ဝါးကို မှိုမတက် ပိုးမထိုးအောင် ဘယ်လိုလုပ်ရမလဲ?

ဝါးကို မှိုမတက် ပိုးမထိုးအောင် ဘယ်လိုလုပ်ရမလဲ?

     25/02/2019 10:52 AM     

Photo - ဝါးများပိုးမထိုးအောင်ကာကွယ်ထားရှိပုံ (ဓာတ်ပုံ - U Khin Maung Fb Page)

ဝါးကို မှိုမတက် ပိုးမထိုးအောင် ဘယ်လိုလုပ်ရမလဲ လို့ မေးနေကြတဲ့ မိတ်ဆွေများအတွက် ဗဟုသုတရစေရန်အလိုငှာ လက်လမ်းမှီသလောက် နည်းလမ်းများကို ဝေမျှပေးလိုက်ပါတယ်ခင်ဗျ

၁) #Boric_Acid နှင့် Borax Powder ဖြင့် ဆေးစိမ်ခြင်း

×××××××××××××××××××××××××××××××××

အများအခေါ်အဝေါ် (လက်ချားအမူန့်) Boric powder နဲ့ Borax acid ကို ၁ ဆ နှင့် ၁ဆ ခွဲ ရောပြီး ၁ ပေါင်လျှင် ရေ၃ဂါလံ နှင့် ၅ ရက်ခန့်စိမ်ခြင်း ဖြင့် ဝါးများကို မိူမတက် ပိုးမထိုးအောင်ကာကွယ်နိုင်ပါတယ်။

ဝါးအတွင်းရှိ သကြားရည်သည် ရေထက်ပြစ်သည်။ ဝါးကို ကန်အတွင်း စိမ်ထားပါက သကြားရည်များထွက်ကာ အချဉ်ပေါက်လာသည်။ နောက်ထပ်တဖန်စိမ်သောအခါ အလျဉ်ရလာသောကြောင့် လေးရက်ခန့်ကြာလျှင် အချဉ် ပေါက်လာသည်။ ပိုးများကြိုက်သော သကြားဓါတ်များကုန်၍ ပိုးမစားကြောင်းသိရသည်။ ငွေကြေးသက်သာသော် လည်း ကြာကြာထားပါက အပုတ်နံ့ထွက်လာ၍ ရေအနည်းငယ်ချန်ကာ ရေလှဲလယ်သင့်သည်။

၂) #ပင်လယ်ရေတွင် စိမ်ပြီး နေလှမ်းအခြောက်ခံခြင်း 

××××××××××××××××××××××××××××××

စီးဆင်းနေသော ရေတွင် သုံးပတ်မှ တစ်လ အထိ စိမ်ထားပါက သကြားရည်နေရာတွင် ရေအစား ဝင်ရောက်သွားသည်။ ထိုကြောင့် ရေစိမ်ဝါးသည် ပိုးမစားကြောင်း တွေ့ရသည်။ ဝါးကို ရေစိမ်ပါက အရောင်ပြောင်းလဲစေသည်။ ရူပ နှင့် အားအင်ဆိုင်ရာများဆုံးရှုံးစေသောကြောင့် ခံနိုင်ရည်ကျဆင်းစေသည်။

၃) #ကြပ်တိုက်ခြင်း

×××××××××××

ဝါးကို ကြပ်တိုက်ခြင်းဖြင့်လည်း ကြာရှည်ခံအောင် ပြုလုပ်နိုင်သည်။ မှိုင်းတိုက်ခြင်း ၊ မီးရှိူ့ရန် မီးသွေး ၊ ထင်း ၊ ဂတ်(စ်) တို့ကိုအသုံးပြုနိုင်သည်။ မီးလောင်စာကြောင့် ဝါးသည် သိပ်သည်းလာပြီးပိုးမွှားအန္တာရာယ်ကာကွယ်နိုင်သည်။

၎) #တန်ဆောင်မုန်းလ (သို့) ဒီရေကျချိန်တွင် ဝါးကို ရွေးချယ်ခုတ်ခြင်း

××××××××××××××××××××××××××××××××

ဝါးသည် သဘာဝ နှင့် ဆက်စပ်မူအလွန်ရှိသည်။ ဒီရေ တက်လျှင် ဝါးပင်တွင် ရေများတက်ပြီး ဒီရေကျချိန်တွင် ဝါးပင်အတွင်းတွင် ရေများကျသွားတတ်သည်။ လ၏ဆွဲငင်အားဖြင့် မြေကြီးအတွင်းမှ အစာရည်က ဆွဲစုပ်ယူသည်။ လပြည့်ရက်တွင် ဝါးအဆစ်အတွင်း သကြားရည် ပြည့်နေတတ်သည်။ ထို့ကြောင့် လကွယ်ရက်(သို့) တန် ဆောင်မုန်းလတွင် ဝါးခုတ်ပါက ပိုးမွှားအန္တာရယ်သက်သာသည်။

၅) #နေရောင်မရှိချိန်တွင် ဝါးကို ရွေးချယ်ခုတ်ခြင်း 

×××××××××××××××××××××××××××××××

သစ်ပင်တို့၏ သဘာဝသည် အစာချက်ရန် နေရောင်လိုအပ်သည်။ ဝါးပင်သည်လည်း အစာမချက်သောနေရောင် မရှိသောအချိန်တွင် ခုတ်ယူပါက ပိုးစားသက်သာကြောင်းတွေ့ရသည်။

၆) #အပင်တွင် အပြတ် မခုတ်ပဲ အနည်းငယ်ချန်ကာ အရွက်ကျမှ သိမ်းခြင်း

××××××××××××××××××××××××××××××××

ကိုယ်ပိုင်စိုက်ခင်းဖြစ်ပါက သက်တမ်းမှန်သော ဝါးကိုရွေးချယ်ပါ။ အောက်ဆုံးအဆစ်မှ တစ်လက်မလောက်ချန်ထား၍ ပြတ်မသွားအောင် ခုတ်ပါ။ ခုတ်စာထွက်သွေားသောနေရာကို သပ်ခုထားပြီး တခြားအပင်ကို မှီထားပါ ။ ၂ ပတ် ၃ ပတ်ကြာသောအခါ သကြားရည်ထွက်သွားမည်။ ကျန်ရှိသော သကြားဓါတ်ကိုလည်း အရွက်များက အစာချက်၍ သကြားဓါတ်နည်းသွားမည်။ ဝါးအတွင်း ကျန်ရှိသောသကြားရည်သည်လည်း အချဉ်ပေါက်ပြီး အယ်(လ်)ကိုဟောသို့ပြောင်းကာ ပိုးမွှားများမကြိုက်တော့ပါ။ ယခုနည်းသည် အကောင်းဆုံး ဝါးခုတ်နည်း ဖြစ်ပါသည်။

အားလုံးအဆင်ပြေကြပါစေ

Source - ဆရာဝင်းကျော်ဦး။ လေးစားရမည့် ဝါးပင်တို့၏ သဘာဝ စာအုပ်မှ

Ref:https://greenwaymyanmar.com/posts/how_to_protect_infection_in_bamboo