယ်စပ်ဒေသဖြစ်တဲ့ ချင်းပြည်နယ်နဲ့ စစ်ကိုင်းတိုင်း အနောက်မြောက်ပိုင်းမှာဆိုရင်လည်း၂၀၀၈ ခုနှစ်နောက်ပိုင်းမှာ ဘိန်းကို တိုးပြီး စိုက်လာကြတာဟာ ၂၀၁၁ နှစ်ကုန်ပိုင်းမှာဆိုရင်ဧက ၅၀၀ ထက်မနည်း ရှိနေပြီလို့ ဒေသခံတွေဆီက သိရပါတယ်။
“အများစုက ဒီဖက်မှာလာနေတဲ့ကသည်းလူမျိုးတွေ စိုက်ကြတယ်။ သူတို့ကို ဒီက အာဏာပိုင်တွေက နေထိုင်ခွင့် ပေးထားပြီး အဲဒီဘိန်းစိုက်တာကိုလည်းငွေယူပြီးတော့ ခွင့်ပြုထားတာ။ ထွက်လာတဲ့ ဘိန်းစိမ်းတွေကို တရုတ်ကိုပို့တယ်။ အိန္ဒိယဘက်ကိုပြန်ပို့တာလည်း ရှိတယ်” လို့ အိန္ဒိယ-မြန်မာနယ်စပ်မှာ နေထိုင်သူတဦးက ပြောပြပါတယ်။
ကချင်ပြည်နယ်မှာလည်းဘိန်းစိုက်ပျိုးမှု တိုးတက်လာတာရဲ့ နောက်ဆက်တွဲအဖြစ် မူးယစ်ဆေးဝါး သုံးစွဲမှုတွေ တစတစ များလာလို့ဖားကန့်၊ လုံးခင် စတဲ့ ကျောက်တူးရာ မှော်ထဲတွေမှာ မူးယစ်ဆေးဝါးပြဿနာတွေ၊ အမှုအခင်းတွေမကြာခဏ ဖြစ်နေတယ်လို့ ဒေသခံတွေက ပြောပါတယ်။
“နယ်မြေခံရဲတွေကလည်းလိုင်းကြေးတွေယူပြီး လွှတ်ထားတော့ မှော်ထဲမှာဆိုရင် ဒီဆေးပြားတွေ၊ ဘိန်းတွေက လွတ်လွတ်လပ်လပ်ကိုရောင်းဝယ်ဖောက်ကားနေသလို ဖြစ်နေတယ်။ မြို့ပေါ်မှာတောင် တက္ကစီသမားတွေ၊ ကျောင်းသားတွေဘိန်းစွဲနေတာ၊ ဆေးပြားသုံးနေတာတွေ အများကြီး တွေ့လာရတယ်” လို့ ဖားကန့်ဒေသခံတွေက ပြောပါတယ်။
မူးယစ်ဆေးဝါး ပပျောက်ရေးအတွက်ဘိန်းအစားထိုးသီးနှံ စိုက်ပျိုးမှုတွေ လုပ်နေတယ်ဆိုပေမယ့် မထိရောက်တာတွေအပြင် အာဏာပိုင်တွေ ပါဝင်ပတ်သက်နေတာကြောင့်အခုလို ဘိန်းစိုက်ပျိုးမှုတွေ ပြန်တိုးလာရတယ်လို့ အငြိမ်းစား မူးယစ်တိုက်ဖျက်ရေး အရာရှိဟောင်းက သုံးသပ်ပါတယ်။
၁၉၉၅-၉၆ ခုနှစ်လောက်မှာမူးယစ်ဆေးဝါး တိုက်ဖျက်ရေး စီမံကိန်းတရပ်အနေနဲ့ ဘိန်းအစားထိုးသီးနှံအဖြစ် ပန်းဂျုံစိုက်ပျိုးဖို့အတွက် ဂျပန်နိုင်ငံက မျိုးစေ့နဲ့ နည်းပညာ အထောက်အကူတွေ ပေးခဲ့ပါတယ်။ ရှမ်းပြည်နယ်ကတောင်တန်းဒေသတွေရဲ့ မြေဆီမြေလွှာ အနေအထားအရ ပန်းဂျုံ စိုက်ပျိုးအောင်မြင်ရမှာ ဖြစ်ပေမယ့်တကယ်တမ်း လက်တွေ့မှာတော့ အောင်မြင်မှုမရခဲ့ဘူးလို့ သူက ဆိုပါတယ်။
“မျိုးစေ့တွေပေးတယ်၊ရောင်းစားတယ်။ မြေသြဇာတွေ၊ စိုက်ပျိုးရေးသုံးပစ္စည်းတွေ အထက်က ချပေးတယ်။ ရွာသားတွေဆီမရောက်ဘူး။ ပေါက်တူးကအစ၊ တူရွင်းကအစ ၀န်ထမ်းတွေက ရောင်းစားတယ်။ ရွာသားဆီကိုကျတော့ မကောင်းတဲ့မျိုးစေ့၊မကောင်းတဲ့ပစ္စည်းပေး၊ မြေသြဇာက မလုံမလောက်နဲ့ဆိုတော့ အထွက်မကောင်းတာနဲ့ မစိုက်ချင်ကြတော့ဘူး။ပန်းဂျုံဆိုတာ မူးယစ်ပြတိုက်မှာပဲ ရှိတော့တယ်” လို့ သူက ဆက်လက်ပြောပြပါတယ်။
ဘိန်းအစားထိုးသီးနှံ စိုက်ပျိုးဖို့တောင်သူတွေကို ပညာပေး၊ စိုက်ပျိုးရေးသင်တန်းတွေ ပေးပြီး မျိုးစေ့တွေ၊ အပင်တွေ ပေးလိုက်ပေမယ့်လည်းတောင်သူတွေက မျိုးစေ့တွေ၊ အပင်တွေကို လမ်းမှာတင် ပစ်ခဲ့တာမျိုးလည်း ကြုံတွေ့ရဖူးတယ်လို့ဆိုပါတယ်။
“ဘာလို့တုန်းမေးတော့ ဒါတွေစိုက်ရင် အနည်းဆုံး ၂ နှစ် ၃ နှစ်နေမှ အကျိုးခံစားရမယ်၊ ဒီကြားထဲမှာ ကျနော်တို့ဘာသွားစားရမလဲ၊ ငတ် သေမှာပေါ့တဲ့။ ပြီးတော့ ဒါတွေ ပြန်ရောင်းမယ်ဆိုရင် အများကြီးလည်းထမ်းရတယ်။ အမြတ်ရရင်လည်း အလွန်ဆုံးမှ အချိန် တဆယ်လောက်ကိုမှ လေးငါးထောင်။ ဘိန်းတပိဿာဆိုအသာလေးသယ်သွား၊ တနှစ်မက ထိုင်စားလို့ရတယ်လို့ ပြန်ပြောတာဗျာ” လို့ သူကပြောပါတယ်။
ဘိန်းခင်းတွေဖျက်ဆီးရှင်းလင်းရေး လုပ်တဲ့အခါ နယ်မြေခံ အာဏာပိုင်အဖွဲ့တွေနဲ့ တိုင်းရင်းသား လက်နက်ကိုင်အဖွဲ့တွေ ညှိနှိုင်းမှုတွေလုပ်ထားတာကြောင့်ဓာတ်ပုံရိုက်ရုံ၊ ဗီဒီယိုသတင်းရိုက်ရုံသာ ဖျက်ဆီးကြလို့ ရှိနေတဲ့ဘိန်းခင်းဧရိယာရဲ့၅ ပုံတပုံကိုသာ ဖျက်နိုင်တာလို့ဆိုပါတယ်။
မူးယစ်ဆေးဝါးရောင်းဝယ်ဖောက်ကားမှုကို တိုက်ဖျက်ရေးမှာလည်း အဓိက ကုန်သည်ကြီးတွေ၊ ထုတ်လုပ်သူတွေဟာ အာဏာပိုင်တွေကိုလာဘ်ထိုးထားတာကြောင့် အမြဲတစေ လွတ်မြောက်လေ့ရှိတယ်။ လာဘ်ထိုးတဲ့အခါ ငွေကြေးအပြင်၊ မူးယစ်ဆေး၊နေအိမ်၊ ကားစတာတွေ လာဘ်ထိုးလေ့ရှိတယ်လို့ သူကဆိုပါတယ်။
သူက “တရားခွင်ပေါ် ရောက်သွားတဲ့လူတွေဟာလက်လီပြန်ရောင်းသူတွေ၊ ဆေးသုံးသူတွေပဲ များတယ်။ အဓိက ကုန်သည်တွေ၊ ထုတ်လုပ်သူတွေရဲ့ အမှုတွေဟာတရားခွင်ပေါ်ရောက်လာတာ သိပ်ရှားတယ်။ အချုပ်မှာတင် လာဘ်ထိုးပြီး အာမခံနဲ့ လွှတ်တယ်ဆိုတာမျိုးကြောင့်တခါ လိုက်ပြန်ဖမ်းရတာမျိုး ခဏခဏကြုံဖူးတယ်။ ဖမ်းတဲ့ နေရာတင် ဆရာတို့ ဒီဟာတွေ ယူသွားပါ ကျနော်တို့ကိုတော့လွှတ်ပေးပါဆိုတော့ ဖမ်းတဲ့သူတွေက ပစ္စည်းတွေကို သိမ်း၊ လူကိုတော့ ပြေးခိုင်း၊ ပြီးတော့သူတို့ဘာသာ ပြန်ရောင်းတယ်။ ဒီလို အကျင့်ပျက်ဝန်ထမ်းတွေကို အဖွဲ့လိုက် ဖမ်းခဲ့ရဖူးတယ်” လို့ ပြောပြပါတယ်။
မြန်မာအစိုးရကကတော့ ပြီးခဲ့တဲ့ ၂၀၁၁ နှစ်ကုန်ပိုင်း ဘိန်းစိုက်ပျိုးရာသီဖြစ်တဲ့ စက်တင်ဘာကနေ နိုဝင်ဘာအထိမှာရှမ်းပြည်နယ် ပင်လောင်း၊ ဖယ်ခုံ၊ ဆီဆိုင်၊ တောင်ကြီး၊ ဟိုပုံး၊ မိုင်းကိုင်၊ မောက်မယ်၊လွိုင်လင်မြို့နယ်တွေနဲ့ ကယားပြည်နယ်ဖရူးဆိုး၊ဒီမောဆိုးမြို့နယ်၊ ချင်းပြည်နယ်၊ ကချင်ပြည်နယ်နဲ့ မကွေးတိုင်းတွေက ဘိန်းခင်း၂၄၁၆၉ဒဿမ ၃၃ ဧကကို ဖျက်ဆီးနိုင်ခဲ့တယ်၊မူးယစ်ဆေးဝါး ရောင်းဝယ်ဖောက်ကားသူ ၂၂၉ ယောက်ကိုလည်း ဖမ်းဆီးအရေးယူနိုင်ခဲ့တယ်၊ စိတ်ကြွဆေးပြား၇ သိန်းကျော်ကိုလည်း ဖမ်းမိခဲ့တယ်လို့ သူတို့ သတင်းစာတွေမှာ ဖော်ပြခဲ့ပါတယ်။
ဘိန်းအဓိက စိုက်ပျိုးနေတဲ့ဒေသတွေဟာတခြားနေရာဒေသတွေထက်စာရင် အစစ၊ အရာရာ ဖွံ့ဖြိုးတိုးတက်မှု နောက်ကျတဲ့ နေရာတွေဖြစ်နေတာကြောင့်ငွေရလွယ်မှုတခုအတွက် ဒေသခံတွေ လမ်းမှားမလိုက်အောင် ပညာပေးနေရုံသက်သက်မဟုတ်ဘဲ ဒီဒေသတွေဘက်စုံဖွံ့ဖြိုးတိုးတက်မှုကို အဓိကထား လုပ်ရမှာဖြစ်သလို တဘက်ကလည်း အာဏာပိုင်တွေ ပါဝင်ပတ်သက်နေတာကိုထိထိရောက်ရောက် ထိန်းချုပ်ဖို့ အရေးကြီးတယ်လို့ ရဲအရာရှိဟောင်းက ဆိုပါတယ်။
“ဘိန်းစိုက်တာဟာဟိုးအရင်ကတည်းက ဒီဒေသတွေမှာ အရိုးစွဲ အမြစ်တွယ်နေသလို ဒီကရတဲ့ အကျိုးအမြတ်ကို အလွဲသုံးစား လုပ်နေတာတွေဟာလည်းအာဏာပိုင်တွေဆီမှာ အရိုးစွဲနေတယ်။ ဒါတွေ မပျောက်ပျက်သရွေ့ မြန်မာနိုင်ငံမှာ ဘိန်းနဲ့ မူးယစ်ဆေးဝါး ပပျောက်ရေးဆိုတာဟာပြတိုက်ထဲထည့်ထားရတဲ့ ပုံပြင်ပြကွက်တခုလိုပဲ ဖြစ်နေဦးမှာပဲ။ ဒီဘိန်းသံသရာကြီး ရှည်ကြာနေဦးမှာပဲ” လို့ သူက ပြောပါတယ်။
Ref:burma-irrawaddy

တရုတ်ရှေးဟောင်း ဒသနဖြင့် အမေရိကန်ကို အနိုင်ယူမည်

ဂလိုဘယ်စီးပွားရေး အပေါ်မှာ တရုတ်နိုင်ငံရဲ့ သြဇာအာဏာက တစ်စတစ်စ မြင့်တက်လာတယ်။ စစ် ရေးအရှိန်အဝါ အသုံးပြုနိုင်မှု စွမ်း ရည်ကလဲ တဖြည်းဖြည်း ကြီးမား လာတယ်။ ဒီတော့ အမေရိကန် ပြည် ထောင်စုနဲ့ တရုတ်နိုင်ငံတို့အကြား ယှဉ်ပြိုင်မှုဟာ မလွဲမရှောင်သာ ဖြစ်ပေါ် လာနိုင်တယ်။

နှစ်နိုင်ငံစလုံးက ခေါင်းဆောင် တွေကတော့ အကောင်းမြင်ဝါဒ ကိုင်စွဲပြီး နှစ်နိုင်ငံအကြား ထိပ်တိုက် တွေ့မှုမဖြစ်ရအောင် ရှောင်ကွင်းနိုင်ကြ လိမ့်မယ်လို့ ယူဆကြတယ်။ ဒါပေ မယ့် ပညာတတ်ဆန်းစစ်ဝေဖန်ကြသူ အတော်များများက ဒီလိုမထင်ကြ ဘူး။ အမေရိကန်အတွက် တရုတ် ဟာ တကယ့် စိန်ခေါ်မှုကြီးတစ်ခု ဖြစ်နေတယ်။

တိုးတက်လာတဲ့ အာဏာပါဝါ ဟာ ဂလိုဘယ် စနစ်ထဲမှာ ပိုပြီး သြဇာတိက္ကမ ရှိအောင် ကြိုးပမ်း တယ်။ ကျဆင်းလာတဲ့ အာဏာပါဝါ ကလဲ တစ်ပွဲတစ်လမ်း မစမ်းဘဲနဲ့ တော့ ခေါင်းငုံ့ခံမှာမဟုတ်ဘူး။ တရုတ်နဲ့ အမေရိကန်နိုင်ငံများကြားမှာ နိုင်ငံရေးစနစ်တွေ ကွဲပြားနေမှုက အဆိုးမြင်ဝါဒီတွေရဲ့အမြင်မှာ စစ်ဖြစ် နိုင်ခြေ မြင့်မြင့်မားမား ရှိတယ်လို့ ယုံ ကြည်ကြတယ်။

ဒါပေမယ့် တစ်ခုတော့ရှိတယ်။ အပြည်ပြည်ဆိုင်ရာ ဆက်ဆံရေးမှာ လူ့ကျင့်ဝတ်ကလဲ အရေးပါတယ်။ အရှိကို အရှိအတိုင်းလက်ခံတဲ့ အစစ် အမှန်ဝါဒ- Realism ဆိုတာက နိုင်ငံ ရေးသမားတွေဟာ စစ်ရေးနဲ့ စီးပွား ရေး အင်အားကြီးမားရေးအတွက် သာ လုပ်ကိုင်ဆောင်ကြဉ်းကြရမယ် လို့ ဆိုလိုတာမဟုတ်ပါဘူး။ နိုင်ငံ ရေး အာဏာပါဝါများအကြား အပြည်ပြည်ဆိုင်ရာ ယှဉ်ပြိုင်မှုကို ဖန်ဆင်းပုံဖော်တဲ့နေရာမှာ လူ့ကျင့် ဝတ်ကလဲ တစ်ခန်းတစ်ကဏ္ဍ ပါဝင် အသုံးတော်ခံနိုင်ပါတယ်။

ဒါက အသားလွတ်ကြီးပြော တာတော့ မဟုတ်ပါဘူး။ ချင်-Qin ခေတ်မတိုင်မီက ကွမ်ကျီ-Guanzi ကွန်ဖြူးစီးရပ်စ်-Confucius ရွှင်ကျီ Xun-zi, မင်းစီးယပ်-Mencius တို့ လို ရှေးတရုတ်သဘောတရားပညာ ရှင်တွေရဲ့ ကျမ်းတွေဆီက ထွက် ပေါ်လာတဲ့ အတွေးအမြင်တစ်ရပ် ဖြစ် တယ်။ သူတို့တစ်တွေရဲ့ အင်မတန် အရေးပါတဲ့ ထိုးထွင်းမြင်သိမှု တစ် ရပ်ကတော့ အပြည်ပြည်ဆိုင်ရာမှာ သြဇာညောင်းမှုအတွက် အဓိက အချက်ဟာ နိုင်ငံရေး အာဏာ Political Power ဖြစ်တယ်။ ဒီနိုင်ငံ ရေး အာဏာရဲ့ ဗဟိုချက်မကျတဲ့ ပင်ကိုအရည်အချင်းဟာ လူ့ကျင့်ဝတ် သိက္ခာနဲ့ ပြီးပြည့်စုံတဲ့ ခေါင်းဆောင်မှု ဖြစ်တယ်။

ဖြစ်နိုင်သမျှ ကျင့်ဝတ်သိက္ခာနဲ့ အညီ ဆောင်ရွက်နိုင်တဲ့ အုပ်ချုပ်သူ များဟာ ရေရှည်ခေါင်းဆောင်မှု ပြိုင် ပွဲမှာ အမြဲအောင်မြင်မှု ရရှိတတ်ကြ တယ်။ ခရစ်နှစ်မတိုင်မီ ဘီစီ ၂၂၁ မှာ ချင်ဘုရင်ဟာ တရုတ်နိုင်ငံကို ရက်ရက်စက်စက် ပေါင်းစည်းခဲ့ တယ်။ ဒါပေမယ့် အဲဒီဘုရင်ရဲ့ စိုးမိုး အုပ်ချုပ်မှုဟာ ကြာရှည်မခံခဲ့ဘူး။ ဟန် Han မင်းဆက် ဧကရာဇ်ဘုရင် ဝူ Wu လောက် အောင်မြင်မှုမရရှိခဲ့ဘူး။

ဧကရာဇ် ဘုရင်ဝူဟာ တရား ဥပဒေနဲ့ အညီ အစစ်အမှန် ဝါဒကို ကွန်ဖြူးစီးရပ်စ်ရဲ့ ညင်သာပျော့ပျောင်း မှုရှိတဲ့ အာဏာနဲ့ ရောနှောတွဲဖက်ပြီး တိုင်းပြည်ကို ခရစ်မတိုင်မီ ဘီစီ ၁၄ဝ မှစပြီး ဘီစီ ၈၆ အထိ စိုးမိုးအုပ် ချုပ်နိုင်ခဲ့တယ်။

