စင်ကာပူမှာ လာဘ်စားမှုဘယ်လိုတားဆီးသလဲ?
စင်္ကာပူဟာ ၁၉၅၂ခုနှစ်မှာ ဗြိတိသျှအောက်က လွတ်လပ်ရေး ရခဲ့တယ်။ လွတ်လပ်ရေး ရပေမဲ့လဲ မလေးရှားနိင်ငံရဲ့ လက်အောက်မှာပဲ ဆက်ရှိနေခဲ့တယ်။ အဲဒီအချိန်မှာ စင်္ကာပူမှာ လာဘ်စားမှု အရမ်း များတယ်။ ၁၉၆၅ခုနှစ်မှာ စင်္ကာပူဟာ မလေးရှားအောက်က ခွဲထွက်လိုက်ပြီး စင်္ကာပူနိုင်ငံရယ်လို့ ဖြစ်လာခဲ့တယ်။
စင်္ကာပူနိုင်ငံဖြစ်လာပြီး ပထမဆုံးဝန်ကြီးချုပ် ဖြစ်လာတဲ့ လီကွမ်းယူဟာ လာဘ်စားမှု ပပျောက်အောင် ဦးစားပေး ဆောင်ရွက်ခဲ့ပါတယ်။ သူ့နိ်ုင်ငံ သေးသေးလေးမှာ လာဘ်စားမှုတွေ ရှိနေရင် နိုင်ငံခြားက ရင်းနှီးမြုပ်နှံမှုတွေ ဝင်လာမှာ မဟုတ်ဖူးဆိုတာကို သူ ကောင်းကောင်း နားလည် သဘောပေါက်ထားတယ်။
အဲဒီအချိန်ကစပြီး စင်္ကာပူအစိုးရဟာ လာဘ်စားမှု တိုက်ဖျက်ရေးကို နိုင်ငံရေး ဦးတည်ချက်တရပ် အနေနဲ့ အားသွန်ခွန်စိုက် ကြိုးပမ်းလိုက်တာ ၂၀၁၄ ခုနှစ်က စာရင်း ထုတ်ပြန်ချက် အရ နိုင်ငံ စုစုပေါင်း (၁၇၆) နိုင်ငံတွေ အနက် လာဘ်စားမှု အနဲဆုံး အဆင့် (၃) ဖြစ်ခဲ့ပါပြီ။ အဆင့် (၁) က ဒိန်းမတ်နိုင်ငံနဲ့ အဆင့် (၂) ကတော့ နယူးဇီလန်နိုင်ငံတွေ ဖြစ်ကြပါတယ်။ မြန်မာနိုင်ငံ ကတော့ အဆင့် (၁၅ရ) ဖြစ်ပြီး ကမ္ဘာပေါ်မှာ လာဘ်စားမှု အများဆုံးနိုင်ငံ စာရင်းးမှာ အဆင့် (၂) ချိ်ပ်နေခဲ့ပါတယ်။ အောက်မှာ အာဖရိကတိုက်က ဆိုမားလီးယား တနိုင်ငံပဲ ရှိပါတော့တယ်။
လာဘ်စားမှု အနဲဆုံး ထိပ်ဆုံး (၁၅) နိုင်ငံစာရင်းထဲမှာ အာရှတိုက်က စင်္ကာပူနိုင်ငံတခုပဲ ပါခဲ့ပါတယ်။
အဲဒီတော့ ကျနော်လည်း စင်္ကာပူနိုင်ငံကို ခုလို လာဘ်စားမှု အနဲဆုံး ဖြစ်အောင် သူတို့အစိုးရ အနေနဲ့ ဘယ်လိုများ ဆောင်ရွက် ခဲ့သလဲဆိုတာ သိချင်လို့ လေ့လာ လိုက်ကြည့်လိုက်တော့ အောက်မှာ ရေးထားတဲ့ လုပ်ဆောင်ချက်တွေကို ရှာဖွေတွေ့မိလိုက်တယ်။
စင်္ကာပူအစိုးရဟာ လာဘ်စားမှု တိုက်ဖျက်ဖို့ ကဏ္ကကြီး ၄ ခု ခွဲပြီး အခုလို စီမံချက်များကို ချမှတ် ဆောင်ရွက်ခဲ့ပါတယ်။
