နိုင်ငံရေး ခရီးကြမ်းကြီးကို ခက်ခက်ခဲခဲ ဖြတ်ခဲ့ရပေမဲ့ ဇာတ်သိမ်းကတော့…
ပါကစ္စတန်ဟာ ဘာသာရေးအစွန်းရောက်တွေကြောင့် အမျိုးသမီးအခွင့်အရေးဆိုတာ မရှိတဲ့နိုင်ငံဖြစ်ပြီး စစ်သွေးကြွ အကြမ်းဖက်သမားတွေ ပေါများလွန်းတာကြောင့်လည်း မတည်မငြိမ်ဖြစ်နေတဲ့ နိုင်ငံတစ်ခု ဖြစ်ပါတယ်။
ဒီလို ရေခံမြေခံကအစ ကြောက်စရာကောင်းတဲ့ ပါကစ္စတန်ကို အန္တရာယ်တွေကြားကနေ ပြောင်းလဲဖို့ အမျိုးသမီးတစ်ယောက် ကြိုးစားခဲ့ဖူးပါတယ်။သူမကတော့ ပါကစ္စတန်ရဲ့ ပထမဦးဆုံးနဲ့ တစ်ဦးတည်းသော အမျိုးသမီးဝန်ကြီးချုပ် ဘနာဇီယာဘူတိုပါပဲ။
ဘနာဇီယာဟာ ပါကစ္စတန်သမိုင်းမှာ ဝန်ကြီးချုပ် နှစ်ကြိမ်တိုင်တိုင်ဖြစ်ခဲ့ပြီး အတိုက်အခံခေါင်းဆောင်အဖြစ် နှစ်ကြိမ် လုပ်ခဲ့သူပါ။ အက်ဒ်မင်တို့ဆီမှာ ဒေါ်အောင်ဆန်းစုကြည်ဟာ ဒီမိုကရေစီရဲ့ သင်္ကေတ ဖြစ်ခဲ့သလို ဘနာဇီယာဘူတိုဟာလည်း ပါကစ္စတန်လူမျိုးတွေအတွက် ဒီမိုကရေစီ သင်္ကေတ တစ်ခုဖြစ်ခဲ့ပါတယ်။
သူ(မ)အကြောင်းကို ပြောရရင်….
Related Article >>> မုဒိမ်းသမားကို သတ်ဖြတ်မှုအတွက် ကြိုးပေးခံရသူ ရေဟာနီ ဂျေဘာရီ
ဘနာဇီယာ ဘူတိုကို ၁၉၅၃ခုနှစ် ဇွန်လ ၂၁ရက်မှာ ပါကစ္စတန်၊ ကရာချိဒေသမှာ မွေးဖွားခဲ့ပါတယ်။ သူ(မ)ဟာ နိုင်ငံရေး ဩဇာရှိပြီး ချမ်းသာတဲ့ မိသားစုမှာ မွေးဖွားလာတဲ့သူတစ်ယောက်ပါ။ မိခင်ဖြစ်သူကတော့ နာစရက် ဘူတို ဖြစ်ပြီး ဖခင်ဖြစ်သူကတော့ နောင်တစ်ချိန် ပါကစ္စတန် နိုင်ငံရေးမှာ အရေးပါလာမယ့် ပါကစ္စတန်လူထုပါတီ (Pakistan People’s Party) (PPP) ကို တည်ထောင်ခဲ့သူ ဇာဖီကာအလီဘူတိုပါ။
ဆင်ဒီနဲ့ ကာ့ဒ် လူမျိုး နှောတာမို့ ဘနာဇီယာဟာ အသားဖြူဖြူဝင်းဝင်းနဲ့ အတော်လေး လှပါတယ်။ ဩဇာရှိတဲ့ မိသားစုကလာတာမို့ ဘနာဇီယာဟာ ကောင်းမွန်တဲ့ပညာရေးကိုလည်း ရရှိခဲ့ပါတယ်။
Harvard နဲ့ Oxford တက္ကသိုလ်မှာ ပညာသင်ကြားခဲ့တာမို့ မျက်စိပွင့် နားပွင့်ရှိသူ တစ်ယောက် ဖြစ်ခဲ့ပြီး သူမဟာ ကျား/မ နဲ့ လူမျိုးရေး တန်းတူညီမျှမှု၊ တရားမျှတမှု၊ ဒီမိုကရေစီ ရရှိမှု စတဲ့ လစ်ဘရယ် အတွေးအခေါ်တွေကို ထောက်ခံသူ ဖြစ်ပါတယ်။
ဘနာဇီယာရဲ့ ဖခင် အလီဘူတိုဟာ ပြည်သူတွေချစ်တဲ့ နိုင်ငံရေးသမားမို့ ၁၉၇၃မှာ ဝန်ကြီးချုပ်အဖြစ် ရွေးကောက်တင်မြှောက်ခံခဲ့ရပါတယ်။ ဒါပေမဲ့ ဘူတိုမိသားစုရဲ့ ကျိန်စာဆိုးကြီးဟာ ၁၉၇၇မှာ စတင်လာပါတယ်။