ရှေးတရုတ် ဒဿနပညာရှင် ရွှင်ကျီရဲ့ အဆိုအရ ခေါင်းဆောင်မှု ပုံစံသုံးမျိုးရှိတယ်။ လူသားဆန်တဲ့ အာဏာပိုင်-Humane Authority, ဗိုလ် ကျစိုးမိုးရေး-Hegemony, နဲ့ နိုင်လို မင်းထက်ပြု ကြီးစိုးမှု-Tyranny တို့ဖြစ်တယ်။ လူသားဆန်တဲ့ အာဏာပိုင်ဆိုင်မှု က ပြည်တွင်းမှာ ရော ပြည်ပမှာပါ ပြည်သူတွေရဲ့ အသည်းနှလုံးနဲ့စိတ်ကို ဖမ်းယူ သိမ်း သွင်းနိုင်တယ်။ နိုင်လိုမင်းထက် ကြီး စိုးမှု ဆိုတာက စစ်အင်အားအပေါ် အခြေခံတယ်။ မလွှဲမရှောင်သာ ရန် သူတွေကို ဖန်ဆင်းတယ်။ ဗိုလ်ကျ စိုးမိုးမှုအာဏာပါဝါကတော့ ဒီနှစ်ခု ကြားမှာရှိတယ်။ ပြည်တွင်းက ပြည် သူတွေအပေါ်မှာလဲ ကလိမ်မကျတဲ့ အပြင် ပြည်ပက မဟာမိတ်တွေ အပေါ်မှာလဲ ကလိမ်ကကျစ် မလုပ် ဘူး။ ဒါပေမယ့် ကျင့်ဝတ်သိက္ခာပိုင်း ဆိုင်ရာကိစ္စတွေမှာ ဘာသာလဝါ နေ တတ်ပြီး မဟာမိတ် မဟုတ်သူတွေ အပေါ်မှာ အကြမ်းဖက်မှု လုပ်တတ် တယ်။

ဒီသဘောတရားတွေဟာ ယနေ့ ခေတ်အမြင်မှာ ကုန်ဆုံးသွားပြီလို့ ထင်မှတ်ကြပေမယ့် မျက်မှောက် ခေတ်နဲ့ကိုက်ညီတာတွေရှိတယ်။ တစ်ခါက ဟင်နရီ ကစ်ဆင်းဂျား -Henry Kissinger က တရုတ်နိုင်ငံ ခြားရေးမူဝါဒရဲ့နောက်ကွယ်မှာ အင် အားကောင်းတဲ့ Óဏ်ပညာစွမ်းအား တစ်ရပ်အဖြစ် ရှေးတရုတ်လူမျိုးတွေရဲ့ ဝါဒစနစ်ရှိနေနိုင်တယ်လို့ ယုံကြည် ကြောင်း သူ ပြောဆိုခဲ့ဖူးတယ်။

ချင်ခေတ်မတိုင်မီက အစိတ် စိတ်အမြွှာမြွှာ ကွဲအက်ခဲ့မှုဟာ ယနေ့ ခေတ်ရဲ့ ဂလိုဘယ်အစိတ်စိတ် အပိုင်း ပိုင်းကွဲပြားနေမှုနဲ့ အသွင်တူတယ်။ အဲဒီခေတ်က နိုင်ငံရေးသဘောတရား ပညာရှင်တွေရဲ့ ဆေးညွှန်းဟာ ဒီက နေ့ခေတ်နဲ့လဲ တိုက်ရိုက်သက်ဆိုင် လျက်ရှိတယ်။ ဒါကတော့ ကျင့်ဝတ် သိက္ခာပြည့်စုံတဲ့ ခေါင်းဆောင်မှု အတွက် အလေးဂရုမပြုဘဲ စစ်ရေးနဲ့ နိုင်ငံရေးအင်အားအပေါ် မှီခိုအားထား လွန်းတဲ့ နိုင်ငံများဟာ အောင်မြင်မှု မရဘဲ ကျရှုံးနိုင်တယ် ဆိုတာပါပဲ။

ကံဆိုးချင်တော့ ဒီလိုအမြင်တွေ ဟာ အခုလို စီးပွားရေးပြဋ္ဌာန်းခံဝါဒ Economic Determinism ခေတ်ကြီး မှာ သိပ်ပြီး သြဇာညောင်းမှု မရှိတော့ ဘူး။ အစိုးရတွေကလဲ ဒီလိုအမြင်တွေ ကို ဟောင်ဖွာ ဟောင်ဖွာ ဝန်ဆောင် မှု-Lip Service လောက်ပဲပေးနေကြ တော့တယ်။

တရုတ်အစိုးရကလဲ ကွန်မြူနစ် ပါတီရဲ့ နိုင်ငံရေးဦးဆောင်မှုက တရုတ်ပြည်ရဲ့ စီးပွားရေးအံ့ဘနန်း တိုးတက်မှုရဲ့ အခြေခံဖြစ်တယ်လို့ြေ<ွကးကြော်ခဲ့တယ်။ ဒါပေမယ့် တရုတ်အစိုးရက အမေရိကန်ပြည် ထောင်စုနဲ့ ယှဉ်ပြိုင်မှုဟာ တကယ် ကစားရမယ့် တစ်ခုတည်းသော စီး ပွားရေးပြိုင်ကွင်းပဲလို့ သတ်မှတ်လုပ် ဆောင်လျက်ရှိတယ်။ အမေရိကမှာ ကျတော့ နိုင်ငံရေးသမားတွေက သူ တို့ကိုယ်တိုင်ရဲ့ ခေါင်းဆောင်မှုဟာ အမြဲအောင်ပွဲခံနေရမယ်။ ဘယ်တော့ မှ မဆုံးရှုံးဘူးလို့ အချိန်မှန်မှန် ဟစ်ြေ<ွကးနေကြတယ်။

နှစ်ဘက်စလုံးက အစိုးရတွေ နားလည်သဘောပေါက်သင့်တဲ့အချက် က နိုင်ငံရေးခေါင်းဆောင်များက ပြဿနာတွေအပေါ်မှာ ငွေတွေပုံအော ခြင်းထက် ဂလိုဘယ်စိုးမိုးရေးအတွက် ပြိုင်ပွဲမှာ ဘယ်သူက အောင်နိုင်မယ် ဆိုတာကို အဆုံးအဖြတ်ပေးတယ်ဆို တဲ့အကြောင်း သိထားသင့်ကြတယ်။

လူအတော်များများက လွဲမှားစွာ ယုံကြည်နေကြတယ်။ တကယ်လို့ တရုတ်အနေနဲ့ နိုင်ငံခြားဆက်ဆံရေး ကို မြှင့်တင်စေချင်တယ်ဆိုရင် စီးပွား ရေးထောက်ကူပေးမှုတွေကို သိသိ သာသာ တိုးပေးသင့်တယ် ဆိုပြီး တော့ပေါ့။ ဒါပေမယ့် ခင်မင်ရင်းနှီး မှုကို ငွေနဲ့ဝယ်လို့မရနိုင်ဘူး။ ဒီလို နည်းနဲ့ မိတ်ဆွေဖြစ်လာခဲ့တယ်ဆိုရင် လဲ ခက်ခဲတဲ့အချိန်တွေရဲ့ စမ်းသပ်မှု ကို မခံနိုင်ပါဘူး။

ဒီလိုဆိုတော့ ကမ္ဘာတစ်လွှားက လူတွေရဲ့ အသည်းနှလုံးကို တရုတ် အနေနဲ့ ဘယ်လိုနည်းနဲ့ ရယူနိုင်မလဲ။ ရှေးတရုတ်ဒဿနပညာရှင်တွေရဲ့ လမ်းညွှန်ချက်အရ ဒီလိုရယူနိုင်ဖို့ ကိုယ့်နိုင်ငံထဲမှာ ပထမစတင်ကျင့် သုံးကြရမယ်။ လူသားဆန်တဲ့ အုပ်ချုပ်မှုကို မိမိတို့ ပြည်တွင်းမှာ လိုအပ်တဲ့ မော်ဒယ်တစ်ခု ပုံဖော်ဖန် ဆင်းပြီး စတင်ကြရမယ်။ ဒီလိုလုပ် နိုင်ရင် နိုင်ငံခြားက ပြည်သူတွေလဲ စိတ်ပါဝင်စားလာလိမ့်မယ်။

ဆိုလိုတာကတော့ တရုတ်နိုင်ငံ ဟာ ၄င်းရဲ့ ဦးစားပေးမှုကို စီးပွားရေး ဖွံ့ဖြိုးတိုးတက်ရေးလမ်းစဉ်မှ ဖယ်ခွာ ပြီး ချမ်းသာဆင်းရဲ သိပ်ပြီးကွာခြားမှု မရှိတဲ့ အတွဲဖက်ညီတဲ့ လူ့အဖွဲ့ အစည်းတစ်ရပ် တည်ဆောက်မှုဆီသို့ ရွှေ့ပြောင်းရမယ်။ ငွေကြေးကိုးကွယ် မှုကို ထုံးတမ်းစဉ်လာ လူကျင့်ဝတ် သိက္ခာနဲ့ အစားထိုးဖို့ လိုအပ်တယ်။ ပြီးတော့ နိုင်ငံရေးခြစားမှုကို ဆွဲနုတ် ပစ်ပြီး လူမှုရေးတရားမျှတမှုနဲ့ အစား ထိုးရမယ်။

အခြားနိုင်ငံတွေနဲ့ ပတ်သက်ရင် တရုတ်နိုင်ငံအနေနဲ့ အမေရိကန်ပြည် ထောင်စုနဲ့ ယှဉ်ပြိုင်နိုင်ဖို့အတွက် လူ သားဆန်တဲ့ စိုးမိုးအုပ်ချုပ်မှုကို ခင်း ကျင်းပြသဖို့လိုတယ်။ အမေရိကန် နိုင်ငံဟာ ကမ္ဘာ့အကြီးမားဆုံး ဗိုလ် ကျစိုးမိုးရေး အာဏာပါဝါ Hege-monic Power ဖြစ်နေဆဲဖြစ်တယ်။ ဗိုလ်ကျစိုးမိုးရေးကို စစ်အင်အား တောင့်တင်းခိုင်မာမှုက ကျော ထောက်နောက်ခံပေးထားတယ်။ ဒီ အချက်က အမေရိကန်ပြည်ထောင်စု မှာ ဘာကြောင့်မဟာမိတ်တွေ အများ အပြားရှိနေသလဲဆိုတာကို ဖော်ညွှန်း တယ်။

သမ္မတအိုဘားမားဟာ အာဖဂန် နစ္စတန်၊ အီရတ်နဲ့ လစ်ဗျားနိုင်ငံတွေ မှာ မဟာဗျူဟာအမှားတွေ ပြုလုပ်ခဲ့ ပေမယ့် အမေရိကန်နိုင်ငံဟာ တစ် ပြိုင်တည်းမှာ နိုင်ငံခြားစစ်ပွဲသုံးပွဲ ဆင် နွှဲနိုင်ကြောင်း ပြသခဲ့တယ်။ နှိုင်းယှဉ် ပြောရရင် တရုတ်စစ်တပ်ဟာ ၁၉၈၄ ခုနှစ် ဗီယက်နမ်နဲ့ တိုက်ခိုက်ခဲ့ရတဲ့ စစ်ပွဲနောက်ပိုင်းကာလမှစပြီး ဘယ် စစ်မှာမှ ပါဝင်ပတ်သက်မှုမရှိခဲ့သေး ဘူး။ တရုတ်စစ်သားတွေကို မဆို ထားနဲ့ တရုတ်အဆင့်မြင့် စစ်ဗိုလ် ကြီးတွေတောင်မှ စစ်မြေပြင်အတွေ့ အကြုံမရှိကြဘူး။

အမေရိကန်နိုင်ငံဟာ တရုတ် ထက်ပိုပြီး ကမ္ဘာ့အခြားနိုင်ငံတွေနဲ့ အရည်အသွေးအရရော အရေအတွက် မှာပါ ကောင်းမွန်တဲ့ဆက်ဆံရေးတွေ ရှိတယ်။ အမေရိကန်နိုင်ငံမှာ တရား ဝင်စစ်မဟာမိတ်နိုင်ငံပေါင်း ၅ဝ ကျော်ရှိတယ်။ တရုတ်မှာ တစ်နိုင်ငံ မှမရှိဘူး။ မြောက်ကိုရီးယားနဲ့ ပါကစ္စ တန်နိုင်ငံတွေဟာ တရုတ်ရဲ့တစ်ဝက် တစ်ပျက်မဟာမိတ်တွေသာဖြစ်တယ်။

မြောက်ကိုရီးယားနဲ့ တရုတ် နိုင်ငံဟာ ၁၉၆၁ ခုနှစ်မှစပြီး တရား ဝင်မဟာမိတ်ဖွဲ့ခဲ့ကြပေမယ့် ပူးတွဲ စစ် ရေးလေ့ကျင့်မှုလုပ်တာလဲ မရှိခဲ့တဲ့ အပြင် တရုတ်က မြောက်ကိုရီးယား ကို လက်နက်မရောင်းချခဲ့တဲ့ ကာလ ဟာ ဆယ်စုနှစ်နဲ့ ချီခဲ့ပြီဖြစ်တယ်။ တရုတ်နဲ့ ပါကစ္စတန်နိုင်ငံကြားမှာ သိသိသာသာ စစ်ရေးပူးပေါင်းဆောင် ရွက်မှုတွေ ရှိပေမယ့် နှစ်နိုင်ငံကို နှောင် ဖွဲ့ထားတဲ့ တရားဝင်မဟာမိတ်ဖွဲ့မှု မရှိ ပါဘူး။

တရုတ်ပြည်ဟာ ရှေ့ကို တက် လှမ်းနိုင်ဖို့အတွက် ခင်မင်ရင်းနှီးကျွမ်း ဝင်တဲ့ အပြည်ပြည်ဆိုင်ရာ အသိုက် အဝန်းတစ်ခုကို ထုဆစ်ပုံဖော်ချင် တယ်ဆိုရင် အမေရိကန်တို့ထက် သာလွန်ကောင်းမွန်တဲ့ သံခင်းတမန် ခင်းနဲ့ စစ်ရေးဆက်ဆံမှုတွေပြုလုပ်ဖို့ လိုအပ်တယ်။

တကယ်တော့ ဘယ်အင်အား ကြီးနိုင်ငံကမှ ကမ္ဘာတစ်လွှား ရှိသမျှ နိုင်ငံတွေအားလုံးနဲ့ မိတ်ဖြစ်ဆွေဖြစ် ဆက်ဆံဖို့ဆိုတာ မဖြစ်နိုင်ဘူး။ ဒီတော့ တရုတ်နဲ့ အမေရိကန်ပြည် ထောင်စုကြားမှာ အဓိက ယှဉ်ပြိုင်ရ မယ့်အချက်က ဘယ်သူ့မှာ အရည် အသွေးအဆင့်အတန်း မြင့်မားတဲ့ မိတ်ဆွေနိုင်ငံများ ရှိနိုင်မလဲ ဆိုတဲ့ အချက်ပါပဲ။ ဒီလိုဖြစ်လာနိုင်ဖို့က တရုတ်နိုင်ငံအနေနဲ့ အမေရိကန်ပြည် ထောင်စုထက် သာလွန်ကောင်းမွန် တဲ့ အဆင့်မြင့် ကျင့်ဝတ်သိက္ခာ ခေါင်းဆောင်မှုပေးနိုင်ဖို့ လိုတယ်။

ပြီးတော့ အခုအခါ တရုတ်နိုင်ငံ ဟာ အရှေ့က နေဝန်းထွက်ပေါ်သည့် အလား အာဏာပါဝါနဲ့ အရှိန်အဝါ မြင့်မားလာတာကို ကိုယ့်ဘာသာ ကိုယ် အသိအမှတ်ပြုပြီး မိမိရဲ့ အဆင့်အတန်းနဲ့ လျော်ညီစွာပါရှိလာ တဲ့ တာဝန်တွေကိုလဲ ထမ်းဆောင်ဖို့ လာမယ့်ဆယ်စုနှစ်အတွင်းမှာ တရုတ် ပြည်ရဲ့ ခေါင်းဆောင်သစ်တွေကို ယဉ် ကျေးမှုတော်လှန်ရေး-Cultural Revolution ရဲ့ ပင်ပန်းဆင်းရဲမှု အတွေ့အကြုံရှိခဲ့ဖူးတဲ့ မျိုးဆက်သစ် တွေထဲမှ ရွေးချယ်ကြရတော့မယ်။ သူတို့တစ်တွေဟာ မဆုတ်မနစ် ပြတ်ပြတ်သားသား လုပ်ကိုင်တတ်သူ တွေဖြစ်နိုင်တယ်။ ရုပ်ဝတ္ထုအကျိုး အမြတ်ထက် နိုင်ငံရေးသဘောတရား တွေကို အမွန်အမြတ် တန်ဖိုးထားသူ တွေဖြစ်လာနိုင်တယ်။

ဒီခေါင်းဆောင်သစ်တွေဟာ ကမ္ဘာ့ဇာတ်ခုံပေါ်မှာ ကြီးမားကျယ် ပြန့်တဲ့ အခန်းကဏ္ဍတစ်ခုမှာ ပါဝင် အသုံးတော်ခံသင့်တယ်။ အင်အား နည်းနိုင်ငံတွေအပေါ်မှာ ပိုပြီးလုံခြုံရေး အကာအကွယ်ပေးသင့်တဲ့အပြင် စီး ပွားရေးအထောက်အကူတွေလဲ ပေး သင့်တယ်။ ဒါရဲ့ဆိုလိုချက်ကတော့ တရုတ်နိုင်ငံအနေနဲ့ အမေရိကန်ပြည် ထောင်စုကို နိုင်ငံရေးအရ၊ စီးပွားရေး အရနဲ့ နည်းပညာအရ ယှဉ်ပြိုင်ရေး ဖြစ်တယ်။

ဒီလိုယှဉ်ပြိုင်မှုကြောင့် တရုတ်နဲ့ အမေရိကန်နိုင်ငံအကြားမှာ သံတမန် ရေးရာတင်းမာမှုတွေဖြစ်ပေါ်လာနိုင် ပေမယ့် စစ်ရေးအရ ထိပ်တိုက်တွေ့ နိုင်တဲ့အန္တရာယ်တော့ရှိမှာမဟုတ်ဘူး။ ဘာကြောင့်လဲဆိုတော့ အနာဂတ်ယှဉ် ပြိုင်ရေးဟာ အမေရိကန်ပြည်ထောင် စုနဲ့ ဆိုဗီယက်ယူနီယံအကြား ယှဉ် ပြိုင်ခဲ့မှုနဲ့ ကွာခြားတယ်။ မတူဘူး။

တရုတ်ရော၊ အမေရိကန်နိုင်ငံ ကပါ ၄င်းတို့ရဲ့အကျိုးစီးပွားကို ကာ ကွယ်ဖို့အတွက် ဒါမှမဟုတ် သဘာဝ သယံဇာတရင်းမြစ်တွေနဲ့ နည်းပညာ ရရှိရေးအတွက် ကိုယ်စားပြုစစ်ပွဲတွေ Proxy Wars ခင်းကျင်းစရာမလိုဘူး။

တရုတ်အနေနဲ့ ကမ္ဘာ့ခေါင်း ဆောင်မှုအဆင့်ကို တက်လှမ်းနိုင်ဖို့ ကြိုးပမ်းမှုနဲ့ အမေရိကန်နိုင်ငံရဲ့ ပစ္စက္ခအခြေအနေကို ထိန်းသိမ်းထား နိုင်ဖို့အားထုတ်မှုဟာ တကယ်တော့ အြ<ွကင်းသုညဂိမ်း-Zero-Sum Game သာဖြစ်တယ်။ ကမ္ဘာ့ပြည်သူ တွေရဲ့ အသည်းနှလုံးနဲ့စိတ်ကို ဆွဲ ဆောင်ဖမ်းစားဖို့ ကြိုးပမ်းအားထုတ် မှုသာဖြစ်ပြီး အနိုင်အရှုံးဟာ ကမ္ဘာ့ ပြည်သူတွေအပေါ်မှာသာမူတည်တယ်။ သူတို့ကပဲ အဆုံးအဖြတ်ပေးနိုင် တယ်။

လက်တွေ့မှာတော့ ရှေးတရုတ် ဒဿနပညာရှင်တွေ ဖော်ညွှန်းခဲ့သလို လူသားဆန်တဲ့ အာဏာပိုင်မှုကို ဖော် ဆောင်ပြီး လက်ဝါးပေါ်တင်ပြနိုင်တဲ့ နိုင်ငံကသာ အောင်နိုင်သူဖြစ်လာမှာပါ။

မင်းရွှေမောင်

Ref: Yan Xuetong:"How China can defeat America" International Herald Tribune, Nov-21-2011.