(က) အောက်ဖေါ်ပြပါ စည်းမျဉ်း စည်းကမ်းနှင့် ဥပဒေများကို ပြဋ္ဌာန်းခဲ့သည်။
၁။ အာဏာကုန် လွှဲအပ်ခံရသော CPIB (Corrupt Practices Investigation Bureau) လာဘ်စားမှုတိုက်ဖျက်ရေးအဖွဲ့ကြီးဟာ အစိုးရဌာနရော ပုဂ္ဂလိက ကုမ္ပဏီ အားလုံးကို လွတ်လပ်စွာ စစ်ဆေးပိုင်ခွင့်ရှိသည်။
၂။ အစိုးရဝန်ထမ်းတဦးဟာ လာဘ်စားတယ်လို့ စွပ်စွဲခံရရင် သူ မကျူးလွန်ကြောင်း သက်သေပြနိုင်ရမယ်။
၃။ လာဘ်ယူသူဟာ လာဘ်ယူပြီးနောက် လာဘ်ပေးသူ အလိုကျ လိုက် မလုပ်ပေးသော်လည်း ပြစ်ဒဏ် ကျခံရမယ်။
၎။ အစိုးရဝန်ထမ်းများဟာ လက်ဆောင်ပဏ္ဏာ လက်ခံရယူခြင်း လုံးဝ မလုပ်ရဘူး။
၅။ ဝန်ထမ်းတယောက်ဟာ လာဘ်ယူလို့ ထောင်ဒဏ်နဲ့ ငွေဒဏ် ကျခံရပြီးသော်လည်း လာဘ်ယူထားငွေ အတိအကျကို အစိုးရကို ပြန်ပေးရမယ်။
၆။ ဒီလာဘ်စားမှုတိုက်ဖျက်ရေး ဥပဒေဟာ စင်္ကာပူနိုင်ငံ ပြင်ပမှာလဲ သက်ရောက်ပါတယ်။ သဘောက အခြားနိုင်ငံတခုမှာ လာဘ်ပေးလာဘ်ယူ လုပ်ရင်လဲ စင်္ကာပူဥပဒေအတိုင်း အရေးယူ အပြစ်ပေး ခံရမယ်ပေါ့။
(ခ) CPIB လာဘ်စားမှု တိုက်ဖျက်ရေး အဖွဲ့ကို အောက်ပါ အာဏာများ လွှဲအပ်ခြင်း။
၁။ မည်သည့် လာဘ်စားသည့် အမှုကို မဆို လွတ်လပ်စွာ စစ်ဆေးပိုင်ခွင့် ရှိတယ်။
၂။ မည်မျှ ရာထူးကြီးသူကိုမဆို စစ်ဆေးပိုင်ခွင့် ရှိတယ်။ အမှုသေးသေးကစလို့ ထိပ်ပိုင်းဝန်ကြီးအထိ စစ်ဆေးပိုင်ခွင့်ရှိတယ်။
၃။ အမှုနှင့်ပတ်သက်၍ ဝန်ကြီးချုပ်မှလွဲလို့ မည်သူ့ကိုမှ အစီရင်ခံစရာ မလိုပါ။
(ဂ) တရားရုံးများကို အောက်ပါ အာဏာများ လွှဲအပ်ခြင်း။
၁။ တရားရုံးတွေဟာ အမှု စစ်ဆေးရာမှာ ပွင့်လင်းမြင်သာမှု ရှိစေရမယ်။
၂။ တရားရုံးသည် ပြစ်မှု ကျူးလွန်သူအား ပြစ်ဒဏ်အပြင် လာဘ်ယူထားငွေ အတိအကျကို အစိုးရထံ ပြန်လည်ပေးအပ်ရန် အမိန့်ချမှတ်ရမယ်။ ပြစ်ဒဏ်အနေနဲ့ ထောင်ဒဏ် ၅ နှစ် အထိ ချမှတ် နိုင်သလို ဒဏ်ငွေကိုလဲ ဒေါ်လာ တသိန်းအထိ ချမှတ် နိုင်တယ်။
