ပြည်ပရောက် မြန်မာနိုင်ငံသားများမှ မြန်မာနိုင်ငံသို့ နိုင်ငံခြားငွေ ပြန်လည်လွှဲပို့မှုကို လက်ခံနိုင်သော ၀န်ဆောင်မှု (Inward Remittance) ကို ပြည်တွင်းဘဏ်အချို့က ဖေဖော်ဝါရီလလယ်တွင် စတင်နိုင်မည်ဖြစ်ကြောင်း ဘဏ်လုပ်ငန်းအသိုင်းအ၀ိုင်း ထံမှ သတင်းရရှိပါသည်။ “အာရှစိမ်းလန်းမှု ဖွံ့ဖြိုးရေးအနေနဲ့ မလေးရှားနဲ့ စင်ကာပူမှာ ပြည်ပငွေလွှဲလုပ်ငန်းတွေ လုပ်ကိုင်သွားမှာပါ။ မလေးရှားမှာက မလေးဘဏ်နှစ်ခုနဲ့ ချိတ်ထားတယ်။ သူ့ တို့က ဖေဖော်ဝါရီလဆန်းပိုင်းလာပြီး ညှိနှိုင်းဖို့ ချိန်းထားတယ်။ အဲဒီဘဏ် နှစ်ဘဏ်ထဲက တစ်ဘဏ်နဲ့ လုပ်ငန်း ဆောင်ရွက်သွားမှာပါ။ စင်ကာပူမှာတော့ ဖေဖော်ဝါရီလလယ် ၀န်းကျင် ကစပြီး လုပ်ငန်းဆောင်ရွက်မှာပါ။ စင်ကာပူမှာက Remittance လုပ်ငန်း နဲ့ပတ်သက်ပြီး လိုင်စင်ရှိပြီးသား လုပ်ငန်းနဲ့ ကျွန်တော်တို့ဘဏ်နဲ့ ပူးပေါင်းပြီး ဖွင့်လှစ်သွားမှာပါ။ စင်ကာပူမှာ ဖေဖော်ဝါရီလလယ်လောက် စပြီးတော့ မလေးရှားမှာ မတ်လအတွင်း စတင်သွားမှာပါ”ဟု အာရှစိမ်းလန်းမှု ဖွံ့ဖြိုး ရေးဘဏ်မှ အုပ်ချုပ်မှုဒါရိုက်တာ ဦးရဲမင်းဦးက ပြောကြားပါသည်။ ပြည်တွင်းပုဂ္ဂလိကဘဏ် လေး ဘဏ်သည် ပြည်ပမှငွေလွှဲအ၀င် လက်ခံခြင်းလုပ်ငန်း (Inward Remittance) ကို ၂၀၁၁ ခုနှစ် ဒီဇင်ဘာ လ ၂၃ ရက်နေ့ကလုပ်ကိုင်ခွင့် ရရှိခဲ့သည်။ ထို့ပြင် ပို့ကုန်သွင်းကုန် လုပ်ငန်းများအပါအ၀င် နိုင်ငံခြားဘဏ် လုပ်ငန်းကိုလည်း အဆိုပါဘဏ်လေး ဘဏ် အပါအ၀င် မြန်မာဘဏ် ၁၁ ဘဏ်က လုပ်ငန်းဆောင်ရွက်ခွင့်ရရှိ ထားကာ နိုင်ငံတကာ အသိအမှတ်ပြု နိုင်ငံခြားဘဏ် code နံပါတ်ဖြစ် သော swift code ကို လျှောက်ထား ပြီးဖြစ်ကြောင်း သတင်းရရှိပါသည်။ ကမ္ဘောဇဘဏ်မှ အထွေထွေ မန်နေဂျာ ဦးဇော်လင်းထွဋ်က “ပြည်ပ ငွေလွှဲလုပ်ငန်းကို ဧပြီ၊ မေမှစတင် လုပ်ကိုင်နိုင်မှာပါ။ အဓိကကတော့ swift code လျှောက်ထားတာ မကျသေးလို့ပါ။ မတ်လကုန် ဧပြီလဆန်း ပိုင်းမှကျမယ် မှန်းပါတယ်။ ရပြီဆိုရင် ထိုင်း၊ စင်ကာပူ၊ မလေးရှား တင်မဟုတ်ဘဲ အာရှနိုင်ငံ တော်တော်များများနဲ့ ချိတ်ဆက်ပြီး ၀န်ဆောင်မှု ပေးသွားမှာပါ။ နိုင်ငံခြားဘဏ်လုပ်ငန်းနဲ့ ပတ်သက်ပြီး ပြင်ဆင်မှုပိုင်းတွေကိုတော့ အရှိန်အဟုန်နဲ့ လုပ်နေပါတယ်။ ပြည်ပရောက် မြန်မာနိုင်ငံသားတွေရဲ့ ငွေလွှဲလုပ်ငန်းရော ပြည်ပ ပို့ကုန်သွင်းကုန်လို နိုင်ငံခြားဘဏ် လုပ်ငန်းကိုပါ ၀န်ဆောင်မှုပေးသွားမှာပါ”ဟု ရှင်းပြခဲ့ပါသည်။ ပြည်ပ ငွေလွှဲလုပ်ငန်း ဆောင်ရွက်ရန် ပြင်ဆင်နေသော ပြည်တွင်းဘဏ်များမှာ ကမ္ဘောဇဘဏ်၊ သမ၀ါယမဘဏ်၊ ဧရာဝတီဘဏ်နှင့် အာရှစိမ်းလန်းမှု ဖွံ့ဖြိုးရေးဘဏ် တို့ဖြစ်ကြောင်း သိရပါသည်။ Ref:new-eleven |
Popular Posts!