Note: Yan Xuetong သည် Tsinghua University မှ Institute of Modern International Relations ၏ဌာနမှူးနှင့် ပါမောက္ခဖြစ်ပြီး "Ancient Chinese Thought, Modern Chinese Power" စာအုပ်ရေးသားခဲ့သူလည်းဖြစ် ပါသည်။

Ref:myanmarmarket journal

စားတတ်လျှင် ကောင်းကျိုးများသည့် အမျှင်ဓာတ်ပါ စားစရာ

ညနေခင်းဖြစ်၍ ရွှေဘုံသာလမ်း တစ်လျှောက်လူစည်ကားနေ၏။ အနော်ရထာလမ်းနှင့် ရွှေဘုံသာ လမ်းထောင့်ရှိ မီးပွိုင့်နှင့် များစွာ မဝေး ကွာလှသော အရပ်တွင် ညောင်ရမ်း ဆေးတိုက်တည်ရှိ၏။ ကဗျာဆရာ မောင်တိုင်ပြာသည် ဓာတ်ခွဲခန်းမှူးဦးဥာဏ်အုန်းနှင့် တွေ့ ဆုံရန်ထိုဆေးတိုက်အတွင်းသို့ ဝင် သွား၏။ ပေတစ်ရာပတ်လည်ကျယ်ဝန်းသော ဓာတ်ခွဲခန်းသည် လေအေးစက် အရှိန်ကြောင့် အေးမြနေ၏။ ဓာတ်ခွဲ ခန်းမှူးဦးဥာဏ်အုန်းက မောင်တိုင်ပြာ အားဆီးကြိုနှုတ်ဆက်လိုက်၏။ ''မင်္ဂလာပါ ကိုတိုင်ပြာ။ ဘယ်ကလှည့်လာသလဲ။ ထိုင်ပါဗျ'' ''ဦးဥာဏ်အုန်းဆီ တကူးတကလာတာ။ မောင်ဒေါန ဘယ်လိုနေလဲ'' ''မောင်ဒေါန သတင်းလာမေးတာကိုး။ မောင်ဒေါန အခြေအနေ မကောင်းဘူး။ သူက အူမကြီး ကင်ဆာဖြစ်နေတာ။ ရောဂါကျွမ်းနေပြီ'' ''ဟာ-ဟုတ်လား။ သနားစရာဗျာ။ တစ်လောကလဲ အယ်ဒီတာ တစ်ယောက် အူမကြီးကင်ဆာ ဖြစ်တယ်လို့ကြားတယ်။ ဒီရောဂါက ဖြစ်တဲ့ဦးရေ များသားပဲနော်'' ''ဟုတ်တယ်ဗျ။ များတယ်။ အဆုတ်ကင်ဆာပြီးရင် ဒုတိယအများဆုံးပဲ''

''ကြိုတင်ကာကွယ်ဖို့ နည်းလမ်းလေးဘာလေး မရှိဘူးလား'' ''အမျှင်ပါတဲ့ အစားအစာတွေ စားပေးရင် အူမကြီးကင်ဆာ ဖြစ်နိုင်ခြေ လျော့သွားနိုင်တယ်လို့ သုတေသန အရ သိရတယ်။ ရာနှုန်းပြည့်မကာ ကွယ်ပေမယ့် ဖြစ်ဖို့အလားအလာ တော့ နည်းသွားတယ်'' ''ဟာ- ဟုတ်လား။ အသေး စိတ်ပြောပြပါဦးဗျာ'' ''ဒီလိုဗျ။ British Medical Journal ဆိုတဲ့ နာမည်ကြီးဆေး ပညာဂျာနယ်မှာ ဒီသုတေသန အကြောင်းပါလာတယ်ဗျ။ Imperial College London က သုတေသီတွေ ရဲ့ အဆိုအရ တစ်နေ့ကို အမျှင်ပါတဲ့ အစားအစာ ဆယ်ဂရမ်စားတိုင်း စားတိုင်း အူမကြီးကင်ဆာဖြစ်နိုင်ခြေ က ၁ဝ ရာခိုင်နှုန်း လျော့ကျသွား တယ်တဲ့။ အဲသလို ပြောထားတယ်'' ''ဟုတ်ကဲ့ဆရာ'' ''ဒီသုတေသီတွေက အရင်က လုပ်ခဲ့တဲ့ သုတေသန ၂၅ ခုကိုပြန် ပြီးလေ့လာစိစစ်ခဲ့တယ်။ လေ့လာ လိုက်တော့ အသီးအနှံနဲ့ ဟင်းသီး ဟင်းရွက်ကရတဲ့ အမျှင်က သိပ် မကောင်းဘူး။ ကာကွယ်ရာမှာ မထိ ရောက်ဘူး။

Cereal Fibre နဲ့ Whole Grain ကရတဲ့ အမျှင်ကမှ ပိုပြီး ထိ ရောက်တယ်တဲ့ဗျ'' ''ဒီလို အမျှင်မျိုးရအောင် ဘာစားရမလဲဗျ'' ''ပေါင်မုန့်ညိုရယ်၊ ဆန်လုံး ညို ရယ်၊ ကောက်နှံကရတဲ့ အစားအစာ ရယ်၊ ကွေကာအုတ်ရယ်၊ အဲဒါတွေ စားရမယ်။ ခုခေတ် အစားအစာက ပြုပြင်ထားတာတွေ များတယ်။ အမျှင်ပါတာက မပြုပြင်ဘဲ စီစဉ်တဲ့ အစားအစာမှာပိုပါတယ်။ ဥပမာ- Whole Grain Bread ပေါ့ဗျာ။ လွယ် လွယ်ပြောရရင် ပေါင်မုန့်ကြမ်းပေါ့။ ဂျုံကြမ်းနဲ့ လုပ်တာပေါ့ဗျာ။ ခု ခေတ် ပေါင်မုန့်တွေက ဂျုံအနုစားနဲ့ လုပ်ထား တော့ အမျှင်ပါနှုန်း နည်းနေတယ် ဗျ'' ''ဟုတ်ကဲ့ဆရာ'' ''Imperial College မှာ Department of Epidemiology and Biostatistics ဆိုတဲ့ ဌာနရှိတယ်။ အဲဒီ ဌာနက ပါရဂူ Dagfinn Aune က ပြောတယ်။ သူက ခု သုတေသန မှာ ခေါင်းဆောင်တစ်ဦးဆိုပါတော့။ သူတို့တွေ့တာက အစားအစာမှာ အမျှင်ပါနှုန်းနဲ့ အူမကြီး ကင်ဆာ ဖြစ် နှုန်းက ဆက်စပ်မှုရှိတယ်တဲ့ဗျ'' ''အမျှင်ပါလေလေ ကင်ဆာ ဖြစ်နှုန်းနည်းလေလေလို့ ဆိုလိုတာ မဟုတ်လား'' ''ကိုတိုင်ပြာပြောတာ မှန်တယ်။ အဲဒီအတိုင်းပါပဲ'' ''စာရင်းဇယားနဲ့ ပြောပြပါဦး ဗျာ'' ''တစ်နေ့ကို Whole Grain ကို ဆယ်ဂရမ်စားပေးရင် ကင်ဆာ ဖြစ် နိုင်ခြေက ၂ဝ ရာခိုင်နှုန်းလျော့နည်း သွားတယ်လို့ ဆိုတယ်ဗျ'' ''သူတို့ဆီမှာရော အူမကြီး ကင်ဆာအဖြစ်များလား'' ''များတယ်ဗျ။

Cancer Research UK ဆိုတဲ့ အသင်းကြီးရဲ့ တွေ့ရှိချက်အရ ဘဝတစ်သက်တာ လုံးမှာ ကင်ဆာဖြစ်နိုင်ခြေက ယောက်ျားဆိုရင် ၆.၉ ရာခိုင်နှုန်း၊ မိန်းမဆိုရင် ၅.၄ ရာခိုင်နှုန်းရှိတယ်။ တစ်နည်းပြောရရင် ယောက်ျား ၁၄ ယောက်မှာ တစ်ယောက်၊ မိန်းမ ၁၉ ယောက်မှာ တစ်ယောက် ဖြစ်နိုင်ခြေ တွေရှိနေတယ်'' ''ဟာ- များသားပဲဗျ'' ''အမျှင်ပါတဲ့ အစားအစာက တခြား ကောင်းကျိုးတွေရှိသေးတယ် ဗျ။ ကင်ဆာဖြစ်နိုင်ခြေနည်းတာ တစ်ခုတည်း မဟုတ်သေးဘူး'' ''တခြားကောင်းကျိုးဆိုတာ က ဘာတွေလဲဆရာ'' ''နှလုံးရောဂါ၊ အမှတ် ၂ အမျိုး အစား ဆီးချို၊ သွေးချိုရောဂါ၊ အဝ လွန်ရောဂါစတဲ့ ရောဂါတွေ ဖြစ်နိုင် ခြေလဲ နည်းစေတယ်။ ရောဂါတွေ ဖြစ်နှုန်းနည်းတော့ သေဆုံးနှုန်းလဲ နည်းသွားတာပေါ့ဗျာ'' ''ဟုတ်ကဲ့ဆရာ'' ''သူတို့ဆီမှာကင်ဆာတိုက် ဖျက်ရေး စေတနာ့ဝန်ထမ်း အသင်း တွေရှိတယ်။ ဥပမာတစ်ခုပြောရရင် Beating Bowel Cancer ပေါ့ဗျာ။

အဲဒီ အသင်းကြီးက အမှုဆောင်အရာရှိချုပ် ဖြစ်တဲ့ Mark Flannagan က ပြော တဲ့ ခုသုတေသနရဲ့ တွေ့ရှိချက်ဟာ အသင်းကြီးက ပြည်သူတွေကို ပေး တဲ့ လမ်းညွှန်ချက် အတိုင်းပါပဲတဲ့။ သဘောက လမ်းညွှန်ချက်တွေကို သုတေသနက ထပ်ဆင့်ထောက်ခံခဲ့ တဲ့သဘောပေါ့ဗျာ။ အသင်းကြီးက အမျှင်ပါတဲ့ အစားအစာတွေ များများ စားဖို့ လမ်းညွှန်ထားတယ်ဗျ'' ''စားရမှာပေါ့ဆရာ'' ''တစ်ခုတော့ရှိတယ်ဗျ။ နောက် ထပ်သုတေသနတွေတော့ လိုသေး တယ်'' ''ဘာအတွက်လဲဆရာ'' ''အမျှင်အမျိုးအစားပေါ့ဗျာ။ ခု ထက်ပိုပြီး အမျှင်အမျိုးအစား အကြောင်း တိတိကျကျ သိဖို့လိုသေး တယ်။ အမျှင်ဆိုတာကလဲ အမျိုးမျိုး ရှိနေတာကိုး။ ပြီးတော့စားရမယ့် ပမာဏပေါ့ဗျာ။ ဒါကိုလဲ ပိုပြီး တိတိ ကျကျ သိချင်သေးတာဗျ'' ''ဟုတ်တာပေါ့ဆရာ။ တစ်နေ့ ကို တစ်ပိဿာစားရမှာလား။ နှစ် ပိဿာစားရမှာလား။ ဒါကိုလဲ တိတိ ကျကျ သိသင့်တယ်ဆရာ'' ''ဒါပေါ့ဗျာ။ ဒါတွေကို သိဖို့ နောက်ထပ်သုတေသနတွေ ထပ်လုပ် ကြရဦးမှာဗျ'' ''လုပ်သင့်တာပေါ့ဆရာရယ်'' ''ယူကေမှာက အူမကြီး ကင် ဆာဟာ ဒုတိယ အဖြစ်အများဆုံး ကင်ဆာပဲ။ စာထဲမှာတော့ Second Biggest Cancer Killer လို့ ဖော်ပြ ထားတယ်။

အူမကြီးကင်ဆာထက် များတာဆိုလို့ အဆုတ်ကင်ဆာ တစ် မျိုးပဲရှိတယ်'' ''ဒါဆိုအူမကြီးကင်ဆာက အတော်ဆိုးတာပဲ'' ''ဆိုးတာပေါ့ဗျာ။ ဒါပေမယ့် အစားအစာစားတဲ့နေရာမှာ ပြုပြင် လိုက်ရုံနဲ့ ကင်ဆာဖြစ်နိုင်ခြေ လျော့ ကျသွားတယ်ဆိုတာ အားရစရာ ပဲဗျ။ ဘာကြောင့်လဲဆိုတော့ ဒါက လူတိုင်း လိုက်နာနိုင်တယ်လေ။ သိပ်ပြီး ခက်ခက်ခဲခဲ လုပ်ရတာမဟုတ်ဘူး လေ'' ''ကျွန်တော်တို့လဲ လိုက်နာ နိုင် တာပဲ။ ဆန်လုံးညိုစားရင် အမျှင်ရ တာပဲ'' ''ဒါပေါ့ဗျာ။ ဆန်လုံးညိုက ကျန်းမာရေးနဲ့ ညီညွတ်တယ်။ Cancer Research UK က Senior Health Information Officer ဖြစ်တဲ့ Yika Ebu ကလဲ ပြောတယ်။ သူက ဝါရင့်ကျန်းမာရေးပညာပေးလုပ်ငန်း ဆိုင်ရာအရာရှိဆိုပါတော့ဗျာ။ ခု သုတေသနက ကင်ဆာဖြစ်နိုင်ခြေ လျှော့ချရေးအတွက် အထောက် အကူပြုပါတယ်တဲ့။ အမျှင်တွေထဲ မှာ Cereal နဲ့ Whole Grains က ရတဲ့ အမျှင်တွေက ပိုပြီးအာနိသင် ရှိပါတယ်တဲ့။ ကင်ဆာဖြစ်နိုင်ခြေ လျှော့ချရေးမှာ ပါဝင်တဲ့ နည်းတစ် နည်းဖြစ်ပါတယ်တဲ့'' ''နည်းတစ်နည်းဆိုတော့ တခြား နည်းတွေရှိသေးလားဗျ'' ''ရှိသေးတယ်ဗျ။ အမျှင်ပါတဲ့ အစားအစာ စားတာက တစ်နည်း ပဲရှိသေးတယ်။ ကျန်တဲ့နည်းတွေရှိ သေးတယ်။

အဲဒါတွေက သင့်တင့် မျှတတဲ့ကိုယ်အလေးချိန်ရှိရမယ်။ အဝမလွန်စေရဘူး။ ကိုယ်လက်လှုပ် ရှားမှု လေ့ကျင့်ခန်းမှန်မှန် လုပ်ရမယ်။ အရက်သေစာ မသောက်ရဘူး။ နီ တဲ့ အသားတွေ လျှော့စားရမယ်။ ပြု ပြင်ထားတဲ့ အစားတွေ လျှော့စား ရမယ်။ စည်သွပ်ဘူးလိုဟာမျိုးပေါ့ ဗျာ။ ပြီးတော့ ဆေးလိပ်မသောက် ရဘူး'' ''ဒါတွေက ကင်ဆာကာကွယ် ရေးနည်းလမ်းတွေပေါ့နော်'' ''ဟုတ်တယ်ဗျ။ ရာနှုန်းပြည့် မကာကွယ်နိုင်ပေမယ့် ဖြစ်နိုင်ခြေကို လျော့စေတယ်။ ဖြစ်ဖို့အလားအလာ နည်းစေတယ်။ မလိုက်နာတဲ့ လူနဲ့ နှိုင်းယှဉ်ရင် ကာကွယ်မှု တစ်စုံတစ် ခုတော့ ရစေတယ်ဗျ'' ''ဘာပဲဖြစ်ဖြစ် လိုက်နာသင့် တာပေါ့ဆရာ'' ''ဒါပေါ့ဗျာ။ မောင်ဒေါနလို အဖြစ်မျိုးနဲ့ ကြုံရဖို့ ဖြစ်နိုင်ခြေ နည်း သွားတာပေါ့'' ''သူတို့ဆီမှာရော ဒါတွေ လူသိ အောင်လုပ်သလား'' ''လုပ်တယ်ဗျ။ Danish Cancer Society က ပါရဂူ Professor Anne Tjoneland က ပြောတယ်။ အမျှင်ကောင်းကြောင်း ပြည်သူတွေ သိအောင် လုပ်ရမယ်တဲ့။ အနောက် နိုင်ငံတွေမှာ ဒါကို ပညာပေး သင့်ပါ တယ်တဲ့။ ပြီးတော့ အမျှင်ပါတဲ့ အစားအစာတွေ အလွယ်တကူရ အောင်လဲ လုပ်ပေးပါတဲ့။ ပြီးတော့ အစားအစာတွေမှာ အချက်အလက် စုံစုံလင်လင်ဖော်ပြပါစေတဲ့။ ဖတ်ရ လွယ်တဲ့အညွှန်းတွေ ထည့်ပေးဖို့ပေါ့ ဗျာ။

ဒါမှလဲစားသုံးသူက ဘယ်ဟာ က အမျှင်ပိုပါတယ်။ ဘယ်ဟာက ဖြင့်စားသင့်တယ်ဆိုတာသိမှာတဲ့ဗျ'' ''ဟုတ်တယ်ဆရာ။ လမ်းညွှန် ချက်ပါမှလဲ စားသုံးသူက သိမှာပေါ့'' ''လမ်းညွှန်ချက်ပါသင့်တာ ပေါ့ဗျာ။ မပါရင် ရမ်းသမ်းစားနေရ လိမ့်မယ်'' ''ကျွန်တော်တော့ ဆန်လုံးညို ဝယ်ထားဦးမယ်ဆရာ'' စားခါစတော့ ကြိုက်ချင်မှ ကြိုက်မယ်။ စားရင်း စားရင်း အလေ့ အကျင့်ရသွားလိမ့်မယ်ဗျာ'' ''ကျွန်တော်တို့က ဆန်ဆိုရင် ဖွေးနုနေမှ ကြိုက်တာ။ ဒါပေမယ့် ဒီဆန်မျိုးက အမျှင်ဓာတ်နည်းတယ်။ ဆန်လုံးညိုစားမှ ဖြစ်မှာဆရာ'' ''စားသင့်တာပေါ့ ကိုတိုင်ပြာ ရယ်'' ထိုစဉ်ဒေါက်တာ ခင်ပန်ဆောင်း ရောက်ရှိလာ၏။ ''ဦးÓဏ်အုန်းရေ၊ ဒီဓာတ်ခွဲ ခန်းမှာ စာရေးဆရာမောင်ညိုပြာ ရောက်နေတယ်ဆို'' ''ဒီနေတော့ မလာသေးဘူး။ ဘာကိစ္စအတွက်လဲ'' ''ဦးရွှေနုလမ်းထဲက သူ့ခြံမှာ ဟင်းသီးဟင်းရွက်တွေ စိုက်ထား တယ်ကြားလို့၊ ကျွန်မက ဆန်လုံးညို ချက်ပြီး ဟင်းသီးဟင်းရွက် တို့စရာနဲ့ စားချင်တာ'' ''ဒေါက်တာက ဟင်းသီးဟင်း ရွက်တောင်းချင်လို့လား'' ''ဟုတ်တယ်၊ ဟုတ်တယ်။ မောင်ညိုပြာက ဒါနပြုနေတယ် ကြားလို့'' ''ခဏစောင့်ပါဒေါက်တာ။ ကျွန်တော်အလုပ်ပြီးလုပြီ။ ပြီးရင် ကိုတိုင်ပြာရယ်၊ ကျွန်တော်ရယ်၊ ဒေါက်တာရယ်၊ ဦးရွှေနုလမ်း သွား ကြမယ်။ ဟင်းသီးဟင်းရွက်သွား တောင်းတာပေါ့။ ဆရာမောင်ညိုပြာ က ဟင်းသီးဟင်းရွက်တင်မကဘူး အသီးအနှံတွေပါ လက်ဆောင်ပေး တတ်တယ်'' ''ဟာ- ဟုတ်လား။ ဟုတ်ပြီ၊ ဟုတ်ပြီ။ ကျွန်မစောင့်နေမယ်'' ကဗျာဆရာ မောင်တိုင်ပြာနှင့် ဒေါက်တာ ခင်ပန်ဆောင်းတို့ အမျှင် ဓာတ်အကြောင်းဆက်လက်ဆွေးနွေး နေကြလေ၏။ အောင်(ဆေး-၁) ရည်ညွှန်းချက်။ ။ BBC News မှ "Fibre and Whole Grains Reduce Bowel Cancer Risk" ဆေးပညာဆောင်းပါးကို မှီငြမ်း ကိုးကားပါသည်။

အောင်(ဆေး ၁Ref:myanmar market journal

ဟင်္သာတမြို့ မြသဇင်ဆေးရုံတွင် ၁၂.၁.၂၀၁၂ရက်နေ့က သေဆုံးသွားသော မပြည့်ပြည့်သော်ကိစ္စ (တိုင်ကြားစာ).