၃။ လာဘ်ပေးပြီး လုပ်ငန်း အပ်နှင်း ခံထားရသော ကုမ္ပဏီရဲ့ ကန်ထရိုက် လုပ်ငန်းများကို ဖျက်သိမ်း ပစ်ရမယ်။ ဒါ့အပြင် လာဘ်ပေးသော ကန်ထရိုက် ကုမ္ပဏီဟာ အစိုးရတင်ဒါများကို ၅ နှစ် ကြာအထိ ဝင်ရောက် ယှဉ်ပြိုင်ခွင့် ပိတ်ပင်ရမယ်။
၎။ နိုင်ငံတကာ ကုမ္ပဏီမှ လာဘ် ယူခဲ့ရင် လာဘ်ယူငွေကို အဲဒီ ကုမ္ပဏီကို ပြန်ပေးရမဲ့အပြင် လာဘ်ယူငွေနဲ့ ညီတဲ့ ပမာဏကို အစိုးရထံကို ပေးသွင်းရပါမယ်။ သဘောက လာဘ်ယူငွေရဲ့၂ ဆ ကို လျော်ရမယ်ပေါ့။
(ဃ) အစိုးရဌာနများကို လာဘ်စားမှု တားဆီးရန် ဆောင်ရွက်ခြင်း။
၁။ ဝန်ထမ်းတဦးဟာ မိမိနှင့် လုပ်ငန်းဆက်စပ်သူ ထံမှ ငွေ ချေးငှားခြင်းကို လုံးဝ မလုပ်ရပါ။
၂။ မည်သည့်အချိန်ဖြစ်ဖြစ် ဝန်ထမ်းတဦးဟာ အကြွေး တင်ခဲ့ရင် အကြွေးပမာဏဟာ သူ့ဝင်ငွေ လစာရဲ့ ၃ ဆ ထက် မကျော်လွန်စေရပါ။
၃။ ဝန်ထမ်းတဦးဟာ မိမိကိုယ်ကျိုး အတွက် ပြင်ပသို့ သတင်း အချက်အလက် မပေါက်ကြားစေရပါ။
၎။ ဝန်ထမ်းတဦးဟာ မိမိပိုင်ဆိုင်မှု အားလုံးကို အလုပ် ခန့်အပ်ခံသည့် အချိန်မှာ ကြေငြာရတဲ့အပြင် နှစ်စဉ် နှစ်တိုင်းလဲ ကြေငြာရပါတယ်။ (အလွန်ကြိုက်သော အချက်ဖြစ်ပါတယ်)။
၅။ ဝန်ထမ်းများဟာ မိမိတာဝန်မှလွဲ၍ ခွင့်ပြုချက် မရပဲ အချိန်ပိုင်း အလုပ် လုပ်ခွင့်မရှိပါ။
၆။ ဝန်ထမ်းများဟာ လက်ဆောင်ယူခြင်း၊ ကျွေးမွေးဧည့်ခံပွဲကို တက်ရောက်ခြင်း မလုပ်ရပါ။
၇။ Conflict of Interest ဆိုတဲ့ မိသားစု၊ ဆွေမျိုး တဦးတယောက်ကို အလုပ် ခန့်ချင်တယ်ဆိုရင် ဌာနအကြီးအကဲရဲ့ အတည်ပြုချက် မရပဲ လုံးဝ ခန့်ခွင့်မရှိပါဘူး။
နောက်ပြီး ဝန်ကြီးဌာန၊ အစိုးရရုံများရဲ့ လုပ်ငန်း ဆောင်ရွက်မှုတွေကို လာဘ်ပေးလာဘ်ယူမှု ကင်းအောင် အခုလို ဆောင်ရွက်ထားပါတယ်။
၁။ ဝန်ကြီးများနဲ့ အစိုးရဝန်ထမ်း အားလုံးကို လုံလောက်တဲ့ လစာ၊ ခံစားခွင့်တွေ ပေးထားတယ်။ အဲဒီတော့ မက်လောက်တဲ့ လစာဝင်ငွေ ရနေသူတွေဟာ လာဘ်စားတာနဲ့ အရေးယူခံရပြီး ထောင်ကျ အလုပ်ပြုတ်မှာကို အရမ်း ကြောက်ကြတယ်။ လာဘ်စားဖို့ ဆိုတာ စဉ်းတောင် မစဉ်းစားရဲကြဘူး။