-
၂၀၁၄ ခုနှစ် နိုဝင်ဘာ ၁၁ ရက်တွင် ကွမ်တုံပြည်နယ်၌ တရုတ်လေယာဉ်ကုမ္ပဏီ COMAC ၏ C919 ခရီးသည်တင် လေယာဉ်ပုံစံငယ် တစ်ခုကို ပြသထားစဉ် (Photo: AFP) [Za...
-
ပြောင်းလဲလာသော ခေတ်သစ် ကားပြုပြင်နည်းစနစ်လေးတွေ! အခု Mechanic ခေါ်တဲ့ စက်ပြင်ဆရာ တွေ အကြောင်းရေးဖြစ်တာက နိုင်ငံခြားပြန် ညီတယောက်က နိုင်...
-
ဤစာမျက်နှာတွင် ရေးသားထားသော ဆေးဝါးများအကြောင်းသည်သူနာပြု၊ ဆေးမှူး၊ ဆေးခန်းလက်ထောက်၊ လူထု-ကျန်းမာရေး-လုပ်သားများ အတွက်နှင့် ဆရာဝန်မှဆေးညွှန်းလ...
-
စင်ကာပူသံရုံးနှင့် မြန်မာအစိုးရတို့ ပူးပေါင်းပြီး ဖွင့်လှစ်သည့် အသက်မွေးဝမ်းကြောင်းပညာ ( အခမဲ့ ) သင်တန်း V ...
-
အပြင်မှာ ရှာရခက်နေတာနှင့် ebay က UK ကုမ္မဏီ ဆိုပြီး online ကနေ၀ယ်လိုက်ပါတယ်ဗျာ! ဘာမှလုပ်လို့မရတဲ့ IE 1394 cable ဖြစ်နေတယ်လေ....ဘာလို့ဝယ်ရလဲဆ...
-
စကာင်္ပူရောဂါရူးနေကျတဲ့ ရွှေလေးတွေနှင့် ရွှေမမလေးတွေ ... ဒါတွေဖတ်ကြည့်ရူ့ပြီးမှ စကာင်္ပူကို အလုပ်လာရှာကျပါလို့ပြောချင်ပါတယ်... အခုလဲ အမိ...
-
(၁) သင့်ရဲ့မြန်မာ၊ အင်္ဂလိပ် ဘလော့တွေမှာ ၀င်ငွေရှာနည်းလေးတွေပါ! AdSense အကြောင်း အသေးစိတ် ပထမပိုင်းကိုတော့ ဒီမှာဝင်ဖတ်ကြည့်လိုက်ပါ .... ...
-
ဥပဒေ လုပ်ထုံးလုပ်နည်းများနဲ့ မကိုက်ညီဘဲ Yangon Petrol ဆီဆိုင်အတွက် ပြင်ပပေါက်ဈေးထက် အဆမတန် နည်းသောနှုန်းနဲ့ နိုင်ငံပိုင်မြေများ ရောင်းချပေးမ...
Tuesday, January 31, 2012
ပြည်ပငွေလွှဲ လုပ်ကိုင်ခွင့်ရသော ပြည်တွင်းဘဏ်အချို့ ဖေဖော်ဝါရီလတွင် လုပ်ငန်းစတင်မည်
Subscribe to:
Post Comments (Atom)
No comments:
Post a Comment