Saturday, January 21, 2012 ဒီမိုဝေယံ

Posted in: demowiyan

ဆက်စပ်နောက်ဆက်တွဲသတင်း-

ကျန်းမာရေး အာမခံထားနိုင်ပါက ဆရာဝန်နှင့် လူနာကြား ပဋိပက္ခလျော့ပါးမည်

ရန်ကုန်၊ ဇန်နဝါရီ ၇
မြန်မာနိုင်ငံတွင် Medical Protection Member နှင့် ကျန်းမာရေး အာမခံထားနိုင်ပါက ဆရာဝန်နှင့် လူနာကြားပဋိပက္ခများလျော့နည်း သွားမည်ဟုကျန်းမာရေး အတိုင်ပင်ခံဒေါက်တာဦးစိုးလွင်က ပြောသည်။ ”ကျန်းမာရေး စရိတ်တွေကလည်း ဈေးကြီးကြီးလာတယ်။ အစိုးရက ကောင်းကောင်းပေးနိုင်တဲ့ အပိုင်း ရှိသလို၊ ဒီလို ကျန်းမာရေး အာမခံသာ လူနာတွေထားနိုင်လာမယ်၊ ထားခွင့်ရှိလာမယ်ဆိုရင် ပိုကောင်း တယ်။ နိုင်ငံခြားမှာလည်း ဒါမျိုးရှိ တယ်။ မော်တော်ကားတွေမှာလည်း ထိခိုက်မှု အာမခံထားသလို လူတွေ အနေနဲ့ သူတို့ရဲ့ ကျန်းမာရေးအာမခံ လည်းထားနိုင်မယ်ဆို ကောင်းတယ် လို့မြင်တယ်” ဟု အထက်ပါဆရာဝန်က ထပ်မံပြောသည်။ လာမည့် ၂ဝ၁၂ တွင် မြန်မာ နိုင်ငံ၌ နိုင်ငံခြားမှ ရင်းနှီးမြှုပ်နှံသော စက်ရုံများ၊ လုပ်ငန်းများ တိုးလာ ပါကလည်း ဝန်ထမ်းများ လုပ်ငန်း ခွင်အတွင်းဖြစ်သည့် ရောဂါများ၊ ထိခိုက်မှုများ ရှိလာမည်ဖြစ်သော ကြောင့် ယင်းတို့မှ ကာကွယ်ရန်၊ ကုသရန်၊ ကျန်းမာရေးအာမခံများ ထားရှိရန်လိုအပ်လာမည်ဖြစ်ကြောင်း ၄င်းက ထပ်မံပြောသည်။ ”ကျန်းမာရေး အာမခံရှိ ထား ရင်လူနာတွေအတွက် ကောင်းပါ တယ်။ ဆရာဝန်တွေအတွက်ကတော့ Medical Protection Member ထားပေးနိုင်ရင်အဆင်ပြေမယ်။ နိုင်ငံ ခြားမှာ ဒီလိုမျိုးအသင်း၊ အဖွဲ့တွေ ရှိတယ်။ ဆရာဝန်တွေတင် မဟုတ်ဘဲ ဆေးရုံတွေကပါ အဲ့ဒီအသင်းဝင်ထားကြတယ်။ လူနာတွေအတွက် အာမခံကကောင်းတယ် ဆိုတာက တော့ ဆေးရုံတက် ကုသမှုခံယူခြင်း၊ ခွဲစိတ်ကုသရခြင်းများကြောင့် စရိတ် စကကြီးပါက အာမခံရှိရင် အာမခံမှ ထုတ်ယူသုံးစွဲနိုင်တော့ လူနာတွေ အတွက် စရိတ်စက ကုန်ကျငွေအ တွက် စဉ်းစားစရာ၊ ငွေရှာစရာ မလိုတော့ဘူး။ လိုအပ်တဲ့ ကုသမှုများအ တွက် အရေးပေါ်ချက်ချင်း ပြုလုပ် နိုင်လို့ ကုသမှုအပိုင်းမှာ အကျိုးရှိပြီး၊ ဆရာဝန် ဘက်ကလည်း လူနာကို ကုသပေးရာမှာ ငွေရေးကြေးရေး သိပ်ငဲ့စရာမလိုတဲ့အတွက် လိုအပ်မယ်ထင်တယ်။ ချက်ချင်းလုပ်နိုင်တော့ လူနာနဲ့ဆရာဝန်ကြားမှာ ကုသမှု ပိုင်းဆိုင်ရာ မပြေလည်မှုတွေ လျော့ကျနိုင်တယ်လို့ ပြောချင်တာပါ” ဟု ဒေါက်တာဦးစိုးလွင်က ပြောသည်။ ကျန်းမာရေး အာမခံစနစ်ကို လုပ်ကိုင်ဖြစ်ပါက မြန်မာနိုင်ငံတွင် အစိုးရတစ်ခုတည်းက လုပ်ကိုင် သည်မဟုတ်ဘဲ ပုဂ္ဂလိကအနေနှင့် လည်း ပြုလုပ်ခွင့်ပေးမည်ဆိုလျှင် ကျန်းမာရေးလောကအနေဖြင့် အလားအလာ ပိုကောင်းလာမည်ဟု အထက်ပါဆရာဝန်က ၄င်း၏ ထင်မြင်ချက်ကို ပြောသည်။
ချစ်ဆုဆွေ-polpularmyanmar

ပြည်ပငွေလွှဲ လုပ်ကိုင်ခွင့်ရသော ပြည်တွင်းဘဏ်အချို့ ဖေဖော်ဝါရီလတွင် လုပ်ငန်းစတင်မည်

ပြည်ပရောက် မြန်မာနိုင်ငံသားများမှ မြန်မာနိုင်ငံသို့ နိုင်ငံခြားငွေ ပြန်လည်လွှဲပို့မှုကို လက်ခံနိုင်သော ၀န်ဆောင်မှု (Inward Remittance) ကို ပြည်တွင်းဘဏ်အချို့က ဖေဖော်ဝါရီလလယ်တွင် စတင်နိုင်မည်ဖြစ်ကြောင်း ဘဏ်လုပ်ငန်းအသိုင်းအ၀ိုင်း ထံမှ သတင်းရရှိပါသည်။
   “အာရှစိမ်းလန်းမှု ဖွံ့ဖြိုးရေးအနေနဲ့ မလေးရှားနဲ့ စင်ကာပူမှာ ပြည်ပငွေလွှဲလုပ်ငန်းတွေ လုပ်ကိုင်သွားမှာပါ။ မလေးရှားမှာက မလေးဘဏ်နှစ်ခုနဲ့ ချိတ်ထားတယ်။ သူ့ တို့က ဖေဖော်ဝါရီလဆန်းပိုင်းလာပြီး ညှိနှိုင်းဖို့ ချိန်းထားတယ်။ အဲဒီဘဏ် နှစ်ဘဏ်ထဲက တစ်ဘဏ်နဲ့ လုပ်ငန်း ဆောင်ရွက်သွားမှာပါ။ စင်ကာပူမှာတော့ ဖေဖော်ဝါရီလလယ် ၀န်းကျင် ကစပြီး လုပ်ငန်းဆောင်ရွက်မှာပါ။
   စင်ကာပူမှာက Remittance လုပ်ငန်း နဲ့ပတ်သက်ပြီး လိုင်စင်ရှိပြီးသား လုပ်ငန်းနဲ့ ကျွန်တော်တို့ဘဏ်နဲ့ ပူးပေါင်းပြီး ဖွင့်လှစ်သွားမှာပါ။ စင်ကာပူမှာ ဖေဖော်ဝါရီလလယ်လောက် စပြီးတော့ မလေးရှားမှာ မတ်လအတွင်း စတင်သွားမှာပါ”ဟု အာရှစိမ်းလန်းမှု ဖွံ့ဖြိုး ရေးဘဏ်မှ အုပ်ချုပ်မှုဒါရိုက်တာ ဦးရဲမင်းဦးက ပြောကြားပါသည်။
    ပြည်တွင်းပုဂ္ဂလိကဘဏ် လေး ဘဏ်သည် ပြည်ပမှငွေလွှဲအ၀င် လက်ခံခြင်းလုပ်ငန်း (Inward Remittance) ကို ၂၀၁၁ ခုနှစ် ဒီဇင်ဘာ လ ၂၃ ရက်နေ့ကလုပ်ကိုင်ခွင့် ရရှိခဲ့သည်။ ထို့ပြင် ပို့ကုန်သွင်းကုန် လုပ်ငန်းများအပါအ၀င် နိုင်ငံခြားဘဏ် လုပ်ငန်းကိုလည်း အဆိုပါဘဏ်လေး ဘဏ် အပါအ၀င် မြန်မာဘဏ် ၁၁ ဘဏ်က လုပ်ငန်းဆောင်ရွက်ခွင့်ရရှိ ထားကာ နိုင်ငံတကာ အသိအမှတ်ပြု နိုင်ငံခြားဘဏ် code နံပါတ်ဖြစ် သော swift code ကို လျှောက်ထား ပြီးဖြစ်ကြောင်း သတင်းရရှိပါသည်။
      ကမ္ဘောဇဘဏ်မှ အထွေထွေ မန်နေဂျာ ဦးဇော်လင်းထွဋ်က “ပြည်ပ ငွေလွှဲလုပ်ငန်းကို ဧပြီ၊ မေမှစတင် လုပ်ကိုင်နိုင်မှာပါ။ အဓိကကတော့ swift code လျှောက်ထားတာ မကျသေးလို့ပါ။ မတ်လကုန် ဧပြီလဆန်း ပိုင်းမှကျမယ် မှန်းပါတယ်။ ရပြီဆိုရင် ထိုင်း၊ စင်ကာပူ၊ မလေးရှား တင်မဟုတ်ဘဲ အာရှနိုင်ငံ တော်တော်များများနဲ့ ချိတ်ဆက်ပြီး ၀န်ဆောင်မှု ပေးသွားမှာပါ။ နိုင်ငံခြားဘဏ်လုပ်ငန်းနဲ့ ပတ်သက်ပြီး ပြင်ဆင်မှုပိုင်းတွေကိုတော့ အရှိန်အဟုန်နဲ့ လုပ်နေပါတယ်။ ပြည်ပရောက် မြန်မာနိုင်ငံသားတွေရဲ့ ငွေလွှဲလုပ်ငန်းရော ပြည်ပ ပို့ကုန်သွင်းကုန်လို နိုင်ငံခြားဘဏ် လုပ်ငန်းကိုပါ ၀န်ဆောင်မှုပေးသွားမှာပါ”ဟု ရှင်းပြခဲ့ပါသည်။ ပြည်ပ ငွေလွှဲလုပ်ငန်း ဆောင်ရွက်ရန် ပြင်ဆင်နေသော ပြည်တွင်းဘဏ်များမှာ ကမ္ဘောဇဘဏ်၊ သမ၀ါယမဘဏ်၊ ဧရာဝတီဘဏ်နှင့် အာရှစိမ်းလန်းမှု ဖွံ့ဖြိုးရေးဘဏ် တို့ဖြစ်ကြောင်း သိရပါသည်။
Ref:new-eleven

အမေရိကန် တစ်ဒေါ်လာနှင့် မြန်မာကျပ်ငွေ လဲလှယ်နှုန်းအား ယခင်ခြောက်ကျပ်အစား ဈေးကွက်ပေါက်ဈေး ဖြစ်သော ကျပ် ၈၀၀ ၀န်းကျင်ဖြင့် ပြောင်းလဲ သတ်မှတ်သွားမည်

Sunday, 29 January 2012 14:19

အမေရိကန် တစ်ဒေါ်လာနှင့် မြန်မာငွေကျပ် လဲလှယ်နှုန်းအား ယခင်ခြောက်ကျပ်အစား ဈေးကွက် ပေါက်ဈေးဖြစ်သော ကျပ် ၈၀၀ ၀န်းကျင်ဖြင့် ပြောင်းလဲသတ်မှတ်မှု ကိုလာမည့် ၂၀၁၂-၂၀၁၃ ဘဏ္ဍာရေးနှစ်အစတွင် ပြုလုပ်သွားမည်ဖြစ်ကြောင်း သိရှိရပါသည်။လတ်တလောတွင်မူ နိုင်ငံစီးပွားရေးတည်ငြိမ်စေရန် ရှုပ်ထွေးသည့် နိုင်ငံခြားငွေ လဲလှယ်မှုစနစ်ကို ဦးစားပေးပြုပြင်ပြောင်းလဲရန် လိုအပ်နေကြောင်း၊ စီမံခန့်ခွဲမှုအပိုင်းတွင် လည်း မက်ခရိုစီးပွားရေး တည်ငြိမ် မှုကို ထိန်းထားနိုင်ရန်အတွက် ပြုပြင် ပြောင်းလဲရမည်ဖြစ်ကြောင်း IMF မှ ထုတ်ပြန်သော စာတမ်းတွင် ဖော်ပြ ထားသည်။
“လတ်တလော အခြေအနေမှာ အီးယူကတော့လာမယ့် ဧပြီလမှာ ကျင်းပမယ့် ရွေးကောက်ပွဲ အနေအထား ကို ကြည့်ပြီး စီးပွားရေးပိတ်ဆို့ အရေးယူမှုတွေကို ရုပ်သိမ်းပေးဖို့ ပြောနေကြတာရှိပါတယ်။ အခုဆို နော်ဝေ က ၀င်လာပြီဆိုတော့ တခြားအီးယူ နိုင်ငံတွေလည်း ၀င်လာဖို့ကြိုးစားတာရှိမှာပဲ။ ပြည်တွင်းမှာ ငွေကြေး လဲလှယ်နှုန်း အမျိုးမျိုးဖြစ်နေတဲ့ ကိစ္စတွေကိုလည်း မကြာခင် ပြင်ဆင်သွားမယ်လို့ သိရတယ်ဆိုတော့ လက်ရှိ အခြေအနေအတိုင်း ဆက်သွားရင် မြန်မာ့စီးပွားရေး တိုးတက်လာနိုင်ပါတယ်။ ပြီးတော့ IMF ကိုယ်တိုင် မြန်မာ့စီးပွားရေးကို စိတ်ဝင်စားနေတဲ့ အပိုင်းလည်းရှိတယ်”ဟု စီးပွားရေးပညာရှင်တစ်ဦးက ပြောပြခဲ့သည်။
၂၀၁၁ -၂၀၁၂ ဘဏ္ဍာရေးနှစ် တွင်မူ ကာကွယ်ရေး အသုံးစရိတ် GDP ၏ ၂၅ ရာခိုင်နှုန်းအထိ သုံးထားပြီး ပညာရေးတွင် ၄ ရာခိုင်နှုန်းနှင့် ကျန်းမာရေးတွင် ၁ ဒသမ ၄ ရာခိုင်နှုန်းသာ သုံးစွဲခဲ့ကြောင်း သိရှိရသည်။ ထို့အတူ တစ်ဒေါ်လာပေါက်ဈေး ခြောက်ကျပ်အစား ကျပ် ၈၀၀ နှင့် ပြင်ဆင်သတ်မှတ်သည့် ကိစ္စနှင့် ပတ်သက်၍လည်း အဆင်ပြေသွားမည် ဖြစ်ကြောင်း ကမ္ဘောဇဘဏ်ဒုတိယ ဥက္ကဋ္ဌဦးသန်းလွင်က ပြောပြခဲ့သည်။
“အရင်တုန်းက ခြောက်ကျပ်နဲ့လဲနေရာကနေ တရားဝင်လဲလှယ်နှုန်းကိုကျပ် ၈၀၀ နဲ့ လဲလှယ်မယ်ဆိုတော့ ဘက်ဂျက်အပေါ်မှာတော့ သက်ရောက်မှုရှိလိမ့်မယ်။ ဗဟိုဘဏ်ကလည်းဝင်ပြီး ထိန်းကျောင်းဖို့ လိုလိမ့်မယ်။ IMF အပြင် တခြား ပညာရှင်တွေရဲ့အမြင်ကိုလည်း ယူသွားဖို့ရှိပါတယ်။ အခုလည်း ဈေးကွက်ထဲမှာ ကျပ် ၈၀၀ နဲ့ပဲလည်ပတ်နေတာ ဆိုတော့လာမယ့် ဘဏ္ဍာရေးနှစ် အစလောက်မှာတော့ အဆင် ပြေသွားလိမ့်မယ်လို့ ယူဆပါတယ်”ဟု ဦးသန်းလွင်က ပြောပြခဲ့သည်။

စင်ကာပူ-မြန်မာ နှစ်နိုင်ငံအကြား စီးပွားရေးနှင့် လူ့စွမ်းအား အရင်းအမြစ် ကိစ္စရပ်များတွင် ပူးပေါင်း ဆောင်ရွက်ရန် သဘောတူညီမှုရရှိ

Tuesday, 31 January 2012 13:12

စင်ကာပူနိုင်ငံသို့ ချစ်ကြည်ရေး ခရီးသွားရောက်ခဲ့သော နိုင်ငံတော် သမ္မတ ဦးသိန်းစိန်၏ ခရီးစဉ်ကာလအတွင်း စင်ကာပူ-မြန်မာ နှစ်နိုင်ငံကြား စီးပွားရေး၊ လူ့စွမ်းအား အရင်းအမြစ်နှင့် ပြည်သူ့ အုပ်ချုပ်ရေးကဏ္ဍ တိုးတက် ဖွံ့ဖြိုးရေး ကိစ္စရပ်များ ပူးပေါင်း ဆောင်ရွက်ရန် သဘောတူညီမှုများ ရရှိခဲ့ကြောင်း စင်ကာပူ နိုင်ငံခြားရေး ၀န်ကြီးဌာနမှ ထုတ်ပြန်သော သတင်းများအရ သိရှိရပါသည်။
အဆိုပါ သဘောတူညီမှုများ အတွက် စင်ကာပူ-မြန်မာ နှစ်နိုင်ငံကြား ပူးပေါင်း ဆောင်ရွက်ရေး နားလည်မှု စာချွန်လွှာ လက်မှတ်ရေးထိုးပွဲကို ဇန်န၀ါရီလ ၃၀ ရက်နေ့ နံနက်ပိုင်းက ကျင်းပ ပြုလုပ်ခဲ့ပြီး စင်ကာပူ ဝန်ကြီးချုပ် လီရှန်လွန်းနှင့် နိုင်ငံတော်သမ္မတ ဦးသိန်းစိန်တို့၏ ရှေ့မှောက်တွင် စင်ကာပူ နိုင်ငံခြားရေးဝန်ကြီး ရှန်မူဂန်နှင့် မြန်မာ နိုင်ငံခြားရေးဝန်ကြီး ဦးဝဏ္ဏမောင်လွင်တို့က စာချွန်လွှာကို အပြန်အလှန် လက်မှတ် ရေးထိုးခဲ့ကြပါသည်။