၂။ အခွန်အခဆောင်ခြင်း၊ ရေ မီး မီတာခပေးခြင်း၊ တယ်လီဖုံးဘီလ် ဆောင်ခြင်း စတာတွေကို ငွေသားဖြင့် ပေးချေခြင်းကို လက်မခံရပါ။ ငွေသွင်းမှု အားလုံးကို ချက်လက်မှတ်ဖြစ်စေ ဘဏ်ကဒ်ဖြင့်ဖြစ်စေ အင်တာနက်က on-liine banking စံနစ် စသဖြင့်သာ ပေးချေရပါတယ်။ သဘောကတော့ ဝန်ထမ်းများကို ငွေသား ကိုင်ခွင့် မရအောင် လုပ်ထားတာပါ။
၃။ လျှောက်လွှာတွေကို စားပွဲတခု ကနေ နောက် စားပွဲတခု (သို့မဟုတ်) ရုံးတရုံးကနေ နောက် တရုံးသို့ ကူးပြောင်း စစ်ဆေးနေတဲ့ စံနစ်ကို ဖျက်သိမ်းလိုက်တယ်။ ရုံးတခုမှာ လုပ်ငန်းတခုအတွက် လုပ်စရာရှိရင် အဲဒီအတွက် ဘာ စာရွက်စာတမ်းတွေ ဘယ်လို လျှောက်လွှာတွေ လိုမယ်၊ ဘယ်နေရာကိုသွားရမယ်၊ ဘယ်အချိန်မှာ အဖြေသိရမယ် ဆိုတဲ့ သတင်းအချက်အလက် information အပြည့်အစုံကို သက်ဆိုင်ရာရုံးတွေရဲ့website တွေမှာ အင်တာနက် on_line ကနေ ကြည့်လို့ရတယ်။ လိုအပ်တဲ့ လျှောက်လွှာကိုလဲ အင်တာနက်ကနေ download ကူးယူလုပ်ပြီး print ထုတ်လို့ ရတယ်။ ဈေးဆိုင် ဖွင့်ချင်လို့ လုပ်ငန်းလိုင်စင် လျှောက်ရင်တောင် ရုံးကိုသွားစရာ မလိုဘူး။ OBLS (Online Business Licensing Service) ဆိုတဲ့ website ကနေ လျှောက်လို့ရတယ်။ လိုင်စင် ကျလာရင် အင်တာနက်ကနေ print_outထုတ်ပြီး အလုပ် စလုပ်လို့ရပြီ။ သက်ဆိုင်ရာရုံးကို တချက်မှ သွားစရာ မလိုဘူး။
၎။ အစိုးရတင်ဒါခေါ်ရင်လဲ GeBiz (ယခု SESAMI လို့ အမည်ပြောင်းထားတဲ့) အစိုးရ website မှာ တင်ထားပေးတယ်။ သတ်မှတ်ချက် ပြည့်မှီတဲ့ ကုမ္ပဏီတိုင်း ဝင်လျှောက် ယှဉ်ပြိုင်ခွင့်ရှိတယ်။ ဘယ် ကုမ္ပဏီက တင်ဒါဒာနိုင်ရတယ် ဆိုတာလဲ GeBizမှာ ဝင်ကြည့်လို့ ရတယ်။
၅။ လာဘ်ငွေတောင်းခံရရင် တိုင်ကြားနိုင်တဲ့ ဖုံးနံပါတ်တွေကို သက်ဆိုင်ရာအစိုးရဋ္ဌာနတွေရဲ့ website တွေမှာ အတိအလင်း ကြေငြာပေးထားတယ်။ အစိုးရရဲ့ လုပ်ငန်းဆောင်တာတွေ မြန်ဆန် သွက်လက်အောင် အကြံပြုနိုင်တဲ့ အစိုးရ website တွေ ထားရှိပါတယ်။ ဘယ်သူမဆို အကြံပေးလို့ ရတယ်။