၁၉၇၇ခုနှစ်မှာ စစ်တပ်အာဏာသိမ်းမှု ဖြစ်ခဲ့ပြီး ဖခင်ဖြစ်သူ အလီဘူတိုဟာ စစ်အာဏာရှင်တွေရဲ့ ကြိုးပေးသတ်ဖြတ်ခြင်းကို ခံခဲ့ရပါတယ်။ အဲဒီတုန်းက အာဏာသိမ်း စစ်ခေါင်းဆောင်ဟာ ဇီယာအူဟက်ဖြစ်ပါတယ်။
ဘနာဇီယာဟာ နိုင်ငံရေးသတ္တိကို အမေနဲ့ အဖေဆီကနေ အမွေဆက်ခံရခဲ့တယ်လို့ ဆိုရမလား။ ပါကစ္စတန်ပြည်သူ့ပါတီ (PPP) ကို ဖခင်ဖြစ်သူ အလီဘူတို မရှိတော့ပေမဲ့ ဘနာဇီယာနဲ့ မိခင်ဖြစ်သူ နာဇရက်တို့က ရဲရဲဝံ့ဝံ့ ဆက်လက်ဦးဆောင်ခဲ့ပါတယ်။
ဘနာဇီယာဟာ စစ်အာဏာရှင်ကျဆုံးရေး နဲ့ ပါကစ္စတန် ဒီမိုကရေစီ ပြန်ရရေးကို ဦးဆောင်ခဲ့တာမို့ ဇီယာအူဟက် အစိုးရက အတော်မျက်မုန်းကျိုးခဲ့ပါတယ်။ ဒါကြောင့် ဘနာဇီယာဘူတိုကို ခဏခဏ ထောင်ချတာတွေ လုပ်ခဲ့ပြီး ဘနာဇီယာကတော့ ကြံ့ကြံ့ခံပြီး ခေါင်းမာလွန်းတာမို့ ၁၉၈၄မှာ အင်္ဂလန်ကို နယ်နှင်ဒဏ်ပေးလိုက်ပါတော့တယ်။
ဇီယာအူဟက် အစိုးရ ပြုတ်ကျသွားတဲ့အခါ ပြည်သူတွေရဲ့ ထောက်ခံအားပေးမှုနဲ့ ဘနာဇီယာရဲ့ PPPဟာ ၁၉၈၈ ရွေးကောက်ပွဲမှာ အနိုင်ရပြီး ဘနာဇီယာတစ်ယောက် ဝန်ကြီးချုပ် ဖြစ်လာပါတယ်။
ဒါပေမဲ့ ပါကစ္စတန်မှာ အကြမ်းဖက်သမားတွေ ၊ အစွန်းရောက်တွေ အမြစ်တွယ်နေပြီမို့ ဘူတိုရဲ့ ဒီမိုကရေစီခရီးဟာ ဘယ်တော့မှ မအောင်မြင်ခဲ့ပါဘူး။ အထူးသဖြင့် အင်အားကြီးတဲ့ ပါကစ္စတန်စစ်တပ်နဲ့ သမ္မတဟာ အမျိုးသမီး ဦးဆောင်ပြီး ပြောင်းလဲလိုတဲ့ အစိုးရအဖွဲ့ကို မလိုလားသူဖြစ်ပြီး ၁၉၉၀မှာ အကျင့်ပျက်ခြစားမှု၊ ဘက်လိုက်မှုနဲ့ စွပ်စွဲပြီး ဖြုတ်ချလိုက်ပါတယ်။
Related Article >>> သံမဏိ မိန်းမပျို သို့မဟုတ် လောကငရဲမှ လွတ်မြောက်လာသူ နာဒီယာ
၁၉၉၀ ရွေးကောက်ပွဲမှာ ဘနာဇီယာဘူတိုနဲ့ မတည့်တဲ့ IJI ပါတီဟာ စစ်တပ်အကူညီနဲ့ မဲလိမ်ပြီး အာဏာရလာပါတယ်။ ဘနာဇီယာဘူတိုကတော့ အတိုက်အခံခေါင်းဆောင်အဖြစ် ၁၉၉၀-၉၃ အထိ ဆောင်ရွက်ခဲ့ပြီး ၁၉၉၃မှာ ဒုတိယအကြိမ် ဝန်ကြီးချုပ်ဖြစ်လာပါတယ်။ ၁၉၉၅မှာ စစ်တပ်က အာဏာထပ်သိမ်းဖို့ လုပ်ခဲ့ပြီး မအောင်မြင်ခဲ့တာမို့ ဘနာဇီယာဘူတိုကို ၁၉၉၆မှာ စွပ်စွဲမှုပေါင်းများစွာ တင်ပြီး နောက်တစ်ကြိမ် ဖြုတ်ချခဲ့ကြပါတယ်။ သူ(မ)ရဲ့ အစ်ကိုဖြစ်သူဟာလည်း အဲ့နှစ်မှာပဲ လုပ်ကြံသတ်ဖြတ်ခံရပြီး တရားမျှတမှုကို မရနိုင်ခဲ့ပါဘူး။