သဘော တူညီချက်အရ အနာဂတ်တွင် စင်ကာပူနှင့် မြန်မာနိုင်ငံကြား ပိုမို ပူးပေါင်းဆောင်ရွက် သွားမည်ဖြစ်ပြီး စီးပွားရေး၊ လူ့စွမ်းအား အရင်းအမြစ်နှင့် ပြည်သူ့ အုပ်ချုပ်ရေး ကဏ္ဍများ တိုးတက် ဖွံ့ဖြိုးရေးတို့အတွက် စင်ကာပူနိုင်ငံမှ နည်းပညာရပ် ဆိုင်ရာ ထောက်ပံ့ ကူညီမှုများနှင့် သင်တန်းများကို စီစဉ်လုပ်ဆောင်ပေးသွားမည် ဖြစ်ကြောင်း သိရသည်။ အထူးသဖြင့် နယ်ပယ် အသီးသီးတွင် ကျွမ်းကျင် လုပ်သားများ ပေါ်ထွက်လာရေးအတွက် အဓိက ရည်ရွယ်မည် ဖြစ်ကြောင်း သိရပါသည်။

ထို့ပြင် ခရီးသွားလုပ်ငန်း ဖွံ့ဖြိုးတိုးတက်ရေး၊ ဘဏ်လုပ်ငန်းနှင့် စီးပွားရေးဆိုင်ရာ ပြုပြင်ပြောင်းလဲရေးများ အတွက် သင်ကြား ပို့ချမှုများကို စင်ကာပူနိုင်ငံက ကူညီဆောင်ရွက်ပေးမည့် အချက်လည်း အထက်ပါ သဘောတူညီချက်တွင် ပါဝင်မည်ဖြစ်သည်။

နိုင်ငံတော်သမ္မတ ဦးသိန်းစိန်၏ ဇန်နဝါရီလ ၂၉ ရက်နေ့မှ ဖေဖော်ဝါ ရီလ ၁ ရက်နေ့အထိ စင်ကာပူသမ္မတ၏ ဖိတ်ကြားချက်အရ သွားရောက်ခဲ့သော ချစ်ကြည်ရေး ခရီးစဉ်တွင် စင်ကာပူဝန်ကြီးချုပ် လီရှန်လွန်း၊ စင်ကာပူ ဝါရင့်ဝန်ကြီး ဂိုချောက်တောင်၊ သမ္မတ တိုနီတန်ကန်ယမ်းတို့နှင့် တွေ့ဆုံခဲ့ပါသည်။ သုံးရက်ကြာ သွားရောက်ခဲ့သော ခရီးစဉ်တွင် နိုင်ငံတော် သမ္မတ ဦးသိန်းစိန်နှင့်အတူ ဇနီးဖြစ်သူ ဒေါ်ခင်ခင်ဝင်း အပါအဝင် ဝန်ကြီးဌာ နအသီးသီးမှ ဝန်ကြီးများ၊ တာဝန်ရှိပုဂ္ဂိုလ်များလည်း အဆိုပါ ခရီးစဉ်တွင် လိုက်ပါသွားခဲ့ပါသည်။

နိုင်ငံတော်သမ္မတ ဦးသိန်းစိန်သည် ပြီးခဲ့သည့် ၂၀ဝ၉ ခုနှစ် အတွင်းကလည်း နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ၏ ဝန်ကြီးချုပ်အဖြစ် စင်ကာပူနိုင်ငံသို့ အလည်အပတ်ခရီး သွားရောက်ခဲ့ပါသည်။ ယခုခရီးစဉ်မှာ အစိုးရအဖွဲ့သစ်ကို စတင်တာဝန်ယူခဲ့ပြီး နောက်ပိုင်း နိုင်ငံတော်သမ္မတ ဦးသိန်းစိန်၏ စတုတ္ထမြောက် နိုင်ငံခြားခရီးစဉ် ဖြစ်ပါသည်။

Ref:neweleven - Photo: AFP

ပုံစံ၁၉အတွက်အာမခံကြေးသွင်းရန်မလိုတော့

မေ၀င်းမွန်ရန်ကုန်

၊ဇန်န၀ါရီ၅အတွဲ၁၀၊အမှတ်၄၃

ဘဏ္ဍာရေးနှင့်အခွန်ဝန်ကြီးဌာန၊ပြည်တွင်းအခွန်များဦးစီးဌာနပြည်ပသို့ထွက်ခွာမည့်သူများစိစစ်ရေးအဖွဲ့ရုံးတွင်ဝင်ငွေခွန်နှင့်စပ်လျဉ်းသည့်သက်သေခံလက်မှတ်ပုံစံ၁၉(ပုံစံ ဂ)ပြုလုပ်ရာ၌ယခုလရက်မှစ၍ မြန်မာ့စီးပွားရေးဘဏ်တွင်ငွေသွင်းရန်မလိုဘဲ

ဆောင်ရွက်ရမည်ကြောင်းသိရသည်။

(ပုံစံဂ)အတွက်နိုင်ငံအလိုက်ဘဏ်ငွေသွင်းရသည့်ပမာဏကိုယခင်ကထိုင်း၊မလေးရှား၊အင်ဒိုနီးရှား၊အိန္ဒိယ၊တရုတ်၊နီပေါ၊သီရိလင်္ကာ၊ပါကစ္စတန်၊ပါလက်စတိုင်း၊လာအိုနိုင်ငံဆိုပါက၄၅၀၀ကျပ်၊ကိုရီးယားနိုင်ငံဆိုပါက၅၂၀၀ကျပ်၊ဘရူနိုင်း၆၉၀၀ကျပ်၊ထိုင်ဝမ်၉၃၀၀ကျပ်၊ဩစတြေးလျ၁၀၀၀၀ကျပ်၊စင်ကာပူ၁၁၀၀၀ကျပ်၊ဟောင်ကောင်၁၁၃၀၀ကျပ်၊ကူဝိတ်၊ကာတာ၊ယူအေအီး၊အစ္စရေး၁၁၆၀၀ကျပ်၊အမေရိက၁၉၃၀၀ကျပ်၊ပြင်သစ်၂၀၀၀၀ကျပ်၊အင်္ဂလန်၊ဂျပန်၂၂၄၀၀ကျပ်သတ်မှတ်ပေးဆောင်စေရာမှဝင်ငွေခွန်ကင်းလွတ်သည့်ကြေညာချက်ထုတ်ပြန်ပြီးနောက်ပေးဆောင်ရန်မလိုအပ်တော့ခြင်းဖြစ်သည်။

(ပုံစံဂ)ပြုလုပ်မည်ဆိုပါကသန်းခေါင်းစာရင်းမူရင်း၊မိတ္တူ၊နိုင်ငံသားစိစစ်ရေးကတ်ပြားမူရင်း၊မိတ္တူ၊နိုင်ငံကူးလက်မှတ်ထုတ်ရန်စလစ်မူရင်း၊မိတ္တူ၊ချိတ်ပိတ်ထားသည့်ပုံစံ၁၇၊ခြောက်လအတွင်းရိုက်ကူးထားသည့်ဓာတ်ပုံနှင့်နိုင်ငံကူးလက်မှတ်ရှိပါကမိတ္တူယူဆောင်လာရမည်ဖြစ်ပြီးဘဏ်ငွေသွင်းရန်မလိုအပ်တော့သဖြင့်မြန်ဆန်စွာလုပ်ဆောင်နိုင်ပြီဖြစ်သည်ဟုဆိုသည်။

Ref:7day journal

ကားသွင်းခွင့်ပါမစ်နောက်ဆက်တွဲသတင်း(၇)

သဘောင်္သားများအား ကားတင်သွင်းပေးမှုတွင် အကျိုးဆောင် ပေးသူ အချို့ တွက်ချေမကိုက်

တရားဝင် သတ်မှတ်ချက်များနှင့် ကိုက်ညီ သည့် နိုင်ငံခြား သင်္ဘောသား များအား ကားတင်သွင်း ရန် အကျိုး ဆောင် ပေးသူအချို့တွက်ချေ မကိုက်ဖြစ် နေကြောင်း အဆိုပါ အကျိုးဆောင်များ ထံမှ သိရသည်။

လက်ရှိတွင် မော်တော်ယာဉ် တင် သွင်းခွင့်ဆိုင်ရာ ကြီးကြပ်ရေး ကော်မတီ က သတ်မှတ်ချက် များနှင့် ကိုက်ညီပြီး ဘဏ်စာရင်းတွင် အနည်းဆုံး အမေရိ ကန်ဒေါ်လာ ၁၀,၀၀၀နှင့်အထက်ရှိ သော နိုင်ငံခြား သင်္ဘောသားများကို ၂၀၀၇ မော်ဒယ်မှ ၂၀၁၂ မော်ဒယ် အထိ ဘယ်မောင်း၊ ညာမောင်းကန့် သတ်ချက် မထားဘဲ တင်သွင်းခွင့်ပြု ထားကြောင်း၊ သင်္ဘောသား များ အတွက် ယာဉ်အစီး ရေ ၃,၀၀၀ အထိ တင်သွင်း ခွင့်ပြုမည်ဖြစ်ပြီး ဇန်န၀ါရီလ ဆန်းမှစ၍ ဒေါပုံမြို့နယ် ရှိသင်္ဘောသား အလုပ် အကိုင်ကြီးကြပ်ရေး ရုံးသို့ သတ် မှတ်ချက်များနှင့် လာရောက် လျှောက် ထားခွင့်ပြုခဲ့ရာ ဇန်န၀ါရီ ၂၆ ရက်တွင် သတ်မှတ် လျှောက်ထားခွင့်ရှိ သည့် အစီး ရေ ၃,၀၀၀ အတွက်ပြည့်မီသွားပြီးဖြစ် ကြောင်း သိရှိရသည်။

“အခု တချို့သင်္ဘောသားတွေက ကားသွင်းဖို့ ဘဏ်စာအုပ်မှာ သတ်မှတ် ထားတဲ့ ဒေါ်လာ ၁၀,၀၀၀ မရှိဘူး၊ ဒါပေမဲ့ အကျိုးဆောင်တွေက တရားဝင် သင်္ဘောသားဖြစ်ကြောင်း အခွန်ဆောင် ပြီးတဲ့ စာအုပ်ပါ လာရင် ဘဏ်ထဲကို ဒေါ်လာ ၁၀,၀၀၀ Money Changer ကနေ၀ယ်ပြီးထည့်ပေးတယ်။ ပြီးရင် လျှောက်ပေးတယ်။ SECD ကလျှောက် လွှာလက်ခံ ထားပြီဆိုရင် ကားသွင်းခွင့် အတွက် စီးပွား ကူးသန်း သွားလျှောက် ပေးတယ်။ တင်သွင်းခွင့် စလစ်ကျပြီဆို ရင် အဲဒီစလစ် တစ်စောင်က အခုသိန်း ၆၀ အထက်မှာ ပေါက်ဈေးရှိတယ်။ အခု အကျိုးဆောင် တွေက သင်္ဘောသား တွေဆီမှ သင်္ဘောသား ဖြစ်ကြောင်း သက်သေခံအခွန် ဆောင်ထားတဲ့ စာအုပ်ရှိတယ် ဆိုတာနဲ့တင် အခု ၁၆ သိန်းလောက် ပေါက်ဈေးရှိတယ်။ ဒီတော့ သင်္ဘောသားကို ၁၆ သိန်းပေး ပြီး စလစ် ရအောင်လိုက်လုပ်ပြီး ကား သွင်းချင်တဲ့သူ ဆီကိုပြန်ရောင်း တာပေါ့ ဗျာ၊ အခုက အကျိုးဆောင် တချို့က စာရွက်အကြမ်းကို ၁၆ သိန်းနဲ့ ၀ယ်ထား ပြီး ပြန်လျှောက်တဲ့ အခါ သတ်မှတ်ထား တဲ့ ၃,၀၀၀ ပြည့်သွားတော့ လျှောက် လို့မရတော့ဘူး၊ အဲ့ဒီတော့ ၀န်ဆောင် စရိတ်တွေအပါ သိန်း ၂၀ လောက်ရှုံး ကုန် တာပေါ့”ဟု အကျိုးဆောင်တစ်ဦး က ရှင်းပြသည်။

“ကျွန်တော် ကတော့ စာရွက် အကြမ်းရောင်းဖို့ လုပ်ထားတာအဆင် မပြေသေးဘူး၊ ပွဲစားကအခုထပ် လျှောက်လို့ရ မရမကျိန်းသေသေး တော့ မ၀ယ်တော့ဘူးပြောတယ်၊ ကျွန်တော် ကကိုယ်တိုင်ကားသွင်းဖို့ မဟုတ်ဘူး”ဟု နိုင်ငံခြား သင်္ဘောသားတစ်ဦးက ဆို သည်။ အချို့သော သင်္ဘောသားများ အနေဖြင့် အမှန်တကယ် အသုံးပြုရန် လျှောက်ထားသူများလည်းရှိကြောင်း၊ အချို့သော သင်္ဘောသားများအနေဖြင့် ကားသွင်းခွင့် စလစ်ကိုတစ်ဆင့် ပြန် ရောင်းရန် ရည်ရွယ်ပြီး အကျိုးဆောင် များနှင့် ချိတ်ဆက်ကာ ဆောင်ရွက်ခြင်း များလည်းရှိကြောင်း၊ အချို့ကားတင် သွင်းသည့် ကုမ္ပဏီများ ကလည်း ဘဏ် စာရင်းတွင် ဒေါ်လာ ၁၀,၀၀၀ မရှိသည့် သင်္ဘောသား များကို ဘဏ်စာရင်း တွင် ငွေထည့်ပေးပြီး ကားသွင်းခွင့်ရရှိရန် ၀န်ဆောင်ပေးမှု များလည်း ရှိကြောင်း၊ လက်ရှိတွင် တရားဝင်မှတ်ပုံတင်ထား သော နိုင်ငံခြား သင်္ဘောသားများမှာ သောင်းနှင့် ချီရှိနေကြောင်း၊ တရားဝင် ဖွင့်ခွင့်ရ ကားအရောင်းပြခန်း များက လည်း ကားစလစ် ရှိသူများကို ရောင်းချ ပေးခြင်း၊ ကားတင်သွင်းခွင့် စလစ်များ ၀ယ်ယူ၍ ကားသီးသန့်ပြန်ရောင်းချ ပေးခြင်းကို ပြီးခဲ့ သည့် MCC ကားပြ ပွဲတွင်ရောင်းချပေးခဲ့ကြောင်း သိရ သည်။

ထွန်းလင်း-the myanmarpost

Saturday, January 28, 2012

Facebook Spam သတိပေးချက်

by Myanmar Share on Wednesday, January 25, 2012 at 5:06am

Facebook Spam သတိပေးချက်

ယခုရက်ပိုင်းအတွင်း facebook ပေါ်တွင် ကိုယ့်သူငယ်ချင်းမှ ဒါလေးကြည့်ပါ။ ချက်နောရစ်တော့သေပြီ။ နယူးရီးယား စသည်ဖြင့် လင့်အမျိုးမျိုးဖြင့် မိမိဝေါ်ပေါ်တွင်ဖြစ်စေ၊ group များအတွင်းတွင်ဖြစ်စေ၊ Fan Page များပေါ်တွင်ဖြစ်စေ လိုက်တင်နေသည်ကိုတွေ့ရှိပါက လုံးဝမနှိပ်ကြပါနှင့်။ နှိပ်မိသည့်တိုင် profile ကြည့်ရင် နှိပ်ပါ။ Plug-in Install လုပ်ပါ။ Flash Player upgrade လုပ်ပါ စသည်တို့တောင်းဆိုပါက တောင်းဆိုသည့်အတိုင်းမလုပ်မိပါစေနှင့်။

ထိုသို့လုပ်ဆောင်မိပါက မိမိနာမည်ကိုသုံးကာ အခြားသူများကို Tag လုပ်ခြင်း၊ မိမိမန်ဘာဝင်ထားသော Group များတွင် ပို့စ်များတင်ခြင်း၊ မိမိ Like လုပ်ထားသော Fan Page များတွင် လင့်များတင်ခြင်းဖြင့် ပိုမိုပွားများအောင် ဖြန့်ချိနေကြပါသည်။

အကယ်၍ နှိပ်မိပြီးသားသူများအတွက် ထပ်မံမပြန့်ပွားစေရန် Chrome တွင် ဘေးနားက ဂွပုံလေးကို နှိပ်ပါ။ ထို့နောက် Options -> Extensions တွင် မသင်္ကာစရာကောင်းသော extensions အားလုံးဖြုတ်လိုက်ပါ။
Firefox တွင် Add-ons ထဲတွင် ရှာဖွေ၍ဖြုတ်လိုက်ပါ။

Myanmar Share

Fake Youtube Page

Ref:My Satan

နေ နှင့် အိပ်စက်သူများ

Sunday, March 14, 2010

ကျမတို့ ဆေးကျောင်းတက်စဉ်ကာလက ကျောင်းခန်းထဲမှာ အိပ်ငိုက်သူများ ၊ ဆေးရုံ ward round ဆရာကြီး စာသင်ချိန်မှာ သန်းဝေနေတတ်သူများကို ဆရာကြီးက ဒီကလေးမ Sleeping sickness ရောဂါရှိနေပြီလို့ ကျီစယ်တတ်ပါတယ်။ ဘာကြောင့်လဲဆိုတော့ Sleeping sicknessရောဂါရဲ့ လက္ခဏာတွေထဲက တစ်ခုဟာ နေ့ဘက်မှာ ငိုက်မျဉ်းနေတတ်ပြီး ညဘက်အိပ်မပျော်နိုင်လို့ဘဲဖြစ်ပါတယ်။ ဒီလိုနေ့ည အကျင့်များပြောင်းလဲတတ်မှုဟာ အသည်းသမားများမှာလည်းဖြစ်တတ်ပေမယ့် အာဖရိကတိုက်တစ်နေရာမှ လူတစ်ဦး၊ ဒါမှမဟုတ် အာဖရိကတိုက်ကို နယ်လှည့်ခရီးသွားလာနေခဲ့တဲ့ လူတစ်ဦးမှာ ဒီလို ရောဂါဝေဒနာခံစားရပြီ ဆိုရင်တော့ သတိထားရမဲ့ရောဂါတွေထဲမှာ Sleeping sickness က ရှေ့ဆုံးကပါဝင်တဲ့ရောဂါတွေထဲက တစ်ခု ဖြစ်ပါလိမ့်မယ်။