၆။ နောက်တခုကလဲ ဘဏ်တွေဟာ လူတယောက်ရဲ့ငွေစာရင်းထဲကို ရုတ်တရက် ငွေတွေ အများကြီး ဝင်လာတာတွေ့ရင် CPIB ကို ချက်ခြင်း အကြောင်းကြားရတယ်။ CPIB ကလဲ အဲဒီ ငွေစာရင်း ပိုင်ရှင်ကို စောင့်ကြည့်နေလိမ့်မယ်။ လိုအပ်ရင် သူ့ကို ခေါ်ယူ စစ်မေးလိမ့်မယ်။
အဲဒီတော့ စင်္ကာပူမှာ လာဘ်စားမှု နဲတာ အဆန်းမဟုတ်ပါ။
မိတ်ဆွေအနေနဲ့ တခုတော့ မေးချင်လိမ့်မယ် ထင်ပါတယ်။ စင်္ကာပူမှာ လာဘ်စားမှု လုံးဝ ကင်းသလားလားလို့။ စင်္ကာပူလူမျိုးတွေလဲ လူသားတွေပဲလေ။ လောဘနဲ့ ဘယ်ကင်းပါ့မလဲ။ ဒါပေမဲ့ ချောက်တီး ချောက်ချက် လောက်နဲ့တော့ မစားကြဘူး။ မိသွားရင် စားထားသမျှ ပြန်ပေးရတဲ့အပြင် ထောင်ဒဏ် ၅ နှစ် ဆိုတာကြီးကလဲ ကြောက်စရာကြီးကိုး။
ကျနော် စင်္ကာပူမှာနေတဲ့ နှစ် အစိတ်လောက် အတွင်းမှာ လာဘ်စားမှုကြီး ၃-၄ မှု လောက် အကြောင်းပဲ သတင်းစာမှာ ဖတ်ရတယ်။ အစိုးရဝန်ထမ်း ညွှန်ချုပ်လောက် အဆင့် ရှိသူတွေပါ။ စားတာတွေ ကလဲ နဲနဲနောနော မဟုတ်ဘူး။ စင်္ကာပူဒေါ်လာ၂သန်း - ၃သန်းလောက် ရှိတယ်။ ကန်ထရိုက် ချပေးမယ်ဆိုပြီး ပိုက်ဆံယူတာ။ နိုင်ငံခြားကုမ္ပဏီ တခုတောင် ပါသေးတယ်။ CPIB က စစ်လို့ လာဘ်စားတာ သေချာပြီ ဆိုတာနဲ့ သူပိုင်တဲ့ကား၊ ဆိုင်ကယ်စတဲ့ သူ့ရဲ့ ပိုင်ဆိုင်မှုတွေကို ချက်ခြင်း သိမ်းတယ်။ သူပိုင်တဲ့အိမ်၊ တိုက်ခန်းကိုလဲ ချက်ခြင်း ချိပ်ပိတ် လိုက်တယ်။ ဘဏ်မှာ သူအပ်ထားတဲ ငွေစာရင်းကို ပိတ်လိုက်တယ်။ တချို့က နိုင်ငံခြားကို ထွက်ပြေးတယ်။ အဲဒီနိုင်ငံတွေအထိ လိုက်သွားပြီး သူ့ကို ဖမ်းပြီး စင်္ကာပူကို ပြန်ခေါ်လာတယ်။ စင်္ကာပူဟာ အနောက်နိုင်ငံတွေနဲ့ ရာဇဝတ်မှုနဲ့ ထွက်ပြေးလာရင် မိခင်နိုင်ငံ ပြန်ပို့ဖို့ နိုင်ငံအချင်းချင်း စာချုပ် ချုပ်ထားတော့ ပြေးလဲ ပြန်အပို့ ခံရတာပဲ။ စင်္ကာပူမှာ တရားရုံးတင် အစစ်ခံရတယ်။ လာဘ်ငွေ အချီကြီး စားတဲ့သူတွေကိုတော့ နှစ်ရှည် ထောင်ဒဏ်တွေ ချ အပြစ်ပေးတယ်။
ကဲ ... ဘယ်သူတွေ လာဘ်စားရဲကြသေးလဲ။.