စစ်တပ် လက်ချက်နဲ့ သူ(မ)ဖခင်လို ဇာတ်သိမ်းမှာစိုးတာရယ် သူ(မ)ရှိနေရင် သူ(မ) မိသားစုတွေပါ ဘေးအန္တရာယ်ကျရောက်မှာ စိုးတာရယ်ကြောင့် ဘနာဇီယာဘူတိုဟာ ဗြိတိန်နဲ့ ဒူဘိုင်းမှာ ရှစ်နှစ်လောက် ရှောင်တိမ်းနေခဲ့ပြီး သူ(မ)ပါတီကို အဝေးကနေ ထိန်းချုပ်နေခဲ့ပါတယ်။
၂၀၀၇ခုနှစ်မှာတော့ အမေရိကန်ရဲ့ ကြားဝင်စေ့စပ်ပေးမှုကြောင့် ပါကစ္စတန်စစ်အစိုးရဟာ ဘနာဇီယာဘူတိုကို အသက်အန္တရာယ်မပြုတဲ့အပြင် အရပ်သားအစိုးရကိုပါ အာဏာအုပ်ချုပ်ခွင့်ပေးပါမယ်လို့ ကတိပေးလာခဲ့ပါတယ်။
ဒါပေမဲ့ ကံတရားဟာ သူ(မ)ကို မျက်နှာသာ မပေးခဲ့ပါဘူး။ ဘနာဇီယာဘူတိုတစ်ယောက် သူ(မ)ပြည်သူတွေဆီ ပြန်လာပြီး ရာဝမ်ပင်ဒီမြို့မှာ လူထုကို မိန့်ခွန်းပြောနေတဲ့အချိန် ၂၀၀၇ခုနှစ် ဒီဇင်ဘာ၂၇ရက်နေ့ မှာ အသေခံဗုံးခွဲ လုပ်ကြံခံရပြီး သေဆုံးသွားခဲ့ပါတယ်။
ထောင်နဲ့ ချီတဲ့ လူအုပ်ကြီးထဲကို သေနတ်နဲ့ အရင်ပစ်ခတ်ခဲ့ပြီး ဘနာဇီယာဘူတိုရဲ့ အနီးအနားမှာ အသေခံဗုံး ဖောက်ခွဲခဲ့တာပါ။ ဒီလုပ်ကြံမှုကြောင့် ဘူတိုအပြင် လူပေါင်း၂၈ဦး သေဆုံးပြီး ၁၀၀ကျော် ဒဏ်ရာရခဲ့ပါတယ်။
တရားခံကတော့ အစ္စလာမ်စစ်သွေးကြွအဖွဲ့ ဖြစ်တဲ့ အယ်လ်ကိုင်ဒါဖြစ်တယ်လို့ အဖွဲ့ကိုယ်တိုင်က ဝန်ခံခဲ့ပေမဲ့ ဒီလုပ်ကြံမှုမှာ အစိုးရထောက်လှမ်းရေးတွေပါ ပါဝင်ပတ်သက်နေတယ်လို့ အများအပြားခန့်မှန်းကြပါတယ်။
Related Article >>> အာဂအမျိုးသမီးသံမဏိလေဒီ (ခေါ်) မာဂရက်သက်ချာ
အခုဆို ဘနာဇီယာဘူတို ကွယ်လွန်သွားတာ ဆယ်စုနှစ်တစ်စု ကျော်ခဲ့ပါပြီ။ ပါကစ္စတန်ရဲ့ ရေခံမြေခံကြောင့် သူ(မ)ကြိုးစားခဲ့တဲ့ ဒီမိုကရေစီ ခရီးကြမ်းဟာ ဘယ်တော့မှ မအောင်မြင်ခဲ့သလို နောင်လည်း အောင်မြင်မယ့်အလားအလာ သိပ်မရှိပါဘူး။ ဒါပေမဲ့ သူ(မ)ရဲ့ သတ္တိနဲ့ စွန့်လွှတ်အနစ်နာခံမှုကြောင့် ပါကစ္စတန် သမိုင်းထဲမှာကော ပါကစ္စတန်လူထုရဲ့ ရင်ထဲမှာပါ သူ(မ)နာမည် အမြဲ ရှိနေမှာပါ။
သူ(မ)ဟာ စာအုပ်အများအပြားရေးသားခဲ့ပြီး မဆုံးခင် ရက်ပိုင်းအလိုမှာ ရေးသွားတဲ့ Reconciliation: Islam, Democracy and the West ကတော့ နိုင်ငံတကာမှာ အရောင်းရဆုံးစာရင်းထဲ ဝင်ခဲ့ပါတယ်။
No comments:
Post a Comment