Sleeping sickness လို့ခေါ်တဲ့ African Trypanosomiasis ရောဂါဟာ ကမ္ဘာတစ်ဝှမ်းမှာ ဖြစ်ပွားနေတဲ့ ရောဂါမဟုတ်ပေမယ့် sub-saharn Africa နိုင်ငံပေါင်း ၃၆ နိုင်ငံမှ လူသန်းပေါင်းများစွာကို ခြောက်လှန့်နေတဲ့ရောဂါတမျိုးဖြစ်ပါတယ်။ လက်ရှိခန့်မှန်းခြေအရ လူပေါင်း ၅ သောင်းမှ ၇ သောင်းခန့်အထိ ဝေဒနာခံစားနေရတယ်လို့ ဆိုပါတယ်။ အာဖရိကနိုင်ငံအတော်များများမှာ ခုခံအားကျဆင်းမှုရောဂါဖြင့် သေဆုံးမှုဟာ အမြင့်ဆုံးဖြစ်နေပေမယ့် African Trypanosomiasis ဟာလည်း ဒုတိယ ဒါမှမဟုတ် သေဆုံးမှု အမြင့်ဆုံးထဲက တစ်ခုအဖြစ် ပညာရှင်များ ခံယူထားခဲ့တဲ့ ရောဂါတစ်ခုဖြစ်ပါတယ်။
Trypanosomiasis ကို African Trypanosomiasis နှင့် American Trypanosomiasis ဆိုပြီး ဒီရောဂါဟာ ဆင်းရဲနွမ်းပါးတဲ့ ကျေးလက်ဒေသများမှာ အဖြစ်များပြီး Trypnosoma brucei လို့ခေါ်တဲ့ ကပ်ပါးကောင် parasite ကြောင့်ဖြစ်တဲ့ရောဂါတစ်ခုဖြစ်ပါတယ်။ အဲဒီဒေသတွေမှာကျက်စားလေ့ရှိတဲ့ Tsetse flies လိုခေါ်တဲ့ အကောင်ကိုက်ခြင်းအားဖြင့် African Trypanosomiasis သို့မဟုတ် sleeping sickness ရောဂါကိုခံစားရမှာဖြစ်ပါတယ်။ Trypnosoma brucei ကို အနောက်နဲ့ အလယ်ပိုင်း အာဖရိကမှာ တွေ့ရတတ်တဲ့ Trypnosoma brucei gambiense နဲ့ အရှေ့အာဖရိက နိုင်ငံတွေ မှာတွေ့ရတတ်တဲ့ Trypnosoma brucei rhodesiense ဆိုပြီး ၂မျိုးခွဲခြား နိုင်တာဖြစ်ပါတယ်။ ဒါပေမယ့် အဲဒီ နှစ်မျိုးကို ယေဘူယျအားဖြင့် ခွဲခြားလို့ မရနိုင်ပါဘူး။
Trypnosoma brucei gambiense ဟာ လေ့လာတွေ့ရှိတဲ့ ဖြစ်ပွားမှုနှုန်းရဲ့ ၉၀% ခန့်ရှိပြီး နာတာရှည်ရောဂါအဖြစ် ရှိတတ်ပါတယ်။ ဝေဒနာရှင်ဟာ ပိုးဝင်ရောက်ပြီး လပေါင်းများစွာမှ နှစ်ပေါင်းများစွာအထိ ရောဂါလက္ခဏာများကို မခံစားရတတ်ပါဘူး။ ရောဂါ ကျွမ်းနေနှင့်ပြီးဖြစ်တဲ့ ဦးဏှောက်အာရုံကြောစနစ်ကို ပိုးဝင်ရောက်တဲ့အခါကျမှ သာ ရောဂါလက္ခဏာများကို စတင်ခံစားရတာကို တွေ့ရတတ်ပါတယ်။
Trypnosoma brucei rhodesiense ကတော့ ဖြစ်ပွားမှုနှုန်းရဲ့ ၁၀ ရာခိုင်းနှုန်းခန့်သာ ရှိပြီး လတ်တလော ဖြစ်ပွားတဲ့ရောဂါအဖြစ် တွေ့ရတတ်ပါတယ်။ ဝေဒနာရှင်ဟာ ရောဂါလက္ခာများကို ပိုးဝင်ပြီး ရက်ပိုင်းလပိုင်းမှာ ခံစားရတတ်ပြီး အာရုံကြောစနစ်ကို လျှင်မြန်စွာ ထိခိုက်စေနိုင်ပြီး သေစေနိုင်တာကို တွေ့ရပါတယ်။

ဖြစ်ပွားမှုနှင့် ဖြစ်ပွားသည့်နိုင်ငံများကတော့ ပုံမှာ ပြထားတဲ့အတိုင်းဖြစ်ပါတယ်။

ရောဂါလက္ခဏာများ
ပထမအဆင့်
၁။ Tseses flies ကိုက်လိုက်တဲ့နေရာမှာ နာကျင်ခြင်း ၊
၂။ အကောင်ဝင်သွားတဲ့ နေရာမှာ နီရဲနေခြင်း ၊အနာဖြစ်ခြင်း ဖြစ်တတ်ပါတယ်။

ဒုတိယအဆင့် (သွေးတွင်းပျံ့နှံ့သောအဆင့်)
ဒီအဆင့်မှာတော့ Protozoa တွေဟာ သွေးထဲကိုရောက်သွားပြီဖြစ်တာမို့ ဖျားနာခြင်း၊ အပြင်းအထန်ခေါင်းကိုက်ခြင်း၊ အသားစိုင်များ နာကျင်ခြင်း၊ အဆစ်အမြစ်ကိုက်ခြင်း စတဲ့ အခြားရောဂါတွေမှာ ဖြစ်လေ့ရှိတဲ့ လက္ခဏာတွေကို ခံစားရမှာဖြစ်ပါတယ်။
၂။ ပြန်ရည်ကျိတ်တွေ ကြီးလာတာကိုလည်းတွေ့ရတတ်ပြီး Trypnosoma ကြောင့် ပြန်ရည်ကျိတ်ကြီးခြင်းကို Winterbottom’s sign လို့ ခေါ်လေ့ရှိပါတယ်။
၃။ ယားယံခြင်း၊ အရေပြားပေါ်တွင် အကွက်များ အစက်အပျောက်များ ထွက်ခြင်း တို့ကိုလည်းတွေ့ရမှာဖြစ်ပါတယ်။

တတိယအဆင့် (ဦးဏှောက်နှင့် အာရုံကြောစနစ်ကို ထိခိုက်သော အဆင့်)
တတိယအဆင့်မှာတော့ ဦးဏှောက် အမြှေးပါးယောင်ခြင်း အဆင့်ဖြစ်တာမို့ ယင်းရဲ့လက္ခဏာများဖြစ်တဲ့
၁။ ခေါင်းကိုက်ခြင်း
၂။ နေ့အချိန်တွင် အလွန်အမင်း အိပ်ငိုက်ခါ ညအချိန်တွင် အိပ်မပျော်တတ်ခြင်း။
၃။ စိတ်ပိုင်းဆိုင်ရာ လက္ခဏာများဖြစ်တဲ့
၃.၁။ မူမမှန်တော့ခြင်း၊
၃.၂ ။ စိတ်တိုလွယ်ခြင်း သို့မဟုတ်စိတ်ဆတ်ခြင်း
၃.၃။ အာရုံစူးစိုက်၍ မရခြင်း
၎။ ဗလုံးဗထွေး စကားပြောခြင်း ၊ စကားပြောရာတွင် အခက်အခဲရှိခြင်း
၅။ လမ်းလျှောက်ရာတွင် အခက်အခဲရှိလာခြင်း
၆။ တက်ခြင်း
၇။ သတိကောင်းကောင်းမရတော့ခြင်း၊ သတိလစ်ခြင်းမှ coma အထိခံစား ရတာကို တွေ့ရမှာဖြစ်ပါတယ်။

ရောဂါရှာဖွေ စစ်ဆေးခြင်း
ရောဂါဖြစ်ပွားနိုင်တဲ့ နေရာ၊ ခရီးသွားရာဇ၀င် ပေါ်မူတည်ပြီး ကျွမ်းကျင်တဲ့ ကျန်းမာရေးဝန်ထမ်းမှ ဝေဒနာရှင်အား သေချာ စမ်းသပ်စစ်ဆေးခြင်းက အရေးကြီးတဲ့ အခန်းကဏ္ဍမှာ ပါဝင်ပါတယ်။

Microscopy
အကောင်ကိုက်ခံရသောနေရာ၊ ပြန်ရည်ကျိတ်မှ စုတ်ယူထားသော အရည်၊ သွေး၊ ရိုးတွင်းချဉ်ဆီ သို့မဟုတ် ခါးဆစ်ရိုးမှ စုပ်ယူရရှိသောအရည် များကို အဏုကြည့်မှန်ပြောင်း (microscopy) တွင် တိုက်ရိုက်ကြည့်ခြင်းဖြင့်သော်လည်းကောင်း ၊ Giemsa ဟုခေါ်သော ဆိုးဆေးသုံး၍ သော်လည်းကောင်း သိရှိနိုင်ပါတယ်။ အဲဒီအခါမှာ အရွယ်အစားအားဖြင့် အနံ၁၄ မှ ၃၃ မိုက်ခရိုမီတာ နဲ့ အလျား ၁.၅ မှ ၃.၅ မိုက်ခရိုမီတာ ရှိတဲ့ Tryptosoma parasite များကိုတွေ့ရမှာ ဖြစ်ပေမယ့် Trypnosoma brucei gambiense နဲ့ Trypnosoma brucei rhodesiense စတဲ့ tryptosoma ရဲ့ မျိုးစိတ်များကိုတော့ ခွဲခြားလို့ရမှာ မဟုတ်ပါဘူး။

Antibody Detection
CATT လို့ခေါ်တဲ့ Card Agglutination Tryptosomiasis Test ကို Trypnosoma brucei gambiense ဖြစ်ပွားမှုနှုန်းကို စစ်ကြောခြင်းမှာ သုံးစွဲနိုင်မှာဖြစ်ပါတယ်။

Cerebro Spinal fluid (ခါးဆစ်ရိုးမှ စုပ်ယူရရှိမည့် အရည်) မှတွေ့ရှိချက်များ
ဒါကိုတော့ African Trypanosomiasis ကို ရောဂါအတိအကျသိနိုင်ဖို့အတွက်နဲ့ သူရဲ့အဆင့်တွေ ခွဲခြားဖို့အတွက် သုံးလေ့ရှိပါတယ်။ ဥပမာအားဖြင့် တစ်မိုက်ခရိုလီတာမှာ သွေးဖြူဥ ၅ လုံးထက်များနေရင် ရောဂါအဆင့်သုံးကို စဉ်းစားပါမယ်။ ဒုတိယအဆင့်မှာတော့ သွေးဖြူဥဟာ ပုံမှန်ကနေ ၁၀၀ က နေ ၃၀၀ ထိရှိနေနိုင်ပါတယ်။
သွေးဖြူဥတွေကိုအများအပြားကိုလည်း ပုံစံအမျိုးမျိုးနဲ့တွေ့ရမှာဖြစ်ပြီး။ များသောအားဖြင့် ဘီအမျိုးအစား သွေးဖြူဥ (B cells) တွေကိုတွေ့ရမှာဖြစ်ပါတယ်။
အဲဒီအရည်မှာ Trypanosomes ( Tryptosoma ဘ၀ဖြစ်စဉ်ထဲမှ အဆင့်တခု) ကို တွေ့ရမယ်ဆိုတော့ အခြားဘယ်လို လက္ခဏာမှ မတွေ့ပဲ နေပါစေ ရောဂါအဆင့်သုံးကို စဉ်းစားမှာဖြစ်ပါတယ်။

ကုသနည်း
Sleeping sickness ကို ဖြစ်ပေါ်နေတဲ့ ရောဂါအဆင့်ပေါ်မူတည်ပြီး ကုသမှာဖြစ်ပါတယ်။ အဆင့်သတ်မှတ်ရာတွင်လည်း အချို့သော နေရာများတွင် ပထမအဆင့်ကို သွေးတွင်းသို့ Protozoa ရောက်သည့်အဆင့်ဟုသတ် မှတ်ပြီး အချို့သော နေရာများတွင် Tsese Fly ကိုက်ပြီးစတင်ဖြစ်ပေါ်သော အဆင့် (စာရေးသူအခု ခွဲခြားထားသကဲ့သို့) ဟူ၍ခွဲခြားလေ့ရှိတာကို တွေ့ရပါလိမ့်မယ်။ ယေဘူယျအားဖြင့် ယခုစာမူတွင် ဖော်ပြထားသော အဆင့်တစ်တွင် ဂရုတစိုက် ကြည့်ရှုစောင့်ရှောက်မှုဟာ အရေးကြီးသော အခန်းကဏ္ဍမှပါဝင်ပြီး Tryptosomiasis ကုသမှုတွင် သုံးစွဲသော ဆေးများကို ပေးလေ့မရှိသေးပါဘူး။

ဒုတိယအဆင့်
အာဖရိက အနောက်နိုင်ငံများတွင် ဖြစ်လေ့ရှိသော Tryptosomiasis ဒုတိယအဆင့် ကုသနည်း
ဒီရောဂါများတွင်တော့ Pentamidine လို့ခေါ်တဲ့ ၁၉၄၁ ခုနှစ်မှာ စတင်တွေ့ရှိခဲ့တဲ့ ဆေးတစ်မျိုးကို Trypnosoma brucei gambiense ကြောင့်ဖြစ်တဲ့ sleeping sickness မှာသုံးစွဲလေ့ရှိပါတယ်။ 10mg/kg /day ပမာဏဖြင့် ၁၀ ရက်သုံးစွဲမှာဖြစ်ပါတယ်။
အချို့သော နေရာများမှာ Eflonithine ဆိုတဲ့ဆေးကို 40mg/kg/day ပမဏအားဖြင့် တနေ့လျှင် လေးကြိမ်ခွဲခါ အကြောဆေးအဖြစ် ၁၄ ရက်တာ ပေးလေ့ရှိပါတယ်။

Trypnosoma brucei. rhodesiense ကြောင့်ဖြစ်တဲ့ sleeping sickness ကိုတော့ ၁၉၂၁ ခုနှစ်မှာ စတင်တွေ့ရှိခဲ့တဲ့ ဆေးတစ်မျိုးဖြစ်တဲ့ Suramin ၁ဂရမ် ကို ၁ရက်၊ ၃ ရက်၊ ၇ ရက်၊ ၁၄ ရက်နဲ့ ၂၁ ရက်မြောက်နေ့များမှာ သွေးပြန်ကြောအတွင်းသို့ ထိုးသွင်းခြင်းဖြင့် ကုသနိုင်ပါတယ်။ ပထမဆုံး ဆေးအကြိမ်ကိုတော့ ဆေးတည့်မတည့် စမ်းသပ်ပြီးမှ ပေးရမှာဖြစ်ပါတယ်။ Suramin ဟာ ယားယံခြင်းနဲ့ ဆီးလမ်းကြောင်းမှာ ဘေးထွက်ဆိုးကျိုးများကို ဖြစ်စေနိုင်တာမို့ သတိထားပြီး သုံးသင့်ပါတယ်။

တတိယအဆင့်
ဒီအဆင့်မှာတော့ ဝေဒနာရှင်ဟာ အာရုံကြောဆိုင်ရာ ရောဂါလက္ခဏာများကို ခံစားနေရမှာဖြစ်ပါတယ်။
တတိယအဆင့်အတွက်တော့ ၁၉၄၁ ခုနှစ်မှာ စတင်တွေ့ရှိခဲ့တဲ့ Melasoprol 2-3.6 mg/kg/day ကို အကြောတွင်းသို့ ပေးသွင်းခြင်းကို သုံးရက်ကြာပေးမှာဖြစ်ပါတယ်။ တပတ်ကြာတဲ့အခါ 3.6mg/kg/day ဆေးပမာဏကို ၃ ရက်ကြာပေးမှာဖြစ်ပြီး နောက်ထပ် ၁၀မှ ၂၁ ရက်ကြာတဲ့အခါမှ ထပ်မံပေးမှာဖြစ်မှာဖြစ်ပါတယ်။ Melarsoprol ဟာ တခါတရံမှာ ဦးဏှောက်ပိုင်းဆိုင်ရာ ဘေးထွက်ဆိုးကျိုးများကို ဖြစ်စေပြန်ပါတယ်။ ယခုအခါ အလယ်ပိုင်းအာဖရိကနိုင်ငံတွေမှာ နဲ့အချို့သောနေရာတွေမှာ Malarsoprol ကိုယဉ်ပါးနေတဲ့ Tryptosoma များကို တစစပိုမိုတွေ့ရှိလာတာကိုတွေ့ရပါတယ်။
Eflonithine ဆိုတဲ့ဆေးကို 40mg/kg/day ပမဏအားဖြင့် တနေ့လျှင် လေးကြိမ်ခွဲခါ အကြောဆေးအဖြစ် ၁၄ ရက်တာပေးလေ့ရှိပါတယ်။ Elorinithine ဟာ Melarsoprol ထက်စာရင် ဘေးထွက်ဆိုးကျိုးနည်းပေမယ့် ယင်းဆေးဟာ Tryptosoma gambiense တမျိုးတည်းအတွက်သာ ထိရောက်မှုရှိပါတယ်။ ၁၉၉၀မှာ စတင် စာရင်းသွင်းခဲ့တဲ့ Eflonithine ကို Melarsoprol ရဲ့အခြားအစားထိုး ဆေးအဖြစ်နဲ့သုံးစွဲ နိုင်ပေမယ့် အခက်အခဲရှိဆဲလို့ဆိုပါတယ်။

ကမ္ဘာ့ကျန်းမာရေးအဖွဲ့အစည်းကြီးမှ အာဖရိကတိုက်မှ ရောဂါတစ်မျိုးဖြစ်တဲ့ African Trypanosomiasis သို့မဟုတ် sleeping sickness ကို ကုသနိုင်တဲ့ ကုထုံးသစ်ကို စတင်သုံးစွဲနေပြီဆိုတဲ့အကြောင်းကို ကျမမွန်းသက်ပန် ဘာသာပြန်သတင်းတို ရေးသားထားတာမို့ ဒီနေရာမှာ ဖတ်ရှုနိုင်ပါတယ်။

ကာကွယ်ခြင်းဟာ ကုသခြင်းထက် ထိရောက်ပါတယ်။
African Tryptosomiasis ဟာ ရောဂါပိုးဝင်ရောက် နေပေမယ့်လည်း ရောဂါကျွမ်းမှသာ ဝေဒနာ လက္ခဏာများကို ပြသတတ်ကာ အသက်ဆုံးရှုံးသည်အထိ ဆိုးရွားနိုင်တဲ့ရောဂါဖြစ်တာမို့ ရောဂါမဖြစ်မှီကြိုတင်ကာကွယ်ခြင်း၊ စစ်ဆေးခြင်း များပြုသင့်ပါတယ်။ Tsetse flies ကိုက်ခြင်းမှ ထိုရောဂါပိုး ၀င်ရောက်တယ်လို့ သိရပေမယ့် အချို့သော ဒေသများမှာ Tsetse flies များရှိပေမယ့်လည်း African Trypanosomiasis ဖြစ်ပွားမှုမရှိခြင်းကိုတော့ ကျွမ်းကျင်သူများအနေဖြင့် ဖြေရှင်းချက် မတွေ့နိုင်သေးပါဘူး။ သို့ပေမယ့်လည်း ရောဂါဖြစ်ပွားနိုင်တဲ့ နေရာများမှာ နေထိုင်သူများ၊ နယ်လှည့်ခရီးသွား လာသူများအနေဖြင့်လည်း ထိုရောဂါပိုးကို သယ်ဆောင်တဲ့ ယင်ကောင်တစ်မျိုးဖြစ်တဲ့ Tsetse flies အကိုက်ခံရခြင်းမှ ကာကွယ်ဖို့ ကလည်းအရေးကြီးတဲ့အချက်တစ်ခုဖြစ်ပါတယ်။
မူရင်းနှင့် မှီငြမ်း
1. WHO. WHO rolls out new combination treatment for sleeping sickness. Geneva: WHO; 2009 [cited 2009 09 November ]; Available from: http://www.who.int/neglected_diseases/disease_management/new_sleeping_sickness_treatment/en/index.html.
2. University Mahidol. African Tryptosomiasis. In: Tropical Medicine MU, editor. Thailand,2008-2009.
3. WHO. African trypanosomiasis (sleeping sickness). 2006; Available from: http://www.who.int/mediacentre/factsheets/fs259/en/.

Ref:Monthetpan

အစားအသောက် မဆင်ခြင်တဲ့ အခါ

Thursday, August 07, 2008

သံလွင်အိပ်မက် အတွဲ (၂) အမှတ် (၂) မှာ ကိုလေး (ဆေး-၁) နံမည်နဲ့ ဖော်ပြခြင်းခံရတဲ့ ဆောင်းပါးလေး တခုကို ကျမစာရေးဖို့ မအားသေးတဲ့အချိန်တွေမှာ ပို့တခု အဖြစ်တင်ထားချင်ပါတယ်။
အစားအစာကို မဆင်မခြင်စားမိတဲ့အခါ ဖြစ်တတ်တဲ့ရောဂါလေးတွေကို အစာမစားခင်မှာ သတိတရရှိစေချင်လို့ပါ။
အစားအသောက် မဆင်ခြင်မိသောကြောင့် ဖြစ်တတ်သော ရောဂါများစွာ ရှိနှင့်ပြီး ဖြစ်သော်လည်း ယနေ့ခေတ်တွင် ခေတ်စားလာသော ရောဂါ အရေအတွက်မှာ တစ်နေ့တခြား တိုးပွားလျှက် ရှိပေသည်။ အချို့သော ရောဂါများမှာ ဖြစ်ပွားမှုနှုန်း နည်းသည့်တိုင်အောင် ခန္ဓာကိုယ်ကို များစွာ ဒုက္ခပေးတတ်ကြောင်း ထင်ရှားစွာ သိလာနိုင်လေသည်။
......................................................