ကျနော်တို့ မြန်မာနိုင်ငံရဲ့ လာဘ်စားမှုတိုက်ဖျက်ရေးဥပဒေကို(ရှိခဲ့ရင်ပေါ့) စင်္ကာပူရဲ့ဥပဒေနဲ့ နိူင်းယှဉ်ကြည့်လို့ရအောင် ရေးပေး လိုက်တာပါ။
မှတ်ချက်။
၁။ အချက်အလက်များကို CPIB အဖွဲ့ကြီးရဲ့ ဒုတိယညွှန်ကြားရေးမှူး Koh Teck Hin ရဲ့ အစီရင်ခံစာ တစောင်မှ ရယူထားပါတယ်။
၂။ လာဘ်စားမှုကြီးများစွာကို အချိန်တိုအတွင်း ဖေါ်ထုတ်နိုင်ခဲ့တဲ့ CPIB အဖွဲကြီးမှာ ဝန်ထမ်း စုစုပေါင်း (၇၅) ဦးပဲ ရှိပါတယ်။
၃။ လာဘ်စားမှု တွေ့ပြီဆိုတာနဲ့ တရားရုံးမှာ စတင် စစ်ဆေးချိန်ကနေ စီရင်ချက် ချတဲ့ အချိန်အထိ ရုံးချိန်းတိုင်းမှာ အမှု စစ်ဆေးတာကှိ အစိုးရ သတင်းစာကြီးမှာ နာမည်၊ ဓါတ်ပုံတွေနဲ့တကွ တောက်လျှောက် ဖေါ်ပြပေးတယ်။
ဒီပို့စ်ဟာ ၂၀၁၅ခုနှစ်၊ ဖေဖေါ်ဝါရီလတုံးက facebook မှာ တင်ခဲ့ပြီးသားပါ။ မဖတ်ရသေးသူများ အတွက် ဒီ page မှာ ပြန်လည် တင်ပေးလိုက်တာပါ။
မြန်မာ အဂတိ အဆင့် ၁၅၇(2014) ကနေ အခု အဆင့် ၁၃၀(130) တက်လာပါတယ်။ သမတဦးဝင်းမြင့် လက်ထက် တရားဥပဒေစိုးမိုးမှု ရန်ကုန်တိုင်း ဥပဒေချုပ်နဲ့ ၆ဦး အဂတိကော်မရှင် ACC ဖမ်းဆီး အရေးယူ ပုံက အားရစရာပါ.. အဂတိ Corruption Index (Myanmar) အဂတိတိုက်ဖျက်ရေးအဖွဲ့ ၀က်ဆိုဒ်
ပြည်နယ်အုပ်ချုပ်ရေးမှုအထိ အရေးယူ၊ ဖမ်းဆီးနေပါပြီ။
http://www.accm.gov.mm
ANTI-CORRUPTION COMMISSION MYANMAR"
အဂတိလိုက်စားမှုတိုက်ဖျက်ရေးကော်မရှင် လာဘ်စားခြစားတိုက်ဖျက်မှု
သတိပေးချက်။
- မည်သူမဆို ခိုင်လုံသော အကြောင်းမရှိဘဲ ပုဂ္ဂိုလ်တစ်ဦးတစ်ယောက်အား နစ်နာစေရန် ရည်ရွယ်၍ မမှန်မကန် သတင်းပို့ခြင်း၊ တိုင်တန်းခြင်း ပြုလုပ်ပါက အဂတိလိုက်စားမှုတိုက်ဖျက်ရေးဥပဒေ ပုဒ်မ ၅၉ အရ ထောင်ဒဏ် (၃) နှစ် ချမှတ်ခံရနိုင်သည့်အပြင် ငွေဒဏ်လည်း ချမှတ်ခံရနိုင်ပါသည်။
လာဘ်စားခြစားတိုက်ဖျက်မှု
- အကယ်၍ e-Complaint စနစ်ဆောင်ရွက်ရာတွင် အခက်အခဲများကြုံတွေ့ရပါက myanmaracc2014@gmail.com သို့ ဆက်သွယ်ဆောင်ရွက်နိုင်ပါသည်။
http://www.accm.gov.mm/complaint/