ရောဂါဝေဒနာမှာ ပြင်းထန်သော်လည်း အစားအစာများကို အတန်အသင့် ဆင်ခြင်ခြင်းအားဖြင့် ရှောင်ရှားနိုင်သော ရောဂါများထဲမှ တစ်ခုကို တင်ပြချင်ပါသည်။
၎င်းရောဂါမှာ အစားအသောက်များကို ကျက်အောင် မချက်ခြင်း သို့မဟုတ် အသားစိမ်း၊ ငါးစိမ်းများကို စားခြင်းမှ တဆင့် ဖြစ်ပေါ်တတ်သော ရောဂါတစ်မျိုးဖြစ်ပါသည်။ထိုရောဂါ ဖြစ်ပွားလာပြီ ဆိုပါလျှင် ထင်ရှားသော ရောဂါလက္ခဏာ တစ်ခုမှာ ရောဂါဖြစ်ပွားသည့် နေရာ ပေါ်မူတည်၍ အရေပြားအောက်တွင် ရွေ့ရှားနိုင်သော အဖုအကျိတ်ကလေးများ ခန္ဓာကိုယ် တစ်နေရာရာတွင် ပေါ်လာတတ်ခြင်း၊ အင်ပြင်ထခြင်း၊ နေမထိ ထိုင်မသာဖြစ်ကာ စိတ်ကို အနှောင့်အယှက် ဖြစ်စေခြင်း ၊ ယောင်ယမ်းခြင်း၊ အဖုအပိန့် ထွက်သော နေရာများတွင် ယားယံခြင်း တခါတရံတွင် နာကျင်တတ်ခြင်းတို့မှစ၍ ခန္ဓာကိုယ်တွင်းရှိ အရေးကြီး အစိတ်အပိုင်းများကို ထိခိုက်နိုင်သည့် အပေါ်တွင်မူတည်ပြီး ဖြစ်ပွားတတ်ပေသည်။
အကယ်၍ ဦးနှောက်ကို ထိခိုက်စေသောအခါတွင် ထိခိုက်သော အစိတ်အပိုင်း အပေါ်တွင် မူတည်ပြီး အာရုံကြောများ အလုပ်မလုပ်နိုင်ခြင်းများ ဖြစ်ပွားကာ ထုံကျင်ခြင်း၊ နားမကြားနိုင်တော့ခြင်း၊ ဦးနှောက် အမြေးပါး ယောင်ခြင်း၊ ကိုယ်တစ်ပိုင်းသေခြင်း၊ သတိလစ်မေ့မြောခြင်း၊ သေဆုံးခြင်းတို့ အထိ ဖြစ်စေနိုင်ပါသည်။ ထို့ပြင် မည်သည့် ကိုယ်အင်္ဂါအစိတ်အပိုင်းတွင်မဆို အလုံးအကျိတ်များဖြစ်ပေါ်ကာ ထိုအင်္ဂါ၏ လုပ်ငန်းဆောင်တာများကို နှောင့်နှေးစေခြင်း၊ ပျက်စီးစေခြင်းများကို ဖြစ်ပေါ်စေပါသည်။

ထိုရောဂါသည် nematode ဟုခေါ်သော သံလုံးကောင် အမျိုးအစားတွင် ပါဝင်သည့် ကပ်ပါး ကောင်ငယ်ကလေးကြောင့် ဖြစ်ပြီး ထိုကပ်ပါးကောင်ကို ၁၈၃၆ ခုနှစ်တွင် Sir Richard Owen ဆိုသူက လန်ဒန်မြို့ရှိ တိရစ္ဆာန်ဥယျာဉ်တွင်းတွင် ပင်မသွေးလွှတ်ကြော ပေါက်ကာ သေဆုံးသွားသော ကျားငယ်ကလေး၏ အစာအိမ် အကျိတ်ထဲမှ စတင်၍ တွေ့ရှိခဲ့ခြင်း ဖြစ်သည်။

Gnathostomiasis ဟုခေါ်သော အဆိုပါရောဂါကို ဖြစ်ပွားစေသည့် သံလုံးကောင် ၏ superfamily မှာ Ganthostomatoidea ဖြစ်ပြီး Fmaily အမည်မှာ Ganthostomatoidea ဖြစ်ကာ Genus မှာ Gnathostoma ဖြစ်လေသည်။ ၎င်းသည် မျိုးစိတ်များစွာ ရှိသည့်အနက် မျိုးစိတ်တစ်မျိုးဖြစ်သော ခန္ဓာကိုယ်တွင် အဆူးချွန်များစွာ ပါရှိသည့် Gnathostoma spinagium ကိုသာ အဓိကတွေ့ရှိရပြီး ထိုင်းနိုင်ငံတွင် လည်း ထိုမျိုးစိတ်တစ်မျိုးကသာ လူသားတို့ကို ရောဂါဖြစ်စေနိုင်ကြောင်း တွေ့ရှိရပေသည်။
ယေဘူယျအားဖြင့် Gnathostomiasis သည် လူသားများတွင် ဖြစ်ပွားလေ့ မရှိတတ်ပေ။ အဘယ်ကြောင့်ဆိုသော ထိုသံလုံးကောင်သည် ကျား၊ ကျားသစ်၊ ကြောင်၊ ခွေးတို့၏ အစာအိမ် နှင့် အစာမျိုပြွန်တို့ကို ပင်မမှီတွယ်ကောင် အဖြစ်သတ်မှတ်ကာ နေထိုင်ပြီး သူ၏ သံသရာလည်ပတ်မှုတွင် cyclop ဟုခေါ်သော အကောင်ငယ်များ၊ ငါး ၊ လိပ်၊ ကြက်၊ ငှက် နှင့် အချို့သော နို့တိုက်သတ္တ၀ါများကို ယင်းတို့၏ သားလောင်း အဆင့်ပေါ်မူတည်ပြီး မှီခိုလေ့ရှိပေသည်။
ယခုခေတ်အခါတွင် အစားအသောက် ပုံစံပြောင်းလဲလာကာ အသားငါးများကို မဆင်မခြင် ကျန်းမာရေးနှင့် မညီညွတ်စွာ စားသောက်လာကြခြင်းကြောင့် လူသားများသည် ထို သံလုံးကောင်များ၏ မှီတွယ်ရာသတ္တ၀ါတစ်မျိုး အဖြစ် မတော်တဆ ရောက်ရှိလာခြင်းဖြစ်သည်။
Gnathostoma သည် လူသားတွင် ဖြစ်ပွားကြောင်းကို ၁၈၈၉ ခုနှစ်တွင် Deuntzer ဆိုသူမှ အမျိုးသမီးတစ်ဦး၏ ရင်သားအကျိတ်မှ ခွဲစိတ်ရယူခဲ့ပြီးလျှင် Levinsen မှ ထိုအကောင်ငယ်ကို အတည်ပြုနိုင်ခဲ့လေသည်။ လူသားများသည် ထိုကပ်ပါးကောင်၏ အရွယ်ရောက်ပြီး တတိယ သားလောင်း အဆင့်ပါသော အစားအစာများကို မဆင်မခြင် စားသုံးမိပါလျှင် ထိုရောဂါများကို ခံစားရမည်ဖြစ်သည်။
ဝေဒနာ ခံစားနေရသူများကို လေ့လာ ကြည့်ပါက-
(၁) ထိုရောဂါ ဖြစ်ပွားတတ်သော နေရာများ ဖြစ်သည့် အစ္စရေး ၊ အိန္ဒိယ၊ ဂျာဗာ၊ မလေးရှား ထိုင်းနိုင်ငံ စသော နေရာများတွင် နေထိုင်သူများဖြစ်ခြင်း။
(၂) ရောဂါဖြစ်ပွားသော နေရာများသို့ သွားရောက်လည်ပတ်သော သမိုင်းကြောင်းရှိခြင်း။
(၃) အသားစိမ်း ၊ ငါးစိမ်းများကို စားတတ်သော အကျင့်များရှိခြင်း သို့မဟုတ် အသားငါးများကို မကျက်တကျက် ချက်ပြုတ်စားသောက်ခြင်းကို ခုံမင်သူများဖြစ်ခြင်း တို့ကို တွေ့ရှိနိုင်ပေသည်။ ရောဂါဖြစ်ပွားမှု၏ အဓိက သော့ချက်မှာ အစားအသောက်မဆင်ခြင်မှုကြောင့်ဖြစ်သော်လည်း တခါတရံတွင် အရေပြားကိုဖောက်ကာ ၀င်တတ်ခြင်း ၊ မိခင်မှတဆင့် ကူးစက်ခြင်းများကို ရှားပါးစွာ တွေ့ရှိနိုင်ပေသည်။

အကယ်၍ လူသားတစ်ယောက်တွင် အဆိုပါ ရောဂါလက္ခဏာများ ခံစားနေရပါလျှင် ရောဂါလက္ခဏာများကို သေချာစွာ လေ့လာခြင်း၊ နေထိုင် စားသောက်သော အလေ့အထကို အသေးစိတ် စူးစမ်းခြင်းများ အပြင် သွေးထဲ၌ရှိသော Eosinophil ပမာဏကို တိုင်းတာခြင်း၊ ELISA ၊ Immuno blot test စသော ခေတ်မှီနည်းစနစ်များကို အသုံးပြု၍ သိရှိနိုင်ခြင်း၊ အကျိတ် ဖြစ်ပွားရာနေရာ သို့မဟုတ် ရောဂါ ခံစားနေရသောနေရာမှ နေ၍ ထိုအကောင်ငယ်ကို ခွဲစိတ်ရယူနိုင်ခြင်းအားဖြင့် စမ်းစစ်နိုင်ပါသည်။
ထိုအကောင်ငယ်၏ ထူးခြားချက်မှာ ဝေဒနာရှင် တစ်ယောက်လျှင် ပျမ်းမျှအားဖြင့် တစ်ကောင်နှုန်းဖြင့်သာ နေထိုင်ခြင်း ဖြစ်သည်။ သံလုံးကောင်ဖြစ်သော ထိုရောဂါသည် ကုသနိုင်သော ရောဂါဖြစ်ပြီး အခြား သံကောင်များတွင် သုံးစွဲနိုင်သော ဆေးတစ်မျိုး ဖြစ်သည့် Albendazole 400 mg ကို တစ်ခါသောက်လျှင် ၂ လုံးနှုန်းဖြင့် တစ်နေ့လျှင် နှစ်ကြိမ်ကျ သောက်ကာ ၂ ပတ်သောက်သုံးနိုင်ပေသည်။သို့သော်လည်း တခါတရံတွင် ရောဂါပြန်ကြွခြင်းများကိုတွေ့ရှိရပေသည်။ ထိုသို့သော အခါတွင် Ivermetin ဟုသော ဆေးကို ဆရာဝန် ညွှန်ကြားသည့်အတိုင်း သုံးစွဲနိုင်ပါသည်။

မြန်မာပြည်၏ သမိုင်းကြောင်းကိုလေ့လာကြည့်ပါက ၂၀၀၁ ခုနှစ် နှစ်ဦးပိုင်းတွင် မြန်မာပြည်သို့ လာရောက်လည်ပတ်စဉ်အတွင်း ကိုရီးယား စားသောက်ဆိုင်တွင် အသားစိမ်းများကို စားသောက်ခဲ့သောကိုရီးယားလူမျိုး ၆၀ အနက် ၃၈ ယောက်မှာ ၁၀ ပတ်ခန့်အကြာတွင် ၎င်းရောဂါလက္ခဏာများကို ခံစားခဲ့ကြသည် ဖြစ်ရာ မြန်မာလူမျိုးများ၏ ထုံးတမ်းစဉ်လာတွင် အသားစိမ်းငါးစိမ်းများကို စားသုံးသော အလေ့အထများစွာ မရှိသော်လည်း နေထိုင်မှု စနစ်ပြောင်းလဲလာသည် နှင့်အညီ ဖြစ်ပွားနိုင်သော အလားအလာများ ကိုတွေ့ရှိရပေသည်။

အသွားမတော် တစ်လှမ်း အစားမတော် တစ်လုတ်ဟူသော စကားပုံနှယ် မဖြစ်ရလေအောင် အစားအစာများကို ကျန်းမာရေးနှင့် လိုက်လျော ညီထွေစွာ ချက်ပြုတ်စားသောက်လျှင် ထို ကပ်ပါးငယ်လေးကြောင့် ကြုံတွေ့နိုင်မည့် ကိုယ်ကျန်းမာရေး၊ စိတ်ကျန်းမာရေး စသည်တို့ကို ထိခိုက်စေနိုင်သော ဘေးဆိုးများကို ကာကွယ်နိုင်မည်ဖြစ်သည်။

မွန်းသက်ပန် (ဆေး-၁)-Ref:moonthet pan

အစာထဲကအဆိပ်

ဝတ်ရည်အောင်

အတွဲ (၁၀)၊ အမှတ်(၄၅)

စိုက်ပျိုးရေးနည်းပညာများ ထွန်းကားလာသော ယနေ့အချိန်တွင် ဟင်းသီးဟင်းရွက်များကို သတိမမူဘဲ စားသုံးပါက အဆင်မသင့်လျှင် ဥပါဒ်ဖြစ်မည့်အခြေအနေ ပိုများလာသည်။ဟင်းသီးဟင်းရွက်၊ အသီးအနှံများသည် ကျန်းမာရေးရှုထောင့်အရ သင့်တော်သော အစားအစာများဖြစ်သော်လည်း
ယခုနောက်ပိုင်းတွင် ပိုမိုတွင်ကျယ်စွာ
အသုံးပြုလာကြသည့် ပိုးသတ်ဆေးများ၊ အပင်ကြီးထွားစေသော ဓာတုဆေးများ၊ အရသာကောင်းမွန်စေရန်သုံးသည့် ဓာတ်မြေသြဇာစသည့်
ဓာတုပစ္စည်းများကြောင့် စားသုံးသူများတွင် အန္တရာယ်ဖြစ်ပေါ်ခြင်း သည်များရှိလာသည်။
ဈေးများအတွင်း ရောင်းချ နေသည့် အသီးအရွက်အချို့အား သုတေသနစစ်ဆေးမှုများအရ ပိုးသတ်ဆေးပါဝင်မှုနှုန်းသည် စားသုံးသူအား အန္တရာယ်ဖြစ်စေသည်အထိ ပမာဏများပါဝင်နေ သည်ကိုတွေ့ရှိခဲ့ရသည်ဟု သတင်းရရှိသည်။ ယခင် သီရိမင်္ဂလာဈေး ဟောင်းအတွင်း ရောင်းချသည့် မုန်ညင်းများတွင်လည်း တွေ့ရှိခဲ့ ကြောင်းသိရသည်။“ဈေးထဲက မုန်ညင်းဖြူနဲ့ ကိုက်လန်ကိုသုတေသနလုပ်ခဲ့ဖူးတယ်။ အဲဒီမှာသူတို့ သုံးတဲ့ ပိုးသတ်ဆေးနှစ်မျိုးက ခုနစ်ရက်ကြာတဲ့အထိကိုရှိနေတယ်။ ခုနစ် ရက်နောက်ပိုင်းမှ လူစားလို့ရနိုင်တဲ့အနေအထားကို တဖြည်းဖြည်း နဲ့ကျသွားတယ်”ဟု အဆိုပါသီးနှံများအား သုတေသနပြုလုပ်ခဲ့သည့် ပညာရှင်တစ်ဦးက ပြောသည်။
သီးနှံစိုက်ပျိုးသည့် လူတိုင်းလိုလို တစ်မျိုးမျိုးသော ဓာတုပစ္စည်းများအား အသုံးပြုနေကြပြီး စည်းကမ်းလိုက်နာမှုများ မရှိပါကစားသုံးသူများပါ သေစေသည်အ ထိ အန္တရာယ်များ ကျရောက်စေနိုင်ကြောင်း အဆိပ်ဆိုင်ရာ ကျွမ်းကျင်ပညာရှင်များကလည်း ပြောကြားထားသည်။အော်ဂဲနိုဖော့စဖရပ်ကွန် ပေါင်းဖြစ်သည့် ပိုးသတ်ဆေးပမာ ဏ အနည်းငယ်သည် လူတို့၏ အသက်ရှူလမ်းကြောင်းမှတစ် ဆင့်လည်းကောင်း၊ အရေပြားမှ တစ်ဆင့်လည်းကောင်း၊ အစားအစာစားသုံးခြင်းမှ တစ်ဆင့်လည်းကောင်း ခန္ဓာကိုယ်အတွင်းသို့ ရောက်ရှိသွားလျှင် ပမာဏအနည်းငယ်ကပင် အာရုံကြောအား ထိခိုက်စေနိုင်ကြောင်း ဆေးသုတေသနညီလာခံတွင်ပြုလုပ်သွားသည့် စာတမ်းဖတ်ပွဲ၌ ဆရာ ၀န်များက ဖတ်ကြားခဲ့သည်။
ထိုကဲ့သို့ စားသုံးသူများအပြင် ပိုးသတ်ဆေးအသုံးပြုသူများတွင်လည်း အန္တရာယ်ကင်းသော ကာကွယ်မှုများ မရှိပါက အသက်သေဆုံးသည်အထိ ဖြစ်ပွားနိုင်ခြင်းနှင့် ပတ်သက်၍ “မနေ့က ရောက်လာတဲ့တစ်ယောက်ဆို ဆေးဖျန်းနေရင်း ညနေကျတော့မူးလဲသွားတယ်။ မေးကြည့်လိုက်တော့ ဆေးဖျန်းနေတာ နှာခေါင်းစည်းလည်း မတပ်ထားဘူး။ ဆေးဖျော်တာလည်း ကိုယ့်ဘာသာကိုယ်ဖျော်တယ်လို့ပြောတယ်။ အကာအကွယ်မရှိတဲ့အတွက် အငွေ့တွေကခန္ဓာကိုယ်ထဲ ရောက်ပြီး နောက်
ဆုံးတဖြည်းဖြည်းနဲ့ အသက်ရှူကျပ်လာတဲ့အထိ ဖြစ်လာမယ်။ ပြီးတော့မျက်လုံးသူငယ်အိမ် အရမ်းကျဉ်းသွားပြီး အဲဒီ့အချိန် ဖြေဆေးမရဘူးဆိုရင် အသက်
ဆုံးရှုံးသွားနိုင်တယ်”ဟု ရန်ကုန် အထွေထွေရောဂါကုဆေးရုံသစ်ကြီး ဆီးချိုနှင့် အထွေထွေရောဂါ အထူးကုသမားတော်ကြီး အဆိပ်သင့်ကုသဌာန ဒေါက်တာ ဦးရဲမြင့်ကပြောသည်။
ဓာတုပစ္စည်းဖြစ်သည့် အဆို ပါပစ္စည်းများအား ရောင်းချခြင်းမပြုမီ အန္တရာယ်ကင်းသည့်ရက် အပိုင်းအခြားအလိုက် ကြိုတင်၍ အသုံးပြုရမည်ဟု သတ်မှတ်ချက် များလည်းရှိပြီး ထိုအချက်အား စိုက်ပျိုးထုတ်လုပ်သူများအနေဖြင့် လိုက်နာမှသာ စားသုံးသူများတွင် အန္တရာယ်ဖြစ်ပွားစေမှုနည်းပါးမည် ဖြစ်သည်။“လွန်ခဲ့တဲ့ သုံးနှစ်လောက် တုန်းက ဆိုရင်တော့ စိုက်ပျိုးတဲ့သူ တွေက ပိုးသတ်ဆေးသုံးပြီး ခုနစ်ရက်၊ဆယ်ရက်လောက်နေမှ ရောင်းချဖို့လုပ်ကြတယ်။ အခု နောက်ပိုင်းတော့ ဈေးနှုန်းအတက်အကျက
လည်း နေ့စဉ်ဖြစ်နေတာဆိုတော့လူတွေက ကြာကြာစောင့်လို့မရဘူး။ မစောင့်နိုင်တော့ဘူး။ အဲဒါနဲ့တချို့ဆိုရင် ဆေးဖျန်းပြီး နှစ်ရက်လောက်နေတာနဲ့ ရောင်းကြတယ်”
ဟု အင်းလေးကန်ဒေသတွင် ခရမ်းချဉ်သီး စိုက်ပျိုးရေးလုပ်ကိုင်နေ သည့် တောင်သူတစ်ဦးက ပြောသည်။
အသီးအနှံများတွင် ပိုးသတ် ဆေးသုံးသည့်အခါ ဈေးကွက်အ တွင်းမပို့မီ ရက်ခြားပြီး သုံးစွဲရမည့်ဗဟုသုတများနှင့် ပိုးသတ်ဆေး၏ အန္တရာယ်အား ကျေးရွာအထိ စိုက်ပျိုးရေးပစ္စည်းများ ရောင်းချ သော ကုမ္ပဏီများမှ တာဝန်ရှိသူ များက တောင်သူများကို အသိပညာပေးမှုများရှိသည်ဟုဆို သည်။ ထို့အပြင် ယခုနောက်ပိုင်း
ဈေးကွက်အတွင်းရှိသည့် ပိုးသတ်ဆေးများသည် ယခင်ထက် ပြင်းအား ပိုမိုများပြားပြီး ဈေးကွက်အတွင်းမပို့မီ ၁၄ရက်ခန့် ကြိုတင်သုံးစွဲသင့်ကြောင်း သတိပေး ပြောဆိုမှုများလည်းရှိကြောင်း တောင်သူ အချို့ကပြောသည်။ထိုကဲ့သို့ စနစ်တကျမရှိသည့် ပိုးသတ်ဆေးပါဝင်မှုနှုန်းများပြားနေသည့်အစားအစာများကြောင့်
အန္တရာယ်ဖြစ်ပွားမှုမရှိစေရန် စားသုံးသူများအနေဖြင့် မဖြစ်မနေလိုက်နာသင့်သည့် အချက်တစ်ချက်မှာ အသီးအနှံများအား ထပ်ခါထပ်ခါ ဆေးကြောပြီးမှ စားသုံး သင့်ခြင်းဖြစ်ကြောင်း ဒေါက်တာ ရဲမြင့်ကပြောကြားသည်။

“တချို့တွေရဲ့လွဲမှားတဲ့ အယူအဆဖြစ်တဲ့ ပန်းသီးဆိုရင် အခွံပါစားရတယ်ဆိုတဲ့ အတွေးတွေက ပန်းသီးအခွံမှာဆိုရင် ပိုးသတ်ဆေးတွေ၊ ဖယောင်းတွေပါဝင်နေတယ်။ အခွံပါ စားရင် အဲဒါတွေပါ ခန္ဓာကိုယ်ထဲ ရောက်သွားတယ်။ အဲဒါကြောင့် အခွံခွာပြီး သေချာဆေးစားတာ အကောင်းဆုံးပဲ”ဟု အဆိုပါဆရာဝန်ကပြောသည်။ထိုကဲ့သို့ ဈေးကွက်အတွင်း ရောင်းချသည့် အစားအစာများ အန္တရာယ်ရှိ၊ မရှိအားသက်ဆိုင် ရာဌာနများမှ စစ်ဆေးခြင်းများရှိသော်လည်း ထိရောက်သော စစ်ဆေး အရေးယူမှုအားနည်းခြင်းနှင့် နိုင်ငံအတွင်းတွင် အစားအသောက်လုံခြုံမှုစနစ်များအားနည်းခြင်းများကြောင့် ဈေးကွက်အတွင်းတွင် အန္တရာယ်ရှိသော အစားအစာ များကို ပြည်သူများ စားသုံးနေရ ကြောင်း သုတေသနပညာရှင် တစ်ဦးကလည်း သုံးသပ် ပြောကြားသည်။ ပိုးသတ်ဆေး ပါဝင်သည့်အစားအစာများ စားသုံးခြင်း ကြောင့်စားသုံးသူများတွင် ရေရှည် တွင် အာရုံကြောအား ထိခိုက် ခြင်း၊ အဆုတ်တွင် နမိုးနီးယားကဲ့သို့ ရောဂါဖြစ်ပေါ်ခြင်း၊ အရေပြားရောဂါများဖြစ်ပွားခြင်း၊ အတက်
ရောဂါများ ဖြစ်ပွားခြင်းအပြင် ကင်ဆာရောဂါများအထိလည်း ဖြစ်ပွားနိုင်ကြောင်း သုတေသနပညာရှင်တစ်ဦးက ပြောကြားသည်။
“အများစု တွေ့ရတာကတော့ စိတ်ညစ်ပြီး အသက်သေချင်တဲ့အတွက် ပိုးသတ်ဆေးသောက်တာကနေ ချက်ချင်းပဲ အာနိသင်ပြပြီး အသက်သေဆုံးသည်အထိ ဖြစ်တဲ့သူတွေများတယ်”ဟု ဒေါက်တာဦးရဲမြင့်က ဖြည့်စွက်ပြောကြားသည်။
Ref:&Dayjournal

သုတေသနပြုချက်အရ ဂျပန် ထမင်းလိပ်များတွင် အီးကိုလိုင်ပိုး ပေါက်ဖွားမှုများနေသည်ကို တွေ့ရ

ယမုံဖူးသစ်
အတွဲ ၂၈ ၊ အမှတ် ၅၅၄ ( ၂၇ ၊ ၁ - ၂ ၊ ၂ ၊ ၂၀၁၂)

သန့်စင်မှုနှင့်သိုလှောင်ထားရှိမှုအားနည်း သော စူပါမားကက်များနှင့် ဈေးဆိုင်များရှိ ဂျပန်ထမင်းလိပ်များတွင် အီးကိုလိုင် ပိုးနှင့် အခြားဘက်တီးရီးယားပိုးမွှားများ ပေါက်ဖွားမှုများပြားနေသည်ကို သုတေ သနပြုလုပ်ချက်အရ တွေ့ရသည်ဟု ဆေးသုတေသန ဦးစီးဌာန (အောက် မြန်မာပြည်) မှ သုတေသနပညာရှင်တစ်ဦးက ပြောသည်။
ရန်ကုန်ဧရိယာအတွင်းရှိ စူပါမား ကက်များ၊ စားသောက်ဆိုင်ကြီးများနှင့် ဂျပန်ထမင်းလိပ် သီးသန့်အရောင်းဆိုင်များရှိ ထမင်းလိပ် များကို သုတေသနပြု လုပ်ချက်အရ ထမင်းလိပ်များတွင် အီးကို လိုင်မျိုးစိတ်ပိုးများအပါအ၀င် ၀မ်းပျက် ၀မ်းလျှောဖြစ်စေသည့် ပိုးများနှင့် အစာ အဆိပ်သင့်မှုဖြစ်စေနိုင်သော ပိုးများကိုတွေ့ရှိခဲ့ခြင်းဖြစ်သည်ဟု အဆိုပါ ပညာရှင်က ပြောသည်။
သုတေသနအရ စူပါမားကက်များ တွင် ရောင်းချနေသော ထမင်းလိပ်များ၏ သန့်စင်မှုသည် အားနည်းနေပြီး အီးကို လိုင်ပိုးပါဝင်မှု များပြားနေကာ သုတေသနပြုလုပ်ခဲ့သော ထမင်းလိပ်နမူနာ စုစုပေါင်း၏ ၅၁ ဒသမ ၁ ရာခိုင်နှုန်းတွင် အီးကိုလိုင်ပိုးကို တွေ့ရှိရသည် ဟု သိရသည်။
ထမင်းလိပ်တွင်အသုံးပြုသော ကုန်ကြမ်းပစ္စည်းများတွင် သန့်ရှင်းမှုမရှိခြင်းနှင့် ပြင်ဆင်ရာတွင် သန့်ရှင်းမှုမရှိခြင်းတို့ကြောင့် ပိုးများပါရှိနိုင်ပြီး သိုလှောင်ရာတွင် အအေးဓာတ်ပေးနိုင်မှု အားနည်းခြင်းကြောင့် ပိုးမွှားများပေါက်ဖွားမှု မြန်ဆန်ခြင်းဖြစ်သည်ဟု ၎င်းသုတေ သနပညာရှင်က ပြောသည်။
ပြင်ဆင်ရာတွင် သန့်ရှင်းမှုကို အလေး ထားရမည်ဖြစ်ပြီး စူပါမားကက်နှင့် ဈေးဆိုင်များ၌ ရောင်းချရာတွင် ပိုးများ မပေါက်ဖွားစေရန် အပူချိန် လေးဒီဂရီမှ ရှစ်ဒီဂရီဆဲလ်စီးယတ်စ်အထိ ထားရှိသင့်ကြောင်း ၎င်းကပြောသည်။
"ဘာကြောင့်လဲဆိုတော့ ပူတဲ့နေရာမှာ ထားရင် ပိုးတွေက အများဆုံးပေါက်ပွား တတ်လို့ပါပဲ"ဟု ၎င်းက ပြောသည်။
ပင်လယ်စာများပါဝင်သော ထမင်းလိပ်များတွင် အီးကိုလိုင်ပိုးပါဝင်မှု ပိုမို များပြားပြီး အသား၊ အထူးသဖြင့် ၀က် ပေါင်ခြောက်ကဲ့သို့ ပြုပြင်ထားသော အသားများပါဝင်သော ထမင်းလိပ်များ တွင်လည်း အီးကိုလိုင်ပိုးပါဝင်မှုပမာဏ မြင့်မားကြောင်း သိရသည်။
သုတေသနအရ ထမင်းလိပ်များတွင် အီးကိုလိုင်မျိုးစိတ်များဖြစ်သည့် EAEC သည် ၄၀ ဒသမ ၆ ရာခိုင်နှုန်း၊ EIEC သည် ၂၇ ရာခိုင် နှုန်း၊ EPEC သည် ၂၅ ရာခိုင်နှုန်း၊ EHEC သည် ၅ ရာခိုင်နှုန်း နှင့် ETEC သည် ၁ ဒသမ ၆ ရာခိုင်နှုန်း အသီးသီး တွေ့ရှိရသည်။
အီးကိုလိုင်ပိုးကူးစက်ခံရခြင်းကြောင့် ကူးစက်ခံရသော ပိုးပမာဏပေါ်လိုက်၍ အော့အန်ခြင်း၊ သာမန်ဝမ်းလျှောခြင်းမှစ၍ ဆိုးဆိုး ၀ါးဝါး ၀မ်းလျှောခြင်း၊ ၀မ်းထဲ သွေးပါခြင်း၊ ကျောက်ကပ်ပျက်စီးခြင်း၊ သွေးတွင်း ပိုးဆိပ်ပျံ့နှံ့ခြင်းတို့အပြင် အသက်သေဆုံးသည်အထိ ဖြစ်စေနိုင်ကြောင်း သိရသည်။
Ref:Myanmartime

Friday, January 27, 2012

တောင်းပန်တယ် (အောင်လ)

အလှနတ်ဖုရား

အောင်းလာ- အိမ်ပြန်ချိန်

Myanmar song-R Zarni-Kway par say

မြန်မာနိုင်ငံ အကြီးအကျယ် ပြောင်းလဲမယ့် အလားအလာ

VOA By ဒေါ်ခင်မျိုးသက်

နားဆင်ရန်-Mp3

မြန်မာနိုင်ငံမှာ ကြီးမားတဲ့ပြောင်းလဲမှု ဖြစ်လာနိုင်ခြေကို မြင်နေရပြီလို့ ဆွစ်ဇာလန်နိုင်ငံ၊ ဒါးဗို့စ်မှာ ကျင်းပနေတဲ့ ၂၀၁၂ ခုနှစ်၊ ကမ္ဘာ့စီးပွားရေး နှီးနှောဖလှယ်ပွဲမှာ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က ပြောလိုက်ပါတယ်။ ဒါ့အပြင် မြန်မာနိုင်ငံမှာ စီးပွားရေးဆိုင်ရာ ဖွံ့ဖြိုးတိုးတက်မှု ရှိလာစေဖို့အတွက် တရားရေးနဲ့ ဥပဒေပြဌာန်းမှုတွေမှာ ပြုပြင်ဖို့ လိုအပ်နေတယ်လို့လည်း ဆိုပါတယ်။ အပြည့်အစုံကို ဒေါ်ခင်မျိုးသက်က တင်ပြပေးထားပါတယ်။
ဗုဒ္ဓဟူးနေ့ကစပြီး ၅ ရက်ကြာ ကျင်းပတဲ့ နိုင်ငံတကာ ခေါင်းဆောင်တွေ၊ စီးပွားရေး လုပ်ငန်းရှင်ကြီးတွေနဲ့ ကျွမ်းကျင်ပညာရှင်တွေရဲ့ ၂၀၁၂ ခုနှစ်၊ ကမ္ဘာ့စီးပွားရေး နှီးနှောဖလှယ်ပွဲမှာ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ဗွီဒီယိုသဝဏ်လွှာ ပေးပို့ခဲ့ပြီး မြန်မာနိုင်ငံရဲ့ လက်ရှိ အခြေအနေကို အခုလို ပြောကြားခဲ့ပါတယ်။
“မြန်မာနိုင်ငံမှာ ကြီးမားတဲ့ပြောင်းလဲမှု ဖြစ်လာနိုင်ခြေကို မြင်နေရပါပြီ။ အခုအချိန်ဟာ အရေးကြီးတဲ့ အဆင့်ကို ရောက်နေတာပါ။ မြန်မာနိုင်ငံအတွင်း ရွေးကောက် တင်မြှောက်မှုတွေနဲ့ တရားရေး လုပ်ငန်းစဉ်တွေအတွက် သင့်လျော်တဲ့ အင်အားစုတွေ ပါဝင်လာနိုင်တဲ့ စစ်မှန်တဲ့ အပြောင်းအလဲ တရပ် ဖြစ်လာဖို့ တဖြည်းဖြည်း နီးလာတဲ့အဆင့်မှာ အခု ကျမတို့ပါတီရဲ့ ဖွဲ့စည်းပုံကို ပြန်ပြင်ပြီး ဧပြီလ ၁ ရက်နေ့မှာ ကျင်းပမယ့် ရွေးကောက်ပွဲမှာ ပါဝင်ယှဉ်ပြိုင်ဖို့ ပြင်ဆင်နေပါတယ်။
ဒီကနေတဆင့် ကျမတို့ ကြိုးစားနေတဲ့ ငြိမ်းချမ်းရေး၊ အမျိုးသား ပြန်လည်သင့်မြတ်ရေးနဲ့ အထူး အချက် တချက်ဖြစ်တဲ့ တိုင်းရင်းသားတွေနဲ့ တိုက်ပွဲဖြစ်နေတာတွေကို ဖြေရှင်းဖို့ လိုနေတာနဲ့ အမျိုးသားလွှတ်တော်မှာ ဒီမိုကရေစီ စနစ် ထွန်းကားရေးအထိ ဆောင်ရွက်နိုင်မှာ ဖြစ်ပါတယ်”
အမျိုးသား ဒီမိုကရေစီအဖွဲ့ချုပ် ပါတီအနေနဲ့ မြန်မာနိုင်ငံရဲ့ အနာဂတ် ကောင်းမွန်ရေးအတွက် အခု ကြိုးစားနေတာဟာ တချိန်မှာ ကမ္ဘာ့ဝန်းကျင်အတွက်ပါ ဖြစ်လာစေမယ်လို့လည်း အဖွဲ့ချုပ် ခေါင်းဆောင် ဒေါ်အောင်ဆန်းစုကြည်က ပြောပါတယ်။
ဒီနှစ် အစည်းအဝေးရဲ့ဆောင်ပုဒ်က ကြီးမားတဲ့ အပြောင်းအလဲကို ဖြစ်စေဖို့ ပုံစံသစ်တွေ ပုံသွင်းဖို့ပါ။ ဒီဆောင်ပုဒ်ကို ပုံဖော်နေတဲ့ မြန်မာနိုင်ငံမှာ ပြုပြင်ပြောင်းလဲရေးဆိုင်ရာ အရေးကြီးနေတဲ့ အချိန်မှာ ဒီနှီးနှောဖလှယ်ပွဲကို မတက်ရောက်နိုင်ဘူးလို့ ပြောခဲ့သလို မြန်မာနိုင်ငံမှာ တကယ့်ပြောင်းလဲချိန်ကို မရောက်သေးပေမယ့် မြန်မာစက်မှုဝန်ကြီး ဦးစိုးသိမ်း ဒီနှစ် အစည်းအဝေးကို ထူးထူးခြားခြား တက်ရောက်လာတာဟာ မြန်မာနိုင်ငံက အပြုသဘောဆောင်တဲ့ ပြောင်းလဲမှုတွေ ဖြစ်နေတဲ့ လက္ခဏာကို ပြနေပါတယ်လို့ ဆိုပါတယ်။
ဒီအပြောင်းအလဲတွေထဲမှာ စီးပွားရေးတိုးတက် ပြောင်းလဲလာစေဖို့ ဒေါ်အောင်ဆန်းစုကြည်ရဲ့ အမြင်ကို ကြည့်ရအောင်ပါ။
“စီးပွားရေး ဖွံ့ဖြိုးတိုးတက်ဖို့ဆိုတာ အခု နိုင်ငံတကာ ငွေကြေး အဖွဲ့အစည်းတွေကနေ ပေးအပ်နေတဲ့ ဘဏ္ဍာရေးနဲ့ ငွေကြေးဆိုင်ရာမှာတင်ပဲ မူတည်နေတာ မဟုတ်ပါဘူး။ နိုင်ငံမှာ စနစ်ကျတဲ့ ဥပဒေနဲ့ စည်းမျဉ်းစည်းကမ်းတွေကို တရားမျှတစွာနဲ့ ထိရောက်စွာ ဆောင်ရွက်နိုင်မယ့် တရားရေးဆိုင်ရာနဲ့ ဥပဒေပြဌာန်းမှုတွေကိုပါ ပြုပြင်ပြောင်းလဲပစ်ဖို့ လိုအပ်နေတာပါ”
တရားဥပဒေ စိုးမိုးရေးအပြင် မြန်မာနိုင်ငံမှာ လူ့ကျင့်ဝတ်နဲ့ ကိုက်ညီတဲ့ ရင်းနှီးမြှုပ်နှံမှုတွေ ရလာစေမယ့် နိုင်ငံရေး၊ လူမှုရေးနဲ့ စီးပွားရေးဝန်းကျင်ကောင်း တရပ်ကိုပါ ဖန်တီးနိုင်မယ်လို့ မျှော်လင့်ထားကြောင်းလည်း ပြောပါတယ်။
ဒါ့အပြင် အနာဂတ် ကမ္ဘာမှာ လိုအပ်တဲ့ စားနပ်ရိက္ခာ၊ ရေနဲ့ စွမ်းအင်ဆိုင်ရာတွေနဲ့ ဆက်နွယ်နေတဲ့ လူမှုဝန်းကျင်ကောင်းတရပ်အတွက် ရေရှည်စံပြ စီးပွားရေစနစ်တခုကို စံနမူနာအဖြစ် မြန်မာနိုင်ငံကနေ ယူနိုင်တာမျိုးအထိပါ ဖြစ်လာစေချင်ပါတယ်လို့လည်း ပြောကြားခဲ့ပါတယ်။

Yoma Strategic	0.71	+0.01	+1.43%
Interra Resource	0.215	+0.01	+4.88%
Myanmar Inv Int	1.135	0.00	+0.00%
$ We	0.011	-0.001	-8.33%
Super Group	1.145	-0.03	-2.55%
$ Ntegrator Intl	0.03	0.00	+0.00%
Upp	0.245	0.00	+0.00%
Kreuz	0.80	0.00	+0.00%
Gunkul Engineer-f	0.48	+0.181	+37.71%
Usd/mmk	1038.00	N/A	N/A

Pages

Popular Posts!

Tuesday, January 31, 2012

Saturday, January 28, 2012

Thursday, August 07, 2008

Friday, January 27, 2012

ASNGROUP WAREHOUSE DEALS DEEPS DISCOUNT!

Jihad Report Sep 23, 2017 -Sep 29, 2017

Jihad Report September, 2017

List of Attacks

Islamic Terrorists...

Jihad Report
Sep 23, 2017 -
Sep 29, 2017

Jihad Report
September, 2017