တိုင်ကြားစာပုံစံ ဖြည့်သွင်းခြင်း
ဤတိုင်ကြားစာပုံစံသည် နစ်နာသူက အွန်လိုင်းမှ တစ်ဆင့် တိုင်ကြားနိုင်ပါသည်။ မိမိ တိုင်ကြားခဲ့သော တိုင်ကြားစာ ၏ အနှစ်ချုပ်ကို ပြန်လည် ကြည့်ရှုနိုင်ပါသည်။
ဖြစ်နိုင်ပါက၊တိုင်ကြားသူအနေဖြင့် တိုင်ကြားစာတွင် အောက်ပါ အချက်အလက်များအား ထည့်သွင်းသင့်ပါသည်။
- မည်သည့်နေရာ၊ မည်သည့် အချိန်တွင် အဂတိ လိုက်စား မှုက မည်သို့ ဖြစ်ပွားခဲ့သည်။
- မည်သူပါဝင်ခဲ့သည်။
- ၎င်းကို မည်သည့်အတွက်ကြောင့် အဂတိလိုက်စားမှု ဟု ယူဆသည်။
http://www.accm.gov.mm/complaint/
http://www.accm.gov.mm/complaint/index.php?route=complainer/register
တိုင်ကြားစာအပေါ် ကောင်မရှင်၏ ဆောင်ရွက်ပုံ
အဆင့်(၁) တိုင်ကြားစာအား လက်ခံခြင်း။
အဆင့်(၂) ရရှိသည့် တိုင်ကြားစာအား တိုင်ကြားစာ စိစစ်သုံးသပ်ရေးကော်မတီသို့ စိစစ်နိုင်ရန်ပေးပို့ခြင်း။
အဆင့်(၃) သတင်းအချက်အလက် ထပ်မံလိုအပ်ပါက တိုင်ကြားသူအား အကြောင်းကြား အသိပေးခြင်း။
တိုင်ကြားစာပေးပို့ရန် အခြားနည်းများ
၁။ လူကိုယ်တိုင်လာရောက်တိုင်တန်းခြင်း
ရုံးဖွင့်ချိန်
တနင်္လာနေ့မှ သောကြာနေ့ထိ (တရားဝင်ရုံးပိတ်ရက်များ မပါ)
မနက် ၁၀ နာရီမှ ညနေ ၃ နာရီထိ
၂။ စာတိုက်မှပေးပို့ရမည့် လိပ်စာ
ဥက္ကဋ္ဌ
အဂတိလိုက်စားမှုတိုက်ဖျက်ရေး ကော်မရှင်ရုံး၊
အဆောင်(၁၀)၊ အုပ်စု(၁)၊ အားကစားလေ့ကျင့်ရေးစခန်း၊
ဝဏ္ဏသိဒ္ဓိရပ်ကွက်၊ နေပြည်တော်။
http://www.accm.gov.mm/complaint/
အသိပေးတင်ပြခြင်း
===========
အဂတိလိုက်စားမှုတိုက်ဖျက်ရေးဥပဒေပုဒ်မ ၃(က)(၂) တွင် ”မည်သူမဆို သက်ဆိုင်ရာအစိုးရဌာန၊ အစိုးရအဖွဲ့အစည်း၊ အများပြည်သူဆိုင်ရာအဖွဲ့အစည်း သို့မဟုတ် အခြားအဖွဲ့အစည်း၏ ပြည်သူ့ဘဏ္ဍာကို ကိုင်တွယ်စီမံဆောင်ရွက်သည့် လုပ်ငန်းစဉ်တွင်ဖြစ်စေ၊ ယင်းတို့၏ ပိုင်ဆိုင်မှုကို တောင်းခံခြင်း၊ ရယူခြင်း၊ စီမံခန့်ခွဲခြင်း၊ ရှင်းလင်းဖျက်သိမ်းခြင်း ပြုရာတွင်ဖြစ်စေ၊ ယင်းတို့နှင့် သက်ဆိုင်မှုရှိသော သဘောတူစာချုပ်တစ်ခုတွင် ပါဝင်ခြင်း၊ စီမံဆောာင်ရွက်ခြင်းပြုရာတွင်ဖြစ်စေ တည်ဆဲဥပဒေ၊ စည်းမျဉ်း၊ စည်းကမ်း၊ လုပ်ထုံးလုပ်နည်း တစ်ရပ်ရပ်ကို ဖောက်ဖျက်လျက် နိုင်ငံတော်၏ ငွေကြေး၊ ပစ္စည်းနှင့် ပိုင်ဆိုင်မှုကို ထိခိုက်နစ်နာ ပျက်စီးဆုံးရှုံးစေခြင်း” ဖြစ်သည်ဟု စတုတ္ထအကြိမ်ပြင်ဆင်သည့် ဥပဒေ၌ အဂတိလိုက်စားမှုဆိုသည့် စကားရပ်၏အဓိပ္ပာယ်ကို ဖြည့်စွက်ပြဋ္ဌာန်းခဲ့ပါသည်။
နိုင်ငံတော်သမ္မတရုံးမှလည်း အစိုးရဌာန၊ အဖွဲ့အစည်းများ၏ တည်ဆောက်ခြင်း၊ ပစ္စည်းဝယ်ယူခြင်း၊ ၀န်ဆောင်မှု ရယူခြင်း၊ ငှားရမ်းခြင်းနှင့်ရောင်းချခြင်းများ ဆောင်ရွက်ရာတွင် လိုက်နာရမည့် တင်ဒါလုပ်ထုံး လုပ်နည်းများကို ညွှန်ကြားချက်အမှတ် (၁/၂၀၁၇)ဖြင့် ထုတ်ပြန်ထားပါသည်။
နိုင်ငံတော်၏ ငွေကြေး၊ ပစ္စည်းနှင့် ပိုင်ဆိုင်မှုများအား ထိခိုက်နစ်နာပျက်စီးဆုံးရှုံးမှု မရှိစေရေးအတွက် နိုင်ငံတော်သမ္မတရုံးမှ ထုတ်ပြန်ထားသည့် တင်ဒါလုပ်ထုံးလုပ်နည်း ညွှန်ကြားချက်အား လေ့လာဖတ်ရှုနိုင်ပါရန် ဖော်ပြအပ်ပါသည်။
https://www.facebook.com/894946967328691/posts/1088006794689373/
EQMM-Anti-Corruption-Policy-2017-Burmese.pdf
.
၅နှစ်အတွင်း အဂတိရမှတ်ပြောင်းလဲပုံ 2012 - 2017
စင်ကာပူ 87 - 84 (ဂုဏ်ထူးမှတ် top 10) -3
မလေးရှား 46 - 47 (၃မှတ်တက်) -1
အင်ဒိုနီးရှား 32 - 37 (၅မှတ်တက်) +5
ဖိလစ်ပိုင် 34 to 34 (၁မှတ်တက်) -0
ထိုင်း 37 - 37 (၂မှတ်ကျဆင်း) +0
ဗီယက်နမ် 31 - 35 (၂မှတ်တက်) +4
မြန်မာ 15 - 30 (၁၅မှတ်တက်။ ၂၀၁၆ အကောင်းဆုံး) +15
လာအို 21 - 29 (၉မှတ်တက်) +8
ကမ္ဘောဒီးယား 22 - 21 (၁မှတ်ကျဆင်း) -1
ဘင်္ဂလားဒေ့ခ်ျ 24 - 28 (၄မှတ်တက်) +4
.
တရုပ် 39 - 41 (သိပ် မထူးခြား) +3
အိန္နိယ 36 - 40 (၄မှတ် များစွာတိုးတက်) +4
https://www.transparency.org/news/feature/corruption_perceptions_index_2017
.
https://en.wikipedia.org/wiki/Corruption_Perceptions_Index
No comments:
Post a Comment